HR.KAJ.NĚ? - Lépa naša kajkavska / pregled tisKAJna

[Ljudevit Kaj]

Varaždinskě vésti, br. 3393, 12.01.2010.

Klopotec

Sneg i lopate...

Daklem, osvedočil sam se večkrat kak takšni vozači z punom brzinom preletiju prek zmazane vode, i pešake na trotoaru pošpricaju od glave do pete! Pešaku ne preostane drugo nego da prekuneju bližešu rodbinu takšnomu vozaču, a svojega kaputa odneseju vu - kemijsku čistionu.


Ovoga tjedna kaj je za nama malo smo ipak osetili kaj znači zima z snegom. Istina, v nedelju se skoro sav otopil, ali to valda zato da bi mogli lakše oditi na glasanje. No, meteorologi veliju da bu več ovoga tjedna opet zabelil naše ceste i vulice, pak to znači da bu ova moja “snežna tema” i dojdučih dana biti aktualna.Kak ne spadam med one koji bi se išli sanjkati na Stari grad ili se spravlal delati snegoviča, zaprav sam v priliki da se srdim na sneg. Ne zato kaj je opal, kajti je normalno da vu sečnju i veljači opadne (a zna ga biti i vu ožujku), nego zato kaj smo se odefčili čistiti snega gdi bi se to moralo, pak nam onda dela nepriliku i tam gdi ne bi trebal.

Na priliku, v četrtek je nacurelo snega ober Varaždina malo više nego kaj smo se nadali. A gda sam se prijepoldan, i to malo kesneše, vputil špancirati po gradu - ne samo da sam se šklizal nego sam bubnul na pleča i vse četiri zdigel v zrak! Najme, dok se naši cestari dobro brigaju da ceste i vulice buju v redu, da se z autima more prejti, za pešačke trotoare se to baš i ne bi moglo reči. Pogotovo one koji su pred višekatnicama, a još k tomu imaju više ulazov. Makar postoji gradska odluka da si stanari odnosno stanovlasniki sami moraju snega ščistiti z trotoarov pred svojim pragom, bilo je dosta takšnih mest na kojima se baš nitko nie prijel lopate niti ščistil snega. Bilo je šklisko jerbo su ga pešaki znagazili, pak onda i nie čudno, kuliko god sam pazil, da sam tresnul kak sam dugi i široki... Tam gdi je spočiščeno kak se spada, jasno je da su i stanari složni, pak su se dogovorili ko bu mam v jutro zel lopatu v ruke. A tam gdi takvoga dogovora nema, znači da hauzmajstor iliti upravitel zgrade takaj ni napravil rasporeda dežurnih stanarov, makar tu funkciju ne obavla zabadav.

Dakak, najde se i pokoja privatna hiža pred kojom je zaostal sneg, i to čist vu centru grada, a i vu Zagrebačkoj vulici sam ih videl dost, kajti gazde računaju na južinu koja bu ga rastopila. A v onoj gradskoj odluki o snegu lepo piše da komunalni inšpektori moreju naručiti varkomovce da snega mekneju, a onda fakturu pošleju gazdi privatne hiže ili hauzmajstoru stambene zgrade, pa nek račun plati z stambene pričuve. Nemam rad kazne, ali gda se najdeš protiv svoje volje na plečima, mam se zmisliš na onu odluku... Druga stvar koja zna razveseliti pešake je - bljuzga iliti raskvašeni sneg. Najme, i to sam imal priliku videti, makar je mene, srečom, zbeglo. Bljuzga zapre kanalizaciju, jerbo šahte nitko nie otprl, pak na cestama zastaneju mlake zmazane vode, zmešane z solju i z sipinom za posipavanje. I sad na svoje dojdeju nekoji brezobzirni vozači, i to obično z finešim autima i mlajši, koji su se uzput rečeno pozabili zvezati z remenom a i mala svetla vužgati.


Daklem, osvedočil sam se večkrat kak takšni vozači z punom brzinom preletiju prek zmazane vode, i pešake na trotoaru pošpricaju od glave do pete! Pešaku ne preostane drugo nego da prekuneju bližešu rodbinu takšnomu vozaču, a svojega kaputa odneseju vu - kemijsku čistionu. Najme, za takšne vozače ne vredi ono pravilo z vozačke škole da – brzinu auta treba prilagoditi uvjetima puta! Oni misliju da treba samo pokazati ko je jakši. A ja bi još dodal - i komu manjka kulture...


Zvir:
http://varazdinske-vijesti.hr/3393/klopotec/sneg-i-lopate?opcija=kolumnisti

Prelistajtě nôvi broj "Varaždinca"
(živopisano (online) izdâjně "Varaždinske vésti"):
http://varazdinske-vijesti.hr/online/Main.php?MagID=1&MagNo=1

pdf-pismohrana:
Varaždinskě vésti
http://varazdinske-vijesti.hr/pdf-arhiva
Županiske vésti
http://varazdinske-vijesti.hr/arhiva-zupanijske-vijesti

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Preštimani gospon KloPOTec - kajkavski call-um-nist z «Varaždinske vésti“ na tur-for-um-u
 (vupisati  Klopotec vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Kalman-Marica grófnő-Szép város Kolozsvár

Video:
Kalman - GRÄFIN MARICZA - Komm mit nach Varasdin,  04:15
Kalman-Marica grófnő - Szép város Kolozsvár
Szilágyi Olga - Dániel Gábor

Opširnešě:
http://www.forum.gorica.hr/index.php/topic,2278.msg85330.html#msg85330

* * * * * * * * * * * * * * * * * * * * * * * * * * * * * *

Spot  Več tri dana varaždinske grupe Pot*
* Plemenita Občina Turopôlska
www.turopolje.hr
Pot Vec tri dana

[Ljudevit Kaj]

Međimurske novine, 12.01.2010., br. 749.

Premišlavanje Jožeka radnika

I posle Ivija Ivo!!!

Vu minulo soboto smo prefeštali spomendneva od kak smo se, mi Međimorci, 1919. leta, zanavek, odvojili od Hungarije i pripojili svojoj državi kam i spadamo. Dok smo mi vu Čakovco feštali, mladi Mađari so, vu Pešti, iskali kaj jim se Međimorje vrne nazaj, jerbo je to jivo. Nej znati kak so oni, itak, zazvedili gda mi imamo lepše puce od jiv. A do ve je, na leta, vse bilo vredo. Mi smo bili zadovoljni z Mađerkaj, a one z nami i politika se tu nej mešala.

Piše: Jožek radnik


Vu vreme gda so naše političke oči bile obrjene prema dvemaj slovaj štere so ostale vu knjigi kak kandidati za tretjega hrvaškoga precednika, pojaviv se Ivo, šteroga smo skorom več vsi pozabili. Verjem gda vsi znate gda je vu pitajnju negdašni precednik Vlade i hadezeja, Ivo Sanaderov. Kaj je šteuv Ivo? To smo, brzčas, vsi spituvali, kak sami sebe tak i jedni druge. I nišči je nej pravzaprav znauv točnoga odgovora. Dok je početkom leta odišev prek noči i ostaviv cugle vlasti, kak države, tak i stranjke, vu nej preveč jakaj rokaj gospe Jace, vsima je bilo jasno, pak i nam običnaj smrtnikaj, a ne kaj nebi bilo političaraj, gda je Ivo zanavek za sobom, nej sam zaprav, nek i trupnuv, politička vrata. Dok je odhajav gruntav si je kak bode i dale na vlasti prek stranačke pajdašice, gospe Jace, i zato si je ostaviv Jacinoga daljinskoga..

Ali kuliko smo meli za videti, to je bilo bilo kratkoga cajta, jerbo čim so se baterije potrošile, a fletno so odišle, jer je furt nekaj škrtav i vsaki čas je zvauv i gospon Ivo se dosmickav čistam na rob političke provalije. A vsi znamo gda je Ivo nemirnoga duha i morav je stati korak naprej. I to je napraviv, čim mo se gospa Jaca nej javljala dva dni, z svojom konferencijom za novinare vu nedelo točno vu polne. Vsi znamo gda ves pošten svet vu to vreme ide za stol k svetešnjemo nedeljnomo obedo i gda je to nej vreme za politiko. To smo vsi znali jedino je Ivo misliv drugač i odišev je po riti k meši. Najme kaj, vu pondelek smo zazvedili gda mo je to bilo zadje kaj je napraviv, jerbo so mo dofčerašnji stranački pajdaši nej pozabili kaj je žnjimi delav i hitili so ga vum z stranjke i prekrižili so ga z debelim črnim flomasterom. Prek noči se vu stranjki vse posložilo i ve tak stranačka vurica dela kak gda Ivija nigdar nej niti bilo. Jedino treba jeno par šrajfeki pošrajfiti ili pak spremeniti, a to se bode naprajlo črez par dni, čim vurmaher dojde z urlaba. Vidite kak je to vu životo, a posebno vu političkom: Došev je glasno vu politiko, prek Pašaliča, a vum je odišev stiha, očem reči, stiha so ga vum hitili. Još jempot se pokazalo gda je ona stara stranjska izreka i tu bila točna: Što se z mačom (čitaj. politikom) igra, od politike i nastrada.

