HR.KAJ.NĚ? - Lépa naša kajkavska / pregled tisKAJna

[Ljudevit Kaj]

Međimurske novine,
e-vundato: 03.09.2012.
 
Premišlavanje Jožeka radnika
 
Idem, gledim, poslušam, pak si mislim… .

Krade se na vse strane. Nejpredi so bakreni žlebi nej meli mira gde god bili, a posle so na red došli penezi, srebro, zlato, a več ve niti velečasniki i časne sestrice po farofima ne spijo mirno. Skorom sam pozabil na naše seljake: tam se, isto tak, bere vse kaj raste od kalampera, luka, zelja, paprike, pak vse do jabuki, hruški, marulici, grozdja… Nebodete veruvali, ali požalil mi se direktor naših novin gda mo je nešči fkral (kak to policaji velijo: nepoznati počinitelj) dva pušle novin. Brzčas je to bil nekši novi i nevpučeni tat ak je nej znal gda vu vsim novinama isto piše.


Piše: Jožek radnik

Na leta smo se zbrčkavali z bažola i malo što ga je mel na svojemo stolo, a još meje je bilo onih šteri so ga meli vu svojemo tajero, ali vse se spremenilo čim mo je cena došla na 30 kuni po kili. Znate vi nas Međimorce, čim neka tak čuda košta unda i nekaj vredi i ve bi mam i mi bažola jeli. Ali nega penez, a n iti pak bažola vu našaj vrčakaj, poljo. A vsi znamo gda se je dober bažol navek dauko čul, i unda gda je bil po 15 kuni, a nej kaj se ne bi ve dok je po 30. Kaj reči? Dugo let več bažola ne poštuvlemo, očem reči, ne sadimo ga niti po vrčakaj, a još meje po kuruzaj kak je to negda bilo, rajši ga uvozimo i zgovarajamo se kak drugi imajo bolšega nek je naš domaći. Ve nam je nejbolši tetovac, a ne tak zdavnja smo se falili z našim črešjovcom. Te denešji štacuni šteri vse imajo, a i vejč od toga, uspeli so i nas predelati. Ne tak zdavnja smo se falili i z našim domačim paradajzom z našega vrčaka, a ve jemo one pofarbane i plastične z štacuna.
I to je još nej vse, nek sami sebe uvjeravlemo kak so jako dobri. Vsa sreča kaj nebodemo još kupuvali uvoznoga kalampera, a mislim da nam štacunari i to več pomalem prodavlejo dok naši Beličanci ne znajo kam žnjim. Vse bode tak dugo dobro išlo dok bodemo meli zakaj kupiti vse to, a dok vu žepo sfali unda bodemo jeden drugoga spituvali: A kaj ve? Kaj i ti si lačen? Ve sam se zmislil na soseda Pištija kak je on rešil to divljanje ceni: Kaj me brige kaj benzin ide furt gori, ja več na leta tankam za sto kuni! A za sto kuni se moči jako slabo najesti gda je bažol po 30 kuni, paradajz po 15, a kalamper po 8. Vsa je sreča kaj je još meso po ceni, pak ne tre bažola jesti. Što zna kak bode i to dugo trajalo.

Minuli tjeden sam se nekak dotepel na labodoritaško utakmico gde so igrali naši malo zakajeni labodoritaši  „Romski ogej“. Pomalem sam gledal kak se igra i špnceral sam se okoli igrališta i iskal gde bodem nekoga poznatoga našel. Nikoga sam ne našel, pak sam se pomalem i do šanka dotepel. Zel sam si Žujo i poslušal sam kaj so se spominali vu publiki. Ne bodete veruvali, ali publika, jiv jeno deset, so se ne spominali o labodoritanjo nek o temo što bode novi načelnik policije. Nejsam ruom vse razmel, ali meli so vu rokaj minuli broj naših Međimorskih novin i gledali so slike kandidatov za načelnika. Spominali so se i zbirali so novoga. Na vse zadje sam razmel sam to gda jim je vsejeno koga bodo zebrali sam kaj se rešijo ovoga Iveka Sokačovoga šteri jiv več na leta pregaja.Rekli so: Bilo što sam kaj nebo Ivek ostal! Nejsam uspel zazvediti z kakšim se biznisom bavijo kaj jim Ivek na žulj stal!? Prosil vas lepo, što bi se nadjal gda se i publika na labodoritaškoj utakmici bavi z novim načelnikom policije?

Nej znati kaj bodemo naprajli z tom ambrozijom, očem reči, partizankom? Vse vejč i vejč ljudi kašlja, kiše ili pak se plače dok ona cvete. Verjem gda jo ve bodemo uspeli sfondati dok so naši branitelji zeli stvar (čitaj: kose) vu svoje roke jerbo ak so oni mogli dojti na kraj za našaj neprijateljaj unda bodo i z partizankom. I ja vam imam probleme doma: žena mi se ne zove Ambrozija, ali čudapot počnem kašljati, kihati, a tu i tam mi i suze pobegnejo dok me počeka v ganjko… A vse to sam zbogradi toga kaj sam ostal vu krčmi, pre Štefici, sam malo prek fajronta. Kuliko vidimo neje ambrozija nejvekše zlo!

„Prijateli“ so još ne zakopali ratne sekirke. Nekaj so se fest poštricali gda to nebrejo jedni drugima pozabiti. Ipak mi je nekaj čudno i to jako čudno, kaj pesi nikaj ne lajajo i vse je tak stiha, a nega mira med „prijatelima“. Čudno je i to kaj so si pesi i mački tak zdobra vu skloništo, a ovi jivi gazde (stari i novi) se imajo radi, isto tak, kak pesi i mački!
http://www.prijatelji-zivotinja.org/

Krade se na vse strane. Nejpredi so bakreni žlebi nej meli mira gde god bili, a posle so na red došli penezi, srebro, zlato, a več ve niti velečasniki i časne sestrice po farofima ne spijo mirno. Skorom sam pozabil na naše seljake: tam se, isto tak, bere vse kaj raste od kalampera, luka, zelja, paprike, pak vse do jabuki, hruški, marulici, grozdja… Nebodete veruvali, ali požalil mi se direktor naših novin gda mo je nešči fkral (kak to policaji velijo: nepoznati počinitelj) dva pušle novin. Brzčas je to bil nekši novi i nevpučeni tat ak je nej znal gda vu vsim novinama isto piše. Ili pak je več mel dogovorjenoga biznisa. A mortik je mali sam polagal prijemnoga ispita, oliti maturo. Što zna?

Kaj mi imamo od toga kaj smo jako dobri i kaj nas vseposod falijo? Najme kaj, našaj međimorskaj gospodarstvenikaj dobro ide i čuda več izvozimo nek uvozimo. To je još nej vse: imamo nejbolšo, očem reči, nejbole šparavno bolnico i nebolše doktore vu Lepoj našoj i ve nam jo očejo zaprti. Ako rešijo kaj mi Međimorci več ne bodemo betežni unda nek to i napravijo. I još nekaj, prinas vu Međimorjo dohaja jeden penzioner na dva težake, ali nej znati je li imamo preveč težakov ili pak premalo penzionerov? Verjem gda ste ne zabili kak je na minulaj izboraj naše Međimorje malo počrlenelo i dalo nejveč glasov „kukurikačaj“, očem reči esdepeovcaj, a ve dok bi trebali i nekše peneze dobavljati z državne kase, ve je nešči pipo zapral. Ak tak nastavimo nejbole bi bilo gda nas denejo vu muzej kaj nas bodo kazali drugima kak zgledijo oni bedaki šteri so si vse naprajli sami, a vse režije plačajo na vreme. Za drugo smo ne. Dok mi nekaj trebamo dati, naprajti, unda nas navek najdejo, a gda nam trebajo nekaj vrnuti unda navek zabijo na nas i nebrejo nas najti. I unda neš pil?


Zvir:
http://www.mnovine.biz/novo/index.php?option=com_content&view=article&id=14332:idem-gledim-posluam-pak-si-mislim&catid=301:joek-radnik&Itemid=575
i(l) str. 56. sim
http://issuu.com/mnovine/docs/mnovine886i?mode=embed&layout=grey 
i(l) str. 56. sim
http://www.mnovine.biz/images/pdf/886/mnovine886i.pdf

* * * * * * * * * * * * * * * * * *

Elizabeta Toplek – Teta Liza
Medimurska popevka, 02:42
Međimurska popevka - Smotra hrvatske pučke napevov međimurskoga kraja

Medimurska popevka

[Ljudevit Kaj]

Varaždinske vesti, br. 3531, 04.09. 2012.

Piše Barica Pahič

KAJ je naše pitanje i naš odgovor 

I v naše je doba se več takvih tecov kak v Gruntovčanima 
 
Dobre je zmisliti se i na Ludbrežana Mladena Kerstnera i njegve nezaboravne junake Dudeka i teca, naivca poštenjaka i prefriganoga sebičnjaka i prevaranta, pa mi se vidi da je i v naše doba se več takvi tecov šteri večinu naroda treteraju kak dudeke i z ljudskim se sudbinami igraju kak žongleri. Z lopticami ili rečmi.


Vidi mi se da su ljudi se bolj zabrinuti kaj bu i kak nam bu v nadolazeče jeseni, šteru je navestil, doduše slabi, ali bar nekakvi dežđ. Zabrinuti su poradi suše štera je poharala i riekami okruženu Slavoniju, kam pa ne bi Dalmaciju, Primorje i se ostale kraje.

Ali ljudi još ne očajavaju, a neki se i zabavljaju, pogotove deca. Prolazeč kre jenoga dvorišča videla sam dedeka i babicu kak glediju vnučeca šteri se igra. Dečec skače po travi i v zrak hiče tri-štiri loptice i lovi jih. Vežba se za žonglera šteri bi štel i publiku na Špancierfestu zabavljati i biti kak i mladi Kefelja ze svojimi palicami štere takaj hiče v zrak, verti jih i lovi pa nazaj hiče v zrak. I postal je popularen. Ovie dečec još nemre dugo se loptice poloviti pa jih pobira po trave i pritom nekaj mrmlja. Starci ga opominju da tak ne sme i da to ni lepo.

Nikaj čudno gda se i odrasli i jako važni ljudi štere sake večeri gledimo na televizije (ak imamo časa i živcov) ne igraju ni z lopticami ni z kolčeki, neg z rečmi, se dek neka rieč (kak i loptica) slučajno ne opadne i pokvari igru pa onda tvrde da niesu rekli ono kaj su rekli. Naviek ima onieh šteri prigovaraju, kuneju i bune se.

