Prvak v zabijanju čavlov...z kosilicum
Dok zvezda pripeče,ono,baš,glavne zvezde,puleni,sponzori,sponzoruše,putniki namerniki i drugi narod vu cipela maloga broja je zjatil na Trgu Selačke bune kučni broj 1573.Tajson pokriva se kote,točke,pozicije i mesta z one strane šanka,nekteri bi rekli da je konobar,šanker,barmen,točioničar,i nebi fulali,i sakem gostu z osmehom na licu mam z vrat nudi pivu.Ni rima al štima.E,ovo več je rima.Zemo svojum pilum 0.48 osigurava trafostanicu dok je pak Šuki v turističke patrole z Štefekovum sad več ne novum pilum po selu uzduž i poprek.Veli da sirena dela čist solidno.Mika je svojum nakajnenum došel 14.5 sekundi prekesno iza press kol i zgubil najbole mesto za parkerajne.Puno prije pol tre več su jurišne prethodnice Glumcov dostigle i osvojile prve crte šanka "F škajnčevomu gnezdu" de si je deda Huđber vuz žonglerajne drmnul aperitiv.Od pol litre.Manekeni su se distancerali na drugem šanku "Kukuvačino levo jajce" od kud jem puca * i pogled na igrališče kaj zeva prazno na pol brega kak krafska * na telenju.Oko tre vur več se fajn sveta nakupilo,Tajsonu su baš vu tu dobu počeli prvi graški znoja prebijati ponosno čelo,slučajno il ne,jel radi zvezde il gužve,jal su snjezi,jal su labudovi,a "Pod cumbulom" su počela prva pod*avanja.Čirola hita jen probni balon,da kak bumo igrali.Điđek mam vrača z forhendom,kak 1. Proleterska,nema prolaza.A kaj tak!?I dok su se oni tak brusili milijon milijonov ludi je več bil na pute teri si vode samo prema "Montes S. Catherniae".
Jena jako neurozna tekma od strane Manekenov teri su se nadali da bi mogli rastočiti Bunu počela je z brojnemi prigodami.Kak se lani na istem mestu Jurica Pevec zabadof nalobal tak je i letos nastavil,s tem da mu je of put jena zišla.Svoj doprinos u vidu gola,česa drugoga,je dal i stari lisjak Sep,bez svoje večite temne Kumeka.Badel je izvan sebe.Ni to niš dok je na Bune poznat jen pojam,dve reči;lakoća zabijanja.Jako fletno Glumci vračaju vodu na svoj melen a golgeteri z Kozje Drage žaliju za ziceri kaj su prešli kak Baba z kolači.Posle tekme veče starcov z Kozjače je imalo tribinu "Zakaj nigdo nemre pobediti Prvaka v zabijnju čavlov v zabijanju čavlov?".Posle tribine je upriličeno spinanje do šanka ober igrališča i treneranje bojne pokličev tipa; " Do je najboli!?Kojzača!!! Ajmooooooo Kojzačaaaaaaa!!! (Samo) Kojzača!!!!! Ideeeemoooo Kojzaaaaačaaaa!!! " vuz obaveznu okrepu.A prije toga smo imali prilike čuti i videti kak su Oberštrumfbanfireri Bune i Kojzače videli letošnu Ligu.
Bebe ni v zajdne utakmice nisu uspele nekoga pocepati,of put su v pitajnu bili Obadi.Skupila se ekipa Obadov v broju na knap kaj je most pred par let igrala zajdni put skupa.Mlade snage,pojačanja i zvezde su se otišle sigurno napacati v morju a ovi nisu imali te sreče da se znaju zgovoriti il su več obavili prijespomenuti ritual.Z jezikom do poda nekak su uspeli obaviti misiju protiv napasne i opasne Bebe tere su je zmučile kak breg kobilu.Nigdo nemre,išče se zamena a od zamene ni mefko "z"-najbližeše zamene su več onda bile v visine Paškoga mosta.Da zakažeju si Godiniči i Kuzmiči tu je precednik "Fan kluba Trninič" teri se unatoč upirajnu na raznemi stranami i posli uspel dvaput kreativno izraziti pred golom Hotnje.I takvu je zvezdu bilo teško nasnubiti na interview ali ne tak teško kak Velikoga Vođu Hojtne teri je poslal svega zamenika Marija i tak zbegel pripravlena pitajna o Španjolske inkvizicije.
