HR.KAJ.NĚ? - Lépa naša kajkavska / pregled tisKAJna

[Ljudevit Kaj]

(Š)OD(ERIC)A RADOSTI - (V)ODA RADOSTI

(Zakaj imam rada Kro-pivnicu?)

* * * * * * * * * * * * * * * * * * * * * * * * * * * * * *

Glas Podravine,
2013-06-21

Mama na kvadrat

Lepo je bilo na Šoder grabi

A ono naše podravsko, na svega 15 kilometri nam udaljeno i ovo nam leto nebu od prevelke pomoći. Kakva šteta!! Dok se samo setim davnih vremena kad smo u kolonama migoljili prema toj oazi mira i odmora. Nije bil problem ni prošetati se od stanice Botovo tih kilometar usijanog asfalta po najjačoj pripeki. Gužva je bila da si jedva par kvadrata slobodnog našel kaj bi rasprostrt ručnika za svoju pozadinu. Išlo se tam s frižider torbama na celi dan. Jelo se i pilo, veselilo i družilo. Ni more našoj Šoder grabi nije tad bila prava konkurencija. Još mi je i sad milo dok se setim kak sam nakon celodnevnog namakanja sočno mljackala jeger i paradajz na ručniku.

Piše  Sonja Jurlina


Ljetne bazezancije osim na Cerinama krenule su i u našem dvorištu. Kak deca rastu tak nam je i kopanja za banjanje sve veća. Neki smo dan na dvoru instalirali gotovo „pravi" olimpijski bazen promjera 240 centimetara, dubine 38 centimetara. Uz njega smo nabavili i nekaj dodatne opreme poput pištolja na vodu, mreže za ribice, lopte kojima su se u bazenu mam pridružile sve prdine barbike i jedan ken. Osnovni uvjeti za uživanciju osigurani. Dodamo k tome još sladač i čašu hladne Cole i nema nam ravnih na kugli zemaljskoj.

      Iako u tu našu dvorsku kopanju idu puni kuferi vode, kad ovaj gore nakuri prek 30 ne gleda se na kazaljku vodomjera nego se traži slamka spasa. Tak se jedino more, dok se nemre na more. A ono naše podravsko, na svega 15 kilometri nam udaljeno i ovo nam leto nebu od prevelke pomoći. Kakva šteta!! Dok se samo setim davnih vremena kad smo u kolonama migoljili prema toj oazi mira i odmora. Nije bil problem ni prošetati se od stanice Botovo tih kilometar usijanog asfalta po najjačoj pripeki. Gužva je bila da si jedva par kvadrata slobodnog našel kaj bi rasprostrt ručnika za svoju pozadinu. Išlo se tam s frižider torbama na celi dan. Jelo se i pilo, veselilo i družilo. Ni more našoj Šoder grabi nije tad bila prava konkurencija. Još mi je i sad milo dok se setim kak sam nakon celodnevnog namakanja sočno mljackala jeger i paradajz na ručniku.

      Dok sam malo poodrasla, ko srednjoškoljka, Šoder graba je meni i pajdašicama i nadalje bila omiljeno ljetovalište. U našoj vili Propuh boravile bi celi mesec. E to je bil život. Pravi robinzonski. Bez struje i vode. Zubi su se prali žvakačama, veša bi preprali dok je koja od nas opala u vodu. Al je zato noćni život bil nezaboravan. Delal je onda i disko na Lazinama i Plavi labud i dućan je bil otrprti. Čak je i u kamp znal neko tu i tam zalutati. Društvance za feštu skupilo bi se u predvečernjim satima sam tak. Nije trebalo ništ dogovarati, svi su znali da su k nama dobro došli. Lumpalo se do jutra, a onda bi se prek dana, dok je sunce pržilo, spalo i odmaralo, pripremalo za noć koja je bila pred nama.

      Šteta kaj se danas takvih divnih vremena provedenih na Šoder grabi moremo setiti samo na slikama. Kakav dragulj nam je pod nosom, a ne znamo ga iskoristiti. Neko drugi bi čuda s toga napravil, a niko od naših Podravci dubljeg žepa nema ideju ni interesa vrnuti Šotki barem dio starog sjaja. Zato mi u potrazi za osvježenjem ostavljamo novce na mađarskim banjama dok ovaj naš biser zjapi prazan i pust ko uspomena na neka lepša i bolja , vremena.

      Mozak mi zakuhal, a prazan zaslon ekrana upravo je ovog trena postal moj najveći neprijatelj. Ne zamerite. Kidam nalijevo.

Podravske šoderice – trailer, 01:00

http://www.youtube.com/watch?v=MhVNbhKBDaY

Podravci Soderica, more podravsko, 04:42

http://www.youtube.com/watch?v=_7nFPutL6rA

KRO-PIVNICA  KOPRIVNICA
RENESANSNI FESTIVAL 2012. 

Program 30.08.-03.09.2012.
http://www.renesansnifestival.hr/onama.php 
http://www.renesansnifestival.hr/ 

(Delo na) vide(l)o:
RENESANSNI FESTIVAL 2012 Koprivnica, 03:30

http://www.forumgorica.com/dogadaji/koprivnicki-renesansni-festival/

Podravina ravna - ZFA dr. Ivana Ivančana, 02:24

Podravina ravna - ZFA dr. Ivana Ivančana

[Ljudevit Kaj]

e-medjimurje / kolumne

Đuro Pongrac - Jura

LAJAVEC
"KAJKAVSCINA"


Koružnjača

     Štefek je bil fačuk. Vanbračno dijete. Njegva mati nigdar ni štela reči što mu je otec.
     Nadimak Kuružnjača so mu doli baš ti dobro stojeći puce i dečki iz razreda. I dok so za vreme velikog odmora oni vadili sendviće sa raznim somericama i domaćim šunkama, Štefek je mel v čisti beli krpi zamotan komad koružnjače. To je bilo se kaj mu je njegva mati mogla dati da si pregrize dok ne dojde dimo.
     I saki pot kad je odmotal svoju južinu za veliki odmor počela je zafrkancija i ruganje. Koružnjača, koružnjača, koružnjača. S više ili manje intenziteta to je išlo se do mature. A unda je zišlo ovak. Maturu je dočokala komaj polovica onih kaj su započeli prvi razred. Na maturi najboljši rezultat, čistu peticu dobil je Štefek.
     Prilikom podjele svjedodžbi ili diploma, kada su se sprajli slikat si oni kaj su prešli a i oni kaj so pali na maturi, Štefek je odnekud spuknul koružnjaču, i išel od jednog do drugog kolege i kolegice. Pokozal im je koružnjaču i sakomu na glos, gledeć ga v joči rekel - Koružnjača. To ljeto pak do denešnjeg dneva se nismo vidli. Jeni so rekli da j v Sloveniji, drugi da je u Švicarskoj a zapraf nismo znali gde je.


       Nisam se štel mešati v politiku i pred lokalne izbore napisati kolumnu da nebi bil kaj kriv. Drugo neka sam se moral raspeti na rozne strone sveta. Krizma v Zogrebu, krizma v Droškovci, krizma v Jmaničkoj, pak Prve pričesti i slična veselja.
       Najljepše od sega je kaj se zideš z ljudima štere si ni videl kak bi rekli od djetinjstva. Nekše sam ni videl od školskih cajtov. Tak smo moja ženica i jo bili pozvoni na jedno krizmu, na štro smo fola Bogu kesnili kak i navek. Dok sam jo bil sprovljen i odgledal na Max-TV-u celo poluvreme nogometne utakmice, ljubav mog života, moja ženica razotprla je ormora i mrmljala kak si nema kaj obleći. Na krevet je nahitala 11 kiklji, 8 kostimov, kubik hlaća i tunika i stolno kvocala kak si nema kaj obleći.
       - Hodi tak v gačama, i samo si fertuna deni. Si bodo gledeli vute, kakšna je to nova moda- odbrusil sam jo. Drugo poluvreme je započelo a ona se počela šminkati, češljati i joči mazati. - Daj hodi jemput. Idemo na krizmu a ne v mugače. - Daj moči tam i gledi to vrožju utakmicu. Genuli smo se a ron so počeli produžetki. No nemrem reči da ni zgledala lepo. Da mu mater morti se i splatilo čakati.
       V cirkvu smo ne dospeli, ali v restoran gde je bilo obed došli smo na vreme. Išće so ni odnesli plate s narescima. Naj prejdi smo čestitali krizmaniku, kumima i roditeljima. Deda i baka, moji pajdoši iz djetinjstva skušuvali so nas kaj je brenčalo. Da te stora generacija kušne to se bogme i čuje. Kak da bi čižmu z blata spuknul. Hodi Đurek oj si sedite.
       Poseli so nas kraj jednog gospona v lepi moderni opravi, golublje sive boje. Kontrast temno plova robača s još temnijom kravatom boje vina. Kraj njega je sedela fešt dama. Ne znaš bi ji dol četrdeset ili žezdeset let. Greha vredna ženskica. Da se upoznamo velim jo pruživši joj ruku. Verica reče ona. Stjepan veli on i nastavi. Pak se mi dvo bor dobro poznamo. Gledal sam vu njega i držal sam mu ruku no nikak nisam znal kam bi ga del. Videl je da ga gledim kak bik v nova vrota i zapita me. Kaj sam se tak premenil?
       Morti ti bu lježi ak ti rečem da so me zvoli "Koružnjača". Svet se koli mene zavrtel kakl ringišpil. Moj retro film se odvrtel v por sekundi. Pak kaj si to ti Štefek. Jo sam. Jo. Bemti nismo se vidli od 67 ili tu negdi. Den i noć mogli bi pripovedati jen o drugomu. No naj važnejše je ovo. Nadimak Koružnjača. Kak ga je dobil, tko mu ga je dol, i kak je se skup skončalo.
       Štefek je bil fačuk. Vanbračno dijete. Njegva mati nigdar ni štela reči što mu je otec. Selo je sumnjalo no otec je i dalje bil nepoznati. Mati se močila hodila v Čakovec na posel, za nadnicu je na ekonomiju kuruzu okopala bila tuđi sluga ali prehronila je sebe, dete i storu mater. Da so si mislili da bu Štefeka dola u zanat za špenglera, šlosera ili tak nekaj, ona ga je upisala v Čakovec na Preparandiju.
       Imala je podršku i Štefekovih učitelja, koji su u njemu vidli da z njega more biti nekaj. Vu to vreme v preparandiju su mogli samo dobro stojeći ili oni kaj so meli finacijske potpore Općine ili države. Nadimak Kuružnjača so mu doli baš ti dobro stojeći puce i dečki iz razreda. I dok so za vreme velikog odmora oni vadili sendviće sa raznim somericama i domaćim šunkama, Štefek je mel v čisti beli krpi zamotan komad koružnjače. To je bilo se kaj mu je njegva mati mogla dati da si pregrize dok ne dojde dimo.
       I saki pot kad je odmotal svoju južinu za veliki odmor počela je zafrkancija i ruganje. Koružnjača, koružnjača, koružnjača. S više ili manje intenziteta to je išlo se do mature. A unda je zišlo ovak. Maturu je dočokala komaj polovica onih kaj su započeli prvi razred. Na maturi najboljši rezultat, čistu peticu dobil je Štefek.
       Prilikom podjele svjedodžbi ili diploma, kada su se sprajli slikat si oni kaj su prešli a i oni kaj so pali na maturi, Štefek je odnekud spuknul koružnjaču, i išel od jednog do drugog kolege i kolegice. Pokozal im je koružnjaču i sakomu na glos, gledeć ga v joči rekel - Koružnjača. To ljeto pak do denešnjeg dneva se nismo vidli. Jeni so rekli da j v Sloveniji, drugi da je u Švicarskoj a zapraf nismo znali gde je.
       Da li nas je som Bog nazoj spojil ili pak smo od one store fele kaj još poštuje rodbinu i starinske običaje, ne znam. Glej Đurek se zmisliš naše krizme?  Kak ne. Tebi je krizmani kum na dor kupil Omegu a meni Darwila. Celi den smo ruku držali v zroku kaj bojo si vidli naše vure. A glej denes. Laptop, kamere, zlato i bog te pitaj kaj se ne. Mislim da je najmenje mesta ostalo za Boga.
       - Kaj boš. Odgovori Štefek. Druga so vremena bila. Unda so vure bila lepi poklon a denes je ovak. Da malo bolje pogledaš nikaj se ni premenilo. Sirotinja je srećna kaj ima kaj za jesti a bogatima je premalo i to kaj imaju. Išće već bi šteli. Nego vidim da so se naše žene lepo raspripovedale. Idemo išće mami na grob i onda dimo.
       Razmenili smo brojčeke "tužibaba" (mobitela) i pozval sam ga da sa ženicom dojde k meni u vikendicu. Skušuvali smo se i razišli. Žena i jo smo ostali do trde kmice. Bog zno kaj nam zutra nosi potli ovoga lepoga dneva.


