HR.KAJ.NĚ? - Lépa naša kajkavska / pregled tisKAJna

[Ljudevit Kaj]

Zagorski list, 30.10.2010.

ZA DUŠU, ZA SPOMENEK

Spomenki pri goreče svieče

One kaj je morti vredneše, kaj se tiče pokonjike je te kaj se, h denešnju dobu, čez ciele ljete porihtava zadnja stanica ljudi, a ne same oko svetka Sesveti.
.....
Prie se pak vučilje, da ščem prejdeš ljesu tera ide na groblje, moralje je prestati sake larmanje i vihrenjuvanje. Ljudi su se spominjalji, alji po stiha. Tak su poštuvalji večne senje pokojne duši.
.....
I dok bu na miljijun i miljijun svečic i lampuše svietljile po grobljiča po cieljem Svietu, saki se bu zmisljil svojuga draguga pokonjuga. Zmisljil se i h misljima zafaljil za su radost, dobrotu, grde i ljiepe cajte teri su bilji h skupnomu življenju.


Piše: Nevenka Gregurič

Nastavek:
http://www.forumgorica.com/kajkavski/hr-kaj-ne-lepa-nasa-kajkavska-tiskajne/msg38369/#msg38369

Limena glazba Ludbreške Sesvete, 03:43
(Deca Pireja)
Limena glazba Ludbreške Sesvete

[Ljudevit Kaj]

Međimurske novine, 
e-vundato: 29.10.2012.
 
Premišlavanje Jožeka radnika
 
Ak se očemo zvleči, Zorčeca za župana!!!

Lani so nas zapišuvali i popišuvali tak gda smo zazvedili gda je vu Međimorjo nekaj duša vejč nek pred deset let. No, dok malo bole poglednete vu te spiske unda vidite gda je nej več nas nek naših sosedov na krajo sela. Vu plusu so one opčine i gradi šteri imajo Rome, a što zna kak dugo bodo i te fabrike tak dobro delale? Ali brzčas bode vse vredo dok bodo si mogli hodati po peneze vu svojo Romsko ambasado štera je nanovo zazidana polek Policije.

Piše: Jožek radnik


On minuli tjeden je vu našoj županiji bil gospon Ivica Plišić glavni direktor Hrvacki vodi. Neje došel sam zato kaj bode videl svojega imejaka, a našega župana, Ivico nek je došel glet kak i kam Jožek (moj imejak) Zorčecov, naš glavni vodovodač, troši te peneze štere mo davle kaj zameni več lozne ili pak cusrave cevi za vodo na hataro negdašjega Priločkoga kotara. No, to je još nej vse. Još so skočili do Poturna i tam zafremali kanalizacijo skupa z prečistačom, a i vu Dunjkovco se dela kanalizacija. Gospon Zorčec je gospono Plišićo dal još štiri pušle projektlinov vu šteraj so bile zamotane želje nas Međimorcov kaj se vodovoda i kanalizacije dotikavle. Gospon Plišić je pofalil gospona Zorčeca, a i župano je rekel kak more biti jako srečen kaj ga ima, jerbo žnjim bodemo prva županija vu Lepoj našoj štera bode mela vodovoda po vsakomo falačko (tu je mislil i na Hlapičino i Peklenico), a ruon tak i kanalizacijo. Kuliko sam mel za čuti ak si bode čakoski grdonačelnik jako zdobra s Zokijom unda mo bode rešil i kanalizacijo Dravskoga bazena tak kaj ne bode moral štečiti vu Evropi. Jedno mi nikak nejde vu glavo jedno: A kaj je to Zoki dužen ovima z Poturna kaj bode jiv nejpredi zrihtal? Nej me brige, ali sam pitam! Dok malo bole poglednemo i ak bodemo rekli po istini unda je gospon Zorčec jedini na našem falačeco zemle med dvemi vodami šteri nekaj dela i šteri našaj građevinaraj davle posla. Brez jega bi več zdavnja mogli deti zobe na klin. Dok sam to čul i prečital počel mi je črvek rovariti vu glavi i dal mi je kuraža kaj predložim gospona Zorčeca za našega župana jerbo ak bode on župan vsi bodemo posla meli (i to dostik) i pak nam bode lepo živeti. Ali sam moj glas je ne dosti, pak ste, unda, ve vi na redo.

Čim je gospon Gosarić prijel vu roke cugle vlasti vu našoj Policiskoj upravi mam je dobil i metlo (tak so mi bar rekli) z šterom je pomel nešterne načelnike. Ali ne bi ja rekel gda je to metla, to vam je ringišpil šteri se furt vrti tak gda so jedni gori, a drugi doli i tak se vam to meja, a zavisi od toga što vrti toga ringišpila. Bar si ja tak gruntam. Rečite mi, prosim vas lejpo, ali pošteno, je li vi ne bi nametali svoje pajdaše kaj bi skupa hercuvali, bar dok ste glavni? Ja bi! A dok dojde nešči drugi on bode dopelal, očem reči, zebral čistam druge tak gda bodem mortik i ja na porti završil. Dovčerašji načelnik Ivek je mel srečo kaj je, pred par let, zdigel roko, očem reči, glasa dal kaj so zafremali Policisko stanico vu Priloko jerbo gda je nej tak bilo sam dragi Božek zna gde bi ve delal. No, denešji načelnik Kruni bode moral nekaj drugo zmisliti jerbo ne verjem gda bodo i v Gorčano meli svoje policaje.

Verjem gda ste čuli kak je pajdaš Tonča došel k doktoro i požalil se na nevole štere ga muočijo. Javkal je: Doktore pomorite, boli me pleče, levo koleno, a desni kuk mi škriple, a i laket mi nekak ne dela kak do ve. Kaj bi to, itak, moglo biti? Doktor se nejpredi zkašlal, unda si je poravnal očale i onak preštimano je rekel: Gospon, Tonča, ne bi vam znal kaj bi to moglo biti jerbo sam toga ispita kupil! Nebrem veruvati gda se tua trgovina tak širi i to vseposot. Tak smo ve zazvedili gda se vu udrugo TU ME POŠTUVLEJO, TU KUPUVLEM posle Prometnoga (nešterni so več i v rešto) i Ekonomskoga učlanil i Doktorski fakultet. A teca Franca je zgombala: Jožek, sam ti lepo rekla gda se i vu nejbolšoj pšenici najde kukolja!

Lani so nas zapišuvali i popišuvali tak gda smo zazvedili gda je vu Međimorjo nekaj duša vejč nek pred deset let. No, dok malo bole poglednete vu te spiske unda vidite gda je nej več nas nek naših sosedov na krajo sela. Vu plusu so one opčine i gradi šteri imajo Rome, a što zna kak dugo bodo i te fabrike tak dobro delale? Ali brzčas bode vse vredo dok bodo si mogli hodati po peneze vu svojo Romsko ambasado štera je nanovo zazidana polek Policije. Kak sam mel za čuti, pre čakoski gracki vuri, dok so čuli kak javčemo gda nas je vu Međimorjo vse meje i meje, ponudili so nam se Kinezi kaj popunijo luknje tam gde smo mi zahuzali. Nebrem razmeti kak vsi očejo živeti prinas na tom falačeco zemle med dvemi vodami sam se mi domaći špotarimo, kaj nebom rekel zbrčkavlemo i okrajamo se poslov posle šterih deca dohajajo na svet. Nej znati što bi nam moral rezbistriti naše pameti kaj bi se to poprajlo jerbo je več i dragi Božek zdigel roke od nas!

Čakoske labodoritašice furt pobeđuvlejo tak gda so dečki i puce, šteri so zafremali toga kluba napravili pravoga posla. Ve so i puce vidle kak je to lepo dok porineš nutri ( to je nam moškima nejlepše), a sodec zafučka i pokaže na center.

Ne moram vam to govoriti, ali je brzčas kriza vu semo dok so naši ljudi i na labodoritaškaj utakmicaj nervozni, očem reči, živčani i to vsi. Tak je bar bilo vu Kuršanco gde so labodo ritali domaći labodoritaši Drave i prvi sosedi z Strahoninca. Nigdar se ne bode zazvedilo vse kaj se pripetilo jerbo je sudac nej nejbole videl kaj je maser delal, a delegato se ruon kihnulo (i to tripot za redom) dok je bila stiska pre igrališčo. Makar se je ne snimalo, ali se reda tre držati tak gda so v kaznaj vsi: delegat, sodec, maser, domaći klub, a i Strahoninčari. Nebodete veruvali, vredo so bili labodoritaši i publika. To se je ovih sto i nekaj let, kak dugo se laboda riče, nej pripetilo niti prinas, niti vu Evropi, a niti pak vu sveto. Čistam drugač se pripetilo, of tjeden, vu Paragvajo. Tam je sudac podelil črlene kartone vsemaj igračaj, kak ovaj na igrališčo, tak i onaj na klupi jerbo so se pokefali. Neje mogel čovek videti što je bil, a što je držal, jer so mo očale pale, pak je unda  vse isključil dok je došel vum z slačionice kam je pobegel dok so igrači sređivali račune. Publika se je nej nikam rivala sam so drukali.


