HR.KAJ.NĚ? - Lépa naša kajkavska / pregled tisKAJna

[Ljudevit Kaj]

Varaždinske vesti, br. 3521, 2012-06-26
 
KAJ je naše pitanje i naš odgovor, naša duša i naša popevka

Piše: prof. Barica Pahič
 
Na tapeti je naviek prosveta i školstvo

Prinas se prosveta z sakim ministrom znovič reformiera. Prosvetarima je od silnih reform več muka. Na tapeti je naviek prosveta i školstvo, a vučiteli navek slabo plačeni. Tvrdi se da se na mestu stoji, a od silnih reform nikakve koristi.


Nekaj me vleče za jezik da se male vmiešam v prepucavanja vu vezi afere z testom državne mature i o tem kaj je se rekel i počinil naš novi minister prosvete i športa. Da morem napisati se kaj mislim, ni cieli “Varaždinec” mi ne bi bil dost. Zate ja te teme rajše prilazim male drukčeše.
 
Naime, vu povodu Dana hrvatske knjige bila sam pozvana na Dečji odjel varaždinske knjižnice gde sam trebala posluhnuti i prokomentierati ono kaj pišu dečica z osnovnih škol našega grada. Moram priznati da sam “ostala bez teksta” nad oniem kaj sam čula, pogotovo gda je jena mala pucica, cvrčkica z tak drobnim glasekom kak kakev mali ftiček, čitala svoj nastavak romana o Harryju Potteru. (Istina, kajkavskih tekstov ni bilo. To bu im došlo z lieti.
 
Najte misliti da je to fraza, ali prie ili pokle saki oseti “zov rodne grude” i zmisli se rieči z šterimi se ”od srca srcu šepeče”. Treba razmeti da dečica moraju nafčiti standardni jezik z šterim se sporazumevamo v celini naroda. A mene pa se to napelava na mišljenje da nie same da naviek imamo puno pametne i darovite dečice neg i puno odličnih vučitelov, v ovem slučaju vučiteljic, štere vlažu veliki trud i puno vremena da bi dečica svoju darovitost razvila i pokazala. Ne velim da nema i slabijih prosvetarov. A v koji struki jih nema? Ipak, radi njih nie pošteno reči da ciela struka ne valja. Prinas se prosveta z sakim ministrom znovič reformiera. Prosvetarima je od silnih reform več muka. Na tapeti je naviek prosveta i školstvo, a vučiteli navek slabo plačeni. Tvrdi se da se na mestu stoji, a od silnih reform nikakve koristi.
 
Pokle toga sam bila vu Vidovcu na predstavljanju knjige “Iskrice iz školskih klupa” naše poznate vučitelice, profesorice Ivanke Kunić štera je, poleg vnogih popevki, pripovetki, knjig o narodnoj baštini i tak dalje, napisala i dve stručne knjige o dečjem stvaralaštvu, a v ove zadnje pokazala i svoje uspehe v radu z vidovečkom decom šteru je dopeljala na vnoga natjecanja i do puno nagrada. V zadnje knjige je se te nagrađene tekstove dela na kup, a na kupu su bili I njeni negdašnji vučeniki, a neki su, vezda kak odrasli ljudi, i čitali svoje dečje pesmice na predstavljanju. Bila je to jake liepa svečanost na šteroj su Vidovčanci iskazali veliko priznanje i poštovanje svoji negdašnji vučiteljici.
 
Kaj z tiem hočem reči?
 
To, da naviek imamo darovite i marljive dece i darovitih i marljivih vučitelov. Pa kaj onda to v naše prosvete ne štima? A nekaj ne štima. Verujem da buju čitatelji sami zaključili zakaj tolika “povika na vuka, a lisice meso jedu”.
 
Za kraj sam zebrala popevku Ivanke Kunić z njene pesničke zbirke “Žejna duša”. Po te je popevke i ciela zbirka dobila ime.
 
 
Žejna duša

Praznimo kalež
svoje sudbine,
serčemo več z dna.
Duša nam je žejna
štučka preluknjena.

Svoje grehe smo spovedali
i molitve za pokoru zmolili.
Pred svetim oltarom
bogohulniki su nam hostiju
v glibuoku kmicu skrili.
 
Praznimo kalež
svoje sudbine,
v gliboke gluhe kmice.
Duša nam je žejna…
Priek sklopljenih rok merzlo zernje
Žalosne krunice.


Popievka, kak se vidi, je nie za nasmejavanje. Ali nam morti pomaže da spoznamo baš ono kaj nam je v duši skriveno i neizrečeno. Kie nekaj dobrega vu srcu nosi i oseča, razmel bu.


Zvir:
(str. 21)
http://varazdinske-vijesti.hr/pdf/3521.pdf

VG-BAND...BEND ZA SVADBE... JEZUŠ KRISTUŠ KAK SMO ŽEJNI.wmv...091/7235000, 0:30

http://www.youtube.com/watch?v=r3dFok0l6pk

Pijmo brati vince, 01:52

Pijmo brati vince

[Ljudevit Kaj]

Zagorski list
e-vundano: 03.07.2012.

Za dušu, za spomenek

ČE NE PLATIŠ BUME TE OTKAPČILJI

Kak su grdi cajti unda je ljudem još teže gda takve cedulje najdeju pred svoja vraca. Malje bi triebalji pregruntati si oni teri tak nekaj pošiljaju, komu i kak trieba poslati. Ne same da se prieti za skapčanjem nek i sudem, po one takaj starinske:
„Tužil te bum!“ Groziti se je najlježe. Triba teške cajte pregrmeti i čakati nove. Saka viest kak god bila grda, ak se velji na ljiepi način nekak se ljepše čoveka detekne.

 Piše:Nevenka Gregurić


Gda denes lučeš ljudi, malje teromu je na ljicu smieh. Če se i nasmiejeju tie smieh je nekak z grčem i na silu. Nikak nie od srca, kaj je mam moči videti i osietiti. Nenasmejana ljica moreš najbolj videti ak jih lučeš onak zestrani da te ne vidi onie teruga lučeš. Z ljica moreš prečitati i žal, i jad i srdu i mam znati da čoveka pritiščeju veljiki jadi. A veljike jade je se več i več.

Cajti su grdi. Nu niesu nigdar ni bilji preveč ljiepi. Sake ljete se pripovieda da je grde, a da bu druge bolje i ljepše. Jeden moj pajdaš tak več put zna iste reči. K tomu velji da se on sam nikak nemre hčakati onuga boljuga ljeta teruga več prec čaka.

I k tomu jadu još čovek furt dobi sakojače, groženje ze sem i sakem. Kak si živime h moderne cajte i nafčilji sme se na nove življenje i te več niesu obljiznieki nek normalna stvar.

Tak su se naši stari trudilji i dalji pune penez kaj su do svoje hižic dopeljalji eljekriku, vodu, teljevizor i malje po malje po hiža su se hvečerku bljesikala plava svetla kaj je bil znak da ljudi ljučeju h oblok teri njim je pokazal cielji sviet ilji ti h teljevitor. Unda za kraki cajt kaj nam nej po hiža smrdel dim gorečuga vugljena i drva i kaj nam nej nažifce išel  smrad pepela z pepelnjaka špareta, dopeljalji sme si i pljineka.

Tak su ljudi na ljiete šparalji peneze i se te z tešku muku platilji. Pri nektere poslije nie bilje dosta same platiti ilji je pak bilje preveč pak su ljudi pljunulji h šake, prielji lupate i kopalji h zemlej kaj bi njim do hiže jeftineše došla vodica, pljinek i kaj česa druguga.

A unda gda sme si se te dopeljalji, počelji sme same šrafiti gumbe. Hiže več niesu „smrdele“ po dimu, pepel nam nie delal prašinu, vodica je curela z pipic, smetje niesme kurilji h špretu nek sme ga ljipe počelji metati h kante ilji vriečke i tak ga se rešavalje. Jeden cajt je se te nekak ljiepe išlje, dok je bilje posla i dok su ljudi z tem kaj su napravilji sami gospodarilji.

Moreme reči i da su ljudi i unda nekak vljieklji i spajalji kraj z krajem, alji se išlje.Unda se nekaj prie par ljiet počelje dogajati. Se one kaj su ljudi delalji nie ostalje njihove, nek nečove. Dogajalje se te tak kak i h jedne familjije gde starec živi z jednem sinem i ž njim gospodari. Tie teri je ostal na domačije hu nju i hlaže, širi ju. A unda se dogodi da se ocu obrne pamet i su gospodaru ne da onomu sinu gdoj ju je privriedil nek nekteremu drugomu.

A tie drugi sam se pomalje smejulji i grabi one kaj njie njegve. Ipak kad-tad dojde do one, po domači rečenie:

„Otete-proklete!“I tak je i nam denes one kaj su stvaralji naši stari, zete i z tem gospodariju drugi. A oni, vužgi kaj se da po ljudem. Saki dobre zna da mora platiti se one kaj mu po žica, po cevlja prihaja i odhaja. Mora platiti i za obloge z teremi luče h sviet. Mora plačati za se moderne šege. I negda se tak plačalje i mora se. Nu čoveku se dogodi da mu negda ne htegne one kaj ima h pobelaru kaj bi namiril se one kaj trieba. A unda mam dojde one:

„Če ne platiš u roku ….., bume te otkapčilji. I h redu je da se otkapčiju onie terem te prejde h naviku. I trieba otkapčiti one teri na peneze spiju, h ljimuzina se voziju, a one kaj potrošiju ne plačaju. Si se zname i sakuga. Nu onie teri, a te se vidi i zna, radi nečega mesec ilji dva niesu svoje računeke podmirilji nie se mam trieba groziti: „Bume te otkapčilji!“

Kak su grdi cajti unda je ljudem još teže gda takve cedulje najdeju pred svoja vraca. Malje bi triebalji pregruntati si oni teri tak nekaj pošiljaju, komu i kak trieba poslati. Ne same da se prieti za skapčanjem nek i sudem, po one takaj starinske:

„Tužil te bum!“ Groziti se je najlježe. Triba teške cajte pregrmeti i čakati nove. Saka viest kak god bila grda, ak se velji na ljiepi način nekak se ljepše čoveka detekne.

