Glas Istre, 2012-12-13
La kostJEDNOUMNI TJEBNIK – PRODUCT OF CROATIA
»Lakodelci svih zemalja, ujedinimo se!»
Lito 30 • Numer 1016 • Poriječ, 13. božićnjaka 2013. (sv. Lucija)
* * * * * * * * * * * * * * * * * * * *
Lipi moji
Gledan na televiziji kako se dalmatinsko super djevičansko ulje prodaje po 29 kunic za litru. Poli nas je precija za litru ulja sto kun. Sad budi ti pametan! Ča je jušta mira? Ča more biti da naše divice valjaju toliko već od dalmatinske? Će biti da je po sridi falšarija. Jeno je predrago, drugo precino. Kako i vajk, istina je nidri u sridi. Mižerija gori, mižerija doli, ma potrošačka groznica je počela tresti i to prije nego lani. Svako lani bolje! Ko tako to pojde naprid, valje, valje ćemo Božić početi slaviti zajno za Vazmon. Gradi, sela i robne hiže su već načinčinani, roba z velikin popusti je
jur na štandovi. Komerčanti gledaju kako će nan pobrati i zadnju kunu iz žepa: popusti, nagradne igre, akcije, sniženje cijena, premije, uzmi 2 dobiješ 3… te šenpijivaju do te mire da ti se para da je roba za niš.
Više ni zajebancije. Sad se gre na krupno, na takozvanu veletrgovinu. U uvoj mižeriji razvila se je nova kasta - ladri na veliko. Ča drugo reći, kredu se lanpijoni u Červar Portu, po kilometra šin na prugi Kanfanar - Rovinj, dvi tone mesinga i bronce u Galižani, gorne z crikve… Dok pošten svit preče po kontejneri, uvi novi ladri-tajkuni
delaju na veliko. To su takozvani - grosisti. Samo, nisu oni sami u konbrikuli. Tote niki mora držati vriću. To su uni ki kupuju ukredeno - veleprodaja. Za me su oni, z tobože čistima rukami, huji ladri od verih ladri. A ti veri tati nisu više amateri. Morali su tehnološki vancati, ne moreš ti šine dizati prez kamijona z dizalicon. A, ne! Svi se žale da to Cigani kredu. Ne bin reka. Oni samo palickaju - na sitno. Ste vidili Ostojić Veljka, ministra od turizma, kako planinari po Ćićariji kako da je Ćićarija - Perićka… i promovira novi turistički proizvod. Žveljat je kako mačak. Da je još, umisto pastoli “špiceric”, ima profesionalne cavate bi skaka po unin grotami kako sinbol naše županije - istrijanska koza. Gledan na televiziji kako se dalmatinsko super djevičansko ulje prodaje po 29 kunic za litru. Poli nas je precija za litru ulja sto kun. Sad budi ti pametan! Ča je jušta mira? Ča more biti da naše divice valjaju toliko već od dalmatinske? Će biti da je po sridi falšarija. Jeno je predrago, drugo precino. Kako i vajk, istina je nidri u sridi.
Gledan te naše pulitičare, oni su kako moja dentjera: po danju laju, po noći plivaju. Oni su i glumci, majstori monodrame, svaki povida svoju ulogu. Kad vidiš Karamarka, zajno znaš ča će reći. Naši Jakovčić i Kajin su se jeno malo primirili. Kako civilizirani ljudi su se vrgli dakordo da se neće napadati dok duraju fešte. Bravo ragači! Tako se dela! Pakt o nenapadanju će durati do Sveta Tri kralja. Pita me moja unuka Samanta, sunce didovo: “Nonić, ča da ti kupin za novo lito?” Ma ča ti imaš šoldi? – štupin se ja. “Ja šparam, dide moj, ulažem, iman svoju kasicu
prasicu, a ne štedim u švicarcima.” Dobro, pametna moja financijerka, kupi mi plastičnu patku. “Nonić, zar želiš onu žutu, za igrati se u kadi?” Ne, ne, dite moje, ja
bin unu bilu da moren u nju pišati prez da se po noći moran ustati.