Zvir:
http://www.mnovine.biz/novo/index.php?option=com_content&view=article&id=15004:ak-se-oemo-zvlei-zoreca-za-upana&catid=301:joek-radnik&Itemid=575
i(l) str. 56 sim:
http://issuu.com/mnovine/docs/mnovine894i?mode=embed&layout=grey       
i(l) str. 56 sim:
http://www.mnovine.biz/images/pdf/894/mnovine894i.pdf
       
* * * * * * * * * * * * * * * * * * * * * * * * * * * * * *

FA SKUD-a 'Ivan Goran Kovačić' - Pojte pojte Romari i Ružmarin je lepi cvet, 03:58

FA SKUD-a 'Ivan Goran Kovačić' - Pojte pojte Romari i Ružmarin je lepi cvet   

[Ljudevit Kaj]

Zagorski list
e-vundano 30.10.2012.

Dnevnik tate Bena

Mikrovalna  („Mi krov vala?”)
 
Ja se bum s tom mikrovalnom streljil. Ona stara je imela dva gumba. Jednog na terome si rihtal kak jako hočeš da grije i drugoga na terome si odabral kak dugo bu grela. I gotovo. Dva gumba. I kraj priče. I grela je. Se si nutra mogel zgreti. Ova nova ima prek dvajst gumbi. I gdo bi popamtil teri je za kaj? Znam čemu služi onaj na terome piše start i onaj kaj na njemu piše stop. Na start se vužge, a na stop stane.

Piše:Tomislav Benčić


Prošli tjedan sam napisal kak sam dobro prešel s kupnjom mikrovalne i da sam imel sreče. Kratkoročno gledano s financijske strane sam dobro prešel. Platil sam ju manje nego kaj je pisalo na polici. I s te strane sam zadovoljan. S druge strane nije dobro. Znal sam da nekaj mora biti. Da ima nekakva kvaka. U čemu je problem?

Ja se bum s tom mikrovalnom streljil. Ona stara je imela dva gumba. Jednog na terome si rihtal kak jako hočeš da grije i drugoga na terome si odabral kak dugo bu grela. I gotovo. Dva gumba. I kraj priče. I grela je. Se si nutra mogel zgreti. Ova nova ima prek dvajst gumbi. I gdo bi popamtil teri je za kaj? Znam čemu služi onaj na terome piše start i onaj kaj na njemu piše stop. Na start se vužge, a na stop stane.

Ali… Normalno da furt postoji nekakav ali. Ali če hočete stisnuti start i pritisne ga nič se ne događa. Apsolutno nič. Da bi nekaj deli gret morate prije starta još barem jen gumb pritisnuti. Točno si upute moram skopirati i naljepiti na zid iza mikrovalne. Ipak je opčepoznato da čim si stareši to teže usvajaš nove tehnike i tehnologije.
 
Država je smislila još jen način kak da zašpara na betežnima. Prije če si bil betežen i če h najbližoj bolnici nisi mogel zbaviti to kaj trebaš, mogel si to zbaviti h nekoj drugoj bolnici. I za to si mogel od države dobiti povrat putnih troškova. Normalno, če si to iskal. Uvjet je bil da u jednom smjeru napraviš prek 30 kilometri. Onda su prije par mjeseci to samo malo zmenili.

H cjelom pravilniku teri opisuje između ostalog gdo i kak ima praf dobiti peneze su zmenili jedan jedini broj. Samo su 30 zmenili h 50. Nič posebno, bi rekli. Ali kaj to znači za nas tu h Zagorju? To znači da ak živite h Zaboku i h zabočkoj bolnici nemrte nekaj zbaviti morate iti h Zagreb.

Da bi došli do Zagreba morate ili sesti h cug, autobus ili auto. Za to morate ili kupiti kartu če idete s cugom ili autobusom, ili natankirati auto, ak idete s autom. Sad se vračamo na onu promjenu s 30 na 50 u spomenutom pravilniku.

Prije ste za gore navedeno mogli dobiti povrat putnih troškova. Jer je od Zaboka do Zagreba več od 30 kilometri. Sad več toga nema. Jer je manje od 50 kilometri. I tak je izmjena jedne jedine brojke postala još jedan dodatni teret ljudima. I to ne bilo kojima. Nego betežnima. Kaj da im nije dost to kaj su betežni?


Zvir:
http://www.zagorje.com/kolumne/pregled/dnevnik-tate-bena-mikrovalna

* * * * * * * * * * * * * * * * * * * * * * * * * * * * * *

Sa keficom on čačka sad po peči
Pak ju primi, počne k sebi vleči

TS Ranom zorom - Gospa Jela (Dimnjačar Štef) , 02:04

TS Ranom zorom - Gospa Jela (Dimnjačar Štef)

[Ljudevit Kaj]

Zagorski list
e-vundano 02.11.2012.

Za dušu, za spomenek

JESENJSKA PRIČA

Ljudi su hodilji po husta i gda su našlji jeden vrganj unda su govorilji ovak:
„Vrganjec, vrganjec, gde ti je parec?“
I unda bi se našel barem još jeden vrganjek.

Ljepotu huste cinfral je tuj i tam ljist ilji bukvica tera je opadala z drivlja. Dok sem lukala tepih od ljestine zmisljila sem se svojuga dedeka teri mi je saku jesen napravil prutni koš za ljestinu. Sake ljete vekši kak sem rasla. Ž njim sem z mateju ilji babicu išla hustu po ljestinu. Ljestina nam je bila za štraju blagu i pajcekem.
 
Dok sem išla k domu zmisljila sem se i povede teru duge niesem razmela. Stariejši se buju na nju zmisljili, a mlajši imaju cajta. Znalje se h spomenku reči da je baba, gda je brala vrganje po huste govorila: „ Našla sem vrganje. Ovoga si bum h košaru zela, a na ovoga si budem sela!“

Piše:Nevenka Gregurić


Več mi na vuha ideju spomenki o vrganje. Te čuješ da je nešče našel pet kil vrganje, drugi se štima da je našel pune več same neče povedati. Faljiju se ljudi z vrganji kapitalci, maljemi, najbolšemi za pacanje i tak po spominku gruntaš da su nametalji punu škrinju vrganje. Kak rada jiem vrganje, a pre škrta sem da jih kupim na placu jer su skuplješi od najfinešega mesa, krenula sem i ja fustu.

Ljipe popoldan, ne preveč toplje, a ni zimne. Baš kak trieba. Zela sem si nožek i jednu platnenu vrečicu. Tak me vučila moja pokojna pajdašica, dobra poznavateljica vrganje i gljif. Ona je rekla da se vrganji nigdar nesmeju brati h najlonske vrečice. Krenula sem po obraščene putece do huste tera baš i nie deljejke od moje hiže. Kak sem išla prema huste čula sem ž nje galamu. Dozavalji su se ljudi med sobu. Mam sem znala da je husta puna brače. Niesem išla prema glasem makar bi mi malje šlabekuvanja dobre došla. Krenula sem po svojem putecu, kontra njih. Poljehku sem išla čez hust obraslu šušmurinjem.  H ruke sem imiela ščapček i ž njim razgribala ljestinu.

Napete sem lukala med drievi i nadala se da bum zagledala bar jeden vrganj. Če se bi našel jeden vrganja za nadati se je da se najde i drugi. Tak se barem prie znalje reči. Ljudi su hodilji po husta i gda su našlji jeden vrganj unda su govorilji ovak:
„Vrganjec, vrganjec, gde ti je parec?“
I unda bi se našel barem još jeden vrganjek. Takaj se prie reklje da se vrganji moraju iti brat unda gda grmi. Veruvalje se po spomenku ljudi da gromi sadiju vrganje. Bila je i šega da se moraš po podu valjati ak si fiže če grmi. Unda je bilje sigurne da buš našel vrganje če jih peš brat.

Mudrila sem se tem šegam dok sem se špancierala po huste. Poklje več od vure, znala sem da ne nič od vrganja. Videlje se da su prie mene po huste prešlji brači i če je teri i tut rasel sigurne su ga pobralji. Došla sem na jeden breščec, na pustoseljinu da si počinem. Lukala sam prema huste pred sobu. Več je pofarbana ze semi farbami, drivlje kak da rasteju z debeluga šaruga tepiha. Se je zgledalje mirne. Kak sem napela vuhe i posluhnula čula sem „spominek“ tičeke.

Žvrgljalji su malje dalje od mene po grmovju. Duknula je i veverica od nekud i nosila h zubie žir. Malje se pentrala po drivu, malje stala i nalukavala se okol. Kak da je bila h strahu da ju nej nešče presrel i hcuknul je z zubie žirek. Sigurne si ga je namerkala nekam skriti. Ljeptu huste cinfral je tuj i tam ljist ilji bukvica tera je opadala z drivlja. Dok sem lukala tepih od ljestine zmisljila sem se svojuga dedeka teri mi je saku jesen napravil prutni koš za ljestinu. Sake ljete vekši kak sem rasla. Ž njim sem z mateju ilji babicu išla hustu po ljestinu. Ljestina nam je bila za štraju blagu i pajcekem.

H jesen se smelje zubljati ljestinu same h svoje huste, a na prtuljet i h lucke. Nu ljudi su bilji hmetljivi pak su če je bila priljika i h jesen nazubljalji ljestine po lucka husta. Mene je babica ilji mati postavila na breščec kaj sem lukala e gdoj ide dok su one poskrivečki malje prizubljale h susedne huste. Gda su košeki bilji puni dele sme je na pleča i krenule k domu. Koš na pleča, a suhalje za kurenje tere se nabralje putič po husta h ruka, bila je sljika tera se negda vidla po naša puteca.

