HR.KAJ.NĚ? - Lépa naša kajkavska / pregled tisKAJna

[Ljudevit Kaj]

Če je moker (p)april, (ve)seljak bu srečen bil

* * * * * * * * * * * * * * * * * *

Zagorski list
e-vundano 22.04.2013.

Iz bakine pučke bilježnice

Če je moker april, seljak bu srečen bil

Jer ne suše i ne se prašile kaka vu srpnju mesecu i se bu lijiepe priređene za sejatvu i za sadnju. Vu travnju se presi lagani i tuopli dešč, same tulike da bu zemlja vutka kulike treba biti. Ne preveč, da negda kuonji i krave, a ve traktori nej prepadali vu zemlju.
 
Piše: Zoran Gregurek


Naši su stari već u četvrtom mjesecu znali kakva će im biti ljetinima, kako će živjeti te godine i hoće li, možda, jedva čekati da ta godina mine.

Posebno dobro upućena u narodne navade bila je naša hraščinska baka Ivka, pučka „mudroslovka“.

„Če je moker april, seljak bu srečen bil. Jer ne suše i ne se prašile kaka vu srpnju mesecu i se bu lijiepe priređene za sejatvu i za sadnju. Vu travnju se presi lagani i tuopli dešč, same tulike da bu zemlja vutka kulike treba biti. Ne preveč, da negda kuonji i krave, a ve traktori nej prepadali vu zemlju. Jer zemljicu treba lijiepe prevrnuti, zorati, pak potanjurati i povlačiti i onda vu nju deti kaj nam srce poželi. A zemlja rijietke omane, same gda ju prisilime, kak i čovek šteri je preopterečen“, rekla bi baka.

Što je baka općenito mislila o vrijednosti zemlje, grunta

„ Mladi se smijieju i odmahuju z ruku gda ims e veli da je zemlja jedina prava vrijiednost i jedine kaj ti na kraju ostane, če došel rat, nestašica, bolest ili kakva druga kuga. Kaj buš z penezi če nemaš z njim kaj kupiti, če se, morti, dučani poništiju ? Kaj buš z tuliki trugami; auti, traktori, kosilicami, če ne benzina i ne ih moči pokrenuti ?! Kaj se bu dogodile ak nestane struje i škatulje više nedu svijietile ?! E bu kraj došel svijieta ?! Nebu jer je tu zemljica štera te ne izneverila i bu te odranila, kak i kravica, svinče, kokoš, guska i se koj je žive. Za zemlju i živoga stvora nema ti zamene, sinek dragi, a to se buš i sam osvedočil če Buog da „,upozorila je starica.


Zvir:
http://www.zagorje.com/kolumne/pregled/iz-bakine-pucke-biljeznice-ce-je-moker-april-seljak-bu-srecen-bil

* * * * * * * * * * * * * * * * * * * * * * * * * * * * * *

Navihanke / Veselo - veselo - Zagorci. / ( www.trekzakenzo.nl ), 03:30

Navihanke / Veselo - veselo - Zagorci. / ( www.trekzakenzo.nl )

[Ljudevit Kaj]

Zagorski list
br. 494 / leto 10. / 23.4.2013.

Za dušu, za spomenek

Jurjefski tjeden

Jurjefski tjeden je h življenju ljudi bil tak prielaz z zimske posle na ljietne. H Jurjefskem tjednu reklje se da je najbolje zasejati koruzu. Ona tera je hu tem tjednu zasiejana treba donesti zdravi i jahki rod. Sveti Jura pokazan je kak onie svetec teri se boril protif zmaja teri je rigal ogenj. Hrval se ž njim kaj bi oslobodil devičku. Njegva pobeda z tu zloču postala je tak kak primer pobede dobra nad zlem. Po naše kraje, za tie svetek vužigal se ogenj kre grunta.
 
Piše: Nevenka Gregurić


Polje su se fejst razelenile kak god da je duge bilje grde vrieme. Zelene tranike cinfraju sakojački cveteki. Još kakef tjeden dva i traniki buju za kositi. Zdej su pusti i prazni traniki cielu prtuljet. Radi toga je i mogla rasti fejst trava i „tepih" od rožic. Nigde h polju nemreš videti kravice, tere bi kak negda, pasle travicu. Negda, ščem se otopil snieg, a sunčeke poluknulje i zagrelje zemljicu, blage se stiralje na pašu. Čez cielu zimu hranilji su se z jasli, kaj je značilje da je blage jelje suhu hranu, koruznicu, siene i otavicu. Radi toga se jedva čakalje ljiepe vrieme kaj se blage otiralje h polje. Po starinska šega pasle se širem. Blage je unda moglje biti po lucke tranike i nišče nie radi toga mogel špotati. Site kravice išle bi unda k domu i vime pune mljika bi se bambalje. Na same Jurjeve takve pašnje bil je konec. Pastiri bi nabralji cveteke i od njih spleli venčece. Venčeci od rožic delji bi se blagu na roge. Tak nacinfrane blage išlje je k domu. Bil je te kraj slobodene paše. Več drugi dan blage je dobilje na roge štrike i paslje se same po putu, kre tranike po graba ilji na menjike. Od Jurjevoga se tak gajbala trava za košnju siena, a poklje i otave.

Jurjefski tjeden je h življenju ljudi bil tak prielaz z zimske posle na ljietne. H Jurjefskem tjednu reklje se da je najbolje zasejati koruzu. Ona tera je hu tem tjednu zasiejana treba donesti zdravi i jahki rod. Sveti Jura pokazan je kak onie svetec teri se boril protif zmaja teri je rigal ogenj. Hrval se ž njim kaj bi oslobodil devičku. Njegva pobeda z tu zloču postala je tak kak primer pobede dobra nad zlem. Po naše kraje, za tie svetek vužigal se ogenj kre grunta. Z Jurjevskem ognjem se od grunta, semenja tere se čez ljete sejale stiral ves kumer teri bi mu mogel naškoditi. Kre Jurjefske kriese skupljalji su se ljudi, spominalji se i šaljilji med sobu. Dečki su se pravilji važni i preskakalji su prek ognja. H večerku pred Jurjeve naši su breščeci bilji pocinfrani z Jurjefske kriese. Z sakuga breščeca iskre su frcele prema nebu, a kries je svietil ljudem teri su si opuščalji duše. Jurjeve ilji Đurđef dan slavilji su rigani. Bil je te njihof svetek jer su od toga dana z svojami kolami krenulji na put od sela do sela. Hodilji su po sela krpat kotle, popravljat imbriele, skupljat krpljinja, a i srdit ljudi jer su sega petljalji. Za nje moreme reči da su bilji prvi turisti. Same niesu bilji po hotelje nek pod šatri kre moste. Oni su i prvi peklji roštilje. Sičam se kak denes kak je znalje z njihove šatre dišati dok srne mi deca bilji na paše, a h želučeke nam je skruljilje.

Denes od sega toga nič. Ostala je same zapisana stara pesma, negde h nadra ljudi o zelenom Jure. Sama pesma pune nam toga velji o svetku. Ja sem ju prepisala za vas pak vam ju šenkam da se spomenete svetka.


„Prešel je prešel pisani Vuzem,
došel je došel zeleni Jura,
z visoke gore vu to ravno pole.
Darujte ga, darujte, Juru zelenoga.
Ne Jura saki dan, več h letu jedendan,
darujte ga darujte, Juru zelenog.
Darujte Juri soli, da se Bogu moli,
darujte ga, darujte, Juru zelenog.
Darujte Juri hrži da se doma drži,
darujte Juri sira, da vam lepo svira, darujte ga.
Darujte Juri putra da ga nebu zutra,
dajte Juri gibanice, da ga najdu ciganice.
Ne Juro svaki dan, več h letu jedan dan
darujte ga, darujte, Juru zelenog!


http://www.zagorje.com/kolumne/autor/nevenka-greguric

* * * * * * * * * * * * * * * * * * * * * * * * * * * *

Jurjevo srečanje FS 2012 FS KUD "KLARUŠ" Maruševac, 07:55

Jurjevski pučki obredi / narodni običaji maršovskoga (maruševskoga) kraja
http://marusevec.hr/kultura-2/narodni-obicaji/

KUD «Klaruš» Maruševec
http://marusevec.hr/kultura-2/kud-klarus/

Dvorec Maruševec
http://www.dvorac-marusevec.hr/
http://marusevec.hr/povijest/dvorac-marusevec/

Jurjevo srečanje FS 2012 FS KUD "KLARUŠ" Maruševac

[Ljudevit Kaj]

Tata Ben i tati

* * * * * * * * * * * * * * * * * * * *

Zagorski list
e-vundano 23.04.2013.

Dnevnik tate Bena

Gdo bi rekel?

Imam mobitel na pretplatu. I nisam s tim zadovoljan pa sam štel zmeniti tarifu. Normalno na manju. E to se prek interneta nemre. Morem naručiti veču, ali manju ne! Lopovi!

Piše:Tomislav Benčić


U današnje vrijeme i da hočemo nemremo pobeči od kompjuterizacije, informatizacije, internetizacije i mnogih drugih -acija. Sve več i več pružatelja raznih usluga nudi elektronički račun. To jest da vam račun pošeljeju na e-mail, a ne da ga sprintaju, deneju h kovertu i pošaljeju s poštom. To, normalno, opravdavaju brigom za okoliš, predstavljajuči se kao veliki prijatelji prirode. Ono, kao, manje papira potrošimo, pa treba poseči manje drva.

Ko da je njih briga za to. Njih je jedino briga da se ne mora kupovati papir jer to košta. Dalje, ne moraju kupovati tonere za printere, jer i to košta. Pa ne moraju kupovati koverte, jer i one koštaju. Nešči treba sprintane papire zapakirati h koverte, a i to košta. I na kraju treba to s poštom poslati, naravno i to košta. Dakle njihove brige su kak vama čim več zeti, i da pri tome oni čim manje potrošiju. Kakva ekologija. Od zelenog brineju se samo za „zelembače“.
 
Zahvaljujuči svim tim tehnikama i tehnologijama neke stvari več odavno delam od doma prek kompjutera. Kad sam več spomenul račune onda vam mogu reči da te račune kaj mi poštar donese plačam s internet bankarstvom. To je super stvar. Sediš doma, ne čakaš h redu i ne naplatiju ti masnu proviziju. Samo tipkaš i plačaš. I sve to funkcionira dok imaš penez na računu.

Isto tak ak hoču kupiti novi telefon, ili mobitel, ili produljiti ugovor za postoječe i to se more prek interneta. Imam mobitel na pretplatu. I nisam s tim zadovoljan pa sam štel zmeniti tarifu. Normalno na manju. E to se prek interneta nemre. Morem naručiti veču, ali manju ne! Lopovi!

Onda sam prešel tam gde sam kupil mobitel. Da tam zmenim tarifu. Koristim grupnu tarifu s par brojeva na pretplatu i par na bonove. Pa su mi rekli da je to najmanja tarifa s tolko brojeva. I odlučim ukunuti jedan broj. Ali to ovaj tam gde sam mobitele kupil nemre napraviti. Nego mi je sprintal jedan papir na terome je bil broj telefona da ja to nazovem i velim da več neču taj jedan broj koristiti.

