HR.KAJ.NĚ? - Lépa naša kajkavska / pregled tisKAJna

[Ljudevit Kaj]

Varaždinske vesti, br. 3546, 18.12. 2012.

Piše Barica Pahič

KAJ je naše pitanje i naš odgovor

Horvatova popefka – sonet

Našem se predsedniku Vlade saki čas nekaj zareče, a da mu nieje lehko, vidi se i potomu da je i Boga počel spominjati, a to se človeku dogodi gda se druge inštancije zataje.

Ja ga čist razmem. Ima  praf da misli  na  fnoge hrvatske podeljenosti. Pak si znamo da su Hrvati podeljeni na črljene, črne, zelene i žute, na lieve, desne i srednje, na večince i manjince, na fkradljifce i okrađene, na zaposlene šteri ne delaju i one šteri su nezaposleni, na one šteri su dobili vritnjak i ostali  bez zarađene plače  i, naravno otpremnine, jer su jim poduzeća propala, i na one šteri kak otpremninu dobiju po nekoliko milijunčičev (vmanjenica je namerna da se vidi kak su malo dobili).

Kie bi se to mogel zjediniti  i snajti se f takve zmešarije. A k tomu smo još  podeljeni i  na kajkafce, čakafce i štokafce, na školovane i neškolovane, na one šteri čitaju knjige i šteri ne čitaju ništ, a i na takšne osobenjake šteri knjige pišeju ili proučavljeju. A ima i toga pa  i paradoksalcov šteri takvim dokazima hrvatske podeljenosti skažuju zahvalnost za ono kaj su napravili za grad i za svoj paradoksalni narod. O glazbenoj podeljenosti pak, s obzirom na ovolietne “Barokne”, ne vupam se ni beknuti.

Na kraju vam, po dužnosti, predstavljam Marijana Horvata, pisca romana (prema “Karolini Suhodolskoj”  je skladana i opera), pripovesti i popefki. Na njegov tekst “Šlingom šlingan Jalžabet” je Štef Mikac skladal scensku sliku. Horvatova popefka, sonet na kajkafščine, vam je f prilogu:


Lepa Kata

Rastergana bluza, rascufana kikla,
razdrti cokoliši, lučeju van palci.
Na pleči ji grba odjenpot znikla,
kofrta na glavi kak gnezdo v trnaci.
Zbrazdano lice, povehnule čube,
roke drščeče, noge furt popleče.
Gori zdiže roke, skriva falše zube.
Ljudi stiha vele: “Neje mela sreče”.
Tak je došla doma lepa dekla Kata
za kojom ni tak zdavna zdihavalo selo.
Nišče ni bil dober, štelo joj se zlata,
odišla je v kraje gde se drugač melo.
Ofucali joj telo, oglodali kosti,
ostala bez duše.Sega joj je dosti.


http://varazdinske-vijesti.hr/kaj-je-nase-pitanje-i-nas-odgovor/horvatova-popefka-%E2%80%93-sonet.html
i(l) str. 21 sim:
http://varazdinske-vijesti.hr/pdf/3546.pdf


POPEVKE SEM SLAGAL RITZ BAR ZAGREB 1941, 01:25

POPEVKE SEM SLAGAL RITZ BAR ZAGREB 1941

[Ljudevit Kaj]

Josip Kovačevič: Obitelska zadruga plemenite Kovačevičov

IV. TAL

OBIČAJI

         Blagoslov iž

         Na Ivanuše od starin se do ne-davno v Buševcu je bil blagoslov iž. Ludi bi povedali "Ide pop s križecom". Si zadrugari murali su f-iže dočekati blagoslov. Kak Buševec nekad ne imal puno iž, velečasni se ne žuril z obilaskom sela. Vjutro bi ga dovezel ze Staroga Čiča buševski foringaš (na federne kola). Velečasnoga bi pri blagoslovu iž pratili zvonar, teri bi nosil kandilo z tamjanom i zvonček, terem su se oglašavali pre neg bi vlezli f-ižu da domačini čuju do im dohaja v poset. Vu hodu bi popevali najviše "Narodil nam se kral nebeski..." ke bi f-iže domačini jenoglasno privačali. Drugi pratilec je nosil vreču preičenu prek pleč za skuplajne darov.
         Mam nakon ke bi vlezli f-ižu zvonar bi kredum gore na vrati z nutrešne strane napisal dojduče leto i kraticu od tri slove: G(ašpar) + M(elkior) + B(altazar), (n.p. 19 G + M + B 87), imena Svete tri kralov teri su pelani zvezdum došli pokloniti se novorojenomu Sinu Božomu. Domačini bi se klečeč križali i kušuvali raspelo.
         Posle blagoslova iž, tj. škroplejna svetum vodum, zajedničke molitve, čestitajna Bogeka (Božiča) i Novoga leta, daruvanja domačinov nabožnem slikicam, domačini bi vrnuli svojem  prilogom v penezi, jabukam bogeknicam (božičnicam) i povesmum (finum kudelum) z tere se buju delali štriki za cirkvena zvona.


         Staro leto

         Gospodari zadrug itali su jabuke v zdence da se posvete. Dečki bi znali dojti pod                    obluk i sve zebranice čestitati Novo leto i daruvati jabuku.
         V novešu dobu zvečera na bale (zabave) dečki bi kupuvali jabuke i daruvali svem zebranicam, ali i nijovem pajdašicam da im nabu nevugodno.
         Ob pol noči strelali bi z puški il kubur.

 
        Mlado leto

         Na Novo leto ranoranili su da buju prvi na zdencu "jagmili" (žurili se i rivali se)                   zadrugari do bu prvi zvlekel z vodum v kante ze zdenca jabuku. Do bi ju zvlekel, povedal je:
"To je sveta jabuka" i razrezal ju i sem dal da ju jeju kak bi imali zdravo grlo.
         Na Novo leto poželno je bilo da na-te den prvi strajnski gost, čestitar, f-iže bu muški ke je donošalo sreču. Kak i na Bogeka (na Božič) si zdravi zadrugari su murali iti k-meše ak je bila v Buševcu v Buševec i na poldešnu mešu" (v) Vukovinu.
         Kojnske foringe pak su hitale (žurile se) v Vukovinu, a posle meše galop, do bu prvi došel domom v Buševec.
         Na-te den si su pozorno slušali posle propovedi statističke podatke z župne
matice rojene i mrle, kuliko je prešloga leta mrlo župlanov, a kuliko rojeno, za sako selo posebno. Vu-tu dobu natalitet (priraštaj) je v vekšine sel navek bil vekši od mortaliteta (smrtnosti) stanovništva.
         Kovačevičova zadruga bila je sako leto se brojneša.

 
        Sveti Tri krali

         Na svete Tri krale (6. sečna) raskapal se bor f-iže.


         Blagoslovi

         Blagoslov vode na sv. Tri krale (6. sečna) održaval se samo v župne cirkve v Vukovine. Pod zvonikom v drvenomu bednu velečasni bi blagoslovil vodu. a župlani zimali v flaša  i posle meše nosili domom. Doma su škropili se prostorije se de je kakvo duplo (prostorija) i dvorišče (v stambenem i gospodarskem zgradam).


Zvir:
http://www.forumgorica.com/tradicija/zivlejne-v-turopolske-obitelske-zadruge/msg40524/#msg40524

* * * * * * * * * * * * * * * * * * * * * * * * * * * * * * * * * * * * * * * *

Jen dan v turopolske zadruge
Jedan dan u turopoljskoj zadruzi (1933), 24:47

Jedan dan u turopoljskoj zadruzi (1933)

[Ljudevit Kaj]

Zagorski list br. 325 / 08.01.2010.

IZ BAKINE PUČKE BILJEŽNICE

Trekraljski pepel

Piše: Zoran Gregurek


Za zadnji dan božičnih blagdana, Sveta Tri Kralja, vezana su mnoga pučka vjerovanja, koja su se koljena na koljeno prenosila u zagorskim obiteljima.

- Negda nijesme se od Badnjaka do trej Kraljof z hiži nesili pepel i dogoreli vuglen, nek sme ga čuvali za 6. sijiečnja. Je,  posebne se pazile na pepel i vuglen šteri nije dogorel na Badnjak i te se je obavezne rasipal vu gorica i vu trnacu da bude gruzdje, sadje dobre rodile i da nas čuva od grduga vremena - govorila ja baka. Slična je sudbina i slame koja se na Badnju večer unosi u tople domove.