Kak denes se siečam duhe suhe ljestine tera mi je bila h košu. Dišala je po suncu, miehnju i vrganje. Putič sem se spominala z mamu ilji babicu o kaj česamu. Pripoviedale su mi sakojačke priče i davale navuk. Nie bi bilje teške radi toga hoditi hustu po ljestinu. Gda sme došle dima veselje sem sklala svoj košek i raduvala se kupcu ljestine z tere bu telčeke ilji pajceki imelji ljiepu postelju.

Ropanje cuga po štreke prekinule je moje gruntanje. Poljehku se več počel spuščati mrak. Moja vrečica za vrganje bila je prazna. Nie mi bilje žal. Niesem našla vrganje, alji sam pajdašuvala z svojemi spomenki z detinjstva. Dok sem išla k domu zmisljila sem se i povede teru duge niesem razmela. Stariejši se buju na nju zmisljili, a mlajši imaju cajta. Znalje se h spomenku reči da je baba, gda je brala vrganje po huste govorila: „ Našla sem vrganje. Ovoga si bum h košaru zela, a na ovoga si budem sela!“


Zvir:
http://www.zagorje.com/kolumne/pregled/za-dusu-za-spomenek-jesenjska-prica

* * * * * * * * * * * * * * * * * * * * * * * * * * * * * *

Kak vr(a)gajnu na rep stati?

Višnja Korbar - Kak vragu na rep stati (Krapina 2010) Popevke zanavek HQ, 03:43

Višnja Korbar - Kak vragu na rep stati (Krapina 2010) Popevke zanavek HQ

[Ljudevit Kaj]

Zagorski list
e-vundano 29.10.2012.

Iz bakine pučke bilježnice

Čovek bez penez je kak drve bez listja

„Moreš imeti i penez kaka vuši, ali ake nemaš zdravljiča, bužjega mira i sreče vu ljubavi, badava ti se. Moja je babica znala reči da s penezi si moreš kupiti najmekšu postelj, ali ne i počinek. S penezi moreš kupiti doktora, ali ne i zdravlja. Z pune penez si moreš kupiti ili dime dopeljati najfajnešu žejnsku, ali niš ti se ne velja ake te ona nema rada. S penezi si moreš kupiti zlatnu vuru, ali ne i srečen cajt. Penez, dece kak i gnoja pri hiži nigdar dosta. Je, naj se niš smejati, gnoja za mekote nigdar dosta... “

Piše: Zoran Gregurek


Kaj su tuo šuoldi ?, pitala me hraščinska baka Ivka dok je iz zvučnika njezina starinskog radija dopirao Grdovićev refren „Nije u šoldima sve...“. „Penezi, baka,penezi !“ Je, tak mi reči, smijala se starica i brzo zapodjenula razgovor o novcu.

„ Veli se da je čovek bez penez kak drve bez listja. Stoji kak buogec i grde ga je videti, nekak je pust. Tak i čovek. Gda je bez penez, kak da mu neke fali, stinjen je i pokunjen kak zmuokli purek. Je, bez penez nije niš, sinek dragi“, mudrozborila je baka.

A kako doći do novca?

„ Poštenim poslom, nikak drugač. Diči se da je zorja, a spati iti gda je tiemna kmica. Če si srečen, ne muoraš se ni preveč zmučiti jer se veli da ima ljudi šteriem penezi curiju z neba. A drugi pak se nemru zadobiti za dinara da se ubiju. Tuo ti je tak. Same šte pune dijiela, skrbi i šparen je, te ima i imel bu“, odriješita je bila baka.

A je li baš u „šoldima“ sve, doznali smo i to...

„ Moreš imeti i penez kaka vuši, ali ake nemaš zdravljiča, bužjega mira i sreče vu ljubavi, badava ti se. Moja je babica znala reči da s penezi si moreš kupiti najmekšu postelj, ali ne i počinek. S penezi moreš kupiti doktora, ali ne i zdravlja. Z pune penez si moreš kupiti ili dime dopeljati najfajnešu žejnsku, ali niš ti se ne velja ake te ona nema rada. S penezi si moreš kupiti zlatnu vuru, ali ne i srečen cajt. Penez, dece kak i gnoja pri hiži nigdar dosta. Je, naj se niš smejati, gnoja za mekote nigdar dosta...

A s penezi je, kak god se zeme i ake nijiesi ohol, se lakše. Ne veli se zabadof da penezi i slijiepcu oči otpiraju, a popom zapiraju“, našalila se baka i otkrila da pod plahtama u ormaru čuva dovoljno novca za „mužiku na sprevodu“ i za „ pedeset meši za pokoj duše“.


http://www.zagorje.com/kolumne/pregled/iz-bakine-pucke-biljeznice-covek-bez-penez-je-kak-drve-bez-listja

* * * * * * * * * * * * * * * * * * * * * * * * * * * * * * * *

Fiškali Nisu sreća penezi, 03:00

Fiškali Nisu sreća penezi

[Ljudevit Kaj]

Coolinarka

ivan944, 07.11.2011.

A kaj da danas kuham? (30)

Do prije par let Martinje se ni slavilo masovno kak danas niti je bilo tak komercijalno zloupotrebljavano kak danas. Danas Martinje slave širom lepe naše, čak i v Dalmaciji a bome i v Hercegovini.

Martinjski  jelovnik v Draganovcu

Našu pak tradiciju v Draganovcu (to vam je gorički kraj, pet kilometri od centra Koprivnice) nam nemre niko zeti, osim ak mlađi naraštaji, skloni pivi, ne prestanu hodati v gorice. Ja sam Martinje počel slaviti nekak na kraju gimnazije od kak se družim z mojim kumom Andrijom. A kak je njegov deda Andrija strašno držal do vinskih svetki mi smo sve te regule zdušno prihvatili i fala bogu obdržavamo ih i do danas. Kaj se događa na Martinje?  Svaki stari goričar zna: na Martinje mošt prelazi u vino, mladoga mošteka krstimo vu vino. Imamo lepe stare regule, imamo biškupa i miništrante i krštenje more početi. Za nas je naravno pak jako važno kaj se bu na Martinje jelo. Bu tu koječega za predjelo ali za glavno jelo je nezaobilazna guska. A zakaj baš guska?  E ak je točna, priča ide ovak: na taj su dan pred ohoho stoljeća guske svojim gakanjem spasile Rim od provale barbara. I umesto da podignu spomenik guski i njoj se klanjaju, ovi spašeni "barbari" su prinesli žrtvu u vidu zaklane guske, a mi to eto delamo i dan danas.

Kak ju slažemo?  Dobro ju nasolimo, nafilamo z nadevom od mesa i kruha i spečemo u rolu na drva. Kao prilog je obavezno hajdinska kaša s gušćim jetrima i mešana šalata od crvenog i belog zelja z crnim uljem.

Jednu pak martinjsku priču ili ak hoćete anegdotu malo ljudi zna. Znate koji je jedini pravoslavni svetek dan prije a ne trinaest dana posle naših svetki?  Mitar! Priča ide ovak: Martin i Mitar su krenuli skupa pokrstiti mošta, jer su bili međaši, ali nisu imali gusku. I onda je Mitar predložil Martinu da fkradnu gusku v jednom peradarniku. I kaj se je dogodilo?  Pes je zalajal, guske i kokoši su se uzgalamile, došel je gazda i zaprl je Martina v kokošinjec. Mitar je zbrisal i mošta je pokrstil taj dan, a Martin tek sutradan dok ga je gazda pustil. Tak je ostalo i do dan-danas. I još nekaj. Rasprava među goričarima već godinama traje: treba slaviti 10. 11. pa dočekati Martina biškupa ili na samo Martinje 11. 11. Martina papu?  Dragom bogu je svejedno. Glavno da je guska i dobra pajdašija. Martinje v Draganovcu ne propuštaju niti naši dragi prijatelji rođeni Koprivničanci: Boč, Joso i Atač, koji već fajn let živiju v Zagrebu. To je lepa prilika da se vidimo malo pospominjamo i prisetimo kojekakvih priča iz naše mladosti- naravno po stoti put.


Pondelek
Juha/Glavno jelo: Perkelt od svinjske plečke s trgancima/rezancima
Desert: Meni bi uz to fino pasal jedan pol-pol!

Tork
Juha: Krem juha od povrća
Glavno jelo: Piletina u grašku, pire krumpir, šalata od cikle
Desert: Kifli od lisnatog testa z makom

Sreda
Juha: Kokošja juha iz vrečice
Glavno jelo: Musaka od gljiva ili krumpira, zelena šalata
Desert: Imate one kupljene kekse "Domačica"?

Četrtek
Juha: Bistra juha s grisknedlima
Glavno jelo: Juneća pržolica u luku, restani krumpir, šalata od friškoga zelja
Desert: Princeskrafli; imate finu Podravkinu mešavinu za taj kolač.

