HR.KAJ.NĚ? - Lépa naša kajkavska / pregled tisKAJna

[Ljudevit Kaj]

nobody's perfect / snow-body perfect

* * * * * * * * * * * * * * * * * * * *

Zagorski list
e-vundano 14.12.2012.

Dnevnik tate Bena

Vijesti

Of snjeg kaj je sad opal postal je vijest dana. Jer to kaj je snjeg opal je nekaj kaj se do sad nije nigdar dogodilo. Potpuno je neviđeno da h 12. mesecu opadne snjeg....

Piše: Tomislav Benčić


Gledam i poslušam kaj i kak danas zglediju vijesti. Ono kaj je najnormalnija pojava prezentira nam se ko nekakva ekskluziva i kaj ja znam kakve sve ne vijesti. Kad sam ja prije poprilično godina počel delati h medijima među prvim stvarima s terima su me upoznali je izreka „Nije vijest kad pes hgrizne čoveka, nego kad čovek hgrizne pesa.“.

Of snjeg kaj je sad opal postal je vijest dana. Jer to kaj je snjeg opal je nekaj kaj se do sad nije nigdar dogodilo. Potpuno je neviđeno da h 12. mesecu opadne snjeg. Pa se na televizorima padanje snjega prikazuje ko nekakva prelomna vijest, vijest dana i potpuna ekskluziva. I nemrete vjerovati da je največ snjega opalo h Liki i Gorskom Kotaru. A poznato je da u tim krajevima h 12. mesecu svjeti sunce i temperature su oko +40.

Razmel bi da je tam negde na otocima opalo meter snjega pa da je to neka nesvakidašnja pojava, ali kakva je to vijest da po zimi curi snjeg? U redu je da se objavi informacija da bu opalo nekaj snjega, čisto da se zna. Ali delati od toga nekaj nesvakidašnje je po meni totalna glupost. Još na vijestima upozoravaju vozače da se ne peljaju bez zimske opreme. Pa mi nije jasno zakaj ne upozoravaju ljude da ne kradeju ili da ne hbijaju. Kak h zakonu piše da se nesme hbiti ili hkrasti, tak h zakonu piše i da se po zimi nesme voziti bez zimske opreme. I čemu onda svakodnevna upozorenja?

Patricija je h subotu slavila rođendan. Prvo je štela da bu imela feštu pri kljeti, ali s obzirom na vrijeme ipak je slavila doma. Jedino kaj smo onda žena i ja doma smetali. Pa smo se kad su se deca počela skupljati žena i ja smo se hmeknuli na kat k mojima. Tam smo malo bili, ali nam je bilo dosadno, pa sam nazval šogora e bu negde pivu platil. I tak smo, da ne smetamo deci doma, prešli h gostionu na pijaču. I tu je bbila greška. Nakon odlaska na pijaču dal sam se nagovoriti da prejdeno h neku gostionu kaj dela i po noči. Igra živa mužika, ples, i se kaj uz to ide.

Prvo kaj sam tam primjetil da sam ako ne najstariji, onda jako blizu toga. Onda sam skužil da nič od ovoga kaj mužikaši igraju i popevaju meni nije poznato. Ili to nisam do sad čul ili su ono malo takvih pjesmi kaj sam prije čul odigrali tak da nisam razmel da je to to. Jedini način da ne poludim je bil da popijem još teru pijaču, pa mi je po cajtu postalo svejedno. Drugi put kad se bum moral hmeknuti iz hiže nekam, peljam ženu h kino ili na nočno kupanje.


Zvir_
http://www.zagorje.com/kolumne/pregled/dnevnik-tate-bena-vijesti

* * * * * * * * * * * * * * * * * * * *

Terezorožica - Sneguljica
Sneg je beli pokril naše rože - TEREZA KESOVIJA, 03:50

Sneg je beli pokril naše rože - TEREZA KESOVIJA

[Ljudevit Kaj]

Varaždinske vesti, br. 3544, 04.12. 2012.

Piše Barica Pahič


KAJ je naše pitanje i naš odgovor

Publika poštuje one šteri se trude

Recital potvrđuje da vu Varaždinu naviek ima onieh ki su spremni svoj talent, svoju umetninu i svoje vrieme darovati ljudem šteri to znaju ceniti. Veseli publika štera zna pokazati poštovanje za one šteri se i na tem području trudiju da se Varaždin ne ftopi v kulturno mrtvilo.


V subotu, 24. studenoga je v Glazbeni školi vu Varaždinu održan Recital “Senje i meteori”. Svečanost u uveličali mladi glazbeniki z Glazbene škole štera je ustupila prostor za recital. Glumci HNK, Ljiljana Bogojević i Zdenko Brlek liepo su čitali zbrane pesme, predsednica Stručnoga poverenstva Recitala, prof. Ivanka Kunić je informierala o broju autora sudionikov, o tematiki i estetskimi vriednosti poslanih popefki i obrazložila sud o nagrađenimi .

Podeljeno je pet jednak vrednih nagrad. Likovni umetniki, darovatelji svojih ostvarenj podelili su nagrade: Blaženka Šoić–Štebih, Siniša Novak i prije sieh Željko Prstec, onie slikar šteri je Varaždinu pribavil atribut grada anđela, darovatelj slike i ilustrator zbornika z šterim su nagrađeni i si nazočni za svoj dolazak i interes za Recital i pesništvo, a njih je nie bil mali broj. Si su bili zadovoljni, a posebno nagrađeni pesniki. Ali nieje moje da pišem o tem kaj je smisel i doseg Recitala. To bi bil zadatek novinarov.

Precednica Varaždinskoga književnoga društva, Nada Rukav-Bogojević je na začetku svečanosti naglasila je da se potrdilo da su “Senje i meteori” prerasli lokalne okvire i postali opčehrvacki i da VKD ovie recital organiziera v povodu obilježavanja Dana grada Varaždina kak dar siem njegvim ljudem, pogotove oniem šteri nekaj derže do kulture i do pesništva. Nieje sam tak gospon Nazansky, negdašnji Varaždinec o svom špancieranju čez Varaždin napisal:

“Ve se znova med šetače stiščem
po vulicaj sine domovine iščem.”

Našel jih je v preteklosti, verujem da jih ima i denes, a bu jih i v budučnosti.

Recital potvrđuje da vu Varaždinu naviek ima onieh ki su spremni svoj talent, svoju umetninu i svoje vrieme darovati ljudem šteri to znaju ceniti. Veseli publika štera zna pokazati poštovanje za one šteri se i na tem području trudiju da se Varaždin ne ftopi v kulturno mrtvilo. Ali je primečeno da nijeden predstavnik gradskih inštitucij nie Recital počastil svojim zanimanjem. Nek bu i to zapisano.


Zvir:
http://varazdinske-vijesti.hr/kaj-je-nase-pitanje-i-nas-odgovor/
i(l) str. 29 sim
http://varazdinske-vijesti.hr/pdf/3544.pdf

* * * * * * * * * * * * * * * * * * * * * * * *

Ja sem Varaždinec, 01:52

Ja sem Varaždinec

[Ljudevit Kaj]

Međimurske novine,
e-vundato: 11.12.2012.
 

Premišlavanje Jožeka radnika

Vsakomo čoveko, a i ženi, jempot mora biti prvipot

Vsakomo čoveko, a posebno vsakoj ženi jempot mora biti prvipot, tak je i nam Međimorcaj bilo prvipot kaj smo se pobunili protiv ministra za škole i športaše, šteri trenera strogočo nad, ve več bivšom, ravnateljicom čakoske Ekonomske škole, Duškom Novak. Zišli smo se pred školom vsi oni šteri bi šteli kaj bi Duška i dale gospodarila z školom, a to so deca, roditeli, profesori i dostik Čakovčancov i Međimorcov i vsi skupa se prešpancerali do župana kaj ga natiramo kaj se i on još jempot, vu štiri oke, pospomina z svojim partijskim pajdašom Jovanovičom.