Moram pofaliti naše međimorske hadezeovce kaj so se dobro držali i kaj so, jako spametno, zebrali pravu strano vu ovoj političkoj stiski štero je napraviv Ivo Sanader. Rekli bodete gda jim je to nej bilo niti preveč teško. Mortik je tak i je, a mortik nej. Hajdig je nas, a i vas, šteri se zmislimo kak je bilo pred deset let dok de iskav nasljednik prvoga precednika hadezeja, gospona Tuđmana, šteroga je dragi Božek pozvav k sebi na račun i gda so naši hadezeovci odišli na krivo strano. Očem reči, oni so drukali za Pašaliča, a pobediv je Sanader i sam oni znajo kuliko let jim je trelo kaj to falingo popravijo. Znate kaj vsaki šteri pobedi dela z onima šteri zgubijo. Vesel sam kaj so se naši hadezeovci dobro zaškolali i kaj so ve na pravomo poto. Brzčas bode i naše Međimorje malo od toga melo nekšega hasna.

Mam z novim letom još smo nej niti dimo dojšli z dočeka, a plin je več podraživ. Isto tak, vsaki drugi tjeden benzin i nafta ido gori i unda bodo naši Inači rekli kak so oni vrnuli peneze štere so dužni ministro Šukero. Istina je gda so oni to naprajli, sam so jiv zvlekli vum z naših žepov. Kak so oni prefrigani, mi furt javčemo kak nemamo peneze, a oni jiv navek najdejo vu našaj žepaj kak gud jiv mi skrijemo. Hujši so nek žene.

Vu minulo soboto smo prefeštali spomendneva od kak smo se, mi Međimorci, 1919. leta, zanavek, odvojili od Hungarije i pripojili svojoj državi kam i spadamo. Dok smo mi vu Čakovco feštali, mladi Mađari so, vu Pešti, iskali kaj jim se Međimorje vrne nazaj, jerbo je to jivo. Nej znati kak so oni, itak, zazvedili gda mi imamo lepše puce od jiv. A do ve je, na leta, vse bilo vredo. Mi smo bili zadovoljni z Mađerkaj, a one z nami i politika se tu nej mešala.

Minuli so i izori za precednika Lejpe naše tak gda ve Hrvaška ima svojega tretjega precednika. Biračko telo je reklo svoje i zebralo esdepeovca Ivija Josipoviča kontra nezavisnoga esdepeovca Milana Bandiča. Jako mi je teško tu nekaj reči, makar mi nejde vu glavo kak so hrvaški vjerniki zebrali za precednika nevernika Ivija. Brzčas so išli glase davat z figom vu žepo. Isto tak je teško reči jeli so i  Ivija zebrale žene, ali brzčas je tak, jerbo i one so štele promjene, pak so posle kosmatoga Mesiča svoje glase dale glatko podbritomo Ivijo. Vu našoj politiki nikaj novoga: i posle Ivija Ivo.


Zvir:
Međimurske novine, 12.01.2010., br. 749., str. 53, elektrônsko izdâjně
http://www.mnovine.net/index.php?option=com_content&task=view&id=12672&Itemid=138

Međimurske novine, 12.01.2010., br. 749., str. 53
pregled pdf:
http://issuu.com/mnovine/docs/mnovine749i?mode=embed&documentId=080529141635-9953d9ac231e42788d00d2305b793e02&layout=grey
download pdf:
http://www.mnovine.hr/pdf/749/mnovine749i.pdf

* * * * * * * * * * * * * * * * * * * * * * * * * * *

Međimursko-novinski premišlant JOŽEK RÂDNIK na tur-for-um-u
(vupisati  Premišlavanje vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * *

Žiga i Bandisti - Međimurje, kak si lepo zeleno, 03:55
Žiga i Bandisti - Međimurje, kak si lepo zeleno

[Ljudevit Kaj]

Zagorski list br. 326 / 15.01.2010.

IZ BAKINE PUČKE BILJEŽNICE

Kak se na Vincekove po riti smicale

Slika:
http://www.zagorje.com/thumb.ashx?path=/ckfinder/userfiles/images/komentatori/baka.jpg&width=430&height=250

Piše: Zoran Gregurek


Prvi vinski svetac u godini je sveti Vinko, u puku poznatiji kao Vincekovo. Vinski blagdan ujedno znači i početak vegetacije u vinogradima. Kakvog se Vincekovog sjeća naša hraščinska baka Ivka, pučka prognozerka, doznajte u nastavku.

- Negda su muži skore furt pri klijeti bili, a vinske svece ni za kaj na svijetu nej prepustili. Tak je bile i na Vincekovo gda su gazdi z pajdaši išli klijeti, a vu lugožaru su imeli klebase, luk, čvrčke i gibanicu. Vu gorica bi mam krenuli z špelancijami. Glavni bi mešter, ili ake ga nije bile – gazda, zel peharec pun vina i zalijeval bi klebase šteru su se zavesili na trse. Onda bi violina i ramunika zaigrala, a pajdaši bi zapopijavali da bi se zagrmele. Kak je na Vincekove znale biti još jake zima, žurili bi se vu klijet na tople gde ih je čakala dobra jedača i pijača - rekla bi baka. A što su žene radile na Vincekovo? Je su li se one uopće smjele pridružiti svojim muževima na Vincekovo, pitali bi staricu.
 
- Nije se babom javne branile da idu k klijeti i vu gorice, ali se dobre negdar znale kakof je red. Rijetke bi se štera uputila vu klijet jer bi je se doma, vu hiži, druge babe, kak i susede, ščuđavale. Kaj nemaš doma polsa, rekel bi muž da bi škornje boksal i škrljak metal na glavu i kretal vu gorice. A mi bi, žejnske, doma bile i za se znale napraviti svoje veselje: tancale bi, popijivale, a borme si spile i kupicu rujnoga vina. Same nijesme bile napite kak saki drugi muškarec šteri se je z goric na Vincekove dime na riti dosmical jer nije od vina mogel na noga stati - govorila je baka.


Zvir:
http://www.zagorje.com/clanak/6907/iz-bakine-pucke-biljeznice-kak-se-na-vincekove-po-riti-smicale.aspx

* * * * * * * * * * * * * * * * * * * * * * * * * * * * * *

Pregled člankov „IZ BAKINE PUČKE BILJEŽNICE“ gospona Zorana Gregurka na POTgoričkomu forumu:
(vupisati  Gregurek vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * *

Cinkusi - Pet je kumi (1998), 02 :36
(Cinkuši)
Cinkusi - Pet je kumi (1998)

[Ljudevit Kaj]

AJME MENI


Bin Laden: »Nije pravedno da Amerikanci žive u miru dok Gaza umire.«
     Da bi reč rekel.

Sindikati ostali bez povjerenja.
     Od svinjskih polovica do kompletnih svinja ...
 

Ćićo Senjanović
javascript:openWindow('aspx/showimage.aspx?id=446527',158,320,'');

Zvir:
Réčki "Nôvi list" / Kolumně, komentâri / 26.01.2010.
http://novine.novilist.hr/Default.asp?WCI=Rubrike&WCU=285A285E286328592863285A2858285928582863289328932863286328632863286328592863P

[Ljudevit Kaj]

Zagorski list br. 328 / 29.01.2010.

ZA DUŠU, ZA SPOMENEK

SVIEČNICA I BLAŽEVE

..“Majko Božja Sviečnica,
budi naša pomočnica.
Ti nam budeš svieču žgala
sudnji ljist h ruke dala....“

Piše: Nevenka Gregurić
 
Slika:
http://www.zagorje.com/thumb.ashx?path=/ckfinder/userfiles/images/komentatori/greguric.jpg&width=430&height=250


Zima stišče, kak i negda. Hu cajtu gda se od vajkada vanje nie moglje nič delati bilje je sakojačke svetke teri su se prinas ovršavalji. Ščem su išlji dukši dani i ljepše vrieme svetkuvanje se preriedilje. Zdej nam prihajaju dva veljiki svetki, Sviečnica i Blažove.