Petek
Martinje je danas al si ga vi radni ljudi složite v nedelu. Nama penzićima je svejeno kad nam je svetek svaki dan.
Juha: Juha od rečne ribe ala fiš ali malo ređa
Glavno jelo: File od smuđa/soma u pivskom testu, slani krumpir, tartar umak
Desert: Čaša vina/pive

Subota
Juha/Glavno jelo: Čušpajz od mešanog povrća (mesa denite u tragovima)
Desert: Pogačice sa sirom i šunkom

Nedela
Aperitiv: nekakve dobra rakijica.
Juha: Ragu juha od guskinog sitniša s leberknedlima
Glavno jelo: Pečena guska s pečenim polama krumpira i hajdinskom kašom, zelena šalata
Desert: Kostanjpire sa šlagom, kava i naravno litra mladoga vina


http://www.coolinarika.com/clanak/a-kaj-da-danas-kuham-30/

[Ljudevit Kaj]

Međimurske novine, 
e-vundato: 12.11.2012.
 
Premišlavanje Jožeka radnika

Došel bu došel sveti Martin

Odbrojavlejo se zadje vure naše nejbolše i nejstareše banke – Međimorske banke. Verjem gda vam je poznato kak je ona več dvanaest let na probi vu zagrebečkoj Privrednoj banki, a z prvim decembrom bode odišla za sneho. 
Predične i preljubljene moje pajdašice i preštimani pajdaši, lepo vas je videti tak zcifrane i prepravlene kaj vsi skupa z našim svetim Martinom pokrstimo ovoga našega nezerenuša i kaj žnjega bode dobro vino.

Piše: Jožek radnik


Neje tak čuda cajta minulo od gda so se zagrebački labodoritaši, šteri nagajajo labodo prek Zološkoga vrta, so se norca delali z labodoritašov Reke šteri so popušili na nedelskom igrališčo v Dunjkovco. Neje čuda vode preteklo pod Trnavskim mostom, a več so Dinamovci na svojemo travnjako fasovali od zadarskih labodoritašov, tak gda jim je brzčas vgaslo vu pipi smeha z šterim so se norca delali z Reke. Črez par dni so več našli zgovora jerbo so ftruc zgubili (tak so bar rekli) sam kaj ne bi putuvali v Dunjkovce na megdan nedelskaj labodoritašaj. Nikaj je nebi bilo od splaneranoga jerbo so Nedeliščanci dišli po riti k meši vu Dubrovniko, a presudil jim je autrihter Gabrilo iz Splita. Dva loša (Gabrilo i Burilo) ubiše Miloša (Nedelišče).

Odbrojavlejo se zadje vure naše nejbolše i nejstareše banke – Međimorske banke. Verjem gda vam je poznato kak je ona več dvanaest let na probi vu zagrebečkoj Privrednoj banki, a z prvim decembrom bode odišla za sneho. A znate kaj sneha more dok jempot dojde k možovoj hiži. Mora posluhnuti staroga japo(čitaj: gazdo z Italije), staro mamo, očem reči, gazde iz Zagreba, a i mož, kak Nadzorni more vsaki den nekaj novoga zaprdnoti. Ne morate se nikaj bojati za svoje peneze štere šparate vu našoj negdašjoj banki, oni so vam vu sigurnaj rokaj, ali so več zdavnaj odišli z Čakovca.

Kak se čakoska gracka kasa puni čuda slabeše nek so i hadezeoivci vu grackomo večo planerali, grackomo načelniko, Brankijo Šalamono, je nej nikaj drugo preostalo nek gda se da vu Božekove roke. Nej znati je li je on to sam zebral ili pak je to po naputko precednika Zokija, šteri vse gosteše i gosteše čita Biblijo. Brzčas niti jemo, a niti pak jegovim kukurikačima ne cvetejo rože. A morete si sami pregruntati kak je unda stopram nam težakima vu Lepoj našoj. Najte me krivo razmeti, ali nekak mi se zdi gda si je načelnik Šalamon nej več tak zdobra z gvardjanom, paterom Stankijom, kak si je negda bil, ali kuliko poznam gvardjana on bode pomogel gradonačelniko ak bode se on štel spominati z dragim Božekom.

Nejsam ruon siguren je li sam ja to dobro razmel kaj sem čul i prečital. Najme kaj, Branko Šalamon se ravna na svoj peti mandat vu grackoj vlasti, a četrti kak prva gracka violina, i to prek kanalizacije i prečistača vu Dravskomo bazeno. Vsi znamo gda je on jako spameten i prefrigani političar i ak si je on toga pota zebral unda ga drugoga pota nega. No, pak i po šudrenomo poto se more sikam dojti!

Nej znati kaj je to z nami Međimorcaj? Em naš novi policijski načelnik furt ima nekše akcije, kak ovi štacunari v Betekso, em se mi ne ponašamo onak kak policaji (ili načelnik) od nas očekuvlejo. Prosim vas lejpo, kakši vam je to rekord vu akciji „Alkohol“ od 2.32 promila pijače vu krvi. Pa negda je rekord bil blizo ili ober štiri! No, vidi se gda je i vu krčme došla kriza.

Kriza se je dotepla i na groblja. Grobe smo bole prali, glancali, pometali i lišpali, a čuda meje smo cvetja donesli i meje sveči vužigali. I vsaki od nas (bar sam ja tak delal) je prosil pokojnoga nek mo oprosti kaj je ovo leto nej mogel vejč penez na jegov grob potrošiti, a za to so krivi kukurikači, šteri so zdigli cene benzino, plino, struji… I mrtvi so nas razmeli. Bar mene!

Nedeliščanci imajo nejbolšega načelnika. Obečal je gda čim završi labodoritaško igrališče na Trataj, mam bode fljučnul vu šake i počel bo zidati, očem reči, dozidavati pučko školo. A dok bode škola gotova unda bode na redo vrtec. Nekak si gruntam gda bi bilo čuda bolše gda je počel z vrtecom jerbo bi to dalo Nedeliščancima voljo kaj bi deco delali. A dok ga dostik dece unda moreš i vrteca popuniti, škola bode puneša, a i labodo bodo na Trataj nagajali domaći dečki. No, kak je gda je, nejglavneše je gda se furt nekaj dela jerbo unda bodo zadovolni i Nedeliščanci, a i drug Mladen si bode priskrbel još jednoga mandata.

Šporcka dvorana vu Svetomo Đurđo na brego se pak genula. Feniksovi meštri se pak motajo po gradiliščo. Vidite, kak to zide gda posla delajo stranjski meštri, a gda so delali naši dečki z Teama ili pak Graditeljstva deca bi več drkala po novoj dvorani. Na vse zadje ve je Feniks vse dal Božeko vu roke jerbo sam jim još on more pomoči. Nejpredi čakajo kaj Sveti Mikloš završi dvorano do svojega godovna, ali ako on ne bode mogel vse to vu red dotirati, unda jim jedino preostaja Djed Božičnjak (kak to kukurikači velijo), oliti jegov vnuk, Mali Isusek, kak bi to rekel mjesni velečasni i župnik. Bomo vidli na kaj bode to zišlo i kak si je Feniks zdobra z dragim Božekom?

Došel bu došel sveti Martin, on ga bu krstil, ja ga bum pil… Predične i preljubljene moje pajdašice i preštimani pajdaši, lepo vas je videti tak zcifrane i prepravlene kaj vsi skupa z našim svetim Martinom pokrstimo ovoga našega nezerenuša i kaj žnjega bode dobro vino. Moštek, ja te krstim u vino, u ime Boga oca i u ime Svetoga Martina, vinskoga krstitela i Svetoga Vinceka vinskoga podrumara… Vu ove dneve to bodemo poslušali kam god dojdemo i ne verjem gda bode šteri pravi vinar reskeral kaj vu lagvima ostavi nezerenoša šteri je zasrajeni z kajkakšaj nečistočaj i nevolaj. Posle krsta moštek več ne bode svadlivec, a to mi vsi čakamo i očemo. Verjem gda si i vi bodete zeli tuliko cajta kaj pomorete nešternoga mošteka odnesti na krst!


Zvir:
http://www.mnovine.biz/novo/index.php?option=com_content&view=article&id=15159:doel-bu-doel-sveti-martin&catid=301:joek-radnik&Itemid=575
i(l) str. 56 sim:
http://issuu.com/mnovine/docs/mnovine896i?mode=embed&layout=grey       
i(l) str. 56 sim:
http://www.mnovine.biz/images/pdf/896/mnovine896i.pdf

* * * * * * * * * * * * * * * * * * * * * * * * * * * * * *

Lepo naše Međimurje - ŽVS "Grlice" Sveti Martin na Muri, 02:53
Nastup Ženske vokalne skupine "Grlice" - Sveti Martin na Mure v emisije Lepum našum snimlenum v Svetomu Martinu na Mure, 3. prosinca leta 2009.

Lepo naše Međimurje - ŽVS "Grlice" Sveti Martin na Muri

[Ljudevit Kaj]

Zagorski list
e-vundano 2012-11-17

Dnevnik tate Bena
 
Biseri

Hočeju po dučanima, birtijama i kaj ti ga ja znam kam sve ne deti kompjuterske kase tere buju povezane internetom direktno s poreznicima.
Morti tu ima i nekaj dobro. Če buju porezniki šteli da to dobro funkcionira trebali buju naterati sve ove kaj pružaju pristupe na internet da omogučiju normalne brzine. Onda če se to napravi, morti i mi mali korisniki interneta bumo imali neke koristi.


Piše: Tomislav Benčić

Pak se na početku moram osvrnuti na naš jezik, ko i prošli put. Nemam nikakve namjere pisati o biserima, onima teri se najdeju h školjkama i onda se od njih delaju lančići, nego o biserima koje ljudi izvale, a da nisu dobro promislili.