I nie se mam trieba groziti, jer se ljudi o tere se ovisi ne groziju. Oni su same več put gda tak nekaj dobiju žalosni, jer se nešče z muku njihove starci ku...či, i maše z papieri na teremi piše:

„Ak mam ne platiš bume te otkapčil!“


Zvir:
http://www.zagorje.com/kolumne/pregled/za-dusu-za-spomenek-ce-ne-platis-bume-te-otkapcilji

* * * * * * * * * * * * * * * ** * * * * * * *

Dr.Elektra…

Dreletronic - Čavel v glavi, 03:29

Dreletronic - Čavel v glavi

[Ljudevit Kaj]

Varaždinske vesti, br. 3522, 2012-07-03 

KAJ je naše pitanje i naš odgovor, naša duša i naša popevka
 
Nekaj ovodobnega

Med govorancijami sam, polek izvešča precednika Zavičajnoga kluba Vrbno Zvonka Smrečkoga, posebno rado posluhnula onu od precednika Općine Bednja,  Mirka Bistrovića, šteri je govoril o tem da su z područja te opčine bila tri vala iseljenja stanovništava; pervo 1938. na područje Našica (gdi se i denes čuje govor kak da ste na Bednji), drugo okoli  1948., a trejče i najbrojneše šezdesetih liet prošlega stolietja v duoba industrijalizacije i da  od negdašnjeg stanovništava od priek 11. 000, denes na tem području živi same jena četvrtina od tega broja. Iseljavalo se zate kaj naš človek (inače poznati po priverženosti svoji hižici i svem grunteku)  nie več ni s puno muke mogel preživeti na tak malo zemljice. ( “Greyntek ja mouli, a nos ja pune i nie go kruho ze sa nos…” – otpopevol num je jen mužikaš svoju popevkicu v šteri materi govori zakaj mora oditi od doma.)

Piše: prof. Barica Pahič


Ak je vu pitanju kajkavščina, ni ovie put nebum o starimi autori na kajkavščini jer za to bu još časa. Znala sam da bum prie ili kesneše morala napisati i nekaj o svem materinskom guovoru, ali sam nie znala da bu to tak fletno došlo. Ovie put bum prekomentierala nekaj čist ovodobnega ili suvremenoga. Naime, 2. lipnja ovega ljeta vu Vrbnu (gdi sam pričela svoj prosvetarski posel) bila je svečana proslava 25. oblietnice osnivanja Zavičajnoga kluba Vrbno, vudruge osmišljene od odseljenih  Vrbljančana, a organizierane nie same radi druženja i obnavljanja siečanja, neg i radi pomaganja rodnom kraju.

Zbralo se priek dviesto ljudi z sie krajev Liepe Naše, a bormeš i iz drugih držav (največ pak z nam najbliže Slovenije). Obišli smo sela, a saki put nam je ruta drukčeša. Trebalo je videti ljude štere je vu Vrbno dovliekla nostalgija za rodnim krajem i domačim guvorom. Njih je v potragu za boljšim življenjem oteralo siromaštvo, a doma dojdu kak kojkakvi meštri, poduzetniki, inžinjeri, profesori, odvetniki, doktori, ekonomisti itd. Trebalo je videti i veselje i suze radosnice poradi tega kaj su se stari prijatelji i rođaki našli na kupu. Pun autobus odseljenikov je došel i z Koprivnice, kam ih je pokle onoga rata jako puno odišlo. Več dugo nigde nisam vidla tulike samopouzdanja i  optimizma. Med suobu su se spominali po domači, pe bedljuinski (verbljienski) pri čemu je nie bilo zamuckivanja, a same gda su zišli pred mikrofon su obračali na hervatski jezični standard. Kam god da su se odselili (ak nie oni, onda njievi roditelji), i denes po domači baš onak zrezno i liepo govoriju. I brineju se da se tie guovor ne pozabi, da se štampa riečnik, da se med suobu pišeju čestitke po domači i da se napravi nuovi zbornik v šterem bi bili suradniki si oni šteri hočeju zapisati uspomene na ruodni kraj, razloge radi šterih su odišli z njega i kak su se v drugimi kraji i deržavami snalazili. A med temi ima i onie šteri i popevke pišu po domači i skladaju jih i popievaju ne samo vu Vrbnu ( v Zagrebu imaju “Bednja-bend”), naviek gda se bilo gde najdu skup, zmisle se na ruodni kraj i vu tem se razvesele. Se to dokazuje kak je velika muoč materinskoga guovora i sila štera ljude vlieče v miesta otkud su potekli. Ak ne verujete, pridružite nam se.

Bednjanski KUD jim je prikazal i več nadaleko poznatu “Bedljuinsku ženjeitvu” (z priek 130 izvedba), prikaz ženidbenih običajov i  špelancij vu vezi s tiem, štera je dokument  guovora zapisanoga nie same vu narodnom pamčenju, gdi je v skorem nepromienjen preživel stolietja (a morti i jezeru liet), neg je i v knjigami zapisani jednak kak i  v živem sagdiešnjem sporazumievanju..

Med govorancijami sam, polek izvešča precednika Kluba Zvonka Smrečkoga, posebno rado posluhnula onu od precednika Općine Bednja,  Mirka Bistrovića, šteri je govoril o tem da su z područja te opčine bila tri vala iseljenja stanovništava; pervo 1938. na područje Našica (gdi se i denes čuje govor kak da ste na Bednji), drugo okoli  1948., a trejče i najbrojneše šezdesetih liet prošlega stolietja v duoba industrijalizacije i da  od negdašnjeg stanovništava od priek 11. 000, denes na tem području živi same jena četvrtina od tega broja. Iseljavalo se zate kaj naš človek (inače poznati po priverženosti svoji hižici i svem grunteku)  nie več ni s puno muke mogel preživeti na tak malo zemljice. ( “Greyntek ja mouli, a nos ja pune i nie go kruho ze sa nos…” – otpopevol num je jen mužikaš svoju popevkicu v šteri materi govori zakaj mora oditi od doma.) Naglasil je i to  da se slika ovega kraja mienja, maker nijena vlast za njega nie marila i niš mu nie dala. Na njega se nesme naviek gledati kak na zaostali i siromašni kraj, a na Bednjančane i Vrbljančane kak na pijance i liene ljude, jer su svoje grunteke po briegima naviek s puno muke obrađivali, gnoj na pleči do njih nosili i kervave žulje na rukami imeli. Ovak rastepeni po svietu su sigdi potvrdili svoj mar, svoje sposobnosti i svoje človekoljubje štero pokazujeju i v brige za ruodni kraj.

A vezda razmete zakaj sem se odlučila pisati o te teme?
 

Na kraju i malo domačega humora:

Zestali se Štef i Joža i Štef pita Jožu:
- Si več gablal?
- Ni kaplje!

Ovu drugu šalu nam je vu varaždinskem Kazališču spripovedal glavni glumac “Bedljinska ženjeitva”, več spomenuti gospon Bistrović.
- Neki ljudi me pitaju kakvu spremu imaju moji glumci v predstave, a ja jim ovak otpovem:
- Oni šteri moreju koš gnoja na brieg odnesti, imaju visoku spremu, a šteri na brieg nemreju, nisku.


Za drugi put morti male o preteklosti, male o ovodobnosti.


Zvir:
(str. 22) http://varazdinske-vijesti.hr/pdf/3522.pdf

* * * * * * * * * * * ** * * * * * * * * * * * * * * * * *

Plemenita občina Bednja
Općina Bednja, 03:10

Općina Bednja

[Ljudevit Kaj]

Coolinarka, 02.04.2012. 

A kaj da danas kuham? (51)
 

Podravino moja mila gastronomska (1)

Pa mi Podravci imamo zapraf sve. Čuvene svatovske i druge juhe, mesa kakvo ti Bog hoće, kolačima niko nezna broja a fala Bogu i kojekakve pijače.


Piše Ivan Ferenčak - ivan944


Malo bum najprije uputil jednu čestitku za rođendan mojem prijatelju i kumu Slavoju koji je jučer navršil 60 let. (Na prvi april more biti rođen samo takav čovek kak je on). Sad moremo reći da već "svaki šmrklivec v našem društvu ima šezdeset let!" S tim sam čovekom prešel kojekaj v životu a nekaj od toga sam već i napisal v članku o kolinama. Sad bum spomenul samo jednu anegdoticu vezano za naše leta. Jedne zimske noći pred puno let, smo se vraćali doma malo veseli, ja sam bil malo nestašan, i v jednom trenutku veli Hus: "Čuj Ivo! Ja jedva čekam da bum star četrdest tri kak ti!" Pitam ga a zakaj oće biti osam let stareši? A veli Hus: "Zato kaj bum tak lud kak si ti v tim letima!" Sve si mislim da jednog dana moram na papir deti sve kaj sam z njim i još nekim mojim pajdašima prešel v životu.

Prije nek se raspišem o mojoj Podravini moram vas na nekaj potsetiti. Ovaj se tjedan navršava točno leto dana kak pišem za Coolinariku. Leto mi je naprosto protutnjalo. Obzirom da je Velki tjedan naravno da bum jelovnik prisložin v petek i v nedelu.