Naši sosedi Janezi so znova zbirali precednika svoje male, ali frčne države i posle dva kruge, kak se to i šika velikaj i staraj demokracijaj, zebrali so znova Boruta Pahora. Kak je to i red, na pobjedi so mo čestitali vsi, pak i mi kak jegovi prvi sosedi. Ak so oni nam zapadni sosedi, unda smo mi jim istočni. Čestitala mo je i jegova simpatija gospa Jaca Kosor. On je ve precednik, a ona je sam sabornik. No, ak se po jutro (čitaj: sosedima) den pozna unda se i Jaca bode vrnula vu precedničke dvore (jedne ili druge), pak se bode jiva ljubezen mogla nastaviti i rezgoreti, a unda bode skončaje vu Briselo. Najte nigdar reči, nigdar, jerbo denes je vse mogoče. Ak nej ruon denes unda ,malo zutra.

Janezi vseposot štrajkajo protiv vsega, a nejvejč protiv politike, očem reči, protiv nevole i vuterske štera se zove Evropa, a mi se nebremo fčakati kaj nam tua ista Evropa otpre svoja vrata, očem reči, reširi krila i kaj mi dojdemo nutri kak piceki pod kvočko. Grkljani, Mađari, Bugari, Romani, Portugalci, Španjolci, Talijani, Janezi… cvilijo kak jim je hudo, ali mi Hrvati smo čist nekaj drugo, mi smo nejčudneše raslinje na ovoj kugli zemaljskoj i jedino nam bode v Evropi bole nek nam je do ve. A ve nam je hudo i to tak kaj nam huje nebre biti, hudo nam je tak kaj cvilimo i Evropa nas bode spasila makar je do ve još nikoga ne. Brzčas je tak, jempot joj mora biti prvipot.

Vsakomo čoveko, a posebno vsakoj ženi jempot mora biti prvipot, tak je i nam Međimorcaj bilo prvipot kaj smo se pobunili protiv ministra za škole i športaše, šteri trenera strogočo nad, ve več bivšom, ravnateljicom čakoske Ekonomske škole, Duškom Novak. Zišli smo se pred školom vsi oni šteri bi šteli kaj bi Duška i dale gospodarila z školom, a to so deca, roditeli, profesori i dostik Čakovčancov i Međimorcov i vsi skupa se prešpancerali do župana kaj ga natiramo kaj se i on još jempot, vu štiri oke, pospomina z svojim partijskim pajdašom. Vsi smo mi ljudi, vsi mi grešimo vu svojemo poslo sam jeni to vupamo priznati,a drugi nej. Brzčas i ministri delajo vekše i menše grehe, a verjem da niti minmistro Jovanovičo ne bi pala las z glave gda bi priznal da se je malo zaletel kaj se dotikavle ravnatelice Duške. Sam je štela pomoči deci kaj si nekše škole zbavijo i ve je završila na vulici.

Navučiteli i profesori so štrajkali. Nejso so vsi, ali velijo gda je štrajk uspel. Deca so se ne nikaj bunila kaj so morali doma ostati, a podvorniki po školaj so se ne odazvali štrajko. Ministro Jovanovičo se nuše fotelja, tak bar velijo sindikalci i prosvetari. Ak to vse bode onak završilo kak prosvetari očejo unda bode i minister Jovanovič završil na vulici. Mortik se tam zide i z našom Duškom.

Županiski večniki so donesli novoga proračuna za novo 2013. leto. Leto je još ne došlo na vlast,a več vu županovoj kasi fali četrdeset milijonov. Tak bar velijo hadezeovci, a oni so nejjakši oporbeni igrači pak jim tre veruvati.

No, ne razmem zakaj se maše z temaj milijonaj šteri falijo gda se zna da je županova partiska pajdašica, Dragica Zgrebec, glavna vu državnomo odboro za peneze, a i potprecednica Sabora, tak da se tej manjak da včasi zglihati. A morate priznati, skupa z menom, da je to, vu denešje vreme, nej mačji kašelj. Ve ne moramo loberati jerbo so državni penezi gospi Dragici v rokaj i zato je župan tak jaki i siguren vu sebe. Kak da je v Grčki, a ne v Kumrovco, završil političke škole. Verjem gda vam je poznato da Grkljani sam trošijo peneze štere so nigdar nej zaslužili, a unda dojde gospa Merkel i donese zajma, šteroga nej tre vrnuti, i žnjim zakrpa vse lukje vu grčkoj državnoj kasi. Ona izreka štero so nucali naši stareši: „Dužen si kak Grčka“ več nedrži vodo jerbo so si Grkljani našli sponzora.

Sponzora si je našel i Grad Čakovec dok je donašal odluko gda bode delal kanalizacijo vu selima Dravskoga bazena. Najme kaj, tak se z skupnom conom zovejo Kuršanec, Šandorovec, Totovec i Novo Selo na Dravi. A sponzori so opčina Nedelišče i Grad Prilok. Kak je to lepo, v denešje vreme, meti tak dobre sosede šteri ti pomažejo vroče kalampere z ogja vum jemati. Prosim vas lejpo što denes more najti žiranta za zajam osim političarov? Što? Nišči! Gracki večniki so se složili gda tre ljudima polek Drave kanalizacija i to jednoglasno. Na Vječo so bili i precedniki Mesnih odborov, šteri so več na leta štečili to kanalizacijo i oni so se, na vse zadje, zafalili gradonačelniko kaj bodo dobili kanalizacijo, a on je nej niti glasal. I nej sam to, puce z evropske banke, štera bo dala zajma, so priznale da se je vse žnjimi dospomenul gospon Zorčec z Međimorskih vodi. Isto tak se je gospon Zoki vse dospomenul z dečkima vu Hrvackaj vodaj, šteri bodo vračali zajma, a jedini pofaljeni je bil gradonačelnik. Vidite kak je to, jedni delajo, a drugi pobirajo vrhje. No, kaj nebo zišlo gda je gradonačelnik nej ruon nikaj napravil, on se pobrigal kaj bode voda v Čakovco dražeša za jedno kuno, tak kaj se i tu nekaj penez nabere za to novo kanalizacijo. Jedni bodo dobili kanalizacijo, drugi bodo pobrali lovorike, tretji bodo zajma vrnuli, a četrti bodo pili dražešo vodo. Vsaki nekaj!

Vsako čudo tri dni traje, tak i poplava vu Puščinaj. Gde ste več ve nekoga čuli kaj se nekaj spomina o poplavi i ak se spomina to je tak kak gda bi se spominali o lanjskom snego. Nakon dugoga i teškoga betega ipak smo uspeli zazvediti kuliko je nevole i kvara voda donesla ili odnesla Puščinčaraj. Županijski stručnjaki so nam rekli gda je to cirka dvajstidva milijonaikuni. Nebrem veruvati da je tak velika voda tak malo kvara naprajla? A pol sela je bilo pod vodom? Da si čovek malo bole pregrunta: Pak tuliko, ak nej i vejč, košta vila jednoga malo slabešega tajkuna. Za Puščinčare se hrvaška Vlada nikaj ne briga, niti minister za vode, a niti pak Hrvaške vode. Lejpo pitam vas i sebe: A kaj bi bilo da je Trnovec bil pod vodom? Vsi bi čas meli i letali okoli kak z križecom. Najte me krivo razmeti,: mi smo si odnavek bili zdobra z Hrvatima, a oni z nami?