Zakaj oni nisu dobro promislili prije nego kaj izvale kakav biser ne znam. Morti jednostavno nisu mislili ili nisu u stanju misliti. Ali jedan biser od nedugo mi se jako dopada. A došel je ni manje ni više nego od onih tere smo na izborima deli na vlast. Hočeju po dučanima, birtijama i kaj ti ga ja znam kam sve ne deti kompjuterske kase tere buju povezane internetom direktno s poreznicima. I čim vi dojdete h birtiju i spijete konjak, a konobar to otkuca na kasi, porezna to vidi. Ili kad dojdete h dučan i kupite nekaj sve buju to porezniki znali. Jer buju svi dučani, birtije i kaj ti ga ja zna gdo sve ne umreženi prek interneta s poreznikima.

Teoretski je to dobro zamišljeno. Jedino kaj baš i ne znam kak bu se to u praksi provelo. Večina dučana, birtija i drugih teri izdajeju račune tak i onak več ima kompjutere i programe za kasu. I porezniki imaju kompjutere. I pri nama postoji internet. Znači da su sve pretpostavke ispunjene. Ali samo u teoriji. Mam se zmislim kak je na početku uvođenja elektronskih uputnica i recepta bilo sumnji i otpora, pa to danas normalno funkcionira. Osim kad im ne opadne server. A da se to događa uvjeril sam se i sam. I o tome sam več pisal pa nema potreba da to pišem opet.

Iako bi to mogel kopipejstat tu i mam bi imel puno teksta. Kak ja zamišljam da bu to bilo kad se počne provoditi u praksi? Samo kad zbrojimo kolko ima svih onih teri buju to morali imeti dolazimo do velike brojke. Samo tu pri nama h Zagorju.

Svi vi teri se koristite internetom znate kakve su brzine pristupa. Da velika večina vas plača puno veču brzinu nego kaj ju uopče more koristiti. I kaj bu onda kad tu i sad več preopterečenu infrastrukturu zagušiju hiljade i hiljade kompjuterskih kasa? Totalni kaos.

Morti tu ima i nekaj dobro. Če buju porezniki šteli da to dobro funkcionira trebali buju naterati sve ove kaj pružaju pristupe na internet da omogučiju normalne brzine. Onda če se to napravi, morti i mi mali korisniki interneta bumo imali neke koristi. Samo kaj ne znam zakaj u to nemam baš neko veliko povjerenje? Možda samo iz dosadašnjih iskustva.


http://www.zagorje.com/kolumne/pregled/dnevnik-tate-bena-biseri

* * * * * * * * * * * * * * * * * * * * * * * *

Željka Kolarec i Pokupski biseri -- Trla Lenek Mara,VGF3,2010.12.12.,
3. Velikogorički glazbeni festival
Velika Gorica,12.12.2010.

Željka Kolarec i Pokupski biseri -- Trla Lenek Mara,VGF3,2010.12.12.

[Ljudevit Kaj]

Ak si Zagorka oče za-gorčati žitek (život) neg ide v zamuš za Za-gorca

* * * * * * * * * * * * * * * * * *

Zagorski list
e-vundano 15.11.2012.

ZAKAJ NES OTIŠLA ZAMUŠ?
(ZAŠTO SE NISAM UDALA?)

E ,onda je došel onaj kaj ga od milja zovem mamica. Taj je kuhal, pral, peglal, nosil mi ujutro doručak u krevet i svaki put je del ružu na tacnu! Pisal mi je ljubavne pjesme.Zval me "moja lutkica"! Nazove me na posel onak bez veze: "Pa kako je moja lutkica. Jel ti teško? Večeras te vodim u kino da mi se malo opustiš,..."Da se zbljuješ! Kaj bi s takvim papučarom!
"Ma, daj se zbroji! Kupi si pesa , pa njega bedinaj! Meni treba muškarac!"
Tak je i to neslavno završilo.
 
Piše: Zagorka


A kaj ćeš, nije nam svima suđeno. Jedino kaj ja fakat ne shvačam kaj je s tim muškarcima. Gle, pametna sam, imam posel, super zarađujem, a kak sam samo hercig...Al, ipak mi nekak nejde s frajerima.

Al, ipak mi nekak nejde s frajerima. Svaka glupa debela koza ima dečka samo ja nemam! Ma, nije da u svojih trideset i nekaj sitno nisam nikog imala. jesam, al sve su to bili nekakvi pizduni s kojima nisam mogla nikak.

Jedan je bil jako bogat. Imal je doduše nekaj više let, al koga briga. Taj me vodil po svetu.
Poklončići, večerice u finim restoranima, vikendi, po ljeti jahta, ma ispočetka bi mi dal i ptičjeg mlijeka da sam tražila. Volil je oralno, al kaj, to sam žmirečki odrađivala. Sve je bilo ok, dok si nisam posudila zlatni Ameriken. Nije ga bilo doma da ga pitam, bilo mi je dosadno pa sam si priuštila mali šoping. Ma, gle, kaj je takvom liku par soma eura. Ipak je on biznismen. Al digel je takvu frku da to ni bilo ljudski. Budala. A kaj bi mu rekla:
" Odjebi stari, kaj misliš da ti bum zabadav pušila!"
I tak je završila ta priča.

Poslije njega sam imala jednog kaj je bil jako zgodan. Ti bokca, taj je bil pred špiglom više neg ja! Poslije sexa bi odmah odbežal u kupaonu, valjda frizuru popravit, kaj ja znam. Ma nije ni bil tak loš, al kad smo išli van, svi su samo u njega gledali.Kaj da delam s takvim?
"Odjebi mali, ja sam ovdje žensko! Nebuš ti meni svu pažnju uzimal!"

E ,onda je došel onaj kaj ga od milja zovem mamica. Taj je kuhal, pral, peglal, nosil mi ujutro doručak u krevet i svaki put je del ružu na tacnu! Pisal mi je ljubavne pjesme.Zval me "moja lutkica"! Nazove me na posel onak bez veze: "Pa kako je moja lutkica. Jel ti teško? Večeras te vodim u kino da mi se malo opustiš,..."Da se zbljuješ! Kaj bi s takvim papučarom!
"Ma, daj se zbroji! Kupi si pesa , pa njega bedinaj! Meni treba muškarac!"
Tak je i to neslavno završilo.

A onaj doktor nauka, e taj je bil frik! Ja si hoću u miru pogledat serijicu ,dobra je bila, ona meksička, Marisol,nemreš to propustit . A njemu se baš ide u muzej! Ma, jebal te muzej! Kaj mene briga za te nekakve stare kante, ja to rešim kad voze veliki otpad! Opče nemrem sebi objasnit kak sam s takvim likom mogla biti. Poseksamo se i onda bi on čital u krevetu! Pa jesi ti lud! Smeta mi svjetlo! Davil me je svako jutro s vjestima iz novina. Ja se šminkam, a on iza mene čita kak su zrušili nekekve blizance. Da poludiš! Kog je mene vraga briga za to, pusti me na miru!
" Sory, srce, prepametan si ti za mene. Ja hoću na turbofolk, a ne na operu!"
I tak sam i njega sprašila.

A imala sam i jednog s kojim je sve bilo u redu. Imal je dobar posel, dobro je zgledal, bil je dobar u krevetu. Al taj je htel decu. " Pa kaj si ti poludel! Kakva deca! To urla po noći, sere u gaće, muze lovu, radi strije! Najdi si ti lepo nekakvu kvočku koju buš nasadil,nije ti to za mene!"
I tak smo završili.

Neznam, zbilja mi nije jasno! Kaj na ovom svetu više nema nekakvih normalnih muškaraca!


http://www.zagorje.com/kolumne/pregled/zasto-se-nisam-udala

* * * * * * * * * * * * * * * * * * * * * * * *

SLAVKO I KRISTINA BLAŽINOVIĆ - Zamuž.wmv, 03:08

SLAVKO I KRISTINA BLAŽINOVIĆ - Zamuž.wmv

[Ljudevit Kaj]

Zagorski list
e-vundano: 19.11.2012.

Iz bakine puke bilježnice

Z bedakom more vladati same spametna žejnska

Lijipe su žejnske furt bile pogubne za muškarce. Če je baba lijiepa i da je teška mula, more kormaniti z spametnim mužem i delati mu kaj ona oče. Z bedakom more vladati same spametna žejnska. I onda je on ije s ruke i ne zna da mu ona podritkuje i dijiela kaj njemu na izgled paše, a sa voda ide na nejn melin.
 
 Piše:Zoran Gregurek


Odnosi između muškarca i žene vječna su tema u umjetnosti i književnosti koja je nadahnjivala najveće umove našeg planeta. Žene i njihova ljepota i moć, kaže se, glavni su pokretači ovoga svijeta; zbog njih su se gubile glave, vodili mnogi ratovi... Što je o toj temi znala govoriti naša hraščinska baka Ivka?
 
„ Lijipe su žejnske furt bile pogubne za muškarce. Če je baba lijiepa i da je teška mula, more kormaniti z spametnim mužem i delati mu kaj ona oče. Z bedakom more vladati same spametna žejnska. I onda je on ije s ruke i ne zna da mu ona podritkuje i dijiela kaj njemu na izgled paše, a sa voda ide na nejn melin“, rekla je baka.

Mogu li žene „preodgojiti“ muškarca?