Ali kaj se more gda su loša vremena i kriza. Zmislim se staroga vica o tem da smo mi v bivše deržave 45 let nezastavljivo išli napred da bi vtvrdili da je zemlja okrugla. A ni v nove niesmo odišli puno dalje. Nezadovoljnikov i cinikov ima navek. Sam se treba zmisliti na Tituša Brezovačkoga, takaj povezanoga z Varaždinom, šteri je svojim “Grabancijašem” nasmijaval ljude prie več od dviesto let i zapisal da v grda vremena ima ljudi šteri se v njima dobre znaju snajti pa “s pesi laju, z voki tule, a z medvedi tancaju”. Dobre je zmisliti se i na Ludbrežana Mladena Kerstnera i njegve nezaboravne junake Dudeka i teca, naivca poštenjaka i prefriganoga sebičnjaka i prevaranta, pa mi se vidi da je i v naše doba se več takvi tecov šteri večinu naroda treteraju kak dudeke i z ljudskim se sudbinami igraju kak žongleri. Z lopticami ili rečmi.

Ali kak v ovi rubriki v pravilu bude i jena popefka, nek to ovie put bude popefka predlani preminuloga našega sugrađana Vlade Korotaja, pesnika i romanopisca.


Hortus Croatiae

Z vrta hrvackoga nigdo ni zišel čist.
Če niš drugo, onda su ga obdišale rože,
ili je bil čudnodišeči kak trpocov list.
Vnogi su šteli, ali nisu zišli vun ste kože.

Hortus Croatiae, regnum Dalmacije, Bosnije, Slavonije…
A Zagorca su pozabili si ludi dobre vole.
A kaj bi s kajkavcom vuši trebili, iskali bohe?
Treba jih s korbačom po hrptu, kakti vole
gda v detelu zajdu ili kuruzu pojeju zelenu…
Regnum regni Dalmacije, Bosnije, Slavonije…
Videli su samo zemlicu zmed Sutle i Drave poškroplenu
z kervjom koju vampir navek ceca, žere i pije.

Hortus Croatiae lepo je navek bilo, milozvučno čuti
zmed korbača i vožeta, zmed smeha i zdvojnoga plača
zanavek podbuhli šlivar nekaj podmukloga muti,
a ja, gosenica za vratom, nebrem nikak dojti do kolača.


Zvir:
http://varazdinske-vijesti.hr/kaj-je-nase-pitanje-i-nas-odgovor/i-v-nase-je-doba-se-vec-takvih-tecov-kak-v-gruntovcanima.html
i(l) str. 27. sim
http://varazdinske-vijesti.hr/pdf/3531.pdf   

Zagorski list br. 277 / 06.02. 2009. / panorama (papérnato izdâjne)

ZA DUŠU, ZA SPOMENEK

Najte biti „tece“


Tak se je pri nas fiže znalje gda je za nekuga rekel da je „teca“, da z tem nekaj nie h redu. Ja i moja deca i den denes, rabime rieč „teca“, za druge, alji i za sebe. Gda tera od nas malje zabrazdi ilji bi napravila ili gibala k kakve bedastoče, druga ju pricukne i velji: „Naj biti teca!“. Se mi unda dobre zname kaj te znači.
…………….
I tak sem pak imela priljiku čujti šlabekuvati naše domače, kak njim je teške razmeti, nas, teri pišeme na domačem, kajkafskem. Kak nie pri nas prepisani i standardni kajkafski, tak si mi pišeme onak kak med sobu govorime. 
…………….
Za stranjske, za one teri teške razmeju veljim da moraju tri put prečitati. Jemput da prešpanciraju po napisanomu, drugi put da se nafčiju čitati, a trejti put da razmeju. Nu lasi mi se zdižeju na domače, e zdej rabim rieč „tece“. Te domače „tece“ terem menjka njihove vlastite sposobnosti da nekaj napraviju najreši pljujeju po onemi teri očeju nekaj napraviti i ostaviti traga za buduče cajte. Glava me bolji gda čujem „tecu“ tera velji, kak je grde čujti meste malo, malje, meste štrukel, štrukelj, i da ne nabrajam dalje. Pun mi je kufer tie „teci“. Morti bi mi triebalje biti se jedne, nu nemrem si pomoči gda sem ne huda, nek pri srcu žalosna, da te domače “tece“ ne da se svojuga sramiju, nek si dopučšaju po domečem pljuvati. Sigurne trieba reči, kaj i sama znam, da se pune domačuga govora zgubilje, da je teške onomu gdo čita, čitati.

Piše: Nevenka Gregurić


Nastavek:
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg3156/#msg3156

Gruntovcani -. Kompanjoni 7 del, 57:16

Gruntovcani -. Kompanjoni 7 del

[Ljudevit Kaj]

Zagorski list
e-vundano: 06.09.2012.

Dnevnik tate Bena

Kat

Opće je poznato kak je recimo matematika jako promjenjiva znanost. Bar mi se tak vidi kad idem h dučan. Splaniram da bum potrošil recimo 200 kuna, a potrošim 250, znači matematika ne štima.

Piše:Tomislav Benčić


Velika promjena dogodila se u Graciinom životu. Od petka i službeno više nije mala beba. Več ne hodi h jaslice nego h vrtič. Do ne zna kak to h Zaboku zgleda da velim da je h prizemlju prostor za male bebe, odnosno jaslice, a gore su več velika deca odnosno na katovima je vrtič.

Dopeljam h petak Graciu do vrtiča, a ona nakon ulaznih vrata automatski skrene prema jaslicama. Objasnim joj da više nije mala beba i da nejde h jaslice, nego da idemo na kat gde su velika deca. Iako promjene znaju biti teške za decu, ova promjena je izazvala oduševljenje. Sve je to za nju novo, mam je se morala videti, a kad je došla doma imala je kaj za pripovedati. Ovo bu i za mene promjena. Saki dan kad ju peljam h vrtič moral bum hoditi sve do kata i natrag. Ipak je to dodatni napor.

Kiša je došla nakon dugo vremena. Mam je nekak tmurno. Pospano. Nič mi se ne dela. Doduše nič mi se ne dela ni kad je sunce. Za poljoprivredu je, veliju stručnjaki, več prekasno. Ali zato nije prekasno za travu. Obično mam kak počne kiša cureti i trava počne rasti. I kaj onda kad trava zraste? Treba ju kositi. Kad se neče sama pokositi.
 
Gledim na dnevniku na televiziji kak se oni kaj štampaju i prodajeju knjige za školu buniju na to kaj deca med sobom mjenjaju ili prodajeju stare knjige. Bit svega toga je da ti nakladnici, izdavači i prodavači manje zaslužiju če si deca zemeju stare korištene knjige. Dalje im još smeta kaj 4 ljete moraju knjige biti iste. Pa veliju da se neke stvari mjenjaju i da su knjige nakon 4 ljete zastarjele. Jer da se stvari mjenjaju.

Opće je poznato kak je recimo matematika jako promjenjiva znanost. Bar mi se tak vidi kad idem h dučan. Splaniram da bum potrošil recimo 200 kuna, a potrošim 250, znači matematika ne štima. Šalu na stran. Kaj se h matematiki na primjer ima za zmeniti h 4 ljete. Nič! I zakaj onda ne bi sljedečih 40 ljet bila ista knjiga iz matematike. Kolko se ja zmislim z matematike na primjer Pitagorin poučak je bil isti kad sam ja išel h školu i denes. A isti je več 2500 ljet. I nije se zmenil. Ili recimo Pi je još uvijek, zaokruženo na 10 decimala 3,1415926536. I 2 plus 2 su furt 4. Osim kad idete nekaj kupiti.

Poznato je da h kemiji treba mjenjati knjigu barem saki mesec. Jer se redovito otrivaju novi kemijski elementi. Ne znam ni kaj bi se h fiziki moglo zmeniti. Osim da morti s nekim novim istraživanjima otkriju da Newton nije videl da s drva opada jabuka nego hruška.


Zvir:
http://www.zagorje.com/kolumne/pregled/dnevnik-tate-bena-kat

* * * * * * * * * * * * * * * * * * * * * * * * * * * * * *


Teta Liza i Lado Deca, moja deca, 02:36

Teta Liza i Lado Deca, moja deca

[Ljudevit Kaj]

Zagorski lost
e-vundano: 07.09.2012.

Iz bakine pučke bilježnice

Kita gore,kita dole!

„ Je, gda je baba ili puca dijiela dukše gače sušit tak da su nogavice bile obrnjene dele, onda se znale da je duostupna dečku ili kakvomu drugomu mužu. Če su nogavice bile gore obrnjene, bil je zabranjen dolazek jer je muž došel dime.

Piše:Zoran Gregurek


Gda mlada žejnske ima raspuštene kite, mam se znale da je slobodna i dečki bi vu te čas počeli s hofiranciju če je puca bila več za ženidbu. Če je kita vu punđu spletena ili su kite prikapčene na druge lasi, tuo je znak da je puca zavzeta ili je več prešla v zamuž, otkrila nam je naša hraščinska baka Ivka, pučka sveznalica.

Starica se odmah i našalila:

„ Kita gore, kita dole ! Negdar toga nije bile kak vezda jer puce nijiesu mijenjale dečke kak spuodnje gače, jer ne daj Buog da bi tuo mati zoznala, vraga bi bile. Denes je muderne gda saku večer imaš drugoga, da se puca male z jednim, male z drugiem kušuje, a več treči dan sedne v auto nešteremu trečemu. Tuo je jena zmešancija. Ve bi si puce puol lasi spukale da spuščaju i prikapčuju kite na glavu kak im se ljubaf mijenja, pak su jen dan zavzete,pak drugi slobodne... „, čudila se baka.

Koji su još bili znakovi raspoznavanja „zauzetih“ od „slobodnih“ dama.

„ Je, gda je baba ili puca dijiela dukše gače sušit tak da su nogavice bile obrnjene dele, onda se znale da je duostupna dečku ili kakvomu drugomu mužu. Če su nogavice bile gore obrnjene, bil je zabranjen dolazek jer je muž došel dime. Iste tak, če je baba štiela da njezin dragi duojde k nje, onda bi vu šparet hitila muokru krpu da bi črni dim kak nuoč išel čez rafanjek. Tuo je znak da on pravi more duojti i da je rafanjek treba hitne odštuopati ( smijeh). Prije nije bile ni telefuona na špagu ni ovoga same za na vuhe nek su se znaki slali kak je šte imel dogovorene“, prisjećala se baka ljubavnih dogodovština od prije više desetljeća.

Što je bilo s bacanjem rupčića pred mladiće?

„ Tuo je bil običaj na velike svetke, pokle meše. Če bi puca iza sebe spazila dečka šteri je se dopada, hitila bi svuoj najlepši rupček na pod, najbolše on svilni šteri bi znala dobiti za Mikulinje. Dečke bi mam svatil kulike je vur i zel rupček i poletel za nju. Onda bi ona male zastala i meknula se od svuojieh paric (vršnjakinja) i šepnula mu gda bi se i de mogli videti. I tak su se negdar rađale ljubavi. Ne prek škatulj nek vu žive, kak Buog zapuvijieda „, odlučna je bila bakica.