Dobro, nazovem ja to. Nakon 20 minut mi se hjavi čovek. Velim ja njemu zakaj zovem, i krene on s nagovaranjem da nič ne mjenjam i uvjerava me da je to dobro za mene. Pa krenem je njemu objašnjavat da neču taj broj več koristiti i kraj priče. Ne treba mi. Onda mi krene muž objašnjavati da me taj broj nič ne košta i da e ga imam ili ne plačal bum isto. Pa opet krenem njemu objašnjavati da neču i gotovo i da hoču manju tarifu kaj se manje plača. Da bi on meni na kraju ponudil da ostanem h istoj tarifi, ali da buju dali 20 posto popusta i da to moreju samo oni prek tog telefona, a ovi na prodajnom mestu to nemreju napraviti.

I koji je na kraju zaključak? Da bi sve to moglo biti jeftineše i da bi uz to jeftineše ti mobilni operateri i dalje ljepo služili peneze. Ali bolje je od puno služiti još več.


Zvir:
http://www.zagorje.com/kolumne/pregled/dnevnik-tate-bena-gdo-bi-rekel

* * * * * * * * * * * * * * * * * * * * * * * * * * * * * *

Tatski ogerlič

Baba cmizdri pod galgami

A koga vraga cmizdriš,
zamusana mužača,
kaj su ti sinu dali tatski ogerlič?
Na galge dojde samo fini fičfirič,
naj sliniti, smardljiva bedača.

Još su ga mogli nabiti na ketača,
z goročim kleštram popokati mu nokte.

Od sega tega občuval je dragi nam Bog te
i rešil te za navek tega čarvendača!
Od lucke je volje volja božja jača,
od Boga pak je jači, bomeš, gospon Komeš.
Dobiš po gubcu, baba, če ne čkomeš.

Ni fajde nam od plača. V birtije pijača,
karmine tvojem sinu napijaju pajdaši!
Dojdi z nama, mama!
Kesno je popoldan iti k maši!

http://hr.wikisource.org/wiki/Baba_cmizdri_pod_galgami

Pro Arte - Ukrast cu te, Mare, 03:50
http://www.youtube.com/watch?v=WFxnzNNG1pA

Davor Dretar Drele & Vid Balog - V Remetinec (Krapina 2010) HQ, 03:12

Davor Dretar Drele & Vid Balog - V Remetinec (Krapina 2010) HQ

[Ljudevit Kaj]

Varaždinske vesti, br. 3563, 16.04. 2013.

Piše Barica Pahič

KAJ je naše pitanje i naš odgovor

Morti je leže speti se na Ivojnščicu neg napisati popiefku

Ne bi štela još jemput prekesno pisati o onemu kaj je aktualne, Dana planeta Zemlje. Sakega leta ga z ekološkim recitalom na Ivojnščice obilježuje Varaždinsko književno društvo.

Na te proslave moreju nastupiti si pesniki šteri to jesu i si šteri se kak pesniki osečaju. S tiem želimo njegovati pesnički podmladek.V organizacije sudelujeju i pesniki z tzv. Ivanečkoga pesničkega kruga vu šterom je značajne deloval i pokojni Franc Hergov. Tu je Ivo Posavec, Ivek Kušteljegov, Vincek Slivarov, Zlatko Kovačevićev, a za ovega zadnjega mi je žal kaj nije objavljen tekst o njemu gda je pred dva lieta na “Dragi domači rieči”dobil nagradu za opus. Kak pesniki vu tie krug idu i novinari; Ljiljana Risek i Mladen Genc.

Kie god je duobil poticaj ili inšpiraciju da napiše popiefku, zna da je to nie laki posel. Morti je leže speti se na Ivojnščicu. Teške je na nju iti peške, ali je tuo nie teške zaprisegnutem planinarem. Drugi se daju tiem do planinarsekega duoma dopeljati. Pesnikem je do čiste prirode, do Ivojnščice štera od naviek diše za cieli sviet, kak je tuo rekel Ivica Jembrih. Gori se pojaviju i pesniki z drugi krajev. Ak je liepe vrieme, na verhu Ivojnščice je puno planinarov i zate je naviek zanimljive. Ak pa je gli i dejž, kie stigne natisne se f planinarski duom. A tam se tak glasne spomina i popievlje da človek svoju rieč ne čuje, ali mu je tople i nikam mu se ne žuri.

Meni pak je tuo povod da čitatelje upoznam baš z Vinkom (Vincom ili Vincekom kak ga več doma zoveju) Slivarom šteri sudeluje na recitalu, javlja se na natječaje “Drage domače” i ima vglavnem ljubavne i domoljubne popefke. Od 1992. leta vundal je šest knjižic popefki. Ak ste zaljubljenik f poeziju ili pak vas zanima same tuo kaj je napisal još jen Ivojnščun z Ivanečkoga pesničkoga kruga, morete dvie od njegvi popiefki prečteti ovde. Nebu vam žal.


Nigdar nikemu

Nigdar zbilja niesam
nikega tak gljibeke
nasil v skritem popeku
serca

Nigdar, veruj mi, niesam
nikemu daruval kašaricu
crvene ad stihev
i recvietene čežnje

Nigdar nikemu niesam
pošiljal krasuatu jutiernjega
papievunja
goalubičica biela
v iskunji

Nigdar nikemu
tuljike ljubavi papiefke
i zazavunja
a odzavunjala je some
merzla jaka tišina

* * * * * * * * * * * * * * * * *

Ne kaštigujte mi rieč

Če su ner je
rieči paštene
me su sigurne je

Žaluesne mi v persi
serce narikuje
jer zatrajhati bi je šteli
a tak sam je rad imel
kak pervu ruožu
vuletiešnju

Ne kaštigujte mi
dragu materinu rieč
bo došle vrieme
a rieči neboš znal
i za koa te onda
dragi Buog dal


Zvir:
str. 21 sim
http://varazdinske-vijesti.hr/pdf/3563.pdf 
Aktuelni broj VV:
http://varazdinske-vijesti.hr/online/Main.php?MagID=1&MagNo=1

VESELI VOĆANCI - navrh gore ivančice[/b], 03:05
http://www.youtube.com/watch?v=jdn_WVT3F64

Kašti(lje)ga – Kušteljega
Vučitel Ivek Kušteljegov predsednik je KUD-a (i glazbenoga zestava) Faringaši z Prigorca spod Ivanščice

FARINGAŠI - PRIGAREC RODNI.mp4, 02:35

FARINGAŠI - PRIGAREC RODNI.mp4

[Ljudevit Kaj]

Međimurske novine,
e-vundano 22.04.2013.

Premišlavanje Jožeka radnika

Vse se bode legalizeralo sam Marica nebre Štefeka!!!?

V se bode prinas v Međimorjo došlo na svoje, očem reči, vse se bode legalizeralo. Škedji, štale, drvarnice, komore, koci, šekreti, repnice, pelnice, kleti, vikendice, letne kuhje, zadje hiže… i vse drugo kaj je napravleno v fušo. Gradi, opčine i država bodo nekaj pokaserali, vsakomo falaček kolača kuliko so mo saborniki odrezali, samo deca štera so napravlena isto tak vu fušo, v šumi, goricaj, kuruzi, grmljo, v parmičo, na parmi…, oni bodo ostali brez paperov. Jedino oni i jive mame, japeki se od prvoga dneva skrivačkajo, ne bodo nikaj herbali od legalizacije. Ve vidite kak je to zišlo.
A vsi se falijo kak nam je čovek na prvi mesti. A kuliko vidimo na deco i žene smo čistam pozabili. No, nej mi, nek oni šteri zakone pišejo i oni šteri za jiv roke zdiguvlejo. Nešči što je jempot, dvapot ili tripot nekaj zazidal polek zakona, brez paperov, ve je vse dovlekel na svetlo dneva, a Marica štera je jempot, i to v kmici i na brzino, zdigla i reširila noge, mora čkometi i magaditi vse do kraja živleja. I svojega greha, kak ona zove Štefeka, mora furt z sobom nositi ili pak ga pelati za roko. De je tu pravica – to te ja pitam?

Na čakoskaj trataj, prek negdašje kasarne i prek štreke, bode se zidala fabrika za prati veša, očem reči, radne oprave. Vse je to vredo, brzčas je nejglavneše kaj se bode nekaj genulo, ali nebrem veruvati zakaj nam vsi govorijo kak je to ne zmazani posel i zmazana fabrika. Pak najte mi reči da bode to fabrika štera bode prala čiste jope?

Naš urednik, i to on glavni, Dejan Zrna, je lejpo priznal da je nam novinaraj nišči ne rekel da so v nedelo, v Lepoj našoj, bili nekši izbori. No, ak smo mi ne znali kak bodo znali oni ljudi šterima smo mi trebali reči ili pak napisati. Nešči je tu, brzčas, zahuzal i to nej malo nek fest. Vidlo se je to v nedelo da je došlo sam nekaj vejč od šesnaest procentov nas Međimorcov glase davat. Čim smo mi Međimorci ne vsi došli mam so esdepeovci, očem reči, kukurikači zgubili izbore. Nek se zna kuliko mi Međimorci vredimo, a ne kaj nas Zoki  furt zameče.

Nedelski Jožek Posavcov se je prijavil da bi štel biti naš međimorski župan. I to još jempot. Nekak vu isto vreme se je i Sandra Herman, belička puca štera je, kak gastarbajterica, ravnatelica prslavske pučke škole, kandiderala za zamjenico župana. No, kaj me ne bi vi krivo razmeli, moram vam reči da Jožek i Sandra nejdo skupa na izbore, sam so, minuli tjeden, rekli nam, svojemo biračkomo telo, kaj bi oni šteli biti. Najme kaj, Jožek ima svoje zamjenike, gospođo Renato i gospona Damira, a ravnatelica Sandra bode leva roka župano Mateko Posavco. A od predi se več zna da mo desna roka bode glavni međimorski „seljak, očem reči, haesesovec Zoran Zoki Vidović, šteri je, već štiri leti, desna roka čakoskomo gradonačelniko.

Vsi so več svoje župane dali vum sam se još čakajo hadezeovci i jiv međimorski šef Darko Horvat. Nekak si dugo gruntajo. Brzčas ga tak čuda onih šteri bi šteli biti župani, pak nebrejo zebrati pravoga i nejvrednešega. Morajo se požuriti jerbo pesek na predizbornoj vuri vse fletneše i fletneše curi, očem reči, izbori so vse bliže i bliže. Tre furt na vuru gledati kaj ne bi zakesnili, jerbo je prekesno iti v pondelek k nedeljni meši.

Naši međimorski meštri i obrtniki jako teško magadijo ovo krizo štera preveč dugo traje i vse teži i teži vežejo kraj z krajom. Vsi oni šteri so več ne mogli zdržati so podurali, očem reči, zaprli so svoje obrte i zobe deli na klin. Jako sam najgerek od čega itak ve ževijo? Znate kak je to da morate ostajti posla od šteroga ste na leta živeli, a drugo nikaj ne znate delati. Niti krasti ste se nej navčili, a samo od zraka je nej muoči živeti. Do penzije, po novomo, vam fali 5 -6 let, stric je lani hmrl, pak ti ve bodi spameten. Vsi znamo da naši obrtniki ne iščejo preveč, ne iščejo kruha brez motike i zato jim tre pomoči, pak makar pejo i v beli Zagreb grad, na Markov Trg. Vse za bolše i sigurneše zutra.

Nej znati je li ste čitali v novinaj ili pak poslušali na radio kak pajdaš Tonča prodavle svoje gorice i klet. Ovak je preglasil: prodavlem svoje gorice i klet na hataro Železne gore čistam blizo Svetoga Urbana. Ak se ne bodete žurili i dojdete v nedelo odvečer več bode v Urbano. Gorice obrezane, lagvi skorom puni, paperi čisti, fal dam sam kaj mi ne pobegne v Deželo.

