muke jenog veterana 17.08.2009. ponedjeljak
beli žganciveć duge nis jel bele žgance
bum denes
ima f tiblice još čvarki f masti pak bum ih zotim prelil
krumpijera sem ščupal iz sena
fest me žiga f križima pak nis za motike
i morem vam reč da ni prava ona kaj veli nema kruva bez motike
ima sega pod senom
krumpijer sem obelil metnul f slane vode i na plin
dok se to zavri sem se odgegal do plota i zazval sosedu micu
ona jema krave pak od nje zemlemo sira i vrnja
mica mi je dala
(prostaki jeni nije ono kaj ste gruntali)
friškega vrnja jer moja barek voli bele žgance zaliti s vrnjem koje se male z maščobo provri
taman sem se vrnul dok je krumpijerek počel vreti
(i da sem micinu micu štel pogladiti ne bi mogel kaj bi mi krumpijer skipil prostaki jeni da prostaki)
i gda je to f vodi hroptalo sem se nekaj zmislil kak se ta bogečka hrana negdar mogla po agramu sikud pojesti
ni ondak ajngemahtes bil špecijalitet f skupi restorani
a bormeš i čvarki su se mogli za par kovanic kupiti
tak sem si to gruntal i oštre mele priredil pak opet male kroz obloka f kujni lukal
rože i brajda su mi ove lete fajn držeći
a cinije su plota skrile tak da ga bum tek najesen pofarbal
gledim tiče po vrtu vrapci i črlenerepke se naganjaju
grlica vabi mužeka a sraka kak kakšni pulitičar
gledi iz prikrajka kak bi nekaj fkrala
no sad se primi posla
z ladla zvadim drobilicu i odlijem male vode
krumpijer se dobre skuhal pak ga male posolim dodam male putra i zasipljem oštrega brašna dok drobim
slaže se jen fini gemišt glatkega žganca
dok to odstoji nakošem mladega luka i vlasca ak ima pridodam ljutike pak sve male prepržim na masti z čvarkimi
za moju barek ono vrnje male na maščobi podgrijem i časkom provrim
taman na vreme
evo moje bare
čujem lesu
...
krumper šalataduge nis ništ skuhaval jer je barek furt f kujni i ima me na brigi
veli da se ja bolše f dvorišču snajdem pak i za žifce je dobre oko cveča prčkati
ovi teden je pak morala hoditi na redovnega pregleda pak sem celi den bil sam
no ne baš skroz sam je tu bila i moja kusa kaj navek njušku za menom vleče
tam na plotu je sedel i moj maček i gledil kaj bi nekaj flovil
sem čul da se u zajdnje vreme o nekakovi krumper šalati pripoveda pak mi se baš štele tak nekaj pojesti
ni to jelo komplicijerano
ak si ga takvega ne napraviš
moje su dve živine bile fest hude kaj sem se prijel krumpera prati
maček je skočil f sosedov vrt a kusa se legla na kameni pod f ganjku i zaspala kaj top
f šalatu vam ide f ljuski kuhani krumper
ja sem dobil jake finega mladega kaj se topi med zubimi kaj kostanj
f šalatu ide i lukec rečime mladi srebrenjak
tega sem imel na gredici
stal sem se pred onega velkega frižidera kak pred oltar
barek je navek štela imeti mrzlega ormara kak na filmu
sem joj ga kupil
otprl sem jena vrata i poiskal one kuhane junetine z juhe kaj sme ščera imeli za obed
sem ju mrzlu z juhe zvadil
bil je komad od plečke
mi je došle da pomešam dve šalate
one z krumpera i one z kuhane govedine
znam da ni dobre ali rada jedem črlenega mesa
pak tak navek velim od nečeg se mora vmreti
bile je f tem mrzlem ormaru i kiselih vugorki pak sem i njih zvadil
nuz to vinskega octa i maslineva ulja i pušlek peršuna z vrta
kad se krumper zmrzlil sem si se to lepe f kuji kaj z oblokem na vrta gledi posložil i počel delati
i najemput
se mi je bile bistre sem videl kak je nebe plave kak je žite zlatne kak su šume žive i kak je more mirne
se sem videl kak mesija sem se čutil
sem se prosvetlil
sad sem zgruntal zakaj se o toj krumper šalati tulike u zajdnje vreme pripoveda
...