Nastavek:
http://www.forumgorica.com/kajkavski/hr-kaj-ne-lepa-nasa-kajkavska-tiskajne/msg10464/#msg10464

* * * * * * * * * * * * * * * * * * * * * * * * *

Mirko Švenda Žiga&Đani Stipaničev&Mladen Grdović - Tri kralja jahahu (Božić u Ciboni 2008.), 03:05

Mirko Švenda Žiga&Đani Stipaničev&Mladen Grdović - Tri kralja jahahu (Božić u Ciboni 2008.)

[Ljudevit Kaj]

TRIKRALSKI ZVEZDARI 2013.    

Pozivlemo Vas na mednarodnu smotru

TRIKRALSKE ZVEZDAROV 2013.

V nedelu 6. sečna leta 2013. z početkom ob 18 vur

na prostorem Muzeja "Staro selo Kumrovec".

http://www.kumrovec.hr/neweb/index.php?option=com_content&view=article&id=347:trikralski-zvezdari-2013&catid=37:iz-turistike-zajednice&Itemid=71

* * * * * * * * * * * * * * * * * *

TRIKRALSKI ZVEZDARI

Oko blagdana Sv. Tre kralov tradicija je, v sutlanskomu kraju , obhodna “zvezdarov” čez selo.

„Zvezdari“ su skupine od pet do šest mužov, teri pred kmicu i do kesno v noč idu od iže do iže i popevaju pesme vu slavu rođejna Jezuša Kristuša (Isusa Krista).

Domačin iže nudi je okrepum i nagrađuje z dari ( obično kolač, klobasica,vino)
 

Tri z skupine predstavlaju Sv.Tri krale i nose „zvezdu“ ( posebno zdelana maketa tera kaže dogotke oko rođejna Jezušovoga, a vu-sebe ima sveču tera se v određenomu momentu vužiga).

Običaj je posle II svetske vojne zamrl, a grupe se pre desetek let znova pojavluju.


Z cilom oživlavajna i popularizerajna običajov pokrenuti su „Trikralski zvezdari“.

Sad v „Najpoznatešomu (?!) selu na svetu“ na blagdan Sv.Tre kralov okuplamo skupine z : Kumrovca, Velike Horvatske, Ravnic Desiničke, Miljane i Tuhlja.
 

07.01.12. ob 18 :00 vur okupili bumo još više grup, kak i skupine tere to delaju v Republike Slovenije, pa bu dogodek imal mednarodni karakter. Zvezdari buju obhodili „Staro selo“ i predstavili običaj .


http://www.uzagorju.com/manifestacija-zagorje-trikralski-zvezdari-muzej-staro-selo-kumrovec-2012

* * * * * * * * * * * * * * * * * *

Trikraljski zvjezdari, Kumrovec 6.01. 2010., 02:45

Trikraljski zvjezdari, Kumrovec 6.01. 2010.

[Ljudevit Kaj]

V cirkve Sv. Tre Kralov v Kominu pri Sv. Ivanu Zeline


KAJKAVSKA VEČERNICA I MEŠA

a) pdf oblik (zvirni oblik, z ilustrâcijam):
http://www.esnips.com/r/hmfl/doc/e5f32fb6-9f50-4fc3-8c7b-4629d332d4a2/KAJKAVSKA_VECERNICA_I_MESA

b) editérajuči oblik (ně baš lépo posložen, bez ilustrâcij)
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg4294/#msg4294

c) Video:
Kajkavska večernica z mešum: KAJ v Zeline 2008. i 2009.
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg21820/#msg21820

Na priliku z leta 2008. (1/5):

Kajkavska večernica KAJ v Zelini 2008. 01.

[Ljudevit Kaj]

Sveti tri kralji

Sveti tri kralji so zvezdo zbrali.
Pa su šli za njo snočka i nacoj do tega kralj Herodeša. (x2)

Kralj Herodeš tak je rekel,
Da bi odma ž njimi tekel
Vu grad Betlihem tam kam ja nesmem
Ker se je mladi kralj rodil. (x2)

Mi smo donesli zvezdico
Ljubo Marijo devico
Ki je rodila sineka
Svim grešnikom spasitelja
Nacoj ti v zadnji čas zvezdica
Spala pri vas Marija rajđa polek nas. (x3)


BOŽIĆ U GORICI, KUD ŠČITARJEVO, 27 12 2011 , SVETI TRI KRALJI, 03:12

BOŽIĆ U GORICI, KUD ŠČITARJEVO, 27 12 2011 , SVETI TRI KRALJI

[Ljudevit Kaj]

W. Shakespeare: Na Sveta tri krala... - KAJ, XXXVI, Zagreb 4-5 (2003.)
kajkavski prijevodi

WILLIAM SHAKESPEARE:
NA SVETA TRI KRALA ILI KAK OČETE

Z angleškoga pretočil na kajkavski i malo podomačil, za HISTRIONE, Anno Domini MMIII, Lacko Gerič

Nastavek:
http://www.forumgorica.com/kajkavski/pro%28iliti%29za-kajkavsku-p%28r%29oeziju/msg9200/#msg9200

Vjesnik / Kultura
14. i 15. kolovoza, 2003.

RAZGOVOR - Vladimir Gerić, redatelj i prevoditelj drame »Na Sveta Tri Krala ili kak' očete« koja se prikazuje u okviru 18. zagrebačkog histrionskog ljeta

KAJKAVSKI SE NE SRAMI NI NJEŽNOSTI NI SLABOSTI

Svaka se »norma« s vremenom istroši, postaje neosobna, općenita. Zato bježi u »šatru«, odnedavna u nepodnošljive prostarije i anglizme. Da ne spominjem povampirene politicizme i srbizme, koje nam mediji i pojedini političari sve više podvaljuju, kaže Vladimir Gerić

Kajkavski podjednako zna izraziti i bol i vedrinu, ali je često i – samoironičan


Nastavek:
http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg23621/#msg23621

Tri kralja jahahu u izvedbi ženske klape Luna – Kožino, 02:15
Video: Studio " G " Zadar / Audio: Studio HRT Zadar / Montaža: Emil Ćosić

Tri kralja jahahu u izvedbi ženske klape Luna - Kožino 

[Ljudevit Kaj]

"Bajanje" u Međimurju

Na tom mladom ljetu,
zdravi i veseli,
tusti i debeli,
kak jeni jeleni.
Rodilo vam polje žitom,
dvor živinom.
Dej vam bog:
puriče, ročiče, teliče, čmeliče,
konjiče, voliče, štale žrebci, pojate s telci.
Hiže skinčiti i to z dečki,
koji ne miljuju puške, sablje gori zdiči
i za domovinu i krščonsku veru krv prelejati.
Koj visoko sedi, široko gledi
i belu ljeljuju v roki derži.
Dej vam Bog mira Božjega
i zdušnoga zveličenja nojveč.
Amen.

Srečen Božič!

http://glazba.biskupija-varazdinska.hr/djeca-i-mladi/zvjezdari/

* * * * * * * * * * * * * * * * * * * * * * * * * * * * * *

Varaždinski tjednik, 3. sečna 2013. / Glas građanov


Kočenska i zbeljefska božična šega

Jo vezda imam, ka namo cepidločili, kolo pedeset let. Dok sam bila mala puckica moj tatek je navek na Badjak hvečer donesev f hižu skorom celu balu slame. Još se dendenes zmislim kak je držav to slamu v roki i bajav. Zoto sam bila sa srečna i presrečna dok sam vloni čistam slučejno čula jenoga Gorekočenca kak tečno i sočno, unak praf po starinski recitera to istu bajalicu. Srce mi je zaigralo i rekla sam soma sebi - ak ju je več nešče zapamtiv da to nabu zabadaf. Tak je i bilo. Prvo smo ju zapisali, pak smo ju snimili na cedea, pak smo se zmislili da bi to bilo dobro ljudima pokozati. Poprem zoto kaj još ima unih koji se toga zmisliju, a koji su morti i negda zdavna i somi bajali.