Zvir:
http://www.emedjimurje.hr/kolumne/kolumna-koruznjaca

* * * * * * * * * * * * * * * * * * * * * * * * * * * * * * * * * * * * * * * * * * * * *

... a dve vulice dale maserke je fačuka napravil

Ziga & Boris Lainer - Lasi Si Je Rudala, 03:48

Ziga & Boris Lainer - Lasi Si Je Rudala

[Ljudevit Kaj]

Varaždinske vesti, br. 3574, 02.07. 2013.

Piše Barica Pahič

KAJ je naše pitanje i naš odgovor

Zamena (identi)teta vu viesti z Varaždinca – ne ponovilio se

No, jake sem se znenadila kaj je vu viestimi (takaj vu Varaždincu) o predstavljanju moje knige pisalo da je sudelovala osoba štere je nie bile ni f publiki, a moja kolegica, dugolietna prijateljica, jake aktivna članica Varaždinskoga književnog društva, autorica pjesničkih knjig i dvanaestgodišnja suurednica Varaždinskoga književnog zbornika, prof. Ružica Marušić-Vasilić, štera mi je v organizacije predstavljanja priskočila f pomoč i jake liepe vodila svečanost, nie ni spomenuta. 
 

Kak se se to liepe poklopile! Dien antifašizma – praznik, pa nedelja, pa jen radni-neradni dien, pa Dan Hrvatske državnosti. A za par dnevi i proslava ulaska v EU. Slavlja kulike hočete! A pune pak ljudi ne zna kaj se šteroga datuma slavi i zakaj. Zate se tulike raspravljale zakaj je to tak i zakaj se ljudem se zmiešalo pak se teške orientieraju. Čist jih razmem. Živim ljudem se se more pripetiti, kam pa ne bi v zmešariji z datumima.

I vu vezi z menom se dogodila jena zmešarija za šteru ima pune menj razloga, a ipak se dogodila i povriedila neke ljude. Čitatelji Varaždinskih viesti su več bili informierani za predstavljanje moje knjige dramskih tekstov v kazališni Europi Mediji za kaj veliku zahvalnost dugujem ravnateljici HNK mr. Jasni Jakovljević. Tie je, za me veliki događaj, navestil Varaždinec pa je zate bile pune publike, nie same one štera je dobila pozivnice, neg i one štera je tuo zeznala z novin. Kie je gda pruobal organizierati slično dogajanje, zna kak je teške uskladiti se one šteri vu njem moreju ili očeju pomoći i sudelovati. A tu je trebale uskladiti recenzente, glumice, termin za slobodni prostor, učenike II. gimnazije, njievu voditeljicu i čitače teksta. Došel je i Duo Bemian, bračni i glazbeni par z Peteranca kak znenađenje i oduševil publiku.

No, jake sem se znenadila kaj je vu viestimi (takaj vu Varaždincu) o predstavljanju moje knige pisalo da je sudelovala osoba štere je nie bile ni f publiki, a moja kolegica, dugolietna prijateljica, jake aktivna članica Varaždinskoga književnog društva, autorica pjesničkih knjig i dvanaestgodišnja suurednica Varaždinskoga književnog zbornika, prof. Ružica Marušić-Vasilić, štera mi je v organizacije predstavljanja priskočila f pomoč i jake liepe vodila svečanost, nie ni spomenuta. Zamena njenega identiteta z jenim čist drugim neverovatna je i ne znam kak se dogodila, ali se dogodila. I kak baš njoj, tak skromne, marljive i predane delatnice na polju kulture? Maker za tu zamenu nemrem biti kriva, več me teden dni muči kaj se njoj to dogodile baš na predstavljanju moje knjige štera nosi naslov Na nekoga se moraš osloniti, a vište, nemremo se osloniti ni na točnost podatkov v novinami.

Ne znam kak je ona to doživela. Bile mi je teške nazvati ju, tiem več kaj sme dva dneva prie z još nekimi člani VKD-a sudelovale na proslave Dana općine Petrijanec. Morti je ona same odmahnula z ruku, ali ja nemrem odmahnuti na tu zamenu i spominjanje osobe štera to nikak ne zaslužuje. Ne ponovilo se.


Zvir:
 http://varazdinske-vijesti.hr/kaj-je-nase-pitanje-i-nas-odgovor/zamena-identiteta-vu-viesti-z-varazdinca-%E2%80%93-ne-ponovilio-se.html 
i(l)
(str. 25. sim
(vezilo funkcionera morti samo ograničeno vreme)
http://varazdinske-vijesti.hr/pdf/3574.pdf       
Aktuelni broj VV:
http://varazdinske-vijesti.hr/online/Main.php?MagID=1&MagNo=1       

* * * * * * * * * * * * * * * * * * * * * * * * * * * * * * * * *

Pesma z drugoga brega
bemian duet.mp4, 02:26

bemian duet.mp4

[Ljudevit Kaj]

NAŠPRAJNILI (NAŠ)PRANJIČA

* * * * * * * * * * * * * * * * * * * * * * * * * * *

Međimurske novine,
e-vundano 01.07.2013.

Premišlavanje Jožeka radnika

Čuvli me Božek od prijatelov

Vse je bilo stiha i vse je bilo vredo dok je ne došlo nepotpisano pismo vu šteromo je pisalo kak je profesor Ivo pravzaprav čovek z falingom šteri ima rad žensko deco i to ne sam da jiv ima rad nek jiv ima prekpreveč rad. Kuliko sam mel za čuti pre čakoski gracki vuri (i to vam se tam pripoveda dostik na glas) da je to došlo vum zbog radi politike.
Verjem da je Ivo dober profesor i da je čuda vsega dobroga nafčil našo deco, kak muško tak i žensko, sam nebrem razmeti zakaj je ne veruval v ono staro izreko, štero je još vu pučkoj školi čul: Pazi me Božek od prijatelov, a od neprijatelov se bodem sam!

Piše: Jožek radnik


Ve najempot se zazvedilo kak profesor i to ne bilo kakši profesor nego gimnaziski, Ivo Pranjičov gledi i špota deco. I to bi bilo čistam vredo jerbo je on profesor, ali počelo se pripovedati da to dela nejvečpot z ženskom decom i da jiv, tu i tam, i trlocka. Nej znati kak i zakaj se to zazvedilo ruon ve, par dni predi nek bode Lejpa naša stala prek evropskoga poceka? Najme kaj, istina je da je profesor Ivo dotepenec (kak to naši stareši velijo za vsakoga čoveka šteri se je ne rodil na falačko zemle med dvemi vodami) vu ovo lejpo i naše Međimorje malo. A došel je (ili se dotepel) predi tridesti let, tak da več ima i naše međimorsko državljanstvo, jerbo i on je odnod otkod mo je žena, tak to velijo oni isti naši stareši. Nebrem razmeti kak je uspel tridesti let skrivati to svojo falingo, makar so se minice i dekoltei furt nosili, ili pak so naše međimorske dekle vse te jegove huncvutarije magadile dok je bil mlajši i nejso štele ili pak vupale to vum dati jerbo kaj ne bi dobile drugoga reda, oliti količa, z materinjega jezika. Ili so se bojale da jim to ne bi nišči veruval? A kak bo jim veruval ak je to ne istina. Vse je bilo stiha i vse je bilo vredo dok je ne došlo nepotpisano pismo vu šteromo je pisalo kak je profesor Ivo pravzaprav čovek z falingom šteri ima rad žensko deco i to ne sam da jiv ima rad nek jiv ima prekpreveč rad. Kuliko sam mel za čuti pre čakoski gracki vuri (i to vam se tam pripoveda dostik na glas) da je to došlo vum zbog radi politike. I da so ga to na listo za odstrel deli jegovi pajdaši šteri igrajo vu istaj političkaj dresaj. Ne znati komo je, itak, profesor Ivo mogel stati na žulj vu svojoj stranjki?. Kak bilo da bilo, trač je zmišleni, trač je napisani i došel je na svetlo dneva. Puce štere je Ivo napastuval, nagovarjal i trlockal so se ne našle, ali so zato policaji i državni fiškali zeli stvari vu svoje roke i našli so Ivija. "Puce" so ga prijavile i oprale roke, fiškali so ga zeli vu svoje šake, a hadeze je zdigel roke, vse kak je nešči to splaneral. Vreme bode rešilo i toga problema: fiškali nebodo nikaj našli i deli bodo vse na stran, hadeze bode mel jednoga prekdvajstiletnoga člana meje, a Ivijo bode ostala globoka rana na srco štero so mo skopali jegovi dofčerašji pajdaši. Vse bode, črez par meseci, isto kak je bilo i pred dva tjedne jedino profesor Ivo več ne bode nigdar isti. Verjem da je Ivo dober profesor i da je čuda vsega dobroga nafčil našo deco, kak muško tak i žensko, sam nebrem razmeti zakaj je ne veruval v ono staro izreko, štero je još vu pučkoj školi čul: Pazi me Božek od prijatelov, a od neprijatelov se bodem sam! Ili pak je on mislil da se nekaj tak hudoga jemo nebre pripetiti, jerbo to se pripeti sam drugima. Ali, kuliko vidimo, nigdar je ne smeti reči, nigdar.

Vsa je sreča kaj je nešči ne takše trače i takše huncvutarije zmislil predi izborov, pak bi unda mogel nešči, isto tak, napisati i ne potpisati se, kak je nešterni budući (grado)načelnik ili pak župan peder . A vsi znamo da se te hudi glasi fletno širijo, a mi ljudi kak ljudi nemamo cajta čakati da se zazvedi kaj je pravzapraf istina, a unda bi na izboraj zebrali nekoga drugoga, a ne onoga šteroga smo kanili i šteri nam je od prve vure bil na pameti. Nebrem veruvati na kaj smo došli mi vu temo našemo međimorskomo cvetnjako med dvemi vodami gde so navek živeli poštejaki i pošteje.

Župan Matek Posavcov reže plače i pročelnike, to je prepisal(?) od čakoskoga gradonačelnika Štefa Kovačovoga. Jako sam najgerek je li bodemo, črez dva tjedne, i pred Županijom vidli novoga auta, benđolo ili pak merđija,  kak se to pripetilo v grado Čakovco. Najte me krivo razmeti, kaj ne bo zgledalo da ja navijam za to, ne, sam pitam. Kaj velite, nekak vas ne razmem? Kaj več ne smem niti pitati? Pak stiha pitam, tak da me je župan nikak ne mogel čuti.

Hrast je znova v Gorčano podržaj esdepeja, ali kaj si mi ne bi mislili da so oni (Hrast i SDP) v koaliciji, ne, oni so nikaj ne potpisali jerbo so se dospomenuli da vse delajo na časno reč, isto onak kak so to i do ve delali. Hrast podržavle, očem reči, zdiguvle roke za vse kaj načelniko Moharičo paše, a zbogradi toga, i dok je tak, bode Robi Katancov precednik opčinskoga veča. Kaj vi mislite da bi bilo nekak drugač da so to na paper napisali. Nejglavneše je to kaj je hadeze, več drugoč, odišel po riti k meši, a tak je to i gospon Moharič splaneral. Najme kaj, nebre Hrast rasti dve - tri leti vu levo stranjko i kaj bi se unda mogel naglo nagnuti na desno. Pak je hrast odnavek bil trdo drevo. Dok se jempot krivo posadi unda krivo i raste. Ak se oče tu nekaj spremeniti brzčas bode tre to vum skopati i posaditi novoga, a za to pak tre meti viziperte od Šumarije. A vsi znamo da Šumarijo vu rokaj držijo "kukurikači", očem reči, esdepeovci, tak da bode do toga teško dojti.