Zvir:
http://www.zagorje.com/kolumne/pregled/iz-bakine-pucke-biljeznice-kita-gore-kita-dole

* * * * * * * * * * * * * * * * * * * * * * * * * * * * * *

Snočka kesno
Dunja Knebl – SNOĆKA, 03:27

Dunja Knebl - SNOĆKA

[Ljudevit Kaj]

Varaždinske vesti, br. 3532, 11.09. 2012.

Piše Barica Pahič

KAJ je naše pitanje i naš odgovor 

Dohajaju Barokne večeri, a skup z njimi i branje grozdja
 
Jena mi je gospa v Krapine rekla da kajkafski pesniki preveč popevlju o kletima, vinu i pijači i da zato naše kajkavske popefke niesu tak popularne kak su dalmatinske gdi se popevle o ljubavi, ljubavni čežnji i morju. To me malo zasmetalo  jer i jeni i drugi skažuju ljubav za rodni kraj  pa su i fnoge kajkavske popefke jako popularne.  Jasne je da je jakša ljubavna čežnja gda dragi otplovi na morje, a draga čeka i strahuje jel se bu vrnul ili ga morje bu odneslo. A ovde nema morja ni takvoga straha. Kak  jake strahovati da ti se dragi ne vrnul z gorice?  Če ne denes, onda zutra jer se sigurno nadelal i z društvom malo več potegnul. Do zutra se bu streznil*. Veli se da niesi eht Varaždinec če nemaš gorice na Varždinbregu ili pak negdi v blizine.

Čez varaždinske vulice je prohujala  zabava i norija. Ljudi su se malo špancerali, ophajali koncerte,   razgledavali,   kupovali,   pili  i malo se družili z starimi prijatelji i z novimi poznaniki šteri su prihajali  v naš grad da znovič vide čudo kaj se Špancirfest zove. Bilo jih je ze sieh stran sveta, od Amerikancov i Englezov do Japancov i Kinnezov.

Dohajaju Barokne večeri, a skup z njimi i branje grozdja  na Varaždinbregu i okolnimi bregi.  Je, branje ili trgatvu grozdja i gorice ne spominjem sam tak. Zapraf, povod mi je dal Znanstveni skup o kajkavščini v Krapini na šterom se naravo največ govorilo o  razlogima zakaj se za nju treba brinuti. Njejno čuvanje donosi kajkafcem i kajkafski književnosti veče poštovanje  i zjednačavanje z onemi šteri govoriju drugač i oneh šteri znaju same jezični hrvatski standard. Kajkafci se buniju kaj se njhevi nazivi sel, mest i gradov poštokavljeju, a z tiem se briše i dokaz da su to kajkavski hervatski kraji, pa se za sto liet, ak bu politika tak štiela,  ne znalo na čiji zemlji žive.i komu su kajkavski kraji pripadali od davnin.

No,  vrnimo se nazaj goricam, grozdju i branju, a z tiem i na kajkafske popefke štere budu sigurno zvonile po bregi v duoba branja. Jena mi je gospa v Krapine rekla da kajkafski pesniki preveč popevlju o kletima, vinu i pijači i da zato naše kajkavske popefke niesu tak popularne kak su dalmatinske gdi se popevle o ljubavi, ljubavni čežnji i morju. To me malo zasmetalo  jer i jeni i drugi skažuju ljubav za rodni kraj  pa su i fnoge kajkavske popefke jako popularne.  Jasne je da je jakša ljubavna čežnja gda dragi otplovi na morje, a draga čeka i strahuje jel se bu vrnul ili ga morje bu odneslo. A ovde nema morja ni takvoga straha. Kak  jake strahovati da ti se dragi ne vrnul z gorice?  Če ne denes, onda zutra jer se sigurno nadelal i z društvom malo več potegnul. Do zutra se bu streznil. Veli se da niesi eht Varaždinec če nemaš gorice na Varždinbregu ili pak negdi v blizine.

Jeno vreme je vladala prava pomamnost za komadičkom zemljice na šterom bi se napravila klet i nekaj trsekov posadilo. Za rekreaciju, za kontakt z prirodu, za malo vinčeka za kriepost i veselje, bez ikakve druge koristi. Onak za dušu. A denes se veli da su Varaždinci gorice delali iz hobija, a denes su jim  robija. Jeni su ostareli pa ne smeju piti, a drugi bi došli sam v branje i na zabavu z prijatelji. Za drugi posel jih ne blizu.

- A popefke? - pital bu morti šteri zaljubljenik f kajkafsku poeziju. Pa kaj ne vidite da nemam mesta za nju? Otidite na skorem na brege. Ak nemate gorice, imaju jih vaši rođaki ili prijatelji. Bute čuli i  “Dobro mi došel prijatel”    i “ V jutro dišeče…”  i “ Ak sem ti srčeko ranil” i tak dale. Bregi buju zvonili od popefkih i smeha, slatko vam grozdje bu dišalo i nepce sladilo... I vam bu došlo da nekaj zapopevljete pa buju si bregi našega kraja i vam  i siem nam jedna prelepa popefka. Zapraf simfonija!



Zvir:
http://varazdinske-vijesti.hr/kaj-je-nase-pitanje-i-nas-odgovor/dohajaju-barokne-veceri-a-skup-z-njimi-i-branje-grozdja.html
i(l) str. 37. sim
http://varazdinske-vijesti.hr/pdf/3532.pdf   


*

Slavica Sarkotič

                  DVA STARA PRIJATELA I ZAČARANA ŠUMA

- Da nes tudek več milijon put prešel,  rekel bi da je negdo šumu zacopral. - frktal je Matek dok je s teškum  mukum pukal noge s čižmami na tere je bilo par kil blata z bljuzgavice.
- Dej muči Mato. Sad je kesno rogobunjiti.  Sem ti lepo rekel da idemo okolo,  cestum, ali ti si štel ovud,  čez šumu poprek,  da nam bu bliže.  Pak sad naj jamrati.
.........................
Sad ovak, zgublenima f šume na teru se več popraf bila spustila noč, sekej im je padalo na pamet, pak i to su li morti pogrešili kaj od tega trsja več zdamlek nesu zdigli ruke.

Nastavek:
http://www.forumgorica.com/kajkavski/pro(iliti)za-kajkavsku-p(r)oeziju/msg46068/#msg46068

VICE VUKOV 1985 Dobro Mi Došel Prijatel, 04:25

VICE VUKOV 1985 Dobro Mi Došel Prijatel

[Ljudevit Kaj]

Međimurske novine,
e-vundato: 10.09.2012.
 
Premišlavanje Jožeka radnika

Prilok vu Ginisovoj knigi

Priločki gracki načelnik, gospon Dragec Glavinov, je zrihtal građevinsko dozvolo za Osterajh fabriko šolci (cipelišov) za sam dva tjedne i tak je stiha, stiha ušel vu Ginisovo knigo rekordov. Dok sam po Čakovco falil Priločance kak so fletno zbiksali to dozvolo, napali so me fraj umjetniki, pre čakoski gracki vuri, kak je to nej nikša sreča za Prilok i Priločance jerbo je to zmazani posel i zmazana fabrika.
Falš. Pak vu Priloko se bodo delali sam novi i čisti šolci, i to za izvoz, i nega nikaj zmazanoga vu tem poslo. Pak kaj oni očejo, pak i vu Gorčano imajo takšo čisto fabriko za šolce. I to na leta.


Minister Jakovina se dela norca z toga kaj „seljaki“ (čiataj HSS) skupljajo potpise i očejo kaj bi Vlada zmenšala PDV-a na hrano i to sam zbogradi toga kaj so „seljaki“ bili na vlasti dvanaest let i nigdar jim je to nej na pamet palo. Minister se pozabil posipati z pepelom i priznati gda so jegovi „kukurikači“ zdigli ceno plino i to tre platiti, zdigli so ceno struji i to tre platiti, zdigli so pedeveja i to tre platiti, a i cene hrane se vsaki den smickajo prema gori. Predi je ljudima, dok so vse poplatili, ostalo i za jesti, a ve jim ostaja sam za kruh i mleko. I nej se tre zbogradi toga srditi i norca delati, nek biračko telo samo odluči kaj oče i nek rečejo je li imajo kaj jesti ili pak nemajo?

I nas vu lepom malom Međimorjo je dežđ zbegaval tak gda je suša pobrala vejč od pol onoga kaj je ovo leto trebalo zrasti. Dok so seljaki prijavili kuliko so gde kvarni zišlo je na to gda so nej huje prešli oni vu Nedeliščo, Strahoninco, Maloj Sobotici, Kotoribi i vu Grado Čakovco. Dok je to zazvedil župan je mam proglasil elementarno nevolo, a verjem gda so te opčine nej nastradale zbogradi toga kaj je tam esdepe na vlasti!?

Gda se čovek malo prešpancera po Čakovco ima kaj videti. Dela se na vse strane, popravlajo se trotari, popravlajo se vulice, dečja igrališča, popravljal se vrtec, lišpajo se škole vrteci, popravlja se krov na Časničkomo domo… Vse je najempot živnulo, a do fčera ga nej bilo penez niti za lek. Prvo kaj mi je palo na pamet je to: brzčas je gradonačelnik Šalamon dobil na loto?

Dela se na vse strane, a nikak gda se popravijo hupseri na vulici polek autobusnoga kolodvora i Macanovoga doma . Najme kaj, o temo smo se več spominali, i mi, a i čakoski gracki večniki, kak so, pred par let, Čakomovi težaki zeli fkrej rubnike polek ceste kaj bodo invalidi leži išli prek ceste, a unda je ondašnji glavni međimorski cestar, gospon Šarić, navlekel hupsere tak gda ve invalidi idejo z trotara vu grabo, z grabe na hupser, z hupsera vu grabo, a z grabe na trotar z druge strane vulice. Minuli tjeden sam tak gledal jedno starešo mamico štera je rivala kolca pred sobom i po temaj bregecaj i grabaj je pala. Verjem gda je zadji cajt kaj se to zravna kaj bodo vsi šteri hodajo pešice mogli normalno hodati prek ceste, kak oni zdravi, tak i oni z kolcaj. A vsi znamo gda po temaj zebraj (čitaj: hupseraj) prejde jako čuda ljudi, a još več ženi jerbo je tu autobusni kolodvor, tu se ide v bolnico i tu je nejprometneša vulica. Verjem gda bode of dobiček na loto dostik kaj se i to popravi.