Ne bodete veruvali, ali cesta od Svetoga Križa do Priloka je još nej gotova. A zdavnja so se hapili meštri delati, a delajo jo kak Noen svojo barko. Jesen je minula, zima je došla i minula, prtuletje je več tu, a i cestari so još navek tu. Kuliko sam mel za čuti, to se dela pomalem i jako dobro i precizno. Brzčas bi tua cesta, dok se jempot otpre, trebala dopelati priločanca Drageca Glavina znova vu gradonačelničko fotelja. Tak je bar po projektlino narisano, a i tak se priločanci spominajo. A vsi znamo: ak laže selo ne jažejo ljudi. No, pak je Prilok pravzaprav grad!

Serjančari so završili svojo šetnico polek Mure, no nejso gracki oci rekli je li ona bode sam za španceranje ili pak se bode i pijašilo po klupicaj? A i mladi se brzčas bodejo stiskali i parili po temaj klupicaj, jerbo je mladima vse dopuščeno. Bole na klupicaj nek na zemli. Zemla ili pak trava polek Mure je nejvečpot mokra i mrzla. Ipak je zdravlje za mladoga dečka i još mlajšo deklo važneše od vsega. Tre na bubrege, križe ( i kaj nebom spominjal one organe niže) paziti dok je čovek mladi, posle je nejvečpot prekesno. Klupice so na drugoj strani šetnice tak da nej muoči pasti v Muro kak god bi mladi žereči bili. Kuliko vidimo gracki oci so na vse mislili.


Zvir:
http://www.mnovine.hr/novo/index.php?option=com_content&view=article&id=19605:vse-se-bode-legalizeralo-sam-marica-nebre-tefeka-&catid=301:joek-radnik&Itemid=575
i(l) str. 64 sim:
http://issuu.com/mnovine/docs/mnovine918i?mode=embed&layout=grey       
i(l) str.64 sim:
http://www.mnovine.biz/images/pdf/918/mnovine918i.pdf       

* * * * * * * * * * * * * * * * * * * * * * * * * * * *

Ronald Braus,Iva Ranogajec & Ilirci - Oj, Štefek, Štefek (Krapina 2012) Nove popevke HQ, 03:18
(Viktor Crnek - Nevenka Puh - Darko Berović:)
Krapina 2012 (47.Festival kajkavske popevke) 08.09.2012.
http://www.youtube.com/user/kajkavskepopevke

Ronald Braus,Iva Ranogajec & Ilirci - Oj, Štefek, Štefek (Krapina 2012) Nove popevke HQ

[Ljudevit Kaj]

Međimurske novine,
e-vundano 13.05.2013.

Premišlavanje Jožeka radnika

Moramo menjati i drugima dati šanso

Kinči se Čakovec, kinči se Međimorje, župani, gradonačelniki, načelniki nas gledijo z vsakoga grma, z vsakoga kandelabera, z vsake malo vekše hiže. Ve političari gombajo što je zmislil kaj struja ide pod zemlom, pak ga tak malo kandelaberov po Čakovco. Nebrete veruvati kak so prefrigani te političari, vsega vraga zmislijo i te slike namečejo ruon tam gde ljudi dojdejo kaj jiv vidijo. Da bi bar takši ostali dok na vlast dojdejo, a nej kaj se unda včasi vse pozabi kaj se predi izborov znalo i obečalo. No, vsa je sreča kaj so izbori na prtuletje, pak je to ne tak strašno kaj nam je Čakovec, a i Međimurje naše malo, tak cifrasto.


Vsi smo skupa gledali i drukali za naše puce i dečke z čakoske gimnazije šteri so popevali na televiziji. I to nejlepše i tak dobro kaj so skorom osvojili prvo mesto v Lepoj našoj. Nej znati je li so, na vse zadje, zahuzali oni ili pak mi šteri smo drukali za jiv? Najme kaj, oni so popevali nejbole i nejlepše, furt so bili za štengo pred vsima vse do zadje sobote da so jiv pretekle puce i dečki z Poreča. Brzčas smo zahuzali mi z telefonima jerbo so ovi z Poreča fletneše telefonerali. I dok se vse skupa to prebrojilo ovi z Poreča so dobili malo vejč glasov. No, kak bilo da bilo, naše puce i dečki so pokazali da se glasi, i to oni lepši, čujejo jako dauko i za kajgod se mi Međimorci primemo od toga napravimo zlato. Fala pucama i dečkima, fala profesoro Damiro, fala vsima šteri so pomogli kaj se pak jempot čulo za Međimorje i to nekaj dobroga i lepoga. Kuliko to vredi, pokazal je i Nikola Zrinski, ne znati točno šteri, ali bi mogel biti negdi XXII, šteri je imenoval novoga viteza i to prvoga posle 350 let. I koga bode imenoval ak ne Damira Rodigera, šteri je s zborom čakoske gimnazije vedril i oblačil po glazbenom nebo Lejpe naše. Znajo Zrinski, još navek, kaj delajo.

Ne znati kak i zakaj je jeden američki pes došel na prvo stranico novin? No, neje zato došel kaj je američki neg zato kaj je vgrizel pucko. Vsi znamo da je ne vijest ako pes vgrizne čoveka, nego je vijest da čovek vgrizne pesa, ali tu je bila v pitanjo žena štera je došla posla iskat, pak je to vse čistam nampak zišlo. Bodite sigurni da je mene pes vgrizel to najbrž ne bi bilo v novinaj, isto kak je nej bilo niti pred štiri leti da me je žena z šaraklinom zbila. Kuliko vidimo niti pred novinaraj, a niti pred policajaj, smo ne vsi jednaki…

Minister Linič nema mira i dale lojsa vse okoli i rivle roko v saki žep gde misli kaj more nekaj vum zvleči i posprajti v državno kaso. Nej znati kuliko je to dobro jerbo je ve došel na pijac i na sejam i plaši ljude z svojaj kasaj i fiskalizacijom. Dostapot se najdem na pijaco dok me žena pošle po grincajga, ali sam nigdar ne videl nekšo veliko stisko. Nekaj takšega je i na sejmo. Čuda ljudi se tam obrne i ne bi znal reči je li je i tu v pitanjo tak veliki šeft kaj bi ga trelo deti pod Liničovo kapo. Morem vam reči da sam niti na pijaco, a niti na sejmo niti jempot nej videl Liniča. Brzčas mo je nešči o tomo nekaj pripovedal, pak oče i on od toga meti hasna. Nekaj sam mel za čuti kak je još državna vreča, očem reči, kasa prazna i da jo Slavek nikak nebre napuniti. Nebrem to razmeti: zdigli so nam cene struji, plino, benzino, zdigli so nam pedevea i ve se još to nigdi ne pozna. I još se falijo kak ve nišči ne krade. A de so unda penezi – to vas ja pitam?

Nagrado „Zrinski“ je za Den županije dobil i beličanec Štef Taradi. Ak vam sam tak rečem brzčas ne bodete znali što je to i kaj te čovek dela, ali dok vam rečem da je v pitanjo Utek, mam bode vam vse jasno. Mam bodete znali da je to belički bandist šteri, nejmeje 50 let igra v trubo. I nej sam to, on je vučil, a i dale vuči, i druge kaj igrajo z beličkim pleh-bandistima. A to je bormeš nej mala stvar.Verjem da znate da ga na Belici jako malo stareših, a i mlajših, bandistov šteri so ne prešli Utekovo školo. Štefo, vidiš da smo ne pozabili na tebe. Fala ti za vse ono lepo kaj si za Belico, a i vse nas druge napravil! Neje lefko tulikša leta razveseljavati ljude. Kak je rekel pajdaš Pišta: ta je nagrada došla v prave roke makar malo kesni, ali je jezeropot zaslužena.

Kinči se Čakovec, kinči se Međimorje, župani, gradonačelniki, načelniki nas gledijo z vsakoga grma, z vsakoga kandelabera, z vsake malo vekše hiže. Ve političari gombajo što je zmislil kaj struja ide pod zemlom, pak ga tak malo kandelaberov po Čakovco. Nebrete veruvati kak so prefrigani te političari, vsega vraga zmislijo i te slike namečejo ruon tam gde ljudi dojdejo kaj jiv vidijo. Da bi bar takši ostali dok na vlast dojdejo, a nej kaj se unda včasi vse pozabi kaj se predi izborov znalo i obečalo. No, vsa je sreča kaj so izbori na prtuletje, pak je to ne tak strašno kaj nam je Čakovec, a i Međimurje naše malo, tak cifrasto.

Nejvečpot se slikal i nejveč sliki je nametal Jožek Posavcov, šteri bi znova štel osvojiti srca Međimorki i glase nas Međimorcov i kaj bi znova bil prvi čovek županije. Najgerek sam je li bodemo mi  Međimorci vupali znova dati glasa čoveko šteri je več jempot bil glavni, a drugipot smo ga ne zebrali jerbo smo nej bili žnjim zadovoljni. On misli da je bil dober župan. On misli tak, a nas je ne nišči nikaj pital!!? On je bil dober, Ivek je ve dober i ak je to vse istina kaj v novinaj piše unda niti ne moramo meti izbore i ne moramo nikaj menjati, jerbo ak zmenimo dobroga, a dober bode došel unda smo nej nikaj naprajli. Kak bi soseda Franca rekla: pretepli smo z luknjastoga v prazno. Ak bodemo več menjali unda moramo zebrati nekšega mlajšega i bolšega od dobroga, kaj znači da mora biti vrlo dober ili pak odličen.

Dečki i puce v hadezejo so se prijeli posla i ne šalijo se. Ido na prvo lopto. Mladi so, lepi i spametni. I pojačanjo so si dopelali. Ne znam je li bi vam smel reči, a kaj se nebi prefletno zazvedilo, oni kanijo pobediti na izboraj. Velijo da je došlo jivo vreme i da imajo vse kaj treba da prevzemejo vlast kak v Čakovco, a nekaj se i za županijo spominajo. Moramo jim dati šanso, to nas nika ne košta, pak da vidimo kaj morejo i znajo.     

Gledal sam te listeke za župane i načelnike. Videl sam kak se Jožek Posavcov prijavil za župana, a jegova životna družica Dijana bi štela biti načelnica v Nedeliščo. Nekaj sam si gruntal je li so oni nej v sukobo interesa ak bi jiv mi zebrali. Nejsam siguren je li bi smeli meti župana i načelnico od jedne hiže. Ak je to nej sukob interesa unda i kumi v Čakovco, Štef i Mario, morejo iti skupa na izbore.


Zvir:
http://www.mnovine.hr/novo/index.php?option=com_content&view=article&id=19950:moramo-menjati-i-drugima-dati-anso&catid=301:joek-radnik&Itemid=575
i(l) str. 64 sim:
http://issuu.com/mnovine/docs/mnovine921i?mode=embed&layout=grey         
i(l) str.64 sim:
http://www.mnovine.biz/images/pdf/921/mnovine921i.pdf

DPZ 2013 (finale) - Josip Slavenski (prvi nastup) 27/04/2013, 08:38

http://www.youtube.com/watch?v=8O_8vZdY6oM

Međimurje, 07:03
Pesme i tanci Međimurja, v Buševce leta 2008.

Međimurje

[Ljudevit Kaj]

Varaždinske vesti, br. 3567, 14.05. 2013.

