1. KOLO se igra : 17.06.2012. HOTNJA, 15,00 SATI ŠILJAKOVINA - AUGUŠTANOVEC 2-3
GORNJA OPATIJA - CEROVSKI VRH 3-1
GLADOVEC - MALA BUNA 1-6
BARBARIĆ - KRAVARSKO 0-4
KOZJAČA - DONJI HRUŠEVEC 0-0
HOTNJA - DUBRANEC 0-2
GORNJI HRUŠEVEC - OPATIJA 0-4
NOVO BRDO - LIJEVI ŠTEFANKI 1-0
Činio sam čudaŠika ni letos nastavila tam de je lani stala a za Čigre se pripoveda da su počeli redovito upražnjavati... treninge. A i več su nekulko put pokazali da jem paše stadion "Pri kravinomu sedlu". Obično jem zanos traja tam negde do 6. kola. Lani su najavili pojačanja za letos i čini se da su pogodili.
Za razliku od Šike Švabi gaze tam de su stali. I Črni. To se prinami zove kontinuitet. Niš jem posebno nisu otežali bečari z Cerovskoga kaj se još navek čude "Kravinomu sedlu".
Gruntovčani i Vrapci su nastavili svoj lanjski "labuđi pjev"- Vrapci skuplaju pobede a Gruntovčani gole, to bi onda bilo, kakti,1-1 ... Gladovec ima sreču kaj je na golu imal čoveka kaj mu je špicnamet "Činio sam čuda" inače bi razlika bila još zanimlivija.
Rođekom su nezgodno seli Leptiriči. To su oni kaj su lani zamalo bili prvi i na Turniru Lige dost visoko dospeli, tam negde do finala. Ova des jem je bila malo žifčeno-rutinerana.
Badelovi Manekeni i Krpiči su uspeli v dva poluvremena skriti loptu negde zmed golov a da gola nisu pogodili- čista umetnost v denešnu dobu. Skoro kak na Euru. Na karaju svi nesretni i prezadovolni, ni baš logično ali je istinito.
I eto nas več na šeste de je Ilovača namučila Bebe v jene jednosmerne. Jedini blistav moment su bile "pomarančaste pantole modno usklađene sos patike".
Prije cukora smo si pogledali igru Tigričev i Čaple de su ovi prvi pomalo mučili betežne ove druge terem čerašni dan traja 48 vur. Posle "pomalo" su je "ftrgli prek kolena" v par minut i meša je bila gotova. Od velike jem pomoči ni bil ni Spiderman Mika z 3.40 promilov v krvi i 1.80 v atmosfere i magnetskomu polju kaj je tvrdil da more prehoditi celi gol po prečke. Z dolne strane.
A v cukoru su nas dočkali Bojsi i Miši a i tata Đaja je bil viđen na tribine ali se ni štel mešati v igru. Jedino kaj je mešal je vino i voda i to v magičnem omeru i pri čarobne temperature. A ak se dost dugo meša "na čas ugledate i Štrumpfove". Miši su bole zašli v utakmicu od Bojsof teri vovem sastavu još nisu bili viđeni iako su i oni "imali svoje 5 minut slave". Ispalo je da je jen gol dost da se meša završi- v pete minute drugoga tala Miši su ga piknuli i znali čuvati do kraja.
Za pet dan se vidimo na Novem Brdu, zemete si lopte jel je na Hojtne bila nestašica- primamo donacije.
Najte kaj zameriti.
Nou CampA na prijespomenutem Novem Brdu nas čeka šou kakof si samo zamisliti morete. Il nemrete.
Tigriči v najhujšem naletu i zaletu v zajdne devet let idu na očeličenu ekipu Mišov kaj su jednak tak v pozitivne serije od jene pobede a i na domačem terenu poznaju saki krtolovec, ščir, partizan i reglec.
Ilovača dolazi z ozbilnum namerum da ga dene Čaple u svezi glede osvajanja prvoga mesta a ova se bu branila ze se četiri ("z prvom, zajdnum, repom, gristi i bosti...") jel je još friška lajnska rana od Kravarske na istem mestu napravlena.
Krpiči dobivaju na noge hude Bebe a samo retki bi imali kuraža ovo ne nazvati derbijem.
Dok se Leptiriči leptiraju z Badelom. Jenem je samo namisli pobeda i utovar a drugem da fasuju čem mejne, il niš. Ono trejte je utopija.
Vrapci na Rođeke, utakmica po mere mladitja. Mala prednost Male Bune ali... Rođeki su na Nou Campu kak doma. Pa ti sad znaj.
Do je rekel da ni derbija!? Vinceki i Gruntovčani, oči v oči, i jenem i drugem prilika za fasung malobrojne bodov.
Eto ga, još jen v nizu; Obadvoji ojačani i pojačani, Čigre od letos, Švabi od lani, obadvoji v zaletu. Samo je pitajne do more više vrči, Črni & Brajkovič il Čigre. Odgovor na šanku. Protivniki za jenu kvalitetnu nogoloptačku prectavu.
Cukor. Prvaki kontra Balerine kaj su lani pokazale da očeju a povremeno znaju i moreju. Kak bu to zišlo? Sam Bog zna.