Nojpredi smo se z velečasnim Karlom Koračevićem f cerkvi Uskrsnuća Isusova f Kočen Marofu se doguvurili, a unda smo si na Badjak hvečer lepo oblekli kočensku narodnu nošju, prepravili smo slamu i koledo i išli smo k polnočki. Peške. Nojmlajši član Teo Novosel je nesev fenera. Bormeš nas se je zišlo jeno dvajsti, kaj storih, kaj mlodih. Po potu smo popevali božične pesme i morem vam reči da mi je srce bilo veselo.

Jedva sam čekala da dojdemu f cerkvu i da naš Danijel Stanek, koji je bajalicu zapmtiv, lepo ljudima otčestita Božič po stori starinski šegi. Znola sam da bu ljudima koji buju to poslušali tak kak i meni i da bu im došlo drogo i milo koli srca.
Tak je i bilo. Dok se je složiv stolek i koledo i mi si z udruge f narodnim nošjama stali koli stola, kak prova velika družina to je bilo nekaj za videti. Spod stolnaka se je po starinski dev križ naprovleni od slame, a na stol kruh i v zdelici kajkašnoga zrja, respelo i sveča. Se je to bilo za dobrobit f drugi leti, ka bu sega obilja Božek dov.

F cerkvi su se svetla zgasila i došev je japa, f našem slučaju to je biv i pamtilec kočenske i zbeljefske bajalice gospun Danijel Stanek. Tak je lepo sočno otprepovedav bajalicu ka su i meni i drugima nekšne mrovlje prešle po hrptišču. Japa su nas pozvali ka si si pokleknemo kak prova družina i zmolimo očenaš, zdravumariju i slavaocu, a unda je rekev dedeku nek ogja doma kuri, a si drugi z družine da ideju na polnočku. Nojlepši del bajanja mi je biv dok nam je čestitor zaželev sega, samo ne betega. Uni z evropske unije tak i tak nam ne daju baš preveč hroniti žugice, racice i druge drobne drobnine kak bajalica veli, a da ne spominjem ludrice z maslom kad krof više niti nema.

Se f semu bilo je lepo, vidla sam da su nas joko slikali, a mi se vidi i da su jeni babici i dedeku ka su bili tam malo dale f cerkvi soze došle na oči. Kak i ne bi. Su se zasigurno f misli vrnuli f negdašje vreme, a negdašja vremena naveke nekšni žol zazivljeju vu nami.

Posle polnočke smo si na cerkvenomu dvorišču spili kuhanoga vina koje su prepravili udrugori Đurek Kobolof i Štefek Novoselof, pak su si ljudi lepo čestitali, malo su se med sobom pospominali, a mi se vidi da je i župnik biv nekak vesel i zadovolen.

Pot pak od cerkve do doma f lepi božični noči je priča zo se. O tomu bi se dola zapisati još jena ovakva notica. Zoto mlodi, a i uni stori, zgasite malo, kak se uno veli, fesbuka i mejla, esemese i druge potrebne stvori (samo če su v rokaj spametnih ljudi, kak je nedogo rekev jen član udruge) i ite nekam peške, spominajte se i ite jen drugomu f hižu, a morete se i učlaniti f Udrugu „Hajdina". Tam je nigdor ne dosadno, jer naveke zmišljamo kak bi ščuvali starinske kočenske i zbeljefske šege.

                               Precednica Udruge „ Hajdina "
                                               Ruža Levatič


* * * * * * * * * * * * * * * * * * * * * * * * * * * * * * * * * * * * * * * *

LIDIA BAYUK Murinsel-Celtica - Novo Se Leto Veseli, 02:54

LIDIA BAYUK Murinsel-Celtica - Novo Se Leto Veseli

[Ljudevit Kaj]

Hrvatsko slovo, 04.01.2013.
Šport

Piše : Zvonimir Magdić

Božićna bajka Purgera i Medvjeda

Nova je podjela svijeta. Granica nema. Da budem naslovno kratak: Medveščak - Vienna 4:0! U hokeju! Pa, jasno, na ledu.
Zemem film iz 1943. Istina, vrtio sam ga toliko puta. Ali, sad je sednul, kao nikad prije. Došel mi je, ko kec na cenericu. I, kaj gledam? Opet je Zagreb, opet je Štefanjevo.


Poslije krasnog koncerta, uz blagoslov kardinala Bozanića u Ciboni, vrtim internet. Novina još nema (tri dana!). Imam ideju, ali mi treba crvena staza na Sljemenu. Snijeg. I. sklizalište. I, nisam, praf za praf, pritisnuo niti jednu tipku, a ja već imam priču. Božičnu bajku. Dan velikih darivanja. Rodio nam se Isus.Bog i čovjek. Naš otkupitelj. I, pokoji darak ispod boreka, koje sam nekada, za komunizma, švercao noću, markaševačkim šumarcima, kao najveći tat da mi ga; na glavnoj cesti, ne „mazne" - milicija. Koja vremena! Horor! Jedan od njih, darova, je i Vienna! Bečki klub. Član hokejaške EBEL-lige. Do deset sati uvečer, na Svetog Stjepana, primus inter pares - kako kažu Latini. Prva, među jednakima. Žuti! A, onda, od dvadeset dva,"medvjedi" iz Zagreba, zgrabili su čelo. Prvi! S 4:0 potukli su Bečane. Miller dva komada (cvajštik), Buck i Greentree... U ledari, na Laništu. Uz božično raspjevane Purgere. Iako, a kaj drugo, strijelci ove utakmice baš i nisu iz Vlaške vulice. Ne rodom. No, tu se niš' ne mre. Ali - duhom. Nova je podjela svijeta.Granica nema..Da budem naslovno kratak: Medveščak - Vienna 4:0! U hokeju! Pa, jasno, na ledu. Koturaljkaju ga samo Latini. Moj me rođak Davor Benaković čak vleče na tekmu. On je furt tam. Ima vječnu ulaznicu, za sljedeću stotku od godina. Kibic, of glave do pete.Pune brade Onaj, pravi.Ipak, ja idem doma. I, zemem film iz 1943. Istina, vrtio sam ga toliko puta. Ali, sad je sednul, kao nikad prije. Došel mi je, ko kec na cenericu.I, kaj gledam? Opet je Zagreb, opet je Štefanjevo. Danas, dvorana blista luksima. Onda, nebo je baš na taj dan, na Štefanjevo, bilo nad kraljevskim i slobodnim gradom,