Vsima nam je poznato da Hlapičina, selo v Središčo na Muri, ima dva vodovode. Prvoga so naprajli još zdavnja i to sam za svoje selo, a of gracki je spelani pred par leti. Jako se malo ljudi štelo preključiti na gracko vodo jerbo jim je ova selska bolša, a i dostik je te priključek koštal. Ve se pak vam je kolo sreče obrnulo, pak se priključek na gracki vodovod več ne plača tak da ve meštani Hlapičine gruntajo o temo kaj bi uveli plačanje priključka za jiv selski vodovod. Pak mora biti nekša razlika, ak je razlika i vu vodi. Najme kaj, tak bar domaći ljudi velijo, da je voda z selskoga vodovoda bolša. A kaj je bolše to mora i koštati.

Naš župan Matek Posavcov nam furt pripoveda kak je kriza, oliti recesija, još ne minula, kak se teško živi i da tre na vsakom korako šparati. Kak on, jegovi kompiči, tak i vsi mi. On to vsima nama pripoveda, a on živi na velikoj nogi. Najme kaj, dok bodete negdi blizo jega poglednite ga od glave do pete pak bodete vidli da ima veliko nogo (i šolce) i to broj 47.


Zvir:
http://www.mnovine.hr/novo/index.php?option=com_content&view=article&id=20685:uvli-me-boek-od-prijatelov&catid=301:joek-radnik&Itemid=575
i(l) str. 72. sim:
http://issuu.com/mnovine/docs/mnovine928i?mode=embed&layout=grey                 
i(l) str. 72. sim:
http://www.mnovine.biz/images/pdf/928/mnovine928i.pdf
   
* * * * * * * * * * * * * * * * * * * * * * * * * * * * * *

Kavaliri - Vužgi prijatelj (Krapina 2012) Nove popevke HQ, 03:14

Kavaliri - Vužgi prijatelj (Krapina 2012) Nove popevke HQ

[Ljudevit Kaj]

e-medjimurje / kolumne

Đuro Pongrac - Jura

LAJAVEC
"KAJKAVŠČINA"

Prozni grunti Međimurja

       Ve so došle nove regule kaj bodo išće već sproznile naše grunte. Nekak je se menje penez v mošnji Slaveka Linića pak ve moramo iti na nekve tečajeve za motorke, kosilice i kaj kaj  toga. Gnojščino se ne smelo pušćati na senokoše, trate ili nedaj bog v jorke. Moramo zvati ovlaštenog  prevoznika za gnojščinu i drek jame a on bo otpelal tam v neki pročisčivać. Gnoja namo smeli nametati ako nemamo ispit za rukovatelja hidrauličnim uređajima. Ni kuruzu na smeti špricati prejdi dok vam ovlašteni servis ne poštela mlaznice.
       Još vekša šansa da nam grunti ostonu prozni leži na dotepencima. Nek kakov nadobudni investitor odluči naprajti jednu ili dve zgrade v vašem selu i prodovati stanove evo ti zla. Fina preštimona gospoda kaj nemajo kam s penezi, željni selskog mira i spokoja, pokupju stanove i svi srećni i zadovoljni. Je frišku figu.
       Najemput te gospodi zasmrdiju Ferijevi pajceki, Micini telići ili pak Janoševa klaonica i mesnica. Sud sim, sud tam, fiškali, svedoki i nema već pajcekov, teličov, ni mesnice, ni klaonice. I otidu naši domaći ljudi kaj su tu živeli sto ljet trbuhom za kruhom. A ovi naši političari i dalje viču o prosperitetu, napretku, boljoj budućnosti.


       Zmislite se kak je negda "mali birov" hodal okoli po selu z onim malim bobnjem i ružil z botami po njemu. Mi unda još mala deca bežali smo za njim i saki je štel bor jempot vudriti po bobnju. Stal bi na sakom križonju i u vulici gde ga si čuju. Bobnjal je po svom dobošu dok se ni zebralo dost ljudi. I unda je krenulo ono čuveno:
       - Oglas! Doje se na znonje. Đura Tvorec prodoje prasicu pikušu skup z četiri mlode. Prasica i pajceki se moreju videti na općinskoj gmojni od jutra do večera. Da bi oglas bil zanimljiviji bobnjar je bil veliki kreativac i znal je nadodeti nekaj svojega. pa je tak išlo i ovo: Zutra se v općinskim štalama vrši otkup dlake. Kupuje se konjska, svinjska a bogme muška i ženska dlaka.
       Kak je gojt bilo teško poslije drugog rata, nije se moglo čuti da bobnja kak se prodoje imonje. Grunt, hiže štale, zemlje i marha. Bilo je ljudi i dece kuljko ti srce želi.  Brati i sestre so se buhali i sode vodili za falačec grunta i kakvu zemljico ili senokošu. Grunt je bil svetinja. V jeni hiži so spole tri štiri generacije. Za jedno jajce mogel si kupiti 5 Ibarov (cigaretlini) ili ti je štacunor z drotom odrezal falačec kvosa ili marmelode. Bilo je teško. Šterčija i bokčija. No grunti so bili tu. Ljudi so bili tu.
       V Draškovcu so na Rokovo bile po dve zobave. Kromari, licitari, ringišpiljači. Se kaj ti srce zaželi. Ljudi so se borili saki za svoj falačec grunta. Pital sam ove mlajše od 50 let da li bi mi znali reči kaj znoči reč sebunjek. Bledo so me gledeli i čudili se kak picek glisti, gde sam vrogu spuknul to reč. Štel bi vam mom rastolnočiti kaj znoči ta reč i zakaj je joko važna.
       Sebunjek vam je miraz. Dota. Obično su ga dobivale puce kaj su išle v zamuž. Bila je to kravica, zemlja, senokoša ili tak nekaj. Sebunjka je mogel dobiti i dečko ako je išel za zeta. To je bilo malo reje. I zakaj je ti sebunjek tak važen. Denes ga dobivljejo jednok ženske i muški, no pod jednim drugim imenom. Otpremnina.
       Negda zdavnja tu pri nami v Međimurju ili tam prek Drove na Hrvotskom, ak ste se zaposlili v fabriki, željeznici, ili v bilo šteroj državnoj službici, bez brige ste delali čokajući penzijicu ili po denešnji, mirovinu. No kak se vreme menja, i v krej smo hitili onaj sprhnjeni socijalizam i skočili v demokraciju i privatno vlasništvo, političari na vlosti već dvajst let se natječu kak bi nam pomogli da ne moramo tak dogo delati.
       Gda prejdeš 40 let, gazda ti da sebunjka, bi rekli otpremninu, ako je ima, i pošlje te na burzu. Kaj bi se ti močil i hodal na posel. Moreš domaj sedeti, pobrati peneze s burze, saki mesec se iti pokloniti (prijaviti) tam nekoj gospođi ili gosponu na šalteru, da ti vudriju štambilja na trdu cedulju. Ve je došlo vreme da rečemo dosti toga. Da li moremo? Moremo. Da li hoćemo? E to ne znam. To saki som sebi mora reči.
       Zodnji  mesec dni nekak mi se vidi da je u porastu međimurski turizam. Bor on jednodnevni. Prolazni. Shojajo nam se nakinčeni gizdavi političari raznih stranaka i strančica. Lamentiraju, vičeju, obećavaju med i mleko ako bomo glos na izborima dali baš njima. Čovek bi od smeha prdnul da čuješ one iz HDZ – a i SDP – a kak milo govoriju skup z svojim koalicijskim partnerima. Tobože niso oni krivi kaj so naši grunti prozni. Kaj nemamo posla. Kak da je do ve na vlosti bil nešće dvanaesti.
       Motaju se pod nogama kak ciceki. Žicaju za saki naš glos. Ili slabo vidijo ili nemajo koga videti. Nega ljudi kaj bi posljušali. Pomrli, deca prodala grunte, i odišla. Nega već ni peseka Bobija kaj se pred por let poscal na govornicu da je jen političar držal predizborni govor. Uginul je od toge da so njegvi gazde prodali grunta i prešli v grod.
       Ve so došle nove regule kaj bodo išće već sproznile naše grunte. Nekak je se menje penez v mošnji Slaveka Linića pak ve moramo iti na nekve tečajeve za motorke, kosilice i kaj kaj  toga. Gnojščino se ne smelo pušćati na senokoše, trate ili nedaj bog v jorke. Moramo zvati ovlaštenog  prevoznika za gnojščinu i drek jame a on bo otpelal tam v neki pročisčivać. Gnoja namo smeli nametati ako nemamo ispit za rukovatelja hidrauličnim uređajima. Ni kuruzu na smeti špricati prejdi dok vam ovlašteni servis ne poštela mlaznice.
       Veliju da preveč herbicida ide bez veze. To da proizvođači herbicida morti malo razrediju sredstvo ni nikoga briga.  Još vekša šansa da nam grunti ostonu prozni leži na dotepencima. Nek kakov nadobudni investitor odluči naprajti jednu ili dve zgrade v vašem selu i prodovati stanove evo ti zla. Fina preštimona gospoda kaj nemajo kam s penezi, željni selskog mira i spokoja, pokupju stanove i svi srećni i zadovoljni. Je frišku figu.
       Najemput te gospodi zasmrdiju Ferijevi pajceki, Micini telići ili pak Janoševa klaonica i mesnica. Sud sim sud tam, fiškali svedoki i nema već pajcekov, teličov ni mesnice ni klaonice. I otidu naši domaći ljudi kaj su tu živeli sto ljet trbuhom za kruhom. A ovi naši političari i dalje viču o prosperitetu, napretku, boljoj budućnosti.
       Samo so zobili jedno. Nema ih već nigdo za poslušati. Podsjećaju me na Belgijskog ministra  koji je došel domaćem stanovništvu Konga govoriti o tomu kak bo im bolje pod Belgijom nego da so samostalni.
       I rekel je ovak:

       Ovdje bumo sagradili najmodernije ceste.
       Crnci – Zumba, zumba
       Ovdje ćemo sagraditi škole za vašu djecu
       Crnci- Zumba, zumba
       Ovdje iza plota će biti moderna bolnica
       Crnci – Zumba, zumba

       Sretan i zadovoljan odobravanjem crnaca ode iza plota pišat. Mali crnac ga gleda i smijulji se. Kaje mali, kaj je tajk smiješno upita ga ministar. Mali odgovori: - Tak veliki čovjek a ima tak malog zumbu.
       Možda je to samo priča, vic, no ima mnogo sličnosti sa ophodnjama raznih političara, stranaka, strančica po našem malom Međimurju. Kaj nam bojo već dohojali i obečovali mi bomo meli se već proznih gruntov. To so dokozali ovih 22 let.
       HDZ, SDP, HNS, HSS samo igra boja i slova a retotika i djela stara, ofucana. Se smo ih isprobali.  A kaj smo dobili ? Prozne grunte. Prozne zemlje. I sebunjek s početka pripovesti ide na bobenj. Kaj da nam je celi život jen bobenj po šteromu ruži što kak i kad hoće.


Zvir:
http://www.emedjimurje.hr/kolumne/kolumna-prozni-grunti-medjimurja

Kajkavska vuzmena li(b)rika
 
Tomislav Ribič

REQUIEM II

Agnus dei, dies irae.

Hiža po hiža
Križ do križa

Hiža po hiža
Križu je se bliža

Polem orem ,
Polem
Križ do križa

Se kaj gmiže
Otide jenput od hiže

Se se zide
Jenput pod križem

Gledim zemlu
I se kaj vidim
Križ do križa

Prazni se polahke
Horvacka hiža


http://www.forumgorica.com/kajkavski/pro(iliti)za-kajkavsku-p(r)oeziju/msg42790/#msg42790

Loborfest 2010 Prijatelji Zagorja - Hiža zagorska, 02:26

Loborfest 2010 Prijatelji Zagorja - Hiža zagorska

[Ljudevit Kaj]

Varaždinske vesti, br. 3575, 09.07. 2013.