Rekel sam več gda se, po celomo Čakovco, popravlajo i igrališča za deco. To je jako lepo i dobro i to tre pofaliti kaj se deca imajo gde igrati. No, nebrem nikak razmeti zakaj se na tim igrališčima smejo igrati sam deca do dvanaest let. A kaj se z starešom decom? Kuliko je meni poznato nešterni odrastejo z 12 let, nešterni z 13 ili pak 14, a nešterni nigdar. A kaj bodemo z onima kaj ostanejo deca zanavek? I kam nek idejo oni z 13 ili 14 let? Nebrejo vu park jerbo so premladi i nema jim što pijačo kupiti. Bil sam vam na čakoskomo Jugo i sosed je natiral z igrališča vse stareše od 12 let. A labodo so ritali. Mortik se to naprajlo zbog kilaže? Ali vsi znamo gda kilaža navek ne dohaja z letima. No to je još nej vse. Mi po dnevo tiramo z igrališča one malo stareše i puneše kaj ne bi spotrli igračke, a navečer dojdejo puca i dečko šteri se skup nušejo na jednoj nihaljki. I nihaljka zdrži tak dugo dok zdrži, dok joj ne poči kičma. Jim je lepo i nišči jim nikaj ne vupa reči ak neče kaj ga nekam pošlejo. Teško je tu biti spameten i delati po pravici. No, ali me ipak gvinta to: kak dugo so naša deca deca?

Počelo je novo školsko leto, kak za naše đake tak i za navučitele i navučitelice. Nej znati komo je teži palo kaj je ferije tak fletno minulo? Najbrž so nejhuje prešli roditeli šteri so morali kupiti knige, taške, patike, opravo za svojo deco, tak gda je to još jeden udar na, ionak, na pol prazen žep. To vse tre zdržati, za deco navek moramo meti, pak makar nam posle ne ostane niti za jesti. I unda se minister Jakovina čudi zakaj bi „seljaki“ šteli zmenšati pedeveja na hrano? Sam zato kaj bi ljudi meli kaj jesti. A kaj tre još nekši drugi razlog?

Priločki gracki načelnik, gospon Dragec Glavinov, je zrihtal građevinsko dozvolo za Osterajh fabriko šolci (cipelišov) za sam dva tjedne i tak je stiha, stiha ušel vu Ginisovo knigo rekordov. Dok sam po Čakovco falil Priločance kak so fletno zbiksali to dozvolo, napali so me fraj umjetniki, pre čakoski gracki vuri, kak je to nej nikša sreča za Prilok i Priločance jerbo je to zmazani posel i zmazana fabrika. Nejsam znal kaj reči i stal sam dva korake nazaj, ali sam mam nazval pajdaša vu Prilok i to sam mo zbajal kaj pripoveda čakoski  glas naroda. Nasmejal se i to na glas, a unda mi je počel nametati jalnuše i kak se njikaj ne razmem vu šolce, a na vse zadje mi je otpovedal: Pak vu Priloko se bodo delali sam novi i čisti šolci, i to za izvoz, i nega nikaj zmazanoga vu tem poslo. Mam mi je vse bilo jasno. Restiral sam ove umjetnike pre vuri šteri so šteli z mene hrmaka naprajti i posvaditi me z pajdašom z Priloka. Prekesno sam se zmislil: Pak kaj oni očejo, pak i vu Gorčano imajo takšo čisto fabriko za šolce. I to na leta.
http://www.emedjimurje.hr/gospodarstvo/hrvatska-se-divi-u-prelogu-gotovo-nema-nezaposlenih

Ipak bodo se, na vse zadje, sredjoškolci i sredjoškoljke vozili vu školo zabadaf, kaj znači gda je prvi minister Čačić govoril istino na Belici dok je otpiral dvorano. Toplo se nadjam gda naši đaki nebodo hodali vu školo zabadaf?


Zvir:
http://www.mnovine.biz/novo/index.php?option=com_content&view=article&id=14409:prilok-vu-ginisovoj-knigi&catid=301:joek-radnik&Itemid=575
i(l) str. 56 sim:
http://issuu.com/mnovine/docs/mnovine887i?mode=embed&layout=grey .
i(l) str. 56 sim:
http://www.mnovine.biz/images/pdf/887/mnovine887i.pdf

* * * * * * * * * * * * * * * * * * * * *

Setala se fajna Mara KUD Prelog, 02:47

Setala se fajna Mara KUD Prelog

[Ljudevit Kaj]

Varaždinske vesti, br. 3532, 11.09. 2012.

Piše Barica Pahič

KAJ je naše pitanje i naš odgovor 

Političari navek splezaju gore, a glasače ostave “v doline”  

A i kaj bi vriedilo da se ja protif nečega bunim. To bi bilo kak da f morje pljunem i morti bi nekomu same pojačal opčutek gorčine šteru si mi se jakše osečamo, a nekomu ni to. Pa si vidimo da cene i porezi rasteju, a plače i mirovine stoje v položaju šteri je sklon padu.. A pisanje na kajkafščine ipak nekomu nekaj znači pa neki veliju da jim je oko srca toplo gda prečitaju šteru dobru kajkafsku popefku f štere prepoznaju diel svoje duše. Bar mi tak veliju.


Prigovaraju mi neki čitatelji da v svoji teksti neke probleme sam pehnem, a onda od njih odustanem. Misle da sem strahu glipše vu nje zaroniti. To i je i nie istina. Istina je f tomu kaj je moja rubrika namienjena pisanju o kajkafčine, a nie o politike na primer. Pa i ja vidim da se f politiku rievljeju ljudi šterimi je pervi cilj vlast i dobra plača, pa zate obečavljeju “brda i doline”, a da splezaju gore, a glasače ostave “v doline”, za se kriviju one prie sebe i tak ispadne da nišči nie krif i da se prinas se dogaja po Duhu Svetom.

A i kaj bi vriedilo da se ja protif nečega bunim. To bi bilo kak da f morje pljunem i morti bi nekomu same pojačal opčutek gorčine šteru si mi se jakše osečamo, a nekomu ni to. Pa si vidimo da cene i porezi rasteju, a plače i mirovine stoje v položaju šteri je sklon padu.. A pisanje na kajkafščine ipak nekomu nekaj znači pa neki veliju da jim je oko srca toplo gda prečitaju šteru dobru kajkafsku popefku f štere prepoznaju diel svoje duše. Bar mi tak veliju.

F takvimi promišljanji sam iskala pesmu štera bi mogla pasati za ovie broj i male prelistala zadnji Varaždinski književni zbornik, glasilo Varaždinskoga književnoga društva, štero je doživelo i svoj petnajsti broj. Vu njem se furt najde i dost kajkafskih tekstov. O tem je govora bilo i na ovolietnomu Znanstvenomu skupu o kajkafčine v Krapine gdi je i predavačem i radoznale publike štera ga prati, još jemput pretstavljeni “Garestinski hortus verbi” dr. Jože Skoka. O značenju te, za varaždinsku kulturu jake važne i vriedne knjige, govoril dr. Ivo Kalinski, pa mi je zgledelo da je ta naša varaždinska književnost, gledeči ju z drugoga kuta, važnejša neg se Varaždincem čini. I pri srcu mi je bilo lepo od spoznanja da to kaj delamo i književni stručnjaki za dobro deržiju.

Ovie put bum vam predstavila Miru Šincek, štera doduše ni rođena Varaždinka, ali od svojega tretjega leta vu Varaždinu živi i piše i na kajkafčine, vgavnem popefke, a na standardu pripovetke štere se, dramatizirane, moreju čuti na Prvom programu Hrvatskoga radija v emisiji “Priče za laku noć”. Objavila je dve knjige za decu (“Detinjstvo na dlanu ljubavi” i “Laku noć maleni”) i knjigu putopisa “Kamenčići splanina”. Profesorica je na Gospodarski školi vu Varaždinu, a sudeluje i na semi natječaji kajkafske poezije. Ovdi morete prečitati njejne lirske minijature o temi našega lepoga po baroku i cvetju poznatoga grada.


Kipeci z Varoša

Park
Vu senci kostaja
Jagić je stal.
Na otprti knjigi
popevle ftič.

Podne
Na Varaždinski večnici
vu pol beloga dana
cajgeri se naglas
kušuvleju.

Na Korzu
Saku nedelu z katedrale
angeli vujdeju.
Celo Korzo
dečjim smehom zvoni.


Zvir:
http://varazdinske-vijesti.hr/kaj-je-nase-pitanje-i-nas-odgovor/politicari-navek-splezaju-gore-a-glasace-ostave-v-doline.html
i(l) str. 26. sim
http://varazdinske-vijesti.hr/pdf/3533.pdf     


KUD Kupljenovo - Kupljenski kipec, 04:58
29.4.2009. - HTV-ova emisija "Lijepom našom", Zaprešić

KUD Kupljenovo - Kupljenski kipec

[Ljudevit Kaj]

Međimurske novine,
e-vundato: 17.09.2012.
 
Premišlavanje Jožeka radnika

Sulejman nam je važneši od Zrinskoga!!!?


Piše: Jožek radnik

Ve smo pak znova, mi Međimorci, pokazali kuliko držimo do Mikloša Zrinskoga Sigeckoga. Najme kaj, vu minuli petek, sedmoga septembra, smo obslužavali 446.-to obljetnico kak so ga Turčini sfondali vu Sigeto. Jega i jegovih cirka pecto vojnikov. Verjem gda vam je poznato gda je Turčinov bilo čuda čuda vejč, a žnjimi je komanderal Sulejman Veličanstveni. No, ne bi znal kuliko vam je poznato gda je Sulejman hmrl istoga dneva gda je Mikloš poginul, ali so to Turčini skrili od svojih vojnikov. Ovo leto je bilo isto onak kak i pred 446. let pod Sigetom: Naših ljudi je bilo cirka okoli sto pre Svetoj Jeleni polek mauzoleja vu šteri so zakopali Mikloša Zrinskog, a par jezeri nas Međimorcov je gledalo serijo o Sulejmano Veličanstvenomo na televiziji. Navek so nam važneši stranjski, a svoje ne poštuvlemo i zamečemo makar je Čakovec Grad Zrinskih, a isto tak je i naša županija Županija Zrinskih. Vse je to lepo i dobro, ali so se v Sveto Jeleno došli pokloniti naši sosedi z Hungarije, a došla je i klapa Luka iz Ploča, ali Šenkovčarima je bilo predalko kaj bi došli jene vu drugo vulico. Dečki z Ploča so strašno lepo popevali, a bilo jiv još i lepše čuti, ali nešterni šterima to partija ne dopušča so nej vupali v cirkvo tak gda so domjenka počakali na nejbližešoj terasi. Nek jim bode žal, ali to popevanje je bil svetek za vuha, a brzčas se cirkva ne bi bila zaruhnula ak bi par nezerenušov nutri došlo.Em je nova, em je još pod garancijom! Vsi so mam v zrak skočili, na radio so furt ponavlali, a na televiziji vrteli gda se zazvedilo gda je naš precednik Vlade, a nezerenoš, Zoki Milanović, nekaj rekel kaj vu Bibliji piše. Dok se to malo bole i malo bliže pogledne unda se dojde do toga gda je nej vse to z Biblije nek sam malo vejč od pol. Najme kaj, Zoki je rekel: nek mi se posuši desnica ak pozabimo Slavonijo. A kaj reči na to? Moram vas pitati: A znate vi što je Zokijova desnica? Kak ne znate, pak opozicija, hadezeovci!?