Lipi moji, finjiva i uvo pismo, finjiva i uva štorija. Je zima, ma je i štajun: “Svaki štajun - svoj lancun.” Danas je sveta Luca, za nju kuma Jaga govori: “Sveta Luca, za
njon zima škuca”. A šjora Mafalda, za ne ustati uzad, u duhu bilingvizma, z terace viče: “Per Santa Lucia, il fredo že per la vija”. Škapulali smo se i uvi put. Kad učer, ki je bija 12. 12. 2012., ni bilo sudnjega dana, onter će sigurno biti miseca marča drugega lita, 13. 3. 2013. Ben, frajajmo do tega dana, zvadimo šolde iz bičve i z banke, homo u luše restorane, homo svi na snig, pak ča bude, bude! Ča bi reka Mušolini: “Mejo vivere un dorno de leon, ke no čento de pegora”. Ko ne bude fin del mondo? A ča se more!? Smo se zajebali. Bolje tako, nego da bude kraj svita a da nan šoldi ustanu neiskorišteni u banki.
Dajte si kuraja i budite pravi ko morete.
Vajka z vami vaš
Zvane Lakodelac
* * * * * * * * * * * * * * * * * * * * * * * * *
Vicistra
Jurina i FraninaČa i kakoFuma je došla u bračno savjetovalište.
FUMA: Pomorite mi, ja ga napro volin, on je munjen za namon, volimo prečiže stvari. Povrh tega, on je jako bogat, pun šoldi, sakramenski je dobar u postelji i napro smo srićni kad smo skupa.
SAVJENIK: I u čemu je problem, gospođo?
FUMA: Ne znan ča bin i kako rekla mojen mužu.
* * * * *
BrusitJURINA: Kume, biš ti brusija studenticu?
FRANINA: Aj vero bin.
JURINA: Alora upiši svoju Lucu na fakultet.
* * * * *
DelatJURINA: Ćo, kume, ča je istina da delaš za televiziju?
FRANINA: Je, još su mi ustale četiri rate.
* * * * * * * * * * * * * * * * * * * * * * * * *
TURBOEKSKLUZIVNO:
UZ MALU POMOĆ PRETELA VELIKA POMIRDBA NINA & KAJINAMA ZNATE DA STE U PRAVU – NAMA JE SKUPA FINO
KAJINO: Kaj san robi bit štupido i mona? Imen somu 16 miljor kun plaće u Saboru, lagunu vrednu 20 miljor kun i kužinu Meblo staru 12 let, a ploćan kredit od 50 miljor kun i niman dionic, nis nanka kune dobiv od dividendi i Todorića, niman poduzeće, nikaj!, nanka barku.
NINO: A, čuj, ni za Ćića barka. Ti nisi za biznis jer svaki put kad nešto kažeš izgubiš se u brojkama. Malo si se zaigrao. Ajde, popij si jednu iz mog novog podruma. Ono što nikom nije uspjelo, La kost je napravila lijevom rukom - za isti je stol dovela Nina & Kajina. Sastali su se kasno sinoć do rano jutros na tajnom mjestu čije ime ne
spominjemo, jer nismo sigurni je li Sveti Jure ili Šan Đorđo, i uz malu pomoć Pretela izgladili sve nesporazume te ponovo izgradili porušene Ideesove mostove. Donosimo truboeksluzivni fonogram s tog povijesnog sastanka nakon kojeg je Idees još ljepši i
stariji nego što je bio.
NINO: Dobro mi došel, prijatel. Računam na tebe.
KAJINO: Kaj ti nozet rabi žirant za kredit? Koji ti je tu po rede? Osmi? Imeš oš za platit kredit od 300 hiljada euri z aprila 2006., plus 125 mjari z utobra miseca, pak sad oš oveh 300 miljor euri priko firme, a da nanke ne brojin oneh 118 mijari kunic za veturo.
NINO: Ma nije frka, imam dobru plaću, a i sad ne jedem više brancine i škampe s Prodanom na Limu nego si doma sfrigan sardelice, pa uštedim. Bauk je u štednji mala beba za mene. Nego, nešto mi loše izgledaš, popi si jednu moju.
KAJINO: Kaj Đineto? Po štiri kune i 49 lip za boco, pak piet milioni kuna na leto na njoj zaradiš, a mene iskaš da bin ti biv žirant. Kade su ti sad oni tvoji klonovi?
NINO: Ma smiri se, kakva Gineta, kakav žirant. Zvao sam te da se pomirimo.