Zemem film iz 1943. Istina, vrtio sam ga toliko puta. Ali, sad je sednul, kao nikad prije. Došel mi je, ko kec na cenericu.I, kaj gledam? Opet je Zagreb, opet je Štefanjevo plavo. Modro. Ko more Adriaticum. Sunce. Na igralištu Concordije, u Kranjčevićevoj ulici, reklo bi se danas, na igralištu Zagreba, gala-predstava... Vienna!   Da, žuti. Bečani.Nogomet. Pobjednik njemačkog kupa, koji se zvao Tschamerov pehar. Samo su im gaćice plave. Znam, točno. Jer na toj velebnoj utakmici, stojim na istoku. Meni je jedva trinaest. Čak, još i nije. Ali, kad igra Građanski, sav u plavom, s Koturaške ceste, u tom trenutku, proglašen prvakom Nezavisne Države Hrvatske, bez izgubljenog boda, onda se bez mene, ne mre. Posjet, do apsoluta. Petnaest tisuća ljudi! Poravnan rekord s one slavne igre predstavništava Zagreba protiv Madrida, deset i nešto više godina, ranije, kad je - s dva gola Ice Hitreca - tučen Madrid (2:1). Ja sam upao u pravi vrtlog njemačkih vojnika. Oni čak navijaju i ručne sirene. Glasni, i preglasni. Ali, od trenutka kad partija počinje, njihova če grla biti sve tanja. Tiša. Nije čudno. Igra Građanski. U punom švungu. U silnom poletu.U postavi, koja će se pamtiti dok je svijeta i vijeka. Lešnik; raspoložen, Wolfl pri udarcu, obrana neprijelazna, Glaser bez posla! Poredani, a zgusnuti zajedno s bečkim nogometašima, prije utakmice, koji imaju visoku cijenu. Pa, baš oni, bečki nogometaši nose predstavništvo Trećeg Reicha. Svi čekaju i tiho se pribojavaju Deckera. On je duša i vođa Vienne. Jedan od najboljih njemačkih igrača. Jer je Austrija, od tridesetosme pod „anšlusom". I ja se, u toj masi pitam: „Bu naš Oskar (Jazbinšek) zel" to čudovište, koji navodno, ima pet nogu a zabija svaki gol - glavom! Joj, pa koji mi je vrag (novinari!), pa tko je ikad išel kraj Oskara? Nikad i - nitko !Bogmeč, nije ni Carl Decker. Bio sam, dugih ljeta nakon te štefanjevske utakmice Građanskog i Vienne, s Deckerom. Ja i Zlatko Kranjčar, pa ja i Otto Barić. Nije zaboravio niti jednu jedincatu minutu te zagrebačke borbe. Ustajao je i mrmljao: „die Grosse Građanski". A, njemu je Belac Lešnik, centarfor Purgera, ostal u pameti: „Lešnik, o Mein Gott...!" Čak je obećal da bu došel s Purgerima na bijelog litraka i reš pečenog pajceka. Purgeri su zbrisali Deckera. A gurnuli pod nos, krcatom gledalištu Lokošeka. I sad je tisak moćan i otresit: „Došli smo gledati Deckera, vidjeli smo Lokošeka." On je došel iz Varaždina i zamijenio, u važnoj ulozi graditelja igre, bolesnog Antolkovića. Bio je junak te utakmice. Igrao je nepogrješivo. Ne visok, naoko težak, ali čvrst i stabilan na nogama, točnih proigravanja, imao je čitavu igru na dlanu. Građanski je igrao superiorno. Potisnuo je V iennu u mišju rupu. Dugački Schwarzer na golu, koprcao se kao som od „stotke" na suhom.3:0 Građanskog. Nakon kolosalne igre. Takvu, Europe ne će vidjeti! Sve do igre Građanskog i madžarskog prvaka Navgvarada, koju su plavi dobili, Čak i pred samim Poglavikom! Sjećam se ko danas, Franjo Wolfl, koji je imaj nezapamćen šus,i to s obje noge - za razliku od Honvedova pukovnika Puskasa, koji je drapal sam s ljevačom - svojim „topovima" kosil je sve pred sobom. Bečani su padali, pogođeni Marškinim bombama. Čak i vratar Schwarzer. Wolfl je i zabil, iz jedanaesterca, drugi purgerski gol. Prvi je ,,htil" Zvonko Cimermančić. A trećeg, tu sliku imam pred sobom, još i danas. Zakaj? Jer sam bil tak dobro postavljen, kod te akcije Purgera, skup s mojim tatom, koji - Mile moj - nije nikad više otišao na utakmicu , nakon što je Građanski - crvenilom noći - likvidiran. Sve, do danas. Pucanje korner s desne strane. Cimerova lopta pred vrata, a Lešnik, koji je uvijek klel kad mu je netko diral loptom dotjeranu bijelu kosu, pa su ga zato i zvali Belac, izvlekel se u zrak a - sve se to odigrava na jugu, u zadnjoj minuti utakmice, i na svoj način, samo je očešal loptu u mrežu, kraj tolikih Wienera (pravi pravcati šnicil u jaju od domaćih koka iz Šestina). 3:0. I svi juriš doma, u birtije. Veseli i radosni, u stilu božićnjaka: „Radujte se narodi...!" Pa, danas je Štefanjevo , 1943. Onda, plavi Građanskog: Glaser, Brozović, Dubać, Pleše, Jazbinšek, Lechner, Cimermančić, Wolfl, Lešnik, Lokošek i Kokotović. Danas, na Štefanjevo 2012, protiv bečke Vienne, modri hokejaši Medveščaka: Ouzas, Filipec, Martinović, Bozic, Greentree, Buck, Perkovich-Letang, Weigh, Koren, Brine, Bouchard - Sertich, MacAulav, Miller, Naglich, Fraser-Šijan, Vedlin, Trstenjak, Yelovich, Kostović. Netko je šapnul: „Pa kaj su 'medvedi' bolši od Purgera!" Još tiše, netko ga čvrknul za vuho, toga glasnogovornika, iz mase. „ A, da su Purgeri imali sličuhe. I- palice...!" Ha-ha.ha... Jadni su, u čitavoj toj božičnoj priči bili samo nogometaši (0:3) i hokejaši Vienne (0:4)! Žuti. C est la vie. Kaj se tu more...

* * * * * * * * * * * * * * * * * * * * * * * * * * * * * *

HASK Gradjanski Zagreb, 02:10

HASK Gradjanski Zagreb

[Ljudevit Kaj]

Međimurske novine,
e-vundato: 07.01.2013.
 
 
Premišlavanje Jožeka radnika
 
Vseposud kuhje, a pravi kuhari čuda koštajo
 
Piše: Jožek radnik

Srečno vam novo leto želim. Želem vam čuda zdravja (peneze ne, jer penezi kvarijo ljude) i malo sreče, jerbo so ovi na Titaniko vsi bili zdravi, meli so viziperte od doktorov, ali so nej meli srečo! Očem kaj mi, vsi skupa, preževimo. Kak god steška! I kaj bodemo, vsi skupa, živeli na sveto i celo ovo leto. A unda, pak znova!


Moram vam reči da nikaj nebode od bandistov i mužikašov na listaj za naše nove župane. Brzčas bodo i druge stranjke odustale od svojih bandistov čim so esdepeovci vugnuli svojega mužikaša Deana Hunjadija. Znuom da mi bodete gombali kak sam vam hitil peska vu oči z tom svojom muzičkom listom, ali tak se vse nekaj kazalo, a i tak so se spominali klošari, šteri se shajajo pre čakoski gracki vuri. Morem vam reči da je to bilo prvipot, vu zadjih deset let, kaj so oni v kmico vritnuli. I to sam zato kaj so se ne nadjali kaj bi nešči, v denešje vreme, vupal deti demokracijo na stran i stornerati legalno zebranoga Deana i zameniti ga z Ivicom, šteri je zgubil. Ali, kuliko vidimo, nigdar ne smeti reči nigdar, jerbo je politiki i političaraj nikaj nej nemogoče. Ve je zišlo po onoj starinskoj: kaj Međimorci znajo kaj oni pravzaprav očejo? Najbrž mi v Zagrebo to nejbole znamo i zato bodo oni zglasali onoga šteroga mi zberemo. Pak to je i za jiv nejbole, jerbo i mi v Zagrebo bodemo unda z tem zadovolni. Kuliko sam mel priliko čuti, naši esdepeovci sam stiha morgajo sebi v brado i šepetujijo, kaj znači da so zadovolni ili pak ne vupajo n ikaj reči.  I Ivica je zadovolen. A Deana je nišči, osim novinarov, nej nikaj pital. Dean ima ve dva rešeja: ili bode stiha i ostal v Partiji ili bode odišel vum i gombal. A dok odide vum več ga ne bode nišči poslušal, a niti pak nikaj pital!

Čakoski turistički težaki so nam zrihtali Adventa vu grado Zrinskih. Nejpredi je tej čakoski Advent počel par dni raneše nek on pravi vu cirkvi, ali je zato tjeden dni duže trajal. Gruntam si da je vredo kaj turistički težaki imajo svojega Adventa, brzčas oni znajo kaj delajo, a i zakaj. Čakoski Advent je završil na staro leto, očem reči, na dočeko novoga leta. A na dočeko so Čakovčanci poslušali klapo Maslina kak lepo popevle, a posle so gledali staroga filma (ne bi vam točno znal reči štera je to po redo bila repriza), jerbo je Jura Stublić nej došel, a žnjim je nej došla niti jegova grupa Film.Vsi šteri so došli zbogradi jega mogli so si nekaj spiti pod šatorom, ali so se nej mogli napiti, jerbo je konobarov bilo premalo, a i muhljavi so bili. Mortik je doček predugo trajal, pak so bili zmočeni ili pak so precjenili svoje pijanske mogučnosti. Kak bilo da bilo, morali smo trezni oditi z Trga i žejo vgasiti vu nešternoj drugoj alkoholnoj radionici. To smo i naprajli jerbo smo dimo došli dok se je denilo. Znate i sami kakša je bila megla, pak nam je po dnevo bilo nejsigurneše kaj ne bi fulali hižo i završili vu sosedinoj postelji.