Sviečnica se slavi kak spomen na cajt gda su Josip i Marija doneslji maluga Isusa prvi put h Hram Božji. Bila je te zapoved tera je važila za cajt gda se je rodil Isus. Saka mater poklje kaj rodi diete morala ga je donesti h hram. Tak je poklje četrdeset dane od gda je rodila maluga Isuseka, Marija donesla detece h Hram Božji. Tuj se je našel starec Šimun i proročica Ana. Starec Šimun je rekle da je z maljem Isusem došle svetlje h Hram Božji. Svetlje tere bu posvietljilje življenje ljudi tere je bilje, i još je h griehu. To je svetlje h srcu osietil Šimun i Ana. Znalji su da je z tu svjetlošču došel on gdoj bu spasil Sviet. Marija, mati Isusova je ona koja h ruka drži svetlje pak se i ona svetkuje kak  uljarica tera drži luč. Radi spomena na tie dan, po cirkava se blagoslavljaju svečice. Negda nie bilje hiže tera nie imiela blagoslovljenu svečicu. Gda se je dima donesla blagoslovljena svečica od meše, skupilji su se hižni, a ona se je hvužgala. Poklje kaj se je zmoljilje pri goreče svečice, najstareši muški teri je fiže živel, sakomu hižnomu spuknul je jeden las z glave i kuril ga na svieče. Dobre se lukalje kam je išel dim od gorečuga lasa jer takva je sudbina čakala sakuga hižnuga. Če je dim išel prema postelje bil je te znak da bu čez ljete betežni. Ak je išel dim prema stolu tie bu čez ljete vesel i zdraf. Če je pak dim išel prema vrati bilje je te dobre ak je bil od puce. Unda je te bil znak da bu išla od hiže, za muža. Nu če je pak dim od zgoretuga lasa od stariešuga išel prema vrati bil je te znak da bi mogel to ljete prejti na grobiče. Bilje kak bilje dok su se lasi kurilji, si su bilji tihe i čakalji kaj se bu pripetilje. Poklje toga se svečica diela na meste gde ju je saki cajt mogel nejti saki hižni. Gda bi nešče hmiral bez blagoslovljene svečice h ruka, bil je te veljiki grieh za sakuga hižnuga teri mu ju nebi dal. Plamen svečice h življenju ljudi je svetlost tera bi sakomu čoveku trebala svietljiti životne putece. Radi toga se pri gorete svečice krstime, imame goreču svieču h ruka gda se prvi put pričieščame. Svečica gori gda se firmame i ženime.

One kaj je morti denes žalosne je da več retke gdoj ide na onie sviet z goreču sveču h ruka. Malje gdoj ima sreču da se doma h svoje hiže i med familjuju „oprašča“pri goreče svečice tera bi svietljila putec duše, kam god da krene. Da je Sviečnica negda bil fejst preštimavani svetek znalje se kaj su tie dan ilji par dane prie po selu hodile pucice i po hiža popievale. Na stol  bi dele kip Majčice Božje i zapopievale:

..“Majko Božja Sviečnica,
budi naša pomočnica.
Ti nam budeš svieču žgala
sudnji ljist h ruke dala....“

Drugi svetek Blaževe takaj se več po hiža retke svetkuje. Blaž je bil svetec teruga su preganjalji radi vere. Ne same da je veruval h Isusa nek je znal delati i sakojačke dobre posle. Bil je dober z siromaki i rade je sem pomagal. Pajdašuval je i z zvieri tere mu niesu nič štel. Gda je gdoj bil betežen došel je k njemu i on biga zljiečil. Jemput je snel riblju kost z grla. Radi toga ga se poštiva kak zaštitnika grla. Na Blažove se ide k meše z jabuku. H cirkve se pod grlje mečeju dvie svečice h križ. Svečenik blagoslavlja ljudem grle kaj nej bilji betežni. Pri kraju meše blagosloviju se jabuke tere ljudi neseju dima. Doma se jabuka zrieže na tuljike šnitic kuljike je hižne. Saki si pojie jeden komačec blagoslovljene jabuke tera ga čez ljete čuva od betega grla.
Baš si ovak gruntam kak bi bilje ljiepe da hnogi denes pojieju bar jedn komačec jabučice. Morti nej z njihovih grla moglje zajti tuljike grde i lažljive rieči. A morti bi se unda i mogla videti svetlost svečice tera bi počela poklje duge cajta svietiti po putece po tera hodiju ljudi.


Zvir:
http://www.zagorje.com/clanak/6980/za-dusu-za-spomenek-sviecnica--i-blazeve.aspx

* * * * * * * * * * * * * * * * * * * * * * * * * * * * * *

Pregled člankov « ZA DUŠU, ZA SPOMENEK » gospě Nevenkě Gregurić na POTgoričkomu forumu:
(vupisati  Gregurić v iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Zagorski list br. 328 / 29.01.2010.

IZ BAKINE PUČKE BILJEŽNICE

Smuđenje na Blažove

Slika:
http://www.zagorje.com/thumb.ashx?path=/ckfinder/userfiles/images/komentatori/baka.jpg&width=430&height=250

Piše: Zoran Gregurek


O blagdanu Svijećnice ili prikazanja Gospodinova na ovome smo mjestu često pisali. Ali dan nakon Svijećnice, Sveti je Blaž, na čiji su se dan u Zagorju također njegovali razni običaji, koje je znala ponavljati naša hraščinska baka Ivka.

- Na Blažove, mati bi zela dvije svijieče i, složila bi ih vu križ i tri put prešla okoli glavi. Tuo se zvale smuđenje. Tuo se delale da bi nas te lete dragi Buog čuval od bolesti guta (grla) i sega drugoga zla. Gda su tuo delale naše babice, one bi dečecom i zasmudile par lasof da bi bil još više zdrav čez cijelu zimu, prek vuletje, žrgučeg leta, pak se do jeseni - prisjećala se baka. Poseban se obred na Blaževo odvijao i u crkvama kamo su stari Zagorci taj dan donosili raznu hranu.

- Negdar sme na Blažove nesili se sadje (voće) koje sme pri hiži imeli. Zeli bi z suobu vu košare i kocke cukora. Tuo bi župnik blagoslovil i sadje bi mam pojeli gda bi dime z meše došli, jer ga je male bile, a družina velika. Cukor bi, pak, mamica dobre skrila vu gradencu vu kuhnje ili na stalažice vu špajze da ga nej mi, deca, našli i bez reda pojeli. Te bi se na Blaževe blagoslovljeni cukor metal vu čaj gda bi nešči bil betežen. Posebne deca. I onda gda bi takaof čaj spil, mam bi ti bile bolje. Buog mi pomojzi če zmišljam - uvjeravala nas je baka


Zvir:
http://www.zagorje.com/clanak/6967/iz-bakine-pucke-biljeznice-smudjenje-na-blazove.aspx

* * * * * * * * * * * * * * * * * * * * * * * * * * * * * *

Pregled člankov „IZ BAKINE PUČKE BILJEŽNICE“ gospona Zorana Gregurka na POTgoričkomu forumu:
(vupisati  Gregurek vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Zagorski list br. 326 / 15.01.2010.

ZA DUŠU, ZA SPOMENEK

Kap dobrote, za veljike spomenke

Njenja je priča bila slična mnogem, alji senek nekak tužniejša da je ciepala srca i dušu. Mlada Dalmatinka, tak ju bume zvalji, rodila se i živela h jednem maljem dalmatinskem mestu gde se poštivala pobožnost i rieč stareši. Kak dober đak starci su je teške, alji ipak dalji da ide dalje h školu, za vučiteljicu. Znala je da se njenji sega odričeju kaj bi mogla zbaviti školu i nie štiela da hu nju ide i jeden dan duže nek je triebalje. Kak pucerljinka, a več kak i prava našla je,unda je tak misljila, ljubaf svojuga života. Poklje fakulteta mislila je z njim stvoriti svoju familji i svoj život. Z takvemi mislji i planieranjem pod njenjem srcem zakucalje je druge, nove, plod ljubavi. A unda gda je počelje glasnejše kucati na tie mladi stvor srušilje se nebe. Ljubaf obrnula pleča, a sramota zaostaloga kraja kucala na vrata.