„ Kak nej mogle. Če je od mladosti pijanec i skitnica, prava žejnska more ga preobrnuti da bu puostal čovek od familije i da bu skrben. Ak je ženjskaruš, i tomu se more na rep stati če je žena na mestu. Maminuga sineka iste moreš preobraziti vu pravuga muškarca. Same znaj : Gda preodgajaš muža, mijienjaš same njega. Ali gda preodgajaš babu, odgajaš cijielu familiju jer se budu si za nju preobračali. Je, sinek dragi, niš me naj tak čudne gledeti kak mali mujcek gda je prvi put z štale vun zišel“, smijala se pronicljiva starica, zadirkivajući svojeg sugovornika.

Baka je je „do kosti“ na sebi svojstven način pojasnila neke muške zablude o ženama.

„ Gda muškarec ženu vlovi f preljubu i ona se plače da ju je teške vmiriti i se se vleče po puodu od želje da se je opresti, treba biti jake oprezen. Tuo nijeisu suze kaj je nje žal kaj je napravila, nek žali kaj je žena takvoga šupelaka (budale) šteri je je dozvuolil da si najde drugoga. Viš, žejnska je i jedini stvor šteri se more i smejati i plakati se vu jenomu mahu, pak ju ti razmi i duojdi je vu trag če moreš „,smijala se baka. Za kraj, baka Ivka iznijela je jednu vrlo slikovitu usporedbu koja se tiče ženskog odabira

„ Če sekira ne sijieče, moreš ju nabrusiti, ali ake te puca ili žejnska neče, tu ti niš ne pomaže. Niti najbolša turpija na svijietu. Zate če ti žejnska jasne veli da pri nje nemaš ni dropticu šanse, odvini od nje i prejdi k druge. A ona če se slučajne predomisli, sama bu ti tuo rekla i pridobila te za se „,savjetovala je baka.


http://www.zagorje.com/kolumne/pregled/iz-bakine-puke-biljeznice-z-bedakom-more-vladati-same-spametna-zejnska

* * * * * * * * * * * * * * * * * * * * * * * * * * * * * *

Kavaliri - Nesi ma Štielo, 03:24

Kavaliri - Nesi ma Štielo

[Ljudevit Kaj]

HaTehnološki višek

* * * * * * * * * * * * * * * * * * * * * * * * * * * * * *

Štefov svijet, 06.11.2012.

O svemu po malo ...

I dok sem tak lutal bespućima sadašnje zbiljnosti, sem  malko zalutal i na najbolši portal vu Hrvata, makar mi na početku nije bilo jasno i nisem u prvi tren skužil da more nositi taj pridjev sa „naj“. No čim sem videl da je na naslovnici portala Ava Karabatić, to oličenje znanja, inteligencije i manira, da se je Pišekica kušnula s dečkom, Severina oblekla novi zlatni triko, Pamela Anderson provozala seksi noge na beciklinu, ovaj vraga, ne na beciklinu nego na skuteru  a   Sulejman kresnul onu neku Izolabelu… sve mi je bilo jasno, nalazim se na najčitanijem portalu u Hrvata.

Jer ljudi moji pak zna se za čim teži narod poput Hrvata, koji živi u izobilju, gdje nema gladnih jadnih i nezaposlenih i koji jedva čeka da pročita što to rade uzorne djevojke, koje su simbol uspješnosti u ovoj jadnoj, duhovno bijednoj i moralno devastiranoj zemlji. Sve to morete pročitati, a gdje drugdje nego na portalu  ispod onog velikog i nama dobro poznatog T, koji se kak i sami vidimo zdušno brine o tome da ljudi budu informirani o najvažnijim događajima u zemlji i svijetu. Normalno da bi bilo glupo pisati o nekom studentu ili studentici koji su danima, mjesecima i godinama „grijali  stolicu“, da bi položili šezdesetak i više ispita na nekom od fakulteta, dobili tamo nekakvu diplomu, koja je u odnosu na iznajmljeni dopičnjak, umjetne sise i silikonske usnice uz nekog glupana koji luta okolo s fotoaparatom, za bakšiš napiše hrpu gluposti koji neki nazivaju novinskim člankom a njega novinarom, zapravo samo bezvrijedan komad papira. Uostalom pa od 90-te gradimo društvo gdje više nisu bitne diplome i znanje, nego sposobnost svakog pojedinca i naravno posebno pojedinke, da iskoristi sve svoje „kvalitete“, s time da su na cijeni posebno one „prirodne“, za uspjeh na hrvatskom zvjezdanom nebu.

U HT-u spremaju tehnološki višak radnika, no kak je „Božićna Lady“ nedavno očla na drugi zadatak i haračiti po cijeloj Europi, se nadamo da nam njena nasljednica nebu za Božića pripremila isti meni kak i njena prethodnica. Zacrtali su si oko petstotinjak radnika  za na ulicu, kak bi gazde u Bonnu i iduće godine dobili svojih planiranih sto pedeset miliončekof. Naravno da uz to kaj ljude budu sprašili na cestu, budu konačno počeli rasprodavati i imovinu, zgrade, stanove i zemljišta koja su gruntovno i katastarski čista, kaj je dobar znak, jer bu to značilo da se Švabe kane polako povleči iz Lijepe naše, a HT budu konačno uspjeli tak sredit i reorganizirat, da bu završil pod nogama ove totalno nesposobne konkurencije. Da im to ne bi uspelo moramo se potruditi da konačno skužimo ono kaj su nas nekad vu školi vučili o kapitalizmu. Ajde recite mi molim vas lepo ko bu se od nas iz čista mira i nekakve proklamirane solidarnosti danas odrekel svojih 500 ili 1000 kuna od plaće? Ma budimo iskreni i odgovorimo „nitko“. Kaj mislite, koji član uprave HT-a se bu drage volje odrekel 500 000 ili 1 000 000 kuna, svojega godišnjeg prihoda i rekel da mu je dosta 30 000 kuna mjesečno? Ma vjerujte niti jedan od njih. Kaj mislite koji kapitalista ili neki većinski vlasnik se bude iz čista mira, sporadi toga da u tam nekoj Hrvatskoj ostane na poslu nekakvih 500 „zmusanih i zatucanih balkanaca“, odrekel dijela svojeg profita od milijarde i nekaj kuna godišnje? Ma vjerujte niti jedan. A kaj mislite kad se bilo ko od nas budemo odrekli tih penezof? Onda i samo onda, kad nebu drugog izlaza i kad to budemo morali. I zato nam mora biti jasno da su interesi uprave HT-a i nas radnika potpuno različiti, ma koliko god se oni trudili i cvilili o tome kak to Bože imamo zajedničke ciljeve. Ako sem pak ja u krivu i ako nam oni govore istinu, onda imaju priliku to i dokazati, ja predlažem da nam taj zajednički cilj bude odustajanje od proglašenja 500 radnika tehnološkim viškom. Kak je to u sferi znanstvene fantastike, moramo se ovoga puta pripremiti i iskoristiti sve one i one druge mogućnosti da ih prisilimo na to. Sve skupa pozdravlja Vas Vaš! (Štef)


Zvir:
http://bigblog.tportal.hr/stefovsvijet?BlogCalendarDate=6.11.2012

* * * * * * * * * * * * * * * * * * * * * * * * * * * * * * * * *

DEČKI Z BREGOV - ŠTEFEK NEMOJ PITI.mp4, 02:29

DEČKI Z BREGOV - ŠTEFEK NEMOJ PITI.mp4

[Ljudevit Kaj]

Međimurske novine,
e-vundato: 05.11.2012.
 
Premišlavanje Jožeka radnika

Školski odborniki nejbole znajo kuliko nam Duška vredi


Piše: Jožek radnik

Inšpektor za škole je predložil kaj zmenimo gospođo Duško, ravnatelico čakoske Ekonomske škole i to sam zato kaj je deco zapisala vu školo kak bi tua ista deca zutra bila spametneša. Furt vsi pripovedajo gda mi Međimorci očemo kaj bodemo županija znanja, a nej kaj bodemo išli naprej z motikaj, krampaj, lopataj oliti pikaj vu roki, a dok to ravnatelica Duška napravi unda dojde inšpektor i oče jo zmeniti. Najgerek sam je li je tej greh, šteroga je profesorica, ravnatelica i gospa Duška naprajla tak veliki kaj jo tre zmeniti ili je dosti kaj pe na spoved k ministro, a on bo joj unda to oprostil isto onak kak nam grešnikaj oprosti velečasni vu cirkvi.