A sad natrag v Podravinu. Sel sam za stol i počel se prisećati i bilježiti sve kaj mi je palo na pamet i čini mi se da mi nebu dost papira. Pa mi Podravci imamo zapraf sve. Čuvene svatovske i druge juhe, mesa kakvo ti Bog hoće, kolačima niko nezna broja a fala Bogu i kojekakve pijače. Najprije sam se setil detinjstva i bakine i mamine kuhinje. Baka je bila gazdarica koja ni puštala kuhaču dok je god mogla hodati. A kuhalo se puno. Velika družina puno posla i, kaj se danas ni zamisliti nemre, kuhala je sva tri friška obroka: fruštuk, obed i večeru. Suho ili nekaj ranije pripremljeno se jelo samo daleko od hiže: za vreme košnje sinokoši ili kopanja gorici. To kaj je ona kuhala danas bi se reklo zdrava prehrana. V jutro razne kaše, testa, žganci ili prežgana juha. Za obed naravno svakak juha i kojekaj bez mesa. Ako je meso i bilo, bilo je nekaj vlovljeno na dvorištu od peradi. Naravno da se je više mesa papalo v zimi. Bilo je više svetki, v zimi su bili svati a bilo je i na tavanu suhoga. Za večeru se je ponovila jedna varijanta fruštuka ali je bilo navek friško i toplo. Naravno da je bilo v izobilju sira z vrhnjem i drugih mlečnih stvari. Moj je stari obožaval od bake, svoje punice, kiselo mleko z kuruznim kruhom, a prge su bile najbolje na svetu. Neki tvrdiju da su prge zmislili Bregovci ali se ja sećam odnavek prgi z Ivanca (koprivničkog). Na kraju su nas zaribali Belovarčani i prijavili prge kak svoj domaći proizvod. Prga se je uz malo špeka i kruha navek našla v dedinoj torbi dok bi išel v gorice. Za prgom je čovek mam bil žeđen. Mama je nastavila bakinu tradicionalnu kuhinju ali znate kak je. Došla je kao mlada v Koprivnicu i počela pod utjecajem susedi, starih varošanki, kuhati malo modernije. V gradu je ipak bilo više kojekakvih mogućnosti za kupiti. Ja se na pr. nikak nemrem setiti da sam za vreme ferja v Ivancu jel bilokaj od govedine. Toga v ivanjskom jelovniku ni bilo ali je doma toga bilo dost često. Stari bi kupil v subotu pol kile govedine i prek noći ju spustili v zdenec da se do nedele ne pokvari jer nismo imali frižidera a v nedelu mesnice nisu delale. Od toga je bila juha z domačim rezancima, a uz meso je bil hren  ili paradajz sos i malo veća ranjgla pirea od krumpira. Sećam se da je mama paradajz sos delala z vrhnjem, kaj danas morti nitko više ne dela. Kruh je bil posebna priča al o tome sam već jemput pisal. Ono kaj smo nekak čisto godinama zanemarili, a nekad se redovito jelo, su kaše. Juha od hajdine, dinstana kaša mesto riže, prosena kaša na mleku ili na prepečenom luku, ječmena kaša z grahom, mi bi rekli ričet. No imam nekak osećaj da se to pomalo vraća i da su kaše malo češće na jelovniku a ne samo za koline.  Nek buju ovi tjedni v znaku podravske kuhinje.


Pondelek

Juha: Kašena juha z gljivama
Glavno jelo: Pileća jetrica z hajdinskom kašom, mešana šalata
Desert: Fanjki; neznate kaj je to? Pitajte neku starešu kuharicu!


Tork

Juha/Glavno jelo: Gorički gulaš
Desert: Ja bi z dobrim gulašom popil gemišt


Sreda

Juha: Podravska juha
Glavno jelo: Krmenadli v češnjaku, restani krumpir, šalata
Desert: Kifli z orehima/makom[/b]


Četrtek
 
Juha: Prežgana z jajcima
Glavno jelo: Ploške krumpira pečene v rolu z dost špeka, šalata kakvu imate
Desert: Bela zlevanjka
 

Petek/Veliki petek
 
Kak i letima do sad imam večeru za mali mobiteljski i prijateljski krug. Ove godine sam ovak splaniral:
Aperitiv: Imam finu domaću travaricu i rakiju od ruža
Hladno predjelo: Riblja pašteta na tostu
Toplo predjelo: Rižoto od plodova mora
Juha: Krem juha od kozica
Glavno jelo: Ak bu lepo vreme bu riba na žaru i kojekakve šalate; ak bu grdo vreme onda file od soma na pariški i povrtna lešada.
Desert: Naravno da bu moja graševina a za kolače nek se pobrine moja gospođa.

 
Subota

Juha: Danas ne mora biti osim ak vam se ne kuha juha od testenine
Glavno jelo: Domaći rezanci z makom
Desert: Imate sigurno još kojekakvih kompoti v podrumu


Nedela/Uskrs

Kakav bu fruštuk to znate: kuhana šunka, jajca, hren, kuglof i kojekakvi drobni kolači. Verovatno nam obed i nebi trebal al vam je to takav dan. Nek bu barem malo kasneše nego obično.
Juha: od bočinga ili flama z leberknedlima i rezancima
Toplo predjelo: meso iz juhe z hren sosom
Glavno jelo: Tradicionalno v našoj obitelji: filana teleća prsa/flam, pečeni mladi krumpir, zelena šalata
Desert: Za okrepu čaša finoga crnoga vina; kardinal šnite
 

http://www.coolinarika.com/clanak/a-kaj-da-danas-kuham-51/

* * * * * * * * * * * * * * * * * * * * * * * * * * * * * * * * * * * * * * * *

Pismo-hrana: «A kaj da danas kuham? »
http://www.coolinarika.com/klub/ivan944/clanci/

* * * * * * * * * * * * * * * * * * * * * * * * * * * * * * * * * * * * * * * *

KUD"KAŠTEL",Pribislavec: "PODRAVINA"-plesovi i pjesme Podravine, 09:18
17. ZESTANEK HRVATSKE FOLKLORNE ANSAMBLOV

Čakovec, listopada 2010.

KUD"KAŠTEL",Pribislavec:"PODRAVINA"-plesovi i pjesme Podravine

[Ljudevit Kaj]

Varaždinske vesti, br. 3523, 2012-07-10 

KAJ je naše pitanje i naš odgovor, naša duša i naša popevka


V gluha vuha se zabadav trubi

A kaj se zaprav i imaju buniti mesto da su tiho i da se pokriju po vuhi. Mogli bi si za primer zeti kajkavce. Oni mučiju.
Ovo da mučiju, treba zeti uvjetno zate kaj ima i onie šteri kričiju.

Ali je se to malo i ne dopira do gluhih vuh močnih i odgovornih, tj onie šterim je se kaj je na dijalektu prezira vriedno i šteri ističu da dijalekte ne razmeju kak da bi njim to trebale biti na ponos.

Ima i  takšnih šteri se pitaju kaj to mi kajkavci hočemo. A kaj hočemo? To da se naši kulturni korieni ne pozabe, da v hrvatskom jezičnom standardu bude več rieči štere potieču z naše hrvatske kajkavščine (kak i  z čakavštine) zate kaj je hrvatski jezik zrasel i z kajkavskoga i čakavskoga  korienja. Hočemo potvrditi i svoje pravo da govorimo i pišemo po “našem”, onak kak su naši stari govorili i kak su nas naše matere govorit nafčile.

Piše: prof. Barica Pahič


      Več sam se jemput čist male očesala o pitanje ovolietne mature, a. naš hervatski tisak se gotovo jednoglasno del na stranu maturantov šteri su nie razmeli čakavske tekstove. 
      Mene pak je odma v glavu vudrilo pitanje: A kaj bi tek bilo da su  maturanti z štokavskoga ili čakavskega govornog područja dobili kajkavski tekst? Bili bi zakričali bolj neg su Splićani kričali v zime radi sniega šteri im je opal na vulice, a niesu  znali hoditi po ledu. Vudrili su protestierati protiv gradonačelnika šteri se ni sam nie znal snajti kak bi trebale. 
      Kaj bi tek bili napravili da su trebali prepoznati rieči z Pergošićevoga  “Decretuma” (1574.) na kajkavščinu obernjenoga, ili z “Katekizma” Mihaila Bučića, štampanoga 1573. v Nedelišču za kaj morti niesu ni čuli, a ni za Nedelišče, pervo mesto “na hrvatskom sjeveru” gdi je  v 16. stlietju dielala tiskara. ( Tie diel programa vnogi preskaču.) Nekak su se zmirili i oni šterim je čakavština  nerazumljivejša od japanskoga. 
      A kaj se zaprav i imaju buniti mesto da su tiho i da se pokriju po vuhi. Mogli bi si za primer zeti kajkavce. Oni mučiju. Mučiju na to kaj je kajkavska književnost slabe zastupljena v nastavnimi programi pa se tak za velikane te književnosti zna male ili nikaj. Ima i takveh šteri tvrdiju da kajkavci i nemaju velikih književnikov. Doduše, morti su čuli za Jagića (ali tie je dosadni jezikoslovec), znaju za Krležu, pak i citieraju: “Nigdar ni tak bilo da ni nekak bilo”, ali to je se onak nekak kak da su “Balade Petrice Kerempuha” zrasle bez korena…”pa ni vezda nebu da nam nekak nebu.”  Ovo da mučiju, treba zeti uvjetno zate kaj ima i onie šteri kričiju, kak na primer dr. prof. Alojz Jembrih ( Na izvorima hrvatske kajkavske književnosti), mr. prof. Ivan Zvonar (Na kajkavskim korijenima) i Kajkavski znanstveni skup o kajkavštini vu Krapine, kričal je i pokojni Zvonimir Bartolić, kričiju i vnogi drugi znanstveniki i kajkavski pesniki, a i ja nekaj mrgođem. 
      Ali je se to malo i ne dopira do gluhih vuh močnih i odgovornih, tj onie šterim je se kaj je na dijalektu prezira vriedno i šteri ističu da dijalekte ne razmeju kak da bi njim to trebale biti na ponos, a književni standard niesu svladali. Ono kaj napišu ili zgovore nieje v skladu z jezičnimi standardi. Puno put su takvi najglasnejši. V gluha vuha se zabadav trubi, ali njim ipak nie triebe dati mira. Nešterni se pitaju zakaj je onie Ivanuš Pergošić išel nekaj na narodni jezik obračati?  Mogel je tie zakonik ostaviti vu latinskem izvorniku (suce bi za mudrejše deržali), a nie kaj je s time navliekel i vnoge druge da na narodnom jeziku pišeju. 
      No, ja se šalim zate kaj ima i  takšnih šteri se pitaju kaj to mi kajkavci hočemo. A kaj hočemo? To da se naši kulturni korieni ne pozabe, da v hrvatskom jezičnom standardu bude več rieči štere potieču z naše hrvatske kajkavščine (kak i  z čakavštine) zate kaj je hrvatski jezik zrasel i z kajkavskoga i čakavskoga  korienja. Hočemo potvrditi i svoje pravo da govorimo i pišemo po “našem”, onak kak su naši stari govorili i kak su nas naše matere govorit nafčile jer su to rieči štere nas z rodnim krajem vežu, štere su nam srcu drage, v šteri su naše uspomene i z šterimi v “našim srcima ljubav za dom gori”. A kultivierani i naobraženi ljudi bi se te stvari trebali znati da bi se nafčili sebe i svoje poštivati. Tak dielaju si europski narodi; čuvaju svoju kulturnu baščinu. A oni šteri hočeju biti Japanci, Kinezi ili Englezi, nek se najprie nafče njiove jezike jer bez jezika nemreš funkcionerati kak pripadnik nijenoga naroda.
      A za kraj još i jedna liepa kajkavska popievka našega varaždinskoga pesnika Davorina Žitnika, autora četiri pesničkih knjig: Dvorac malog škorpiona, Navigator uzaluda, Poleg krinolinah varaždinskih zvonikov i Kamara od škura. Piše na kajkavščini, na književnom standardu i na čakavštini i zate mislim da je najbolši primer za ono o čem sam vu ovem prilogu pisala. Davorin Žitnik denes živi v Zagrebu gdi vodi književnu manifestaciju Jutro poezije. A pesmica, štera onak malo na narodnu vleče, glasi:


Samujuča

Išče iščem grličicu     
kaj pobegla je iz gnezda
moga serca fijolicu
gda se skrivle zmedi zvezda.