Piše: Nevenka Gregurić
 
Slika:
http://www.zagorje.com/thumb.ashx?path=/ckfinder/userfiles/images/komentatori/greguric.jpg&width=430&height=250


Od vajkada poslušam kak se pri spomenu nečovoga imene spominaju i njegva ranieša, več put pokonja familjija. O tomu bi denes triebalji gruntati mnogi gda dielaju grde posle. Čak i nihova šukund pokoljenja mogla bi imeti prišveljek h pomenku: „ te ti je prehnuk ilji hnuk od onuga lakotnjaka, ilji, njegvi su bilji tati, zločeti ljudi....“

Iste tak, kak i za zloče teri ljudi dielaju ima i one kaj se familjija pamti po dobrem: „bil je siromak, alji tak malje nie imel kaj drugomu nej dal, rad je pomagal onem teri niesu moglji, sakuga bokca priel je pod svoj krof...“

Nie ljiepe mam na početku ljeta pisati grde priče, pak vam poviem jednu ljiepu, tera se dogodila ove dane. Priča je počela prie 23 ljiete h jedne bolnice h našem veljikem gradu. Sudbina je štiela da dvie susede, jedna starieša i jedna mlajša deljiju boljesničku sobu. Mlada, puna žalosti radi teške boljesti točila je suzu. Stariejša je je z svojami pričami štiela pomoči i dati je nadu, da se bu Bog pobrinul kaj bu i dalje mogla brinuti o svoje dve malje piščence, o svoje dece. I dok su se h njihovem bolničkem življenju miešale suze i smihi, h sobu njim je došla mlada puca. Ščem su vidle njenje natečene oči od plača, njenje zabuhnjene ruke i tielce tere se treslje od plača, mam su znale da je veljika tuga i jad sela na ta mlada pleča. Po govoru su znale da je puca došla z Dalmacije. Znatiželjne su lukale hu tu lijepu spodobu tera je jeden cajt mučala. Teške je je bilje otprieti svoju ranjenu dušu. Hu sebe je gruntala kak bi je te dvie nepoznate babe mogle razmeti i pomoči gda su je pleča obrnulji onie z teremi je cielji život rasla. Suze su se koturale po ljiepem ljicu Dalmatinke gda je po cajtu počela svoju spoved pred dvemi babami.

Njenja je priča bila slična mnogem, alji senek nekak tužniejša da je ciepala srca i dušu. Mlada Dalmatinka, tak ju bume zvalji, rodila se i živela h jednem maljem dalmatinskem mestu gde se poštivala pobožnost i rieč stareši. Kak dober đak starci su je teške, alji ipak dalji da ide dalje h školu, za vučiteljicu. Znala je da se njenji sega odričeju kaj bi mogla zbaviti školu i nie štiela da hu nju ide i jeden dan duže nek je triebalje. Kak pucerljinka, a več kak i prava našla je,unda je tak misljila, ljubaf svojuga života. Poklje fakulteta mislila je z njim stvoriti svoju familji i svoj život. Z takvemi mislji i planieranjem pod njenjem srcem zakucalje je druge, nove, plod ljubavi. A unda gda je počelje glasnejše kucati na tie mladi stvor srušilje se nebe. Ljubaf obrnula pleča, a sramota zaostaloga kraja kucala na vrata. Pred mladu Dalmatinku, osramočenu, osuđenu na pljuvanje sela delje se same jedne rešenje, prejti h tuđi sviet. I tak je došla h Zagreb, išla od vrata do vrata kraj familjije teri bi je pomoglji da su moglji. Na pol lačna, spita završila je h bolnice. Njenje žalosne lukanje čez oblok ciepalje je srce dvie babi z teremi je počela deljiti bolesničke dane. Babe su nove pridošljice, mlade Dalmatinke, dale se kaj su imele. Z spomenki su je poljehku vrnule farbu h obraze i veselje h dušu. Ipak, žalost je bila veljika jer Dalmatinka poklje bolnice nie imiela dom h teri bi se vrnula. Gruntale su stariejša i mlada suseda kak da je pomogneju. Na kraju ju je stariejša z svoju familjiju, odlučila zeti k sebe. Od unda su za Dalmatinku došlji dani na tera je grelje sunce. Došla je h Zagorje i pri stariejše našla stan. Nu same za kratke jer je h Zagorju našla dobre gradske ljudi teri su je dalji novi dom h veljikem gradu, se dok se nie vrnula h svoju Dalmaciju. Denes je srečna ženjska, mama tre sine. Nu nie pozabila one teri su je, kak god da njim je bilje teške, bilji njenja srečna zviezda. Bilji su je h misljima furt, a poklje 23 ljiete došla njim reči fala. Došla je k mlajše. Stareša več nie...

...Zviezde su se poljehku igrale na snjiegu teri je prekril grob moje starce i muža. Pred njim je stala Dalmatinka. Vužigala je svečicu dok su se suze koturale po njenjem ljicu. H tišine i moljitve za njihove duše nič nie govorila. A ja sem bila tak vesela i ponosna kaj je zerice dobrota moje matere bila zvijezda vodilja tera je Dalmatinke osvietljila put življenja. Poklje tak duguga cajta došla je je reči jedne veljike fala za dobrotu teru je je daruvala. Nema te penez, nema tie dare teri me bi hu ove dane tak razveseljilji kak spomenek na dobrotu moje familjije, matere, oca i muža.


Zvir:
http://www.zagorje.com/clanak/6913/za-dusu-za-spomenek-kap-dobrote-za-veljike-spomenke.aspx

* * * * * * * * * * * * * * * * * * * * * * * * * * * * * *

Pregled člankov « ZA DUŠU, ZA SPOMENEK » gospě Nevenkě Gregurić na POTgoričkomu forumu:
(vupisati  Gregurić v iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * *

POČAKAJ (PO-ČA-KAJ) - Lipa naša čakavska na POTgoričkomu forumu
(str.13 od 13):
http://www.forumgorica.com/kajkavski/pocakaj-%28po-ca-kaj%29-lipa-nasa-cakavska/180/

* * * * * * * * * * * * * * * * * * * * * * * * * * * * * *

Kajkavci Dalmaciji – Cesarica, 02:56
Kajkavci Dalmaciji - Cesarica

[Ljudevit Kaj]

Zagorski list br. 327 / 22.01.2010.

Dnevnik tate Bena

Besane noći

Ovu noč je žena nastradala. Pitate se kak? Zela je Graciu k sebi na krevet i glediju one dvije Fifi. Normalno da Gracia nigdar nije pri miru pa se okretala, zdigala i hitala po krevetu. I kak se hitila točno je z glavom hdrapila ženu po nosu. I to pošteno.

Piše: Tomislav Benčić-Ben
 
Slika:
http://www.zagorje.com/thumb.ashx?path=/ckfinder/userfiles/images/komentatori/bencic.jpg&width=430&height=250


Si zmislite kak sam pisal da Gracia ljepo spi po noči? I spala je. Se dok nije zbetežala. Kak sam i prošli put napisal nos joj je zaštopan. Onda prije spavanja žena počisti nos i zakaplje ga, pa Gracia zaspi i pri miru je se dok se nos ne zaštopa opet. A to traje dvije tri vure. Pa se onda zbudi h neko doba noči. I kak bi nam sima dala do znanja da je budna počne cendrati. Onda se obično žena zdigne, malo ninu nanu, malo se pogleda stanje u nosu, dvije tri epizode Fifi, spije si malo vode i eventualno flašicu čokolina, pa natrag zaspi. Ovu noč je žena nastradala. Pitate se kak? Zela je Graciu k sebi na krevet i glediju one dvije Fifi. Normalno da Gracia nigdar nije pri miru pa se okretala, zdigala i hitala po krevetu. I kak se hitila točno je z glavom hdrapila ženu po nosu. I to pošteno.

Gracia obožava gledeti reklame na televiziji. Trenutno joj se dopada ona s Arturom i mlijekom. Pa sam joj pustil Artura, ali joj se baš i nije dopal. Samo Fifi i Fifi. Osim kaj več naveliko hodi počela se i penjati. Obično ju h dnevnoj sobi ogradimo s garniturom za sedeti, foteljom, tabureima,… Denemo joj tam igračke i ona se igra. Pa hodi s jednog kraja na drugi. I neki dan spljeza se ona na tabure i prehiti prek. Kaj bu reklo da je došlo vrijeme natiravanja po cjeloj hiži.

H prošlom broju je objavljeno jedno pismo naše čitateljice vezano uz putovanje željeznicom. I kak su jen dan h Zagrebu šteli poslati cug z dva vagona čez Zagorje. Dok sam počel delati h Zagrebu i dok sam delal od 8 do 16 i ja sam putoval s tim cugom. I vozilo je 5 vagona. Pa su po ljetu sneli jen vagon pa ih je bilo 4. Na jesen bi pak vrnuli taj vagon pa ih je opet bilo 5. I onda prije jedno 2 - 3 ljete h jesen taj peti vagon nisu vrnuli. I od onda ih vozi 4. Da bi lani po ljetu sneli još jednog pa ih je vozilo 3 i onda su to valjda probali e bi stali si ljudi h dva vagona, ali nije zišlo. I ne samo da čez Zagorje peljaju najgorši vagoni, če ih opće ima, nego se ne ulaže niti u štreku. Sakome je jasno da bu drveni prag po cajtu sprhel, da se bu onaj šoder hlegel i da se tračnice dereju od trenja. Zato se to sakih 10 do 20 ljet zmeni. Hmekne se staro i dene novo.

Zadnji put je to pri nama napravljeno 1978. i to ne s novim matrijalom, nego s rabljenim. Drugim riječima ono kaj negde drugde nije bilo dobro je zvađeno i delo se tu k nama. A zmislim se da su još dok sam bil mali dečec na željeznici povedali kak bu se pruga elektrificirala i da buju dva kolosjeka i kaj ti ga ja znam kaj sve ne.