Na dubrajnskomu bregu se osečala neuroza od momenta da su skužili da je na kraju Lige doma čeka okršaj z Killeri,z onemi kaj su očistili iza pleč Bune a i,kak ja to vidim,pomogli Brdu da se vrne prema gore.To je trajalo do početka utakmice da su mam stvari sele na svo mesto a Štefek počel rešetati povratnika na gol Švabof Beloga.Osim igre za trejte mesto na tablice ovo je bila igra i za drugo mesto na liste strelcov teru je prije spomenuti Štefek apsolveral bole od konkurenta Črnoga z Opatije teri se ni pribiležil v statistiku.Posel za statistiku je oddelal Tuta ali samo utešno za ekipu tera je bila najvekše osvežejne i iznenađenje letošnega izdanja Lige.Vuz Štefeka gole je daval i Ivek tak da su skup dorivali do pol tuca.Neno nam je posle utakmice rekel da su most rezultatski slabeši nek lani al da su igrački tu negde i da iduča utakmica rešava pitajne trejtega mesta,Ilovača je napravila kaj je mogla a Miši igraju za sebe.Joža v pitomem izdanju je pokazal kak se diplomacki odgovara na pitajna i mogel bi mnogem školu držati po tem pitajnu,zgleda da mu ni prvi put.Fala Tute na preporuke.
Nepreciznost i slaba realizacija su koštale Vrapce v utakmice z raspoložene Miše bolega rezultata i možebitne pobede.Istina,nisu imali takovoga navijača kakov je Golubek bil na neobrdske klupi kaj je dirigeral z napadom Novoga Brda svojemi zapovedi,poemami i narodnemi mudrosti kak Gaj z Ilirci.Ni treba zabiti ni Tomaša kaj mu je pomagal svojem fantastičnem pregledom igre,maloga Đaju kaj je stal na gol,Miku kaj se omrsil v napadu,Alena i Acu,ove tri kaj su gole dali;Kordu,Damira i Mišela,staroga Đaju kaj se žrtvoval i ni išel brat vrgajne nek trusit gemište v čemu mu je pomagal letos dost neinventivni Crnek.I to je bilo dost da si pogledamo ono za kaj mnogi vele da je najlepši nogomet na Brege.Bunci su letos dosegli poprilične visine prije svega zahvaljujuč svem najbolem igraču i strelcu Jurice a dalko od njega na liste strelcov ni ni Hrvoje Svekrić.Da je moglo bole,moglo je,ali ogledanomu kojnu ni kaj zubi ogledati.Ovo jem bu valalo kak i letos da dobe boli datum domačinstva a most vidimo i nočni turnir na Bune.Miše su pak letos poteple ozlede,povrede,bolovajna,...sami betek prek betka.Pod kraj jem se i realizacija popravila,betežniki su se počeli vračati z mrtve ali još mi nikak nejde z glave Turnir Lige;4 utakmice/gol razlika 20-0,kak da smo gledeli dve različite ekipe.Oni su bili jedini sigurni posle 3. kola,odnosno Turnira Lige, kaj su osvojili letos.A kaj je nem važno?Kosilica.Nemam pojma o čem se dela ali jem je stalno na jeziku;KOSILICA...
Za čudo božje Kravarska,stručnak za nerešene rezultate od pred par let,i Opatija,stručnak za iste od letos,su odigrali jenu egalku.Da to čovek ovak napiše baš i ne zgledi čudno.Čudno je da je igral najboli strelec Lige kaj dava v proseku 1.8 golov po kolu i ni dal ni gola.Vučem je kluč?V Bože.Božo ni došel.Anđo je potrošač lopti,Božo je dodavač,da Anđo mora igrati Božu z te mele ni kruva.Sa sreča da Leptiri imaju svoje puške z potaje kaj pucaju da se zataji inače bi jem Šaki zel meru.Tak je v prvi plan zišel izvesni Špajo kaj je vrgel zajdni kravarski gol letos a svoj jubilarni drugi,ak je za veruvati notarom Lige kaj se baš v ove sezone nisu preslavili....Videli smo jenu dost neuroznu tekmu tera je završila mirolubivo jel je Kravarska rešila prije svoj status a Opatija se više upira na šoubiznisu.Veli;Bole nismo igrali,mejne bodov nismo imali.Dečki malo primaju ali i malo davaju.Kaj se pak zabave dotikavle dečki imaju najbolu muziku v Lige a vele tak je bilo do sad a nadaju se da bu tak i dale.Opče ni treba sumlati v ove reči,v tem su prvaki.Leptiri imaju najbolega strelca Lige,nigdar nisu igrali bole nek letos,iako su nekulko put več bili drugi,ali nisu mogli pratiti tempo teri je udarala Velika Buna.Ova se ekipa počela stvarjati još lani i ak se nekaj ne skurva kletu bi moglo biti pekleno vruče v Lige,a pogotovo na utakmica Kravarske.Ni treba zabiti ni da je zostal najboli navijač kaj je zaglavil negde na Zrču na kurvanju.