Piše Barica Pahič

KAJ je naše pitanje i naš odgovor

Nekoji su imeli sreče hapiti europske plače

- Ma naj mi reči da si i ti protiv EU-a? Preveč si pesimistična. Pokle kiše dojde i sunce - rečem da bi spomenek obrnula na veselejšu stran i zapopevam ji:“Hajdmo vu Varaždin gdi cvete ružmarin…”
- Se ti je pitanje sreče. Nekoji su pri nas imeli sreče hapiti europske položaje i plače, a drugi pak hrvatske siromaštve.
I onda mi scitiera Krležu: “Nešče obrne drek pod cekin, a nešče cekin pod drek.” (Na rubu pameti: Valent Žganec).
 

Prie teden dni mi se javila jena prijateljica i rekla mi da si želi dojti vu Varaždin, v šterom ni bila več od prie rata. Čak ni na Špancirfestu. Pitala me gda je najpogodnejše vrieme za dojti. Savetovala sam ju da sikak dojde da je liepe vrieme i tople jer je Varaždin najliepši gda zabljesne v suncu.

- Je, a kak to pogoditi gda se se pošemerile; i vrieme i ljudi? Zgledi kak da je Bog čiste zgubil kontrolu nad svietem.

I onda mi je spripovedala staru priču o tem kak je na svietu živel jen dober i pošten človek šteri je, mam gda je vumrl, čisti od greha, dospel na nebe. Sveti Peter mu je rekel da mu je v raju se dozvueljene, ali ak se namieri na jeno veliko zrcalo, čez štero Buog kontroliera življenje na zemlji, ne preporuča mu v njega pogledati. Mogel bi videti pekel, i biti kaštigani z oniem kaj bi vu njem videl. Tie se pravednik sprešetaval po raju i nameril na zrcale, ali se štel deržati upozorenja. No, kaj je več put kre njega prešel, to ga je več grizla radeznalest.

- Meni je tu liepe, ali zakaj ne bi videl kak je oniem f pieklu?

Na kraju je popustil. Pogledel.je v zrcale i videl kak sused ide k njegve žene spat. To ga je tak raščemerilo da je potrl zrcale. Odonda Buog nema kontrolu nad zemaljskim življenjem i zete se vu njem se pošemerile.

- Pa kaj je Bogu stvoriti nove zercale! – velim ja naivne.
- Nieje to problem, neg je nebeske vrieme drukčeše od zemaljskega. A štel je i ljude kaštigati poradi ftikanja v njegve posle. Morti je sreča v neznanju.

Skup smo se nasmejale te šale, a ona je nastavila:

- Kaj ti ne glediš televiziju? Kaj nie i prinas takva zmešarija i norija da tu ni Buog nemre napraviti reda. Več se ne zna kie je s kiem, a kie protiv koga. Same jeni druge opšpotavaju i vređaju. I si nas uveravaju da su baš oni naši spasitelji, a od sega nič. Ak nam Buog nemre pomoči, nebu nam ni EU, f šteru bumo vlezli kak muhe bez glave. Kaj nie tak?

- Ma naj mi reči da si i ti protiv EU-a? Preveč si pesimistična. Pokle kiše dojde i sunce - rečem da bi spomenek obrnula na veselejšu stran i zapopevam ji:“Hajdmo vu Varaždin gdi cvete ružmarin…”

- Se ti je pitanje sreče. Nekoji su pri nas imeli sreče hapiti europske položaje i plače, a drugi pak hrvatske siromaštve.
I onda mi scitiera Krležu: “Nešče obrne drek pod cekin, a nešče cekin pod drek.” (Na rubu pameti:Valent Žganec).

- Čuj, pa i tebi se se pošemerilo. Diela si na kup i Boga i nebo i Varaždin i Krležu. Kaj si ti prava?
- Same sem dokaz prave zmešarije. Vidimo se vu Varaždinu!

Na rubu pameti

Vuz Valent-inovo

Lamentacije Valenta Žganca zvanog Vudriga
(sfalela žganica il?)

Se kaj muž, pravzaprav, ima – je klet i v kleti bučkuriša hekto, a če taj ocet popije, onda mu tak veliju da je pijani prasec i fakin! A kak muž pravzaprav živi, ak se prav zeme? Na sejem prasca tira, a fileke si privuščiti, bogi-bogme, nemre, ali kravi svojoj papke z oljem maže i vole frizjera i kobile kristera i pod rep im s temjanom kadi, a sam pak, pravzaprav, kak marha nad marhami krepavle, i ak to mar-hašag ni, kaj onda je život kmetski? Baš prav veli Kinez: če misliš da hekto bučkuriša nekaj vredi, varaš se, dragec! Če misliš da z mlade cure nebu “striženo-košeno” postalo, znova si v zabludi. A ja im velim, gospon doktor: se to denes kaj se z luctvom događa je veliki oselski sprevod – ni repa, ni glave!

Nastavek:
http://www.forumgorica.com/kajkavski/pro(iliti)za-kajkavsku-p(r)oeziju/msg49859/#msg49859

Zvir:
http://varazdinske-vijesti.hr/kaj-je-nase-pitanje-i-nas-odgovor/nekoji-su-imeli-srece-hapiti-europske-place.html
i(l)
str. 29 sim
http://varazdinske-vijesti.hr/pdf/3567.pdf   
Aktuelni broj VV:
http://varazdinske-vijesti.hr/online/Main.php?MagID=1&MagNo=1 

Studentski Vokalni Studio Rijeka - Vuprem oči (Vinko Žganec), 01:51

Koncert v cirkve Sv. Jelene Križarice, Kastav, 18.06.2011.

Studentski Vokalni Studio Rijeka - Vuprem oči

[Ljudevit Kaj]

Zagorski list
e-vundano 16.05.2013.

Ke muči Zabočanku?
 
Bolje onda morti da tri dane doma presedim pod jabuku i gladim janjca, morti mi se bar on smiluje kad mu rogi zrasteju pak me ne natiraval kak maturanti s konfetami. Čekam bolje dane dakle. A školarci, pamet v glavu, riješiti sve na vrijeme, da čim prije prejdete z Zaboka, na more, h planine, bile kam. Za mirneši Zabok i mirne ljete, obostrane zadovoljstve.

Piše: Jelena Jurina


Muči me jedna stvar h tom Zaboku. Školarci. Pune školarce. Meni je sve jasne, deca se školovati moraju. Drage mi je da se h Zaboku, mojem Zaboku imaju de školovati
 Share on printMuči me jedna stvar h tom Zaboku. Školarci. Pune školarce. Meni je sve jasne, deca se školovati moraju. Drage mi je da se h Zaboku, mojem Zaboku imaju de školovati. Same me interesira jedna stvar. Do ih i de školuje do toga časa kad dojdeju v Zabok? Naime, i ja sam mlada, prešla sam v Zaboku od vrtića do fakulteta kojega zgotavljam, i jake mi je žalosne videti da se moj otec, tvoj otec, moja babica, tvoj dedek, moraju micati čoporu školarki koje se rasprostreju po nogostupu kak moje ovce  na dvorišću pri bolje trave i iste tak mekečeju. Hdijen. H čemu je stvar, pitam se ja?

Najrajši čakam ljete i kad se deca s škole pobereju na praznike. Onda sam najveseliješa. Kad po trgu ideju same golubi i penzići. Njih volim, ideju po svojem poslu i ne smijetaju nikomu. Osim ak nijesu na becikljinu. Penzići, ne golubi. I te na ceste. Te je već drugi par cipul.

Sad me to sjetile da me muči još neke. Dakle, nije same jedna stvar. Dvije su. Pune školi v Zaboku. Osnovna, par srednjih, kakvih ti srce želi, faks. Raznorazna doškolovanja koje nudi Pučko otvoreno učilište. Sve je te ljepe i dobre. Dok te se ne završiš. I oćeš si posel najti. Onda ideš v jednu zgradu koja se zove Obrtnički dom, na prvi kat. Tam je Burza. Dojdeš, pokucaš, pitaš, prijaviš se. I od muke, kad vidiš de si je i ke si je, prejdeš v Diskaveri na kratkoga. Nije taj Diskaveri bezveze tam ak ste mislili da je. Ali spijete kratkoga i idete mam. Jer pogodite. Tam je sve pune školarce. I đuboks je tam. O glazbenom ukusu školarce nem, jer nisam sigurna dal vrijedi ona stara da se o ukusima ne rapravlja ili pak ona male noveša da su ukusi da se po njima... jelte, kak ovce kad bombone delaju. Inače, mađioničari su te ovce, z zelenja delaju bombone. Morti onda nije pravedne usporediti ih s školarci, koji pretačeju z šupljega h prazne dok ideju po ceste i ne mičeju se nikomu.

Ke me još muči. Muči me te ke si nemrem v Zaboku pojesti sladoleda kuglu za 3 kune kak je negda bil. I te je bila prava kugla, onak, da se vidla. Denes, za 6 kuna dobiš kuglu sladoleda koju moraš iti s povećalem v kornet sposušeni iskat. Zanima me, ke se dogodile sa sladoledem v Zaboku? Inače, de su Ledove škrinje sa sladoledem na kugle, da je te doj zadnji put videl, v Zaboku, negde drugde? E je sladoled zaprav odraz stanja v države? Stanja v Zaboku?

Pitam se. Ne znam de je zapele. Pogotove de je zapele sa sladoledem od pistacije. Volim pistaciju, zelenu farbu i zelenje općenite, morti su mi zate te ovce tak drage, i one te iste voliju. I male pomekečeju i dobre su. Razmeme se. Ovce i ja. Doduše, malom janjcu rogi zbijaju, pitanje kak se bume duge razmeli.

Od zutra, rogi buju zbili i meni. Jer zutra počinje norijada v Zaboku. I te me muči, pogađate. Odlazak v dućan, odlazak, bile kakav odlazak od doma, prolazak kroz Zabok i povratak doma, postaje nemoguća misija. Lake za mene, laktila se bum i roge pokazala, jer zbili buju, ne sumnjajte, ali ke s onim ostalim narodem kaj nemre v Zaboku normalne funkcionirati i kojem su rogi odavno zrasli i odavno otpali? Konfete, piva, brašne, voda, alkohol, pune alkohola, pune maturante, pune đubokse i pune, preveć svega za Zabok.

Bolje onda morti da tri dane doma presedim pod jabuku i gladim janjca, morti mi se bar on smiluje kad mu rogi zrasteju pak me ne natiraval kak maturanti s konfetami. Čekam bolje dane dakle. A školarci, pamet v glavu, riješiti sve na vrijeme, da čim prije prejdete z Zaboka, na more, h planine, bile kam. Za mirneši Zabok i mirne ljete, obostrane zadovoljstve.


Zvir:
http://www.zagorje.com/kolumne/pregled/ke-muci-zabocanku

* * * * * * * * * * * * * * * * * * * * * * * * * * * * * * * *

Kaj se pripetilo.flv, 01:07
smotra zborov Zabok 2011.

Kaj se pripetilo.flv

[Ljudevit Kaj]

Međimurske novine,
e-vundano 29.04.2013.

Premišlavanje Jožeka radnika

I šekutori si zbirajo….
 
Priločki policaji so dobili pecikline za laufanje po varoši, a kaj jiv ne bodo noge bolele. Vu zadje vreme se vseposot, pak tak i v Priloko čuda krade, pak bodo peciklini dobro došli kaj ne bodo tati navek naprej pred policajima. Kaj god vi rekli, ali z peciklinom je navek muoči brže i dale dojti nek pešice.