Z moju dušu skup spleteno
v protuletju samujučem
štel bi najti serce njeno
mojem sercu tugujučem.


Zvir:
(str. 23)
http://varazdinske-vijesti.hr/pdf/3523.pdf

* * * * * * * * * * * ** * * * * * * * * * * * * * * * * *

(Delo na) vide(l)o:
ŽIGA I BANDISTI - Domovina Horvatskoga sina, 03:16

ŽIGA I BANDISTI - Domovina Horvatskoga sina

 

[Ljudevit Kaj]

Zagorski list
e-vundano: 08.07.2012.

Iz bakine pučke bilježnice

Če baba nema mekle, z jezikom pomijieče

Gda nešči ima pune cajta onda se vu saku stvar dirne gde mu je i gde mu nije mesta. Znaš da neštere stvari nije duobre dirati i pustiti na miru. Tuo ti je iste kak da pesa na lancu furt zajebavaš, te te bu grizel same čaka priliku. Tak i ona ili on šteri nemaju posla i same tračaju. Pune se toga mora zroditi z zubi lenjuge (ljenčine) jer takof ima cajta zmišljati gde te bu najbolše fpičil. 

Piše:Zoran Gregurek


Ako ništa radimo, ne možemo nikome napraviti štetu. Ova izreka je velika zabluda, a na svoj ju je način tumačila naša hraščinska baka Ivka, koja je o ovoj temi znala često raspredati.

„ Če baba nema mekle, z jezikom pomijieče. Gda baba nema posla, znaš, prime se trač i če je zluočesta, saki dujde na red da ga pumete z svuojem jezikom. Ona bu same čakala da je neke veliš i ma te zmelje. A takve netrebaš ni niš napraviti, jer te bu same fpičila, kak kača z grma gda se najmenje nadaš „, govorila je baka.

Starica je uvijek bila naklonija muškima nego ženama kad se govorilo u problemima u kući.

„ Mam da se razjasnime : če neke ne valja vu hiži, onda je tu baba kriva. Nek me nišči krive ne razme, ali žejnska vu sake hiži muora kormaniti kak god se muž važen delal i pripovijiedal da je on prvi. I gda se niš ne dijiela, muž je tu da babu opomene, a če je ona prava žejnska, mam se bu stepla. A če nije, muž ju muora pošpuotati i z duoma stirati če trebe. Je, nema ti druge jer ti bu takva baba bez posla i neposlušna same neprilike napravila. Z cijilim selom se bu posvadila i onda muž ne imel obraza niti si gemišt z susedom ili mejašom spiti. Tuo ti je onda vrak „, gunđala bi baka.

A što se još može izroditi iz besposličarenja, pitali smo baku.

„ Jaj, još pitaš, sinek dragi...Niš dobrega jer gda nešči ima pune cajta onda se vu saku stvar dirne gde mu je i gde mu nije mesta. Znaš da neštere stvari nije duobre dirati i pustiti na miru. Tuo ti je iste kak da pesa na lancu furt zajebavaš, te te bu grizel same čaka priliku. Tak i ona ili on šteri nemaju posla i same tračaju. Pune se toga mora zroditi z zubi lenjuge (ljenčine) jer takof ima cajta zmišljati gde te bu najbolše fpičil. Znaš, da se male našalime, da se z duosade i deca dijielaju jer takvi šteri nemaju pravuga posla, same misle na huncmotarije i gde se bu i s kijim prekupitnul „, smijala se starica i dodala „ Je,da nem zabila, znaš kak se veli da i pop bez posla male kozle na krst nesi. Buog mi grijieh opresti,ali tuo ti je tak i nikak drugač !“


Zvir:
http://www.zagorje.com/kolumne/pregled/iz-bakine-pucke-biljeznice-ce-baba-nema-mekle-z-jezikom-pomijiece-1
 
* * * * * * * * * * * ** * * * * * * * * * * * * * * * * *

(Delo na) vide(l)o:

Ti žlabrava baba namoči si klun!

Vinska Kaplja - Kvartet Gubec, 02:19

Vinska Kaplja - Kvartet Gubec

 

[Ljudevit Kaj]

A kaj da danas kuham? (51)

Podravino moja mila gastronomska (1)

Pa mi Podravci imamo zapraf sve. Čuvene svatovske i druge juhe, mesa kakvo ti Bog hoće, kolačima niko nezna broja a fala Bogu i kojekakve pijače.

http://www.forumgorica.com/kajkavski/hr-kaj-ne-lepa-nasa-kajkavska-tiskajne/msg45163/#msg45163

Coolinarka, 09.04.2012.
 
A kaj da danas kuham? (52)
 
Podravino moja mila gastronomska (2)

Pri nama doma je i danas za svetke na stolu raca ili guska. Nekak nam bolje pašu nego pura, a kak smo mala familija pura nam je preveć. Uz te dve ptice meni su vam najbolji prilog: mlinci. Moraju biti spečeni doma, moraju biti tanki i svakak dovršeni v onoj mašći od pečenja.

Piše Ivan Ferenčak - ivan944


Imam nekak osjećaj da su Podravske kuharice imale jako slične jelovnike, naročito v nedelu i za svetke.I dan danas se dobro sećam kak je to pri nama doma zgledalo. Posle fruštuka mama je krenula na spremanje obeda. V ljetno doba bi vlovila piceka, očupala mu vrata i malo ga priklala. Krv je naravno pustila v ranjglicu i to je mam išlo na pečenje. Ste to kad jeli? Delikatesa. Od tog piceka je mama iskoristila sve: od sitniša (jetrica, želudec, drape, vrhovi krila, kosti pri trclu i vrat) je napravila juhu z vrhnjem a sve ostalo se je spohalo. Ali kak? Za prezle nismo onda ni znali nego se je pohalo samo z brašnom i jajcima. Užival sam posebno u onoj obleki od pohanja, pa sam to znal ukrasti i prije nego su pohanci bili servirani. Prilog je obično bil krumpir i to najčešće u onoj masti od pohanja. Imal je nekak poseban okus. Kolači su bili navek nekakvi domaći, a moj je stari obožaval sve kolače, a posebno digance z orehima ili makom, kifle ili buftle s pekmezom, a bil je jako zadovoljan s običnim prostim pogačicama. Druga varijanta obeda su bili pohani svinjski šnicli ili krmenadli, naravno z puno krumpira. Posebno je bil fini krumpir koji se je pekel u onoj masti posle pečenog piceka ili krmenadla v komadu. I svakak puno šalate uz to. Zimski jelovnik se je malo ipak razlikoval od onog proljetno-ljetnog. Jelo se više krmetine iz paca koja je meni i danas prefina. Probajte ostaviti v pacu komad krmenadla ili vratine jedno 10-15 dana i onda ga skuhajte. Uz to meni strašno paše restani krumpir i kiseli vugorki. To meso z paca je dobro čak i pohano jer ima jednu posebnu aromu i pikantnost. Suho meso je pak imalo posebne čari. Kuhani suhi buncek ili kuhana rebra uz restani ili pire krumpir su mi dandanas posebni. No nekaj nisam nikak mogel baš podnesti. Pri hiži jednog mojeg strica se je čak i juha delala od suhog mesa. Tak nekaj teško nisam posle nikad jel. Nemojte ni probati tak nekaj. Malo veći svetki su bili rezervirani za racu, gusku ili puru a posebna je fešta bil odojek. Pri nama doma je i danas za svetke na stolu raca ili guska. Nekak nam bolje pašu nego pura, a kak smo mala familija pura nam je preveć. Uz te dve ptice meni su vam najbolji prilog: mlinci. Moraju biti spečeni doma, moraju biti tanki i svakak dovršeni v onoj mašći od pečenja. Ak su još dobro začinjeni nema bolšega. Kolko god sam po svetu kojekaj jel, nekaj slično mlincima nisam jel. Ak se ne varam to je i priznati hrvatski proizvod. Mogli bi mi Podravci prijaviti kojekaj za poznati hrvatski proizvod samo se navek prekasno toga setimo.


Pondelek

Juha: Juha z vrćaka; fala Bogu kojekakve zelenjave ima u izobilju
Glavno jelo: Blitva na podravski način, uz to spohajte samo kruh, mesa je za vikend bilo preveć
Desert: Siguran sam da imate od Vuzma kolača za celi tjedan


Tork
 
Juha/Glavno jelo: Ćoravi gulaš; da nebi pod zubima škripal denite malo šarenoga špekeca ili par kobasi
Desert: Ovaj posni obed pojačajte z nekakvim palačinkama


Sreda
 
Ovo bi mogel biti jelovnik za nedelu a vi napravite kak oćete.
Predjelo: Skuhajte sušeni buncek, narežite na veće kockice i spohajte. Uz to napravite nekaj ala tartar umak na podravski način z puno češnjaka i vrhnja.
Glavno jelo: Juneći flam u saftu od češnjaka i špecli. (Pitajte nekoju baku kaj su špecli)
Desert: Tu morate popiti nekaj konkretno.