sejmeni dena baš sem si nekaj ščera gruntal kak bi ove nedele mesto na mešu mogel na sejem f jakuševec
žmehko bude kad tega moram mojoj barek dati na znajnje
pripreme počmem koji teden predi
nacepam fest drf
saki den pometem ganjka
če treba ga i povapnim
otprem joke s prvim pevcom i malo moju barek po čučici pošmajhlam
zemem si koji put i balticu pa male po lesi zabijam
i tak projdu deni
f sobote pred sajmeni den hoblam če je barica voljna
potlem se prvi zdignem i zakurim f kujni
pak metnem đezvu
i kad se moja barek z fakinskim smeškom z kreveta zvleče se ju čeka
no teške je nju coprnicu žemsku preveslati
čim ja nju po čučici male pošlatam zna ona da je meni nekaj na pameti
a kad vidi da se oko lese i ganjka motam
čist sem joj sumnjif
z hoblanjem sem jutri male preteral
kak bi rekli predi smo kak mlajši jene drugega naganjali po celemu gruntu
sad ti to dojde kak prestupna veljača
osim ak ni f planu kakva huncutarija
sejmeni den bumo rekli
...
junijaščera svrnem f ganjek pri grgi da si male zalijem se te medicine z kojima me šopaju
kad tam na jenom šamleku f čošku čuči gustek kaj dela f šumariji i baš sam ga štel za dreva pitati
barek je povedala da jih borci dobe badaf pak je rekla da nabavim
kad gustek z staklenimi jokami od preveč žganice počme f jenemu dahu
saki sem den se više f strahu za ove naše zemle jer mi se nekak vidi da bu nami radnimi selaki još gorše i još žmekše ak vujdemo f tu juniju a rekel sem jutri i kumu joži pri brleku smo si pelinkofca predi dela spili sem mu rekel da sme mi iza slemena navek vu tu juniju išli na bauštelu hrmbati pak smo si tak i hižice naredili i malko bolše živeli a denes gastarbajteri z junije k nami dolaziju evo šćera gledim su f šumariji rumujni pri delu vele da su oni već f juniji a pri nas posla išćeju i ga dobiju kaj je tožne a sred sela je neki žuti z kitaja dućana otprl se po kunu i dve pak onda čujem f aftobusu ščera da je nafti pak cena išla gori i za štroma vele da bu išel gori pak gledim da se i deca već puntaju i selaki mleko prolevaju i se mi to na ni dobro zgledi još sem ti jenoga štikleca štel povedati su k nami f šumariju polek tih rumujna i dva nova menažera dopelali su se tek ispileli i mam su nas krenuli žuliti vele da se prve morame stan dar dje ze rati kaj bi se po naški povedalo da ja prve moram šlema na lasi metnuti kožne rokavice čižme i mantla na se navleči i tek ondak smem vužgati motorku i još predi se po redu proveriti od lanca do bencina ali najgorše ti je kaj sé to moram predi našrajbati i nim to pri je zen te rati nis celu noć spal prvo rumujni pak kitajci i sad menažerija kaj nas još čaka kad f juniju vujdemo sem ti skroz vrit prešel dragi moj pajdaš daj prosim te zovi još jeno žganico
tak sem ja skroz na drva pozabil i s gustekom sem si same jene žganice spil
kaj je potle bilo bole da vam ni pri pameti
...
hrvacka kujnaglečte pajdaši problem nastane kad se barek zbeteži pak f kujni nastane praznina
nekak je se mrzle i puste
ja vam onda moram šircla zvezati
priznam ni mi baš po voli
i nekaj f lonec metnuti
sem se bil zaželel ričeta ali je dugočasno taj cušpajz skuhavati pak sem ja stvari male
pobrzal
imel sem grajeka jenu konzervu
kuhanega z italije je črleni i fino diši kad odpreš
pak sem fletno skuhal hajdine kaše tak za jenu vinsku kupicu
luka sem i špeka najsitnejše skosal
barek ima nove nože jer stalne gledi te teleprodaje i furt poštar jura zvoni mi to zna
dojti nekak sumnivo
no sem f tave luk i špek zdinstal i zajnji čas hitil vujne oni črleni grajek
male je zaribani jer se od njeg fejst prdi ali grajek je grajek
papra i soli sem obilnije del jer sem ščera z goric jen demižon domaćega prinesel
potajno sem i jenu podrafkinu kocku z glivami gurnul pod grajeka da se ne bi vidlo a
teka daje i pomešal heljdu
miris je bil kak z raja no potle bu malo gorši al si dumam bum male na dvorišču cepal
pa se bu zvetrilo
i f času je sé bilo abšmalcano
na kraju skošem peršuna i zdrobim male česena i moj heljda ričet ti je fertig
fajn uz tega šmeka i kiseli vugorek
onaj z teglina kaj se fletno s kruhom kiseli na sončeku
mi se vidi da bi to dobre bilo f kotlovinu zmešati kad sme pri kleti
...