No, i nekšo pokoro bi joj dal, a pokoro bode menša ak obeča gda več nigdar ne bode zapišuvala decu štera so nej prek bodovnoga poceka. Nejleži inšpektori trenerajo strogočo tu prinas vu Međimorjo ili pak pre sosedaj vu Koprivnici, ali, prosil bi lejpo, nek to probajo naprajti vu Varaždino ili pak, nedaj Božek, vu Osjeko, Zadro, Šibeniko, Splito, Knino…Nek odidejo inšpektori v Istro, a kaj se ne javijo župano Jakovčićo pak bodo vidli kak bodo zišli. Ili jiv bode pes za škurdo zgrabil ili pak bodo odišli po riti k meši. A naš se precednik Vlade, drug i gospon Zoki, fali kak je cela Lejpa naša jednaka i gda vsi zakoni za vse jednako vredijo. Malo morgen. Prinas vse vupajo, a vu Zadar niti ne vupajo dojti!? Tam pitajo gospona Kalmeto je li slobodno ido vu kontrolo ravnatelici škole, a prinas ravnatelica obavještavle župana gda je kontrola bila. Brzčas je tam vekši red nek prinas. Vsa je sreča kaj je Školski odbor glavni vu školi i kaj on more, a ne mora, posluhnuti inšpektora, a nit pak ministra jerbo odborniki nejbole znajo što je nejbolši za našo Ekonomsko školo, kak za profesore tak i za našo deco. Nebrem veruvati gda je gospa Duška jedina grešnica vu temaj našaj školaj jerbo se prah prinas zdigel, a dale je vse stiha. Čudno mi je, jako mi je čudno, kak je nišči, ali čistam nišči, nej predložil kaj bi zmenili dekana Fakulteta za doktore gda se zazvedilo kaj so jegovi profesori prodavali ispite. Jako čudno, pak je to čuda vekši greh od onoga Duškinoga. Em so študente puščali dale, a nej so jiv nikaj navčili i kak bodo nam unda te pomogli dok bodemo betežni, em so nej platili poreza za mito štero so prijeli. Tu ve ne bode nikaj rekel minister Linić, a našega Jelena je vu stečaj poslal zbogradi neplačanja poreza. To je još nej vse: nejsam uspel zazvediti što je, itak, pisal ministro kaj je Duška naprajla i kaj je of unda poslal inšpektora. Ljudi moji, pak je nej več dosti toga našega jala? Ili pak je mortik i tu politika vu pitanju?

Listam vam pomalem novine i sam najempot zglednem Mateka Posavca kak hiče svoj pogled prema Evropi, a tak čuda mladih i fajnih puci bi štelo kaj bi jegovo (i nej samo) oko zapelo za jiv. Ali on se neda i Evropa je jemo nejglavneša i furt na pameti. Ak vam slobodno povem po istini, ja vam ne bi zdržal polek tuliko fajnih puci i del bi Evropo na čekanje. No, pak vidite gda smo nej vsi isti i zato je Matek skorom župan, a ja sam samo težak. Vidite, Mateko je važno kaj se bodo, prinas vu Međimorjo, delale ceste, popravljali nadvožnjaki, kaj bode delal granični prijelaz tak gda se ne bodemo morati sramotiti dok bode Evropa k nam došla. Vsaki čovek vam ima svoje igračke: Matek politiko, a ja pak vam se igram z vnukima.

Kuliko smo meli za čuti, mamograf vu našoj čakoskoj bolnici bode znova predelal čim ga popravijo. Čul je minister za zdraviče gda nam je mamograf vu kvaro i mam je dal zeleno svetlo kaj ga vu red dotiramo. Nej znati kak so dugo naši doktori bili stiha o temo kaj se nekaj vu mamografo pohabilo i gda to tre v red dotirati. Morem vam reči gda je nam moškima bilo čuda bole gda je mamograf nej delal jerbo smo unda mi morali, vsaki den, meti vu rokaj ženske zizeke i iskati falinge, a ve pak bodemo ostali brez toga lepoga posla. A to nam se čistam dopalo, ali so, brzčas, ovi stareši gombali. Makar je minister dostik mlajši, ali je razmel ove penzionere i dal je mamografa poprajti. Čul sam pre čakoski gracki vuri gda so nešterni fraj moški več i obrta otprli po to poslo.

Na dnevni red so došle i tajne službe makar je vse tajna okoli tajnih službi. Nesme se znati kaj se dela, nesme se znati što kaj dela, nesme se znati kaj so pravzapraf zahuzali, jedino se zna koga so zmenili i što je odišel po riti k meši. Bar nekaj. I ve smo mi veseli kak vušive gače kaj nekaj znamo o tajnaj službaj. A Pereka Miševića so zmenili jerbo je preveč delal i preveč je znal. Ali niti to mo je nej bilo dostik, nek je štel znati još vejč. Kak Eva, štera je vu rajo jela z jabuke nejslajše. I žena je mene prisluškivala kaj sam govoril dok sam spal. Na vse zadje smo se rezišli jerbo nam se znucal zajednički jezik. Ne morajo se drugi veseliti dok čujejo i vidijo kak mi presušamo našega zmazanoga veša.

Gda bi ja znal kukurikati i ja bi bil na vlasti! Furt si nekak gruntam je li je to vse kaj znajo? A kuliko čujemo niti ne kukuričejo skupa? Vsaka stranjka ima svojega zbora, esdepeovci svoje, narodnjaki svoje, a ideesovci so navek bili malo (gda bi malo) na svojo roko i za svojo kaso, kaj nas kak biračko telo i težake Lejpe naše nejbole muoči. Oni vežbajo, a mi plačamo. Lejpo so nas zaškolali!


Zvir:
http://www.mnovine.biz/novo/index.php?option=com_content&view=article&id=15066:kolski-odborniki-nejbole-znajo-kuliko-nam-duka-vredi&catid=301:joek-radnik&Itemid=575
i(l) str. 56 sim:
http://issuu.com/mnovine/docs/mnovine895i?mode=embed&layout=grey         
i(l) str. 56 sim:
http://www.mnovine.biz/images/pdf/895/mnovine895i.pdf 

* * * * * * * * * * * * * * * * * * * * * * * * * * * * * *

Kvartet Gubec i Savski Valovi – Spoved, 04:06

Kvartet Gubec i Savski Valovi - Spoved

[Ljudevit Kaj]

Zagorski list
e-vundano 2012-11-21

Za dušu, za spomenek

GDOJ SI BIL? GDOJ SI? GDOJ BUŠ?

Znal je reči moj dedek i babica ovak:
„Sinek, bolje ti se z pometnem plakati nek z bedakem tancati!“

Bilje bi ljiepe gda bi saki čovek tuj i tam stal pred špigelj, če ga ima, i pospominal se sam z sobu. Spominek bi triebal biti na tragu onuga kaj je napravil, kaj diela i kaj mu je za delati. Če je več se kaj je bilje i je posmradil, radi svojuga mira, bilje bi ljipe da sebe i drugem počne delati dobre. Da mu se ljudi gda ga vidiju radujeju, a ne da ga z prstem kažeju i bežiju od njega kaj „vrag od tamjana“.
 
Piše:Nevenka Gregurić


Nekak od navike rada lučem ljudi i o nji si gruntam. O nektere baš i nie vriedne gruntati. Nu kaj se more. Životni su nam puteci načičkani z onem kaj očeme i z onem kaj nečeme. Čovek nie nafčen biti sam pak mora biti z ljudmi. Tuj trieba voditi računa teri ti buju pajdaši, teri ti buju same onie tere poznaš ilji pak oni tere moraš trpeti.

Znal je reči moj dedek i babica ovak:
„Sinek, bolje ti se z pometnem plakati nek z bedakem tancati!“
Zdej, gdoj je pameten, a gdoj bedak teške je reči. Makar pamet i bedastoče senek ideju z tem kakef je čovek je. Tuj se nebi smelji prevarati. Triebati je gruntati o onem kaj su nekteri bilji, kaj jesu, a sikak nemreju unda biti ni drugački h cajti teri prihajaju. Sigurne je dobre znana i ona starinska da „vuk glaku mienja, alji čud nigdar“. Kak več imam prec ljietec na pleča, hu te sem se pune put uverila.

 Kak god življenje teče od gda pamtime nemreme zbeči one kaj sme si zapamtilji. Tak čovek zapamti da su denes očeju napraviti največi poštenjaki onie teri su sikak prie bilji za saki špot. Življenje njim baš nie bilje onak po Božje pravice. Nu oni larmaju sega guta. Z larmanjem sigurne očeju ljudi strašiti i svoje griehe zataškati. Tak vam tat zna se h meti i unda ljehke prepozna sebe ravnuga. Gda se sam več sega nacuče počne glumiti poštenjaka i z prstem kazati na druge.

Si se ljudi rodiju jednak, golji i bosi. Sakomu čoveku starec daje isti navuk da bu dober i pošten. Senek, kakef bu ovisi i kakef mu „kaput“ če življenje obljiečeju. Teške je denes da bu nešče zločest, tat i kumer če su mi starci fejst poštenjeki. Velji se da „nie nigdar vrana zlegla goluba“, kak niti da „je jabuka rodila hrušku“.
Denes ipak na čoveka pune utiečeju društve i pajdaši. Ak pajdaši dileju grde unda se teške tomu odhrvati. Pogotovu radi toga kaj se negda grdi i zločesti poslji, bilje po jeziku ilji žepu, prvi čas vidiju dobre i ljiepe. A gda su dobri i ljiepi, teške njim se odmeknuti.

Čovek bi triebal imeti navieke na pameti da nič ne traje zanavieke i da mora tak živeti kaj se nej svojuga življenja h ni jednem času mogel sramiti. One kaj je najvažniejše da se ne sramil sam sebe. Same tak bu imel čistu dušu i srce. Gda si ovak gruntam i oko sebe lučem nektere ljudi kak larmaju, galamiju, špotaju i furt se buniju se mi jih je žal. To larmanje je radi toga kaj hu te halabuke nej čulji svoju savest i vidlji svoje delje. Gda se bi obrnulji za sobu, kaj su ostavilji h prec življenja trebalje bi njim dojiti za plakati. Ja znam več put reči:
„šteta je i hrđavuga metka z hrđave puške trošiti“ na one teri nigde niesu ostavilji svoje ljipe trage, nek same zrušene familjije i pajdašiju.

