POČAKAJ (PO-ČA-KAJ) - Lipa naša čakavska

[Ljudevit Kaj]

Novi list, 2013 02 03
Prilog četrkom Beseda
 
6 člankov na čakavskomu:

http://novine.novilist.hr/Default.asp?WCI=Rubrike&WCU=285B286328592863285A28582859285B2863288A288D2863286328632863286328592863Q

iliti

(1/6)
DA SE NE POZABI

Bogat je onaj kemu malo rabi, a ne on ki čuda ima

Otprle su se jedne manje vrata i pomalo, prignjen od starosti prišal je nutre božićni nonić vučuć za sobun vreću z regali. Sel je va jedan kantun i gjedal dečicu. Deca su ga ugjedali i počeli zijat Tomte! Tomte! Tomte! I narivali su se okole njega

Piše Silvana MILOTIĆ KOŽULOVA

Deca su kantala i tancala, a Tomte je prnesal i regali...Par dan pred Božić moj stari i ja seli smo va auto i partili hćere va Astorp, gradić na juge Švedske. To je dug put i namučila san se kako blago, celin puten stojeć atento s ke strani autoputa će pasat božićni nonić ki gre dole va Hrvatsku z regali za našu dragu dečicu. Žliti z regali i nonićun nigdere. Pokle dva dana pozvonili smo hćere na vrata. Judi moji ko veselje, bušići semo, bušići tamo, stari, mladi, deca... si veseli a va kuće šršur, si govorimo, a niki ne ariva niš čut.
    Zajno tu večer rekal mi je mlaji vnuk »Nona ćeš poć sa mene videt Tomte.« Nisan znala ča je to Tomte, ma san zajno rekla da ću. Tako smo jutre dan si šli va vrtić, vnuk štimano napred, a mi za njin.
   
Tomte, judi i užanci

Va vrtiće na sredine jedne vele kamari, velo božje drevo, a svetleće lampadinice mi namiguju va seh koloreh. Neka deca kantaju i tancaju okole božjega dreva, neki se vajaju i igraju po tleh, a bome je i njih ki se drže matere za krilo. Dobili smo po staroj švedskoj užance riži na mleke poleveni sokun od sumskeh bobic »lingon«. Pokle tega kafe ale te i baškotini »pepparkakor« ki su švedski brend. Moren van reć da su dobri, diše na cimet.
    Otprle su se jedne manje vrata i pomalo, prignjen od starosti prišal je nutre božićni nonić vučuć za sobun vreću z regali. Sel je va jedan kantun i gjedal dečicu. Deca su ga ugjedali i počeli zijat Tomte! Tomte! Tomte! I narivali su se okole njega. On in je rekal da je trudan aš je zduga prišal da njin da regal. Moj vnuk Loren čekal je regal, malo se poriveval napred i gjedal ako ga gjedamo. Dobil je regal i vesel prišal do nas. Regal je va lepoj črjenoj karte po koj su nacrtane zvezdice, a stane va jenu pest, kada ga je otprl nutre je bila jabuka i paketić bonboni.
    Otrok je bil zadovojan, a ja inkantana, ča to je regal? Regal je siromaški, a božićni nonić nekako pravi stari nemoćni nonić, a ne kako naš oohoohoo pa vesel, pa drit, pa moćan, oohoohoo sa sreća da ima svoju monturu - aš da ne mogli bimo mislet da prihaja Spajdermen.
   

Ni naš domaći

Gjedan judi, kući, auti i dječja igrališta, cimiteri se nekako bez lušarije. Niki ni obučen da se za njin obrneš. Kući bez mramora i ne veće nego ča rabi jednoj fameje. Auti kako naši ako puli nas skrijemo sportski, oni boji mercedesi, benvei i audiji... Ovde je poznato da ako pasa neki sportski auto Šveđan se obrne za njin i reče »ni naš domaći«. Va oven kraje je jedan Ferrarri i vozi ga Talijan. Kada hodiš po grade sako malo prideš na dječje igralište. Deca se lulaju stojeć na staroj gume od auta, imaju kućice od dasak, mrežu od špaga za se prtit po njoj, samo tobogan bi reć da je luš aš je od rosfraja, ma ni luš nego koristan, na njemu je bil nonić a bit će i vnuk ove današnje deci. Lulaju se na gume od auta da se strošene stvari ča boje skoriste a s tin se dela manje smet i to je korist. Kako živu tako i va mire Božjin počivaju na cimitere na kin ni ni jedan jedini grob pokriven z mramorun.
   
Jena dobra misal

Judi moji kakov je to narod ki nima potrebu da ima lepšu kuću, boje auto, draži postoli, boji kapot i lepši grob od suseda. Pitala san hćer zač je to tako, rekla mi je da je nekad neki Jante storil ordini kako treba živet, prvi ordin je »Ti si čovek, niš boji nego on drugi čovek i ako misliš da si boji znaj da si huji«. Tega se let i let drže. Si mi znamo da imaju pa zač je to tako, kamo stavjaju šoldi? Oni se celi život doškoluju, gredu po svete i troše na ono ča ih veseli, a ča ki drugi ima i ča dela jušto njin je sejno.
    Judi moji mi smo jušto nopak od njih i sada mi je palo na pamet jedna dobra misal ku san negde čula ale pročitala.
    »Bogat je on kemu malo rabi, a ne on ki čuda ima.« Pra mi se da je to prava božja istina.

http://novine.novilist.hr/Default.asp?WCI=Rubrike&WCU=285B286328592863285A28582859285B2863288A288D28632863285E285C285D285A2859285928632863286328592863P


ĐANI STIPANIČEV feat KLAPA DALMATI - NIJE U ŠOLDIMA SVE, 03:11

ĐANI STIPANIČEV feat KLAPA DALMATI - NIJE U ŠOLDIMA SVE

[Ljudevit Kaj]

(2/6)
OBAŠLI SMO

Lovran i Lovranci – judi, delo i užanci va knjigu pospravni

Vrednu knjigu, prvu z ediciji »Lovranska dota«, uredila je i dobar del napisala Cvjetana Miletić, a namenjena je i velen i mićen – starejen na spomen, mlajen za dotu

Piše Aleksandra KUĆEL-ILIĆ, slika Marin ANIČIĆ

Ki ni prišal, more mu bit žal...Lovranska dota ime je nove ediciji Katedri Čakavskega sabora Lovran, otprte va lete 2012., z žejun da dura i podura čuda let. Prva knjiga tiskana pred kraj leta je »Lovran i Lovranci: judi, delo i užanci«. Knjige va podnaslove piše da su va njoj pogovori s judi ki živeju al su živeli va Lovrane al na Lovranšćine »na raskršću dva milenija«. Namenjena je sen, velen i mićen, starejen na spomen, mlajen za dotu, a mesta se našlo i za oneh keh već ni s nami ale ih se ne bi smelo pozabit.
    Va ovistoj, prvoj knjige, tiskano je 215 pogovori s 210 judi, ki su na bilo ki mod vezani za Lovran, neki rojenjen, neki živjenjen, nekeh tu drži jubav, a nekeh delo. Saki je od njih jedan del svojega živjenja regalal ovemu gradu, ki je zamerital i čuda više od ove knjigi.
    Pul pogovora je i slikica sakega govornika, na čen treba zahvalit sen ki su pisali i sen ki su slikali, a njih je skupa trejsetak. Tiskanje knjigi pomogli su: Općina Lovran, Primorsko-goranska županija, Grad Opatija, Turistička zajednica Opatija, Turistička zajednica Lovran, Croatia osiguranje, ŠRD Zubatac, Udruga umirovljenika Lovran i restoran Knezgrad Lovran – povedela nan je urednica ove šesne knjigi Cvjetana Miletić.
   