KAJINO: Kaj mi da se mirimo? Pa svin si div da na mene u Ideesu ne računate jer vam remetim poslove, a kako delate pokazuje da ste od 1993. zgubili štiri komuna na Liburnije i 19 po Istrije, a 1993. leta naša samostalna lista za Županijsku skupštinu dobila je 85.247 glasi, kaj je bilo 74,2 posto važe ih, a 2009. leta u koaliciji s HNS-om dobili smo 43.912 glasi, samo 44,77 posto...
NINO: Samo da ti kažem da si nositelj ove zadnje liste bio ti. Nije baš bilo - Svi za mnom!
KAJINO: Kaj biš stiu s ten povedat? Da si ti biv nositelj ne bimo bili nanka u falu dobili većinu u skupšćini. I samo da ti din da san jas na presedničkin izbori 2009. dobiv 76.349 glasi kaj je 3,87 posto na državnen nivoju, a to je 0,59 postotnih poeni
već nego je IDS z RiDS-on i Dalmatinskon akcijon dobiv z državnon liston na parlamentarnin izbori 1993.
NINO: He, tako je kad je onaj put listu nosio Narčižo Herak, pa smo ga za kaznu brzo izbacili iz stranke. Pustimo izbore, daj, popijmo si mižo ove moje malvazije i idemo napred u nove pobjede.
KAJINO: Kaj? Kakove pobjede kad si staviv Flegeta za kandidata za župana, a jas san na presedničkin izborima u Buzetu dobiv 58,91 posto glasi.
NINO: Da, ali Valter je sad dobijo 98 posto...
KAJINO: Kaj biš stiu reć da edini jas i Prodan nismo utali za njega?
NINO: Ne, ne, ne znam ko nije glasao za njega, Emil mi hi još nije detektirao, ali znam da ti je i Prodan jako zamjerio jer si uzeo povlaštenu saborsku penziju.
KAJINO: Kaj san robi bit štupido i mona? Imen somu 16 miljor kun plaće u Saboru, lagunu vrednu 20 miljor kun i kužinu Meblo staru 12 let, a ploćan kredit od 50 miljor kun i niman dionic, nis nanka kune dobiv od dividendi i Todorića, niman poduzeće, nikaj!, nanka barku.
NINO: A, čuj, ni za Ćića barka. Ti nisi za biznis jer svaki put kad nešto kažeš izgubiš se u brojkama. Malo si se zaigrao. Ajde, popij si jednu iz mog novog podruma.
KAJINO: Kaj su ti dli gradevinsku dozvolu? Pazi da si u decembro 1996. kupiv od Općine Grožnjan prez natječaja dve particele zgr. k. č. 74/1 i 74/2 u k. o. Završje u Sveten Juretu, prva površine hiše 84 m2 z korton od 288 m2, a druga s hišon od 270 i korton od 443 m2, po kupoprodajnen precije od 65.324 kune i krešenen za ponapred zračunate kamate u visini od sedan posto na leto kaj je 14.335,70 kun, z otplaton na
pet let, a septičku škuju i veći bakun konobe gradiv si na državnen zemljištu pa ti je rješenjen gradevinske inspekcije u setembru 2003. urdinano da hi zrušiš.
NINO: Ti dobro znaš da je to bila političko-policijsko-pravosudno-medijska hajka protiv mene.
KAJINO: Kaj ne da da, kako anke za nonin šufit od 66 kvadrata koji si 2002. u Poreču kupiv od Grada za 16 milijari euri, ma nisi ga plativ 20 meseci, sve dokler te Majić ni otkriu. A jas san te, štupido i mona, onda braniv da brižan stavaš z velon
famejon u dvosobnen stanu i da nimaš šoldi ni za jes. Ali maske su pale!
NINO: Pazi malo na jezik, Damire! Dosta sam trpio tvoje uvrede i laži na moj račun. Mi se vidi da si poša na ocat!
KAJINO: Kaj? Ti si šav na ocat!
NINO: Stari prdonja!
KAJINO: Kaj nisi to diu Langeru?
NINO: S kim si takav si!
KAJINO: Kaj ti to meni?
NINO: Tebi sam i Tito i Nino!
KAJINO: Kaj?! E, nećeš više, razbojniče!!
NINO: Fljus!
KAJINO: Fljas!
PRETELO: Dosta! Frmajte se! Ste kako petešići u mojoj korti u Filipini. Zapoštajte da san vas ja učinija velikin. Ti Da mire nikad ne biš bija saborski zastupnik da ti nis pripozna i puštija ti moje misto zato ča imaš finjen jedan razred škole već od mene, a ti Nino ne biš bija glavni od naše stranke Idees da te ja u Poreču nis pripozna za presednika i rinuja gori. I zato ne morete poj van z moje brazde!