Piše: Jožek radnik

Hadezeovec Darko Horvat je brzčas pravi političar. Napisal sam vu zadjemo brojo novin kak se je sam još on nej prijavil za župana i predi nek so novine došle na svetlo dneva on je to več napravil. Nej znati koga to on ima kaj mo čita novine naprej i tak zna kaj bode pisalo v novinaj za dva dni. Pomalem se popunjavle lista onih šteri kanijo biti župani, tak da ve imamo, kak sam rekel, hadezeovca Darkija Horvata, esdepeovca Iveka Perhočovoga, narodnjaka Mateka Posavca, laburista Marjana Belčića i slobodnoga strelca, Jožeka Posavca. Tuliko za ve, jerbo je do izborov još dosta cajta, pak se more pojaviti još nešterni. Ali ak tak ostane unda ne bode preveč velika stiska, pak si bode moči lefko zbrati.

Za prvi maj naš međimorski sindikalista Francek Veble pela v Zagreb naše težake šteri so jako srditi na „Kukurikače“ šteri držijo v rokaj cugle državne vlasti. Nikaj so ne naprajli od onoga kaj so obečali predi nek so bili zebrani. I nej sam to, mesto kaj bi nam vsima bilo bole, vsima nam je vsakoga dneva vse huje i huje. Vse vejč ljudi je brez posla, vse vejč ljudi je po burzaj, več jiv je skorom 4oo jezer, a to je 10 procentlinov vsih Hrvatov šteri ne delajo, ne dobavlajo plače i nemajo od čega živeti. Ak k temaj šteri ne delajo denemo kcoj i one šteri delajo, a ne dobavlajo plačo, unda dojdemo do brojke od 500 jezer težakov šteri nemajo od čega živeti, a unda si morete misliti od čega živijo jiva deca i jive familije. Zato i trebajo težaki iti, i to čim vejč, kak se na Jelačić placo pospominaju s Zokijom i jegovim ministrima kaj jim ovi pokažejo svetlo na kraju tunela vu šteri so zašli. I nej sam to, nek napravijo vse ono kaj so obečali i kaj bodo vsi meli posla, a oni šteri delajo kaj bodo mogli od toga svojega dela i živeti. Nigdar so naši težaki nej preveč iskali, pak je tak i denes, ali nikak da se toga fčekajo.

Čakovčanci kanijo modernizerati i preširiti smetlišče v Totovco, a tej novi pogon bi trebal koštati cirka 39 milijonov kuni. Čim so to ljudi zazvedili mam so se počeli spominati kuliko bodo morali vejč plačati za smetje kaj se tua nova fabrika splati. Na vse zadje se je zazvedilo da bode država platila 32 milijone, a ostalo bodo gracki oci dali z svoje kase. Znate kakši so naši ljudi i zato se ne tre nikaj čuditi da so tak pitali jerbo jim je nišči do ve nikaj nej dal, nej napravil, a kaj ne bi porinul roko v žepe građana. Tak je bilo i v decembro čim, so gracki večniki zglasali kaj se bode delala kanalizacija v Novi Seli, Totovco, Kuršanco, i Šandorovco mam je i voda podražila.

Ivek Perhočov je kompleteral svojo ekipo za utakmico z biračima za novi mandat, za još štiri leti, hercuvanja s županijom. Ivek si je, kak vodeči esdepeovec i Zokijov poverenik za Međimorje, za sebe zadržal županovo foteljo, a Dejano Hunjadijo i Sanji Krištofić je dal štokrline na šterima bodo sedeli jegovi zamjeniki. Najte me krivo razmeti, ali Sanja je nejlepša od vsih esdepeovcov, očem reči, esdepeovki štere nam se nudijo, nam kak biračkomo telo, kaj jiv zberemo kaj bodo, skupa s županom, držale cugle vlasti v rokaj. Nej znati kak jo je Ivek uspel nagovoriti? Brzčas jo je jako dugo nagovarjal i zato smo stopram ve zazvedili što bode leva, a što desna Ivekova roka. Nek se Matek ne srdi, ali Sanja mi je čuda lepša!

Brzčas bodemo vu ovoj Lepoj našoj naprajli nekšega reda ili pak je to mortik sam prinas v Međimorjo. Najme kaj, pomalem vsaka rit dojde na šekret, pak je tak došla i Katica Zamuda z Štrigove štera je pobirala peneze od ljudi kaj jiv bode obračala i drugima posojavala, a ljudima bo platila lejpe kamate. I vse je bilo vredo tak dugo dok so ljudi nej došli po peneze. Jeden cajt ga bilo vsega, i penez i kamata, unda so kamati sfalili, pak ste mogli dobiti sam svoje peneze, ali na vse zadje se je vse vruhnulo, celi projektlin je opal v tibro. a ljudi so ostali brez vsega. Kuliko vidimo nej smeti veruvati ženama, bar ne vsima. Ili kak je moj pajdaš Feri, šteri je isto nekaj malo šparal pre Katici, rekel,  nejso žene za peneze. Ali malo prekesno je to zazvedil. Tak je to navek!

Priločki policaji so dobili pecikline za laufanje po varoši, a kaj jiv ne bodo noge bolele. Vu zadje vreme se vseposot, pak tak i v Priloko čuda krade, pak bodo peciklini dobro došli kaj ne bodo tati navek naprej pred policajima. Kaj god vi rekli, ali z peciklinom je navek muoči brže i dale dojti nek pešice.

Mi prinas vu Međimorjo imamo hajdig dobrih načelnikov, ali je nejbolši šenkoski načelnik, Vladek Novakov, šteri je poplatil vse račune štere je dobil, a i ostavil je punu kaso penez. Rečite mi, prosim vas lejpo, de je još jeden takši je. Vladek je tak dober, očem reči, preveč dober kaj so ga jegovi nej niti kandiderali znova za načelnika kaj se ne bi pokvaril. Kuliko vidimo ne isplivajo navek nejbolši jerbo je politika  negda jako čudna ili pak mi, obični smrtniki, to ne razmemo!

Več ste si gruntali kak ne pratim športa i da sam ne zazvedil za naše gimnastičare Tijano Tkalčec i Filipa Udea šteri so se pokazali na Evropskomo prvenstvo v Moskvi. Pokazali so vsima v Evropi da se prinas vu Čakovco, očem reči, Nedeliščo dela dobro i nej sam dobro, nek jako dobro i da bodemo i dale meli naše puce i dečke vu vrho evropske i svecke gimnastike. Vsaka čast Tijani, vsaka čast Filipo, a i Stevici šteri to vse na kupo drži.

Nadzorni odbor Međimorskih vodi je dobil po ščepcima. I nej sam to nek so jim državni šekutori porinuli roke v žep i zvlekli vum par jezeri kuni. Makar župan Ivek ima nejmenše žepe, ali bode moral nejveč dati (5000 kn), a nedelski i svetomartinski načelniki isto kak i prislaska načelnica po 3000 kuni. Nej znati zakaj je kotoripski načelnik dobil nejmenšo kazno? Kuliko sam mel za čuti, gospon Grgec se bode žalil jerbo je on nej meje vreden od drugih. Pak je nej on nejhujši načelnik. Znate kaj, nebrem nikak razmeti zakaj so jiv državni šekutori štrofali ak se zna da so vsi do jednoga zabadav delali i sedeli v Međimorskaj vodaj! Niti med cvetjem ga nej pravice, pak je tak i med državnaj šekuturaj. Najme kaj, vsi znamo da je i čakoski načelnik sedel vu Međimorskaj vodaj, isto tak zabdaf  kak i vsi drugi, pak so jega nej štrofali. Mortik on ima strica med šekuturaj?? Ili pak kuma???


Zvir:
http://www.mnovine.hr/novo/index.php?option=com_content&view=article&id=19721:i-ekutori-si-zbirajo&catid=301:joek-radnik&Itemid=575
i(l) str. 72. sim:
http://issuu.com/mnovine/docs/mnovine919i?mode=embed&layout=grey         
i(l) str.72. sim:
http://www.mnovine.biz/images/pdf/919/mnovine919i.pdf     

* * * * * * * * * * * * * * * * * * * * * * * * * * * * * *

Mladen Medak Gaga - Z beciklom.wmv, 02:49
Pesme Podravine i Podravja 2005.

Mladen Medak Gaga - Z beciklom.wmv

[Ljudevit Kaj]

Varaždinske vesti, br. 3566, 07.05. 2013.

Piše Barica Pahič

KAJ je naše pitanje i naš odgovor

Došel bu Prvi maj, nemamo slaviti kaj...

Tomu smo se datumu negdar jake veselili. I v nove deržave su se te navike nastavile dek se niesu tak rastegnule da je za fnoge ostal same praznik, bez rada. Rad, bolj reči posel, se negde na putu izgradnje buoljega i pravednijega društva zagubil pa i pravi smisel njegvega  slavljenja. Još se nekaj sindikalisti špinče i zahtevaju, ali od te melje niega kruha. Oni na vlasti jih brzo poklope ili na njih same otpuhnu. Ili potegnu jake argumente; svecka kriza i oni „bivši“ šteri su se pokrali, tak da su v naši mediji največ koriščene rieči krađa, krasti, kradljivci. Je, a najbrojnejša naša klasa su pokradeni. Ali nema konkretizacije pa se ide vu veter.


Duge ščekavane vuletje je ipak došle. Nagle su precveli i otcveli tulipani, narcisi, jorgovani i zlatni dež. Se se zazelenile. Milina! Seljaki su komaj dočakali liepe vrieme i mogučnost obdelavanja zemljice; sijanja i sadnje. Gracki pak ljudi, ak imaju posel, nemaju brige jel bu kaj na vrieme dospele v zemlju. Po povrtline ideju na plac ili v samoposlugu. Vesele se kaj svoje kavice moreju piti na otprtome i liepo se sprehajati po gradu. A se je to naviek tak za Prvi svibanj ili po negdašnjem, Prvi maj, praznik rada.

Tomu smo se datumu negdar jake veselili. Po školami i v kojkakvimi socijalistički organizacijami su održavane svečanosti, držali su se govori, dečica su popevala i recitierala, a pokle se išlo f prirodu; gracki ljudi na kakev izlet ili na more, a seljaki kak i denes, na polje. Kak god su se Prvemu maju veselili, kak i sakemu slobodnemu dnevu, zmišljali su kojkakve šalne ili pak menj šalne pesmice kak npr:

„Došel bu Prvi maj,
dajte nam dva-tri dneva fraj,
kaj pemo doma, kopat i sejat vu zavičaj“.

Tak je bilo na začetku industrijalizacije, a pokle su zadnji stih premenili v:

„...kaj bumo znali kaj je radnički raj.“

Je, i kuhal se besplatni grah s klobasicami i točila piva. Ljudi su popevali, a ponegdi i zatancali. Ak se mogle, preskočile se i šteri radni dien, a prazniki se natezali i produžavali. I v nove deržave su se te navike nastavile dek se niesu tak rastegnule da je za fnoge ostal same praznik, bez rada. Rad, bolj reči posel, se negde na putu izgradnje buoljega i pravednijega društva zagubil pa i pravi smisel njegvega  slavljenja. Još se nekaj sindikalisti špinče i zahtevaju, ali od te melje niega kruha. Oni na vlasti jih brzo poklope ili na njih same otpuhnu. Ili potegnu jake argumente; svecka kriza i oni „bivši“ šteri su se pokrali, tak da su v naši mediji največ koriščene rieči krađa, krasti, kradljivci. Je, a najbrojnejša naša klasa su pokradeni. Ali nema konkretizacije pa se ide vu veter. I zate se vezda popeva drukčeša pesmica:

„Došel bu Prvi maj,
nemamo slaviti kaj
ne treba nam nikakef fraj.
Treba nam posel i plača
pa polek graha, bu i kolača.“

Kaj ti je narodno stvaralaštvo! Naviek f pravi živec pehne. Ali se je to još dobrodušne i nikaj stoga. Jedni su kričali i protestierali, a oni drugi buju delali po svojem. Fnogi z gornje klase su svoju bliskost z radnim narodom demonstrierali tak da su, demokratski, z narodom pojeli grah z klobasicami. I tak se, z leta v leto, se ponavlja i vrti. A kak i nebu gda je Zemlja okrugla.