Zvir:
http://www.mnovine.biz/novo/index.php?option=com_content&view=article&id=15502:vsakomo-oveko-a-i-eni-jempot-mora-biti-prvipot&catid=301:joek-radnik&Itemid=575
i(l) str. 56 sim:
http://issuu.com/mnovine/docs/mnovine900i?mode=embed&layout=grey 
i(l) str.sim:
http://www.mnovine.biz/images/pdf/900/mnovine900i.pdf

* * * * * * * * * * * * * * * * * * * * * * * * * * * *

ŽENA IDE NA GOSTI + tekst, 02:08

ŽENA IDE NA GOSTI + tekst

[Ljudevit Kaj]

Varaždinske vesti, br. 3545, 11.12. 2012.

Piše Barica Pahič


KAJ je naše pitanje i naš odgovor

I v kulturi se mora iti dalje

Vu semu tomu se zmislim i na negdašnje dogajanje v denešnje kavane “Grofica Marica” štera je dobila barokni štih i de su bile organizierane glazbeno pesničke večeri štere su  tu dobro pasale i imale stalnu viernu publiku.


Naše je doba teško, a življenje nesigurno, ali mora iti dalje. Pa i v kulture. Zaredale su nove kazališne predstave,  otpiraju se izložbe slik, v studenomu se slavi se Dan knjige pa sakoga četrtka imamo i književne večeri na štere se odzivlje još naviek pristojan broj zainteresierane publike. Po tomu se vidi da vu Varaždinu ni zavladalo kulturno mrtvilo.

Vu semu tomu se zmislim i na negdašnje dogajanje v denešnje kavane “Grofica Marica” štera je dobila barokni štih i de su bile organizierane glazbeno pesničke večeri štere su  tu dobro pasale i imale stalnu viernu publiku. Nastupali su tu varaždinski pesniki, pevalci; i profesori i školarci z Glazbene škole, pevački amateri i poneko kulturno umetničko društvo iz oklice grada. A to je dogajanje osmislila i največ put vodila gospa Ružica Juras, štera je inicierala i nekšna druga zbivanja pa  i Klub za starije osobe. On još deluje v Domu za starije i nemoćne i sakoga meseca organiziera zabavne večeri na šterimi se i popeva i čitaju popefke, ali se i dugo tanca.

Jasno da tancaju same oni šteri su nie nemočni. Treba videti  kak se ljudi z trejče dobi obrču i vrte na takte melodij z svoje mladosti, a med njimi i viečno mlada Ružica. Ona je i članica Varaždinskoga književnog društva, a piše pesme na kajkafščini i na standardu, f novo vrieme i haikue. Ima objavljene pesničke zbirke “Srce u pjesmi”, “Školjka” i “Zrnca ljubavi” i knjigu zapamčenja, pod naslovom “Rukom pod ruku”. Čujem da je za vrieme Špancirfesta imiela nezgodu i da se još rehabilitiera. Želim ji da se brzo oporavi i stane na svoje noge, pa i zatanca. Nek se ne da. A za kraj i četri njene haiku pesme na kajkavščini. Kaj velite na tu kombinaciju? 


Nebo se nigdar
ne spusti na zemlu.
Preveč je vragov.

* * * * * * * *

Najlepši cvetek
vu našemu srcu raste.
Z lubavi zalevan.

* * * * * * * *

Na vrhu brega
sama cerkva se svetli.
Hudiče tera.

* * * * * * * *

Zernca lubavi
vriede puno več
od sega blaga.


Zvir:
http://varazdinske-vijesti.hr/kaj-je-nase-pitanje-i-nas-odgovor/i-v-kulturi-se-mora-iti-dalje.html
i(l) str. 21 sim:
http://varazdinske-vijesti.hr/pdf/3545.pdf

* * * * * * * * * * * * * * * * * * * * * * * * * * * * * * * *

Emmerich Kalman: Grofica Marica (2003): Dolazak baruna Kolomana Župana (00.00-04:30) /Hajd'mo u Varaždin (04:30 – 06:28)

Sandra Bagaričova kak Grofica Marica i Vid Balog kak barûn Koloman Župan v poznâte operete Emmericha Imre Kalmana.

Grofica Marica najavlujě zârukě z zmišlenem barûnom Kolomanom Županom kak bi sě réšila dosadne vudvarâčov, no stvari sě zakomplicéraju da nenâdano dohâja prâvi istoimeni barûn, Mađâr z Varaždina, teri jě v novina prečital o svem zârukam.

Silvesterska (i)zvedba 31. prosinca 2003, zagrebečko kazališčě 'Komedija'.
Redatel: Vladek Štefančičov (Vlado Štefančić)


Emmerich Kalman: Grofica Marica (2003): Dolazak baruna Kolomana Župana /Hajd'mo u Varaždin

[Ljudevit Kaj]

Zagorski list
e-vundano 26.12.2012.

Iz bakine pučke bilježnice

Na Štiefanje čestitar treba trde sedeti

„Saka čast deklicam, ali na Štiefanje, gda se hodi vu čestitare jer je na Božič saki pošten čovek doma, prvi treba duojti čestitati dečec. Veli se da tuo donaša sreču.”

Piše:Zoran Gregurek


Gda na Štiefanje k hiži duojde čestitar čestitati Božič, njega treba obavezne posesti i trieba lijiepe reči dečecu da muora čvrste sesti na stolec. Jer ake on čvrste sedne, druge lete budu iste tak čvrste i strpljive kokoši na jajci sedele i bude zdravih piščancof, purekof, guskic i racekof – govorila je naša hraščinska baka Ivka svakog Božića.

A zašto se spominju  samo „dečeci“ kao čestitari, zašto ne i „pucice“, pitali smo baku.

„Saka čast deklicam, ali na Štiefanje, gda se hodi vu čestitare jer je na Božič saki pošten čovek doma, prvi treba duojti čestitati dečec. Veli se da tuo donaša sreču. Deklice duojdu gda znaju da je njihof brat, rođak ili sused več bil pri dedeku i babice, ili tecu i tece, vujcu i vujne, i one z materju i ocem ideju čestitat populdan. Takof je red i toga sme se furt držali. A gda ti pucka slučajne prva vu hižu vliezne na Štiefanje, niš je nesmete na žal reči, ni špuotati ju, nek je sam namegnuti da duojde pokle i da si nikak ne sedne na meste rezervijierane za dečeca – čestitara. Kaj buš, mi sme ti žejnske furt na drugomu mestu„, smijala se starica.

Čime nagraditi čestitare?

„Dati mu peneze, tuo saki najrajši primlje. Če več nije penez pri hiži, nije tuo sramota ni grijieh, onda se čestitaru poda cukor, jabuka ili kolač. Same je za takve dane furt triba prišparati koji dinar. Čez lete trieba pribirati i želiezne peneze šteri se vu obliku križa na Badnjak poslažu po stuolu. Oni pak ideju buogcom šteri se čez božične dane navrnu k hiži. Njih niti za Majku Buožu ne tirati z hiži vun, tuo je velika nesreča. Ne daj Buog da te buogec šteri je najpotrebeši i dragom Bogeku blizek prekune ili ti zlo zamoli... Tuo ni sveta voda ne opere... Buogca za Božič nadari, naječ i napoji kak da ti je župnik vu hižu došel. Naj delati razliku i buš videl kak ti se bu ta duobruta stuput više vrnule naredne lete“, savjetovala je baka i polako otvorila ormar u potrazi za haljinom „na ruožice“,koji je oblačila na Božič.