Naši ministri Siniša Hajdaš Dončić i Gordan Maras so se odpelali vu Kino kak bi Kinezima ponudili vse ono dobro kaj jim Lejpa naša more ponuditi. Domačini so jiv lepo poslušali i na vse zadje so pitali kakša smo država i kuliko ga je nas Hrvatov? Minister Hajdaš je lepo otpovedal gda smo sredje razvijena zemlja i gda ga nas, po zadjemo popiso, nekaj vejč od štiri milijonov. Unda pak ga je domaći minister za trgovino malo čudno pogledal, pak mo je rekel: A zakaj ste unda nej vsi došli?

Najte me nikaj pitati zakaj, gde i što, ali otkak je minister Ranko Ostojić zebral Krunija Gosarića za novoga načelnika Međimorske policijske uprave i zmenil Iveka Sokača mam se počelo čuda vejč krasti. Prosim vas lejpo, najte me nikaj pitati!?

Mortik vam ja nemam praf, ali mi se nekak zdi gda naša Vlada ima dve politike: jedno za Jug Lejpe naše, a čistam drugo za Sever i Međimorje naše malo. Najme kaj, vse je več prepravleno kaj bode se delal Pelješki most samo još Evropa mora dati peneze. Probajte se zmisliti kak so esdepeovci bili protiv toga mosta i kak so pili krf na slamčico Jadranki dok so bili vu opoziciji, a ve čim so došli na vlast mam so se prijeli za tej most kak pijanec za plot. No, najte me krivo razmeti, nejsam ja protiv mosta, ali zakaj so ve naprajli hrmaka z Lesarovoga mosta na Muri pre Svetomo Martino. Most je tu, on dela, ali je zaprta meja i prijelaz vu Deželo. Verjem gda vam je poznato gda je to most prek Mure šteri spaja Međimorje i Hrvaško. Vsi znamo gda je Međimorje naše malo, falačec zemle med dvemi vodami, a prek Mure je Hrvaška. No, nebrem to razmeti kaj je ve trelo zapirati toga prelaza par meseci predi nek bodemo zaprli vse prelaze. Kak god so se onda smijali z toga Lesarovoga mosta, čovek ima svojega mosta, a velijo gda je vu životo nigdar nej nikaj napravil, ali tej je most hajdig reda na pravil na toj našoj meji z Deželom. Ak ste pozabili bodem vas zmislil, Janezi so navalili na nas i šteli so kaj bi jim priznali kak je meja na Muri. To je hajdig dugo trajalo, a gda smo naprajli mosta unda so se vgasli. Moj japica je rekel: - Meja je odnavek bila na Muri sam je unda Mura tekla čistam polek Lakoša, a to je par kilometri dale vu Deželo. A i Raskrižje je odnavek bilo Hrvaško, ali smo ga, na vse zadje, potepli. Vsa je sreč kaj je bar Štrigova naša kak so Janezi pošlokjeni.

Navek sam veruval gda ga vu politiki dosta mesta za vse jerbo ga političarov premalo, ali ve vidim gda je nej navek ruon tak. Nešterni se svadijo, polevlejo, pak i bijejo. Nej znati kakši je to den bil, pred dva tjedne, vu Doljnjemo Kraljevco gda so kupice v zrak skakale i gda so se hadezeovci zbili med sobom? Brzčas je to moral biti nekši teški den, južina ili pak sparina ili nekaj još hujšega. Oni šteri so tam bili prepovedajo gda so se Ivković i Cerovec polevali, gda so se narivavali, gda so kupice trli, gda je i malo krvi poteklo (ne zna se točno čije), ali gda je, na vse zadje, vse završilo na šanko z jeno par putovalnih. I kušleci so pali. Kuliko se meni zdi za vse so krivi te novinari šteri mam vse napišejo kaj čujejo i vidijo, kak gda jedva čakajo kaj posvadijo naše političare. Pak kaj so nej čuli za selektivno pisanje?


Zvir:
http://www.mnovine.biz/novo/index.php?option=com_content&view=article&id=14519:sulejman-nam-je-vanei-od-zrinskoga&catid=301:joek-radnik&Itemid=575
i(l) str. 56 sim:
http://issuu.com/mnovine/docs/mnovine888i?mode=embed&layout=grey
i(l) str. 56 sim:
http://www.mnovine.biz/images/pdf/888/mnovine888i.pdf 

* * * * * * * * * * * * * * * * * * * * *

Nikola Šubič Zrinski Sigetski - 1. del, 5:01
Govor doktora Zvonimira Bartoliča v Zaboku 6. rujna 2008.
http://www.youtube.com/watch?v=R6YkP8-OyTs

Vice Vukov - Beli most, 03:31
klavirski beglajt: Emil Vukov
mužika: Muhamed Sow
versi: Ivan Goran Kovačič

Vice Vukov - Beli most

[Ljudevit Kaj]

Varaždinske vesti, br. 3532, 11.09. 2012.

Piše Barica Pahič

KAJ je naše pitanje i naš odgovor

Pesnik koji je samoču iskal na Varaždinbregu, med trsjem
 
Zakaj bregi i gorice?
To me zmislilo na našega varaždinskoga pesnika Zvonka Milkovića, šteremu je naskorem oblietnica rođenja, a šteri je i sam na Varaždinbregu puno ophajal gorice i na fnogi put se tu nadahnul za svoje popefke. Varaždinci mu duguju zahvalnost, nie same radi pesničkoga delovanja, neg i književne zaostavštine šteru je poklonil naše gradske knjižnice.


Vrieme branja grozdja je došlo i prešlo, ali Varaždinu okolni bregi niesu još zamukli. Još se diela, nadgledavlje kak se mošt bučka v lagvi i obavljaju zadnji posli prie nek se se zmiri v očekivanju da nam jesenski dežđi natopiju, a sniegi zabieljiju zemljicu onak kak je o tem popeval D. Domjanić v popefki “Kesni sneg”: “… dragi beli snežek, tiho padaj kak da dragaš…”

Morti se šteri čitatelj vezda pita kaj mi je došlo i kakve veze ima takev začetek ovega teksta (osim citierane pesme) z oniem kaj bi se trebalo najti vu njem. Zakaj bregi i gorice?
Ima, ima! Se to me zmislilo na našega varaždinskoga pesnika Zvonka Milkovića, šteremu je naskorem oblietnica rođenja, a šteri je i sam na Varaždinbregu puno ophajal gorice i na fnogi put se tu nadahnul za svoje popefke. Varaždinci mu duguju zahvalnost, nie same radi pesničkoga delovanja, neg i književne zaostavštine šteru je poklonil naše gradske knjižnice.

Matica hrvatska, Varaždinsko književno društvo i Gradska knjižnica “Metel Ožegović” pripremaju obilježavanje njegvog rođendana. Predavanje o pesniku bu imal mr. Ernest Fišer, šteri je 2004. leta pripremil i vun dal Milkovićeve “Pjesme samotnika” i najpozvaniji je o njem govoriti zate kaj je najglipše zaronil v njegvo pesničko stvaranje. A poštovatelji književne rieči i oni šteri bi šteli odati ovolietnu počast našem pesniku, nek dojdu na proslavu. Obavest bu jim još došla.

O tem pesniku, najbolj poznatom varaždinskom književniku i predstavniku varaždinske književnosti z doba moderne, šteri je bil uvršten i v poznatu antologiju “Hrvatska mlada lirika”, pisali su i fnogi drugi književni stručnjaki i kritičari. Zadnji od njih je dr. Joža Skok, šteri je o Milkoviću napravil opširni prikaz v “Garestinskom hortusu verbu”.

Poštovatelje pesništva bumo zmislili na to da je Zvonko Milković rođeni Varaždinec. Rodil se 1. listopada 1888. leta, a i vumrl je vu Varaždinu 1. ožujka 1978. leta. Objavil je ili vun dal zbirke popefki; Pjesme, Pobožni časovi, Legende o sakritoj sreći i putopis Krenimo u rano jutro . I pokle njegve smrti mu je tiskano nekaj knjig. Maker je pretežito pisal književnim standardom, ima i kajkafskih popefki. Varaždin mu je, kak to veli prof Skok, bil “ biografsko, motivsko, emotivno- psihološko i kulturološko ishodište i utočište”. To je pesnik “intime, tišine i samoće”, koju je iskal i na Varaždinbregu, med trsjem i med ljudmi šteri su v goricami delali. Zate za kraj nek bu njegva pesma.


Jesensko kopanje

Od zaran, od zaran
Kopamo več celi dan   
Celi božji dan.             
-Pazite na trsje!   

Giba se, prigiba se,
Gdo ni jak dost, ziba se,
Več diši po snegu.

Od zaran, od zaran
Kopamo več celi dan-
Vetrek, vetrek kaj se sipleš?
Po prstima tin as ščipleš,

Od zaran, od zaran -
- Ajda, ajda!dugi žlak,
Z motikami podjednak,
Giba se po bregu...


Zvir:
http://varazdinske-vijesti.hr/kaj-je-nase-pitanje-i-nas-odgovor/pesnik-koji-je-samocu-iskal-na-varazdinbregu-med-trsjem.html
Ov put članka nema v papernatomu vundajnuVV-a:
http://varazdinske-vijesti.hr/pdf/3534.pdf

* * * * * * * * * * * * * * * * * * * * * * * * * * * * * *

Kmeti - Tam po bregu mi je trsje, 02:40

Kmeti - Tam po bregu mi je trsje

[Ljudevit Kaj]

Međimurske novine,
e-vundato: 24.09.2012.
 
Premišlavanje Jožeka radnika

Političari so branitelje stirali vum z cirkve .

V pondelek 17. septembra smo preslavili 21. obljetnico otkak je Međimorje naše malo oslobođeno od Jugosoldateske. Položili smo vence pre spomeniko vu parko, vužgali sveče pre zido gde so  naši branitelji šteri so dali svoje živote za Lejpo našo i okrili spomen pločo na ulazo vu negdašjoj kasarno. Vse je to lepo i dobro, ali je ovo leto prvipot nej bilo meše vu cirkvi za vse poginule i nestale branitelje. Nej znati što je to tak zakukurikal, a vsi znamo gda so naši heroji išli vu rat z krunicaj okoli šijaka i gda jim je dragi Božek pomagal, a ve ga tak zapravljamo!