Odnegda sam doma poslušal, govoril mi je nejpredi japica, a posle i japa, kak je kuhja zadje mesto vu šteroj mi moški moremo pokazati vse kaj znamo. Ali kotač sreče i vsega drugoga se furt obrača i ne stoji nigdar, pak se to vse spremenilo. Dok se naše žene borijo za ravnopravnost, mi pomalem popuščamo, a one nas, kaj nam se zafalijo, vse fletneše i sigurneše ravnajo bliže kuhji. Tak nam je i tre da smo nigdar nej znali pofaliti ono kaj so nam one skuhale, ali zato one falijo vse kaj mi z kuhje donesemo, makar posle to nečejo jesti. To se vam zove marketing. Tak sam vam i ja mislil, ali dok sam videl naše dva Međimorce, Nikolu Lesara i Markija Palfija kak so kuhali, unda sam si i ja počel gruntati da je nej tak hudo delati v kuhji. Dečkima vsaka čast, osvetlali so obraze našaj kuharaj i kuharicaj, ali kam god dojdem, vu Hrvaško, vsi me fkriž gledijo, smejejo se z nas i nekše papučare nam namečejo. Ali nemajo oni pojma, pak što dela v kuhji bar je ne nigdar lačen. A vu ova teška krizna vremena nejglavneše je preživeti, a ako očeš preživeti moraš jesti, a ak očeš jesti (tak nas naše žene vučijo) moraš si skuhati. To vam je tej naš međimorski perpetum mobile, oliti odgovor na vječno pitanje: kaj je bilo predi kokoš ili jejci? Marko i Nikola so se pokazali, a  vsima nama želim čuda sreče i uspeha u borbi za kuhačo. Moj prijatel Pišta navek fali svojo ženo kak mo dobro kuha, a on joj pomaže okoli posode: ona pere, a on zbriše…

Vsaka rit dojde na šekret. Tak bi se moglo reči za krčmare z šterima porezniki očejo dojti na kraj. Nej znati vu šteroj krčmi so ministro Liničo ne dali računa, pak je ve zmislil porezne kase za vse krčmare. To je bila greška z nesagledivaj posljedicaj. Kaj ne bodete mislili da ja branim krčmare. Ne! Da so bar delali pol-pol, očem reči, pol sebi vu žep, a pol da so zapisali vu porezne knige, ali ne oni so trifrtalj zrivali sebi vu žepe, a poreznikaj malo vejč kak nikaj. No, ne ruon nikaj, ali sam nekše droptije. Pak da je bilo vse vu redo ne bi jiv Slavek zel na zob. Ne bodo oni več pobirali vrhje, a poreznikaj davali sam kiselo mleko. Malo mi se krčmari milijo, ali brzčas Slavek ima praf: pak smo nej mi tak čuda pili kaj bodo krčmari kulaki postali nego kaj bode Lejpa naša vejč mela i kaj bodo naši japeki i mamike meli za penzije.

Nebrem razmeti kak so Kinezi mogli prebrojiti svoje Kineze i to za štiri mesece, a naša statistika je, za leto i pol, dala vum sam pol istine. Ak je Kinezov nekaj meje od milijardo tristo, a nas nekaj vejč od štiri milijone kaj mi delamo tak dugo. Nekaj si gruntam da bi naši statističari morali vsakoga našega čoveka poznati, kak nas je čuda, a ne kaj filozoferamo i dremlemo nad tem spiskom. Ve dok je te naš popis došel vum več je ne točen jerbo nas več fali. Vsi znamo da smo se mi zalenili, a i naši mladi se držijo fkrej od posla posle šteroga se deca dobavlajo. Nikak nebrem razmeti i to kaj minister Jovanovič oče vu škole zrivati odgoja za zdraviče vu šteromo bodo vučili deco kak se nebodo deca delala i kak je nejsigurneše da zemejo stvar vu svoje roke. Bodete vidli, ak to uspe, kuliko nas bode črez deset let.
Nej znati kaj se je ve, itak, pripetilo z tem Zorčecovim novim polovnim autom. Dok je natječaj vum došel vsi novinari so doleteli kcoj, od novin, prek radija do televizije, a ve dok so nabrnkali ljude i ljudi nebrejo spati dok ne zazvedijo kakšega bode, ipak, auta vozil Jožek (moj imejak) Zorčecov? Prosim vas, pomorite ljudima!

Povjest se ipak, tu i tam, ponavla. Cirka vsakih sto let! Najme kaj, drugoga januara 1919. leta je doktor Ivek Novakov postal povjerenik za Međimorje, a minulo je nekaj meje od sto let i župan Ivek Perhočov je postal međimorski povjerenik. Velijo da je povjest učiteljica života, a neje to niti tak strašno ak vsakih sto let idemo na popravni. Kaj ne?

Srečno vam novo leto želim. Želem vam čuda zdravja (peneze ne, jer penezi kvarijo ljude) i malo sreče, jerbo so ovi na Titaniko vsi bili zdravi, meli so viziperte od doktorov, ali so nej meli srečo! Očem kaj mi, vsi skupa, preževimo. Kak god steška! I kaj bodemo, vsi skupa, živeli na sveto i celo ovo leto. A unda, pak znova!


Zvir:
http://www.mnovine.biz/novo/index.php?option=com_content&view=article&id=18254:vseposud-kuhje-a-pravi-kuhari-uda-kotajo&catid=301:joek-radnik&Itemid=575
i(l) str. 64 sim:
http://issuu.com/mnovine/docs/mnovine903i?mode=embed&layout=grey
i(l) str.sim:
http://www.mnovine.biz/images/pdf/903/mnovine903i.pdf

* * * * * * * * * * * * * * * * * * * * * * * * * * * *

Vulenček - Međimurje, kak si lepo zeleno, 03:28

Vulenček - Međimurje, kak si lepo zeleno

[Ljudevit Kaj]

Zagorski list
e-vundano 11.01.2009.

Za dušu za spomenek

Konec svetkem i poklanjanju

Fala Bogu da su „cajti za daruvanje“ za nami. Nebuju nam z se novin, z se obloke z teremi lučeme h sviet bljesikele sakojačke nacinfrane face tere dajeju poklone, alji za tere se niesu zmučilji i vruči napilji vode, kak naši ljudi veljiju. A gda i lucke poklanjaju, ne lučeju „bokce“ teri poklone dobivaju h oči nek tam kaj bu ju bolje nasljikani. Takvi poklanjaju poklone same jemput h ljetu i te tak da bi cielji sviet mogel videti. Oni pak teri darujeju dare, daruvane od Boga znaju da su cajti za daruvanje navieke. Daruvani bez halabuke. Daruvani smieh žalosnomu, kupičička radosti žejnomu veselja, diel mladosti zrelosti i starosti, rupček za plačne oči..... .

Piše: Nevenka Gregurič


Svetki su za nami. Božič, Nove ljete i Tri kralja brze su prešlji. Hnogi su prešlji ove dane od doma. Za nadati se je da su pajdaši i za nje nabavilji svete vodice. Po svetu vodicu se išlje dan prie Blagojavljanja ilji Tre kralje, gda se pri večrnice negda, a i denes blagoslavjlja friška voda.

Bez svete vodice hiža nigdar nesme biti. Šega je te još i den denes i kak god bilji sfrčkani čez življenje ipak morem sigurne reči da je malje tera hiža, denes, bez blagoslovljene vodice. Istina i Bog, zgubil se je on sveti i pobožni način gda se je voda od večrnice donesla dima. Puti se je flašičička h tere se voda čuvala kaj se nej slučanje z ruk ilji z nadra posmeknula i unda se rezbila, a voda rezljejala ilji potepla. Imeti i malu flašičičku za svetu vodu bilje je prave malje bogatstve.

Gda se je voda prinesla z blagoslova i došlje se h dvorišče triebalje je poškropiti ž nju se kaj se našlje h stanju i oko njega. Poškropilje se dvorišče, štalske stanje, blage, vugljiči hiže, ciela hiža i si hižni. Do poškropljenuga z svetu vodu nie mogel ni coper ni vurok. Betežnem se dalje i da si malje gutneju svete vodice, kaj bi lježe podnašalji bolji tere su jih pritiskale.
Radost svetka Blagojavljanja, z svetu vodu poljiepšalji su i dejčeki teri bi h večerku hodilji popievati pesmu:

....“ O sveta Tri kralja
O blažen vam dan
Kad sveti kralj mladi
Bil z neba poslan.....“

Staru pesmu h večerku, pod obločecem, več duge nie čujti. Retke gdoj več škropi dvorišča, vugljiče i hižu z blagoslovljenu vodu. Malje si i ovak gruntam da je denes po hiža morti radi toga furt nekakva halabuka ilji nemir. Kak da je z večine hiž prešla radost i ljubaf tera bi triebala biti. Blaženost, ljubaf, veselje, radost, sreču i smieh morti rajta mirnoča. Morti bi triebalje biti menje halabuke.