Zvir:
http://www.zagorje.com/kolumne/pregled/iz-bakine-pucke-biljeznice-na-stiefanje-cestitar-treba-trde-sedeti

Pristupete verni – Zbor mlade sv. Štefa prvomučenika
Pristupite vjerni-zbor mladih Svetog Stjepana prvomučenika, 01:32
http://www.youtube.com/watch?v=79DDZF-uReA

Singrlice Božić u Ciboni, 03:39
Singrlice „Štefanje" (skladba: Siniša Leopold)
„Božič v Cibone", 26.12.2011., izraven prenos HRT 2
www.singrlice.hr

Singrlice Božić u Ciboni

[Ljudevit Kaj]

Občina Vinica: Blagoslov vina na Ivajne

Božečje (Božično) vreme obiluje mnogem običajem teri  zafalujuč entuzijazmu pojedincov senako nabuju pozableni. Jen od običajov veže se z blagdanom sv. Ivana  ev. gda se od davnin  v Vinički kraji nosilo  mlado vino  na blagoslov. Vudruga vinogradarov „Vinea“ z Vinice oživela je ov običaj ter  več nekuliko let za redom organizera  blagoslov vina za se vinogradare. Tak je vinički župnik, prečasni Valent Posavec, v župne cirkve Sv. Marka za se vinogradare služil svetu  mešu ter  blagoslovil vina tera su donesli vinogradari. Naime, običaj nalaže  da vinogradari  donose  vino  v mejnem, prigodnem flašam, obavezno vukrašenem hrvatskum trobojnicum. Gda se vrnu domom,  v saki se lajt (bedejn) vleje malo blagoslovlenoga  vina kak bi se vino  čuvalo od  „kvarejna“,  a preporuča se i da saki od družine popije guk vina kak bi se očuvalo zdravje.
Posle meše i blagoslova vina, vinogradari  su priredili i prigodni domjenek ter pozvali se na zajedničko družejne v Pastoralni center.

Treba je naglasiti da Vudruga vinogradarov „Vinea“ neguje  i druge običaje vezane  vuz  ostale tzv. „vinogradarske svece“  pa se tak prigodno obiležavaju  svetki (blagdani) Sv. Vinka, Sv. Martina ter Sv. Lovre z čem člani aktivno doprinašaju očuvajnu tradicijskoga nasleđa i  etnografske baščine ovoga kraja
www.vinica.hr

http://www.varazdinska-zupanija.hr/index.php/novosti/iz-gradova-i-opcina/7785-iz-gradova-i-opcina/3042-opina-vinica-blagoslov-vina-na-ivanje-.html

* * * * * * * * * *

Pijmo brati vince, 01:52

Pijmo brati vince

[Ljudevit Kaj]

Božečji (Božični) dani v negdašne turopolske obitelske zadruge

         Drugi dan iza Bogeka (Božiča) (26. prosinca) na Štefajne dan je slavla i čestitajna sem Štefem (Stjepanem). Na-te den ne bilo poldešne meše v župne cirkve v Vukovine, neg samo v selu Kuče. Tu je velečasni išel "z križecom" iliti blagoslivlat iže. Večina Buševčanov pa i Kovačeviči na te den na federne kola (kojnskem zapregam) išla je masovno na poldešnu mešu iliti poldanicu v susednu župu Peščenica, a mejni broj v Kuče.
         Obično te den održavali su se "bali" iliti zabava v jene od bertiji v Buševcu.

        Na "Ivanuše" iliti dan sv. Ivca (Ivana) evanđelista (27. prosinca) gospodar zadruge znašal bi slamu van z iže. Od te slame delal bi mala povresla (zamotaje) i omatal je kak prstene oko debla vočki v veruvajnu da bu ova blagoslovlena slama štitila vočke od betega i kletu jem dala plodnost.
         I v štalu pred krave stavilo bi se malo te slame kak dar. Tak je čista soba dočekala velečasnoga i blagoslov iž.

         28. prosinca na Herodoševo ili, kak bi povedali po domači, "Rodoševo" iliti Dan nevine dečice, dečki bi išli z šibami po selu "z Rodošom" tam de su bile dekle i deklice, simbolički bi je vudrili šibum. Dečki bi daruvali sve zebranice jabukami. Na-te den išlo se k meše v Mraclin de je velečasni išel blagoslivlat iže. Buševčani su večinum išli peški. Mraclinski dečki znali su čekati dekle na putu pri cirkve i šibami lehko vudriti splašene zamušne dekle.


Zvir:
http://www.forumgorica.com/tradicija/zivlejne-v-turopolske-obitelske-zadruge/msg40523/#msg40523

http://www.forumgorica.com/tradicija/zivlejne-v-turopolske-obitelske-zadruge/msg40524/#msg40524

* * * * * * * * * * * * * * * * * * * * * * * * * * * * * * * * * * * * * * * *

Jen dan v turopolske zadruge
Jedan dan u turopoljskoj zadruzi (1933), 24:47

Jedan dan u turopoljskoj zadruzi (1933)

[Ljudevit Kaj]

Zagorski list br. 271. / 24.12.2008.  (papérnato izdâjně)

IZ BAKINE PUČKE BILJEŽNICE

Na Nevinu dečicu se rodbina šiba

Piše: Zoran Gregurek

Između Božića i Nove godine smjestio se blagdan Nevine dječice, koji se slavi 28. prosinca, i na koji se  nekim dijelovima Zagorja  provodio običaj koji je danas  već  podosta zaboravljen.  No, i o njemu je znala naša hraščinska baka Ivka,  koja je pučku «tematiku»  imala u malome prstu.              

- Na Nevinu dečicu, deca su obilazila svoju rodbinu i susede z šibami i pruti vu rukami. Gda su došli vu nižu, mam bi prešli na posel: se bi  vu hiži početi šibati po noga,  kak mlade, tak i najstarejše. Tuo su delali meste da ih košuju jer se te dan tak čestitale. Veruvale se ak se šiba i na Nevinu dečicu, da budu dece i stari druge lete i da nikakva bolest ne imiela vlast nad njimi – govorila je baka. A čestitari - šibari,  nisu dobili zauzvrat batine.


Nastavek:
http://www.forumgorica.com/kajkavski/hr-kaj-ne-lepa-nasa-kajkavska-tiskajne/msg8508/#msg8508 

* * * * * * * * * * * * * * * * * * * * * * * * * * * * * * * * * * * * * * * *

KUD"Sveta Ana"Odranski obrež,Zagreb : Vudri noga zutra nebu toga (iz Turopolja) , 07:47

KUD"Sveta Ana"Odranski obrež,Zagreb : Vudri noga zutra nebu toga (iz Turopolja)
 

[Ljudevit Kaj]

Međimurske novine
e-vundano 2012-12-17

Jožek radnik

Što nam je kriv kaj slabo računamo?

Bojan Jambrošić je bil nejbolši na našemo Međimorskomo festivalo zabavnih pesmi, šteri je bil održani vu čakoski šporcki dvorani pred kraj minuloga meseca. Ne bi štel preveč faliti Bojana, ali ak vam rečem da je bil bolši od Nede Ukraden i od našega Žige unda sam vam vse rekel. Bojan se prvipot pojavil pred publikom otkak je skaleral, očem reči, od da je bil na djeti i hitil je doli skorom tridesti kil.

