Zagorski list
e-vundano 27.11.2012.
Za dušu, za spomenek
NATEZANJE I COSRANJE
H tem cajtu, gda „okosmateje“, počnje „buna“ protif sakuga gdoj bi prigovaral bilje kakve hamuljije mladosti. Mladi čovek zdigne nos do neba, mislji da mu nišče nemre i nesme pametuvati.
Negda su puce imele hpletene lasi ilji h repu ilji z rajfem na glave. Unda je te k nečemu zgledalje. Zdej, te ljipe lasi nosiju kaj zapuščenu hustu. E bila ja starinska ilji ne senek nemreš, a da ne vidiš kak se mučiju z svojemi laseki, meste da njim budu cinfre njihove mladosti.
Piše:Nevenka Gregurić Ljiepe je dok je čovek malji i gda drugi vodiju brigu o njemu. Gda „okosmateje“ o njemu trieba voditi brigu i dalje, alji več dečurljija ima svoju volju. Tuj su unda cajti gda mladi ljudi gruntaju da su najpametniejši.
H tem cajtu počnje „buna“ protif sakuga gdoj bi prigovaral bilje kakve hamuljije mladosti. Mladi čovek zdigne nos do neba, mislji da mu nišče nemre i nesme pametuvati. Te je tak i saki stariejši, kak sem ja, mora biti z tem načistu. I ja sama i moji pajdaši, kak i si ljudi prešlji sme te cajta življenja. Ipak, kak god da sme se bunilji, bile su nektere regule tere si moral poštivati i kuljike god da si se bunil, oštre oke starce nie moglje nekaj prepustiti.
Tak sem nie mogla prejti h školu, k meše, h gosti ilji kam drugam da se nej hjavila matere. Njenje „oštre“ oke me spustilje mam na zemlju če bi, po njenjem, prekrdašila h obljeke ilji z lasmi. Negda se čovek moral držati regule tere su bile važne. Če nej bilje tak mam bi se te povezalje z odgojem starce.
Ak bi išel nekam skomojsljani, zgužvani, zamusikani ilji kak ne spada, reklje bi se:
„Glej kak ga ilji ju starci odgajaju?!“ Nie se tak unda moglje dogoditi da na sprevod dojdeš h črljene obljeke ilji h cirkvu z kiklju dugu do pod ritju. Kak god da si kak mlad bil trdokoren ilji sam svoj, rieč strešoga se poštivala. Da nej ispalje, kak ja stara jambram i da sem pozabila kak je biti mlad, mam moram reči da te nie tak. Kak i sama veljim da je mladost ljipa, po one moje:
„…kak ljipe je mladost
i moraš ju imeti rad,
jer tak brze prejde
kak da si se zbudil
i mam ideš spat…“One kaj mi je same žal kaj hu te ljepote mladosti, mladi preveč ne uživaju nek su furt opterečeni z nekakvemi novemi reguli. Gda nekam dojdem rada lučem mladost jer h njihove pajdašije i sama se ljipe osiečam. Na kraju kraje delati z mlademi mi je i posel. Tak denes mladi pune cajtof šenkaju tomu kak buju obljičeni, kakve buju imelji frizure i kinč na sebe. Moči je videti dejčece teri su z kokotičkami na glave, zgeljirani, a vuhe krastave. Pucrljinke i puce nosiju sake farbe lasi, duge i krasne. Nu ilji su njim hočja ilji jih furt natežeju kaj „vrak griešnu dušu“.
Negda su puce imele hpletene lasi ilji h repu ilji z rajfem na glave. Unda je te k nečemu zgledalje. Zdej, te ljipe lasi nosiju kaj zapuščenu hustu. E bila ja starinska ilji ne senek nemreš, a da ne vidiš kak se mučiju z svojemi laseki, meste da njim budu cinfre njihove mladosti. Bila sem ne tak duge h jedna gostja. Lukala sam tu ljiepu mladost kak je porihtana. Nu one kaj mi nikak nie jasne kak njim njihovi starijši nemreju dati navuk gda nekam ideju.
Iste tak kak tie mladi sami nemreju malje pregruntati kak se obljieči gda kam ideju. Ak se ide na sprevod, h cirkvu, na kupanje i tak dalje senek bez obzira na modu postojiju nekakve pravile teri se trieba držati. Kak na primer, nemreš se kupati h zimskem kaputu ilji pak biti na sunčanju h debeljem svitru. Tak se unda trieba primerene obljieči i obujti kam ideš. Gda se ide na nekakvu veljiku veseljicu vezanu z cirkvu nemreš iti na pol golji.
Lučem tuj i tam mladienjke tere idu h cirku na pol gole. Ni te red nit je te po crkvena regula. Oprave su njim do pod samu rit, a gore jedva da pokrijeju cecke i unda jih furt navlačiju. Na ciecki gore, a pri riti dolje. Tak njim večer zabave i radosti prejde h natezanju obljeke. Pitam se več put kaj njim je te trieba. Pa kaj se obljiečeju tak kaj su na pol gole, a unda natežeju i natežeju nekaj kaj se nemre nategnuti.
Mučiju se sirote tak cielu večer i meste zabave tanca, veselja i radosti večer njim prejde h natezanju. K tomu si još obujeju šlape z tak visokemi petami kaj hbadaju kaj sljiepa kokoš na zrnje. Žalosne je videti „okserice“ i „ikserice“ ilji „plantače“, kak su negda ljudi reklji kak hbudaju iduč kaj paradni konji gda su njim na noge navljieklji sokne.
I kaj se more. Moje laprdanje se nekomu ne dopalje. Nu mene je i dalje žal kaj mladost svoje veseljice troši na natezanju obljeke i cosranje z lasmi.
Zvir:
http://www.zagorje.com/kolumne/pregled/za-dusu-za-spomenek-natezanje-i-cosranje * * * * * * * * * * * * * * * * * * * * * * * * * * * * * * * * * * *
Lasi si je rudala...
KUD Sv. Ana - Ljubil sam te sedem let, 01:54
KUD Sv. Ana - Ljubil sam te sedem let 