Zvir:
http://www.zagorje.com/clanak/6920/dnevnik-tate-bena-besane-noci.aspx

* * * * * * * * * * * * * * * * * * * * * * * * * * * * * *

Zâgorsko-lisnati kolumnist Tomislav Benčić-Ben na tur-for-um-u
(vupisati  Benčić vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * *

Hura Ben! Ben Tur Hur

Ben-Hur (1959) Trailer Kajler, 04:04
Ben-Hur (1959) Trailer

* * * * * * * * * * * * * * * * * * * * * * * * * * * * * *

Be(u)sane noči - Be(u)same Mucho


Kušuvaj mě ....

Cesaria Evora Besame Mucho, 04:56
Cesaria Evora Besame Mucho

[Ljudevit Kaj]

Večernji list 18.01.2010.

FAKAT

Ivek, Ivo i teta Jadranka...

Slika:
http://www.vecernji.hr/fw3k/util_scripts/get_slika_varijacija.php?slika_id=98897&var_suff=500x329
(Foto: Marko Prpić/Pixsell)

Moj unuk Ivek zna svaku javnu njušku koja se pokazuje na telkaču ili se spominje na radiju

autor: Zvonimir Milčec


Ivek je moj unuk. Ali ne bih si baš dopustil da unuka nekontrolirano hvalim, kak to dede i bake obično znaju. Hoću reći ponešto o današnjoj djeci, koja se po mnogo čemu razlikuju od nas dok smo bili djeca. Ti mali ljudi danas uopće nisu tak mali kak mi mislimo. Razloga za to ima koliko voliš. Na sve strane oko dječurlije danas žvrljaju mediji koji im, slikom i riječju, sipaju na tone informacija.

A djeca ko djeca, upijaju ko spužva. Moj Ivek (četiri i pol godine) zna sve marke automobila koji se kreću po ulici. Nema automobilske njuške koju izdaleka neće prepoznati i u tome je odavna u petoj brzini prešišal svog dedu. Na prvome mu je mjestu, dakako, audi.

Isto kao što zna svaku javnu njušku koja se pokazuje na telkaču, u novinama ili se samo spominje na radiju. Radio se uglavnom sluša u autu, dok Iveka mama fura u vrtić i iz vrtića. Među pjevačima, sportašima i političarima ima i svoje favorite. Tak je Tonija Cetinskog skinul u glasu, dikciji i u pokretu. I svako malo bi se popel na klupčicu, prinesel ručku od partfiša pod nos i svi moramo disciplinirano prisustvovati kućnom “Tonijevu” koncertu. A kad je na jednom nedavnom rođendanu upoznal Dinamova golmana Tomu Butinu, bil je silno ponosan.

A od političara favorizira predsjednika Mesića. I to, naravno, zbog prosijede brade, slične dedinoj. I Sanadera, zato kaj je njegov imenjak. I Jadranku Kosor zato kaj je “slična njegovoj teti Vesni iz vrtića”. I onda nas fakat iznenadi iako smo mislili da nas više nemre iznenaditi. Ivekova mi se mama Ana smjesta mobačem javlja. Veli da to moram čuti. Najprije Ivek u vijestima s radija čuje kako nas ostavlja premijer, njegov imenjak.

“Imam ideju”, smjesta veli mami. “Znaš, moj deda dobro računa, dobro piše i dobro govori”, pretjerano nahvali svog dedu. I onda ozbiljno zaključi: “Pa da, deda bi ga mogel zamijeniti”! Iznenadilo nas, dakako, kak je dijete pošlihtalo kriterije. Račun na prvome mjestu, a u čemu je na moj račun Ivek definitivno zaružil. Jer njegov bi deda u životu bolje prošel da zna računati, kak mu dijete pripisuje. Njegov deda sigurno ne bi znal izračunati koja mu je varijanta otpremnine na odlasku najunosnija...

Na odlasku bivšeg premijera, ova se priča s mojim unukom i događa. A sada kad je dečec ovih dana čul da se Ivo Sanader vraća, tj. da se poželil vratiti, Ivek ozbiljno pita: da kaj Ivo Sanader nije mrtav? Čul je s nekog medija, koji furt žvrljaju oko njega, da je Sanader “politički mrtav”. Je, sinek, utješim ga, mrtav je, ali on misli da nije. A onda Ivek veli da to nije pravedno. Jer da zakaj onda naš cucak Bonzo koji je mrtav ne oživi? Zbilja teško pitanje za dedu koji pokušava naći prave riječi: “To ti je, sinek, zato kaj psi nemaju ni hrabrosti ni drskosti kao ljudi. Pogotovo neki ljudi, kao tvoj imenjak, koji je otišo bez riječi, kao što se sada samo tak hoće vratiti”...

Koliko god bistro dijete, za mojeg je Iveka to ipak preteška zadaća. Pred vrtićem mu iz auta doviknem: “Pozdravi svoju tetu Vesnu koja te podsjeća na tetu Jadranku!”


Zvir:
http://www.vecernji.hr/kolumne/ivek-ivo-teta-jadranka-kolumna-80441

* * * * * * * * * * * * * * * * * * * * * * * * * * * * * *

Gospodine Milčec, jeste li vi posljednji Mohikanac kajkavštine u novinarstvu?

- Još se i suzdržavam i kajkavštinu upotrebljavam samo kada treba povezati rečenicu. Da pišem sve na kajkavskom, naježili bi se oni koji misle da bi samim čitanjem postali kajkavci i purgeri.

Zvir:
http://www.jutarnji.hr/clanak/art-2009,5,9,,162543.jl

[Ljudevit Kaj]

Varaždinskě vésti, br. 3394, 19.01.2010.

Klopotec

Varteks i Grad

Još sam našel vu tom sporazumu kak bi Varteks svojega jednoga duga Gradu prebil z placom vu Biškupcu (tam gdi je Autosejem), a gdi “prema procjeni stručnjaka” 17 tisuč kvadratov vredi nekaj više od 12 milijonov kuna. Gda sam to prečital, zmislil sam se da v jedni knigi piše kak se 2010. leta navršavle ravno 110 let od gda je Gradsko poglavarstvo za početak gradnje tekstilne fabrike (one prve pamučne, ali na istomu mestu), poklonilo deset rali zemle ili 37 tisuč kvadratov, i još k tomu 1.300 forinti. A sad bi isti svoj plac - moralo znovič otkupiti?!


Još od negda rad sam čital vse kaj mi dojde pod ruku, knige z knižnice i razne novine, a sad mi je dobra zabava čitati materijale kaj ih gradski večniki dobivleju vu velikim paketima za svoje sednice. Istina, ja to obično čitam zabadav ili za drobne peneze, a oni za hiljadarku na mesec, ali ne bi sad vu to pehal...

Nego, evo iz zadnjega paketa za članove Gradskog vieča posebno mi se zdopal on priedlog “Sporazuma o zajedničkim interesima Grada Varaždina i Varteks”. Zakaj? Vu njemu se Grad Varaždin i Varteks dogovarjaju za suradnju vu području imovinsko-pravnih odnosa, očuvanju radnih mesta i drugih zajedničkih interesa, koji su i mene fest zainteresirali.

A da bi i večnikima bilo jasno o čemu se dela, još su dobili “Pismo namere”, koje je potpisal generalni direktor Varteksa, makar  mislim da ga je pisal netko drugi, kajti je on ipak Varaždinec i zna nekaj o njegovoj poviesti. Piše kak je Varteks dal veliki doprinos za opči gospodarski i socijalni napredak građana Varaždina i da je zapošlaval najviše radnikov i bil najvekši izvoznik. To bi kakti moglo značiti - da nie bilo Varteksa ne bi bilo niti Varaždina, pak onda ne bi mogli niti slaviti osamstoletnicu!?

Dale čist ozbilno piše da je Varteks Varaždinu ustupil parkirališče za Gradske bazene, kaj ipak ne bu išlo. Najme, kuliko pamtim, vse tam od bivše krčme Hruza do negdašnjega Društvenoga doma rasli su ili kuruza ili krumper, kojega su vlasniki bili največ seljaki z Kučana, a od kojih su nekoji morti i bili radniki Tivara. Faliju se, takaj, kak su Gradu “prepustili sve športske objekte i zemljište”, kaj vredi okolo 100 milijon eurov. Dajte, najte! Ja se zmislim kak je zgledalo Tivarovo i Tekstilcovo igralište z starim drvenimi tribinama, a sigurno ona negdašanja država za Univerzijadu nie peneze dala Varteksu da napravi takšnoga lepog stadiona nego Gradu Varaždinu. Se slažete?