Piše: Jožek radnik

Kaj ne bode zišlo da je naša Vlada gljuha i kak nema sluha za nevole štere so se pripetile nam Međimorcaj, očem reči, našaj Puščinčaraj, štere je poplajla Drava, minister Linič je, negdi vu štomfaj, našel nekše skrite penez i poslal je nekaj malo vejč od dva milijone kuni za Puščine, ali je vu isto vreme za poplavlene Zagorce poslal čistam malo meje od tri milijone kuni. Nej znati je li so naši sosedi Zagorci meli vejč vode ili je jiva voda bila globleša, ali so oni naračunali vekšega kvara i dobili so vejč penez. No, pustimo Zagorce i obrnimo se k našoj nevoli. Najme kaj, naši županijski stručnjaki za poplave so naračunali kvara cirka dvajsti dva milijone , a dobili smo deset procentov. Kaj reči, pak smo mi nej brodogradilište Viktor Lenac, šterima je več tripot (nejmeje) potonul brod i dobili so čuda vekše peneze nek smo mi i iskali. A kajbi nam mam dali peneze, pak je to stopram prva poplava na tomo hataro i Puščinčari so stopram prvipot plavali, a vsi znamo da do tripot Božek pomaže, a posle je na redo Vlada. Zato je i rezrovani šanec v Puščinaj nej našel svoje mesto vu državnomo proračunu za 2013. leto! Što nam je kriv kaj smo si nej zdobra z ovima šteri držijo cugle vlasti i državno kaso vu svojaj rokaj. Dok sam tak bajal na naše državne političare, čula me je soseda Franca, pak mi je rekla: Dej ftihni več jempot, kaj očeš kaj te Linič čuje, pak niti to ne bo poslal kaj je kanil? Mortik ima ona praf. Što je nam Međimorcaj kriv kaj smo bogoboječi, pak smo navek stiha i zadovoljni smo z droptijom štero nam ovi v Zagrebo puščajo z vladinoga stola? Što, ak nej mi sami?

Kaj si vi gruntate: po čemo je poznato Središče na Muri? Negda je to bil grad rudarov, a denes građevinarov, a i ima nejjakšega, očem reči, nejžmehkešega varoškoga načelnika. No, moramo deti roko na srce i priznati da ga nejga Jožija Švendovoga i jegovoga poduzeča Team več se ne bi niti znalo da so negda Serjančari bili rudari i kopali vuglena. Sam dragi Božek ga je poslal v Središče i kaj je tam zafremal svojo fabriko i zato denes vsi stranjski šteri dojdejo v Središče morejo videti gde je negda bil rudnik vuglena i kak je to negda zgledalo da so stari Serjančari rovali pod zemljom i na svetlo dneva vlekli ono kaj so nakopali. I to je još ne vse kaj se dotikavle Serjančarov.Završili so šetnico, a to vam je steza za španceranje. Dok je ne bila gotova furt so spituvali i hodali glet da bode, več jempot, gotova, a ve da jo imajo preveč jo ne nucajo, tak da se skorom nišči ne špancera. To vam je isto tak kak gda je došel čovek v Međimorsko banko, mam posle kak je odišla za sneho v Privredno banko, i iskal je, mlado i fajno puco na šaltero, nek mo da jegovih sto jezerač kuni. Dok mo jiv je ona nabrojila i dela na pult, unda joj je rekel nek jiv dene nazaj, jerbo je sam štel videti je li so još navek tu. Tak je i šetnicom, dok jo Serjančari vidijo da je tu opče jo več ne nucajo!

Lepo so se čakoski  i priločki gracki načelniki dospomenuli da bode Prilok sponzor (nešterni jalnoši velijo sponzoruša, kaj god to značilo) za čakosko gracko kanalizacijo po selima Dravskoga bazena. Vsi čakoski i priločki vječniki so bili za to, sam je gospon Jura Deladijo bil protiv. On se briga za priločko gracko kaso kaj ne bi i sponzori morali nekaj dati z svojega žepa. Brzčas Jura ima praf, pak sponzori so navek plačali, a ve pak so se dospomenuli kaj bode Prilok sam dal moralno podrško Čakovco kaj napravi to kanalizacijo. Prosim vas lejpo, pak što si bode pomagal, ak si ne bodo sosedi. A sosedaj se mora i nareč veruvati!

Minuli tjeden sam vam pripovedal o temo kak so županijski vječniki zglasali proračuna za leto pred nami i kak župano več ve fali 40 milijonov kuni ak bode štel naprajti vse ono kaj je splaneral. Neje mo lefko, makar bode hercuval sam do majuša, do novih izborov, ali do unda tre zdržati. Mortik sam ga zato videl vu poslovnici Lota gde je plačal celi pušlek listekov. Ima on praf, ak igra more i dobiti, a ako pak dobi unda more z temaj penezaj zakrpati bar nešterne luknje vu županijski kasi. Kak velijo naši stareši: sreča je na strani onih šteri imajo vupeše, a kuliko vidimo, Ivek je stal prvoga koraka prema sreči. Mortik bo mel srečo, pak ga ona prepozna.

Verjem da znate ono izreko z Biblije, kak bi to rekel precednik Milanović, što se za mač lovi od jega i pogine. Tak vam je zišel i Ivek Perhočov, prvi čovek međimorskih esdepeovcov. On je uvel demokracijo vu stranko, očem reči,  dal je vsakomo pravo kaj more misliti i reči kaj oče i to ga je koštalo glave. Odišel je po riti k meši jerbo so esdepeovci počeli misliti, a kaj mislijo so rekli dok so kak kandidata za župana zebrali mladoga Deana Hunjadija, šteri je ve načelnik svetomarske opčine. Gda je Ivek gledal Sulejmana unda bi znal gda je Veličanstveni ne daval svojima prevelike slobode. Niti v haremo.

Nebrem veruvati da je to kaj si gospon Zorčec, glavni međimorski vodovodač, kupuvle novoga auta i to polovnoga, vijest za prvo stranico jednih međimorskih novin. I nej sam to, čudni so ftiči tej novinari: dok je gospon Zorčec zrihtal kanalizacijo Dravskoga bazena, prek Evropske banke i Hrvackih vodi, štera vredi ili košta, prek deset milijonov eurov, unda je o tomo, vu temaj istaj novinaj, pisalo par redi i to na osmoj stranici, a ve da si kupuvle polovnoga auta na mesto onoga šteri se mo je ftopil vu Puščinaj, unda se za to potroši pol stranice novin. Nej znati z čim je gospon Zorčec zadužil te novinare kaj so mo dali tulikšega placa? Ili je prihvatil mojega predloga, pak se, ipak, kani kandiderati za župana?

Bojan Jambrošić je bil nejbolši na našemo Međimorskomo festivalo zabavnih pesmi, šteri je bil održani vu čakoski šporcki dvorani pred kraj minuloga meseca. Ne bi štel preveč faliti Bojana, ali ak vam rečem da je bil bolši od Nede Ukraden i od našega Žige unda sam vam vse rekel. Bojan se prvipot pojavil pred publikom otkak je skaleral, očem reči, od da je bil na djeti i hitil je doli skorom tridesti kil. Morem vam reči da je ženska publika to mam v pamet zela i zato je nej nikaj čudno bilo kaj so ga mlade puce nagajale. Pak gda ga bodo ak ne ve dok je v nejjakšim letima i jako fajno popevle. A, kuliko vidimo i čujemo, dober glas se, još navek, jako dauko čuje!


Zvir:
http://www.mnovine.biz/novo/index.php?option=com_content&view=article&id=15565:to-nam-je-kriv-kaj-slabo-raunamo&catid=301:joek-radnik&Itemid=575

* * * * * * * * * * * * * * * * * * * * * * * * * * * * * *

Bojan Jambrošić - Zgublene zorje, Krapina 2011, 03:31

Bojan Jambrošić - Zgublene zorje, Krapina 2011

[Ljudevit Kaj]

Zagorski list,
e-vundano 29.12.2012.

Dnevnik tate Bena

Blagdanska spajanja

Kak se bliži Nova godina tak velika večina vas več zna gde bude ju dočakala. Nešči bu išel h nekakvu gostionu, nešči bu doma pri sebi ili pri nekom drugom, a nešči bu posjetil i neki doček na otvorenom. Normalno je da čoveka teri još nije odlučil gde bu dočakal Novo ljeto interesira gde se kaj nudi
 
Piše:Tomislav Benčić   


Ko povlaštena klasa državnih službenika zamislil sam si kak bi bilo dobro da od drugog tjedna pa do kraja godine prejdem na godišnji. Iskoristil bi samo 4 dana, a doma bi bil cjelih 11. Kak. Zel si bi slobodno na Badnjak, pa je onda Božić i Štefanje kaj su neradni dani, po slobodno u četvrtak i petak, pa dojde vikend i još slobodno drugi ponedjeljak, pa je Novo ljeto.