Četrtek
 
Juha/Glavno jelo: Prisiljeno zelje z paradajzom. Ja najprije zdinstam malo nekakvoga mesa i na to hitim kuhano zelje i ostalo kaj v to već ide.
Desert: Nekaj osvežavajuće: recimo ledeni čaj.


Petek
 
Juha: Ak imate sreće bute dobili frišku rečnu ribu. Od glavi i repa i fajn povrća napravite povrtno-riblju juhu.
Glavno jelo: [/i]Najbolje delove ribe[/i] uvaljajte u smjesu od kuruznog i belog brašna, soli, vegete i crvene paprike i v reš spečite. Za prilog paše i krumpir i grah šalata.
Desert: Sve osim čaše vina bi bil greh popiti.


Subota
 
Kak i prošlu subotu najte ostati doma. Ote nekam v prirodu.
Predjelo: malo špeka ili jegera, koja prga, malo luka, malo kuruznoga kruha i koji klipić. Do obeda bute zdržali.
Glavno jelo: Izaberite kaj vam je lakše i brže napraviti: roštilj ili peka. Mi bumo roštiljali.
Desert: Tekućine sigurno imate u izobilju. Žene se nek pobrinu za nekakav kolač


Nedela
 
Juha: Juha od racinog sitniša
Glavno jelo: Pečena raca, mlinci ili hajdinska kaša, šalata
Desert: A kaj drugo nego diganci z orehima; sve skupa zalejte z gemištom


http://www.coolinarika.com/clanak/a-kaj-da-danas-kuham-52/ 

* * * * * * * * * * * * * * * * * * * * * * * * * * * * * * * * * * * * * * * *

Pismo-hrana: «A kaj da danas kuham? »
http://www.coolinarika.com/klub/ivan944/clanci/

* * * * * * * * * * * * * * * * * * * * * * * * * * * * * * * * * * * * * * * *

TS Oblaki - Raca plava po Dravi, 01:55
Tamburaški festival Buševec 2008

TS Oblaki - Raca plava po Dravi

[Ljudevit Kaj]

Varaždinske vesti, br. 3524, 2012-07-17

Piše: prof. Barica Pahič
 
KAJ je naše pitanje i naš odgovor, naša duša i naša popevka

Starinska i gospocka kajkavština

Nešterni mi naši čitatelji vele nek ne pišem preveč starinsku, a drugi pak da ne pišem preveč gospocku kajkavščinu. Jeni misliju da je prava kajkavščina ona ekavska, a drugi pak da pišem iekavski zate kaj večina kajkavcev govori iekavski. Ja se ne bi štela zameriti ni jenim ni drugim, a pišem tak zate kaj je i moj materinski guovor iekavski. Starinsku književnu kajkavščinu, štera je bila standardizierana, smo z službene uporabe ionak othitili, pak denes saki kajkavec govori “po domači”, kak se govori v njegvem mestu ili selu, negdi s puno slovenščine, negdi pak z nekakvu mešavinu kajkavčine i “gospocke” štokavščine. Nešterni se i hvale da niesu kajkavci, a v guovoru jih odaje naglasak. A oni šteri pišu kajkavski, na primer članovi Varaždinskoga književnoga društva, ipak se trude da jim rieči budu prave kajkavske, maker jim to furt i nejde od ruke.

Isto tak se večini čitateljov dopadaju same šalne pesme kak na primer ona “Jezuš, dečki, kak sem žejen” zate kaj su vremena teška i f sagdiešnjem življenju jim baš i nie do smieha. Nešterni opet rado pročitaju saku dobru popefku štera jim se serca primi (kak na primer “Žejna duša”), a ima i takšnih šteri ne čitaju nikakve popefke. Za nje znamo kulike je vur. Kaj se more! Kaj popefka nekom znači? Nekom puno, nekom ništ. Nekomu je draga knjiga, drugom piva i gemišt. Ali i takvi si bar negdar zapopevaju, če ništ drugo onda kakvu šalnu ili pak prostu pesmu, morti onakvu kakšna se na naše TV popeva kakti reklama za pivo.

No, ja i ovie put v rubriku moram deti jenu popiefku. Ovie put sam se odlučila predstaviti pesmu Nade Rukav Bogojević, predsednice Varaždinskoga književnoga društva. Z njene pesničke zbirke “Vu zvirku duše” zebrala sam pesmu:


Popiefka zaklenjena h misel

Zamotana h niti moje duše
Popiefka mi znutra zvoni,
zgublena je, nemre vujti
ar misel ju terdo derži.

Žegeče me zmed serca i duše,
rastancana se premieče i smieje,
spelava svoj salto mortale,
a unda se znovič, seposut, razlieje,

H čkomine podrapane nutrine
čez me se zgledava i blešči,
merzlene jutre od praznine
h kutu ju serca, napuščenu, tišči.

Moja popiefka za druge muči,
h mraku od straha dergeče,
htoplena v zvirku plača,
zaklenjena h misel kak htič perheče.

Vište, nieje lehke popiefku napisati. Rietko se gda dogodi da same najempot zleti z duše. Pesnikinja se več put mora dugo mučiti i dvojiti zmed osečanja i misli. Dugo popiefku nosi v sebi kak ftiča vu krletki šteri perheče i hoče vun. Ftopljena ji je vu plaču i zaklenjena v misel! To je, kak je več jen naš stari pesnik rekel “muka pjesnikova”. A naša je pesnikinja f tie i takvi mukam, postigla da joj z duše vujdu tri zbirke popiefki; kre spomenute još i “Srce na dlanu” i “Žena od kamena”, a na natječaju”Dragutin Domjanić” vu Zelini dobila je i nagradu za “najcjelovitiji opus”. Morti ona v duši ima još popiefki štere budu prie ili pokle nahrupile vun, doteknule nekomu serce i dopale se čitateljem, maker i nie bile smiešne. A ona ima i takšnih štere budu drugi put došle na red.


Zvir:
http://varazdinske-vijesti.hr/kaj-je-nase-pitanje-i-nas-odgovor/starinska-i-gospocka-kajkavstina.html
i(l) str. 21. sim:
http://varazdinske-vijesti.hr/pdf/3524.pdf

* * * * * * * * * * * ** * * * * * * * * * * * * * * * * *

(Delo na) vide(l)o:

Mirjana Pospiš, Adam Končić i Kavaliri - "V Varaždinu na placu", 03:12

Mirjana Pospiš, Adam Končić i Kavaliri - "V Varaždinu na placu"

[Ljudevit Kaj]

Zagorski list
e-vundano: 22.07.2012.

Dnevnik tate Bena

Opet more

Dojdem na red i konobar mi kulturno veli „Izvolite“. Ja pokažem vodu kaj sam zel, a on mene pita e bum još kaj. Velim da nič drugo neču, a on meni veli 13 kuna. 13 kuna za pol litre obične vode!!! Jesam očekival da je skuplješe od nekih 4 do 5 kuna kolko to košta h dučanu, ali ovo je malo preveč.

Piše:Tomislav Benčić   


Početak prošlog tjedna prešel je u znaku priprema za more. A onda smo i krenuli. I na kraju smo i došli na more. Prvi problem je nastal kad je trebalo sve kaj smo priredili deti h auto. A mislil sam da kak sad imamo i karavana h garaži da to nebu problem.
Jasno mi je da sam se mučil h Matiza se nametati kaj nam treba za more. Ipak je to mali gradski auto. Ali lani sam ženi kupil Astru karavana. I mislil da su problemi s odlaskima na more stvar prošlosti. Nakon tri ljete pak smo si skup krenuli na more. Žena, sve tri pucke i ja. To automatski znači pet kofera. Plus razne druge neophodne stvari. I kak god da je h autu veliki gepek h času sam ga napunil. A još je torbi ostalo za deti nutra.

Suprotno svim zakonima fizike ipak smo sve uspeli narijevati nutra. Kak smo išli usred tjedna nije bila velika gužva. Čak niti na trajekt nismo dugo čakali. Čim smo si stali na pristanište več je trajekt došel. Kad smo se ukrcali, našli si mesta za sesti Gracia je mam bila žedna.

Kaj smo zeli sa sobom za piti smo spili, osim onih flaš kaj smo deli dan prije h škrinju, ali te se niti do tad nisu odmrzle. Mislim jesu se malo odmrzle, ali to nije bilo za dati detetu za piti. Pa prejdem ja na šank po jednu vodu od pol litre. Pokraj šanka je frižider s tim raznim vodicama, sokima i pivama, ali nigde ne piše cijena. Da piše sigurno se bi obrnul i prešel van. Ovak zemem ja iz frižidera jednu vodu od pol litre i stanem u red da to platim.

Dojdem na red i konobar mi kulturno veli „Izvolite“. Ja pokažem vodu kaj sam zel, a on mene pita e bum još kaj. Velim da nič drugo neču, a on meni veli 13 kuna. 13 kuna za pol litre obične vode!!! Jesam očekival da je skuplješe od nekih 4 do 5 kuna kolko to košta h dučanu, ali ovo je malo preveč.

H životu sam videl sikakvih ljudi. Ali kaj mi se neki dan na plaži dogodilo, nije mi ni na kraj pameti bilo da se more dogoditi. Kak se Patricija i Sandra ne odlučuju iti z nama na plažu nego ideju same, tak smo žena, Gracia i ja krenuli na kupanje. Zauzeli mi mesto uz obalu, rastegnuli ručnike i sljekli se.

Ljevo od nas su bile dvije mlajše ženske, po govoru bi rekel da su iz države s kojom Hrvatska ima najdužu granicu. Drugim riječima bosanke. Jedna od njih h ruki drži tanjur, h drugoj vilicu i nekaj jede. Nisam sad takef da bi gledel kaj ima h tanjuru. Kak je se to bilo oko 9 hjutro, tak su na plaži uglavnom bile stare babe i ljudi s malom decom. I h pličaku se kupljeju mala deca nekoliko komada, među njima i naša Gracia. I jedna od malo prije spomenutih ženskih kak je pojela to kaj je imela, predje do pličaka gde su se kupala deca i tam opere tanjur i beštek, a ostanjki hrane počneju plivati tam med decom.


Zvir:
http://www.zagorje.com/kolumne/pregled/dnevnik-tate-bena-opet-more

* * * * * * * * * * * * * * * * * * * * * * * * * * * * * *

(s)Međimorje
ANA STEFOK Medjimurje zeleno, 03:23

ANA STEFOK Medjimurje zeleno

[Ljudevit Kaj]

Zagorski list
e-vundano 23.07.2012.