I još piše da su “Varaždinu kroz svoju poviest najviše pomogli u sufinanciranju svih velikih sportskih klubova i udruga...” Kuliko se ja v nogomet razmem, nogometaši su navek nosili na majicama ime “Varteks” a ne «Varaždin», pak se onda pitam - ko je komu delal reklamu? A to isto vriedi i za hrvače, na priliku, da nejedem idem dale...

Sad bi zbogradi vsih takšnih velikih “zasluga” trebalo potpisati sporazuma, vu kojemu je najvažneše to da bi Grad trebal osigurati 40 tisuč kvadratov terena i pokloniti ga Varteksu tam negdi v Brezju ili negdi drugdi. A onda bi još Grad moral pomoči da država da svojega doprinosa od sto tisuč kvadratov placa gdi bi trebal zrasti novi Varteks ili kak se bu več zval, ako vgasne fabrika štofa.

Još sam našel vu tom sporazumu kak bi Varteks svojega jednoga duga Gradu prebil z placom vu Biškupcu (tam gdi je Autosejem), a gdi “prema procjeni stručnjaka” 17 tisuč kvadratov vredi nekaj više od 12 milijonov kuna. Gda sam to prečital, zmislil sam se da v jedni knigi piše kak se 2010. leta navršavle ravno 110 let od gda je Gradsko poglavarstvo za početak gradnje tekstilne fabrike (one prve pamučne, ali na istomu mestu), poklonilo deset rali zemle ili 37 tisuč kvadratov, i još k tomu 1.300 forinti. A sad bi isti svoj plac - moralo znovič otkupiti?!
Na kraju toga budučega sporazuma još liepo piše da buju se na sadašnjoj lokaciji Varteksa novi “sadržaji utvrđivali prema zajedničkim interesima i Grada i Varteksa”. Pa kaj god to značilo! 


Zvir:
http://varazdinske-vijesti.hr/3394/klopotec/varteks-i-grad?opcija=kolumnisti

Prelistajtě nôvi broj "Varaždinca"
(živopisano (online) izdâjně "Varaždinske vésti"):
http://varazdinske-vijesti.hr/online/Main.php?MagID=1&MagNo=1

pdf-pismohrana:
Varaždinskě vésti
http://varazdinske-vijesti.hr/pdf-arhiva
Županiske vésti
http://varazdinske-vijesti.hr/arhiva-zupanijske-vijesti

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Preštimani gospon KloPOTec - kajkavski call-um-nist z «Varaždinske vésti“ na tur-for-um-u
 (vupisati  Klopotec vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Kalman-Marica grófnő-Szép város Kolozsvár

Video:
Kalman - GRÄFIN MARICZA - Komm mit nach Varasdin,  04:15
Kalman-Marica grófnő - Szép város Kolozsvár
Szilágyi Olga - Dániel Gábor

Opširnešě
(« privremeno » nedostupno):
http://www.forum.gorica.hr/index.php/topic,2278.msg85330.html#msg85330

* * * * * * * * * * * * * * * * * * * * * * * * * * * * * *

Spot  Več tri dana varaždinske grupe Pot*
* Plemenita Občina Turopôlska
www.turopolje.hr
Pot Vec tri dana

[Ljudevit Kaj]

7 Plus – Regionâlni tjědnik Severozâpadně Hrvackě
19.01.2010., br. 296

Kolumna (Zločesta) Vrtoglavica

Pritisak lidera opozicije... v riti

Z plinom bil on vriti ili drugdi se ni za zajebavati. Lider to ne razme, kak mi se vidi.

Pišě: RADAR 


Štefek veli da je vu jenom smešnom cajtungu pročital da vu Velkom selu pri Dravi ima lider oporbe. Ni mibašzgledal kad je to pripovedal da se noje napil ili da je včera z Tomekom na nekakvom tulumu bil. Još je rekel da taj lider za kojega veliju da je žalosna kopija Radimira počel nekaj baljezgati o smeću skupa z bivšim žbirom kaj se tepo snašel vu pretvorbi i privatizaciji. Lider je rekel da je videl nekakvi pritisak na javnost. Pritisak je bil takvi da je on odma moral svoju lidersku lampu otprti kajti mu je zvonilo vu vuhima. Tak si je tlak vu glavi poravnal. Morti i vu riti kajti mu se pritisak druge vrste iz želuca spustil niže. Ni poznato dal je prdnul vu prazno kak navek ali ta je kemijska reakcija slična onoj kaj je ima nutri vu balama smeća. Z plinom bil on vriti ili drugdi se ni za zajebavati. Lider to ne razme, kak mi se vidi. Ali razme jako dobro da njegova partija dok je vlast kusala ni napravila baš ništ kaj se smetja dotikavle pa je ve pred Velkim selom pri Dravi govna vu celofanu kak šodra. Blago si ga vlasti dok takvoga lidera opozicije ima. Od tega i takvega više i ne treba.


Zvir:
http://issuu.com/regionalnitjednik/docs/rt_296/44
ili
http://issuu.com/regionalnitjednik/docs/rt_296   , str 44
http://www.regionalni.com

* * * * * * * * * * * * * * * * * * * * * * * * * *

Pregled RADARSKE člankov «Vrtoglavica» na POTgoričkomu forumu:
(vupisati  RADAR vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * *

Vrtoglavica - V(e)rtig(lavic)a – Vertigo
Vertigo (1958) Trailer - Alfred Hitchcock, (kajler), 02:24 
Vertigo (1958) Trailer - Alfred Hitchcock

* * * * * * * * * * * * * * * * * * * * * * * * * *

7 Plus – Regionâlni tjědnik Severozâpadně Hrvackě -aktuelni broj :
http://www.regionalni.com/index.php?option=com_content&task=view&id=1484&Itemid=59

[Ljudevit Kaj]

Međimurske novine, 19.01.2010., br. 750.

Premišlavanje Jožeka radnika

Pometanje vu esdepejo

Nekaj se šepetuji, pre čakoski vuri, otkak je esdepe počev vum z partije hitati one šteri ne posluhnejo Zorana, gda bode i cirkva napravilo isto. Očem reči, gda se bode zafalila onima šteri hodajo vu cirkvo, a svojega glasa so dali agnostiko mesto svojemo katoliko. Nej znati kak se bode to zazvedilo? Vsi znamo gda dragi Božek vse zna, ali ne verjem gda bi se on tu šteuv mešati.

Piše: Jožek radnik


Spominav sam se z pajdašom Bartolom šteri vam živi blizo Lepoglave. Dok smo preobrnuli vse naše teme štere so nam navek na dnevnomo redo dojšli smo i do novoga precednika. Tu me mam napav kaj se mi Međimorci tu rivlemo i mešamo dok oni, Hrvati, zbirajo svojega precednika. Lejpo sam mo otpovedav gda smo si mi navek bili zdobra z Hrvatima i zato smo dobili pravo kaj idemo i glase davat. Neje biv zadovoljen, ali sam mo unda rekev gda smo mi isto kak i Hercegovci, očem reči, dijaspora i gda nam to davle pravo kaj našaj sosedaj z Hrvaške pomažemo zbirati precednika. Neje me razmiv, ali mi smo svoje glase dali tak gda ve Hrvaška pak ima svojega precednika.

Isto tak smo meli spominka o temo kak je što i komo glasa dauv, vu našoj krčmi pod orehom i tu sem kajkaj toga zazdvediv. Hajdig ljudi je svojega glasa dalo Ivijo sam zbogradi tega kaj nam je Milan svima obečuvav gda bodemo morali delati, kak konji, ak bodemo šteli kaktak živeti dok bi on biv precednik. A recite mi, prosim vas lejpo, komo je denes do dela? Vsi bi mi lejpo i dobro živeli, a nek nešči drugi hodi delat i mesto nas peneze služi. Zato je i Ivo pobediv kaj je nej nigdi posla spominjav, nek nam je nudiv živleje vu miro i blagostanjo i kaj je još važneše, niti vu cirkvo ne moramo hoditi.

Ve vam još nekaj mene muoči. Jeli je Josipovič precednik vsih Hrvatov, očem reči, vsih onih ljudi šteri živijo vu Hrvaškoj ili pak sam onih šteri so jemo glase dali? Jeli ga oni šteri so svoje glase dali Bandičo morajo priznati? I još sam bole najgerek kaj je z onima šteri so niti nej došli svoje glase davat? A takših ga skorom pol. Nej znati kak bode to na vse zadje zišlo? Tu me još nekaj gvinta: a kaj je z onim esdepeovcima šteri so svoje glase dali Bandičo, a ve so jiv hitili vum z partije? Jeli oni morajo priznati Ivija kak svojega precednika, a hičeni so vum nej sam zato kaj so glase dali Bandičo, nek zato kaj so poslušali Milana mesto Zorana. Što bi rekev gda bode do toga dojšlo vu esdepejo? Ja sam vam misliv gda je esdepe demokracka stranjka i gda tam čovek more misliti z svojom glavom i gda more svojega glasa dati onomo šteri mo paše. Ali sam se tu prevariv, a isto tak i oni, pak so na biračkomo listeko zaokružili krivoga čoveka, jerbo ak je partija odredila Ivija unda tre Ivija i zebrati. Vsa sreča kaj je čuda drugih ljudi poslušalo partijo, pak je Ivo biv zebrani.

