Schwarzwalder Allgemeine Zeitung
Švabi su se za Ligu pripravili kak za proščenje,širok šor-šumica,nebo skrito z suncobrani,tratina potpođena z friškemi foslini da se riti kaj dolaze ze se stran Vukomeričke bregov nebi naladile,šank linija dela kak zapeta,luk se pomalo cvre a za one kaj vole prebirati tu su i zacukorene gliste.Na Švarcvald arenu se nigdo ne žali a kak i bi da ju glade z novum samohodnum kosilicum.Na Bune je v nedelnu popoldnevku se još kak je i v sobotu bilo,samo ludi fale;i šatre su tu,kišobrani,frižideri,beli tepih od čaš,stoli,klupi...
Bojsi su došli suvereno v Opatijsku idilu,posle čerašne Gorne des je pak čekaju nekakovi Gorni samo kaj ovi Gorni nit su baš raspoloženi za zgubiti,nit su neoženjeni a bome jem ni ni do ...zabavancije.V momentu da su se nekteri počeli pitati da kaj of Turki dela na terenu taj isti ga je mrsko vrgel Mire na golu Štefankov.Bojsi se brzo vračaju z golom,Mika se mora prignuti v svoju mrežu i več se pomalo prede pobeda a i čuje se taktičko-subverzivno-podrivačka spika tipa;"Gotovi su.Sad su gotovi.Još jednoga i gotovi su..."E.Ali...Obadi kak obadi zuje dale i v sem tem zujanju jena je odzujala pak iza Mire.I posle toga više niš ne vala,kreče napad "po babu i po stričevi",pa dve minute,pak crveni,pa španjolska inkvizicija,ovaj,disciplinska komisija...Sto čudes!A tek je prva,bez naboja i još je nedela.Kaj bu tek da derbiji zaderbijaju..?
Inače ova zajdna leta mušterija i laka meta Ilovače zvana Kravarska jednak tak ni bila za nastaviti tradiciju,čak pače.Negdo je dobro snimil Ilovaču i baš se nisu nekaj naigrali;svu brzinu i lepotu Leptiri su rešavali z fauli i trgajnem igre,ovo kaj jem je prešlo,osim jenoga Vincinoga,"tri lake noge z Dubrajnec" nisu mogle poslati v mrežu.A Leptiri je tučeju z nijovem oružjem-"heklanjem" v golmanovem prostoru.Dober tal od onoga kaj je Anđo dobil na revers je i završilo iza Mike,dober tal je i Mika obranil ali pak ni takov štreber da bi se poskidal z odličnem.To more samo jen golman v Lige.Z Hojtne.Protif Bune.Velike.Kak su prijašna leta najjakše navijač/ic/e imali Gorni (Ruševec i Opatija) tak sad primat nose Kravarščani."Kolcem i lancem i čavlom v glavu!"Dobra tekma-derbi je opravdal svoje ime.
Krpičini sinovi nisu imali nimalo lak zadatek boriti se protiv tradicije i klasike v srazu z Bebami tere se još navek bruse za jenu pravu tekmu i mušteriju.Na kraju su sejeno uspeli,utovariti Hojtnanom "klasične" 5-1.Bilo bi klasičnije 5-0 ali je jen Cavrič za*al statistiku.Z Singaporea su došle informacije da su Bebe podmitile golmana Krpičef da pusti par komadov,mislim da je f pitajnu bil meter bukovine, tak da Bebe,če niš,na kraju Lige imaju "Najbolega strelca" i čovek se baš potrudil ali nijena lopta Bebe ni išla prema mreže.Najbližeše je bila jena stativa a i ta se odbila v 3PM.Bebe su probale znenaditi Oduzete z novem golmanom,kaj bi mogel Ilije zeti kruf z ruk, a ovi pak Bebe z novem igračem.I jeni i drugi su još navek iznenađeni...
Kozjača 2.Il 3?Je probala navleči na tenki led "P" sastav "R" sastava "B" ekipe trečega poziva Velike Bune ali kak je zunac otopil let tak su Rođeki sami suknuli v gliboku vodu poraza.Glumci su letos kak i Švabi,ne ovi naši,oni orginal;i da igraju loše pobeđivaju.A bilo je malo časa i za "z petjum".V gol.Ali bar su se žene lepo pospominale,tak da nisu zabadof došli.
Manekeni i Vrapci su se službeno,kakti,spominali samo prek penalov.Manekenom več treba nekakova pobeda da ne pijeju "na suvo" a i niš jem nejde z igre dok pak Bunci nimaju kaj puno prigovarati (Slabomu Buncu saka glaka smeta i Ogledanomu Manekenu ni kaj zubi ogledati...)-tri goli,tri strelci,samo je mladi Števa zatajil.Tam negda na početku Lige.
