Varaždinskě vésti, br. 3403, 23.03.2010.
KlopotecVaraždin u e-medijimaDa za varaždinski celi kraj nemaju penez na Hrvatskomu radiju vu Zagrebu zaposliti niti jednoga jedinoga stalnoga profesionalnoga dopisnika, to pak nemre biti istina nego – samo pripovest za malu decu. Jednostavno, mi Varaždinci smo fini ljudi pak smo prestiha. Morti bi ipak naši političari trebali malo jakše zagalamiti, na pravomu mestu, v Saboru?! Pital me nekoji dan jeden prijatel koji stanuje tam vu Varteksovoj vulici, je li slučajno znam gda se bu zgotovil on Televizijski centar kaj se na kraju vulice dela več malo duže od dve lete, a bilo je rečeno da bu zgotovleni za šest meseci. Veli da mu je malo smešno gda tam okolo devete vure vu emisiji “Dobro jutro, Hrvatska” vidi kak se na priliku varaždinski gradonačelnik javla direkt z – čakovečkoga studija, kak je i najavila voditelica.
Nisam mu znal odgovoriti, ali ja se držim regule da – neje važno znati nego, treba znati koga pitati! Tak sam se ja z tim konkretnim pitanjem obratil simpatičnoj šefici čakovečko-varaždinsko-koprivničkoga TV studija, koja vu zadnje vreme vodi i one kesne viesti na Prvom HTV programu. Na žalost, ženska se čudila - kaj to mene ima biti briga, i gda buju “imali o tomu kaj reči javnosti, buju rekli”!?
Tak sam i ja ostal - neinformerana javnost, pak sam to jedino mogel prenesti i mojemu prijatelu. A to zaprav znači da buju vredni dečki i puce z varaždinskoga studija i dale, ko zna do gda, delali v onim sobičkima vu vili Oršič. Malo me je znenadilo kak me je šefica “obrisala”, ali joj kakti ženski nisam preveč zameril, niti se na nju srdil. Jerbo, i ona sigurno ima dosti svojih brig...
No, pravzaprav štel sam nekaj drugo pisati gda je rieč o ovoj našoj državnoj radio-televiziji, koju redovito - po novomu - i malo skupleše redovito plačam. Najme, na prvomu programu Radio Zagreba, vu onim glavnim emisijama, Varaždin se spominje tak rietko da se ne zmislim gda sam zadnji put čul nekakšnoga vekšega priloga. A o drugim emisijama, o kulturi ili o selu i poljoprivredi, da i ne govorim...
Negda zdavna Radio Zagreb je imal vu Varaždinu svojega stalnoga dopisnika, mojega prijatela Tončeka, koji je vsaki dan imal bar dve viesti z ovoga kraja. Bilo je tu i dobrih reportaža, čega sad opče nema na radiju, čak su z Varaždina na drugomu programu išli i kratki humoristički kajkavski prilogi, itd. Uglavnom, imalo se kaj o Varaždinu poslušati! No, Tonček je odišel v penziju, pak su onda honorarno delali novinari Radio Varaždina, dok jeden njegov gazda nie zmislil “kolektivnoga dopisnika”, kaj god to značilo, pa su dečki delali “za liepe oči”. Lani im je to postalo smiešno, pak su rekli, kuliko penez - tuliko muzike, odnosno viesti. A gospoda z Radio Zagreba su onda rekla da zbogradi štednje – nema penez! Istina, ima ih tam zaposlenih bar hiljadarku, ako računamo i vu onih osam lokalnih radio postaja, koje spadaju pod Radio Zagreb pak se i financeraju z vaše i moje pretplate. A od tih je ravno šest negdi na morju, jedna vu Osijeku i jedna vu Zagrebu.
Da za varaždinski celi kraj nemaju penez na Hrvatskomu radiju vu Zagrebu zaposliti niti jednoga jedinoga stalnoga profesionalnoga dopisnika, to pak nemre biti istina nego – samo pripovest za malu decu. Jednostavno, mi Varaždinci smo fini ljudi pak smo prestiha. Morti bi ipak naši političari trebali malo jakše zagalamiti, na pravomu mestu, v Saboru?!
Ako se dobro zmislim, prije ravno četrdeset let trebal se i vu Varaždinu napraviti Radio televizijski centar, čak su i onu Lipoldtovu vilu pri Staromu gradu za njega kupili. Ali, kak vidite, od toga takaj nie bilo ništ. Zakaj, to je duga (i malo žuhka) pripovest. Pravzaprav, celi roman bi se o tomu mogel napisati!
Zvir:
http://varazdinske-vijesti.hr/3403/kolumne/varazdin-u-e-medijima?opcija=kolumnistiPrelistajtě nôvi broj "Varaždinca"(živopisano (online) izdâjně "Varaždinske vésti"):
http://varazdinske-vijesti.hr/online/Main.php?MagID=1&MagNo=1pdf-pismohrana:
Varaždinskě véstihttp://varazdinske-vijesti.hr/pdf-arhivaŽupaniske véstihttp://varazdinske-vijesti.hr/arhiva-zupanijske-vijesti* * * * * * * * * * * * * * * * * * * * * * * * * * * * * * * * * * * * * * * * * * * * * * * *
Preštimani gospon Klo
POTec - kajkavski call-um-nist z «Varaždinske vésti“ na tur-for-um-u
(vupisati
Klopotec vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/* * * * * * * * * * * * * * * * * * * * * * * * * * * * * * * * * * * * * * * * * * * * * * * *
Martina Dorak & Johannes Kalpers - Komm mit nach Varasdin 2006
(aus der Operette 'Gräfin Mariza' ...
Komm mit nach Varasdin! So lange noch die Rosen blüh'n, ...)
www.youtube.com/watch?v=Tp-9X50qz3MOpširnešě
(« privremeno » nedostupno):
http://www.forum.gorica.hr/index.php/topic,2278.msg85330.html#msg85330 [/quote]
* * * * * * * * * * * * * * * * * * * * * * * * * * * * * *
Spot
Več tri dana varaždinske grupe
Pot**
Plemenita
Občina
Turopôlska
www.turopolje.hrPot Vec tri dana