 Zrušilji su se čega su se doteknulji i na kraju nemaju nič. Od takve ljudi nemreš nič ni dalje čakati. Oni su bilji, jesu i buju ljudi teri čez življenje nikomu, čak ni sebe ne dielaju dobre.

Bilje bi ljiepe gda bi saki čovek tuj i tam stal pred špigelj, če ga ima, i pospominal se sam z sobu. Spominek bi triebal biti na tragu onuga kaj je napravil, kaj diela i kaj mu je za delati. Če je več se kaj je bilje i je posmradil, radi svojuga mira, bilje bi ljipe da sebe i drugem počne delati dobre. Da mu se ljudi gda ga vidiju radujeju, a ne da ga z prstem kažeju i bežiju od njega kaj „vrag od tamjana“.

I tak. H mojem gruntanju za radost čoveka naj se držiju one moje tera mi je prie par ljiet, hjutre, sama došla na pamet. Več sam vam ju i par put poviedala, nu nie zgorega ju ponoviti, a ta ide ovak.
„Gda h jutre hmiješ ljice, hmij i dušu i budi srečen če nešče čez dan vidi kak čista blešči!“

Če bi tak čovek delal onda  se i on sam, a i njegva pokoljenja nebuju sramilji njega i njegvuga dela. Radi toga bi se još sake jutre čovek moral pitati, gdoj sem bil i gdoj jesem? Če sem kumer bilje bi cajt da bum nekaj bolšuga če ne radi sebe unda radi svoje dece, teri očeju ilji nečeju nosiju štembilj svoje starce. Pak i vi sami, ne morate stati pred špigelj, dosta je da se pitate kaj ste napravilji, kaj dielate i kak misljite dalje.


Zvir:
http://www.zagorje.com/kolumne/pregled/za-dusu-za-spomenek-gdoj-si-bil-gdoj-si-gdoj-bus

* * * * * * * * * * * * * * * * * * * * * * * * * * * * * * * * *

ANDRIJA KOS I OPTIMISTI ZAGORJA POŠTENJAK, 02:56

ANDRIJA KOS I OPTIMISTI ZAGORJA POŠTENJAK

[Ljudevit Kaj]

Zagorski list
e-vundano 2012-11-13

Dnevnik tate Bena

Prehlada

Kupil sam si nekakve bombončeke protiv kašlja, ali niti oni nisu pomogli. H nedelju me več nije mogla poslušati kak kašljem i sterala me na hitnu. Tam me je doktor spregledal, sposlušal, napisal dva recepta i gotovo. Spil sam si i te tablete. I još nič.
 
 Piše:Tomislav Benčić


Prehladil sam se. Nije to nič opasno. Obično se od toga ne hmira. Valjda bum i ja među tima kaj su preživeli prehladu. Nije mi nič zapraf. Samo kaj kašljem. Imam osječaj da mi pluča hočeju van pobeči. I nos mi je zaštopan. Tolko kašljem da me več sve boli od kašljanja.

Prvo sam probal to rješiti s domačim metodama. Ali određeni topli napitci s dodatcima nisu dali željeni rezultat. Onda sam posegnul za suvremenom medicinom tera se more dobiti bez recepta, jer ne volim hoditi k doktorici, a uz to bila je i subota. Kupil sam si nekakve bombončeke protiv kašlja, ali niti oni nisu pomogli. H nedelju me več nije mogla poslušati kak kašljem i sterala me na hitnu. Tam me je doktor spregledal, sposlušal, napisal dva recepta i gotovo. Spil sam si i te tablete. I još nič.

I dalje kašljem. Samo dok sam napisal ovih par redova kašalj me je prekinul jedno 20 put. I još jedno 10 prije nego kaj sam nastavil pisati. Najbolje bi bilo da si prejdem malo prespati, pa poslije če napišem ovo dobro, a če ne napišem opet dobro.

Prešel sam prošli tjedan i na onu izložbu knjiga na velesajmu. Interliber. A več dugo nisam tam bil. I zbilja ima svega. Kaj se izbora tiče, veči na jednom mestu nemrete najti. Ali zato kaj se cijena tiče moram priznati da sam neke stvari videl jeftinije po dučanima nego kaj su bile tam s uključenim sajamskim popustom. Bilo je i knjiga i za 5 ili 10 ili 20 kuna. kaj da velim o večini njih? Najvjerojatnije da se buju druge godine djelile zabadaf. Pa čak i onda ih nišči nebu zel.

Več neko vrijeme se nisam peljal s cugom. Pa sam mislil da se morti nekaj dogodilo na tim željeznicama. I imel sam praf. Dogodilo se. Nekad je na onom ranojutarnjem cugu bilo po 5 vagona. To je bilo nekak taman. Tu i tam se dogodilo da nije bilo mesta za sesti si.

A prošli tjedan je taj cug peljal s puna 3 vagona. I do Zaboka več dojde pun. H Zaboku se h njega još nekih stotinjak ljudi pokušava zgurati nutra. I na svakoj stanici ih več ide nutra nego van. A cijena karte je ista. E ja stojim ili sedim platim isto. Sad još samo čekam da vidim e bu INA dala željeznicama naftu ili ne. Baš me zanima gdo bu kriv če se dogodi za željeznice ostaneju bez nafte?


Zvir:
http://www.zagorje.com/kolumne/pregled/dnevnik-tate-bena-prehlada

* * * * * * * * * * * * * * * * * * * * * * * * * * * * * *

Đura z Međimurja pri doktorice: 09:50 – 18:07

Đura z Međimurja 1 (1 dio.avi), 18:07

Đura z Međimurja 1 (1 dio.avi)

[Ljudevit Kaj]

Varaždinske vesti, br. 3542, 20.11. 2012.

Piše Barica Pahič


KAJ je naše pitanje i naš odgovor

Jaj kak nam je teško

Susede se več ne svadiju prek plota, neg prek mobitela, dečica f škole si, i na nastavi, esemesaju, poslikaju kie se s kiem žvali ili zbuboče pod odmorom, a najslajše jim je ak predavača vlove f kakve neprimerenosti ili profesoričine noge da su ji očice na štrumfi odišle. Kaj ti je napredak!

Nekak v zadnje vreme si jafčemo kak nam je teško. Se poskupljuje same naše življenje vredi se menj. Ali kak god nam je teške, mobitele, i to nie baš jake jeftine, imamo si. Susede se več ne svadiju prek plota, neg prek mobitela, dečica f škole si, i na nastavi, esemesaju, poslikaju kie se s kiem žvali ili zbuboče pod odmorom, a najslajše jim je ak predavača vlove f kakve neprimerenosti ili profesoričine noge da su ji očice na štrumfi odišle. Kaj ti je napredak! Za mobače mora biti penes! A med tiem je naša vlada vučiteljem, tj. siem oniem ki delaju v nastavi, zmenjšala plače.

Prosvetari su naviek bili najsvesniji del naroda. Kaj s tiem kaj se male buniju?! Furt ipak podnesu svoj del brige za društveni boljitek. Oni su več zvežbani živeti od svesti. Naviek su bili pervi, da je v deržavi pofalelo penez. Imaju se ščiem baviti. Novi minister se pobrinul da imaju kaj pisati. Ali fnogim od njih to ni dost pa su se upustili i v književne vode. Tak, na priliku, več od pol članova VKDa pripada prosvetarskemu soju. A med njimi je i Damir Kliček, profesor fizike na Elektrostrojarski školi, autor pesničkih zbirk Svjetlo sa strane i Žuta točka. On z mobači ima največ iskustva kaj se vidi z njegve pesme Mobby bik. Malo je prosta, ali bute to oprostili i njemu i meni. Takvo je doba da je kleti čist normalno.


Mobby bik

Ej, gospon/Je je, vi v tretjem redu/Četrtem stolcu z leve/Je, vi, z očali i podbratkom/Jel vam brenči i drenči mobitele/Pardonček, muče Betovnovu Devetu nezavršenu/Najte, najte ga vgasiti!/Javite se!/Gdo zna, morti vam je negdo hmrl/Najte si dušu grešiti/Javite se/Morti vam po hiži curi voda/Več vam tapetlini z zidof opadaju/Morti vam žena javla/ Da kupite krujeka i mleka za decu/Najte da vam deca buju gladna/Javite se/ Bumo vas pričekali/Jebeš naš recital/Javite se/Bumo vas počekali/ Morti vas zove prijatel/Kaj ga deset let nieste čuli/I nigdar vas več nebu čul/Morti vas direktor zove/Hitni posli/Nogu vrit bute dobili/ Morti vas negdo zajebava/ Vas i nas/ Jebi ga!


Zvir:
http://varazdinske-vijesti.hr/kaj-je-nase-pitanje-i-nas-odgovor/
i(l) str. 8. sim
http://varazdinske-vijesti.hr/pdf/3542.pdf

* * * * * * * * * * * * * * * * * * * * * * * * * * * * * * * * * * * *

Tvrtko Stipić - Zvon zvoni (Krapina 2009) Popevke zanavek HQ, 04:04

Tvrtko Stipić - Zvon zvoni (Krapina 2009) Popevke zanavek HQ