Sveta Lucija

I tako, dan za danon i prišal je 13. decembar, Sveta Lucija i si ki su mogli su se okupili pred večer va lovransken hotele Park, ki je bil glavni sponzor za prestavjanje knjigi ko je tamo parićano. Prišlo je zaspraven čuda judi i to ne samo z Lovrana i Lovranšćini, leh i z cele susešćini. Neki su prišli videt kakova je knjiga i ki je se va njoj, drugi su prišli naslišat lepe besedi, kanat i sopnjadu, a treti se to skupa i još trefit kakovega dobrega prijatela, malo poćakulat i va lepoj kumpanije večer propasat.
    Bilo je najme na pozivnicah napisano da te program obogatet Pjevački zbor Lovor Lovran, Mihalj Ivković, dr. armunike, Metod Sironić, mr. flaute, Tonči Trinajstić, mr. klarineta, Hrvoje Puškarić, meštar na klavire i Robert Popeskić, najlepji glas Lovrana. Isto tako, najavljena je i večer od lepeh besed od dveh lovranskeh poetesi, Milice Tuševljak i Silvani Milotić, a za se drugo zadužena je bila Katedra Čakavskega sabora Lovran. To je bilo dosti i preveć, da se šesna sala hotela »Park«, a čigov je vlasnik Ante Rukavina seh šesno pozval da pridu k njemu – ispuni do zadnjega mesta...
    – Kako je prišlo do ove knjigi? Trebalo njoj je deset let. To se vidi i po pogovoreh. Na početke nismo misleli da delamo knjigu, nego smo samo zapiševali pogovori z domaćemi judi. Kad ih se nabralo jeno sto, videlo se da vanka prihaja knjiga, kako jedan spomenar na judi ki su živeli va pasanen i oven veke, zato zdola i piše - na raskršću dva milenija. A dokle smo osigurali soldi za tiskat knjigu, broj pogovori je rasal i sad ih je va knjige 215. To je samo mići del od judi ki su zameritali da se o njimi ča više reče i šnjimi ćemo se i daje pogovarat, neš za Lovranski list, neš za Besedu, a onda ćemo ih spravit va drugu knjigu – povedela je na promocije Cvjetana Miletić, koautorica knjigi i njija urednica.


Ki je delal pogovori
   
    Va ovoj knjige su pogovori keh su storili Cvjetana Miletić, Ranka Janjetić, Vjekoslava Jurdana, Maja Karić, Aleksandra Kućel- Ilić, Marija Janjetić Aničić, Martina Blečić, Mare Žužić, Davor Žic, Marino Maljavac, Silvana Stiglić, Kristina Heger Staničić, Radovan Trinajstić, Marina Kirigin, Sonja Španjol, Sanja Slavić, Marijana Zorić, Adela Car, Bogdan Sirotnjak, Kristina Mihovilić, LJiljana Šverko, Božidar Spasojević, Alenka Juričić, Boris Stanger i Silvana Milotić. Kumpanjali su ih i vredni fotografi: Dolores i David Kurti, Marin Aničić, Iva Galović, Federiko i Max Sterle, Radovan Trinajstić, Luciano Bibulić, Sonja Radan, Marija Janjetić Aničić i Silvana Stiglić. Čuda je bilo i familij ke su otprle svoji albumi od bližnjeh, a nažalost pokojneh, ale va knjige su da se ni njih ne pozabi.
   
Sveti Juraj
   
    Rano je jutro. Teče Marija preko placi, pak zgorun se do crekvi svetega Jurja. Tu ju na sameh vrateh trefi Pepica pak će njoj: »Onda, ča bi reć, Marijo, da tako zarana prešiš, tr ti neće sveti Jure pobeć?«
    – Znan, znan da neće pobeć, ma san se prišla pomolit i zaprosit sveca da mi pomore okol mojga Franeta. Umret će prej dobi, a ni mu koristi niš za reć. Cel dan samo sedi i ji, sedi i pije, a niš ne dela. Već ne znan ča ću?
    – Aj, draga ti, hodi se pomolit Majčice Božjoj na Trsat, a ne svetemu Jurju! Tr znaš da ti muški vavek za muškega drži!

(iz knjige »Lovran i Lovranci – judi, delo i užanci«)

   
Krcato va »Parke«

Zahvalila se sen z Katedri Čakavskega sabora Lovran ki su verovali va ovaj projekt, kako i sen sponzoron i donatoron.
    – Puno su mi pomogli presednik Katedri Igor Eterović, urednica i lektorica Ivana Eterović i urednik Robert Doričić, majstor od tehniki. Hvala vrednemu i dobremu tehničkemu uredniku Saše Jeletiću s tiskari Buldog, ki je knjige udahnul dušu – rekla je Miletić.
    A dvorana hotela »Park« je bila puna do zadnjega mesta, pak su neki da bi mogli naslišat lepe besedi i muziku, morali stat. Program je vodila Zvijezdana Klobučar, a od knjigi su govorili Igor Eterović, Robert Doričić i Ivana Eterović. Kantali su člani Pjevačkega zbora Lovor keh je vodil maestro Metod Sironić, a neš s knjigi su sen koliken pročitali Cvjetana Miletić, Adriana Žele i Robert Doričić. Za lepe besedi su još bile parićane i pjesnikinje Silvana Milotić i Milica Tuševljak, a za »nebesku predblagdansku muziku« doktor od armuniki Mihalj Ivković, magistar od klarineta Tonči Trinajstić, pijanist Hrvoje Puškarić i magistar od flauti Metod Sironić. Sopli su i posebe, ma i po nekoliko njih skupa, tako da su ova »četiri mušketira« pokazala su bogatiju njihove sopnjadi, a s kun se je cela dvorana itekako štimala. I još je sen na regal zakantal i nekadajni »Opatijski suvenir«, prvi glas Lovrana Robert Popeskić. Bila je to jena šesna i tepla večer, večer za sakega. Starejen na spomen, mlajen za dotu.


http://novine.novilist.hr/Default.asp?WCI=Rubrike&WCU=285B286328592863285A28582859285B2863288A288D28632863285E285C285D285A2859285F28632863286328592863C


ŠPARUGA LOVRANSKA - Duško Jeličić - Festival MIK, 03:22

ŠPARUGA LOVRANSKA - Duško Jeličić - Festival MIK

[Ljudevit Kaj]

(3/6)
VA POSJETU JURI KLOVIĆU

Griško čudo ot čovika

Piše i slika Stipica JURIČIĆ

Slika: Klovićev autoportret

Bila je nedilja, vjutro, Grižah se se uštrkalo, dva vela tapreda zakrčila celu placu, naroda, mlajarije, Dean zija ki re va ki tapred, si štimani, remo Zagreb pogljedat sliki najvećeg sveckog slikara drobnih slik, našeg Jure Klovića. Ča bi se soldacki reklo, Grižah je vanredno stanje ot kad se dočulo da će se postavit izložba, saki dan se zvocalo, ćemo poć, kad, da ne bi zakasneli i se tako. Se je to zrihtal neumorni Dean Barac, precjednik Udruge za očuvanje narodnih običaja i kulturne baštine »Juraj Julije Klović«, dokončal ki re, zrihtal tapredi, ulaznice, bogme i pravi obed, i nas stodvajset otputilo se Zagreb.

    Dobro, nisu šli baš si Grižanci, niki poradi drugih obavez, niki poradi drugih vrednosti, ostali su doma. Celin puten divan se vrtel okol Klovića, badave ča si imamo Klovićevu monografiju našeg profešura Ive Barbarića, za ku je akademik Strčić napisal da je remekdjelo, sejedno smo ga nič stalno spićevali. Bog i bogme naš profešur Iva se zna o njemu, ča veli, da mora znat jerbo već pedeset let išće, ziučava i piše o njen. Jedino da ga more najadit kakov bedak ki more o Kloviću divanit, a nikad ni videl ni jedne njegove slike, a još manje kad, kadi i ča je se risal. Ni kišica nan ni smetala čekajuć red spred Klovićevih dvori, a kad smo šli nutar, sakog je uhitilo niko uzbuđenje.
    Prijela nas lipa maletina, upeljala va galeriju, divaneć o izložbi i Kloviću. Valje na početku, po celon zidu riči su Vasarija, ki je pisal kako mu Klović divanel o sebi, pa kad je maletina spomenula kadi su Grižane i da se puno ne zna o Kloviću kot fantini, morali smo sprot zet rič i dopovidit joj, da smo mi z Grižan, i da Grižane nisu poli Novog, a o fantini Juri ne mora niš ni divanti, tr smo šnjin va Klamaruši i Bočini ofce čuvali, učil nas risat na lipovoj kori, veli pisnikinja Zlatica Balas da je spod Zabrala, na Ravničici, Jura uhitil dugu za rep, a ona je bila jako škakljiva pa je po njemu stresla se svoje farbe i komadići ot srebra i zlata, z Antova smo pišice hodili Begrad na mašu, na nohtih bi nan risal svete sličice, šalabahter, da znamo ako nas ča pop pita. Pop nas uhitil da imamo takov šalabahter, morali smo odat Juru, da nan to on riše, ni se ni najadil, poslal ga fratron Crkvenicu da dalje uči. Lipo smo joj dopovideli da smo prišli pogljedat ča je risal kad je prošal va ljuški svit. Redovito smo se pregljedali, nikako se odlučit ot tih sličic, ma i vrnjevali se još jedanput pogljedat. Riči ni bilo čut, a ča i bi. Čudo ot čovika. I sad mi spred oč titra njegov autoportret. Za finjenicu zafalili se simi ki su pripravili ovu izložbu, da te sliki bar na tren dojdu doma, a posebno srićni da smo jih videli. Zapisali se va knjigu utisak, a za finjenicu pisnik Mladen Barac-Ujčić zapisal: Drobnoslikar mali/veli postal/da bi jušto si doznali/najveći je ostal./Ponosil se svojin krajen/a kin su š njin kumpanjali/da je evdi rojen/lipo su to znali./Aš se vavik potpisal,/čast mu saka,/da bi svit doznal,/don Julio Clovio-Croata.
    Vrnuli smo se, kako ono pisnik reče, va nikoj višoj javi, pa ni nevrime, ko nas puten pratilo, ni moglo pomutit ta osjećaj.