Zvir:
str. 23 sim
http://varazdinske-vijesti.hr/pdf/3566.pdf     
Aktuelni broj VV:
http://varazdinske-vijesti.hr/online/Main.php?MagID=1&MagNo=1   

* * * * * * * * * * * * * * * * * * * * * * * * * * * *

Poleg Navrh jene vel(i)ke gor(ic)e
Ivanščica kaj se zove....

Prvomajski “Dečki z bregov” na Ivanščice (01.05.2008.)
decki z bregov - kam pa ides micika, 01:45

decki z bregov - kam pa ides micika

[Ljudevit Kaj]

Međimurske novine,
e-vundano 06.05.2013.

Premišlavanje Jožeka radnika

I črevec je bil na proslavi Dneva županije
 
Da smo več pre precedniko Josipovićo, morem vam reči da nas je falil, ali nej znati zakaj? Pak mi znamo kakši smo. Lejpo je rekel da so denes jako teška vremena, da je kriza žilava kak vrag i ne znati da bodemo, itak, pobegli od nje. Lejpo je rekel da moramo vsi, a posebno političari, kak oni šteri so več zebrani, tak i oni šteri bodo of mesec zebrani naprajti vse kaj nebi došlo do toga kaj bi bilo istina da NAVEK ZGINE ON KI ŽIVI POŠTENO. Tre tak delati kaj se bode moglo živeti od svojega dela i kaj bodo vsi oni šteri denes nemajo za kruh, za školanje dece ili pak za lekove, to zutra meli. Nej znati što je to precedniko rekel ili gde je to videl, ali on zna da čuda ljudi kopa po kontejnerima, a to je ne Lejpa naša kakšo so senjali naši japeki i mamike, dedeki i mamice.

Piše: Jožek radnik


V minulo soboto smo slavili den naše Međimorske županije. V Čakovco, glavnomo grado županije se zišlo vejč od dvajsti vsakefele postrojbi iz vsih krajov Lejpe naše, a došli so i Mađari, Japanci, ali vam morem reči da ga ne nikoga bilo z Grada Čakovca. Brzčas je nišči ne mel čas, niti gradonačelnik, a niti pak nišči drugi. Bila je meša v čakoski glavni cirkvi za Petra Zrinskoga i Frana Krstu Frankopana, a i vse branitele, štero je služil vojni biškup Jezerinac. Pre meši je bila, od sabornikov, sam hadezeovka Sunčana Glavak. Nejsam se nadjal kaj bi ovi levi saborniki, gospođe Dragica i Nada, gospoda Glavina, Lesar i Moharič došli k meši, ali ga jiv ne bilo niti vuni na Trgo, kak da so oni ne z naše županije. Ne znati zakaj se tak slabo brigamo za svojo županijo, kak da je ne naša. Pred dvajsti let so se ondašnji političari borili kaj bodemo meli svojo županijo i kaj ne bode nišči znami kormanil, kaj ne bode nišči znami gospodaril, a ve se žnje zbrčkavlemo i žnjom špotarimo. Jako sam najgerek kaj bode, itak, zišlo z te naše županije, jerbo da bode precednik Sabora zazvedil kak nas je malo bilo i kak saborniki i lokalni političari nikaj ne marijo za svojo županijo, brzčas nam jo bode zel. Vse lefko.

Nesmem se niti zmisliti kak je Čakovec Grad Zrinskih, kak je naša županija, Županija Zrinskih, a dok obslužavlemo Den županije i Spomenden pogibije Zrinskih i Frankopana, unda nas ga nej niti blizo. Na prste jedne roke je muoči bilo nabrojiti gracke večnike, a na prste druge roke županiske vječnike šteri so došli na proslavo. Ne moram vam niti reči da ga ne bilo niti navučitelov, a niti profesorov jerbo jim je sobota fraj, pak oni nemajo čas kaj bi svoje fraj vreme trošili na takše huncvutarije. Prosim vas lejpo, kak bodo naša deca nekaj zazvedila o Zrinskima i županiji ak jivi navučiteli ne dojdo tua gde se o temo pripoveda. Kaj ne bodete mislili da so bili gracki ili pak županijski turistički težaki, nejga niti jiv bilo, makar je Čakovec bil pun stranjskih ljudi. Dojdo ljudi z vsih krajov Lejpe naše, pak i zvuna, a jiv ga ne blizo kaj bi jim rekli i vse ono kaj još ne znajo.  Nega bilo niti ravnatelja muzeja, gospona Kalšana, makar so mo na dvorišču vence polagali, govore držali, igrali i popevali. Ali nam je zato Japanec lejpo, na našemo hrvaškom jeziko, spopeval pesmo „U boj, u boj…“. On nam mesto kaj bi mi jemo.

Čakovec je Grad  Zrinskih, a na glavnomo čakoskomo trgo je i spomenik Nikoli Zrinskomo Čakoskomo, to vam je on šteroga nam je divja svija sfondala vu Kuršanco. Jegovoga spomenika vsi nejbole poznamo kak Orla. Kak se brigamo za Zrinske i za spomenik morete i sami videti. Najme kaj, spomenik nam je celi v dračo. I to nej v nekšemo svetešjemo, nek v običnomo črevco šteroga niti svije ruon preveč nečejo. Ak več to furt ne čistijo naši komunalci, ali so mogli bar počistiti dok je tak čuda ljudi došlo v Čakovec, kak domaći tak i stranjski. Bil je i precednik Ivo Josipović. I zato mi je ne čudno kaj se jemo dopalo to kaj je Međimorje cvetnjak Hrvaške i vsa je sreča kaj je črevca videl posle kak nas je pofalil.

Da smo več pre precedniko, morem vam reči da nas je falil, ali nej znati zakaj? Pak mi znamo kakši smo. Lejpo je rekel da so denes jako teška vremena, da je kriza žilava kak vrag i ne znati da bodemo, itak, pobegli od nje. Lejpo je rekel da moramo vsi, a posebno političari, kak oni šteri so več zebrani, tak i oni šteri bodo of mesec zebrani naprajti vse kaj nebi došlo do toga kaj bi bilo istina da NAVEK ZGINE ON KI ŽIVI POŠTENO. Tre tak delati kaj se bode moglo živeti od svojega dela i kaj bodo vsi oni šteri denes nemajo za kruh, za školanje dece ili pak za lekove, to zutra meli. Nej znati što je to precedniko rekel ili gde je to videl, ali on zna da čuda ljudi kopa po kontejnerima, a to je ne Lejpa naša kakšo so senjali naši japeki i mamike, dedeki i mamice.

Najte me krivo razmeti, ali nikak nebrem zazvediti kaj kanijo naprajti z tem kaj bode minister za peneze, Slavek Linič, platil vse duge štere so bolnice do dneva denešjega naprajle? Najme kaj, dugi bodo se poplatili, a vsaki novi den bode donesel i nove duge. Treba se tu dospomenuti tak kaj bodo bolnice mele dostik penez i kaj bodo vsi vu bolnicaj, kak doktori, tak i sestrice, a i mi betežniki, mogli normalno živeti. Verjem da je ne to vredo kaj celi radni vek plačate za zdrastvo,a dok, kak penzioner, dojdete v bolnico unda si vse morate nositi zdoma: piđamo, sopona, šekret papira, a i jesti ak nečete skalerati. Nejbolši lek za zdrastvo more dati naša Vlada ak gene gospodarstvo i ak bode čim vejč ljudi delalo, a na vse zadje kaj bodo te ljudi i plače dobavlali. Ak se to tak reši mam bode pol ljudi, šteri ve delajo stisko pre doktoraj i po bolnicaj, ozdravilo. Ve vidite, ve ja huncvut i potepuh moram davati navuke tem školanim i spametnim ministrima. Prosim vas lejpo, najte to nikomo povedati kaj sam vam pošepetnul kaj me ne bi precednik Zoki pozval za ministra. No, bom se več nekak zvlekel, kak pravi Merđimorec.

Verjem da ste vidli kaj so švapski labodoritaši naprajli z Španjolcima. Švabi so jiv potukli (vse skupa 11:3), tak kaj jeno vreme ne bodo mogli k sebi dojti. I ve bode nešči rekel kak se politika ne meša v šport. Najme kaj, Španjolci so dali moljbo za zajam švapskoj premjerki Angeli Merkel, a ona je čakala kaj jim to odobri tak dugo dok so ne te vse utakmice odigrane. Ve razmete zakaj so Španjolci igrali pod ručnom brenzom.            

Vsaki dober bažolj se dauko čuje. Tak je bilo i v Čakovco gde smo ne mogli čuti kakši je bil bažolj jerbo so „Komedijaši“ strašno glasno igrali i još glasneše popevali. Niti kuršanski bažolj je ne dobil pravo glasa jerbo so tam glasneši od jega bili Žigini bandisti. Brzčas je nejbolši bažolj bil na Martici, tam ste mam mogli čuti što je jel bažolja, a što je sam pit došel.         

Štef Kovač je sam sebe zebral za čakoskoga načelnika i to prek Interneta, očem reči, Facebooka i to mam čim se kandideral. Isto onak kak se potpisival kak ing, inf. i to mam čim se na Veleučilište zapisal. A vsi drugi nejpredi diplomerajo. Nek se zna!


Zvir:
http://www.mnovine.hr/novo/index.php?option=com_content&view=article&id=19832:i-revec-je-bil-na-proslavi-dneva-upanije&catid=301:joek-radnik&Itemid=575
i(l) str. 64. sim:
http://issuu.com/mnovine/docs/mnovine920i?mode=embed&layout=grey         
i(l) str. 64. sim:
http://www.mnovine.biz/images/pdf/920/mnovine920i.pdf     

* * * * * * * * * * * * * * * * * * * * * * * * * * * * * *

LADO – MEĐIMURJE, 06:42

Pesme i tanci Međimurja -- Šest let mi je minulo (Marijan Makar), Zaigrajte meni (Marijan Makar) i Kak je teško našu ljubav tajiti (Marijan Makar) del su programa humanitarnoga koncerta glazbeno poetske večeri "Z kajkavske krajov" ansambla LADO i gostov: Renate Sabljak, Vida Baloga i Adama Končiča, održanoga v KD Vatroslav Lisinski v Zagrebe, v velače leta 2013.

LADO - MEĐIMURJE

[Ljudevit Kaj]

Varaždinske vesti, br. 3565, 30.04. 2013.

Piše Barica Pahič

KAJ je naše pitanje i naš odgovor

Nieje dost napisati tri pesmice i misliti da si zate veliki pesnik

Ima i pucic štere još idu v škuolu pa se z vremenom bu pokazalo kak jim daleko talent doseže. Nieje dost napisati dvie ili tri pesmice i misliti da si zate veliki pesnik. To te mora deržati cielega življenja i nigdar ne znaš kulike bu pokle tebe ostalo kak kniževna vriednost.

 
Če ste pokle onega teksta o pesnikima Ivanečkega pesničkega kruga pomislili da se on sastoji same od muških i da muza Polihimnija, zaštitnica lirike, žene zbegava, fkanili ste se. Ja same niesem štiela se stisnuti v jen tekst i nabrojiti jake pune imen... Med pervimi su tuo Ivanka Kunić, pa autorica ovega teksta, Katica Rajić Popijač, Biserka Kupinić, Valerija Večej Funda i pokojna Marica Grđan Težački štere su članice Varaždinskoga književnoga društva, ali i Štefanija Paljak, Ljiljana Lukačević pa i Anica Bukovec.