pivasem si nekaj gruntal da skroz prejdem na pivu
em je leto kaj je prešlo bilo fest loše za gorice a i cene cukra hopšeju
pak onda i barek furt jamra da gemišti s pekla potiču
a i bogek je špareta z suhom bukvom naložil pak vinčeko lakše vudri f glave
japica su navek govorili da je piva hrana
pa tak i f cajtungima piše
al ondak sem se jene prilike z mladih dana setil
smo se tam na gmajnju iza stare pivare mameka i tateka s pucama iz pučke škole špilali
još se sećam one licitarove deklice furt se štela naguravati
i tak sem opet nit zgubil sem već sklerozen
a štel sem o pivi blogati
sećam se da su f toj pivari imali velke kace f kojima se piva mešala
su bile na otprtom i jemput smo se najnje popeli i zavirili nuter
mi se začrnilo pred jokami kak da sem zmeglel
sem štakore videl kak plavaju
bormeš cepleni su bili kak i ne bi od tulkog jačmena
ondak ti loči pivo
pak još stranjsko
moreš si gruntati kakovi su štakori f njihovim kacam
i morti gemo jačmena nuter mešaju
no bum si još do sobote pregruntal
idemo si f klet pri juri
slavi kaj mu mali nepe f vojsku
sem se još i ovo setil
neki den kad sem kramu z tavana vun hital
našel sem f staremu kredencu jen zrolani pakpapir
nutri se praf dobro držala jena slika kaj ju je japica imel f svojemu bircuzu predi prve vojne
za jenu pivaru ga je narisal nekakovi erik još jezerač i devetstote
poglejte ju totu
...
reč po rečsosedova jalža je fajn deklica
se je razrede f pučki školi prošla s dve ocene
navek je bila dobra i dovoljna
kak sebi tak i nama f selu
jedine mi nikak ni išle f glave kaj su ta bebironska deca tak živčana i svadljiva kak zločeste kuse
jalža je za primer navek bila svoje glave a kak je bila napredna f smislu cic i rit za svoje lete lepih las i plačnih joka sosed štef i soseda roža su joj navek male popuštali
tak da je bila fest razmajena
a nisu bormeč ni druga deca bila ništ bolša
same su norili drečali i huncuta delali
stari popek je već bili gluhi kak top a i slabe je videl pak velke koristi od veronauka ni bilo
miništranti su mu navek bili raskuštrani i naopak oblečeni
jenput su čak umesto tamjana duhana vužgali
berem sme se dobro napušili a bile mi je videti da su f duhani nekakove trave spomešali em su se celemu selu potle maše joke tak caklile a jeziki fuflali da to ni bilo normalne
jalža ni bila miništrant bogek sačuvaj nekaj tak i na čas gruntati ale je f zboru cirkve popevala
no to je bile za celoga romana našrajbati
se se f živlenju menja pak je i stari popek f pemziju odišel
vele da su ga nekam k bodulima na jadrana šiknuli
f sele je došel onaj mladi popek kaj je na dan glasuvanja se vernike f lurda otpeljal pak sme fulali prvega kruga
no i to je za jen drugi roman
je taj mladi pop bil fest nadobudni i mam je med decom počel reda delati
ni se mam vidlo al se bormeš čulo
sem neki den pri dolfeku po špeceraja svrnul pak je tam bila i sosedova jalža
nekaj joj je dolfek f škrnicla metnul f ruke tutnul i rekel izvoliju
a ona je f pol glasa promuklo ali tak da sme si na blizu čuli rekla
fala
mi se vidi da neko novo vreme nahodi
http://bigblog.tportal.hr/ptsp_ovac-
muke jenog veterana - 21:49
Kraći su dani i sprovode su u to doba godine običavali završiti prije sumraka ..... A i tada slučajno, zgubili su se po bregima i fulali proštenje f Loboru. ......
Članki su deti na turopôlski for-um. PS Dok sem bil mlajši žěna me zvâla ...bigblog.tportal.hr/ptsp_ovac?... - Spremljeno u privremenu memoriju
muke jenog veterana( stanarima Kupske ulice u Zagrebu koji iščeju pravicu od 23. rujna 2007.,uz ...... A i tada slučajno, zgubili su se po bregima i fulali proštenje f Loboru. ......
Članki su deti na turopôlski for-um. PS Dok sem bil mlajši žěna me zvâla ...bigblog.tportal.hr/ptsp_ovac - Spremljeno u privremenu memoriju - Slično
http://www.google.hr/search?hl=hr&q=pro%C5%A1tenja+u+turopolu&btnG=Tra%C5%BEi&meta=&aq=f&aqi=&aql=&oq=&gs_rfai=Kaj,jesi več bil tote?Vidim da je negdo nekaj metal na forum...