Denes zate poljehku oporavljame vuhe od halabuke tera nas je hvražala dug cajt. Kam si se god obrnul, bečalji su sakojački čački. Nasmejani, restancani, svetliječi... Na se načine vljieklji su nas da nekaj kupime kaj bi druge obraduvalji. Čovek je stvoril nove cajte tere si oče pocinfrati z sakejački čački ilji bi reklji moderne, pokloni. Pokloni teri se poklanjaju ilji dobiju, trebalji bi pokazati kuljike nešče nekuga ima rad. Ilji pak kuljike poklone dobi poklonjene tuljike ga drugi imaju radi. Po tomu zgledi da oni teri niesu pune poklanjalji ilji dobilji poklone niesu vriedni. Ipak, istina je pune drukčeša. Pokloni teri su zavladalji svietem očeju skriti one kaj je čovek dobil na dar od Boga. A te je da i on sam more ne poklanjati nek daruvati pune več nek se bleščeči papier more zamotati. Tie dar teri je dobil od Boga je dar da ima rad druge ljudi, da bu dober otec ilji mati svoje dece, dobra čer ilji sin svojem starcem, da bu prema drugem dober, da bu z pajdašem gda bu mu teške i unda gda bu mu ljiepe....

Tie dar nosi hu sebe i more prepoznati da mu nešče onak od srca daruje svoje cajte. Da mu od srca, oči govoriju kuljike mu čez življenje nešče znači. Da bi svoj dar ljubavi, radosti, topljine i dobrote daruval nekomu ne mora biti z halabuku. Daruvane more biti z stiha, alji da podjednak raduje onuga gdoj daruje kak i onuga gdoj dar prijemlje. O tomu nie trieba delati halabuku, jer saka halabuka ne cinfra nek nagrđuje daruvane.

Fala Bogu da su „cajti za daruvanje“ za nami. Nebuju nam z se novin, z se obloke z teremi lučeme h sviet bljesikele sakojačke nacinfrane face tere dajeju poklone, alji za tere se niesu zmučilji i vruči napilji vode, kak naši ljudi veljiju. A gda i lucke poklanjaju, ne lučeju „bokce“ teri poklone dobivaju h oči nek tam kaj bu ju bolje nasljikani. Takvi poklanjaju poklone same jemput h ljetu i te tak da bi cielji sviet mogel videti. Oni pak teri darujeju dare, daruvane od Boga znaju da su cajti za daruvanje navieke. Daruvani bez halabuke. Daruvani smieh žalosnomu, kupičička radosti žejnomu veselja, diel mladosti zrelosti i starosti, rupček za plačne oči..... .


Zvir:
http://www.zagorje.com/kolumne/pregled/za-dusu-za-spomenek-konec-svetkem-i-poklanjanju

Fala, 07:08
Gusti Draksar - Fala Božek za Međimurje
http://www.youtube.com/watch?v=A-x3_XVVEVY

Popevke tere smo imali rad
Melodije koje smo voljeli Vlaho Paljetak TV Zagreb 1976, 11:17

TV emisija ze serije "MELODIJE TERE SMO IMELI RAD", teru je vuredil legendarni Saša Zelepugin. V ove emisije je vugostil velikana kompozicije lake not Alfonsa Vučera. Kratke forme, z nekuliko crtic z negovoga života, beglajtane z četiri pesme z negvoga repertoara v zvođejnu Mirka Cetinskoga i Ibrice Jusičovoga. Pelatel emisije je Relja Bašičov.
Pesme: Za svaku dobru reč, Marijana, Popevke sem slagal, Adio Mare

Melodije koje smo voljeli Vlaho Paljetak TV Zagreb 1976

[Ljudevit Kaj]

Varaždinske vesti, br. 3549, 08.01. 2013.

Piše Barica Pahič

KAJ je naše pitanje i naš odgovor

Brige nas ne ostavljaju ni pokle božičnih i novolietnih svetkov 

Pokle božičnih i novolietnih svetkov polehko se treznimo od blagdanske opijenosti i slavlja i nazaj privikavljemo na sakidešnje posle i navike. Kak god smo se veselili i popevali, a najljepše naši svetski poznati i domači glazbeniki v Kazališču na Božičnem koncertu, posebno onu popefku di se spominje zdravlje, veselje i obilje, dočekalo nas je same obilje računov i poskupljenj. Maker su nam geltašlini pokle svetkov ostali čist tenki, nekak se itak živi.

I kaj ve? Pitanje je tu. A odgovor? Brige nas ne ostavljaju. Ni naši politički prvaki nas ne kuraže niti obečavljeju boljšu 2013.  Nekak su postali realisti i pravi pesimisti jer bu nam ovo leto jako teško. Nebu nas spasilo ni ak ipak vleznemo v Evropsku uniju, če nas naši dragi susedi Slovenci vutem ne zastave. Neki su strahu Euniji i vele da bi trebalo Slovence poddusiti da nam pak naprave nekšnu zmešariju, meddržavnu predstavu, z nekim sličnim onom našem naivcu šteri se v cugu hrustil protiv Slovencov pa su ga osudili i v rešt zaprli. Ali to su same bedarije.

Varaždinci su si z Slovencima dobri susedi, prijateljuju z Ptujčani pa i VKD zmenjuje susrete z njihevimi posleniki pera. A zapraf je to starinska metafora jer denes saki kie derži do sebe tipka direkt f “kompač”, a fnogi si preiskavanjem interneta i čas kratiju. I ja sam male “surfala”. Baš se preveč ne razmem, ali tu i tam mi se posreči. Dospela sam do  podatkov o VKD-u, o šterom i nema preveč zapisov, ili su vglavnem zastareli pa su me zmislili na neka dogajanja štera su mi več skorom čist zvetrila z glave. Razveselil me natječaj (za članove Društva) za 16. broj Varaždinskoga književnoga zbornika. Vekadejacem još naviek nie presušila inspiracija, kak god da nam je zahirela materijalna potpora, a povečal se rashod. Lani je zišel 15. zbornik, kak i zbornik najboljih tekstov z natječaja “Senje i meteori” i četiri samostalne knjige članov Društva ( I. Kunić, J. Kropek, M. Tušek i B. Težečki - Kekić).

Zapraf, pred kraj 2012. zišla je i knjiga dramskih tekstov štera bu predstavljena vu veljači. Vu nje ima i dost kajkafščine, pa ju zate ovde spominjam. A ono kaj Varaždince sigurno zanima je to kaj bu “Stanek d. d.” naskorem vun zišel z proširenim Rječnikom varaždinskoga kajkavskoga govora Tomice Lipljina.

Riečnik nas bu zmislil na fnoge rieči štere su diel našega jezikovnoga nasleduvanja, ali su skorom čist pozabljene. Oprimerene su izrekami štere nam na oči tiraju suze od smeha. Našu književnu publiku čakaju zgodne stvari.


Zvir:
http://varazdinske-vijesti.hr/kaj-je-nase-pitanje-i-nas-odgovor/brige-nas-ne-ostavljaju-ni-pokle-bozicnih-i-novolietnih-svetkov.html
i(l) str. 21 sim:
http://varazdinske-vijesti.hr/pdf/3549.pdf

* * * * * * * * * * * * * * * * * * * * * * * * * * * * * *

Vudri brigu na veselje

Višnja Korbar - Tancaj tancaj / Šala bila,šala bu / Pri veseloj Zagorki (Krapina 2008) HQ, 04:17

Višnja Korbar - Tancaj tancaj / Šala bila,šala bu / Pri veseloj Zagorki (Krapina 2008) HQ

[Ljudevit Kaj]

Varaždinske vesti, br. 3550, 15.01. 2013.

Piše Barica Pahič

KAJ je naše pitanje i naš odgovor

Negdar su plakali... 