Nej znati kak bode vse to zišlo vu čakoskomo, očem reči, međimorskomo esdepejo? Vsi znamo gda je čakoski gradonačelnik, gospon Šalamon, z dve roke prijel Milana Bandiča vu grackoj vječnici, a z Ivijom se pozdraviv sam z jednom rokom, kaj znači gda je drukav za Milana. Atak je i vu novinaj pisalo, a i na našoj televiziji so tak rekli. Izbori so minuli, Ivo je pobediv, a šef esdepeja Zoran je zeuv vu roke šibnato metlo i kani pomesti vse šteri so drukali za Bandiča. Razmete vi dobro kaj vas očem pitati: kak bode prešav čakoski načelnik Šalamon šteri je otprto drukav za Milana, a z istim kandidatom se slikav i jegov zamnjenik Biševac, jeli bode i jiv pomela Zoranova metla. Kuliko sam meuv za čuti za čakoskoga gradonačelnika se zavzeuv novi precednik Ivo, jerbo je Branko isto agnostik (ma kaj god to značilo) kak i on.
 
Nekaj se šepetuji, pre čakoski vuri, otkak je esdepe počev vum z partije hitati one šteri ne posluhnejo Zorana, gda bode i cirkva napravilo isto. Očem reči, gda se bode zafalila onima šteri hodajo vu cirkvo, a svojega glasa so dali agnostiko mesto svojemo katoliko. Nej znati kak se bode to zazvedilo? Vsi znamo gda dragi Božek vse zna, ali ne verjem gda bi se on tu šteuv mešati.

Minuli tjeden, vu sredo 13. januara, so se vu Deželi, vu 13. vuri, na hižnomo brojčeko 13. zišli na spominko naša gospa Jadranka i gospod Pahor kak domači. Spominali so se o temo kak bi naša Hrvaška mogla, čim predi, prek Dežele,dojti vu Evropo.Vseso se dospomenuli, tak gda se mi vsaki den smickamo vse bliže Evropi. Nekaj si furt gruntam i nebrem si nikak dopovedati: jeli je nam bole krenulo, kaj se Evrope dotikavle, otkak je Jadranka došla na vlast ili pak otkak je Sanader odišev. Na vse zadje bo vum zišlo gda je naš nejvekši problem na poto prema Evropi biv Ivo, a nejso to bili Janezi. Da bi čovek reč rekev!


Zvir:
Međimurske novine, 19.01.2010., br. 750., str. 61, elektrônsko izdâjně

* * * * * * * * * * * * * * * * * * * * * * * * * * *

 Međimurske novine, 19.01.2010., br. 750.
pregled pdf:
http://issuu.com/mnovine/docs/mnovine750i?mode=embed&documentId=080529141635-9953d9ac231e42788d00d2305b793e02&layout=grey
download pdf:
http://www.mnovine.net/pdf/750/mnovine750i.pdf

* * * * * * * * * * * * * * * * * * * * * * * * * * *

Međimursko-novinski premišlant JOŽEK RÂDNIK na tur-for-um-u
(vupisati  Premišlavanje vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * *

Žiga i Bandisti - Međimurje, kak si lepo zeleno, 03:55
Žiga i Bandisti - Međimurje, kak si lepo zeleno

[Ljudevit Kaj]

Zagorski list br. 327 / 22.01.2010.

ZA DUŠU, ZA SPOMENEK

Boga nije moči hkaniti

Nemrem razmeti kak nekomu familjija more biti se, na prvem mestu, svetinja, a da nie diel te familjije. Nema toga posla, nema te penez tere bi mogle pravuga familjskuga čoveka otrgavati od familjije. Saki viernik zna one kaj je nafčil na veronavuku da je Bogu drage gda je familjija na kupu, gda skupa blaguje, svetkuje, da starci pri stolu i h sakem cajtu življenja budu skupa z svoju decu i dajeju njim navuk.

Piše: Nevenka Gregurić
 
Slika:
http://www.zagorje.com/thumb.ashx?path=/ckfinder/userfiles/images/komentatori/greguric.jpg&width=430&height=250


Nie dana gda se ne zmisljim na pune toga kaj su me vučilji moji stariejši. Nigdar, gda se zbudim, ne pozabim zmoljila Oče naš. Nafčilji su me da se trieba prekrižiti prie nek krenem od doma. Zmisljim se za navuk svoje babice, tera je navieke h sakem poslu davala navuk kak se čovek trieba ponašati kaj nej resrdil Boga.

Gda me kak malu peljela k meše i cielji put pripoviedala o veronaviku, alji ščem sme išle prema križnom drievu mam je htihla. Bilje je te drive tere je rasle i još raste kre puta po terem sme išle k meše. Na drievu je bilje, i je, pribite respelčeke. Tuj sme postale, poklonile se i prekrižile. I gda sme išle od respelčeka moja je babica jen cajt mučala. Vučila me takaj da se h cirkve ne blebeče bez veze. More se same moljiti i popievati gda je za te red. Vučila me je poštivati svete sličice tere su cinfrale moj moljitvenik, a i one tere su doma vesile na zidu. Če bi komu hižnomu z gupca skočil kakef grieh mam se je obrnul prema svete sljičice ilji respelčeku na zidu, prekrižil se, i moljil za oprost z rečami:

„Oprosti mi Bože na grda rječja!“
Gda je pak hodil župnik po blagoslovu hiž i dal križ h ruke hižnem, križ se je h ruke prijemal z strahem, s pobožnošču i poštivanjem. Križ je bil svetinja z teru se nie lamatarilje kak bi gdoj štel i gda bi štel.

Ove zadnje dane imiela sem priljiku lukati ovu halabuku gda se je biral čovek teri nas bu predstavljal pred Svietem. Nagledala sem se ja, a i hnogi drugi, kaj česa. Saki od ljudi ima praf da mislji kak mu se nešče dopada ilji ne dopada. Nu gda te govori h Božje ime i z mesta gde bi trebala biti moljitva, pesma i pokora, unda triba priznati da si nešče jemlje preveč maha h Božje ime. Unda, ilji su mene negda moji stariejši, največ moja babica i župniki teri su nas vučilji veronavuk, krive vučilji ilji ..?. Če si denes nešče more na najveseliejši svetek Božič, privuščiti da špota ljudi z svetuga mesta same zate kaj niesu onakvi kak si on zamislji unda više cirkva, sveti hram, nie kaj je negda bil. A tie isti, teri su bilji špotani dopeljani su h Božje hrame od onie teri su se zdej okomilji na nje. Odlučilji su da več niesu dobri radi toga kaj ne pišeju i ne pripoviedaju same o vanjska kiklja nek malje polukneju i pod nje. Niesu zalarmalji gda su morti triebalji gda se je z respelji lamatierilje kud se nie smelje. Bilji su tihe gda se je respelje našlje h ruka nektere ljudi i ž njim mahtalje kaj z kakvu krpu. Moja bi babica negda rekla. „Viš dušek, kak z Bogeka dielaju bedaka!“

Nošenje veljike svieče još i razmem. Ona se i negda nosila kak zavet ilji pokora gda se čovek poštene, skrušene obrne h moljitve za pomoč i zahvalu Bogu. Če je negda svečica bila vekša, moljitva, alji i grieh bilju su vekši. Radi toga morem razmeti gda vidim veljiku svieču h nečova ruka. One pak kaj nemrem razmeti da se nešče krive zakljinja, jer i te je grieh. Nemrem razmeti kak nekomu familjija more biti se, na prvem mestu, svetinja, a da nie diel te familjije. Nema toga posla, nema te penez tere bi mogle pravuga familjskuga čoveka otrgavati od familjije. Saki viernik zna one kaj je nafčil na veronavuku da je Bogu drage gda je familjija na kupu, gda skupa blaguje, svetkuje, da starci pri stolu i h sakem cajtu življenja budu skupa z svoju decu i dajeju njim navuk.