Švabi lete na krile mlade svrži,dok je Slatki sprešetaval kobase po kotlu Tuta je pak stal na gol a v ekipu su nametali najbole kaj se moglo najti na Opatije.Čigre pak spaštaju greh prijašne pobede;kak su prije zabijali i po tri sad nemreju ni jenoga,ma kaj jenoga,nit okvira pogoditi,nit za lek,da je za život za spasiti nemreju ga vrči.Kak da su zacoprani!A baš sem jen dan si mislil da su ovi v Karantanije prebrikali vodu z Krškoga ze Save v Kupu tak da ovi blizu Kupe igraju kak navinuti.I svetiju f kmice.Švabi več f šestem kolu imaju skoro boli rezultat nek lani na kraju;imaju isti broj pobede-2,još jem fali jen remi,z ovum pobedum imaju 6 bodov,lani 7 na kraju.Lani su tukli Bebe i Obade,letos Laptire i Tigriče.Fukajaku je počel Črni Brajkovič z svem trejtem golom,inače najboli strelec Švabof a da je svega drugoga Čigram vrgel Mata Brajkovič v publike je počelo totalno ispižđivanje i iznered.Najtraženije ime je bilo (japa) Želko,za teroga se mam more reči da ni hitil penezi kaj je v svoj familijarni igrački kadar zatukel,a mnogi nisu ni mamu zabili,viču Krpiči "Runda za se",drugi čekaju japu na šanku a ponosni otec nikoga nečuje samo prati svoju diku.Na kraju opča svršidba i ludilo bez granic.
Šika mnogobrojna i lepo speglana ni baš ostavila dojam na poljuljane Miše.Ali je selektor Đaja da je počel z bičem pucati.Glavno da je Mika zakucal v mrežu vuz v.d. golmana Tonu i da je to bilo prek dosti do kraja.Pančo je na jebolovajnu,Ruzli je em "okačil" rukavice o klin em ozleđen Šeika više nigdo ne * ni za suvu slivu.Z druge strane,kak i lani v Gorne Opatije,na Novem se Brdu iščeju štake viška,Miši su desetkovani,treba bi iti delat nove igrače a več je kesno zavo leto.Mali Đaja,multifunkcija pri Miši je dobil po * na Hojtne,a načet je bil i prije,Tomaš je zaglibil v Gladovcu na nočnem turniru pak sat nosi gipsanu čižmu,stari su prestari,još je je lani pokopala i Maca Maradona,mlade ni,a ak si uspeju dojti ima je 6.Okruglo.
Gladovec je Opatije uspel scukati bod ze zubi.Ni jeni ni drugi nisu na kraju bili preveseli ni ono drugo.Kruže dezinformacije da su ovi prvi prešli med subotare a drugi veliju da nemreju odigrati dva dane f komadu nek pauzeraju jenoga i drukaju baterije da bi bili čem bolši drugi dan.Letos su imali puzeči start mesto letečega,kak je je lani bilo prekopreviše tak se letos nikak nemreju skupiti;lani dve pobede i tri nerešene,letos same "Izg", zatajili su Posavec Ivica,Juvan i Medo,jedino Sremič dela na iberturaže.
A onda je Pevec počel popevati...
-
7. KOLO se igra : 16.07.2011. KRAVARSKO, 15.00 SATI
Križarski ratovi
OPATIJA - KOZJAČA -Manekeni postojani v sredine,sad više niš ne meleju samo gukaju,na tablice spod Tigričef su si pobedili kaj bi moglo značiti...sad il nikad!,
NOVO BRDO - GLADOVEC -lani su Gruntovčani na Male Bune prejunfali Miku na golu ali ipak spušili,letos ni jeni ni drugi ne blešče,kak bi to negda negde stara baba rekla -Ni važno kakof je,samo da je dug i debeli!,samo nek bu puno golov,
GORNJA OPATIJA - ŠILJAKOVINA -sad Balerine moraju a Švabi jem "kao nedaju",dopelajte mi 4 Brajkoviče da pokopaju Šiku!,
GORNJI HRUŠEVEC - AUGUŠTANOVEC -ova bi mogla biti dobra,lani su nas f Kozje drage zmučili kak da smo gledeli prenos ze Sabora,ne ponovila se..,
VELIKA BUNA - LIJEVI ŠTEFANKI -zajdne dve lete 1-1,ak dojde Big Boss Boys ovo bi moglo biti čupavo,inače..,Bojsi igraju kontra Bune a za Šiku,Ilovaču i Kravarsku,
HOTNJA - BARBARIĆ -ak Bebe pobede več vidim suvu bukovinu pri Damiru doma
DUBRANEC - DONJI HRUŠEVEC -jel se bu prikazal Stari da skine teri penal Krpice?,
MALA BUNA - KRAVARSKO -mali Bunci promenivo,Leptiri suvereno,jel bu ova lepotica kaj premenila?
Dojdete na pol Križnoga brega pak bute videli.