http://novine.novilist.hr/Default.asp?WCI=Rubrike&WCU=285B286328592863285A28582859285B2863288A288D28632863285E285C285D285A2859286028632863286328592863W

EVANĐELJE PO KLOVIĆU, 01:48
Juraj Julije Klović, Giorgio Giulio Clovio, Croata, minijatura,
Michelangelo, Grižane, Vinodol,
El Greco, časoslov Officium Virginis, Beatissimae Mariae Virginis Officium,
Bernardin Modrić, Istra film

EVANĐELJE PO KLOVIĆU

[Ljudevit Kaj]

(4/6)
PRIMORSKE ĆAKULE

Va ča svet veruje

Piše Aleksandra KUĆEL-ILIĆ

Slika: Na dobro van Mlado leto prišlo * Foto: M. ANIČIĆ

Ste nosili črjene mudandice, črjeni kasić ale kakov drugi črjeni kušćić donje robi za doček Nove, 2013? Ako ste, pul nas se veruje da će van to donest sreću va jubave va seh 12 meseci ovega Novega, jušto načetega leta. Ma, kako bi se ono reklo »koliko judi, toliko ćudi«, ale »koliko judi, toliko užanci« pak, rečimo va Latinskoj Amerike veruju da se va pol noći moraju promenit mudandice i obuć nove i to – žute boje. Va Venezuele je užanca da se nove, žute mudandice moraju obuć ponopak kada otkuca pol noći! Se to se dela za sreću i blagostanje va idućen lete.


Ne veruju si va ovakova »praznovjerja«, ma ipak, čuda je oneh ki veruju da se va Novo leto ne splati poć z nekemi dugi keh si mogal podmirit, a nisi. Najme, va ten slučaje, reče se da će vas dugi pratit va celen lete (a brižni mi)... Na Silvestrovo isto tako ni užanca jist nikakovu pečenku, niš ča hodi na dve nogi (purice, kokoške i sl.), aš se reče – kokoše, patke, guske i purice rada »čeprkaju«, pa ki ih na tistoj večere bude popapal – celo leto će »čeprkat« po svojoj prošlosti (a morda i po tujoj, ča neće čuda dobrega prnest).
    Ako neš znesete vanka z kući, ale stresete mrvice sa tavajola – pred vami je leto bez šoldi, a jako je važno i da se Novu dočeka bučno, glasno i z čuda rompanja – to je pravi mod da se ća potiraju zli duhi. Novu ti prva treba čestitat – ako si žensko – muška peršona, a ako si muško - ženska peršona, ča navodno donosi sreću va jubave.
    Narod reče i da će ti celo leto bit puno sreći ako ti prvi gost va kuće bude črn, visok i dobrodržeći čovek, a dobro je i da v ruke nosi regal. Ako van se to potrefilo, ma leto 2013. će bit ne za pet, leh za deset! Ako je prva peršona ka vas posjeti va Noven lete ženskega spola – niste ju smeli pustit va kuću, aš da navodno nosi nesreću. Znači, najprvo črni i muški, pak potle »nježne plavuše, ale i više njih...«
    Čitala san malo i va ča se veruju po celen svete. Tako na Kube veruju da se za doček Novega leta treba pojisti čak 12 grejpi, a zadnji kad ponoć otkuca. Ovisti žir da simbolizira 12 meseci i saki pojedeni znači sreću va jenen mesece. Na Filipineh je slično kot i kod nas – na pol noći stol mora biti pun hrani zbog sreći i blagostanja va Noven lete.
    Danci na Silvestrovo razbijaju pijati spreda ulazneh vrati. Pijati znače prijateli i ča ih je više razbijeneh, imet će više prijateli va živjenjen. Va Grčkoj je Novo leto va isto vreme i Dan Svetega Vasilija. Peče se kolač Svetega Vasilija va ki se stavlja šolad. Ki najde šolad, bit će sretan va Noven lete. Va Kine se dom kiti z črjenemi ukrasi, a si noži se maknu vanka kući na 24 ure. Najme, niki se ne želi porezat va novogodišnjoj noći, aš bi to značilo nesreću va celen lete. Va Austrije se za novogodišnji obed ji pečeni odojak, kot simbol sreći i blagostanja. Stara sicilijanska užanca poveda da će sreća va Mladen lete prit onen ki za doček budu jili lazanje, ma nesreća da će ćapat seh oneh ki na taj dan budu jili makarone ili kakovu drugu paštu. Va Španjolskoj pak, kada otkuca pol noći, treba pojist 12 bobic grozja – po jena za sreću va saken mesece va lete. Za Novo leto, va Nizozemskoj se parićuju i jedu krafne, aš tamo veruju da to nosi sreću. I za kraj, neš ča me je jako podsjetilo na naš Pust. Najme, pročitala san da va nekemi gradi va Kolumbije familije simbolično slave partencu starega i dolazak novega leta, zabavljajuć se z jenun pupun. Vela muška pupa prestavlja staro leto. Familija ju zafaša va različite materijale i na kraje, jušto na pol noći – zapali. Kot i mi našega Pusta!
    Eko, va prvemi ovoletnjemi »primorskemi ćakulami« malo smo prošećali i pošpijali va nekeh od sveckeh običaji vezaneh uz doček Nove, va našen slučaje, Nove 2013... Na dobro van Mlado leto prišlo!


http://novine.novilist.hr/Default.asp?WCI=Rubrike&WCU=285B286328592863285A28582859285B2863288A288D28632863285E285C285D285A285A285828632863286328592863C

Severina - Virujen u te, 04:09

Severina - Virujen u te

[Ljudevit Kaj]

(5/6)
Z VAŠE STRANI

V Regali

    Vreme je teško prišlo. Soldi ni, prazan takujin.
    A ja, sih bin vas otela regalat.
    Zet ću srce svoje, na kušćići raskidat...
    Kako od karte da je. Pa neka j' saki kušćić srca moga,
    za vas jednoga.

Olga POTOČNIK

http://novine.novilist.hr/Default.asp?WCI=Rubrike&WCU=285B286328592863285A28582859285B2863288A288D28632863285E285C285D285A2859286128632863286328592863V

Zlatko Radanovic Zlaja – Takujin, 02:54

Zlatko Radanovic Zlaja - Takujin

[Ljudevit Kaj]

(6/6)
KANTUNIĆ OD OTROČIĆ

Božić

Va bednji kuću parićivamo, borić i muskio pobiramo. Jaslice za malog Isusića armivamo, a kolači za Božić prontivamo.

    Va polnoć u crekvu gremu. Radosno kantajuć rođenje Isusića slavimo. Nakon meši svi jedni drugima agurivamo. Po kućama hodimo i čestitamo.
    Drugo jutro svečanu marendu udelamo. Svi skupa va crekvi se radujemo ča nas je previšnji Bog Isusićem obdaril. Svečani obed za fameju parićal. A za stolu se svi skupa veselimo.
    Od Božića do Sveta Tri kralja još puno fešti imamo, tako da se svi skupa veselimo. Kako bi Božić ča duže dural, mir i dobro međ ljudima zuztal.