Piše: Jožek radnik


Minuli tjeden se vseposot pisalo i pripovedalo kak so se gospoda Vladek Ivković i Ivek Cerovec, ugledni i dugoletni članovi nejjakše stranke vu opoziciji (bar za ve) hadezeja posvadili i pokefali vu Doljnjemo Kraljevco. Jiv županijski precednik, gospon Darko Horvat, nam je lejpo pojasnil kak so to novinari vse napuhnuli, tak gda je on moral reči pravo istino. A to je: spomenuta gospoda so skup došli vu krčmo, a isto tak so, črez vuru, dve, skup i zišli vum. A kaj je nutri bilo o temo nam je gospon precednik nikaj ne govoril, pak si moramo, na vse zadje, zebrati od onoga kaj so nam pripovedali oni šteri so tam bili i šteri so vidli.

Najte me krivo razmeti, nemam vam ja nikaj protiv hadezeja, ali vu toj stranki se nekaj kuha. Nebrem reči gda se oni resteplejo, ali nešterni odhajajo ili pak ne dohajajo dok treba. Vse drvje i kameje je hičeno na glavnoga kuhara, kak so ga od milja Štefa nazvali, a včasi bode se vidlo je li so nekaj krivi i oni šteri so na ogej metali, kak i oni šteri so prpra i papriko, po skrivečki, vu lonec nasipavali?

Još jempot smo mi Međimorci dokazali gda smo vekši katoliki od pape. Najme kaj, jedino kaj se, vu ovom cajto, prinas vu Međimorjo zida je šporcka dvorana pre školi vu Svetomo Jurjo na Brego. Vsi znamo gda naši zidari, a i ostali meštri šteri delajo polek i posle zidarov nemajo kaj delati, ali našo dvorano pre Jurjo zidajo meštri z Slavonskoga Broda. To je još nej vse. Treba i namještaja dopelati vu dograđeno školo i dvorano, a i to smo dali dečkima z Slavonskoga Broda. Po onoj staroj pučkoj: Kud krava tud i tele! Prosil bi lepo naše međimorske političare kaj bi oni pelali naše meštre vu Slavonski Brod i kaj bi jim tam nekšega posla našli. A ako pak to ne bi išlo, unda pak si nek, bar dva-tri mesece, idejo tua po plačo!?

Naš novi državni labodoritaški trener i Dalmatinec, Igor Štimac, počel je svojega posla jako domoljubno i po željama. Najme kaj, počel je metati vu reprezentacijo vse one šteri očejo igrati. No, nej ruon vse, sam one šteri so mo zemljaki. Tak so več svoje prve tekme zigrali, još junjori, Mario Maloča i Josip Radošević. Vsi znamo gda i pesme po željama na radio koštajo, a brzčas su tu tarife čuda vekše. No, ak pak je ne preveč drago mogel bi se i ja zapisati, jerbo mi nej preškodilo kaj bi se, zutra ili pak prekzutra, falil pred vnukima kak sam igral za vatrene, pak makar i protiv Hajduka z Brezja.

Čuda je reči i tinte, vu ove dneve, potrošeno na našega Mikloša Zrinskoga, šteri je ratuval protiv Turčinov vu Sigeto i tam je ostal brez glave. Hajdig je onih zvanih, a još vejč onih drugih, reklo svoje mišleje o našemo sigeckomo junako, a i o jegovomo protivniko Sulejmano Veličanstvenomo. Nejsmo mi jalni Sulejmano kaj je on Veličanstveni, nek smo srditi kaj je naš Mikloš nej isto takši. Rekla je soseda Franca: Kak se kcoj držimo tak nam je i je. Brzčas ima ona praf. Isto tak si gruntam zakaj mi furt pripovedamo gda idemo vu Sigetvar, a dok Mađari idejo k nam oni idu vu Čaktornjo. Ak se Zrinski boril v Sigeto unda ga nebremo iti iskat vu Sigetvar. Skradja je vura, oliti zadji cajt, kaj se to navčimo. I to vsi. I to je još nej vse. Prosim vas lejpo kak bode naš Mikloš Zrinski Sigecki veličanstveni gda smo vu čakoskomo parko zdigli spomenika meter cvancik? Pitam vas: Kak?

V pondelek 17. septembra smo preslavili 21. obljetnico otkak je Međimorje naše malo oslobođeno od Jugosoldateske. Položili smo vence pre spomeniko vu parko, vužgali sveče pre zido gde so  naši branitelji šteri so dali svoje živote za Lejpo našo i okrili spomen pločo na ulazo vu negdašjoj kasarno. Vse je to lepo i dobro, ali je ovo leto prvipot nej bilo meše vu cirkvi za vse poginule i nestale branitelje. Nej znati što je to tak zakukurikal, a vsi znamo gda so naši heroji išli vu rat z krunicaj okoli šijaka i gda jim je dragi Božek pomagal, a ve ga tak zapravljamo!

Vsi oni šteri držijo ključe od kasi vu rokaj, kak vu županiji tak i po gradaj i opčinaj, čuda premalo penez davlejo za šport i športaše. Kaj se unda čudimo težakaj? Več niti oni nečejo davati za športaše, čuda jim bole paše kaj bodo vsaki mesec dobavlali plače. Pak je i dragi Božek prvo sebi brado napravil. Tak bar velijo nezerenoši, očem reči, agnostiki.

Leto ide krajo tak gda več ne bodemo mogli gledati te ženske resporke, kak one gori pre bregecaj, tak i ove doli pre jačkicaj. Neje lefko bilo zdržati to novo modo štera vejč otkrivle nek skrivle: em ti gori skačejo zizeki, em ti doli plešejo ritice… Probal sam jempot fkrej gledati od teh ženskih bregecov, pak sam se vu kandelaber zaletel. Od unda sam si premislil zanavek: bole nek mi tlak, cukor, trigliceridi skočijo ili pak mali Jožek glavico zdigne sam kaj nebom več mel frugo na čeli.


Zvir:
http://www.mnovine.biz/novo/index.php?option=com_content&view=article&id=14605:politiari-so-branitelje-stirali-vum-z-cirkve&catid=301:joek-radnik&Itemid=575
i(l) str. 56 sim:
http://issuu.com/mnovine/docs/mnovine889i?mode=embed&layout=grey 
i(l) str. 56 sim:
http://www.mnovine.biz/images/pdf/889/mnovine889i.pdf   
 
* * * * * * * * * * * * * * * * * * * * * * * * * * * * * *

Fala Božek za Međimurje, 07:14

Autor: Zvonimir Klemenčić
Recital: Marijan Belčić
Glazba: "Šest let je minulo" - Gusti Draksar

Dragi Međimurci i Međimurke čuvajmo svoju tradiciju, svoje pjesme, proširimo ljepotu Međimurskog kraja !
Sudjelujte i Vi u očuvanju međimurskih narodnih pjesama, slanjem istih na mail: ZmedMureiDrave@gmail.com  , te će sve pjesme biti uplodane na ovaj kanal.
Radujemo se Vašem odazivu !

Živeli Međimurci jezero let !

Fala Božek za Međimurje

[Ljudevit Kaj]

Zagorski list
e-vundano 21.09.2012.

Iz bakine pučke bilježnice

Vine z tropa – kak i sprevod bez popa

„ Vine z trope – kak i sprevod bez popa. Tak se rekle. Zdura se, ali kak da se ne računa da je neke bile. Moja bi babica znala reči, Buog je dej duše lefke, da je vu črijievi od takvuga vina same cvili kak da se glisti nazobala i šepnula mi naj je na šlaf potegnem kupicu onoga vina štere se čuva za svetek, za kuošu , kolinje i druge velike dane.


Piše:Zoran Gregurek

Vrijeme je berbe grožda i vikend za nama i nekoliko narednih bit će pravi „blagdani“ u većini zagorskih domova. Grožde ide odmah u preše iz kojih curi slasni mošt koji se odmah sprema u bačve uz veselje svih uzrasta Zagoraca. Što je o svemu znala reći naša hraščinska baka Ivka, pučka prognozerka

„ Negdar nas je bil pune kak mravlji i na jenome gruntu je bile četiri, 6 ili osam dijielof i brača su imiela tak male komačece zemlje da bi se jedva z kuoli na nji obrnuli. Tak je bile i vu gorica, nije kak ve, gda jen gazda ima puol brega, onda sme gorice brojili na rede. Gruozdja je bile menje nek denes gda se sakakviem otrofom šprica tak da gruozdjiče na miesta ni tiči več neču zobati, i zate je vekši ruod. A gda sme mi doma dopeljali grozdja štere je jedva segle do polovice kace od 10 viedri... E, tuo je bile male jer sme teške delali na gruntu i morala se spiti kupica, dvije vina saki dan za jakost. A vina nije bile dosta „, prisjećala se baka.

Koje je bilo rješenje da družina nije ostala žedna nekatara bogova ?

„ Je, na tropu se delale vine. Muoj bi stari znal presiti suseda šteri nije imel veliku družinu i imel je pune trsof da nek jake ne stisne prešu i trop i da nam ga da. Onda bi ja z decu f tački trop dime f pilnicu peljala. Na trop se nalieje vode i onda se diela vine, nije jake kak prave ali se dura z njim. Dene se vu poseben lagof, da znaš kakavu robu imaš, i piješ ga za saki dan“,govorila je starica. To nije bilo pravo vino, nismo joj dali mira svojim komentarom znajući da slijedi „ekspozivan“ odgovor

„ Vine z trope – kak i sprevod bez popa. Tak se rekle.Zdura se, ali kak da se ne računa da je neke bile (smijeh). Moja bi babica znala reči, Buog je dej duše lefke, da je vu črijievi od takvuga vina same cvili kak da se glisti nazobala i šepnula mi naj je na šlaf potegnem kupicu onoga vina štere se čuva za svetek, za kuošu , kolinje i druge velike dane. A onda bi si ja, kak druobna pucka, male gutnula vina i rekla tateku, gda me pital de sam tak duge, da niesam nikak mogla zvaditi pak da sam puhala vu šlaf (smijeh). Jaj, vine je negdar bile fine kak gvierc na Bistrice, tak da ti je dišale z požiraka gda si ga popil. Denes mnuogi veliju da dijelaju dobre vine i da im se nigdar ne preobrne. Kak i bi gda denu tulike žvepla (sumpor) da se druge jutre kak piješ takve vine ti digneš z postelje, a glava ti ostane na vanjkušu. Teška kak železe. Ve se vine taloži, s uljem zamazuje, vu sjajnomu šplehu (inoks) čuva. Je, nem rekla, ima dobre kapljice, ali i tak čistuga vinčeka kak suza, a betažnuga... I jakoga, ne znam zake tuo dielaju, jer vine z pune gradi nije za saki dan, za  čoveka na selu šteri z žeje pije, a ne z bedastuoče „,znala se i naljutiti baka na neke podrumare.