Utakmica zmed dvoje pulenov "Gorenc transporta" počela je v ozračju najave z Singaporea da se očekiva pobeda "Pulenov2" z Gladovca tak da bi namestili pušku Bebam,Zlatekovomu ponosu i dike,tere bi trebale nosil lampuš iduče leto dan,odnosno 10 mesec do druge,MNLVG9.,Lige.I v prve minute Medo Brajkovič meče dvaput ruševlanskomu golmanu onak kak je i lani metal,a letos ni,z dalkoga."Ponosni sponzor" si je tek otprl pivu i još ni uspel ni kapi pretočiti a "Puleni1" su v gabule do kolena,Vragi Črleni su mrsko zeli Zmajčeke na red.Prva reakcija-pogled prema Hojtne,druga-si sveci nebeski i Singapuru i Lige a trejta-komentar.Videl je to i tata Krpica.Ne odma,ne sad,ne mam nek istoga momenta si je vrgel očala na kurje oči i tenesice na noge i zašel reda delat v propuh bojne kaj je branila boje Ruševca The`olnega.Posle opče mobilizacije Zmajčeki se vračaju i si su počeli metati,od najstarešega do najmlajšega i kontra,Vragom Črlenem tam de bi je najbole trebalo boleti.Jedino je još Sremič uspel smajniti malo.Evidenterano i zapisano.Da je Zmajčekom otpala protekcija na tenesica Ponosni Sponzor je mam sezul svoje i pital; -Jel komu još trebaju gače?Kak pokretni Second hand shop,od sve riti optrgava da bi drugem dal.Ruševec brusi ekipu za iduče leto,oni su se letos naigrali;od kvalifikacij,prek Turnira Lige de su,letos jedini,tukli Bunu do 15. kol Lige.Gladovec veli da drugo leto moreju biti samo boli.Sremič je dal kulko je mogel,drugi su se tajili,jenu su predali bez borbe...
Rođeki su odigrali jenu skoro reprizu Turnira Lige z Šikum tera je pak završila na kontu Šumarov.Mladi penzioner Draš je kontroleral jel semafor dela kak Bog zapoveda i za saki falš delil packe "semaforiste" ali ni to ni bilo dost da Barbaričani maneju raspoloženu Šiku.Of put jem glave ni došla navinuta 7.ica nek "kontroverzni" Koki teroga su stalno opominali da ne igra dobro dok ni v šusu natovaril Rođekom jenu putnu.Onda su ga prestali kritizerati.Rođo se poskrbel da to malo kulturneje zgleda,ali ne preveč.Kak Koki ni bil raspoložen za spominek,kak i večina "prve izborov zajdnega dana zajdnega kola Lige",a vekši tal raspoložive ni odigral se utakmice da bi imali kaj povedati,izbor je završil na Mrkiju Sr. i Jože teri je baš pobiral penezi za pive,ali ni oni nisu bili na pol utakmic...Vglavnem,čuli smo da Šika spravla jenu mladu ekipu tera bi vuz još nekakova pojačajna za leto-dve trebala biti tip-top,a trenutno pak muku muči z oscilacijami v igre tere su pak posledica nijove mladosti,jel tak.Rođeki su letos pali v odnosu na lajnsko leto dok svetlu budučnost vide v rošadami i eventualnemi pojačajni.Kulko se uzdaju v svoju moč kombinacije,igračke doktrine,osmikavajne vuz skute božice Fortune i umeče nogometajna,tero veli da rat dobiva onaj kaj bole skoristi zastoj a oni ga pak imaju na pretek,i to 10 mesec,najbole govori nijova zajdna reč na proglašejnu Pobednika; -Vidimo se kletu v Male Švicarske! A ti onda dojdi takovem na noge...
I ona teru smo čekali još od 6. meseca,il 3.jtega.Bojsi su začuđujuče lako rastepli neposložene Čigre tere su v ovem sastavu igrale prvi put.Još je to v prvem talu zgledalo kak-tak za Jaguštanovec ali je v drugem vrag došel po svoje i prešla baba z kolači a nebi zanemaril ni pre-pre-prekratku klup za rezervne igrače.Bojsi pak v drugem talu davaju gas;Tihač z crte dirigera z napadom Štefankov,Bekem šele lopte prema napadu kak HP ekspres,mlade nade i zvezde blistaju a onda je zašel nutre i "Tihačev debeli" da malo popravi...kilažu,il dojam.Jaguštanovec svoj letošni nastup na MNLVG8. komentera z "Užas..." a za drugo leto pripravlaju preslagivajne momčadi i pojačajna,vele niš bez mlade.I Bojsi pripravlaju ekipu za kletu a biti prvi v MNLVG9. jem ni cil nek vele da planeraju zeti samo jubilarne.Čuvajte se Štefankov v MNLVG10..Dodeli smo se i eventualnoga prelaza z Lige16 na Ligu18 za teru smo se složili da od nje breški nogomet more imati samo koristi,ak se se lepo zkoordinera (ne zkorodera) i posloži.
Za k letu si pripravlaju ekipe i bruse se,MNLVG9. bi trebala biti krf krvava,od Male Bune do Pokoskoga i od Hojtne do Dubrajnec.Kriš,kraš i okolo poprek.Do,kaj i kak bu jasneše 10.03.2012. na Plenumu Lige.
Sporcki pozdraf!