Agata Vajentić, 8. razred, Osnovna škola Maria MartinolićaMali Lošinj, voditeljica: Barbara Karčić–Pozerina


http://novine.novilist.hr/Default.asp?WCI=Rubrike&WCU=285B286328592863285A28582859285B2863288A288D28632863285E285C285D285A285A285928632863286328592863B

Božić je judi, Isusić se rodil
Sajeta i Tratincice - Bozic je judi, 03:34

Sajeta i Tratincice - Bozic je judi

[Ljudevit Kaj]

Novi list, 2013-01-08

S kamika i mora

Dan potle
 
Kim Cuculić

    Lipu poruku poslal nan je i šjor Linić ki si j' glede i unatoč krize priuštil put va Dubai. Ki more – more, a ki ne more neka kupa nogi va lavoru. Raja j' odvavik morala plaćat nameti i mučat, a ki j' bil feudalac mogal je zmiron reć: »To j' moj stil života i neću ga se odreć«. Nima te krize ni zime za naši novi feudalci..

 
Doškali smo i 2013. leto. Od smaka svita niš, a da ga j' bilo, sad ne bi razbijali glavu z zdravstvenin odgojen i fiskalnin blagajnami. Ni va novon letu kriza nas ni napustila i dalje j' z nami. Dan potle Novoga leta zišla san rano jutro z dve vreći smeta. Kad san, a bilo j' još škuro, došla do baji za smete, od četiri baji jedna j' bila prevrnuta i važgana, a va dveh su kopači iskali plastične boci. Ni mi bilo milo to videt, aš san isti prizor gljedala celo pasano leto. Hitila san naše vreći va jedinu slobodnu baju i šla prama stanice za korijeru. Tu san se spotakla va jedan hićeni jogi ki na trotoaru pljesnivi već mesec, morda i ku šetemanu više.

    Ki dan pred Božić neki j' okolo jedne baji rastegal sakakovo smete. Pomislela san da j' to običaj da se va to doba leta razna krama hita na cestu, ma ovo j' bilo neč posensega drugo. Bil je to grdi oproštaj od staroga leta. Grad nan ni inače ni baš uredan i na sakon koraku more se naletet na kakovo smete. Jušto va Staron gradu, va srcu Rike, doškal me još neobičniji prizor. Na zid od jedne banki bil je naslonjen još jedan štramac. Ne znan je još vavik tamo, ma va ten momentu to j' bila slika i prilika naše hrvacke stvarnosti. Kad bolje razmislin, na temu jogiju leh je falel kakov beskućnik. Putujuć po svitu znala san videt čudo beskućniki uprav kako spe spred neke banki. Mi ki smo živeli va socijalizmu nismo znali ni za beskućniki ni za kopači po bajami za smete. Sad smo, zgljeda, postali svit.

    Primer je i rečka penzionerka ka si j' novi »dom« našla va špilje na Pećinami. Z cele štorije ni baš ćaro kako se to pripetilo, ma činjenica j' da okružena vilami pećinskih bogataših živeje jedna beskućnica. I na to ćemo se, nažalost, morat navadit. Se to ni normalno, a broj oneh ki su finili na ceste i hrane se va pučkin kuhinjami z dana va dan se j' veći. Ma se dok tulikin Hrvatimi ni problem poć na skijanje va tako lipon broju, još vavik nima mesta za pesimizam. Lipu poruku poslal nan je i šjor Linić ki si j' glede i unatoč krize priuštil put va Dubai. Ki more – more, a ki ne more neka kupa nogi va lavoru. Raja j' odvavik morala plaćat nameti i mučat, a ki j' bil feudalac mogal je zmiron reć: »To j' moj stil života i neću ga se odreć«. Nima te krize ni zime za naši novi feudalci. Kakovo će nan bit novo leto? To mi j' dala naslutit prodavačica z peknjice va koj obično kupujen kruh. Prodavačica mi j' dala pinku kruha, osmehnula se i rekla: »Od danaska j' pol kune skuplji!« Sritna van 2013.


http://novine.novilist.hr/Default.asp?WCI=Rubrike&WCU=2860286328592863285A28582859285B28632893289328632863285E285C285D285F285E285928632863286328592863Z

* * * * * * * * * * * * * * * * * * * * * * * * * * * * * *

Mladen Grdović i Bepo - Nije u šoldima sve ( Zadarfest 1994 ), 02:52

Mladen Grdović i Bepo - Nije u šoldima sve ( Zadarfest 1994 )

[Ljudevit Kaj]

Novi list, 2013-01-10
Prilog četrkom Beseda
 
5 člankov na čakavščine
http://novine.novilist.hr/Default.asp?WCI=Rubrike&WCU=28592858286328592863285A28582859285B2863288A288D2863286328632863286328592863N
iliti:

(1/5)

ZDENKO UKOVIĆ
ŽEJANAC Z UDRUGE »TRAGOVI« POVEDA ČA SE DELA DA SE ŽEJANSKI OBIČAJI NE POZABE

ŽEJANSKI KANTADURI
Zakantali na staren zajike i se su boji
 
Do pred jeno tri leta čul se kanat na samo va oštarije. Onda smo se domisleli da bi bilo dobro zakantat neke pjesmi ke se pomalo gube, ali na žejansken zajike. Sad nas je osan i dobro bi nan prišal još ki mlaji

Piše Cvjetana MILETIĆ
 
 
Počeli smo trošit dan po dan od novega leta 2013. A nas naša štorija peja malo va pasano, a malo va buduće vreme. Pravo za reć se štorije od živjenja su vavek takove. Zato ni ova današnja ni drugačija. Ale, ova je štorija prava žejanska, samo ju mi ne umemo po žejanski zapisat. Zajik je to ki se pomalo zgubjuje, magar je va njin skrivena sa bogatija jenega kraja. Zato štoriju zapišujemo na naš mešano kastafsko-lovranski mod..
    Pred malo je va lovranskoj Galerije Laurus otprta izložba »Neka nu me uci...« ča na žejansken zajike znači »Da me ne pozabiš....« Izložbu je parićala Udruga »Tragovi«, a njeni autori su Zvjezdana Vrzić, Viviana Brkarić i Robert Doričić. Izložba se seli z mesta va mesto, a na kraje će finit kako stalni postav va Šušnjevice i Žejanah. Da nekadajna žejanska škola – po koj više ne strču školani aš ih ni, nego se skupjaju stareji – ne ostane prazna i zapušćena, školska su vrata otprta sen udrugan ke tu imaju mesta i za delat i za vježbat. A ča te udrugi delaju, najboje nan more povedet pravi Žejanac. On na otvorenju ove izložbi ni povedal, nego od sega srca kantal.
   

Danaska školi već ni

S nami je Zdenko Uković le Lenke, po rojenjen Žejanac, po živjenjen Lovranac. Pa homo na sam početak štorije...
    Ki je i čigov Zdenko? Najboje da sam povede...
    – Povedet ću van, ali ne po žejanski. Ja dobro govorin svoj materinski zajik, ali oni ki čitaju »Besedu« morda ne bi razumeli. Rojen san 1950. leta va Žejanah, va kuće le Lenke, vi bite rekli Lenkineh, od oca Antona le Lenke i materi Marije lu Didiču. Oni su imeli deset dece. Najmlaji od teh deset san bil ja. Još nas je pet živeh, ma smo se rasuli kot rakova deca po svete. Dva brata su va Australije, jedan živeje va Francuskoj, a jena sestra je va Švedskoj. Samo ja bivan va Lovrane. Vidimo se i čujemo kako s ken. Oni ki su bliže pridu sako leto, oni z dajega kako moru. Hvali Bože, telefonu i internetu, danaska je se lagje...
    Kade ste hodil va školu?
    – Prva četiri razreda va Žejanah, druga četiri do osmega va Munah. Nekada je dece bilo čuda. Jeno leto, rečimo tamo 1952. va pet razredi bilo je Žejanah 98 školani. Onda je broj hodil se na manje i danaska školi već ni. Potle osnovne finil san Građevinsku školu v Reke pa naukoval i još deset let delal va poduzeće »Jadran«. Onda san šal delat va opatijski Kvarner express. Prvo san vozil kamion, potle kurijeru, a da bin mogal vozit kurijeru moral san storit i peti stupanj saobraćajne školi, ča bi bilo kako VKV za vožnju. Delal san se dokle ni firma propala. Kad se to dogodilo, ja san već imel neko leto i delo se teško nahajalo pa san do penzije vozil privatno, neš za naše firmi, a neš za jenu stranu. Danas san va penzije i moren delat ča ću... Moren kantat!
    Ja, ma sad već niste Lenkin leh Zdenkin. Kade Vas je našla Vaša Zdenka? Al ste našal Vi nju?
   