Ima i pucic štere još idu v škuolu pa se z vremenom bu pokazalo kak jim daleko talent doseže. Nieje dost napisati dvie ili tri pesmice i misliti da si zate veliki pesnik. To te mora deržati cielega življenja i nigdar ne znaš kulike bu pokle tebe ostalo kak kniževna vriednost.

Ivanka Kunić, rođena Ivojnščanka, more nabrojiti več devet knig štere su stručne, pesničke i prozne. Poradi prostora, ovdi bute mogli prečteti same popefku


Dosojeni naš križ

Če je istina da saki čovek i saka hiža
svoj križ nosi, unda si najvekši
i najžmeknejši križ za nas nosila Ti
– zmočena ma mati.
Od postaje do postaje s terdim terhom
do Kalvarije, s krvavi koljieni, mučeči.
Od ranoga jutra do pozne večerke
krvavi križ kak osojeni Kristuš, Mati,
nosila si na zgaženi, zmočeni pleči
i kak najvekša griešnica
ž njim si muorala tožna i trudna
s friškimi senji za dien zutrešnji
v merzlu si postelju leči.
A nosila si ga za nas!
Pri kraju svetoga križnoga pota
čez meglu začukune noči
vidla si sonce, velike sonce,
postelju ti je griela naša ljubav
i nasmejone deteče oči.
Ak je istina da saki čovek
i saka hiža svoj križ nosi
unda si najvekši, najžmekši
dosojeni naš križ lieta i lieta, stolietja
za nas nosila Ti, draga ma,
zmočena naša HRVATSKA MATI.


Katica Rajić pak je Bedljuinšico odseljena v Koprivnicu, ali Bednju je nie pozabila. Piše i pe bedljuinski i na podravske kajkavščine i na standardu. Ima več tri objavljene knige, a još jenu i v tisku. Z njene knjige popefki “Sounčece ne brefčece” nudim vam popefku


Vylječa ne mam briegu

Sa ja zelane, trovico mlodo sa skljilo,
ryežico druobno žute ja sounčece fpilo.
Ftiči su dešli z duljekego i ruodo ja steiglo.
Z dougi negumi trunjik mieri,
viseke ja glauvu zdeiglo.
Črievec zelani pe njive plauzi,
ne ryežica druobna čmalico pauzi.
Ze freštrukelj mad ja jielo,
ze peslem bu zdaj letielo.
Neštarno krovo f štole myča,
zelano ja pošo, uono vyn lyča.
Vylječa na myej brieg ja dešle,
rodest i mlodest sapesyek nejsi,
a nič zote ne prejsi.


Zvir:
http://varazdinske-vijesti.hr/kaj-je-nase-pitanje-i-nas-odgovor/nieje-dost-napisati-tri-pesmice-i-misliti-da-si-zate-veliki-pesnik.html
i(l)
str. 28. sim
http://varazdinske-vijesti.hr/pdf/3565.pdf     
Aktuelni broj VV:
http://varazdinske-vijesti.hr/online/Main.php?MagID=1&MagNo=1   

* * * * * * * * * * * * * * * * * * * * * * * * *

ĐANI STIPANIČEV-KRIŽ-, 03:00
GLAZBA:ZRINKO TUTIĆ/LIBRETO:ŽELJKO PAVIČIĆ
MJUZIKL :"MAJKA BOŽJA BISTRIČKA"

ĐANI STIPANIČEV-KRIŽ-

[Ljudevit Kaj]

Varaždinske vesti, br. 3564, 23.04. 2013.

Piše Barica Pahič

KAJ je naše pitanje i naš odgovor

“Glorija” je bila velika blješčeča predstava kak god ju “čitali”

      Veliko gledališče predstavlja jenput cirkvu, drugi put cirkus kaj znači prispodobu cirkve i njejne suprotnosti; svieta prizemene zabave. Denes se ljudi jake zanimaju za život cirkve. Autorova ideja je ipak išla iznad toga.   
      Ne dopada mi se kaj su glumci na miesti preveč kričali. Tuo sem si otčitala kak oponašanje denešnji političarev šteri takaj pune kriče. Kakti, bore se za narod, a bore se same za vlast i svoje ambicije, tak da se v sem tem kriču i larme, krič istinskega i gljibuokega ljudskega buola ne čuje.
      H. Minić je potrdila da je i za velike uloge, a nie same za sapunice.Niesem nekakšni kazališni stručnjak, ali kaj je, je. Meni je ova “Glorija”  bila velika blješčeča predstava kak god ju “čitali”; gloria našemu kazališču.


Z velikim nestrplenjem sem čakala predstavu Marinkovićeve “Glorije” štera je skupni posel varaždinskega i pulskega kazališča. Nekoje je največ zanimala glavna glumica Helena Minić, šteru su vidli v jene domače sapunice v nekšni neprilični sceni pa su šteli videti kakva je v “Gloriji”. Niesu ni sapunice zabadav. Ali ne bi štela pisati o onemu kaj su čitatelji mogli najti v jake informativnem članku gđe Barić. Mene su “Glorija” i njejno vprizorenje zanimali kak drama šteru sem bezbroj put obrađivala v škole, a več put gledela  i v kazališču.

Znala sem da bu to “drukčeše čitanje”, bolj rečene, drukčeše tumačenje slavnega teksta i baš sem tuo štela videti. A imiela sem i kaj. Na pozadinu pozornice natisnul se ograničeni broj gledateljev pa su za se one šteri su predstavu šteli sikak videti, stolci donašani od kojkud, valjda i z kazališnih uredov. Veliko gledališče predstavlja jenput cirkvu, drugi put cirkus kaj znači prispodobu cirkve i njejne suprotnosti; svieta prizemene zabave. Denes se ljudi jake zanimaju za život cirkve. Autorova ideja je ipak išla iznad toga.

Kak god da je redatelj štel z drame stepsti se kaj diši na ideologiju, meni je rečenica don Jera ”Mene štiti Bog!”, zazvonila kak “Mene štiti partija” (stranka). Vidi mi se i da je tanec Sestre Magdalene v šekeštriji z čist guolimi persi nepripadajuči mestu i osobi štera je puno profinjenejše zamišljena v drame. Pokle onoga stišanoga i poniznoga izlaska na scenu, to mi je bilo zbunjujuče (ona je nie ni pretvorna ni lažljiva) i kak podilaženje “očekivanjima publike”. Tak je i z prikazom erotske privlačnosti med njom i don Jerom, štera mi je bila pune bolj napeta i dramatična bez telesnega dodira. One; tu je, a nesme se ni doteknuti kak da bi pritem grom mogel vudriti.

Ne dopada mi se kaj su glumci na miesti preveč kričali. Tuo sem si otčitala kak oponašanje denešnji političarev šteri takaj pune kriče. Kakti, bore se za narod, a bore se same za vlast i svoje ambicije, tak da se v sem tem kriču i larme, krič istinskega i gljibuokega ljudskega buola ne čuje. Don Jere je zanesenjak i opsenar. Nie je priznal da je same človek i da je delati čudo  z podvalu žive žene na mesto Bogorodice još gorše od čuda z mehanizmem. Živu osobu je štel pretvoriti v mehanizem pa je zgubil i kak človek i kak svečenik.V njegvom unutrašnjem sukobu podjednak jakoga duhovnoga i telesnoga, skrivil je kaj se Magdalena vrnula v cirkus kak artistica Glorija. Tak je nie bile čuda, zate kaj je prevara došla na videle. Z predstave pak je zračile nekaj čudesnega, podržane, odnekud odzgor, čarobnim popevanjem Sofije Cingule. Z priznanjem svoje ambicije i razočaranja kaj je nie postal biskup, don Jere je vništil i Glorijinu ljubav i posredno skrivil njejni pad z  cirkuskog trapeza.

Saka čast glumcem, a H. Minić je potrdila da je i za velike uloge, a nie same za sapunice.Niesem nekakšni kazališni stručnjak, ali kaj je, je. Meni je ova “Glorija”  bila velika blješčeča predstava kak god ju “čitali”; gloria našemu kazališču.

http://varazdinske-vijesti.hr/kaj-je-nase-pitanje-i-nas-odgovor/glorija-je-bila-velika-bljesceca-predstava-kak-god-ju-citali.html
i(l)
str. 25. sim
http://varazdinske-vijesti.hr/pdf/3564.pdf   
Aktuelni broj VV:
http://varazdinske-vijesti.hr/online/Main.php?MagID=1&MagNo=1   

K suncu prosi vsaka roža
Dragutin Domjanič

K suncu prosi vsaka roža,
K suncu trava vsaka,
Tak i k tebi, Majka Božja,
Srce siromaka.
 
Nastavek:
http://www.forumgorica.com/kajkavski/pro(iliti)za-kajkavsku-p(r)oeziju/msg51679/#msg51679 

Gloria - K suncu prosi, 03:31

Gloria - K suncu prosi

[Ljudevit Kaj]

Međimurske novine,
e-vundano 20.05.2013.

Premišlavanje Jožeka radnika

Pamet v glavo, zberite nejbolše

Pred nami je Urbanovo, velika fešta naših vina, naših vinarov i turističkih težakov. Morem vam reči da se of celi tjeden prepravlam za Sejem vina i vinske opreme vu Štrigovi. No, kaj si ne bi vi mislili kak sam kupil gorice i kak bodem išel kupuvat  vinsko opremo, ne, išel bodem sprobavat vina štera so zrasla po našaj goricaj i štera je naš dragi Božek dal nam kaj nas bodo krepila celo ovo leto. Ne moram vam govoriti kak to bode malo duže trajalo i brzčas bodem se dimo dotepel negdi pre jutro, a jako sam najgerek kak me bode žena dočakala i kak to bode zgledalo jerbo je v soboto i nedelo na snagi izborna šutnja..


Ne bi vam znal stoprocentno reči je li je to točno ili nej, ali se ovi naši Čakovčanci, šteri se vsaki den shajajo pre čakoski gracki vuri i šteri znajo vse ono kaj se pripeti, a čudapot znajo i ono kaj se je nej niti pripetilo, spominajo kak so stjuardi i stjuardese v Croacija erlajnso, jiv prek dvajsti, završili na bolovanju. Doktori so istoga betega našli i pre kontrolo letenja, lepomo Štefeko, a beteg se prenaša za vreme igrače štera se zove „hopa cupa v posteli“. Jako sam najgerek kak bode tua epidemija, ipak, završila, kaj bode z stjuardima i stjuardesama, a kaj pak z Štefekom?

Nesam mogel veruvati da je Jožek Posavcov tak čuda vsega napravil za sam štiri leti kuliko je bil naš župan. Još dostik dobro zgledi kak čuda je delal i kuliko vsega je napravil. Dok sam to malo bole pregledal vse si gruntam je li se Jožek mortik ne ravna v HDZ-e kaj je i vse ono kaj so oni naprajli prepisal sebi. Nej znati, jerbo vsi znamo da so poti političarov ne navek poznati. No, ali ak denemo roko na srce bodemo morali priznati da je to vse kaj je Jožek napravil za te tri leti, kuliko je hercuval z našom županijom, to ne bi mogel naprajti niti David Koperfold, kaj on, niti Čak Noris, a niti pak Big Brader. Dok si malo bole pregruntam i pošteno priznam, to nej mogli niti vsi tri skupa.