NINO: Barba Milan, recite da sam ja u pravu. Damir me samo vrijeda i optužuje za nedemokraciju i droge, a bez mene Istra nikad ne bi bila ovako stabilna i bez cestarine na Ipsilonu, i Vi nikad ne bite bili direktor porečke marine.
PRETELO: Ma znaš, Nino, da si u pravu.
KAJINO: Kaj si pomunjesa, Milane? Kako moreš dit da je on u pravu, a kad si me klicau u Filipine na večeru si reka da je Nino šav krivo, da ni demokracije i da ga robi rušit! I oš si na večeru klicau Heraka, Žufića, Ružića, Poropata, Fola i sve druge koje smo prvo ti i jas skupa z Ninon rušili. Kaj ne vidiš da te nozet slipi? Oš malo pak e ude počet plakat kako 1994. na Sedmen izvanrednen Saboru IDS-a u Pazinu kad je malo falilo da anke njega isključimo, samo da si ti biv za.
PRETELO: Ma znaš, Damire, da si u pravu.
DEBELI ORLIĆ: Pa, dobro, Pretelo, kako moreš biti takov? Z jene bande govoriš Ninu da je u pravu, pak zajno z druge rečeš Kajinu da je on u pravu. Ma to je dvolično!
PRETELO: Ma znaš, Vorlić, da si anke ti u pravu!
DEBELI ORLIĆ: E, jušto si vrajži Istrijan. I ča ćemo sad?
PRETELO: A, niš, njih dva neka se izljube, a mi gremo za delon.
NINO&KAJINO: Ma znate da ste u pravu, mi smo Nino i Kajino i baš nan je skupa fino!
* * * * *
Tekst uz sliku 1:Svi smo jedna Partija, slijeva: Kajino, Pretelo, Nino i Debeli Orlić
* * * * *
Tekst vuz sliku 2:KAJINO: Kaj me pipaš doli?
NINO: Ti si prvi počeo. Ajde, daj bačin.
KAJINO: Kaj ne znaš da nis gej.
NINO: Ajde, ajde, svi mi tako na početku kažu.
* * * * * * * * * * * * * * * * * * * * * * * * *
(P)RAZNE CAKE ZA JUNAKE Zmajlović od BosneMinistar zaštite okoliša Mihael Zmajlović zatražio je od BiH dopunu studije utjecaja
na okoliš za zahvat HE Dabar kako se ne bi ugrozilo stanje voda i ekosustave u delti Neretve.
Škoda da anka Plomin ni na Neretvi ki bi alora forši miništro Zmajlović iska almeno
dopunu studije utjecaja na okoliš za TE Plomin C. * * * * *
Tele vizionarPotpredsjednik Vlade Branko Grčić se uvrijedio jer je Nova TV objavila prilog koji
sugerira kako on spava na sjednici dok ostali raspravljaju o dnevnom redu.
Ma šu, šjor Branko, ne rabi da se fendite, znamo da niste spa, forši ste mali kakovu
viziju kako naš župan Nino. Eli forši - televiziju. Novu, se kapi. * * * * * * * * * * * * * * * * * * * *
Rideo
ergo
Impres
sum
La kost, otužni humoristično-satirički podlistak četvrtkom u Glasu Istre
• autori Vladimir Bugarin, Drago Orlić i Goran Prodan
• zemaljske adrese: Poreč, Pionirska 1; Pula, Riva 10;
virtualna: lakost@glasistre.hr; telefonin 098 475 359, faks 452 863 i 591 555
• reklame na 388 470 ili epgi@glasistre.hr
• reklamacije s gnušanjem odbijamo
* * * * * * * * * * * * * * * * * * * *
http://files.glasistre.hr/GlasIstre.pdf http://www.glasistre.hr/ * * * * * * * * * * * * * * * * * * * *
Kupil san ti prstenac...prstenac si zela, ma mene nisi otela. ma
luce, ma
luce, luli- luli-lulice. susedice moja.....
Kupil san ti prstenac - Igor Doričić, 02:09
Sa albuma Armunika va našen kraje Igor Doričić 2006
Kupil san ti prstenac - Igor Doričić 