Prej bil zvončar

– Našli smo se va Žejanah. Skoro da mi j' bila prva suseda. Zdenka je s kuće lu Jandrina. Oženili smo se 1977. leta i šli bivat h Pobron. Tu smo bili šest let. Čekali smo da se fine ove kuće va Zahejeh i tako smo se va Lovran doselili 1983. Od tega smo leta Lovranci-Žejanci. Danaska na Lovranšćine biva još jeno desetak žejanskeh familij, morda i ka više, ne znan. Nan se ovde rodil sin Stiven, odrastal je, oženil se i dal nan dve lepe vnuki – Petru i Floru.
    Sin je pravi Lovranac, ale ga čujemo kad se parićuje za poć sa zvončari, reklo bi se da je vezan i za Žejane?
    – Prej san ja bil zvončar, ma san zadnjeh let predal štafetu sinu. Mlaji je i krepji za zvonci nosit. A naš Pust odvavek prvo pošne. Na pol noći s petega na šesti jenar zvoni se okol sela i pridu h nan prijateli. Tako se va smehe i kunpanije dočekaju Sveta tri kralja. Pust va Žejanah i Munah dura desetak dan više nego druguda, a naši zvončari radi gredu sakamo kamo ih se pozove. I sagdere ih veselo dočekaju. Mi na Pust gremo va Mune, a njihi zvončari pridu h nan. Pitate kako se obučuju? Već čuda let jednako. Na glavu se stavi kumarak. Na njin su dve rože, miće hartulini i čuda fijočići, a se okolo vise šare bajere storene od krep-harti. Zdola zvončar nosi mornarsku maju i brageše, črni postoli, dva bela facola na prseh i dve koži od ofci, ke mi zovemo šuba. Veća šuba gre okol pasa, manja na hrbat. Okolo pasa se veže špag, ki se preko ramen na hrbate križa tako da drži sa tri zvona al klopote. Korak zvončarski ni težak, ali ga treba znat. Treba imet taj zvončarski mot, a on je posensega drugačiji od drugeh zvončari ča se najboje vidi na matujskoj smotre. Treba imet i dobro uho da ne zvone si isto i va isto vreme, nego da se čuje muzika od zvoni. Naši zvončari vavek kunpanjaju ženske va počrnjenkah, a to je va našoj narodnoj nošnje.
   

Išćemo mlaji

Zvončari su najveća kunpanija va Žejanah?
    – Su, ja. Sako se leto skupi i do četrdesetak zvončari va Pusnen društvu »Žejanski zvončari«. Oni pridu od sakuda aš ne bivaju si va Žejanah. I tu je dosta mladeh. Saki najde malo vremena za poć va zvončari aš to se dela jedanput na leto. Ali, mladeh nan fali va sačeren drugen. Posebe va muzike i kante.
    Storili ste i svoju, ne klapu, nego kunpaniju kanturi?
    – Smo. Do pred jeno tri leta čul se kanat samo va oštarije. Onda smo se domisleli da bi bilo dobro zakantat neke stare pjesmi, ke se pomalo gube i neke nove, ali na žejansken zajike. Pa smo se nazvali »Žejanski kntaduri«. Glavni voditelj nan je Igor Doričić, a s manun kantaju još Cvetko Rado Doričić, Željko Doričić, Mauro Doričić, Nenad Strčić, Aleksandar Suša i Vilim Sanković. Sad nas je osan i dobro bi nan prišal još ki mlaji. Kantamo stari žejanski kanti, ki su se skoro zatrli i keh smo morali obnovit. Spočetka je bilo teško aš ni noti nego samo uho. Ma se ča daje kantamo, se smo boji. Već imamo petnajstak stareh pjesam keh smo i zapisali, da se opeta ne zgube, a kantamo, kako san van već rekal, i nove pjesmi na žejansken zajike. Neke nan je na žejanski zajik raneje prehitil Boris Doričić, a sada to stori Rado Doričić. Ako zarabi si mu pomoremo... Storili smo i pet nosači zvuka. Zadnji nan se zove »Nu te da«, ča znači "Ne daj se". More ga se nabavit i regalat onen ki vole čut naš zajik. Za ovi blagani kantali smo va Žejanah, v Reke i va Lovrane, va Ilirskoj Bistrice, na Zvoneće, pul Matuj i va Klane...
    Va kante van ne treba muzika, ale vi imate i muziku i cindru?
    – Cindra je našo staro glazbalo, ko se skoro pa zgubilo. Zadnja je cindra nekako bila nestala. Sreća da j' finila va muzeje kade ju j' našal naš Cvetko Rado Doričić i posudil. Kako je on vrstan stolar, po uzoru na staru storil je dve nove. Cindra je slična tamburice, samo ima dve žice na keh se sope, a razmaki mej pragi na njoj su jednaki. Kako su si Doričići judi od muziki, ni tega ča oni ne umeju sost kad zatreba za kakovu feštu.
   

Šušnjevica i Žejane

Va zadnje se vreme o zajiku čuda poveda?
    – Čuda se dela i čuda poveda. Najviše je tu storila Udruga »Tragovi«, ka je povezala istarska sela okol Šušnjevice i Žejane. Znači seh ki govore vlaški i žejanski zajik. Storen je i rječnik pa onda stavan na CD. Od fotografskeh zapisi nekadajnega živjenja storena je prvo digitalna arhiva za projekt nazvan »Očuvanje vlaškog i žejanskog zajika«, a onda od slik parićana i ova izložba, ka za sada gre z mesta va mesto, a ka će na kraje finit va žejansken muzeje, a drugi del va Šušnjevice. Za ovu izložbu tiskan je i napošni katalog, ki je više od kataloga, skoro bi se reklo da je to knjiga o živjenju va Šušnjevice i okolice i o živjenju va Žejanah. Za ovu izložbu najviše su se potrudili Robert Doričić, presednik Udruge Žejane, Viviana Brkarić, ka j' zajubjena va svoj kraj i biva va Novoj Vasi, a seh na kupe drži Zvjezdana Vrzić, autorica celega ovega velega projekta. Domaćin lovranske izložbi bila je Katedra čakavskega sabora Lovran, va ime ke je program otpiranja izložbi vodila Ivana Eterović, ka dela kako znanstvena novakinja na projekte Enciklopedija hrvatskog glagoljaštva na Katedri za staroslavenski zajik i hrvasko glagoljaštvo na Filozofsken fakultete va Zagrebe a koj je žejanski zajik materinski zajik od oca i materi.
    Judi va seh spomenuteh seleh je se manje. Puno kuć je prazneh i ruševneh. Pomalo se gubi i zajik i kanat. Z decun se malo al niš već ne govori po žejanski, posebe va mešaneh brakeh pa nas jako veseli da još nekemu moremo pokazat su tu našu starinu na koj smo zgojeni.
    Ala, sada na kraje, rečite nan neš i po žejanski.
    – Početak je novega leta pa more jena čestitka, ča ne?!
    A toc če beres »Beseda« želes tot maj bire de nov 2013. an.
    (Sen ki čitaju »Besedu« sretno novo 2013. leto.)

http://novine.novilist.hr/Default.asp?WCI=Rubrike&WCU=28592858286328592863285A28582859285B2863288A288D28632863285E285C285E28582861285F28632863286328592863H

* * * * * * * * * * * * * * * * * * * * * * * * * * * * * *

 koktelsi-sretan bozic i novo leto, 03:43

koktelsi-sretan bozic i novo leto   

[Ljudevit Kaj]

(2/5)
VRIĆICA

LIPO JE DARIVAT ZA BLAGDANI
 
Dar za Mlado leto
 
    Na staro leto, sada već lani, spametila san se kako bi bilo lipo jedan mići dar darovat i onin ki nan sako jutro već nikuliko let ko pretplatnikon Novoga lista rano v jutro iza pete prnesu naše novine. Se ako nas sako jutro obdare friškimi novinami z najfriškijimi vijesti, još nikad se nismo videli aš mi još spimo dok vridni vozači va naš škabelin od pošti ostave novine.
    Po letu, na protuleti, po zimi, dažju, buri, najvećen kropcu… Prišlo mi napamet da baš njin na staro leto napišen čestitku i na šćapić va poštanski škabelin obisin bocu domaće Klovićeve kapljice… s napison »za donosioca novin«!
 