Kak da je najempot sonce presvetilo nad našim Međimorjem i našim Čakovcom. Ve najempot vsi vidijo kaj bi trelo naprajti ili pak poprajti kaj bi vsi skup lepše i bole živeli. Još morem razmeti političare šteri se ravnajo na vlast, ali i ovi šteri so, več na leta na vlasti, ve najempot vse znajo. Vsake štiri leti se isto pripoveda, znova nam dohajajo z istom pričom, znajo vse kaj tre naprajti, a unda je štiri leti mir. I unda vse pak znova. Nej znati zakaj je to tak? Kak bi nam vsima lejpo bilo da bi izbori bili vsako leto. Čuda vejč bi se naprajlo, a i vsako leto bi nam političari znova obečuvali kak je pred nami bolše, lepše i svetleše zutra. Nebrem nikak razmeti kak vsi mi imamo bolšo i sposobnešo vlast, a vse huje, očem reči, slabeše živimo, a i vse vejč i vejč nas je na burzi. No, nemamo se komo žaliti,a i nebremo se, jerbo smo si sami zebrali one kaj znami kormanijo. Napriliko, što je Čakovčancima kriv za vse ono kaj nemajo, a očejo, pak so oni sami navek svoje glase dali esdepejo.Vidli smo da edepeovci delajo dobro, nejbole kak znajo, ali zrasli so nešterni novi i školani klinci, šteri to znajo čuda bole. Treba i jim dati šanso.

Tuliko ga školani i spametni ljudi i ženi vu ovomo našemo cvetnjako med dvemi vodami, šteri se nam nudijo kaj bi zeli cugle vlasti vu svoje roke posle ovoletnih majskih izborov. Poglednite malo bole i vidli bodete da se Čakovčancima nudi doktor, a polek jega magister, informatičar i laburista, Nedeliščanci morejo zebrati magistrico, Priločanci veterinara i kaj ne bodem dale nabrajal, a kaj se županov dotikavle tu nam se nudi magister Darko Horvatov, isto tak je i Jožek magister, a i vsi drugi so školani, jedni bole, a drugi malo meje i zato nebrem nikak razmeti zakaj se za naše malo Međimorje vseposod pripoveda kak smo mi nejslabeši kaj se dotikavle školani i spametni ljudi. Brzčas nešči ima nekaj protiv nas. Zato drage moje pajdašice i preštimani pajdaši odidite v nedelo na izbore i zberite si one šteri vam bodo najbolši i kaj nam bode vsima (pak i meni) čuda bolše. Pazite, ne mora biti navek da je on nejlepši i nejbolši. Ali kaj ja vam govorim, pak ste vi dostik spametni kaj znate kaj je dobro, a kaj ne. Ali, prosim vas, dojtite, najte doma ostati, a unda bodete mi štiri leti gombali.

V našemo Čakovco je of tjeden Majski muzički memorijal Jožek Štolcer Slavenski, a i tu Čakovce davle svojo gracko nagrado „Josip Štolcer Slavenski“ Grb Grada Čakovca nejbolšim glazbenikima v Lepoj našoj. Vsako leto smo bili pozvani na Memorijal prek vsih panoa, menših i vekših, šteri so restepeni po Čakovco, ali ovo leto so placa Memorijalo zeli političari. A kaj se more, politika je navek, bar malo, naprej pre glazbenikima.

Došel mi je v roke priločki Pikač, listek naših sosedov šteri vse zna kaj se priptetilo i kaj se bode pripetilo pre našaj sosedaj. Nej znati kak je Pikač došel do jako dobro skrivane tajne da se bode otprla nova fabrika v Čakovco, prva posle dvanaest let . V minulomo cajto so se fabrike sam zapirale, a težaki pošilani na burzo. V Pikačo sam ne uspel zazvediti što, itak, dela to fabriko i kaj bode delala, očem reči, kaj bode vum žnje zhajalo? No, nebrejo se niti Priločanci restrgati. A mortik se to niti v Čakovco ne zna?

Pred nami je Urbanovo, velika fešta naših vina, naših vinarov i turističkih težakov. Morem vam reči da se of celi tjeden prepravlam za Sejem vina i vinske opreme vu Štrigovi. No, kaj si ne bi vi mislili kak sam kupil gorice i kak bodem išel kupuvat  vinsko opremo, ne, išel bodem sprobavat vina štera so zrasla po našaj goricaj i štera je naš dragi Božek dal nam kaj nas bodo krepila celo ovo leto. Ne moram vam govoriti kak to bode malo duže trajalo i brzčas bodem se dimo dotepel negdi pre jutro, a jako sam najgerek kak me bode žena dočakala i kak to bode zgledalo jerbo je v soboto i nedelo na snagi izborna šutnja. Najte me krivo razmeti, ali ne verjem da bi to moglo brez reči prejti. Dobro jo poznam, ona poštuvle zakone i bogoboječa je, ali čim se hižna vrata zaprejo videl bodem mam kuliko je vur. Ali vredi to reskerati zbogradi naših goric, naših vinarov i naših nejbolših vina na sveto. Pak ne bodem ruon vsako leto završil v gipso? Verjem da i naše žene znajo da nam je Evropa pred vratima pak ne tre mam vse pokazati.

Bilo vam je, jeden den of tjeden, kak to lepo političari velijo, sučeljavanje vsih onih šteri kanijo biti čakoski gradonačelniki. Dok so se oni lejpo pospominali i rekli so vse kaj so kanili, dotepel sam se v studijo, otprl vrata i več z vrati zakričal: Dober den gradonačelniče! Tomislav je prvi otpozdravil, Predrag za jim, a morem vam reči da so esdepeovec Štef i laburist Denis ne niti glave zdigli!

Zadja vest: Morem vam reči da čreveč i on drugi nejbole smrdljivi drač još navek ukrašavleja čakoskoga Orla, očem reči, spomenika Miklošo Zrinskomo Čakoskom!!!


Zvir:
http://www.mnovine.hr/novo/index.php?option=com_content&view=article&id=20057:pamet-v-glavo-zberite-nejbole&catid=301:joek-radnik&Itemid=575
i(l) str. 80. sim:
http://issuu.com/mnovine/docs/mnovine922i?mode=embed&layout=grey           
i(l) str. 80. sim:
http://www.mnovine.biz/images/pdf/922/mnovine922i.pdf       

* * * * * * * * * * * * * * * * * * * * * * * * * * * * * * * * * * *

(Vuko)vinska kapla
KVARTET GUBEC - VINSKA KAPLJA.mp4, 02:24

KVARTET GUBEC - VINSKA KAPLJA.mp4

[Ljudevit Kaj]

Varaždinske vesti, br. 3568, 21.05. 2013.

Piše Barica Pahič

KAJ je naše pitanje i naš odgovor

Nove pravopisanje je same sisanje penez z spreluknjenih žepov roditelja

Vnogimi je, pogotove roditeljem školske dece, došle v glavu da drukanje novi knjig (po tem novem pravopisu) pune košta i da bu v jesen trebale nove knige kupiti pa su zarazmeli (tak veliju) da je nove pravopisanje same sisanje penez z njievi več prazni i spreluknjeni žepov. A kaj mislite kie bu vu tem boju premogel? Kie bu f politike, znale bu se i prie neg novi broj naši novin zijde vun, a kie pa f pravopissisanju, to još ni sam dragi Buog ne zna.


Polek nesmiljene bitke za župane, gradonačelnike, načelnike, zamenike i viečnike sieh fela, odvija se i bitka za pravopis našega, kakti hervatskega književnoga jezika, i okoli njega. I obične dnevne novine i stručni časopisi puni su stuo različni mišljenj o tem kakev bi i zakaj bi baš takev, a nie onakev, pravopis trebal biti. Z verha vlasti je došel ”befell” da se na kraju krajev pravopis treba srediti i da to mora biti na pet-šest tak da se škuolske knjige za sledeče leto, štere se več pišu po tem nuovem pravopisu, moreju nadrukati. Javljaju se veliki i mali stručnjaki i obični ljudi, šteri se v jezična pitanja razmeju kak i koza v buben, ali svoje mišlenje imaju i hočeju uveriti se oko sebe da imaju praf.

Istina je da ljudi misliti imaju praf. Ali puno njih ne misli ništ; ni od politike ni od pravopisa. No, bitka se bije, a najbolj vojuju jezični stručnjaki; “mladi i neopterečeni” šteri su vun zišli ze svojim predlogom i “stari i zadrti”. I tak; drš, ne daj! Jeni trde da prie neg vleznemo v EU sikak moramo imati jedinstveni pravopis, a drugi pak da ga več imamo, da ga je proglasil Hrvatski sabor, a ono kaj je v njemu nejasne, same treba pojasniti. Ovie kaj je f predlogu ima več nedorečenosti neg onim službeni. I tak ide kolo naokolo.

Vezda bi se nieki mogel pitati kaj pa je za to briga nas kajkavce. Pak mora nas biti briga zate kaj saki narod mora imeti jedinstveni, ujednačeni ili standardni jezik, a on pak mora imeti svoja pravila ili standarde. Nekoje od nji propisuje i pravopis šteroga i mi moramo poštivati, izim gda pišemo svoje domače rieči. Ak su one praf domače i hervatske, onda jih ne smeme dati pretirati z jezika neg se zalagati da postaneju standardne. Kajkavščina bu nam i dalje ostala za izreči svoje serce i dušu pa i poštujuč propisana pravopisna pravila štera ji odgovaraju. Pravopis je naviek bil i bu dogovor, ali se saki dogovor, pa i tie jezični, mora postiči na nekakšnimi spoznanjimi, ovie put na jezičnimi.

Med siem tiem su se i običnemu puku neke stvari rezbistrile. A vnogimi je, pogotove roditeljem školske dece, došle v glavu da drukanje novi knjig (po tem novem pravopisu) pune košta i da bu v jesen trebale nove knige kupiti pa su zarazmeli (tak veliju) da je nove pravopisanje same sisanje penez z njievi več prazni i spreluknjeni žepov. A kaj mislite kie bu vu tem boju premogel? Kie bu f politike, znale bu se i prie neg novi broj naši novin zijde vun, a kie pa f pravopissisanju, to još ni sam dragi Buog ne zna.


Zvir:
http://varazdinske-vijesti.hr/kaj-je-nase-pitanje-i-nas-odgovor/nove-pravopisanje-je-same-sisanje-penez-z-spreluknjenih-zepov-roditelja.html
i(l)
str. 25. sim
http://varazdinske-vijesti.hr/pdf/3568.pdf     
Aktuelni broj VV:
http://varazdinske-vijesti.hr/online/Main.php?MagID=1&MagNo=1   

* * * * * * * * * * * * * * * * * * * * * * * * *

Pisajne i pismo

PISME GOSPONU JACQUESU PREVERTU V PARIZ
Zlatko Crnec

Sjeti se Barbara bez
Prestanka je kišilo...
J. Prevert


Je, curel je dežđ, gospon Prevert, fest je curel
V Brestu, v Parizu, v Zagrebu i po mouoje hiže
I po cuckove hiže je curel
I v sercu mojem bile je deždevne

Od četrtka na petek gda curel je dežđ


Nastavek:
http://www.forumgorica.com/kajkavski/pro(iliti)za-kajkavsku-p(r)oeziju/msg51744/?topicseen#msg51744

Zvonko Špišić - Pismo gosponu Prevertu v Pariz (Popevke zanavek) Krapina 1997. HQ, 04:11

Zvonko Špišić - Pismo gosponu Prevertu v Pariz (Popevke zanavek) Krapina 1997. HQ