Zvir:
http://www.zagorje.com/kolumne/pregled/iz-bakine-pucke-biljeznice-vine-z-tropa-kak-i-sprevod-bez-popa

* * * * * * * * * * * * * * * * * * * * * * * * * * * * * *

Sakom dojde smrtna vura...
Lado Electro - 1 pura 2 pandura, 04:00

Lado Electro - 1 pura 2 pandura 

[Ljudevit Kaj]

Zagorski list
e-vundano 17.09.2012.

Dnevnik tate Bena

Iskušenje
 
I tak dopeljam ja do kljeti odojka i ovaj put sam podlegel iskušenju. Zel sam si šnitu kruha i malo pomacal onu mast kaj se z odojka scedila. Joj, kak mi je bilo fino. Mogel bi tak cjeli kruh pojesti dok macam.


Piše:Tomislav Benčić

Pisal sam prije par meseci o iskušenjima terima čovek more lako podleči. Mislim na iskušenja betežnog čoveka, kak sam ja i teri bi trebal biti na dijeti. Teri nesme skoro nič niti jesti niti piti.

I onda dojdeju ovakve prigode, kak su trenutno aktualne berbe grojzdja. A na kaj to liči? Nisi još ni praf došel do kljeti več ti h ruku rijevljeju nekaj maloga. Onak za cirkulaciju. Pri pravome gazdi i onda dok se bere ima nešči gdo beračima nosi okrijepu u vidu nečeg malog ili gemišta. I normalno kad se pobere red je da se sedne i krene jest i pit.

Jedan od artikala oko kojih znaju izbiti nesporazumi su berački pribor. Kante i škare. Jer kad je berba gotova onda se kante deneju kam ko stigne, a često se i škare nekam poljek deneju. A nakon pretjerane konzumacije tekučih delicija teško je prepoznati svoju kantu i svoje škare. Naročito ak više ljudi ima isti pribor. Zato ja svoje škare denem na sigurno, a kante sam obilježil. Za ovu sezonu sam si priredil 4 kante. One velike kante h terima kupite farbu za malanje. Na jednu kantu sam napisal „Moja kanta“, na drugu „Moja 2. kanta“, na trejtu „Moja 3. kanta“ i na četrtu „Još jedna moja kanta“. Tak da se zna tere su moje kante.

Aha da, počel sam o iskušenjima. Več tradicionalno po odojka h pekaru idem ja. Najjednostavnije je odojka dati h pekari speči jer ga samo dopeljaš i h dogovoreno vrijeme dojdeš po njega. A i moram priznati da ga teta Anica zna odlično speči. I tak dopeljam ja do kljeti odojka i ovaj put sam podlegel iskušenju. Zel sam si šnitu kruha i malo pomacal onu mast kaj se z odojka scedila. Joj, kak mi je bilo fino. Mogel bi tak cjeli kruh pojesti dok macam.

Ne veli se zabadaf da su mala deca poput spužvi. Sve upijaju. I sve kopiraju. I delaju ono kaj čujeju od nas velikih. Tak je u centru pažnje bila Gracia dok je objašnjavala da tata (to jest ja) hče (u prijevodu hrče). Inače ja ne hrčem, to je čista izmišljotina. Morti tu i tam dok spim glasno dišem i to je to. Pa su onda okupljeni govorili Gracii kaj treba napraviti dok tata hrče. Te da mu treba fučkati pod vuho i kaj ti ga ja znam kaj sve ne. Da bi na kraju moja žena rekla da me ona dok hrčem z laktom hdrapi pod rebra.

Neku noč Gracia nije štela spati. Ona hoče gledeti crtani. I to z menom na mojem krevetu. Koristila je priliku dok je mama (moja žena) zaspala h dnevnoj sobi uz vrlo zanimljiv program na televizoru, da se uvali h naš krevet. Bilo je to več oko pol noči i ja kak sam bil umoran zaspim. Kad najemput mene Gracia ječe h rebra i govori „Tata nemoj hkati!“


Zvir:
http://www.zagorje.com/kolumne/pregled/dnevnik-tate-bena-iskusenje

* * * * * * * * * * * * * * * * * * * * * * * * * * * *

Dreletronic - Vumrl Mi Je Pajcek Moj! , 05:29

Dreletronic - Vumrl Mi Je Pajcek Moj!

[Ljudevit Kaj]

Zagorski list
e-vundano 01.10.2012.

Za dušu, za spomenek

SRAMOTA LJUDSKUGA RODA

Bog nigdar ne pozabi nagraditi one teri svoju dobrotu darujeju drugem. Iste tak nišče ne zbiegel kazne tera ga bu sikak počakala. Takvi su sramota ljudskuga roda i če jih več nie sram pred drugemi, čez življenje neju moglji pobeči sami pred sobu i svoju zloču. Kazna čaka po one stare: “Došla bu rit na šekriet!“

Piše:Nevenka Gregurić


Kak moreme lukati h  moderni oblog kaj vidime kaj se oko nas dogaja, negda bi morti bilje i bolje da čovek nektere stvari nigdar ne čuje niti vidi. Saki onie teri je imel priljike ove dane videti kak su živelji h jenem domu onie teri su zvljikelji grdu kartu življenja, srce je triebalje pučiti.

Od pamti vieka dobre se zna da je življenje grde za se one terem je život i zdravlje drugač posložene i nemreju se sami za sebe briguvati. Odvajkada su se ljudi ž njimi nahitavalji. Familjije su je poskrivavale i sramile jih se. Malje je bilje onie teri su njim dalji iste i dobre meste za stoljem kak i na izgled zdravem ljudem. Ljudi su takve ljudi z betegem zbegavalji i čak njim bilji h strahu. Nu niesu njim se rugalji jer su bilji h strahu Božjem biču, da jih ne kaznil. Od tud valjda i ona starinska: „Ne rugaj se ni slukavem drievu, jer nigdar neznaš kaj tebe čaka!“

Kak sviet ide napre i ljudske gruntanje trieba se k tomu držati. Unda bi bilje za čakati da se nekaj zmenilje prema ljudem terem je grdi životni putec. Če jih več nie Bog obdaril zdravljičem i pameču, nju je dal ljudem teri živiju oko njih. Ne morti, nek sigurne radi toga kaj bi njim bilji na pomoči h njihovem jadu. A unda se po one stare pak čovek prema čoveku ne pokaže kak čovek nek kaj vuk. Gorše od živinčeta.

Kak drugač reči za one koji su skrb za ljudi z grdu životnu kartu zelji na sebe. Prevzelji su tie posel, kak se imelje priljike videti, ne radi svoje dobrote nek lakomosti. H lakomosti i lakotnosti niesu bilji sami. Nešče njim je držal štangu. Zgledi da su došlji grdi cajti, jer tak nekaj nie prie bilje moči ni gruntati, a kam napraviti. Ljudi su se plašilji, Božje koštige ilji biča.

Kak zgledi došlji su cajti za tere se reklje da bu unda grde (oprostete na rječja, alji su te reklji stari ljudi):
„Gda ljice zgubi farbu, a pička pravdu, postane zlo!

Zlo, za kojega ni pred ljudmi ni pred Bogem nema opravdanja i milosti. Kak se velji da je pravda spora, alji navike dojde tak bu sigurne sustigla one teri su služilji i zgrtalji na lucke nesreče. Božja kazna ne stigla same nje teri su  se prema betežnem i nemočnem ponašalji kak, Bože mi oprosti, prema maršetu nek i one teri o tomu čkomiju.

Dogaja se te radi toga kaj se se luče prek papiere, a čovek se ni ne pogleda. Papier se podnese. Na papieru je se ljipe zapisane i štima. Z lanci na ruka triebalji bi završiti si onie teri su gledelji same papiere, a ne i ljudi. Jer za takve ljudi najmenje kaj se more napraviti je da jih se polukne, da njim se daruje smieh, korica kruha i kapljica dobrote. Tam kam su bilji deti niesu dobilji ni jedne ni druge. On gdoj je dobil je „pameten i mudri“, alji beščutni čovek teri je na ljudske zloče zgrtal peneze. Krivi su i oni teri su svoje drage porinulji h takve dome i niesu porajtalji kaj njim se dogaja. I njih bi trebalje biti sram pred ljudmi i Bogem.

Bilje je za čujti da nie dosta inspektorof teri bi lukalji kaj se z ljudmi po takve dome diela. Sigurne da jih nie jer se zakopaju med papieri i ne digneju nos z njih po par tjedne. A bilje bi dosta da same pogledaju šnitku namazanoga kruha po terem se pekmez ilji puter same prešpancieral i ostavil duhu. Triebalje bi poluknutin same h tenier i videti e trieba nabaviti udicu kaj bi zahakljal krumpier i e si je pajcek ilji „avijacija“ barem smočila nogu.

Nie trieba biti preveč muder i pametni da se se te vidi. Špot trieba biti familjiju tera o takve dome muči. A muči h strahu kaj njim nej vrnul njihovoga betežnuga i nemočnoga člana če se njim zameri.

Si mi zname da denes se ide prek penezi i da su oni na prvem mestu. Nu ak se več nešče prime posla da svoju brigu za druge masne naplati unda je najmenje kaj more napraviti da pokaže zericu ljudskosti. Čast onem, a ima i takve, teri h svoju brigu za nemočne uz materijalnu korist uneseju dieljec ljubavi i topljine.

Bog nigdar ne pozabi nagraditi one teri svoju dobrotu darujeju drugem. Iste tak nišče ne zbiegel kazne tera ga bu sikak počakala. Takvi su sramota ljudskuga roda i če jih več nie sram pred drugemi, čez življenje neju moglji pobeči sami pred sobu i svoju zloču. Kazna čaka po one stare: “Došla bu rit na šekriet!“


http://www.zagorje.com/kolumne/pregled/za-dusu-za-spomenek-sramota-ljudskuga-roda

* * * * * * * * * * * * * * * * * * * * * * * * * * * * *

FIŠKALI Saka rit dojde na šekret, 03:06

FIŠKALI Saka rit dojde na šekret

[Ljudevit Kaj]

Zagorski list
e-vundano 02.10.2012.

Iz bakine pučke bilježnice

Šte maže, te i vojzi

Šte maže, ti i vojzi. Če i na kuola ne mečeš kolomast, kotači budi cvileli i jemput budu same stali. Tak je i z ljudi“, uvjeravala nas je baka i dodala kako se danas više ne zna tko je „velikaš, a šte obični seljak“ jer „si su odjemput doktori, filistri i naučenjaki i više nemreš znati komu se idu pune košare i cekeri“.