Piše Barica Pahič

KAJ je naše pitanje i naš odgovor

Na penezi, jelu i pijači se nie šparale, a kak dugo bu bajka trajala, bumo vidli

Varaždinsko književno društvo je z ptujskim Društvom pisateljov imele “srečanje na meji”, maker je od predviđenega programa bile same sprobavanje vina v goricami cestičkega načelnika opčine i šaljiva recitacija.
Jeni veliju da sme EU dočakali z velikim oduševljenjem, a drugi pak da sme kak narod bili dost suzdržani i razočarani, pogotove kaj nie došla gospa Merkel. Nekoje je znenadil onie kušlec šteroga je naš predsednik zmenil z serpskim, z Nikolićem, zvanim Toma Grobar.
 
 
Pokle one vručine prie 25. lipnja, Dana deržavnosti, opal je dež, a onda se temperature spustile bar za petnajst stupnjev. Neki nenavidniki su vu tem videli i nekšnu simboliku, kakti; zahladilo bu hrvatske deržavnosti pokle pervoga serpnja i ulaska hervatske v EU.

Ali, kak smo vidli, na “povijesni dan” klimatske prilike su bile baš povoljne; ni prevruče ni prehladne. Bile bi dobre da tak ostane, maker se dien pokle ulaska zaprav nie osetila nikakšna vidljiva promena. Bormeš sem i ja, “stjecajem okolnosti” bila na graničnemu mostu spod Borla, gdi je simbolične zbrisana granica/meja med Hrvatskom i Slovenijom.

V brisanju granice su sudelovali i hrvatski i slovenski deržavni izaslaniki, od nas saborska zastupnica Natalija Martinčević, i pili šampanjac, a fnogobrojna publika je, kak i inače, gledela i pljeskala. Varaždinsko književno društvo je z ptujskim Društvom pisateljov imele “srečanje na meji”, maker je od predviđenega programa bile same sprobavanje vina v goricami cestičkega načelnika opčine i šaljiva recitacija. Jeni veliju da sme EU dočakali z velikim oduševljenjem, a drugi pak da sme kak narod bili dost suzdržani i razočarani, pogotove kaj nie došla gospa Merkel. Nekoje je znenadil onie kušlec šteroga je naš predsednik zmenil z serpskim, z Nikolićem, zvanim Toma Grobar.

Bila je to prava cviki-pusa. Modni stilisti pak su prigovarjali golim rukam naše “ausministrice”i da ne zna protokol, pa je na jen čas zgledelo kak da je najvažnejše kulike sme mi Hrvati modno osvešteni za Europu. Istina je da se največ, kak se i šika, slavile v Zagrebu, ali su i druge sredine tie veliki ulazak jake svečane obiležile. Ti bokca, na penezi, jelu i pijači se nie šparale! Nie se preveč mislile ni na nezaposlene, na prosvjede i štrajkove. Zakaj bi se kvarila sreča i veselje? I vu Varaždinu je takaj bile i koncertov i vatrometa i kojkakvega drugega slavlja. Naš grad nie poznat same po glazbi, baroku, groblju, zbirki kukcov i Špancirfestu, neg i po živem kulturnem životu.

Tuo je dokazalo i naše HNK štero je svoju publiku počastile z jenu od zagrebačkega HNK gostujuču, apsolutne očaravajuču baletnu predstavu; z Prokofjevim “Romeom i Julijom”, štera je za ove slavlje baš pasala v gradu gdi anđeli spiju. Pa i nuovi postav anđelov v tiesnemu prostoru za Franjevačkom cirkvom, šteroga je gosp. Prstec priredil i z plesom anđela f koreografiji gđe Ruže predstavil, a otprla ga N. Martinčević, doprinesel je tomu bajkovitemu času. A kak dugo bu bajka trajala, bumo vidli.


Zvir:
http://varazdinske-vijesti.hr/kaj-je-nase-pitanje-i-nas-odgovor/na-penezi-jelu-i-pijaci-se-nie-sparale-a-kak-dugo-bu-bajka-trajala-bumo-vidli.html
i(l)
(str. 21. sim
(vezilo funkcionera morti samo ograničeno vreme)
http://varazdinske-vijesti.hr/pdf/3575.pdf         
Aktuelni broj VV:
http://varazdinske-vijesti.hr/online/Main.php?MagID=1&MagNo=1       

* * * * * * * * * * * * * * * * * * * * * * * * * * * * * * * * *

Mejaši 1, 03:01
Legendarna scena prve epizode Mejašov

Mejaši 1

[Ljudevit Kaj]

Međimurske novine,
e-vundano 08.07.2013.

Premišlavanje Jožeka radnika

Dočakali smo Evropo kak nejlepšo i nejbolšo mladenko


Evropa je došla k nam točno na vreme, a mi smo jo čakali i nesmo vupali oditi spat kaj nas ne bi našla krmežlive i v posteli. Štela nam je pokazati, več od prve minote, kak je tam vse na vreme, a ne kak prinas gde još navek cugi i autobusi kesnijo. No, i mi Međimorci, a kak čujemo i ovi vu Hrvaškoj so jo čakali dva dni predi sam kaj ne bi došla dok ga ne nikoga doma, pak bi se,  mortik, obrnula nazaj. A tak smo jo dugo čakali. Ne smo mi niti znali da Evropa tuliko vredi, ali so jo naši političari, kak međimorski tak i hrvaški, tuliko nafalili kak da je to mlada žena, nejlepši komad kaj ga dragi Božek mogel naprajti, jako fajna, frčna i prepravlena na vse kaj bi mi mogli od je iskati. Nebre čovek veruvati da nekaj takšega postoji na sveto i to vse radi nas Hrvatov.

Morem vam reči da sam ne veruval da smo mi Hrvati, a posebno Međimorci, vu Božekovoj cukor-piksi, pak je on za nas ostavil nekaj nejbolšega kaj nam more dati. Brzčas bi to moglo biti jerbo so prinas na vlasti "kukurikači", očem reči, nezerenoši šteri ne delajo stisko v cirkvi i nejvečpot verjejo da Božek ne postoji.

Kak bilo da bilo mi smo to Staro Frajlo čakali i dočakali vseposot od Štrigove prek Svetoga Martina, Središča na Muri, Poturna, Dekanovca, Gorčana, Kotoribe, Priloka, Čakovca, Šenkovca, Nedelišča do Gornjega Mihaljevca. Kuliko sam mel za čuti naši vinari vu Železni Gori i Svetomo Urbano so se skrili v pelnice kak jif Evropa ne bi našla, ali jim je to nikaj ne pomoglo. Evropa zna za vse nas (kak Božje oko) i vsaki od nas je zapisani v jene debele knige i oni znajo kuliko se hasna (čitaj: penez i poreza) očekuvle od vsakoga od nas. Nejbole svetešje je bilo v pondelek v Priloko gde so mladi umjetniki popevali nejlepše kaj so znali, tak da je Evropa mam zazvedila kak je došla na falaček zemle gde se jako lepo popevle. V Priloko so otprli i Sema i to v pondelek makar je v Priloko sejam, več duže od dvjesto let, v tork. Kak bilo da bilo več smo pet dni v Evropi i pet dni dišemo evropskoga zraka šteroga nam, bar za ve, nikaj ne računajo. Ne znati kak bode to dugo trajalo, ali ve smo tu i z te kože nebremo pobeči. Vseposot smo popevali, plesali i fešte delali dok smo jo čakali, a meni vam furt po glavi rovari ona pesma sosedovoga pesnika Brankija Miljkovića, šteri je napisal: Je li bode sloboda (čitaj: Evropa) znala tak lepo popevati kak smo mi dok smo jo čakali?

Mam v pondelek i to rano vjutro sam dobil emajla od pajdaša Jožeta z Dežele šteri mi je čestital kaj smo itak, na vse zadje, uspeli dojti v Evropo, a na krajo mi je još napisal: A ve još nekaj jako važno, nek vam dragi Božek bode na pomoči. Valjda Jože zna kaj nas čaka, a čkomel je da smo se mi z rokami i nogami borili kaj dojdemo nutri. Dok si bole pregruntam to je kak v brako, oni kaj so nutri silijo vum, a ovi vuni se rivlejo nutri. Vsaka sličnost je čistam slučajna.

Dok nam z jedne strane dohaja Evropa z druge strane nam čakoski gracki načelnik, Štef Kovač, jemle pravico vu svoje roke i vedri i oblači i to onak kak on misli i kak bi on štel kaj bi bilo i nikaj ga ne sekera kaj zakoni demokracije govorijo drugač.Demokracija, a kaj je to demokracija? Kaj se imajo vječniki čakoskoga grackoga kotara zapad pitati kaj oni mislijo da se zna da je Štef glavni v Čakovco. Nej znati kaj bode Evropa rekla dok to zazvedi. Najme kaj, vječniki zapadnoga kotara so si zebrali za precednika nejbolšega med njimi, a to je Ivek Kirin, ali vam on ima jedno falingo kaj je v hadezejo. Dok je to gradonačelnik Štef zazvedil poništil je konstituirajuču sjednicu i sazval novo tak da so jegovi esdepeovci, na popravnom, glasali onak kak si je to Štef zamislil. Ne bodegte veruvali, ali Štef se pozivle na voljo birača, a volja vječnika je nej važna. Čistam drugač je bilo na čakoskomo Grackomo večo. Tam jegovi imajo 12 večnikov, a opozicija devet, ali tu je ne bila važna volja birača kaj bi i opozicija mela jednoga potprecednika veča, ne, tu so Štefovi se sebi zeli. Isto tak je trelo biti kaj i po odborima: od pet članova ovi na vlasti so trebalo meti tri, a opozicija dva, ali tu so ovi na vlasti zeli sebi štiri, a dali so opoziciji sam po jednoga. Nebrem nikak dojti do toga kak so oni to zračunali da 12 večnika od 21 davle štiri  odbornike, a devet večnika jednoga. Pital sam i v Evropi, ali oni ne poznajo to računico, a i v kotaro zapad je nekša druga. Kuliko vidimo vsaki den puše nekši drugi veter. Najgerek sam kak to bode itak dugo trajalo.

Bolnice štere ne znajo same gospodariti so došle v roke ministra i ve minister postavlja nove menađere. V čakosko, očem reči, međimorsko bolnico je došel Vilim Friščić šteri je ne doktor, ali je ekonomista. On bi trebal biti doktor za prazno kaso. Jedno smo pozabili, ekonomisti so ne coprjaki, očem reči, mađioničari i oni nebrejo z ničega naprajti nekaj. Vsi znamo, od portera čakoske bolnice do ministra, da dobavlamo premalo penez za vse ono kaj bolnica troši i da je zbog toga bolnica dužna i ak ne bodo dali vejč penez more nas spasiti samo Big Brader ili pak Čak Noris. Naši betežniki vse kaj se da donesejo z doma, ali nekaj mora i bolnica dati ak nas oče meti.

Ministrica graditelstva Anka Mrak Taritaš je pošpotala nas Međimorce kak smo dali nejmeje zahtjevi za legalizacijo hiži. Brzčas je ne vpučena da smo mi Međimorci odnegda vse zidali z paperima, a ono kaj nam je pobeglo brez paperov so koci, garaže, štale, kleti i vikendice, očem reči, to sam ono kaj smo mogli sami naprajti po odvečerkaj i vikendaj. Pak smo mi Međimorci odnevek bili bogoboječi i to tak dugo dok je ne esdepe došel na vlast. No, pak to i ne bode preveč dugo trajalo.

Na vse zadje sam uspel zazvediti zakaj so pravzaprav esdepeovci zmenili Jožeka Zorčeca kak direktora Međimorski vodi. Najme kaj, natječaj je bil respisani i dok so moljbe došle gospon Zorčec je odišel na hodočašče v Lurd skupa z čakoskom Zrinskom gardom i čakoskim, očem reči, međimorskim gvardjanom, patrom Stankom. Vu tem cajto so nadzorni odborniki šteli jega zbrati i dale za direktora, ali je ne bil doma. Nejso mogli glase davati za jega makar je on ne v Nadzornomo odboro. Posle znate kak je zišlo, ali je na svetlo dneva zišla i istina da bi ga bili zebrali da je mesto v Lurd odišel na hodočasšće v Kumrovec i to mam či bi bil genul z Čakovca. Ve vidite kak je zišel, em je več penez potrošil, em je ostal brez direktorske fotelje. Nejglavneše je ipak znati vu šteromo grmo leži zajec, očem reči, gde je pravzaprav te grm. Zoki je odišel grma iskat v Lurd, a ono grm v Kumrovco.