I kad se tome pribroji još vikend prije Božića zide se skupa 11 dana. Iako z matematiku h školi nisam imel problema, ispalo je da loše računam. Ipak bum nekaj spojil. Delam na Badnjak, na Božić i na Štefanje. Da ne ispadne kak ja nemrem nič spojiti.

H zadnje vrijeme se intenzivno pripoveda o smaku svijeta. S obzirom da ovo čitate smak svijeta se nije dogodil. Ipak budite bez brige za koju godinu buju zmislili još nekakav smak svijeta pa se bute opet mogli o tome spominati.

Neki dan sam imel tehničkih problema s televizijom prek telefona i bil sam osuđen na onih par programa kaj se emitiraju prek odašiljača na Sljemenu. I došel sam do zaključka da ljudi teri nemaju nekakvu televiziju prek telefona ili satelita zbilja nemaju kaj drugo gledeti osim raznih sapunica. Kam god da sam prešaltal samo te serije. Pa moreš birati e hočeš gledeti naše ili turske, da ne ispadne kak nema izbora.

Več sam se bil zabrinul da na nekoj od naših televizija sad ovih dana nišči ne prikazal „Sam u kući“. I ozbiljno sam se zabrinul. Kak je to moguče? Međutim ispalo je da bu ko i svake godine serijal navedenih filmova ipak emitiran na jednoj televiziji. Kolko sam videl prva tri nastavka budeju.

Kak se bliži Nova godina tak velika večina vas več zna gde bude ju dočakala. Nešči bu išel h nekakvu gostionu, nešči bu doma pri sebi ili pri nekom drugom, a nešči bu posjetil i neki doček na otvorenom. Normalno je da čoveka teri još nije odlučil gde bu dočakal Novo ljeto interesira gde se kaj nudi. A ponude ima.

Razne gostione koje držiju do sebe imaju internetske stranice i na njima se več neko vrijeme more videti ponuda za doček. Od toga kaj bu za jesti pa do toga gdo bu igral. S obzirom na stanje proračuna doma žena i ja nismo u mogučnosti izdvojiti sredstva za takav doček. Pa nam ostaju druge dvije mogučnosti. Doma ili nekam na otvoreno. Pod nekam na otvoreno mislim na zabočki trg teri nam je najbliži. Probal sam na internetu najti kaj bu na trgu za doček, ali takve informacije gugl ne nalazi.

Nije to slučaj samo za Zabok. Na stranicama od Zaboka bar piše da bude doček. Malo sam po internetu poiskal stranice drugih gradova i opčina u Zagorju i nisam našel nigde informaciju e uopče imaju kaj na otvorenom za doček. I kaj mi ostaje? Biti doma za doček. Sad e bu to pri meni doma ili pri nekom drugom još imam vremena dogovoriti.


http://www.zagorje.com/kolumne/pregled/dnevnik-tate-bena-blagdanska-spajanja

* * * * * * * * * * * * * * * * * * * * * * * * * * * * * *

Kavaliri - Šterči, šterči mala - TV spot, 02:33

Kavaliri - Šterči, šterči mala - TV spot

[Ljudevit Kaj]

Varaždinske vesti, br. 3547, 25.12. 2012.

KAJ je naše pitanje i naš odgovor

Piše Barica Pahič

Nek se vidi kie i kak more svetkuvati

Pred nami je i Novo leto. I njega bumo slavili kie kak more i kie kak zna. F  svetki bumo ispijali kupice (negde same domačega vina, a negde i šampanjca), skušuvali se med suobu, zaželeli si bolša duoba i zmenili si dare. I zapopevali  božične popefke! Maker nam se lanjske želje i nadanja niesu spunila, nesmemo se dati pustiti f smetje.
Preteklo leto smo puno toga preživeli i premogadili. Bumo i f ovom novem, maker bilo i trinajsto. Kakef smak svieta!. Kak narod smo preživeli i tuđinske deržave i ratove i gladi i grda proročanstva pa i ovo zadnje, majansko.


Šteta kaj je okopnel sneg. Kak je bilo lepo da je po bregi, ravnicam i krovi, iskril i bliskal se na suncu od beline i čistoće. A bile su pričele bliskati i varaždinske vulice skinčane mnogobrojnimi svetešnimi lampicami, tak da Varaždin zgledi zbilja svečano. Ne moramo več iti v Beč ili Salcburg da vidimo božični i novolietni vugođaj. Imamo ga i doma i to nie same nasred grada neg i po izlogima, uredima, a v pokrejnimi vulicami na hižami i po vrti. Nek se vidi kie i kak more svetkuvati. I v hižami svečučkuju adventske svečičke, a kinđaju se i božična drievca z bleščečimi kuglicami, licitarskimi srčekii žarulicami štere nam požmirkavljeju i donašaju božični vugođaj. Neki morti misliju da je se to prekičasto i detinjasto. Pa morti i je.

Ali komu tie posebni vugođaj ne dotikavlje serce,  ne vrne ga v detinjstvo i v obiteljsko ozračje gda smo bili mali, nevini, naivni i čistoga serca i pune duše. Veselili smo se dohajanju božanskoga deteta štero je naviek  bilo simbol svetla i ljubavi. Pa zakaj si ne bi i ovoga leta pribavili doživljaj takvog ozračja sreče i nade? Zakaj bar nakratko ne bi pozabili na grdu i ne baš obečavajuču stvarnost?

Pred nami je i Novo leto. I njega bumo slavili kie kak more i kie kak zna. Morti bu nas razveselil i novi, još beleši, čisteši i bleščeši sneg. A f  svetki bumo ispijali kupice (negde same domačega vina, a negde i šampanjca), skušuvali se med suobu, zaželeli si bolša duoba i zmenili si dare. I zapopevali  božične popefke! Maker nam se lanjske želje i nadanja niesu spunila, nesmemo se dati pustiti f smetje. Svoja nadanja bumo same ojačali? Neke i nie treba na to poticati jer su naviek davali se od sebe. Ak su imeli posel.

Preteklo leto smo puno toga preživeli i premogadili. Bumo i f ovom novem, maker bilo i trinajsto. Kakef smak svieta!. Kak narod smo preživeli i tuđinske deržave i ratove i gladi i grda proročanstva pa i ovo zadnje, majansko. Siem čitateljem želim sreću i zdravje. Mi verujemo v življenje. Mi smo neuništivi.


Zvir:
http://varazdinske-vijesti.hr/kaj-je-nase-pitanje-i-nas-odgovor/nek-se-vidi-kie-i-kak-more-svetkuvati.html
i(l):
http://varazdinske-vijesti.hr/pdf/3547.pdf


Dober ti večer gospodar, 03:41
Božečje (Božične) pesme OSS-a Buševec

Dober ti večer gospodar

[Ljudevit Kaj]

‘Kavalerski’ vleznite  v Novo (i novo) leto 2013.!

KRAPINA, ZABOK – Doček Novoga leta teri vas nabu nike koštal, a dobro bu vas razdrmal i zagrel zbog očekivanoga masovnoga odziva, on je na nekteromu od gradske placov. V Krapine buju od 22 vure prašili Kavaleri, delilo bu se i kuvano vino zabadaf, a v Zaboku buji igrali „Š(t)efovi tamburaši“ (Boss bend). Do jutra buju delali i si okolni kafeki (kafiči) i si buju ‘dijali’ kak jeno jer bu promet privremeno vugnut z centra, odnosno prevusmeren na okolne pravce. Sretno Vam Novo (leto)!

http://zpress.hr/kavalirski-ulazak-u-novu/

* * * * * * * * * * * * * * * * * * * * * * * * * * * * * *

Čakaj me, čakaj Novo let!
Kavaliri - Baurico - TV Spot, 02:41

Kavaliri - Baurico - TV Spot

[Ljudevit Kaj]

Zagorski list
e-vundano 22.12.2012.