Iz bakine pučke bilježnice

Šte ima peneze, kuplje se vu muoru

" Ja sam furt vuoljela gore i friški zrak, špancieranje po šume, bijiežanje po trave i kupanje vu kakve slatke vode,vu jezercu ili puotuoku, da te oči ne pečeju gda glediš vu vuode. Onda nekam na klupu ili na deku i raspresteš strošek i vudri po puohanomu čučeku i domačomu paradajzu. Još kupica vina k tome i mam se bu čula pesma.A more naj bu Dalmatincom, šteri po danu spiju i peneze od stranjskih ljudi broje kaj se pri nji kupljeju i daju im konak, a navečer vu klijieti od kamijienja (konoba) ijeju slane črve (ribe) i popijievaju.

Piše:Zoran Gregurek   


Šte ima peneze, kuplje se vu muoru,a šte nema, doma vu lavuoru. Je, i šte ima peneze,sinek dragi, ima ženjsku krasnu, a šte nema - debelu i masnu. Šte ima peneze, ije finuote sake, a šte nema - same požirake, govorila je naša hraščinska baka Ivka, pučka savjetnica.

A da li su nekad naši stari išli na ljetovanje na more ?

" Jaj, kakve morje ?! Tuo su išli same bogatuni i velikani šteri su plivali vu penezi i šteri su z suobu sluge i sluškinje na morje peljali da ih i tam služiju. Ja kak dijitete i muoja brača jedva sme do potoka došli da bi se okupali, a naši starci nigdar vu životu nijiesu bili na morju. Ja sam prvi put morje vidla gda sme išli z našiem velečasnim na Trsat. Onda sme se i mi pucke išle tracat vu morje. Bile je mrzla voda kak led, ali sme mi senek zašli vu vuodu. Tak sme se nagutali slane vode, da sme saki pokle spili litru malinofca ", prisjećala se baka lijepog izleta i svojeg prvog susreta sa velikim morskim plavetnilom.

Što je baka mislila o moru '

" Da bi ti morje...Moj brat je skore vmrl gda se preladil na morju, gda ga je vu čamcu bura vlovila. Skora ga je  silni veter zaliknul i mokroga sega prepuhal i mama je upalu pljuč dobil i ležal je dva tjedne vu bolnice na Sušaku. Je, tuo ti je morje : Fine dok je mirne i tople, a vrag gda se voda digne vu zrak i gda mrzli veter z severa obrne ", klimala je glavom baka nesklona morskim radostima.

Baka je imala recept za idealan odmor ljeti.

" Ja sam furt vuoljela gore i friški zrak, špancieranje po šume, bijiežanje po trave i kupanje vu kakve slatke vode,vu jezercu ili puotuolu, da te oči ne pečeju gda glediš vu vuode. Onda nekam na klupu ili na deku i raspresteš strošek i vudri po puohanomu čučeku i domačomu paradajzu. Još kupica vina k tome i mama se bu čula pesma.A more naj bu Dalmatincom, šteri po danu spiju i peneze od stranjskih ljudi broje kaj se pri nji kupljeju i daju im konak, a navečer vu klijieti od kamijienja (konoba) ijeju slane črve (ribe) i popijievaju. Nem rekla, pesme su im lijiepe, same kaj ih ja male razmem pak more same za njimi gundrati i cvileti.

O jakomu suncu, kak da si vu šamuotne peči, nem ni govorila, jer tak sunjčece zažar, da se on bijieli kamen vužge. Jedine da legneš vu lad, pod jelu i da piješ njihov črni gemišt bez kisele vode (misli na bevandu) i glediš Dalmatinke ili Dalmatince. Znaš kak se popijieva : Ajde Dalamtinka smeđa, daj namaži mi leđa (smijeh)",zapjevala je na kraju našeg druženja baka.


Zvir:
http://www.zagorje.com/kolumne/pregled/ste-ima-peneze-kuplje-se-vu-muoru

* * * * * * * * * * * * * * * * * * * *

Idemo na morje..
Mirko Svenda Ziga – Protuletje, 06:59

Mirko Svenda Ziga - Protuletje

[Ljudevit Kaj]

Varaždinske vesti, br. 3525, 24.07.2012.

KAJ je naše pitanje i naš odgovor

Piše: Barica Pahič

Varaždin se preselil na Jadran

Sunce peče. Pokle kupanja se ne zležava na kamenju nek se odma ide doma ili se ljudi sklanjaju v hlad pod suncobrane. Pod jenim suncobranom njih pet-šest na glas raspravlja, i to po domači, na kajkavskom, tak da zgledi da se Varaždin preselil na Jadran ili su si z mora pričeli kajkati kaj je male teže poverovati pokle “Larinoga izbora”


Ljeto je zašlo v svoju najvišešu fazu. Vručina nas je pritisnula. Dišemo kak na škrge, zastiremo obluke, spuštamo roletne, bežimo v hladovinu, iščemo osveženje vu vodi; doma pod tušem, na kakvom bajeru, a puno njih i na morju. S time se i meni posrečilo. Otputujem na naš najbližeši otok, mam odbežim na plažu i sprobam vodu. Topla je, a gda zaroniš i počneš plivati, ne da ti se vun.

More je kak naslikano, čisto je i bistro i plavi se, onak mirno kak ulje ili se same male mreška. Sunce peče. Pokle kupanja se ne zležava na kamenju nek se odma ide doma ili se ljudi sklanjaju v hlad pod suncobrane. Pod jenim suncobranom njih pet-šest na glas raspravlja, i to po domači, na kajkavskom, tak da zgledi da se Varaždin preselil na Jadran ili su si z mora pričeli kajkati kaj je male teže poverovati pokle “Larinoga izbora”, v šterom se preliepa Lara nekak preduge odlučivala koga ili kaj da zbere. Morti je baš tie izbor začel diskusiju. Ak i nečem, čujem o čem se to svade. Največ se spominjalo jeno ime štero je preplavilo se TV-zaslone i dnevne novine.

A bormeš se i filozofiralo o marksizmu, moralnom imperativu i slobodi izbora, o agnosticizmu i ateizmu onieh na vlasti… (Pa kie smie reči da je Varaždin kulturna žabokrečina a Varaždinci neškolovani?)

- Ja tu slobodu izbora najmenj razmem. Če boga nema i imamo tu slobodu, kaj sam morti ja zebral da mi poduzeče propadne, a mene šupiraju v mirovinu z šteru ni pesa nemrem prehraniti?
- A došel si na more!
- Je, susedu zmortati garažu!
- Tak? Siva ekonomija? Sam nek te ne čuje Linić.
- Kak ne kužite, dečki. Gda se nekaj zbere, zbereju se i posljedice štere to suobu donaša. A oni štere smo si mi zebrali da vladaju, ne veruju v boga, pak saki za se misli da je bog. Bez boga nikak! Kie v ruke derži sekiru, more i ciepati.
- Ah, se je to fiškalska sljeparija. A ja se razmem same v zidariju i preferans.
Mene pak je vuru i pol plivanja zmučilo.
- Idem doma. Idem pisati tekst – rečem svoje družbe, štera se spravljala za još jen skok v morje.

Dek su si došli doma, tekst je bil pri kraju. Baš sam napisala nekaj o Ivici Jembrihu i citierala njegvu popiefku “Rieč od cvietja”. Moj domačin se nagne nad mene.

- A kie ti je tie? Mi v Zagrebu male kaj o njemu znamo. Same smo ga jemput vidli v Županijske panorame. Nekaj je recitieral vu velikem klobuku.
-To ti je veliki zagovornik i čuvar kajkavščine rodom z Mača. Ima priek dvajset pesnički zbirki, a največ o kajkavščine.
- Liepo, liepo! Same, nekak mi nekaj fali. Pišeš same o riečima, a nigdi si nie spomenula Čačića. On je “in”.
- Niti nebum. Kaj bi njemu moja reklama!


http://varazdinske-vijesti.hr/kaj-je-nase-pitanje-i-nas-odgovor/varazdin-se-preselil-na-jadran.html
i(l)
str. 20. sim:
http://varazdinske-vijesti.hr/pdf/3525.pdf

* * * * * * * * * * * * * * * * * * * *

Anđelko Igrec: Capriccio Garestinensis, tema "Ja sem Varaždinec", 06:49

Anđelko Igrec: Capriccio Garestinensis, tema "Ja sem Varaždinec"

[Ljudevit Kaj]

Međimurske novine
e-vundato: 16.07.2012.

Kam so se, itak, skrili međimorski tajkuni???

Vučili smo se vu školi gda nikaj kaj postoji nebre zginuti brez traga i glasa. A vu denešje vreme se pripetilo i to kaj je zginulo. Napriliko, zginulo je več hajdig bakrenih žlebov, kipov i to nej sam z hiži nek i z cirkvi, a i z groblja. I od toga vsega niti traga niti glasa. Niti se je zazvedilo što je fkral, niti kam je del, komo jiv je prodal? Vidite kak so teška ova krizna vremena i kak je velika recesija kaj več niti prirodni zakoni ne vredijo?

Piše: Jožek radnik


Nebodete veruvali, ali bil sam vam na gej paradi vu Zagrebo. Dugo sam si gruntal kajbi išel vu Split, ali nekak je prevagnul Bandićov grad jerbo je čuda bliže. Išel sam z sosedom Barikom, žena je ne štela iti makar sam jo nagovarjal skorom dva tjedne. Kaj se čudite, pak so rekli nek vsaki dojde z kim oče, a vsi šteri gledijo morajo biti stiha i tolerantni. Pak valjda ja znam što mi nejbole paše.

Naši zidari i drugi meštri z Međimorje graditeljstva so zazidali beličko šporcko dvorano i cakum-pakum gotovo so jo dali deci na korištenje. Posle toga je prek sedemdeset meštrov odišlo na burzo jerbo nemajo kaj delati. A tak dobri meštri. A gda so jim dali kajbi zidali šporcko dvorano pre Svetomo Đurđo na brego bilo bi vse drugač. Ali kajbi mi Međimorci, mi smo vekši katoliki od pape i dali smo posla stranjskima, a naši meštri nek si denejo zobe na klin. A na Belici so jiv vsi falili, od načelnika, prek župana, do prvoga potprecednika Čačića.