Zvir:
http://www.mnovine.hr/novo/index.php?option=com_content&view=article&id=20763:doakali-smo-evropo-kak-nejlepo-i-nejbolo-mladenko&catid=301:joek-radnik&Itemid=575
i(l) str. 56. sim:
http://issuu.com/mnovine/docs/mnovine929i?mode=embed&layout=grey                 
i(l) str. 56. sim:
http://www.mnovine.biz/images/pdf/929/mnovine929i.pdf 
   
* * * * * * * * * * * * * * * * * * * * * * * * * * * * * *

Vlado Kreslin in Lidija Bajuk - Šetala se lepa Mara, 03:54

Vlado Kreslin in Lidija Bajuk - Šetala se lepa Mara[/quote]

[Ljudevit Kaj]

(Ž)uži izbor iliti zbir za letnu lektiru?

* * * * * * * * * * * * * * * * * * * * * * * * * * * * * *

Varaždinske vesti, br. 3576, 16.07. 2013.

Piše Barica Pahič

KAJ je naše pitanje i naš odgovor

Sam nek nieje od Žuži Jelinek, se o seksu sem več apsolvierala

Čitanje je za učenje, a nie same za zabavu. Pak fnogi nemaju radi ni matematiku! Ne da jim se ni prati zobe ni žnierati patike! Kaj deci ne treba matematika? Ili zdravi zobi? Kaj nie grdo videti da jim se zmazani žnieranci po cesti vlečeju kak gliste? Nema obrazovanih ljudi šteri niesu načitani. Kaj na to velite?

- Imate praf. Se tuo razmem.Ali deca za to imaju gluha vuha. Valjda jednoga dneva dojdu k pameti. No, najdite mi nekaj dobrega za čitanje. Najbolj nekaj šalnega. Sam nek nieje od Žuži Jelinek. Se o seksu sem več apsolvierala.

 
Pokle sakega mojega teksta vu “Varaždincu” javljaju mi se čitatelji šteri mi sugerieraju o čemu bi još mogla pisati. Neki put jim spunjavam želje, a neki put i nemrem... Tu i tam mi prigovarjaju na neke rieči, ali me i podsiečaju na rieči štere bi šteli najti vu mem pisanju. Veseli me saznanje da čitaju, a da njih veseli kajkafščina.

Knige za morje

Tak mi je pred nekaj časa, za onieh velikih vručin, došla jena poznanica s molbom da ji posudim nekaj knig. Ide na morje gdi bu imiela časa za čitanje. Rekla je da ni sapunice nemre stalne gledeti. Otkad nema “Sulejmana” i turske su ji menj privlačne, a kajkavskih ni nema. Rada bi nekšnu gdi bi se govorilo po domači.

Voli pokle kupanja sedeti na terasi i čitati. I tak je pričel spomenek o čitanju. Priznala je da naviku čitanja nie stekla dek je sama išla f škuolu, neg gda je njeni sin išel f srednju, pa je muoral zadovoljiti kriterije za ocenu z lektire. Stalne je visel na kompaču ili je tulumaril pa za čitanje nie imel časa. Meste njega je čitala ona i dielala zapise, a onda je on to same prepisal i nafčil se pripovedati. Bila je ponosna kaj je njene zapise profesorica hvalila.Tuo da njezin sin sam niš nie čital, nje je bile čist normalne.

Knige f škuole?

Na moju primedbu da naviku čitanja trebale steči f škuole, reagierala je da deca za čitanje nemaju časa. Još nekak-nekak v osnovne, ali gda duojdu f “nekšna lieta”, se jim je druge v glave. Pucke još dielaju kaj se od njih išče, pa tak i njejna kči, ali dečke večinom zanima same nogomet. Pa još one starinske knige! Tuo sin nie štel ni pogledati. Muški ionak retke gda kaj čitaju osim o športu. Knige čitaju tek gda duojdu v “nekšna druga lieta”, ili da se zbetežaju. A profesori bi to morali razmeti, a ne decu mučiti z oniem kaj nemaju rada. S tiem se niesem složila pa sme raspravljale o tem da se decu neke stvari mora sikak nafčiti, če treba i pod silu.

Čitanje je za učenje, a nie same za zabavu. Pak fnogi nemaju radi ni matematiku! Ne da jim se ni prati zobe ni žnierati patike! Kaj deci ne treba matematika? Ili zdravi zobi? Kaj nie grdo videti da jim se zmazani žnieranci po cesti vlečeju kak gliste? Razlagala sem ji i zakaj se mora znati kaj v “starimi knigami” piše, a kaj v onemi na drugi jeziki. Nema obrazovanih ljudi šteri niesu načitani. Kaj na to velite?

- Imate praf. Se tuo razmem.Ali deca za to imaju gluha vuha. Valjda jednoga dneva dojdu k pameti. No, najdite mi nekaj dobrega za čitanje. Najbolj nekaj šalnega.

Sam nek nieje od Žuži Jelinek. Se o seksu sem več apsolvierala.


Zvir:
http://varazdinske-vijesti.hr/kaj-je-nase-pitanje-i-nas-odgovor/sam-nek-nieje-od-zuzi-jelinek.html
i(l)
(str. 21. sim
(vezilo funkcionera morti samo ograničeno vreme)
http://varazdinske-vijesti.hr/pdf/3576.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1         

8. Več za Kaj dela on kaj Kajkavski kune, špota i švanji neg on kaj zpametno štoka o Baladam Miroslava Krleže.

Prof. Željko Funda: KAJOFILSKO-KAJOLOŠKA DEKLARACIJA O KAJKAVSKOMU JEZIKU

http://www.forumgorica.com/kajkavski/hrvacki-trojezicni-pluralizem-ili-sto-jenoumle/msg3144/#msg3144

Međimurski Jezeraš (Šteri ima najvekšega? ), 04:00

a: Zagorec
b: Zagrebečanin
c: Međimurec
d: Ja

Međimurski Jezeraš ( Šteri ima najvekšega? )

[Ljudevit Kaj]

Međimurske novine,
e-vundano 15.07.2013.

Premišlavanje Jožeka radnika

Dojdite k nam, mi ne bodemo doma

Znate ono staro pučko: dojdite k nam nas ga ne bode doma! Tak vam je bilo i v nedelo v Čakovco. Došla so nam naša rodbina, Hrvati z Gradišča, šteri so se najavili čuda predi, ali čakoski gracki oci so ne meli čas kaj bi jif bili došli pozdraviti. Gospon Vejnović je skakal, ali neje mogel vse sam. Vsa sreča kaj je gospon Zoki Vidovićov, šteri je još ne pozabil da je bil dogradonačelnik, pak se je on žnjimi pospominal i kak gracki i kak županijski čelnik. Tak mladi, tak se obečuvlejo, a dok treba nekaj naprajti unda ga jif nigdi ne.


Ljubek je malo prekesno došel na vlast vu Priloku jerbo je mam uvel falešo legalizacijo, očem reči, odrekel se grackih doprinosov tak da bodo ljudi čuda faleše prešli. Da je bar pobedil v prvomo krugo hajdik Priločancov bi čuda faleše legalizeralo svoje hiže i vse ostale pomočne gajbe. Ak je zakesnil na legalizacijo neje prekesno došel za toplice v Draškovco. Vsi znamo da se več hajdik let spominkuju da bi trelo naprajti te toplice jerbo ga čuda vroče vode pod zemlom štera sili vum i trelo bi jo pustiti v promet. Jempot dojdo jedni, drugipot drugi, a ove dneve so bili Nemci. Vsaka čast Nemcima, ali nejbole bi bilo da bi toga posla naprajli Kinezi. Oni, vu zadje vreme, imajo nejveč penez, a posle sam ak bi vsaki Kinez sam jempot došel na kopanje celo leto bi bile pune. Istinabog malo so dauko od Kine, ali zato bi dohajali nejmeje na mesec dni, a to so bormeš unda lepi penezi. No, več bode Ljubek zebral kaj je za Prilok i Draškovec nejbolše. Ak ne bode siguren bode odišel na mešo, pak se tam pospomina z dragim Božekom, a i z jegovim apostolom v Priloko, velečasnim Tončekom i vse bo znal.

Vsima nam je poznato kuliko se Evropa cuka za pedere i lezbače kaj oni i one ve morejo hoditi po našemo hrvaškomo sunco, a jif je nej nigdi bilo da je Evropa k nam dohajala. Ve vidite da ga niti med tem pederskim cvetjom ne pravice. Da so oni kak tre bili bi na mejama vu Gorčano, Središčo ili pak Trnovco popevali Odo veselja i držali se za roke. Ali što zna gde so bili i kaj so zdelavali dok je Evropa prehajala prek našega poceka?

Glavni direktor naše Hrvaške televizije Goran Radman je pozabil, vu svojo imovinsko kartico, prijaviti hotela v Bohinjo. O temo več par dni zvonijo vsa hrvaški, a i stranjski zvonci. Zazvedil sam da je on pravzapraf niti ne znal da ima hotela vu Deželi jerbo mo žena gospodari z penezi, pak mo je niti ne ftegnula reči, kak se retko vidijo, da je kupila hotela, a on je več kartico predal. Ne bi vam znal reči je li mo to bodemo mi, očem reči, naša pravna Lejpa naša, štera je med tem vušla v Evropo, priznali da je ne znal ili bode i on odišel po riti k meši kak je odišel jegov kum Željko Rogošič. Najgerek sam je li se ne bode zazvedilo da so jegove i Radmanove mlinice na reki Cetini polek Omiša, štere je herbal, kak se spominajo pre čakoski gracki vuri, od svojega pokojnoga japice. Nek vse dojde vum, na svetlo dneva, pak bodo unda saborniki znali kaj morajo žnjim naprajti!

Pomočnik ministra Marasa, naši međimorskih bregov listek, gospon Štef Koraj, se je vrnul vu Međimorje naše malo i več ne dela v Zagrebo. Ne bodete veruvali, ali niti ovi pre čakoski gracki vuri ne znajo zakaj se je to pravzapraf pripetilo. Ne znati kaj mo se je tej posel zameril ili pak se je on zameril ministro. Je li se je on štel vrnuti ili pak se je moral? A mortik je moral sprazniti doministarsko foteljo jerbo dohaja nešči drugi. Brzčas se bode tu nekaj pripetilo od kak je naš Ivek Perhočov pustil cugle partijske vlasti z rok. A dok maček fkrej gledi unda so miši glavni. Kaj gutse pripetilo, ali Štef nam je znova Čakovčanec.

Znate ono staro pučko: dojdite k nam nas ga ne bode doma! Tak vam je bilo i v nedelo v Čakovco. Došla so nam naša rodbina, Hrvati z Gradišča, šteri so se najavili čuda predi, ali čakoski gracki oci so ne meli čas kaj bi jif bili došli pozdraviti. Gospon Vejnović je skakal, ali neje mogel vse sam. Vsa sreča kaj je gospon Zoki Vidovićov, šteri je još ne pozabil da je bil dogradonačelnik, pak se je on žnjimi pospominal i kak gracki i kak županijski čelnik. Tak mladi, tak se obečuvlejo, a dok treba nekaj naprajti unda ga jif nigdi ne.

Novi mladi čakoski gradonačelnik je došel na vlast i mam so vsi novinari navalili na jega, kak je i red, kaj vsima vu Čakovco, a i okoli, reče kaj kani naprajti za ove prve štiri leti. Verjem da ste i vi zazvedili da ga posla čuda i kak so on i jegovi pajdaši zasukali rukave kak bi vse to bilo čim predi gotovo. Zazvedil sam kak gospon Štef bode odgovarjal i polagal račune Čakovčancima šteri so ga zebrali. Tu sam malo postal i moj črvek me je mam pital: Pak kaj je on ne gradonačelnik vsima Čakovčancima, a nej sam onima, nekaj vejč od pet jezer, šteri so jemo glase dali. Dok je jempot zebrani on je gradonačelnik vsima, pak i Štefančarima, tak da mora polagati račune vsima nama. Mortik je on i tak mislil, ali je čistam drugač rekel.