Piše: Zoran Gregurek


Šte maže, te i vojzi. Tak je negdar bile, ve je iste tak i navijiek bude. Ake ti je detetu loše išle vu škuole, onda bi baba zaklala bolšu piščetku, vekši sir, jajca i pokucala vučiteljice na vrata. Vučiteljica bi rekla da nije trebale niše nesiti, ali bi mam z cekera ili košare vun vadila one kaj je dobila.

Nije tuo bile mite, kak se ve veli, nek se s tiem pokazale poštovanje prema čoveku šteri ti je bil potrieben. Niš druge, znala je govoriti hraščinska baka Ivka.

Samo su učitelji dobivali pune cekere, pitali smo staricu

„ Je, vraga. Gda ti je nešči vu hiži bil betežen, purica bi platila z glavu ili kakva masneša raca ili guska. Muoj bi stari natočil vu demižuonku i pet litri najbolšega vina i tuo bi cuknuli gosponu doktoru gda je decu vizitieral. Naš je puokojni doktor bil poštenjak i niš nije računal gda je videl da sam z punu tuorbu došla mu na vrata. Baš če je bile puol noči, a bile je i takvijieh slučajof gda je decu znal zub zaboleti ili je nešteri imel jake veliku vručinu šteru nije bile moči ni z domačim octom sneti. I onda brže – bolje k doktoru. Če je bila velika sila, košara bi se drugi dan donesla“, prisjećala se baka.

Tko je još bio na listi onih koji su često mastili brk?

„ Kaj opče pitaš ?! Pop. Znale se če ideš k popu presit da ti pe dijiete na krščenje, bez velikoga cekera se nije išle. Njegva bi gazdarica mam z praga prevzela one kaj bi mu se donesle i mam raspakieruvala vu kuhnje strošek. A gda je pop k hiži došel, če je bil pozvan na kakove slavlje, njemu se čuvale meste na čelu stola i najbolši komadi mesa su pred njega dohajali. Gazdarica bi znala reči: Nek debši komadi šujnke idu popu i naj ruča od puranjske cuklje k popu gledi, jer bu ju mama v ruke prijel. Tak je i bile. Gazda je popa, doktora ili vučitelj i dime muoral vu noči na kuoli dime vračati i dati mu strošek za drugi dan. Tuo je bile nepisane pravile i si su se toga pridržavali i bile bi sramota da je nešči zbiegel da počasti ljude do šteri se navijiek največ držale vu selu.

Bum ti ponovila če si zabil: Šte maže, ti i vojzi. Če i na kuola ne mečeš kolomast, kotači budi cvileli i jemput budu same stali. Tak je i z ljudi“,uvjeravala nas je baka i dodala kako se danas više ne zna tko je „velikaš, a šte obični seljak“jer „si su odjemput doktori, filistri i naučenjaki i više nemreš znati komu se idu pune košare i cekeri“.


Zvir:
http://www.zagorje.com/kolumne/pregled/iz-bakine-pucke-biljeznice-ste-maze-te-i-vojzi

* * * * * * * * * * * * * * * * * * * * * * * * * * * * *

Drele i Vid Balog-Remetinec, 02:46

Drele i Vid Balog-Remetinec

[Ljudevit Kaj]

Međimurske novine,
e-vundato: 01.10.2012.
 
Premišlavanje Jožeka radnika

Čačićo se nuše fotelja i pomalem pakera kufre

Čačićo se nuše fotelja i kuliko je meni poznato i kuliko se ja razmem bu politiko, on bode dobil vritnjaka i završil bode na burzi. Vidim vas gda me malo čudno gledite, a to zato kaj ste vi mislili na prvoga potprecednika Radimira, a ja vam govorim o prvomo trenero Dinama Tončeko.

Piše: Jožek radnik

Pak je zavrelo vu jednomo od naših romskih kotlov i to vu Gornjemo Hraščano. Što je kriv, a što ne, kaj je do toga došlo ne bi vam točno znal reči, ali deca so sigurno ne kriva, ma kaša god bila, očem reči, bela ili pak čokoladna jerbo je politika tu, a i političari so zbogradi toga zebrani kaj bodo rešavali te probleme štere mi obični smrtniki nebremo, oliti ne znamo. Pak so naši sosedi z Hrvaške hitali drvje i kameje na nas Međimorce i to zbog radi toga kaj mi tu delamo segregacijo prema Romima. A neje ruon tak. Nejso naši čokoladni sosedi birkice, a niti pak mi svetleši vuki. Vsi znamo gda je Romov vsaki den vse vejč i vejč i gda bi se i oni trebali nekšega reda držati, kak doma, tak vu školi i na vulici. Nebrejo deca dojti vu malo ili pak prvi razred prave škole, a gda ne znajo hrvaški. Ili bar međimorski. Zato bi štel vsima reči, šteri nam bajajo gda se ponašamo prema sosedima Romima kak mačeha prema ljuckoj deci, nek dajo svoje dete vu razred gde so dva ili tri beli, a ostali čokoladni, pak unda nam nek solijo pamet kak se mi ponašamo i unda nam nek pokažejo kak zbeči „segregacijo“. Nejleži je prdekovati z Zagreba šteri je sto kilometrov dauko od Čakovca i Međimorja, a problemi z našaj sosedaj još so jim dale. A Evropa nas gledi črez kukere kak se mi muočimo z našaj Romaj jerbo oni znajo kuliko so penez dali Lepoj našoj sam kaj Romi ostanejo prinas i kaj jiv ne bodemo tirali prek meje kak to delajo Francozi. Što itak zna kuliko ga pravzaprav Romov prinas vu Međimorjo? 4500 jiv je priznalo na zadjemo popiso ljudstva, hajdig jiv je, več ve i Hrvatov, a čuda je i onih šteri tu prinas živijo, a nigdi so nej zapisani, kak ona prekobrojna deca vu Kini. Nišči mi je nej znal povedati kuliko Romov je završilo prinas vu Međimorjo gda jiv je negdašji francoski precednik Šerkezi natiral? I još nekaj očem pitati: kuliko jiv pak bode došlo vu Međimorje dok jiv bodo natirali z Pariza? K nam sam dohajajo, a dok jempot dojdejo nigdar več ne odidejo jerbo kak je moj pajdaš Šike napisal, a pajdašica Marica popevle: Što jempot zajde vu lepi naš kraj, te tu ostane i nejde nazaj… Ne znati što je, itak, Romima prevel to našo lepo pesmo, tak kaj ve i oni znajo gda tu živijo sam dobri ljudi?

Grozdje se bere po cele dneve, kak vu petek, tak i vu svetek. Čujejo se pesme, vesela je i Marička (vidi joj se resporek), gveždre žrmljajo, preše skeščijo, mošt sam teče, negdi bole, negdi po meje, a mi okoli preše smo natankani predi nek na cirkvi pre Svetomo Jurjo Zdravo Marijo zvoni. A kaj moremo gda nas je frčna Marička (štera po mami ima nekaj slovenske krvi) furt trucala, a mi, kak niti ona, ne znamo reči „ne“! Nešterni vinari so se požurili pobrati, pak ve morajo restapljati cukora vu mošto, a oni šteri so meli vupeše i kesneše berejo so nej sam prešparali na cukoro nek imajo i bolše vino, onakše kakše je dragi Božek splaneral za ovo leto. Pak je zišlo po onoj nejstarešoj: Što reskera te profitera. Nej znati kak bode zišla pajdašica Marička jerbo sam videl gda je i ona reskerala?

Čačićo se nuše fotelja i kuliko je meni poznato i kuliko se ja razmem bu politiko, on bode dobil vritnjaka i završil bode na burzi. Vidim vas gda me malo čudno gledite, a to zato kaj ste vi mislili na prvoga potprecednika Radimira, a ja vam govorim o prvomo trenero Dinama Tončeko. Bilo je lepo dok je trajalo! Istinabog, publika je slabo dohajala na tekme i vse je bilo vredo dok so labodoritaši Dinama gubili vu Evropi, ali čim so se ftopili vu Reki vsemo je došel kraj. E moj Tonček, neje problem sam vu našemo Pokrivačo i jegovomo pajdašo Samiro, šteri malo globleše vu kupice gledijo, nek je problem i vu drugima šteri nebrejo z pet metri vu gol vritnuti. Vse igrače je nej muoči tak fletno spremeniti, pak je unda nejleži zmeniti nejslabešo kariko vu Dinamovom lanco, a to si Tonček ti. Zbogom i nek ti Božek da srečnoga pota, a gazda Mamič bode ti odigral potnico.

Vu pondelek, 17. septembra smo obiležili 21. obletnico od kak so naši domaći branitelji natirali jugosoldatesko i oslobodili Međimorje. Špot sramota je, ali na to obilježavanje je došlo sam cirka sto ljudi. A još smo otkrivali i spomen-pločo na vojarni. Ve vidite, gda je tak malo ljudi došlo i 1991. nigdar ne bi kasarna postala vojarna. Čuda je onih šteri so 1991. bili tu, a denes so ne došli. Dok smo jiv zvali unda so došli, a v pondelek jiv je nišči ne zval pak so ne došli. A vsi znamo kakši smo mi Međimorci, ne dohajamo tua kam nas, i dok nas, nišči ne zove. No, neje tak sam dok nekaj organizera Županija, isto je tak i zišlo vu Gorčano, gde je niti načelnik Moharič nej došel. Brzčas je z esdepeovcima zapuhnul nekši novi veter šteri ne poštuvle ono kaj je bilo predi. A vsi znamo kak zidejo oni šteri ne poštuvlejo svojo povjest?!

Nej znati kak se, itak, to zove gda se gospon Martan z HDSS-a dela norca z HSS-a. Vsi znamo gda so se «seljaki» skrčili kak stranka i gda so od velike postali mala, ali gda pak so «demokracki seljaki» meli tak čuda članov kaj bi bili jakši od običnih «seljakov»? Nejleži je gledati, prek blanjki, vu ljucki dvor, kritizerati i faliti se kak vse znamo, nikaj ne davlemo vum i nikaj ne delamo sam kaj se ne bi nešči nekaj navčil od nas. Ajoj, ajoj!

http://www.mnovine.biz/novo/index.php?option=com_content&view=article&id=14682:aio-se-nue-fotelja-i-pomalem-pakera-kufre&catid=301:joek-radnik&Itemid=575
i(l) str. 56 sim:
http://issuu.com/mnovine/docs/mnovine890i?mode=embed&layout=grey   
i(l) str. 56 sim:
http://www.mnovine.biz/images/pdf/890/mnovine890i.pdf   

* * * * * * * * * * * * * * * * * * * * * * * * * * * * * *

ciganica s prislavci, 0:31

ciganica s prislavci