Ne znati što bode duže zdržal, minister Mrsić ili pak sindikati javnih službi. Nebrejo  se dospomenuti što bode popustil i čega bi se težaki vu javnaj službaj trebali odreči. Oni priznajo gda je kriza, gda je teško, gda ga ne penez i gda vsi moramo nositi terha krize i pomoči kaj se te nevole rešimo z čim meje žrtvi i čim meje težakov na burzi. Tak težaki vu javnaj službaj prepovedajo, ali nečejo kajbi se i jim nekaj zelo. Oni so za vse sam kaj  jim plače nebi nikaj išle doli. Oni bi se odrekli one povišice štero jim je Jaca obečala pred dve leti, a štero so nigdar nej dobili. Oni tak več na leta gledijo težake kak se muočijo z dve jezere kuni brez dodatka na staž, bez regresa, bez božičnice i kaj  nebodemo rekli gda te jezere ne dohajao ruon vsaki mesec. I unda bo nešči rekel gda smo vsi jednaki? Nevek poriti k meši odidejo oni kaj punijo kaso, dok oni šteri praznijo gospodarijo z penezi.

Nebrete več nikomo veruvati, niti nam domačaj, niti pak stranjskaj, a niti pak Interneto, šteri tobož vse zna. Najme kaj, napisal sam na Guglino „međimorski tajkun“ i otpral mi se čistam prazen monitor. I ve mi rečite komo nek verjem: sebi, sosedima ili pak Interneto? Furt so mi prepovedali tak gda sam počel veruvati gda oni na Interneto vse znajo, a mortik još i vejč, jerbo so se falili gda so oni kak Božekovo oko štero vse vidi. Rečite mi, prosim vas lejpo, je li to mogoče gda mi Međimorci nemamo svoje tajkune? Pak kaj smo mi pravzaprav  tak nesposobni? Gruntal sam si jen čas i unda mi se vužgala ponošena svečica, pak sam probal na Guglino poiskati „međimorske kulake“, ali pak nikaj. Mogel bi reči gda na falačko zemle med dvemi vodami živi sam pošten svet. Ali zakaj pak smo unda jeden drugomo tak jalni ak smo vsi jednaki, očem reči, jednako pošteni? Ili ga mortik, itak, i vu našemo međimorskomo cvetnjako jega kukolja sam se dobro zamaskeral, tak gda ga niti ovi z Interneta nebrejo najti. Vsa je sreča kaj Big Brader nezna gda je Međimorje malo!

Vučili smo se vu školi gda nikaj kaj postoji nebre zginuti brez traga i glasa. A vu denešje vreme se pripetilo i to kaj je zginulo. Napriliko, zginulo je več hajdig bakrenih žlebov, kipov i to nej sam z hiži nek i z cirkvi, a i z groblja. I od toga vsega niti traga niti glasa. Niti se je zazvedilo što je fkral, niti kam je del, komo jiv je prodal? Vidite kak so teška ova krizna vremena i kak je velika recesija kaj več niti prirodni zakoni ne vredijo?

Očeš videti Španjolsko i to Barcelono?  Ak si mladi, napeti i ak si žensko, očem reči, puca željna vsega kaj mladi čovek, oliti žena ili puca, oče znati, unda si kak stvorena kaj z tebe napravijo hurmo, kaj nebodem rekel, fljundro na šteroj so vsi služili, a ona je delala i dobavljala nekše drobne. A znate kak so mlade puce, štere so zbavile kakšo takšo sredjo školo, a do posla nikak, a imajo voljo kaj se genejo z hrptejače svojih starcov. Takše puce je ne teško navabiti. Što bi rekel gda bode to tak zišlo, a vse je zgledalo kak pravi posel. Dohajali so mešetari vu anjcugaj z hojzpinklinaj, tu i tam so se naslajali i na policaje, tak gda je to vse zgledalo vu nejbolšemo redo. I to je još nej vse: na prvi posel so se peljali z reoplanaj. Što bi rekel kaj so te preštimani moži i fajne žene bili vu službi običnoga kurvaraja?

Teca Franca i jena pajdašica i treča soseda Jalža so se nekaj navelikom spominkovale, na klupici,  pod lipom naprej pred tecinom hižom .Vu tem cajto je Julika došla vum črez potna vrata na Pištijovoj lesi. Obedve so mam včuhnule i zagledale so se vu Juliko, štera je pomalem odhajala. Franca je prva pregovorila: - Kaj ti misliš, jo je je? A Jalža je mam otpovedala: Je jo je! Tak ve vsi znamo kaj se pripetilo. Ak nešči, mortik, ne razme nek se javi teci i ona mo bode vse sprepovedala.


Zvir:
http://www.mnovine.biz/novo/index.php?option=com_content&view=article&id=13871:kam-so-se-itak-skrili-meimorski-tajkuni&catid=301:joek-radnik&Itemid=575


KUD ''Orač'' Demerje - Dej mi bože joči sokolove, 02:35

KUD ''Orač'' Demerje - Dej mi bože joči sokolove

[Ljudevit Kaj]

Zagorski list
e-vundano: 26.07.2012.
 
Dnevnik tate Bena

Škorpion

Žena si je natočila liker od višnji, a ja gemišt. I to pravi, h kupicu od tri deci. Malo dalje sused s broja 7 isto tak sedi vani i pije gemišt. A moj gemišt se nije videl s njegove točke gledišta jer je bil zaklonjen s nekakvom zelenjavom kaj je još pokojna baka posadila. I pita on mene e si bum spil gemišt. Zdignem ja skoro punu čašu, spil sam morti dva-tri gutljaja i objasnim mu da pravi Zagorec nemre ni na moru biti bez svojeg domačeg vina. No dobro, tatino je vino.

Piše:Tomislav Benčić


Škorpion je jedna opasna životinja. Naročito ak vas hpiči. Tu pri nama ih baš i nema, ali tam na moru ih ima. Ne morate biti strahu nije me niti jen hpičil. Niti hgrizel. Kaj god da škorpioni delaju. Jedan mali škorpion je bil tam na moru, na največem jadranskom otoku povod za jedno susjedsko druženje.
 
Probajte si prvo predočiti jednu tipičnu primorsku ulicu. Vuska je, sa h kamenu, kamene hiže kaj su jedna do druge. I jednu večer si žena i ja sednemo ispred hiže. Žena si je natočila liker od višnji, a ja gemišt. I to pravi, h kupicu od tri deci. Malo dalje sused s broja 7 isto tak sedi vani i pije gemišt. A moj gemišt se nije videl s njegove točke gledišta jer je bil zaklonjen s nekakvom zelenjavom kaj je još pokojna baka posadila. I pita on mene e si bum spil gemišt. Zdignem ja skoro punu čašu, spil sam morti dva-tri gutljaja i objasnim mu da pravi Zagorec nemre ni na moru biti bez svojeg domačeg vina. No, dobro tatino je vino.
 
U međuvremenu je i sused z broja 5 zišel van z hiže i čaka ženu da ideju h šetnju. Baš h to vrijeme zagledamo na zidu hiže (broj 3) malog škorpiona. Zemem fotoaparat i poslikam ga onak za uspomenu. Pita sused s broja 5 da kaj slikam. Velim mu da sam slikal škorpiona, a on na to odmahne kaj da sam tu pri nama slikal muhu. Kad je več došel do mene zmislil sam se da sam mu dan prije obečal da bu probal moju rakiju od suhih smokvi.
 
Taj dan kad sam mu to obečal nije več štel piti jer sam mu prije toga dal rakiju od normalnih smokvi za piti. Počel se opet nekaj izmotavati, ali kak mu još žena nije zišla van z hiže pristal je probati. Probal je, pohvalil je rakijicu da je dobra i malo smo se pospominali kak gdo dela takve rakije. Pa se zmislil da ima još rakije od orehi i da onda mi moramo to probati. Sused s broja 7 nije štel rakije jer je rekel da neče betonirati i da bu ostal na gemištima.
 
Ni prešlo ni minuta-dvije kad se iz pravca rive pojavil sused s broja 8. To jest več nišči ne živi na broju 8 nego je kćer od tog suseda tam napravila apartmane, a oni živiju malo dalje na broju 17. Zapraf od svih spomenutih tam živi samo sused s broja 5, dok smo svi ostali kak bi tam rekli furešti.
 
Onda smo sused s broja 5 i ja ponudili suseda s broja 8 s naši rakicijama, kaj ovome nije teško palo, ali mu je nakon par rakija dosta teško selo, pa se več počel i za galender loviti da ne zgubi ravnotežu. Bi on još ostal z nama, ali je zagledal ženu, kćer i hnuka i rekel da mora iti i krenul je prema doma. Ipak je još stal i pri susedu s broja 7 i ž njim si gemišt spil.
 
A da nisam krenul slikat škorpiona, valjda se i ne bi tak ljepo družili.


Zvir:
http://www.zagorje.com/kolumne/pregled/dnevnik-tate-bena-skorpion

* * * * * * * * * * * * * * * * * * * *

Škorpioni, buve, muve, vuši i stenice, se to ide v beli Zagreb grad ...

Zvonko Markovinovic - Mimi - Bezi Jankec, 01:13

Zvonko Markovinovic - Mimi - Bezi Jankec

[Ljudevit Kaj]

Zagorski list
e-vundano 30.07.2012.

Iz bakine pučke bilježnice

Megla na Jakopa te v snijieg zakopa
 
Pune je sekirancije i onda muž nebre kak treba ni posel pri žejnske obaviti jer je se zmučen kak da je od jutra oral, a ornice nije ni v ruke prijel ! A mlade babe gda duojdu z posla, mam si idu leči jer ih boli glava ili su im noge natekle kak peharci, onda neke za večerju kakti skuhaju i zaspiju pred televizorom krej muža. Bug mi naj opresti, a nej trebale spati nek se kušuvati med vanjkuši  z mužom se do puol noči, i onda opet v jutre gda prvi put kokot zapopijieva. Je, tuo ti je nuovi, muoderni svijiet gde valjda nema kupitanja... Dobre kaj sam stara i tuo nem duge gledela
 
Piše:Zoran Gregurek


Megla na Jakopa te v snijieg zakopa . Tak je govorila moja babica gda bi v jutre z polja buču donesla na Jakopove (25.srpnja). Tuo znači da bu tak uoštra zima da bu snijieg do oblukof i da se vun ne mogle i da se bume onda rada zmišljali na ove lijiepe dane vu sedmomu mesecu.
 