 
Božić i Mlado leto od vavik mi diše na orihnjaču, suhe smokve i orihi. To su bili blagdani kad smo mi dičina rojena va dvajseton viku malo imeli, a želeli i nismo previše aš smo bili zadovoljni z malin. Hodeć čestitat po selu bili smo srićni kad bi za »dobru ruku« dobili narančicu, jabukvu, ki svilni bonbon, šaku orih i par suhih smokav, retko kad ki solad.
    Kad danas gljedan ni to ni bilo malo, aš je se tako lipo dišalo i vabilo i se ča bi se našlo na stolu bi se z gušton pojilo.
    Danas se ako se si žalimo da je se skupo kad pridemo va Plodine, Konzum, Lidl i se druge butigi vidimo ljudi kako voze prekrcane košari hrani i sega drugoga ča rabi i ne rabi da se doma najde za blagdani. Puno put se i ne poji se… Ostane za drugi… treći, a kada god i dan kad se bez kušnut ko nigda, i hiti se ča to… grdo rečeno va smeti.
   

Skromnije vrime

Va naše vrime ni bilo igračak ko danas. Igrali smo se na lovit, skrivat, na školu, bili smo butigeri, učitelji, prtili se po drivi, tekli, padali, dešpetili, plakali, a igračke su nan bili bataci od kamečići, razbijeni čripići od pošadi, škatula od cikorije za kruh tobože peć… Ja san ko mića imela ne bebu nego bebića, aš je bil muški od gume, pofarban va mornara, a na pleći je imel pučić , ki bi, kad bi se stisnul fikal. Moj bratić Branko imel je drvenu karijolicu ku mu je tako lipo načinil otac Stipa, a vozili smo ju sa susedska dičina po redu. Prve prave igračke mići šporhetić i miće padelice imela je naša suseda Mičica ke je prnesla od stare matere z Dalmacije. Gljedajuć, današnja dičina ni ne znadu ča se imaju ni ča bi oteli. Moj muž kad je niki dan videl helikopter na baterije ki leti okol stola skoro da ga je i sam poželel.
    Ovo ča sad pišen nima puno veze z onin ča san otela reć. Otela san zapravo reć kako je lipo i najlipše od sega darivat za blagdani.
    Na staro leto, sada već lani, spametila san se kako bi bilo lipo jedan mići dar darovat i onin ki nan sako jutro već nikuliko let ko pretplatnikon Novoga lista rano v jutro iza pete prnesu naše novine. Se ako nas sako jutro obdare friškimi novinami z najfriškijimi vijesti, još nikad se nismo videli aš mi još spimo dok vridni vozači va naš škabelin od pošti ostave novine.
    Po letu, na protuleti, po zimi, dažju, buri, najvećen kropcu… Prišlo mi napamet da baš njin na staro leto napišen čestitku i na šćapić va poštanski škabelin obisin bocu domaće Klovićeve kapljice… s napison »za donosioca novin«!
   

Iznenađenje

Bila san vesela ko miće dite kad san videla da je čovik zel ta moj darić.
    Još više nego ča bi se razveselilo dite z 20 vika zatancalo mi srce kad san prvi radni dan va von letu uz Novi list našla na isti način obišenu vrićicu na smokovon šćapiću.
    I ča se ne bite i vi razveselili kad bite pročitali:
    »Poštovani!
    Dirnuti vašom pažnjom želimo vam zahvaliti i ujedno čestitati Novu godinu u kojoj vam želimo mnogo zdravlja, sreće, ljubavi te mnogo ugodnih trenutaka uz Vaš i naš »Novi list«!!! „
    Kad san otvorila paketić zablistala mi pred oče knjiga Nonina kuhinja, autora Damjana Miletića. Kuliko san bila srićna ne znan to opisat, a onda kad su se smirile »emocije« i srce počelo normalno tuć sama sobun san se nasmela.
    A znate zač? Va Damjanovoj kuharici su i receti moga muža i mene same. To nas je obidvih nasmelo i još više raspoložilo…
    Moj muž i ja smo zaključili kako je lipo bit čovik, a ovi naši nepoznati dečki ranoranioci, zaposlenici Novog lista baš to ime zaslužuju. Fala jin i još jedan put njin i sin va Novon listu ko i njihovin čitateljon srićno Mlado leto! Od srca!

Zlatica BALAS

http://novine.novilist.hr/Default.asp?WCI=Rubrike&WCU=28592858286328592863285A28582859285B2863288A288D28632863285E285C285E28582861285928632863286328592863U

Hari Rončević i Oliver Dragojević - Moj Lipi Anđele (2000) live spot HQ, 04:24

Hari Rončević i Oliver Dragojević - Moj Lipi Anđele (2000) live spot HQ

[Ljudevit Kaj]

(3/5)
FIJUMANSKI  k a n t u n i ć

Kandidati za naj pusta
 
Piše Kim CUCULIĆ
 
     Božićnu kućicu na rečkon Korzu su prepiturali i ona j' najavila vrime od karnevala. Nismo se dospeli ni obrnut, a na vratimi nan je mesopust. Kad čovik gljeda se te črne vesti, mi se para da i ni puno mesta za optimizam. Judi i dalje saki dan gube delo, oni ki kopaju po latami za smete i dalje bilježe porast, prete nan novi porezi i nameti, sopet je »popularan« i PDV. Mesopust nan je sad prilika da pozabimo na si ti problemi, da navučemo maski i pravimo se da smo neki drugi i da ne živejemo va Hrvackoj.


Pred Božić i Novo leto na se strani reklamirali su kuharice z sakakovin božićnin slatkon i z najboljin receptimi za blagdanski stol. Nagljedali smo se i purica z mlincimi i biskupskeh kolači. Dok san na blagajne jednoga rečkoga supermarketa stala z bočicun vina i kesicun parmezana, i zada i spreda mene judi su kupili tuliko toga za jist i pit kot da će njin na večeru prit cela soldačija. Po trake su se valjali smržnjeni bakalari, maslinova ulja, oblatne, čokolade, keksi, boci vina, pršuti, siri, salame i sakakova druga jila i pila za »skroman« božićni obed. Kad je trebalo platit se to ča j' kupila ženskica spreda mene, blagajnica j' provukla harticu i rekla da neč ne štima i da si kupljeni proizvodi mora sopet provuć da bi izdala račun. Va ten momentu mislela san puknut, ma mučala san i zmiron čekala va file z svojin vinon i parmezanon.

    I pred Božić, i potle Božića, se do Novoga leta i ki dan potle toga jilo se i pilo, a već prveh dan ovoga leta više nisu reklamirali kuharice leh nekakovi prilogi o ten kako se detoksicirat, kako se rešit viška kila, kako povratit liniju potle blagdanskoga prežderavanja, kakove travi pit proti mamurluka i se tome slično. Najprvo su nan z raskošnin kuharicami poručili da desetak dana leh žderemo i ločemo, a sad to više ni »in« pa bi trebalo hitit soldi na razna sredstva za mršavljenje i čišćenje organizma. To j' ta logika, a soldi će i dalje letet z takujina. Potle ča smo obrstili butigi i pokupovali si mogući i nemogući božićni dari, sad su počele rasprodaji. Kuliko čujen, neki će snizit ceni i do 90 posto. Kako j' počelo, uskoro će sniženje bit i sto posto, ča bi finalmente opravdalo ono »totalna rasprodaja«.