Vučilji sme na veronavuku takaj da su pred Bogem si jednaki makar bilji različiti. Da Bog ima se jednak rad. Ipak, Bog nikuga na ovem svietu nie zadužil da u njegve ime govori gdoj je pravi, a gdoj krivi i te z mesta na terem ljudi iščeju „hranu“ za svoje duše. One kaj se saki put senek pokaže da se z Bogem nie moči igrati i njega prevariti. Dobre se zna da prepozna one teri tvrdiju da veruju h Boga, a hodiju po putecu grieha. I pak se zmisljim kak je moja babica znalagovoriti:

„Moreš ti nekomu napraviti štetu, moreš nekaj hkrasti, moreš delati sakojačke zloče za tere misliš da nišče nezna . Moreš misljiti da jih same ti znaš i da si jih skrila od ljudi. Se je te dušek točne. Moreš hkaniti se ljudi, alji Boga nie moči. On se vidi i se zna, a unda i prema tomu delji plaču!“


Zvir:
http://www.zagorje.com/clanak/6943/za-dusu-za-spomenek-boga-nije-moci-hkaniti.aspx

* * * * * * * * * * * * * * * * * * * * * * * * * * * * * *

Pregled člankov « ZA DUŠU, ZA SPOMENEK » gospě Nevenkě Gregurić na POTgoričkomu forumu:
(vupisati  Gregurić v iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * *

Na Bistricu - Adam Končić, 02:24
Na Bistricu - Adam Končić

[Ljudevit Kaj]

Zagorski list br. 327 / 22.01.2010.

IZ BAKINE PUČKE BILJEŽNICE

Obrtnjeni Pavel zimu vun pelja

Slika:
http://www.zagorje.com/thumb.ashx?path=/ckfinder/userfiles/images/komentatori/baka.jpg&width=430&height=250

Piše: Zoran Gregurek


Kraj siječnja mnogi su Zagorci doživljavali i kao početak kraja zime. No, tome nije uvijek tako jer veljača itekako zna biti hladna i po studeni nadmašiti i prosinac i siječanj. Što je o tome znala govoriti hraščinska baka Ivka, pučka prognozerka ?

- Veljača je velika prevrtača. Tak zna zima stisnuti da vrbe krej poteke škripljeju. Početek veljače iste je tak presuden za zimi i več si zname da čakame jazveca šteri ide na Svijiečnicu vun z luknje videti kakve bu vrijeme. Če bu lijepe, još se glipše zakopa jer bu onda zima trajala i trajala -  ponavljala je baka. A što je s ostatkom siječnja i o čemu se govorilo nakon Vincekova kojeg će brojni vinogradari i podrumari proslaviti ovog petaka, pitali smo baku.

- Obrnjeni Pavel (25. siječnja) pelja zimu vun. Tuo znači da od toga dana zima več nema takvu snagu kak vu prosincu. Onda i drijevlja dobiju posebnu muoč i počneju oko sebe jesti po meter snega. Same poglej krej borov kak i za velikoga snega vu veljače više nije tolike zapuhov. Drijieve oživeje i počne se rešavati snega šteri mu smijieta za korenje - govorila je baka. Starica je napominjala još koncem siječnja da se bliži Valentinovo i da dečki trebaju već sada razmišljati što će pokloniti odabranicama svojega srca.

- Saka ozbilnejša puca senja da je dečke na Valentinove veli da bu ju ženil i da je te dan da prsten ili bar svilni rubec da zna da ozbiljne misli. Jer nešteri su dečki vragometni i sakakoj obečaju pucam, a onda niš od toga. Zate se treba paziti, rekla je moja pokuojna mati, onoga šteri je sladek na rijieči, jer te rada fkani i bedaka z tebe napravi. A gda puca jemput duojde na glas, tuo je jake loše - upozoravala je baka.


Zvir:
http://www.zagorje.com/clanak/6984/iz-bakine-pucke-biljeznice-obrtnjeni-pavel-zimu-vun-pelja.aspx

* * * * * * * * * * * * * * * * * * * * * * * * * * * * * *

Pregled člankov „IZ BAKINE PUČKE BILJEŽNICE“ gospona Zorana Gregurka na POTgoričkomu forumu:
(vupisati  Gregurek vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Zagorski list br. 328 / 29.01.2010.

Dnevnik tate Bena

Sve se more dok te nešči ne hlovi

Pijemo mi kave, zapušili si, kad najemput dojde konobar i zeme nam tanjurić i vužgate cigarete i odnese to. Vrne se i veli da vidi dva inspektora i da nam bu vrnul pribor za pušenje čim prejdeju. Prejdeju oni iza vugla i konobar nam donese stvari natrag. A da ga bar nisam ljepo pital e se smije ili ne. Drugim riječima smije se dok te nešči ne vidi. A kave koštaju kaj da smo h Zagrebu na špici, a ne h trgovačkom centru.

Piše: Tomislav Benčić-Ben
 
Slika:
http://www.zagorje.com/thumb.ashx?path=/ckfinder/userfiles/images/komentatori/bencic.jpg&width=430&height=250


Išli smo prošli tjedan Gracia, žena i ja h jedan trgovački centar veliki. Bila je žena s Graciinom kumicom Sanjom dan prije toga tam i kupile su joj čižmice. Ali su bile malo premale pa smo ih išli zamjeniti. Kad smo to obavili veli žena da bi si mogli i kavu spiti jer več nismo imeli vremena da se vrnemo h Zabok, nego bumo spili kavu i idem ja na posel, a ona s detetom doma. Videl sam h par birtija tam da je naljepnica da se smije pušiti. Dojdemo mi do jedne i kak nisam videl nikakvu naljepnicu pitam konobara da e se smije pušiti. Veli on meni da se smije. Sednemo si, donese konobar kave, a umesto pepeljare jen tanjurić.

Pijemo mi kave, zapušili si, kad najemput dojde konobar i zeme nam tanjurić i vužgate cigarete i odnese to. Vrne se i veli da vidi dva inspektora i da nam bu vrnul pribor za pušenje čim prejdeju. Prejdeju oni iza vugla i konobar nam donese stvari natrag. A da ga bar nisam ljepo pital e se smije ili ne. Drugim riječima smije se dok te nešči ne vidi. A kave koštaju kaj da smo h Zagrebu na špici, a ne h trgovačkom centru.

Zanimljiva stvar mi se dogodila i dan prije toga. Krenem ja na posel i na stanici čakam cug. Dojde cug, za ne verovati, na vrijeme, ali se z trejtog vagona nekaj fest dimilo. Prvo sam mislil da se dimi z grijanja jer se to često događa. Zajdem h vagon, a nutra nekaj smrdi. Prvo nisam skužil kaj smrdi, pa sam mislil da smrdi z zahoda i premeknem se dalje. Ali i tam smrdi. I to nekaj po švasanju. Nič idem ja h drugi vagon. A tam smrdi još bolje i dolazi dim nutra. Pogledam čez prozor i vidim da tam željezničari s aparatima gasiju nekaj oko kotača. Kaj je bilo? Na vagonu su se kočnice vužgale. I onda takav vagon nemre biti h prometu. A kaj je najgorše bil je h sredini cuga. Pa onda dok su željezničari njega zvadili van, od preostalih vagona složili cug uspeli smo nabrati dosta zakašnjenja.

Sad bu nešči rekel da imam nekaj protiv željeznica. Samo protiv njih pišem več u par kolumni. Ko da sam ja kriv kaj mi dajeju povoda za to. A gledel sam na jednoj stranoj televiziji kak se po svijetu ljudi peljaju s cugima. Ima zemlja tere su i gorše od nas. H Indiji se ljudi peljaju i po krovima vagona. Ali puno je več država gde se ljudi peljaju ko ljudi. Tak sam čul da je recimo h Japanu za cjelu godinu, e sad ne znam e prošlu ili pretprošlu ukupno kašnjenje na željeznicama bilo 6 sekundi. Na našim željeznicama se sekunda ko mjerna jedinica ne koristi. Još malo pa buju i minute izbacili.

U normalnim djelovima Europe više se po brzini putovanja ne uspoređuje cug z autima ili autobusima, nego z avionima. A kak i ne bi kad recimo z Londona h Pariz morete s cugom dojti za dvije vure i 15 minut. Kad je več čovek z Londona došel h Pariz i morti bi se štel prejti okupati recimo h Marsej za to mu s cugom treba još između 3 vure i 6 minut i 3 vure i 16 minut. Zavisi s kojim cugom ide i na kolko stanica taj cug stane. Zemite si malo atlas i pogledajte gde su ti gradovi i kolko su udaljeni jen od drugog. A pri nama za 3 vure nemreš dojti od Zagreba do Rijeke.

Zvir:
http://www.zagorje.com/clanak/6958/dnevnik-tate-bena-sve-se-more-dok-te-nesci-ne-hlovi.aspx

* * * * * * * * * * * * * * * * * * * * * * * * * * * * * *

Zâgorsko-lisnati kolumnist Tomislav Benčić-Ben na tur-for-um-u
(vupisati  Benčić vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * *

Hura Ben! Ben Tur Hur

Ben-Hur (1959) Trailer Kajler, 04:04
Ben-Hur (1959) Trailer