Par dni predi nek je Evropa došla k nam so se zišli naši i slovenski davatelji oliti darovatelji krvi. Prekontrolerali so čija je krf bole črlena, a i zakopana je ratna sekirka med Janezima i Međimorcima. Kak je bilo bilo je, ali Janezi nam več ne bodo pili krf jerbo smo ve znova sosedi brez meje i ve nas bode, znova, reka Mura spajala, a ne razdvajala. Međimorci so priznali da so se sam Janezi sfadili z nami, a da so jive
Mojce, Špele i Tine održavale dobre odnose z nami Međimorci. Navek nešči mora iti malo naprej pred rudom, a ve se pokazalo da so Mojca, Špela i Tina znale kaj delajo.

Več smo dva tjedne v Evropi i nebremo reči da se je ne ruon nikaj pripetilo. Podražili so cigaretlini, ali to sam onima šteri pušijo. Za nas druge je vse po staromo osim ak smo ne negdi drugdi svoje popušili. To kaj je benzin faleši tri lipe, a nafta dražeša za šest lipi to nema nikše veze z Evropom. Prepoveda se navelikom da bode i struja faleša, ali najte sprobavati jerbo još navek steple.

Udruga Franak je dobila prvo rundo v bitki protiv banki. Bitko so dobili, ali je kraj rata još dauko. No, tre veruvati da se more pobediti. Brzčas je jempot i pravica došla k nam, očem reči, jempot bode nešči i bankarima stal na žulj. Dosti so toga nazobačili, a posebno prek franka, tak da smo jim, bar do ve, mogli sam sol deti na rep, ali pravica se bode jempot skazala. Što preživi, očem reči, doživi.



Zvir:
(Dojdite k nam, mi ne bodemo doma)
http://www.mnovine.hr/novo/index.php?option=com_content&view=category&id=301&Itemid=575 
i(l) str. 56. sim:
http://issuu.com/mnovine/docs/mnovine930i?mode=embed&layout=grey                   i(l) str. 56. sim:
http://www.mnovine.hr/images/pdf/930/mnovine930i.pdf     

* * * * * * * * * * * * * * * * * * * * * * * * * * * * * *

Cari (amici)
Carevi - Dojdi, dojdi Barek (Lijepom našom 2012), 03:11

"Lepum (s)našum" z Trnovca Bartolovečkoga

Carevi - Dojdi, dojdi Barek (Lijepom našom 2012)

[Ljudevit Kaj]

kreativni kajkavci
2013-07-03

Medved i tabu

Pravi razlog kaj več ne poznamo praslavensku reč za Medveda je tie kaj je ta reč bila tabu. Ni se smela zgovoriti, i tak je nestala. Mesto nje je dohajala zamenica "on-ki-jede-meda", medv(j)ed.
Najte kaj budu Kajkavske reči za Vas tabu, zgovarjajte jih puno i često i vu vsaki priliki


Kajkavski je Slavenski jezik, a Slavenski jeziki spadaju pod Indo-Evropske jezike. Z njimi dele puno korienov temeljnih reči, kak n.p.:

■ serdce (korien hr(i)d -heart, Herz)
■ tern (thorn, dorn),
■ isk-ati (ask)
■ zorja (surya-sanskert),
■ voulk (wolf)

No jedna stara važna reč je ni ista. Medved.

Drugi indoevropski jeziki imaju arctos, Arthu(r) (kralj Artur je bil pogansko božanstov Medveda, te je v Krščanstvu ostal sčuvani spomen na njega kak kralja), BeAr, Bär. Vsigdi imamo korien ar-kt, sam v Slavenskim jezikom nekaj zevsema drugač. Pravi razlog kaj več ne poznamo praslavensku reč za Medveda je tie kaj je ta reč bila tabu. Ni se smela zgovoriti, i tak je nestala. Mesto nje je dohajala zamenica "on-ki-jede-meda", medv(j)ed. Očivestno je i medved bil jako božanstvo za Praslavene, tak jako da se njegvo ime ni smelo zgovoriti.

Najte kaj budu Kajkavske reči za Vas tabu, zgovarjajte jih puno i često i vu vsaki priliki I vučite se jih če ste pozabili. Jer budu inače nestale, a zamenice budu štokavske. No slobodno nešče i Kajkavski zna i spomina se na vetom svetu. Jer Štokavski nema monopol na komunikaciju!


Zvir:
https://www.facebook.com/notes/kreativni-kajkavci/medved-i-tabu/681792281838194

* * * * * * * * * * * * * * * * * * * * * * * *

Kud Bistra - Žetva pod Medvednicu goru, 07:03

Kud Bistra - Žetva pod Medvednicu goru

[Ljudevit Kaj]

Varaždinske vesti, br. 3577, 23.07. 2013.

Piše Barica Pahič

KAJ je naše pitanje i naš odgovor

Židovi z Izraela raj na zemlji našli su v Trakoščanu

Se sme spregledeli i tak se duhovno obogatili, a onda i ožejali. Šteli smo se okrepiti v novem hotelu gdi smo bili jedini gosti. Konobar nam je objasnil da je hotel zakupljen na 40 dnevi za Židove z Izraela šteri na tie način obilježavaju 40 liet biblijskega lutanja i iskanja obečane zemlje. Oni su za svoje slavlje raj na zemlji našli v Trakoščanu. Hervati pak ne muoraju iskati obečanu zemlju jer su ju branili čez stolietja i oslobodili od osvajačov. Imame Liepu Našu, same ju treba očistiti od pljačkašov, prevarantov i zločincov i pretvoriti v raj na zemlji za sebe, a nie same za druge. Dal Bog!
 
 
One kaj nas ovih dnevov največ čemeri i hiče f depresiju su viesti o prevarami, krađami i pljačkami. Zeznajemo da se ovie ili onie političar zbogatel na nepošteni način, nieki del milijune na tajne račune, nieki hapil tvornicu, nieki hotel, zelena polja ili livade, a nieki reketaril poštene ljude. Nešterni pak navlečeju črnu štrumfu priek obraza i z oružjem spliendraju peneze. Do nedavne su dežurni plindraši bili same z jene grupacije, bumo rekli stranke, ali se f noveše duoba otkrila nuova plindraška scena za šteru su si znali, a kakti nišče ni znal. Tak zgledi da je v Liepe Naše i nie drukčeši ljudi neg kradljivci, prevaranti, pohlepniki i nasilniki.

 Ima i onieh šterim je na pervom mestu nie bogatstve v imanju neg bogatstve duha, a nekoji su i stvaratelji novih takvih bogatstev. Nedavne je bila godišnja izložba varaždinske udruge likovnih umetnikov štera je bogatstve svega stvaralaštva pokazala javnosti. Pokle je izložba preseljena v Trakoščan. Kak na izložbe v gradu niesem bila, moji prijatelji, obitelj Vlah, štera je, kak bi se vučene rekle, vu to involvierana, pozvali su me da z njimi pogledam kak ta trakoščanska izložba zgledi. Suorganizator je bil “Dvorac Trakošćan” pak smo odišli ravne v dvorec. Ljubezni kustos nam je i objasnil da je izložba v zgrade pod dvorcom. Zahvalni za njegvu ljubaznost, mi sme si razgledali dvorec, a onda sme išli iskat izložbu.

V rečene zgrade je suvenirnica i restoran, a vani stoli i stolci na šterimi su sedeli izletniki, ali od njih nišče ni znal za izložbu jer pred zgradom i nie bile nikakšne obavesti tak da sme skore završili vu WC-u meste na izložbe. Onda smo otprli vrata na kat i razgledeli postav i “Žalosnu Franciku” gospel Nade šteru je službenica bila prie toga sklonila jer je mala pa bi si ju nešče mogel deti v žep. Lake bi se našel i kradljivec za umetnička dela.

Se sme spregledeli i tak se duhovno obogatili, a onda i ožejali. Šteli smo se okrepiti v novem hotelu gdi smo bili jedini gosti. Tam je se nove, moderne; sam glanc i svetlina. Konobar nam je objasnil da je hotel zakupljen na 40 dnevi za Židove z Izraela šteri na tie način obilježavaju 40 liet biblijskega lutanja i iskanja obečane zemlje. Oni su za svoje slavlje raj na zemlji našli v Trakoščanu. Hervati pak ne muoraju iskati obečanu zemlju jer su ju branili čez stolietja i oslobodili od osvajačov. Imame Liepu Našu, same ju treba očistiti od pljačkašov, prevarantov i zločincov i pretvoriti v raj na zemlji za sebe, a nie same za druge. Dal Bog!


Zvir:
http://varazdinske-vijesti.hr/kaj-je-nase-pitanje-i-nas-odgovor/zidovi-z-izraela-raj-na-zemlji-nasli-su-v-trakoscanu.html
i(l)
(str. 21. sim
(vezilo funkcionera morti samo ograničeno vreme)
http://varazdinske-vijesti.hr/pdf/3577.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1         

* * * * * * * * * * * * * * * * * * * * * * * * * * * * * * * * *

Trakoščanci 24.1.2011., 2:53

Trakoščanci 24.1.2011

[Ljudevit Kaj]

Međimurske novine,
e-vundano 22.07.2013.

Premišlavanje Jožeka radnika

Što je ili bode odišel po riti k meši?

Neje ova Evropa štera je, od prvoga juljuša, došla k nam vsima donesla jednako veselje. Još smo se niti ne otreznili od vsih fešti štere so bile, a več so počeli dohajati vsake fele pozivi za naše Međimurce šteri so nekaj zahuzali prek meje Lejpe naše, a ve je to vse v Evropi. Prvi je na red došel Prslavčar Rajko Grkavac, šteroga iščejo z Osterajha. Nejsmo niti znali da je Rajko tiral biznisa i prek meje, ali so ga ovi z Evrope ne pozabili. I još dva Međimurci z Dobrave, štere iščejo Mađari, so z prvim cugom odišli v rešt i to sam zato kaj so konkurerali Evropi i štampali iste peneze kak i ona.

Pomalem bodemo zazvedili kak imamo i mi spametne ljude prinas v Međimorjo šteri so nam šteli pokazati da znajo od čega crkajo muhe v Evropi, ali kak i navek, i tu je međimurska rit došla na evropski šekret.


Vilim Friščić je bil zebrani od naše vlade kaj bode reda delal v našoj bolnici med doktoraj i medicinskaj sestraj. Neje dugo figureral kak spasioc bolnice, neje se još praf niti sel v sanaciski stolec več so ga zmenili i moral se nazaj venuti v Nedelišče otkod je i došel. Unda bode nešči rekel da naša vlada ne vleče vatrogasne poteze? Nejpredi se muhljavo prepravlja i dugo zbira koga bode postajla, a dok to napravi unda, za dva tjedne, vidi da so krivomo čoveko dali cugle vlasti v roke. I kaj se je ve pripetilo v bolnici. Predi je doktor Kopasić bil ravnatel bolnice, a pomagal mo je doktor Horvat, a ve je došla vladina depeša da bode sanaciski upravitelj doktor Horvat, a kak on nebre sam toga posla delati moral bode si nekoga zeti kaj mo pomore. A pitam vas što bi mo mogel bole pomoči od pajdaša i doktora Kopasića, šteri je vpučeni v se kaj se v bolnici delalo vu zadjih štiri - pet let. Kak vidimo i doktorski kotač sreče se obrče jempot v jedno, a drugipot v drugo strano. Ak je ravnatel ili upravitel bolnice opče je kakša sreča v ovim teškim vremenima da ga nega dostik penez. A brez penez je jako teško i v bolnici reda naprajti, jerbo so v bolnici
betežniki šteri furt nekaj nucajo. Oni iščejo sam jedno: očejo nazaj biti zdravi. A to košta, i doktori, i sestrice, i lekeci, i postele, i čistačice, i kuharice.