Dnevnik tate Bena

Kuruza

Piše:Tomislav Benčić   

Ko i na početku skoro svake kolumne da odma na početku razjasnimo neke stvari. Kad sam spomenul kuruzu nisam mislil ni najmanje na poljoprivredu niti na kukuruz. Pod kuruza sam mislil na jedan specifičan glazbeni izričaj. Te kuruze je furt bilo i bude je.

Uglavnom velika večina konzumenata glazbe posluša bar neki vid kuruze. Jer kuruze se more najti u svim glazbenim pravcima. Kad god nekoga pitate da vam točno definira glazbenu kuruzu dobili bute hiljadu raznih definicija. I nešči bu vaš omiljen bend ili pjevača del h kuruzu. Tak da je to čisto osobna stvar.

Več sam prošli tjedan napisal da sam sticajem okolnosti završil u jednom ugostiteljskom objektu gdje je sviral nekakav bend, posjetitelji su pili i tancali, a ja sam s ljudima s terima sam došel okupiral čošek šanka i nisam se hmeknul od tam do fajrunta. Pa bum sad napisal par svojih dojmova o mužiki tera se tam igrala i tera se često čuje iz raznih auta i gostiona.

Puno put sam bil na mestima gde igra mužika i gde ljudi tancaju i veseliju se. U određenom trenutku kad več nemreju tancati onda se zauzme neka statična pozicija i u znak veselja se zapopeva s mužikašima. Pa kad čujem tekstove tih pjesmi nije mi jasno kak se uz to veseliju. Upraf sad dok ovo pišem na televiziji na jednom glazbenom kanalu igra Zečić. Mam sam se zmislil one njegove „…o groblje, groblje ti bašto šarena u te se siju najljepša sjemena…“.

Normalan čovek bi iz tog stiha zaključil da je riječ o sprovodu. A ljudi kaj blesavi na to tancaju i popevaju kaj da im je drago kaj nešči prejde na neki drugi svijet. Najčešća tema takvih pjesmi je ljubav. Uglavnom nesretna. A tih ljubavnih tekstova ima svakakvih. Primjer: „…Kad sa njim spavam mislim da si ti…“. E tu treba kakav komentar? Kaj reči o takvoj tera to popeva?

Samo moja pristojnost teroj su me mama i tata nafčili me sprječava da napišem javno tu riječ. A ima i pjesmi o raznim seksualnim sklonostima. I to još stari čovek popeva. „…malo je malo noći da čekam kad češ mi doći da jedno drugom bol stvaramo dana je premalo…“. Kaj on čeka? Kakvu bol hoče od nje? Pa kaj to ona njemu dela dok su skupa? Zakaj si onda ne najde drugu?

Dobro, čul sam ja, doduše nisam probal, da ima onih kaj se oblače h kožu i lateks, vežeju z lisicama i lancima, tučeju z bičem i tome slično i povrh svega u tome uživaju. No, kaj baš i o tome treba popevati. Ili ja tu mužiku baš i ne razmem?


Zvir:
http://www.zagorje.com/kolumne/pregled/dnevnik-tate-bena-kuruza

* * * * * * * * * * * * * * * * * * * * * * * *

Lepo je gledati šteri para ima.
Lepo je gledati šteri para ima.
Išče lepše videti šteri se z njim štima.

KOM3DIJA - Porci...junku...lovo 2009, 02:06

KOM3DIJA - Porci...junku...lovo 2009

[Ljudevit Kaj]

Zagorski list
e-vundano 23.12.2012.

Iz bakine pučke bilježnice

Fajne babe nijiesu za muže slabe

Piše:Zoran Gregurek   


U zagorskim se domovima zimi, kad je bilo vremena na pretek, raspredalo i o pikanterijama, naravno onim ljubavnim. Tko je s kim, kada i zašto i kakvih ima muškaraca, žena... Tko je za koga, a tko nije

„ Fajne babe nijiesu za muže slabe. Je, vrak ti je lijiepu babu pri hiže imeti...nije tuo sam tak jer ona zna da je lijiepa i da ju trebaš držati kak kap vuode na dlanu... I mnuogi se rade k tebe navrneju gda znaju da bu ih fajna gazdarica podvorila... Je i če nijiesi stabilen vu glave i če nemaš poverenja vu takvu babu, mam si, dečec dragi, zgorel. Zate pamet vu glavu i naj se hlapiti onoga za koj nijiesi „, savjetovala bi naša hraščinska baka Ivka.

Znači li to da lijepe žene moraju uvijek biti uz prave „muškarčine“

„ Kaj ti je tuo muškarčina? Veliki muž? More biti i mali če je na mestu i spameten kak treba biti. Nijiesam ti same štiela reči da su lijrpe bebe za stabilne muže, nek opčenite. Da se saki ne bi trebal rijevati na saki posel, ake zate nieje. Znaš kaj mislim?! Znaš onu priču da je žaba digla nogu gda je vidla gde se kobile potkivaju. Je... saki trieba znati gde muje meste i ne se zanašati za neke kaj nieje za njega. Tuo ti je prve pravile za srečen život...Zapamti kaj ti govorim“,tvrdila je starica.

Kako se pronaći, odnosno zanti za što jesi, a za što nisi, nismo dali mira baki.

„ Poglej se same v jutre vu špigel... Če vidiš da nemaš lasi, naj govoriti da si saki dan na trajne... Če imaš lasi kak jež, naj reči da ti se čeljenka svijietli kak piesja jajca... Če si zvrneš žepe i nemaš ni prebite par, nej pripovijidati da buš puce kupil zlatni prstun a niemaš ni za pouol kolobara jegera... Naj ni Boga huliti ak si penežljivi ; žaliti se da si bez penez a z žepi ti vun curiju... Niti tuo ne... Budi one kaj jesi i točka „, poručila je baka, a mi smo se njom složili.


Zvir:
http://www.zagorje.com/kolumne/pregled/iz-bakine-pucke-biljeznice-fajne-babe-nijiesu-za-muze-slabe

* * * * * * * * * * * * * * * *

Setala se fajna Mara KUD Prelog, 02:47

Setala se fajna Mara KUD Prelog

[Ljudevit Kaj]

Međimurske novine
e-vundano 2012-12-31

Jožek radnik

Kakše župana bi, mi Međimorci, itak, šteli???!!

Otkak mo Lejpa naša vse huje i huje živi, otkak mi Međimorci, a i naši sosedi na Hrvaškoj, vse teži i teži, i to na škrge, dišemo i Zoki Milanović je vse dal v Božekove roke i furt čita Sveto pismo. Kam god ide nosi ga z sobom, jedino ne na partiski zestanek kaj se ne bi jegovi pajdaši žnjega smejali. A kak so več levi je, mogli bi se.

Kuliko sam mel za čuti, esdepeovci so z novim i mladim kandidatom za novoga župana obrnuli novo stranico vu našoj domačoj međimorskoj politiki. A vsi znate da so vsi naši političari mam kredo, pak so i oni odma bili barajt, po onoj narodnoj: vidla žaba kak konjo zabivlejo potkovo, pak je i ona zdigla nogo. Čim so esdepeovci kandiderali mužikaša za župana, mam so i druge stranke (i partije) napravile isto jerbo se po anketaj zazvedilo da so ve mužikaši, pjevači i bandisti na ceni.