    Već otprilike drugoga januara ona kućica na rečkon Korzu, ka j' do pred ki dan bila božićna kućica za kumbasice, postala j' mesopusna kućica. Božićnu kućicu su prepiturali i ona j' najavila vrime od karnevala. Nismo se dospeli ni obrnut, a na vratimi nan je mesopust. Kad čovik gljeda se te črne vesti, mi se para da i ni puno mesta za optimizam. Judi i dalje saki dan gube delo, oni ki kopaju po latami za smete i dalje bilježe porast, prete nan novi porezi i nameti, sopet je »popularan« i PDV. Mesopust nan je sad prilika da pozabimo na si ti problemi, da navučemo maski i pravimo se da smo neki drugi i da ne živejemo va Hrvackoj. Bit će interesantno videt i va ča će se judi ovoga leta najveć zamaškarat. A inspiracije ni pasanoga leta ni falelo. Moremo predložit nekuliko kandidati za najboljega pusta. To su Fiskalna blagajna, Šjor PDV, Linić va Dubaiju, Hrvacka delegacija va Kataru, Hrvati na Kube, Bozanić zvan Zdravstveni odgoj, Smak svita i tako dalje. Materijala za karnevalsku satiru ima fanj, a sad je na mesopustarimi da je iskoriste. Ono ča kronično fali Rečkon karnevalu uprav j' satira, ča j' prava škoda aš oneh kemi bi satira mogla bit upućena ima više leh dosti.


http://novine.novilist.hr/Default.asp?WCI=Rubrike&WCU=28592858286328592863285A28582859285B2863288A288D28632863285E285C285E28582861285A28632863286328592863S


Ća je pusta Londra kontra Splitu gradu ~ Summer 2011.wmv, 06:15
 
Ća je pusta Londra kontra Splitu gradu ~ Summer 2011.wmv

[Ljudevit Kaj]

(4/5)
NASMEJTE SE, OVO J' ŽIVOT PARIĆAL

Postelj za spat i ćakulat
 

Povedaju dve susedice treće dobi, pa će prva:
    – Ja ne znan ki j' to vrag, ma va zadnje vrime nikako ne moren spat. Po celu večer samo se prehićujen po postelji z jedne bande na drugu, stajen se, pa pohajan po kamari kod malo munjena... A, on moj... On kako ti legne ni ne pomiri se do jutro. Više put mi dojde da ga zbudin... Ma mi ga bude žal, aš lipo spi... A, i najadil bi se na mene...
    – A, zač biš ga to zbudila... Ča, da malo... poćakulate – pitat će va čude ova druga.
    – A, tr ča si mislela, zač drugo... Tr, nami ti nebogimi već leta i leta postelj ne rabi za drugo, leh za va njoj prespat i ki put se malo – poćakulat – povidi brižna susedica.

Z. FUĆAK


http://novine.novilist.hr/Default.asp?WCI=Rubrike&WCU=28592858286328592863285A28582859285B2863288A288D28632863285E285C285E28582861285B28632863286328592863V

Bepina i Luiđi v postele:

Movie 03 Nase Malo Misto E12, 14:14
http://www.youtube.com/watch?v=02DKDCGrZ3M 

Klapa Tiramol-svako naše malo misto,  04:06

Klapa Tiramol-svako naše malo misto

[Ljudevit Kaj]

(5/5)
NASMEJTE SE, OVO J' ŽIVOT PARIĆAL

Bušanja, likarije i mihuri
 
Gjedaju nonić i nonica nekakovu seriju na televiziji, pa će nonica:
    – Majko... Da malo vidiš kako se ovi mladi vole... Stalno se bušaju... Ma, kako je to lipo... Smo se i mi tako voleli kad smo bili njihovih let... Da se domisliš... Smo...

    Nonić se stane, pa će povidet:
    – Ma, pušćaj me smiron... No... Ja se gjedan domislet ča mi j' doktor rekal, da mi rabi onu likariju za mihur popit prvo, ali pokli večere...

Z. FUĆAK

http://novine.novilist.hr/Default.asp?WCI=Rubrike&WCU=28592858286328592863285A28582859285B2863288A288D28632863285E285C285E28582861285C28632863286328592863Y

* * * * * * * * * * * * * * * * * * * * * * * * * * * * * *

 Tereza Kesovija & Đani Stipaničev - Nono,moj dobri nono - Šibenik 2009., 05:34

Tereza Kesovija & Đani Stipaničev - Nono,moj dobri nono - Šibenik 2009.

[Ljudevit Kaj]

šibenskilist
ČETVRTAK, 3. SIJEČNJA 2013.

5 člankov na dalmatinskomu ikavskomu

* * * * * * * * * * * * * * * * * * * * * * * * * * * *

 1/5

aktualno

Glava Šotobraco

Piše: Branimir Periša
 
Odricanje

     Na to in je doša Jahali Smo Pješice i reka in da se on nije ima namjeru ničega odreći u ovoj godini. Tija je i 2013. proživiti u miru, al' su se odrekli njega - ide mu otkaz, pa mu se sve čini da će jopeta početi pušiti, poslin šest godina.
     -Nema ti druge nego se vratiti zemlji! - ozbiljno mu je reka El Tigre, misleći na vrtal koji je ovi spominja u nikoliko navrata, ne baš sa oduševljenjen.
     -E, baš vrtal, to će mi dati kruva! - uvatija se ovi za glavu i sitija se ekoloških pomidora koje je uzgajala njegova punica dok je bila na nogaman.
     -Viruj mi, tute ima rješenja, i to dobroga! Srića je u nesrići šta je otaj vrtal kraj mora, di zemljište puno vridi. Grij je imati bilo šta nebetonirano, napose obični vrtal na koji još triba trošiti vodu, pa ti lipo salij ploču priko svih tih beskorisnih lija pomidora, kukumara, kapulice... - i otvori parking! Ne moš' sebi dopustiti da ti zemlja ne donosi korist! - reka mu je El Tigre


Nova godina samo će još teke biti mlada i čista ka čedna divojka, pa je red da se friško poglavlje vrimena i života obilježi s kakvon posebnon odlukon, ka nike vrste zaviton da će čovik ubuduće unapriditi svoj život, otresti se onoga šta ga termaje i na šta svojon voljon more utjecati. Eto, Bili Smo Uskoro čvrst je u odluci da se odrekne pušenja, jerbo mu je dosta bulšavanja i zaduve dočin učine pet skala. A di su još šoldi samaštrani u prah i pepel i povr` svega, onda, teška ovisnost koje se oće otresti - di puklo, da puklo, a sve mu više smeta i stalno El Tigreovo grebanje za duvan!
     -Ja san ote pušačke probleme rješija jednostavno! Odreka san se svojih cigareta i sada san miran! - inbokaje ga El Tigre, u isto vrime dajući Dobroj Paroni mot da mu dade cigaret iz škatule koju vaik drži u škafetinu. Ne, ona ne kupuje španjulete, nego ih dikoji gost ponekad zaboravi, pa ona to uredno štiva kod sebe.
     -Ali - obamirija je El Tigre svoga prijateja od glave do pete pripaljujući izgrebani španjulet - duboko sumnjan da ćeš uspiti. Puno si bome, ogreza i mislin da će ti tribati stručna pomoć i podrška da uspiješ!
     Na to je B.S Uskoro otpovrnija da će uspiti i to s flasteron: al' neće kurvanjskoj farmaceutskoj industriji plaćati one skupe, nikotinske cerote, nego će obični flaster metniti priko usta. Da ne puši i da više uopće ne mora divaniti s takvin tipoviman ka šta je El Tigre.
     -To je velik korak! Ipak, malešan u usporedbi s onin čega su se u stanju odrekniti naši političari - dobacila je na to Dobra Parona. -Kada se odriču, oni to rade naveliko: recimo, odluču se u novoj godini odreći ZERP-a, oli INE! Prema tomen, španjulet vamo ol' tamo malešan je korak za državu i naciju, al' velik za vas ka čovika!
     Na to in je doša Jahali Smo Pješice i reka in da se on nije ima namjeru ničega odreći u ovoj godini. Tija je i 2013. proživiti u miru, al' su se odrekli njega - ide mu otkaz, pa mu se sve čini da će jopeta početi pušiti, poslin šest godina.
     -Nema ti druge nego se vratiti zemlji! - ozbiljno mu je reka El Tigre, misleći na vrtal koji je ovi spominja u nikoliko navrata, ne baš sa oduševljenjen.
     -E, baš vrtal, to će mi dati kruva! - uvatija se ovi za glavu i sitija se ekoloških pomidora koje je uzgajala njegova punica dok je bila na nogaman. Njega je bila angažirala za prodaju, te je on izračuna kolko tribaju guštati ote pome a da se minimalno zaradi...
     -E, to su one poznate pomidore za koje ste mi prošloga lita tražili priko 900 kuna za kil! Taj će van vrtal sasvin sigurno omogućiti solidan život kada van dadu otkaz - otfrkinila je Dobra Parona na spomen njegovih ekoloških plodova.
     -Guštale su tačno 953 kune, to van je litnja tarifa vode, šta oćete? Znaden, još su bile pune i olova, jerbo je vrtal pokraj ceste, al' to je ekonomija... Od koje očito, neću moći preživiti! -priznaje.
     -Viruj mi, tute ima rješenja, i to dobroga! Srića je u nesrići šta je otaj vrtal kraj mora, di zemljište puno vridi. Grij je imati bilo šta nebetonirano, napose obični vrtal na koji još triba trošiti vodu, pa ti lipo salij ploču priko svih tih beskorisnih lija pomidora, kukumara, kapulice... - i otvori parking! Ne moš' sebi dopustiti da ti zemlja ne donosi korist! - reka mu je El Tigre i izvuka španjulet iz škatule od B.S. Uskoro dok ovi nije gleda.«

* * * * * * * * * * * * * * * * * * * * * * * * * * * *

Tu-tu auto vrag ti piz odnija-Toma Bebic, 05:16

Tu-tu auto vrag ti piz odnija-Toma Bebic

[Ljudevit Kaj]

šibenskilist
ČETVRTAK, 3. SIJEČNJA 2013.