Neje ova Evropa štera je, od prvoga juljuša, došla k nam vsima donesla jednako veselje. Još smo se niti ne otreznili od vsih fešti štere so bile, a več so počeli dohajati vsake fele pozivi za naše Međimurce šteri so nekaj zahuzali prek meje Lejpe naše, a ve je to vse v Evropi. Prvi je na red došel Prslavčar Rajko Grkavac, šteroga iščejo z Osterajha. Nejsmo niti znali da je Rajko tiral biznisa i prek meje, ali so ga ovi z Evrope ne pozabili. I još dva Međimurci z Dobrave, štere iščejo Mađari, so z prvim cugom odišli v rešt i to sam zato kaj so konkurerali Evropi i štampali iste peneze kak i ona.

Pomalem bodemo zazvedili kak imamo i mi spametne ljude prinas v Međimorjo šteri so nam šteli pokazati da znajo od čega crkajo muhe v Evropi, ali kak i navek, i tu je međimurska rit došla na evropski šekret.

Zazvedilo se zakaj se je, itak, vrnul naš dominister, Štef Korajov, Zagreba dimo. Došel je kaj pomore dečkima vu svojoj firmi, štero je na noge postavlal duže od dvajsti let. Dok sam to povedal dečkima pre čakoski gracki vuri oni so sam mahnuli z rokom i zgombali: Pak je lani odišel v Zagreb kaj pomore svojemo poduzečo! Unda je pomoč bila kaj odide, a ve pak je kaj se vrne.
 
Čakoski gradonačelnik Štef Kovač je na Grackomo večo lejpo vsima rekel, pak i onim neverovanim Tomašima, kak je ne kupil novoga auta nek ga je dobil sam na sprobavanje i to ne kak gradonačelnik nek kak Štef Kovač.

Još je lepo rekel da tak more dobiti auta vsaki Čakovčanec i Međimorec. Kak me je gospon Štef uputil tak sam i ja došel v isti on auto salon i štel sam si zeti isto takšega auta kak Štef, sam malo menšega, ali so me lejpo pitali kaj si ja to zamišljam i kam bi oni došli da bi vsakomo davali auta na sprobavanje. Priznal sam što me je poslal, ali so mi unda iskali partisko knigico i nek dam nekšo moljbo. Čim so zazvedili da nemam knigico i da sam nekša drobna ribica več so ne gubili vreme na mene.

Vsi ljudi šteri se vozijo v Čakovec črez Buzovec so vidli da se popravla falaček ceste odo buzuskoga mosta na Trnavi do buzuske vahte.

Čakoski gradski načelnik je lejpo rekel grackim večnikima, tak so i novinari napisali, da se popravla Preloška vulica, ali pravzapraf je to zadji falaček vulice Tončeka Starčevića. Nekaj si gruntam da bi gradonačelnik moral znati de je štera vulica, a posebno štera se popravla. No, moremo mo, za jempot, oprostiti jerbo mo je zamjenik Mario na urlabo, a on je zadužen za vulice. Pak nebre niti gradonačelnik vse znati, nebre se niti on restrgati.

Kak je čakoski gradonačelnik, gospon Štef Kovač, najavil črez leto bode se naprajlo dubinsko snimanje stanja v vsim ustanovam i grackim poduzečima z šterima hercuje Grad Čakovec. Pitanje je sam dneva da bode respisani gracki natječaj za isporuko aparata za dubinsko snimanje stanja v grackim poduzečima i ustanovama. Još se točno ne zna je li to bode domači ili pak evropski natječaj?

Prepravla se skupna izložba, Grada Čakovca i Županije, na šteroj bodo došli na svetlo dneva mandati direktora grackih i županiskih poduzeča. Najme kaj, čakoski gradonačelnik i međimorski župan so iskali od direktori svojih poduzeča nek jim dajo svoje mandate na raspolaganje i direktori so to naprajli. Ova izložba bode, vsima šteri bodo šteli, pokazala što to gospodari z našimi penezi i našom imovinom. Nekše peneze trte zašparati jerbo znamo da ve župan ima dva zamjenike isto kak i čakoski gradonačelnik, a to košta. Na jednoj strani se mora zašparati ak se oče na drugoj potrošiti jerbo još je navek kriza i penez ga premalo. Vsi znamo da se moremo pokriti sam tuliko kuliko nam je velika plafta.

Naš međimorski GeKa je dobil još jedno presudo i to od Visokoga trgovačkoga soda po šteroj mo je zagrebečka Ingra dužna (za posel v Libiji) platiti nekaj meje od tri milijone dolarov, a i kamate kcoj. Ne bi vam točno znal štera je to več presuda v korist naših međimorskih težakov, ali penezi nikak da dojdejo. To natezanje GeKaja i Ingre več traje duže od dvajsti let, i kuliko vidimo, tu pravica ne bode nigdar došla na svetlo dneva. Dej Božek da sam se fkanil.

Žetva več pomalem ide krajo, a naši poljoprivredni minister nebre nikak zrečunati počim bode seljakima platil kilo pšenice. Tak je vsako leto kaj nejpredi žetva mine unda se cena zračuna dok je pšenica več pospravlena. Jedini šteri ceno za pšenico dajo vum so naši čakoski mlinari. Oni nudijo 105 lipici za kilo (napisal sam v lipaj kaj bode več zgledalo). Nebrem vam reči kak jim šeft ide, ali so se javili naši sosedi z Dežele šteri nudijo 158 lipi za kilo. To jako lepo zgledi sam ne znam kak plačajo, a i kuliko košta foringa do prvoga melina v Deželi.? Seljaki so si navek, bar do ve, znali pregruntati pak, brzčas, niti ve ne bodo zahuzali.


Zvir:
(Što je ili bode odišel po riti k meši?)
http://www.mnovine.hr/novo/index.php?option=com_content&view=category&id=301&Itemid=575   
i(l) str. 56. sim:
http://issuu.com/mnovine/docs/mnovine931i?mode=embed&layout=grey                    i(l) str. 56. sim:
http://www.mnovine.hr/images/pdf/931/mnovine931i.pdf     

* * * * * * * * * * * * * * * * * * * * * * * * * * * * * *

"MEĐIMURSKI LEPI DEČKI / KI SU DEČKI" via Branimir Štulić, 04:05

"MEĐIMURSKI LEPI DEČKI / KI SU DEČKI" via Branimir Štulić   

[Ljudevit Kaj]

Varaždinske vesti, br. 3578, 30.07. 2013.

Piše Barica Pahič

KAJ je naše pitanje i naš odgovor

Vu Hotelu Zagorje siem prognanikem su Zagorci bili pajceki

        Siem prognanikem su Zagorci bili pajceki. S tiem me zbilja raščemerila i tuo ji nemrem oprostiti. I doktorici je dala prezime Pajcek. Najprie sem mislila da je tuo doktoričino prezime kaj mi je bile zbilja čudne. Za takve prezime niesem nigdar čula.
        I otec ji je nestal v ratu. Se je to gerde i jake žalosne. Zbilja mi jih je bile žal. Muorali su gerde stvari preživeti, pretrpeti i potepati se kojkud. I rasplakala sem se nad njimi. Sejene! Kie oče da se za njega ima smilovanja i sam ga muora imeti za druge.

 
Moja znanica se vrnula z morja i donesla mi posujene knige. Rekla je da jih je se prečitala, zahvalila se, ali i prigovorila da su se preveč ozbiljne. Spregledavala je knige po policami pa sme prelistavale “Čudesne građevine svieta”, “UNESCO-ovu kulturnu baštinu”, “Dvorce Hrvatskog zagorja”, monografije o Trakošćanu i varaždinskemu grobju… Bile su ji preteške za nositi doma. Vu tem smo se spominale o knigami i čitanju. Največ je bila nezadovoljna z knjigu “Hotel Zagorje” Ivane Simić Bodružić.

- Zakaj? - pitala sem. - Kaj nemate radi ratne teme ili pak nemate suosečanja z mukami prognanikov? Pogotove Vukovarcov? Pak ta je knjiga par liet bila “hit” i muorali ste ju kupiti če ste ju šteli prečitati. F knižnice nieste mogli dojti na red. Autorica je po nje postala slavna i nagrađivana kniževnica.

- Nemam niš protiv. Pak niesem tak bezosečajna. Same mi se nie dopale kak je prikazala Zagorce. Si odreda su ji grdi i zaostali! Rieč kaj oni niesu šteli ni čuti. Kak se to vupala napisati?

Siem prognanikem su Zagorci bili pajceki. S tiem me zbilja raščemerila i tuo ji nemrem oprostiti. I doktorici je dala prezime Pajcek. Najprie sem mislila da je tuo doktoričino prezime kaj mi je bile zbilja čudne. Za takve prezime niesem nigdar čula. Znate, tak sem bila uvređena da sem mam išla na poštu iskat telefonski imenik da vidim je li takvi prezimen opče ima. A kak je prikazala onu curicu, Veroniku, štera ju je pozvala da ji pokaže zajčeke! Kaj ji nie došlo na pamet da se ona, kak prognanica, vu hotelu more tušierati, a da je pucica siromašna jer ni vode v hiži, pa ni tuša nema. Nje je se na selu smrdele. I zajčeka je vubila. Bedača nie znala da se zajčeka nesme jemati z legla i zvlačiti za vuha. Zamierila mi se njena napuhnjenost i kaj je podcenjivala se siromašne. Jesu bili prognaniki i ostali su bez sega. I otec ji je nestal v ratu. Se je to gerde i jake žalosne. Zbilja mi jih je bile žal. Muorali su gerde stvari preživeti, pretrpeti i potepati se kojkud. I rasplakala sem se nad njimi. Sejene! Kie oče da se za njega ima smilovanja i sam ga muora imeti za druge.

Onda je zastala nad knigu “Božja riječ u promišljanju trenutka” od Bone Zvonimira Šagija.
- Dobila sem ju na dar.
- A vi i to čitate? Kie bi rekel!
 - Zakaj pak ne bi čitala? O sem treba premišljati. Kaj nie tak? I vi ste nafčeni precenjivati prečitane.
- Onda mi i nju posudite - rekla je listajuč knigu. – S tiem se bum odmolila i otkupila za se griehe. Zate kaj sem čitala knige z prostotami. A bilo jih je!


Zvir:
http://varazdinske-vijesti.hr/kaj-je-nase-pitanje-i-nas-odgovor/vu-hotelu-zagorje-siem-prognanikem-su-zagorci-bili-pajceki.html
i(l)
(str. 25. sim
(vezilo funkcionera morti samo ograničeno vreme)
http://varazdinske-vijesti.hr/pdf/3578.pdf
Aktuelni broj VV:
http://varazdinske-vijesti.hr/online/Main.php?MagID=1&MagNo=1         

* * * * * * * * * * * * * * * * * * * * * * * * * * * * * * * * *

Dreletronic - Vumrl Mi Je Pajcek Moj!, 05:29

Dreletronic - Vumrl Mi Je Pajcek Moj!

[Ljudevit Kaj]

Čakajne po čako(v)ski
(Čakovec je dobil ime po vugerskemu grofu Čaku
 Dimitrije ili Dmitar Čak (vugerski Demeter Csák))

* * * * * * * * * * * * * * * * * * * * * * * * * * * *

Međimurske novine,
e-vundano 29.07.2013.

Premišlavanje Jožeka radnika

Čakovčanci so i dale na čekanjo

Minuli petek sam čul na radio da se v Čakovco otpira fabrika štera bode delala šolce i da so joj gazdi v Osterajho. I to je još ne vse, rekli so još da bode v toj fabriki delalo cirka okoli dvestopedeset težakov. Fala dragomo Božeko kaj so i Čakovčanci doživeli kaj se otpre jedna fabrika, a ne kaj se sam zapirajo, gruntal sam si v sebi i počastil sam se z gemištecom. Kakšo srečo je mel Štef Kovačov, stopram se je sel v gradonačelničko foteljo i več otpira fabriko, gruntal sam si dale.Znate da sam mo malo i jalen bil. Morete si misliti kak sam zgledal poparjeni dok sam navečer videl na televiziji da so to fabriko otprli Priločanci. Za jif je to ne nikaj novoga jerbo se tam skorom vsako leto otpre nejmeje jedna fabrika, a Čakovčanci bodo i dale čakali, čakali, čakali.