Piše: Jožek radnik

Od da je čakoski gracki načelnik videl kak mo je zišel županiski pajdaš i međimorski župan, Ivek Perhočov, vse je del vu Božekove roke kaj se dotikavle novoga esdepeovoga kandidata za gradonačelnika v Čakovco. Otkak mo Lejpa naša vse huje i huje živi, otkak mi Međimorci, a i naši sosedi na Hrvaškoj, vse teži i teži, i to na škrge, dišemo i Zoki Milanović je vse dal v Božekove roke i furt čita Sveto pismo. Kam god ide nosi ga z sobom, jedino ne na partiski zestanek kaj se ne bi jegovi pajdaši žnjega smejali. A kak so več levi je, mogli bi se. Što zna kak bi to vse z novim, očem reči, drugoletošnjim županom bilo zišlo gda je i Ivek Perhočov dal vse vu Božekove roke. Što zna, makar se niti dragi Božek nebre restrgati, kaj se esdepeovcov dotikavle jerbo oni ne delajo stisko v cirkvi, pak niti Božek pravzaprav ne zna kaj bi oni šteli.

V cirkvu ne hodajo, a na partiskom zestanko držijo fige v žepo tak da je jako teško zazvediti kaj jiv muoči. Vse je to lejpo i dobro sam vam ja tu nekaj ne razmem: vsi ti drugovi zovejo vu pomoč dragoga Božeka za šteroga po dnevo govorijo da ga nega, da ne postoji, a po noči mo se stiha molijo i prosijo ga nek jim pomore.. Brzčas se je tu nekaj spremenilo, jerbo pre onima desnima je jutro spametneše od večeri, a kuliko vidimo, ovima levima se pak po noči vse rezbistri.

Ne bi vam znal reči je li je zebrani tej novi Zorčecov  polovni auto, šteroga DOZ plača ili pak ga još navek zbirajo, ali sam znuom da je naš međimorski šef državne televizije ili kak se to štacunski veli, dalekovidnice, gospon Mladen Šarić, bil na raport pozvani, očem reči, na jezikovo juho, k svojim šefima vu beli Zagreb grad, zakaj je nej nikaj nasnimil o toj kupčiji leta na falačko zemle med dvemi vodami. A vsi znamo kaj se na televizije ne pokaže to se je nej niti pripetilo. Najbrž je gospon Šarić, kak stari novinarski vuk, procenil da se z te mele kruh ne bode jel i neje dal vužgati kamero. Ali, kak vidimo, svekoliko gledateljstvo štero vsaki mesec plača tv pretplato, je štelo znati kaj on kak Zorčecov sosed , misli o temo novomo polovnomo auto.Malo je bilo čudno: Mladen dela vu hiži polek Zorčecovi Međimorski vodi i nemoje niti malo jalen. Mortik je gospon Šarić malo preveč zmočeni kaj ne vidi kaj mo se dela vu sosedovom dvoro i skradja je vura daj odide na bolovanje, kaj si malo počine i kaj mo se odštopa to šesto čulo po šteromo ga naši ljudi poznajo i poštuvlejo.

Da smo več pre Zorčecovomo novomo auto prosili so me nek napišem dopuno natječaja i nejsam mogel kaj ne bi to napravil:
-    - auto mora biti svetlo ili tamno črne boje, ali je to nej uvjet, nek se zna,
-    - novi polovni auto mora znati plavati kaj se ne bode ftopil kak stari,
-    - sici nesmejo biti v koži, ali morajo biti antibaktereiski kak ne bi rajcali prostato,
-    - ostalo vse kak je pisalo, ali broji na zadji haubi morejo biti i vekši od 4 ili 5.

Bil sam vam i ja pod čakoskom vurom i poslušal sam te spominke, duge kak pondelek, o temo kakšega bi mi Međimorci pravzapraf župana nucali i šteli: sposobnoga i dokazanoga, a nej čoveka z partiskom knigicom. Ali so ne nikaj rekli gde se mora dokazati: doma, na poslo, pre sosedo, vu politiki, športo, mužiki…?

Tak vam je i moj sosed Tonča nej bil zadovolen z svojom Barikom vu posteli, jerbo so se vsi jegovi pajdaši falili, kak na poslo tak i vu krčmi, kak so jive žene hicne, očem reči, vse vražje vu posteli, a Tončijova Barika je sam magadila i bila zadovolna z onim kaj joj je on dal i kak ga je nutri porinul. Nigdar se je ne bunila i navek joj je bilo dosti, kak god malo joj je dal i kak god kratko je to vseskup trajalo. Bariko je to muočilo kaj je Tončijo nigdar nej bilo praf, pak se malo, onak popajdoč, pospominala z pajdašicaj. Parpot je odišla k Juliki kaj joj je, prek knigici i televizije, dala navuke kak se da treba venomo priložiti, da mo tre ovo, da ono i tak dale. Jedno noč se je Barika reskoražila i pokazala je Tončijo vse ono kaj jo je Julika, štera je, med nami rečeno, vsa vražja vu tomo športo, tak mi je bar pajdaš Pišta rekel, navčila, a unda jo je Tonča zlemal. Kričal je kak stekli: gde se je to vse navčila i gde se i skim sprakserala. Što bi razmel te moške, nigdar jim je nej praf i ne znajo kaj pravzapraf očejo.

No, kakšega bi, itak, mi Međimorci župana šteli? Kakšega – to vas ja pitam? Vas i sebe! Maloga, velikoga, školanoga, spametnoga, preštimanoga, fajnoga, z ljubavnicom ili pak brez nje, z novim ili pak polovnim autom, labodoritaša ili pak mužikaša, poštenoga ili pak premazanoga z vsemaj maščaj? Doljanca, Goričanca ili pak Čakovčanca? Čim se to zazvedi unda bodemo vse znali! A unda bodemo po tomo ključo, oliti modelo, zbirali gradonačelnike i načelnike, tak kaj bodo vsi jednaki, mladi, lepi, pošteni ili pak stari i premazani i kaj bodo vsi slični jeden drugomo, kak jejci jejco.

Kuliko sam mel za čuti, esdepeovci so z novim i mladim kandidatom za novoga župana obrnuli novo stranico vu našoj domačoj međimorskoj politiki. A vsi znate da so vsi naši političari mam kredo, pak so i oni odma bili barajt, po onoj narodnoj: vidla žaba kak konjo zabivlejo potkovo, pak je i ona zdigla nogo. Čim so esdepeovci kandiderali mužikaša za župana, mam so i druge stranke (i partije) napravile isto jerbo se po anketaj zazvedilo da so ve mužikaši, pjevači i bandisti na ceni. Poglednite za štere candidate sam, za ve, uspel zazvediti: Dejan Hunjadi, SDP, to več i ftiči na kiti znajo, Žiga, Laburisti, Marjan Novak, HDZ, Vladek Novak, narodnjak, Laci Varga, nezavisni, Štef Taradi – Utek, «seljak» i slavek Faltak, obrtnik. Verjem da bode naše biračko telo zadovoljno, a posebno žensko, jerbo je ponuda velika i muzikalna, a do izborov bode se, brzčas, nekaj našlo i za muško populacijo. Nekaj mi je, zadnjipot, Julika pošepetnula da bi se ona štela kandiderati jerbo ima vse kaj se nuca, a posebno za moške!


Zvir:
http://www.mnovine.biz/novo/index.php?option=com_content&view=article&id=18199:kake-upana-bi-mi-meimorci-itak-teli&catid=301:joek-radnik&Itemid=575
i(l), za teri dan:
http://issuu.com/mnovine/docs/mnovine903i?mode=embed&layout=grey
i(l), za teri dan:
http://www.mnovine.hr/images/pdf/902/mnovine902i.pdf

* * * * * * * * * * * * * * * * * * * * * * * * * * * * * *

Ziga & Boris Lainer - Lasi Si Je Rudala, 03:49

Ziga & Boris Lainer - Lasi Si Je Rudala