- Viš, na priliku, pred tridesetimi lieti, a bil sem još mali dečec, moja se babica molila Bogu da moj tatek čim predi ide f penziju, a denes se moja babica Bogu moli da ja čim duže dielam i da me prerano ne pošlju v mirovinu..


Prek božičnih i novolietnih svetkov smo se kojkak zabavljali pa je bilo i zabavnih spomenkov  kak na priliku ovie. Čula sem ga v cugu šteri je od Zagreba pospane i od slavlja zmučene ljude peljal vu Varaždin. Cug je kloparal, a ljudi su driemali i drmusali se.Negde pokle Zaboka, v cug je došlo jeno društvo, ne baš čist trezno, ali dobre raspoloženo i još sigurno na nogami.

Jedni od nji  su ostali stati pri vrati, a drugi se sprešli gor-dol po vagonu i onda  si seli  f pregradek iza mene i nastavili  spomenek, jasne na kajkafščine, i to otprilike ovak:

- Ja ti trdim da mi, društvo f celini, kak god da nam je, v zadnje vrieme zapraf napredujemo.
- Kak to misliš? Pa f čemu? Pri takve politike!
- Viš, na priliku, pred tridesetimi lieti, a bil sem još mali dečec, moja se babica molila Bogu da moj tatek čim predi ide f penziju, a denes se moja babica Bogu moli da ja čim duže dielam i da me prerano ne pošlju v mirovinu..
- No, pa kaj s tiem? Babica se jednak moli Bogu. I negdar i denes. Kaj bi tak stara druge i dielala?! Ja tu ne vidim nikakev napredek. Same je tvoja babica starejša. Pa morti ima več sto liet!
- Hi,hi, hi, ha, ha ha  - čul su se nekšni promukli ženski glas.
– Ta ti je dobra! Ves si vražji! Kaj ne, Vincek je naviek bil šalni.
- Nek mi razloži tie svuoj napredek! Nek ne govori kaj god!
- Kak ne razmeš? Prie se molila da se tatek ne diela predugo nek da si male vživa v prirode i brine za grunt, a denes pak želi  da ja imam posel i vživam v delu. Kaj to ni napredek?
- Kaj god! Ljudi naviek dielaju same zate kaj moraju. Ne vidim nikakšne razlike.
- O, je! Tu su najmenj dvie razlike. Perva je f terminologije, a druga f penezi šteri se f mirovini dobivljeju.
-  No, dobre. S temi razlikami imaš praf. A napredek?
- Kak ne vidiš! Napredek ti je i f razlogu za molitvu. I za plač.
- Naj biti smešni. Kakev pak vezda plač?
- Viš, onda se je plakalo zakaj se mora raditi, a vezda zato kaj ljudi nemaju kaj delati. Kužiš?
- Ne! Ne vidim kaj zaprav hočeš reči.
- Ne vidiš? Ne vidiš zate kaj još niesi zgubil posel, dobil si stan pa ne moraš otplačati kredit, nijenom prijatelju niesi jamec pa ne moraš plačati kredit mesto njega… Zate se niesi razvil do stupnja da razmeš napredek. Gda se to dosegneš, razmel buš.
- Hote k vragu  s tiem mudrijašenjem.Rajše bumo popievali – začuje se znovič onie ženski glas i zaprične: “Kaj pa nam moreju, moreju, moreju, kaj pa nam moreju…”

Da je cug stal, popevajuč su zišli vun,  a meni pak je još dugo vu vuhima zvonilo ono: moreju, moreju…


http://varazdinske-vijesti.hr/kaj-je-nase-pitanje-i-nas-odgovor/
i(l) str. 21 sim:
http://varazdinske-vijesti.hr/pdf/3550.pdf

* * * * * * * * * * * * * * * * * * * * * * * * * * * * * * * * * * *

Prečitajte (skoro pa) aktuelno vundajne "Varaždinske vesti"

http://varazdinske-vijesti.hr/online/Main.php?MagID=1&MagNo=1

* * * * * * * * * * * * * * * * * * * * * * * * * * * * * * * * * * *

Sulić Drago - Ivica Šerfezi i Ljupka Dimitrovska - Kaj nam pak moreju.flv, 02:37

Sulić Drago - Ivica Šerfezi i Ljupka Dimitrovska - Kaj nam pak moreju.flv

[Ljudevit Kaj]

Vuz nižeže opisani četiriletni (l)jubilej:

Ben fatto. Grazie tante.
(Dober posel. Puno fala)

* * * * * * * * * * * * * * * * * * * * * * * * * * * * * * * * * * *

Zagorski list
e-vundano 16.01.2013.

Dnevnik tate Bena

4 godine

Piše:Tomislav Benčić

Prešle su evo 4 godine kak pišem ovu kolumnu. Znači da dok ovo čitate i Gracia več ima pune 4 godine. Usput je to i kolumna s rednim brojem 200. Ljepi okrugli broj.


Oni teri redovito čitaju to kaj pišem zmislili se buju da sam h prošlom broju napisal da bum doma za doček. I tak je bilo. Bili smo doma. Sve do nekog doba. Dok nismo prešli h nočni klub teri je tu noč delal. Meni je to tam zgledalo kaj da je nekakav električarski bal. Dok je mužika igrala posjetitelji su zdigali ruke h zrak i mahali ž njima, otprilike kaj da šrafiju žarulje. Sva sreča kaj su ti prazniki gotovi.

Jedan dio onih kil kaj sam zgubil, sam u vrlo kratkom vremenu povrnul, pa sad opet moram na djetu. Svake godine isto. Pretjerivanje u jelu i pijači. Pa nakon toga samokažnjavanje u vidu redukcije jela i pijače. Pa onda sam sebi velim da drugo ljeto to tak nemre iti. I na kraju se sve opet ponavlja. To je jedan začarani krug iz kojeg se nemre van.

H novo ljeto smo ušli s par novih zakona i propisa. Tak je uveden pedeve na kruh i slično, ali je zato smanjen za ugostiteljstvo. To bu reklo da bu kruh poskupel. Prema tome bi cjene h ugostiteljstvu trebale opasti. Kruh za sad još nije poskupel (nadam se da i nebude h ovom vremenu između sad kad pišem i sad kad vi ovo čitate). Zapraf nadam se da kruh uopče ne poskupel. Niti cjene h gostionama nisu opale.

Stroži je i zakon za one kaj divljaju po cestama. Da se mene pita ja bi to još jače kažnjaval. Jer ti kaj divljaju po cesti imaju bjesne i skupe aute. I imaju š čim divljati. Ja i da hoču divljati nemam š čim. Nemrem prejti na autocestu i voziti se 200. Jer mi auto tolko nejde.

Ima i nekih izmjena kaj se tiče seksa. Če se hočete poseksati s vlastitom ženom ona vam mora izričito dozvoliti to, jer če se i malo premišlja onda je to silovanje. Za to sam več osmislil rješenje. Složil bum obrazac kaj bumo spunili prije seksa, h terom bu žena svojim potpisom dala suglasnost za obavljanje te jedne od bračnih dužnosti. Jedino kaj nisam siguran e bi prije toga trebalo tu suglasnost ovjeriti pri bilježniku.


Zvir
http://www.zagorje.com/kolumne/pregled/dnevnik-tate-bena-4-godine

Hura Ben! Ben Tur Hur

Ben-Hur b] - Trailer [1959] [32nd Oscar Best Picture], 03:03

http://www.youtube.com/watch?v=LlzfqVtmxVA

Fala, 01:48

Fala

[Ljudevit Kaj]

Međimurske novine,
e-vundato: 14.01.2013.
 
 
Premišlavanje Jožeka radnika
 
Zakaj vsi sam Slaveka kunejo?
 
Piše: Jožek radnik

Nej znati je li je minister Slavek sam za to kriv, očem reči, za te poreze i te nove porezne kase ili pak je tu mel prste i precednik Zoki, ali kak se čuje nejveč kletvi, i to vu ove svetke, ide na jegov račun. Ljudi, očem reči, verniki vu božično vreme ne delajo preveč grehi nek se pazijo, ali ovo leto se klelo Slaveka tak kaj se vse iskrilo, tu i tam je zgledalo kak pravi vatromet. Em so ga kleli krčmari zbogradi kasi jerbo jim čiste peneze vum z žepov vleče, em so ga kleli bokci šterima je vudril pdv-a na kruh i mleko, a vsi drugi so kleli i jega i krčmare, jerbo je zmenšal pdv-a v krčmaj, a nikaj je ne faleše. Te vsi grehi na Slavekov račun bodo došli vum na velikoj spovedi za Vuzem. A Slavek je brzčas to znal, pak se vugnul kaj ne bode čul i odišel na doček v Dubaji. Brzčas je on dobil božičnico da je mogel iti za razliko od navučitelov šterima je falilo za šoping.