I policaji kradejo. I to krim policaji. Da čovek ne poverje. On šteri je moral odvračati nas obične smrtnike od toga kaj nej ljucko jemali je sam to napravil. I kaj se unda pripetilo? Kam bo suza nek na oko, pak so tak jegovi pajdaši nabasali na svojega. Mam je dobil otkaza, kak je i red, ali mi nikak nejde v glavo: zakaj je to napravil? Pak nebrem veruvati da so v policiji tak male plače kaj si je moral dopunjavati hižnoga buđeta? Mortik pak ima jako hmanjo ženo, pak je preveč trošil po krčmaj ili pak, nedaj Božek, po kladionicaj i premalo je dimo nosil. Najbrž bi to bilo, hajdigpot je dobavljal pak ga je to poteglo, a ve pak ga je sreča ostajla i moral je negdi namiriti to kaj je zahuzal. Neje zel v pamet da ga je sreča ostajla, pak zato so ga i pajdaši našli z "rokom v pekmezo". Kak smo zazvedili čovek je več bil stareši, mortik je kak policaj bil več i blizo penzije, pak je još ne zazvedil da ne postoji kladionica gde vsi dobavljajo, a i gazda. Takši perpetum mobile je još ne zmišleni.

Došla je na red i državna matura za naše sredjoškolce i sredjoškoljke i tu se mam vidlo što je kuliko delal vu zadje štiri leti, a što pak je lenguzal. Kak i navek jedni so bili bolši, drugi so bili slabeši, a tretji so niti ne prešli na maturi. No, i mi Međimorci smo pokazali kuliko vredimo jerbo je naš Luka Cigler rešil maturu z matematike brez greške. Mogli bi reči još jeden novi Ajnštajn na falačko zemle med dvemi vodami. Vsaka čast Luki, ali ve se doma svadijo jegovi japa i mama na koga je dete? Verjem da se oni bodo dospomenuli, a Luka si je otprl širom vrata Matematičkoga fakulteta i brzčas je to ne zadjipot kaj smo za jega čuli i kaj se je minister za škole štel žnjim upoznati.

Fiskalizacija je sprovedena prinas v Međimorjo vseposot gde je to minister Linič rekel, pak je osvojila i čakoskoga pijaca. Kam god idete i gde god bilo kaj kupuvlete vseposot vam davlejo račune. Vse tak i nikak drugač kak je Slavek rekel. Znal je on da to bode nejpredi v Međimorjo napravleno jerbo smo mi Međimorci bogoboječi ljudi i navek smo bili vekši katoliki od pape. Vse si nekaj gruntam kak bode to prešlo pre našaj Dalmošaj šteri so odnavek jeli kruha brez motike i zobačili penez do šterih so porezniki ne mogli dojti. Najgerek sam kak bodemo mi kak turisti sprehajali i kuliko bodemo računi dobili na debeloj vodi? Još me nekaj gvinta: Je li bodo i ribiči prodavali ribe na brodicaj z računaj? Ili pak bode teh dvesto - tristo kil vsaki den prešlo isto kak i štiri - pet pušlov grincajga na čakoskomo pijaco? Ak več Dalmoši ne sadijo ribe, ne hranijo jif unda bi bar morali nekaj platiti v državno kaso zato kaj hasnujejo naše državno dobro. Brzčas bode Slavek nekaj i za jif zmislil. A mortik je več i je.

Još nekaj neznam kaj se te fiskalizacije dotikavle. Najme kaj, ne bi vam znal reči je li i one fraj žene štere prodavlejo svojo robo, očem reči, ono kaj imajo, pre onim kandelaberima šteri svetijo, je li i one morajo dati račune? A bil bi red, tak da ve morejo i moški doma pokazati račune i kaj se zna gde so pofratili one peneze šteri falijo od plače. No, verjem da se i tu moči dospomenuti za ceno i da je ne za vse cena ista, jerbo tu se nam moškima navek vejč nudi nek moremo zeti. Još si nekaj gruntam, pak to bi morale nekše strašno male kasice kaj zidejo v ženske taškice i ak jiv mi nemamo Japanci so to več zmislili.

Nejsam ruon tak malo na ovomo našemo sveto, vu ovoj Lepoj našoj, ali sam još nigdar, do ve, ne doživel kaj bi struja išla doli. Do ve navek je išla gori. I ne bodete veruvali ve so najempot stručnjaki v državnoj Elektri zračunali da i struja more biti faleša. Kak da se i v jivim glavama vužgala nekša vekša žarulja, pak je računica drugač zišla. Kaj nek rečem na to? Sam to da dok je vrag v sili i muhe žere. Najme kaj, z Evropom so došli i evropski strujači šteri nam nudijo falešo strujo. No, neje to nikša uvozna struja, to je ova ista štera i ve teče po našaj drotaj, ali ve bode faleša. Kuliko vidimo vse se more da se oče sam je i strujačaj nešči moral stati na žulj. Kak bilo da bilo, nam je važno da nam bode nekaj kunici v žepo ostalo.

Ve se pak moči voziti z peciklinom po Čakovco. Tak so rekli mladi čakoski gracki oci, tak so si oni pregruntali da je to jako dobro ili pak nejbolše za vse ljude šteri dojdo v Čakovec. No, ne se smeti voziti po celomo Čakovco samo po pedeset metrov v Štrosmajerovoj vulici, vulici Matice Hrvacke i Katice Zrinski. Skorom sam pozabil, smeti se voziti po parko i po glavnomo trgo. I to se nebrete voziti kak vi očete nego pomalem kaj nej smetali one ljude šteri hodajo pešice. Ve čakamo kaj zazvedimo kak se to tre voziti pomalem. Nej znati što bode dostigel one šteri letijo po glavnoj vulici med decom i starcima i šterima gracki redari morejo sam sol deti na rep, očem reči, zadji blatobran. Jako sam najgerek je li bodo i deca štera se igrajo i skačejo po parko, trgo i ovaj vulicaj po šteraj lečejo peciklini morali plačati kazno kaj smetajo peciklinaj. Doktori velijo da se je jako zdravo voziti z peciklinom, a doktorice da je još zdraveše hodati pešice, pak si vi zberite komo bodete veruvali.

Minuli petek sam čul na radio da se v Čakovco otpira fabrika štera bode delala šolce i da so joj gazdi v Osterajho. I to je još ne vse, rekli so još da bode v toj fabriki delalo cirka okoli dvestopedeset težakov. Fala dragomo Božeko kaj so i Čakovčanci doživeli kaj se otpre jedna fabrika, a ne kaj se sam zapirajo, gruntal sam si v sebi i počastil sam se z gemištecom. Kakšo srečo je mel Štef Kovačov, stopram se je sel v gradonačelničko foteljo i več otpira fabriko, gruntal sam si dale.Znate da sam mo malo i jalen bil. Morete si misliti kak sam zgledal poparjeni dok sam navečer videl na televiziji da so to fabriko otprli Priločanci. Za jif je to ne nikaj novoga jerbo se tam skorom vsako leto otpre nejmeje jedna fabrika, a Čakovčanci bodo i dale čakali, čakali, čakali.


Zvir:
http://www.mnovine.hr/novo/index.php?option=com_content&view=article&id=21068:akovanci-so-i-dale-na-ekanjo&catid=301:joek-radnik&Itemid=575
i(l) str. 56. sim:
http://issuu.com/mnovine/docs/mnovine932i?mode=embed&layout=grey                    i(l) str. 56. sim:
http://www.mnovine.hr/images/pdf/932/mnovine932i.pdf

* * * * * * * * * * * * * * * * * * * * *

Čaukej me čaukej Baurico…

Kavaliri - Baurico - TV Spot, 02:41

Kavaliri - Baurico - TV Spot

[Ljudevit Kaj]

Letne bakanalije: baka-nalije (naleje) vodu v levor

(bakanalije (latinski: bacchanalia) su v grčke (rimske) religije bili festivali vina posvečeni bogu Dionizu (Bakusu)).

* * * * * * * * * * * * * * * * * *

Zagorski list
e-vundano 25.07.2013.

Iz bakine pučke bilježnice

Šte ima peneze, kuplje se vu muoru

" Da bi ti morje...Moj brat je skore vmrl gda se preladil na morju, gda ga je vu čamcu bura vlovila. Skora ga je  silni veter zaliknul i mokroga sega prepuhal i mama je upalu pljuč dobil i ležal je dva tjedne vu bolnice na Sušaku. Je, tuo ti je morje : Fine dok je mirne i tople, a vrag gda se voda digne vu zrak i gda mrzli veter z severa obrne ", klimala je glavom baka nesklona morskim radostima.
 
Piše: Zoran Gregurek


Šte ima peneze, kuplje se vu muoru, a šte nema, doma vu lavuoru. Je, i šte ima peneze,sinek dragi, ima ženjsku krasnu, a šte nema - debelu i masnu. Šte ima peneze, i je finuote sake, a šte nema - same požirake, govorila je naša hraščinska baka Ivka, pučka savjetnica.

A da li su nekad naši stari išli na ljetovanje na more ?

" Jaj, kakve morje ?! Tuo su išli same bogatuni i velikani šteri su plivali vu penezi i šteri su z suobu sluge i sluškinje na morje peljali da ih i tam služiju. Ja kak dijitete i muoja brača jedva sme do potoka došli da bi se okupali, a naši starci nigdar vu životu nijiesu bili na morju. Ja sam prvi put morje vidla gda sme išli z našiem velečasnim na Trsat. Onda sme se i mi pucke išle tracat vu morje. Bile je mrzla voda kak led, ali sme mi senek zašli vu vuodu. Tak sme se nagutali slane vode, da sme saki pokle spili litru malinofca ", prisjećala se baka lijepog izleta i svojeg prvog susreta sa velikim morskim plavetnilom.

Što je baka mislila o moru '

" Da bi ti morje...Moj brat je skore vmrl gda se preladil na morju, gda ga je vu čamcu bura vlovila. Skora ga je  silni veter zaliknul i mokroga sega prepuhal i mama je upalu pljuč dobil i ležal je dva tjedne vu bolnice na Sušaku. Je, tuo ti je morje : Fine dok je mirne i tople, a vrag gda se voda digne vu zrak i gda mrzli veter z severa obrne ", klimala je glavom baka nesklona morskim radostima.

Baka je imala recept za idealan odmor ljeti.

" Ja sam furt vuoljela gore i friški zrak, špancieranje po šume, bijiežanje po trave i kupanje vu kakve slatke vode,vu jezercu ili puotuolu, da te oči ne pečeju gda glediš vu vuode. Onda nekam na klupu ili na deku i raspresteš strošek i vudri po puohanomu čučeku i domačomu paradajzu. Još kupica vina k tome i mama se bu čula pesma.A more naj bu Dalmatincom, šteri po danu spiju i peneze od stranjskih ljudi broje kaj se pri nji kupljeju i daju im konak, a navečer vu klijieti od kamijienja (konoba) ijeju slane črve (ribe) i popijievaju. Nem rekla, pesme su im lijiepe, same kaj ih ja male razmem pak more same za njimi gundrati i cvileti.

O jakomu suncu, kak da si vu šamuotne peči, nem ni govorila, jer tak sunjčece zažar, da se on bijieli kamen vužge. Jedine da legneš vu lad, pod jelu i da piješ njihov črni gemišt bez kisele vode (misli na bevandu) i glediš Dalmatinke ili Dalmatince. Znaš kak se popijieva : Ajde Dalamtinka smeđa, daj namaži mi leđa (smijeh)", zapjevala je na kraju našeg druženja baka.

http://www.zagorje.com/kolumne/pregled/ste-ima-peneze-kuplje-se-vu-muoru-1

Chi non ha “lavora”… = gdo nema levora…

Jadranko će lent(an)o iliti polehko...

Chi non lavora non fa l'amore - Adriano Celentano, 03:06

http://www.youtube.com/watch?v=Cyw9VFK9FCs

Varaždin Jazz band - Međimorje kak si lepo, 03:08

Varaždin Jazz band - Međimorje kak si lepo