5 člankov na dalmatinskomu ikavskomu

* * * * * * * * * * * * * * * * * * * * * * * * * * * *

 2/5

županija

Kazivanja izgubljenog vremena

Piše: Marija Krnčeviš Rak

Prima vosku od sviće znalo se koje će polje dobro roditi

     Na Mali Božić, Novu godinu ujutro, čeljad bi se ranije ustavala. Reklo bi se da ko rani to jutro da će tako i cilu godinu.
    Oti dan bi jope bilo isto ki na Božić Veliki, samo je znalo bit još veselije - više kolanja, više pivanja, još bi se narod zna više veseliti. Svak bi svakomu čestita, svak svakomu ruku dava. Ako je bija ko s kim u svadnji, oti dan bi se ljudi izmirili. Svak svakim lipo, u miru i veselju. To je bija početak nove godine, jope sve ispočetka.

     U ovoj kolumni možete pročitati dio kazivanja Ante Storića koje je Ivo Furčić zabilježio u mjestu Čista Velika, a u kojem priča o običajima vezanim uz Božić i Novu godinu.
     U nas su bila tri velika dana u godini: Božić, sveta Ana i Svisveti. Bilo i drugije blagdana, ali u ova tri dana bilo jope najveće, najbolje. Ali jope neka su svi drugi blagdani, neka da bi koji put bili ki na Božić, digda i bolje nega na Božić, jope je bija Božić, ljudi se njemu najviše radovali.
     Uni starinski običaji za Božić još se i danas držu, puno nji i danas to drži, isto nako po starinsku. Ali više da bi čovik i tija učiniti 'nako ne more više - di će danas staviti badnjak ako nema više unije komina, di će danas čovik slamu posipati po kući? Prominilo se puno toga sade. Ali prija je za Božiće bilo vako: najprija bi se ljudi počeli spremati za Božiće još puno ranije. Uređivala se kuća, oko kuće, čistilo, pralo sve. Kupovalo što je trebalo od rane i robe - za Božić je svak u kući triba štogo imati novoga za obući ol obuti
     Drugi dan, na Stipanju, isto bi bilo ki na Božić. Na Ivanju jope dobro, ali ne više ki na Božić. Une ostale dane do Maloga Božića, to do Nove godine bilo bi isto ki i u svake druge dane u godini.
     Za dan prije Maloga Božića učinila bi se malo bolja večera, najviše od unije nogu, glava i tako. Poslin večere izašlo bi se malo prid crkvu. Tu bi gorila vatra, igralo se, pivalo.
     Na Mali Božić, Novu godinu ujutro, čeljad bi se ranije ustavala. Reklo bi se da ko rani to jutro da će tako i cilu godinu.
     Oti dan bi jope bilo isto ki na Božić Veliki, samo je znalo bit još veselije - više kolanja, više pivanja, još bi se narod zna više veseliti. Svak bi svakomu čestita, svak svakomu ruku dava. Ako je bija ko s kim u svadnji, oti dan bi se ljudi izmirili. Svak svakim lipo, u miru i veselju. To je bija početak nove godine, jope sve ispočetka.
     I u nas ovdan u Čistoj Velikoj je bija običaj da se slama posipa po kući. Slama bi se posipala još na Badnji dan. I to bi tako stalo sve do Maloga Božića. I sade na Mali Božić bi se ta slama pokupila, sve sredilo, skinila i božična svića, sve. Po koja kuća bi ostavila sviću božičnu i do Vodokršća, Tri kralja. Ali najviše bi bilo gotovo sve uno božično na prvi od godine, Mali Božić.
     Uno šta bi svića načinila kad bi gorila, uni vosak šta bi kapa niz sviću, od njega bi se načinile kite, kite mi zvali to - pazilo bi se na koju stranu su te kite bile na svići, jer se tako virovalo da na koju stranu bude kita, ta od voska, da će uno polje ovu godinu bolje roditi, a niki su oti vosak, otu kitu znali odniti u to polje. Žito, uno šta je bilo u varčaku u komu je stala božična svića, a to je bilo blagoslovljeno, domaćice bi dale kokošama da bolje nosu jaja, a i una slama bi se dala blagu da uno dobije unoga blagoslova od te slame.

* * * * * * * * * * * * * * * * * * * * * * * * * * * * * *

Božić je judi - Šajeta i Tratinčice, 03:34

Božić je judi - Šajeta i Tratinčice

[Ljudevit Kaj]

šibenskilist
ČETVRTAK, 3. SIJEČNJA 2013.

5 člankov na dalmatinskomu ikavskomu

* * * * * * * * * * * * * * * * * * * * * * * * * * * *

 3/5

 borša

Riječ urednice

Piše: Nevena Banić

Sto kuna kao mira

Sto kuna je postalo najmanja mira za krenit u butigu, jer ćeš za manje, ma moreš ti biti skroman ki svetac, ostat jednostavno - gladan.
Sa sto kuna ne moreš danas ni u apoteku ući, jer je većina likarija koje ne pokriva zdravstveno (a ne pokriva baš one koji van najčešće tribaju) skuplja od toga.

Prije, dok san bila manja, volila san ići u dućan kad bi materi nešto zatribalo, jer san znala da je u tom slučaju kusur moj. Od dvajst kuna, ma bar bi dvi ostale za lizu i čungalungu. Za sto kuna moga si ne tako davno kupiti kruv, mliko, cukar, sok, kavu, napolitanke, jabuka, banana, sira, jaja, puding, deterdžent, ma i labelo, bumbetu, kupku i još bi mi ostalo bar za žvake. Danas majci sa sto kuna moreš kupit jedino kruv, teke sira i salame (samo za oti dan za marendu ili za sendvič), mliko, sok i ne ostane ti kusura nijanci za plastičnu vrićicu, jer i ona se plaća. Sto kuna je postalo najmanja mira za krenit u butigu, jer ćeš za manje, ma moreš ti biti skroman ki svetac, ostat jednostavno - gladan. Prije si za sto kuna moga uliti po rezervata goriva u auto, danas uliješ taman da odeš đir iz Šibenika do Pirovca i nazad, a ako volite zeru potegnit po gasu, mogla bi van se crvena bumbetica za gorivo upaliti na povratku vveć tamo iza Vodica. Sa sto kuna ne moreš danas ni u apoteku ući, jer je većina likarija koje ne pokriva zdravstveno (a ne pokriva baš one koji van najčešće tribaju) skuplja od toga. Prije smo na dičje rođendane išli s poklonon koji se sastoja od bombona, najčešće 'slatke tajne', jer drugih nije bilo, a i karamele su bile skupe, i ćekulade, one mliječne Kraševe ili Brace, ako smo išli muškom, i Seke, ako smo išli ženskoj iz razreda. Danas dica dici za rođendane kupuju društvene igre (a sve su skuplje od sto kuna, jer jeftini 'Čovječe' ritko ko igra), ili majice, ili štagod za kompjuter, pa ako van je dite društveno i puno ga ljudi zove na rođendane, jao vama, isto van je i ako imate više od jednog potomka. Sa sto kuna u takujinu čovik danas ne more ništa. I sad se ja, na početku 2013. pitan kako je onima koji nemaju ni otih sto. A sve ih je više.

Vaša Nevena

* * * * * * * * * * * * * * * * * * * * * * * * *

Vinko Coce - Takujin (2013) , NOVO !,  02:58

Vinko Coce - Takujin (2013) , NOVO !