A zakaj je buču nesila ? Veli se da sveta Jana bučnicu peče i onda je bučnica najfineša, a ona je Jakopova prva suseda štere je guod 26., pripovjedala je naša hraščinska baka Ivka pučka prognozerka.
 
Što je sa usjevima za vruća vremena ?
 
„ Šenica na Jakopove zori, ali i zgori. Zate bi ju treba do toga goda požeti jer bu veliki kvar i gubiček (gubitak) ake prevujde i ake je žetva vu kolovuozu. Nije dobre ni da tri dana predi curi, na Magdalijienu 22. srpnja, jer se te dešč rada zadrži i onda nije moči ni otavu pospraviti, jer je sijiene več odavna pokošene. Vrak je če suha trava na polju zgnjije, onda smrdi one sijiene ili otave štera je krej toga same stala i blage to rada ne ije „,mudrozborila je starica.
 
Baka Ivka iz godine u godinu potkraj je srpnja ponavljala savjete za sve djevojke koje žele postati majke.
 
„ Dekle za zamuš i mlade snehe muoraju se moliti svete Jane da im da muoč da srečne zanesiju. Je, tuo nije smijiešne jer je se več parof šteri nemreju imeti dece. Sveta Jana je tu na pomoč i ona rada pomore bebe i muže da začmeju dijiete. Denes ti, sinek dragi, nije ni čude da se dijiete teške prime jer si nekam letiju kak stekli, telefuoni su im furt na vuhu, stalne tuču po oni črni tablicami (misli na laptope) i skečiju kak da im je teške prebirati po slova ?!
 
Pune je sekirancije i onda muž nebre kak treba ni posel pri žejnske obaviti jer je se zmučen kak da je od jutra oral, a ornice nije ni v ruke prijel ! A mlade babe gda duojdu z posla, mam si idu leči jer ih boli glava ili su im noge natekle kak peharci, onda neke za večerju kakti skuhaju i zaspiju pred televizorom krej muža. Bug mi naj opresti, a nej trebale spati nek se kušuvati med vanjkuši  z mužom se do puol noči, i onda opet v jutre gda prvi put kokot zapopijieva (smijeh). Je, tuo ti je nuovi, muoderni svijiet gde valjda nema kupitanja... Dobre kaj sam stara i tuo nem duge gledela „,izustila bi starica zabrinuta za nove generacije zbog njihova načina života.


Zvir:
http://www.zagorje.com/kolumne/pregled/iz-bakine-pucke-biljeznice-megla-na-jakopa-te-v-snijieg-zakopa


Jakopitajne v melinu

Žiga i Bandisti - Međimurska Erotska, 04:09
 
Žiga i Bandisti - Međimurska Erotska

[Ljudevit Kaj]

Međimurske novine
e-vundato: 23.07.2012.
 
Tre negda delati i vu posteli
 
Piše: Jožek radnik
 
Če duže dale vse vejčpot čujemo kak so oni šteri so do lani bili na vlasti čuda krali, ali vam morem reči gda so i hajdik toga delali. Delali so ceste, moste, vijadukte, autoceste, tunele (nešterne so farbali i po deset pot) i kaj nebom dale nabrajal jer bodete rekli gda za jiv navijam. A ve kak so došli ovi novi, ve se nikaj ne dela, nišči ne krade, a penez ga ne. Gde so penezi ak smo vsi pošteni? A ljude smo ogulili, očem reči, ljudima smo pobrali peneze prek pedevea i podražili smo benzina, plina strujo… To vam mene gvinta!
 
Takorekoč prek noči je namanđeral naš vodeči međimorski narodnjak i dožupan Matija Posavec i postal je član Precedništva stranjke. Mortik se on tomo nadjal, mortik se več duže vreme šepetujilo o tomo, ali moram vam priznati gda so se o tomo nikaj nej spominali ovi pre čakoskoj grackoj vuri. Kak bilo gda bilo Matija je hajdig visoko dogural i, kaj se politike dotikavle, prestigel je i župana Iveka. Ivek je mel željo, štera mo se nej spunila, a Matija se, kak smo več rekli, stiha dosmickal vu sam vrh stranjke. I to na domačemo tereno vu Svetomo Martino. Kak bi labodoritaši rekli, iskoristil je vse prednosti štere donaša domaći teren. A vu Svetomo Martino je to topla voda, friški zrak, meso z tiblice, dobra kapljica… Ali to je vse nej dosti ak je igrač, kak god on dober bil, nej vu punoj formi kaj more vu svakomo cajto dati vse od sebe. Brzčas je Matija bil prepravleni jerbo je mam uspel čim so ga zebrali kaj bo igral.
 
Gazdi vu Međimorskaj vodaj so meli svojo Skupštino pak smo zazvedili kaj se tam teško posluje. Dobiček je vse menši. I to na vodi. Istinabog gda mi ljudi dostik vode spijemo i skorom vse i platimo. No, makar je to tak, ipak so gazdi zmenšali plačo direktoro Jožeko (mojemo imejako) Zorčeco jerbo se dela premalo novih priključkov kak na vodo tak i na kanalizacijo. Nej znati je li je gospon Zorčec kriv za vse one vu Vanovco ili pak Križovco, šteri nečejo piti jegovo vodo? Zbogradi toga so ga vudrili po žepo, a to kaj je postavil novo cisterno vu Svetomo Urbano i kaj je tam potrošeno čuda vejč vode nek lani i kaj je i vino čuda bolše, za to ga je nišči nej pofalil. Kak smo mi Međimorci škrti gda treba nekoga pofaliti! Ili pak jalni?
 
Nejrajši bi se preselil vu Nedelišče jerbo nedelski gospodarstveniki i obrtniki plačajo nejmenše kamate na zajme, a to vam je, bormeš, denes nej mala stvar. Najte me krivo razmeti, ali nebrem veruvati gda se je to dospomenulo mimo politike. Pak kak bi Splicka banka, ruom, vu Nedelišče odišla? Nešči jim je moral pota pokazati.
 
Vsaka čast dečkima i pucama na štrigoskom hataro kaj se dotikavle vina. Najme kaj, vina so jim vsako leto vse bolša i bolša i po temo jiv bije dober glas, kak vu Lepoj našoj, tak i dale do kraja sveta. No, ravnatel štrigoske škole i opčinski načelnik, gospon Rebernik, furt prepoveda kak se sam od vina nebre živeti, žali se i prosi svoje može i žene nek, bar tu i tam, napravijo i nešterno dete jerbo se mo bode škola spraznila. Pak za koga se naprajla tua fajna škola, a i šporcka dvorana polek je – to vas i ja pitam, dragi moji Štrigovčanci i preštimane Štrigovčanke? Neje dostik kaj delate vu goricaj, kleti, lagvaj, tre nekaj delati i vu posteli.
 
Serjanski gracki načelnik i mještani Križovca nikak se nebrejo dospomenuti štero vodo bi Križovčari pili. Najme kaj, verjem gda znate kak vu Križovco imajo dva vodovode, jednoga staroga selskoga i ovoga drugoga grackoga, očem reči, Zorčecovoga, ali furt pijejo svojo domačo vodo makar je nej zdrava kak bi morala biti. Velijo, ak so tulikša leta preživeli z svojom vodom unda bodo i dale. Ali z tem se ne slaže gracki načelnik Dobranić, pak je uvel par – nepar i to tak kaj vu parne dneve teče Zorčecova voda, a vu neparne morejo piti ono svojo domačo. Najgerek sam što bode duže zdržal?
 
Kak je to lejpo gda so vsi zadovoljni. To se vam je ovo leto pripetilo z pšenicom. Verjem gda ste čuli kak je ovo leto pšenica čistam kredno rodila makar je jedno vreme nej bilo dežđa. Ali to je još nej vse, tre reči kak je određena otkupna cena 1.35 kuna po kili, pak vam ve seljaki imajo kaj pelati vu Paromlin, a peneze dobijo za dva dni. To vam je to zakaj so vsi zadovoljni. Fala dragomo Božeko kaj sam i to doživel, a vse ove traktore po vulicaj okoli Melina si bodemo nekak (kak i vsako leto) zamagadili.

Nebrem veruvati gda so se i „Prijateli“ (to mislim na one šteri se brigajo za ničije pese) počeli sfaditi, a tulikša so si leta bili zdobra. Kak se pripoveda posvadili so zbogradi penez. Kak i vseposud, tak so i tu penezi svajo donesli makar so jiv nigdar nej dostik meli. Dok svaja traje peseki sam čusijo vu kučicaj, čkomijo i čakajo.
 
Naše žene se furt bunijo kak jiv mi zapravljamo, očem reči, damo jim kaj pre hiži držijo tri vogle i delajo vse one posle štere nišči drugi neče, a dok so peneze vu pitanjo unda jiv fkrej natiramo. Kak i vsaka medalja, tak i ova ima svojo drugo strano. Najme kaj, ve se i vu Štrigovi pokazalo gda so žene nej za to na ovomo sveto kaj bi gospodarile z penezi jerbo poglednite sam gospo Karino Zamuda, kuliko so joj ljudi penez dali kaj bode pazila na jiv i gospodarila žnjimi, a ona je vse zahuzala i to nišči ne zna kam i z kim. I unda bodo se naše žene čudile kaj jiv držimo dale od bukse?


Zvir:
http://www.mnovine.biz/novo/index.php?option=com_content&view=article&id=13953:tre-negda-delati-i-vu-posteli&catid=301:joek-radnik&Itemid=575

(i)l zajna (48.) stranica sim:
http://issuu.com/mnovine/docs/mnovine880i?mode=embed&layout=grey

* * * * * * * * * * * * * * * * * * * * * * * * * * * * * *
 
Ne se v love. Važne su i nekretnine.

Podvinčani
Podvincani – Penezi, 02:50
zagorska popevka

Podvincani - Penezi