Međimorje naše malo je pak došlo na prve stranice novin, na vse glavne vesti na radio i televiziji, ali po ničemo spametnomo. Za minule svetke so se dva obesili jerbo so ne mogli najti zajedničkoga jezika z pucom, očem reči, ženom. Of drugi, v Gornjoj Dobravi, je ne obesil sam sebe nek i dvoletno dete. Nej znati kakša ga je to huda pamet obletela kaj je to z detetom napravil. Več je dostik veliko nevolo napravil kaj je na sebe roko zdigel i štrika si zaštreknul okoli svojega šijaka, a ne kaj je to i z detetom išel delat. A dete je nej nikaj krivo: neje krivo kaj je melo takše roditele šteri se svadijo, a niti pak je bilo krivo kaj je bilo živo. Ali kaj se more, od toga kaj se pripetilo se nebre pobeči. Isto tak so se, na krajo minuloga leta, dva brati spominali (i to ovi čokoladni) z sekirkami vu rokaj i to tak dugo kaj je jeden odišel po riti k meši. Brzčas so spominka počeli pre kupicaj, a čim ga več pijače unda ga pameti vse meje i meje.

Neje čuda cajta minulo od da smo bili glavni v Lepoj našoj zbog radi poplave v Puščinaj. Kuliko vidimo, ovi z Hrvaške zazvedijo za nas sam unda dok imamo nekše nevole. Za nekaj dobroga i lepoga nas nišči ne pofali, a mi sami se neznamo faliti. To so nas ne navčili naši starci.

Isto tak smo punili novine i vse ostalo kaj ide k tomo kcoj da je državni SDP-e respustil svojo županisko organizacijo v Međimorjo i to sam zato kaj so naši međimorski esdepeovci mislil da bi Dean Hunjadi bil bolši kandidat za župana od Iveka Perhoča. Z tem so se v centrali v Zagrebo nej mogli složiti, pak so po zakono jakšega, respustili međimorsko organizacijo i postajli Iveka za povjerenika. Najgerek sam, što bode, itak, ve moral znova Iveka zebrati za kandidata za župana na izboraj v majušu? Je li se naši esdepeovci morajo premisliti ili bode to napravila partijska vrhuška v Zagrebo ili kak to nešterni pajdaši velijo: demokracki centralizam, oliti centralni komitet, i kaj bode z  esdepeovcima šteri so svojega glasa dali Deano? Je li bodo i oni mogli na popravni ili bodo zišli kak Damir Kain v Istri?

Pomalem se zahuktavle predizborna kampanja, makar se još nikaj ne zna. Još je nišči ne vum dal svojega kandidata ili pak kandidatico za novoga župana, a verjem da ga vsi več imajo prepravljenoga. Makar se je ne, vu ovim teškim vremenima, lefko sesti vu županov stolec, očem reči, foteljo, ali navek ima onih šterima to paše, makar ga penez nega, a i čuda od lani fali. Nejpredi so počeli esdeepovci z Deanom, a kak je to nej prešlo i vsi ostali so zategnuli ručne brenze. A po gradima i opčinaj vsi čakajo ove v Županiji. Posebno se to odnosi na Grad Čakovec gde, bar za ve, vedri i oblači SDP-e, a vsi drugi čakajo je li bode Gracki odbor blagoslovil željo Brankija Šalamona za još jeden mandat ili pak bode cugle gracke vlasti ponudili mlajšemo partijco Gordano Vrbanco ili pak skojevco Štefeko Kovačovomo. Vsi znajo vse, čuda se kombinera, ali se čeka dok zapuhne veter iz Zagreba kaj nej pak došlo do raspuščanja i Grackoga odbora. A mortik povjerenik ima i to vu svojaj, ne preveč jakaj, rokaj?

Svetomartinski načelnik Francek Makovec je na zadjemo lanjskomo zestanko Opčinskoga vječa, pred vsima i na glas, rekel kak se ne kani i po šestipot kandiderati za načelnika, ali kuliko sam mel za čuti, več se počelo svetkuvati, pak ga je nej nišči ozbiljno shvatil. Francek se, najbrž, ravna i po šestipot na izbore, a kaj se unda ovi v Čakovco čudijo kaj bi Šalamon štel biti četrtipot gradonačelnik. A i gospa Dragica je petipot vu Saboro. Znate kak vekijo športaši: pak rekordi so za to kaj se rušijo!

V minulo sredo je naša Međimorska županija preslavila spomendan pripojenja Međimorja svoji zemli Hrvaškoj kam i spada. V sredo 9. januara smo se zmislili na isti den 1919. leta da je na Fratarskomo trgo bila Velika skupština na šteroj je bilo cirka okoli deset jezer Međimorcov. Na toj Skupštini so naše mamice i japice potvrdili da se slažejo z onim kaj se je pripetilo na Badnjak 1918. leta da je vojska došla z Hrvaške i pretirala Mađari prek Mure. Vse je to bilo rešeno onak kak je Ivek Novakov splaneral i mi Međimorci smo znova, a i zanavek, postali Hrvati. Moram vam reči da se pre gracki vuri spominajo, i to na velikom, da je denešja županiska vlast, štera je letos organizerala toga Spomendneva (a i lanjsko leto je ne bilo čuda bole) na čelu z županovim pobočnikom Davidom, to mela prek i 1919. leta, Međimorje bi još navek bilo pod Mađarima.

Nej znati je li je minister Slavek sam za to kriv, očem reči, za te poreze i te nove porezne kase ili pak je tu mel prste i precednik Zoki, ali kak se čuje nejveč kletvi, i to vu ove svetke, ide na jegov račun. Ljudi, očem reči, verniki vu božično vreme ne delajo preveč grehi nek se pazijo, ali ovo leto se klelo Slaveka tak kaj se vse iskrilo, tu i tam je zgledalo kak pravi vatromet. Em so ga kleli krčmari zbogradi kasi jerbo jim čiste peneze vum z žepov vleče, em so ga kleli bokci šterima je vudril pdv-a na kruh i mleko, a vsi drugi so kleli i jega i krčmare, jerbo je zmenšal pdv-a v krčmaj, a nikaj je ne faleše. Te vsi grehi na Slavekov račun bodo došli vum na velikoj spovedi za Vuzem. A Slavek je brzčas to znal, pak se vugnul kaj ne bode čul i odišel na doček v Dubaji. Brzčas je on dobil božičnico da je mogel iti za razliko od navučitelov šterima je falilo za šoping.

Još jempot se pokazalo da paper vse zdrži. Najte me krivo razmeti, nesam tu mislil na šekret paper, nek na on novinski. Naši stareši bi rekli da je to isto, jerbo se je negda i novinski paper nucal v šekreto. Sam par dni je minulo od ovoga leta i več sam prečital da je lani kriza ( nej sam naša nek i svecka) došla do poda i da ovo leto moremo čakati i bolše dneve. Vsega dva dni sam bil vesel i zadovolen, a unda sam v istaj novinaj prečital da je istina kak nas je kriza (nas i našega standarda) stisnula do poda, ali ovo leto se ne bodemo nikam gori genuli sam moremo završiti v pelnici. I unda čitaj novine!!!?


http://www.mnovine.biz/novo/index.php?option=com_content&view=article&id=18327:zakaj-vsi-sam-slaveka-kunejo&catid=301:joek-radnik&Itemid=575
i(l) str. 56 sim:
http://issuu.com/mnovine/docs/mnovine904i?mode=embed&layout=grey
i(l) str. 56 sim:
http://www.mnovine.biz/images/pdf/904/mnovine904i.pdf

* * * * * * * * * * * * * * * * * * * * * * * * * * * *

Gordana Ivanjek & Duško Modrinić - Penezi,penezi (Popevke zanavek) Krapina 2012. , 03:01

Gordana Ivanjek & Duško Modrinić - Penezi,penezi (Popevke zanavek) Krapina 2012. HQ