Bik v Barbaričevomu zelju i baltica v medu
V centru sela,tam de je Bog zapiknul šestar da je svet delal,Rođekom su kinezi napravili jen od sve najveeeekše stadijonof.Je da je to prinami kak ploča za ša` igrati il stol za stolni tenis,da su ga tišlari delali,al kaj je-tu je.Ono kaj narot najviše voli da ni lada od orejov il druge šumadije su šatori a na tem se vu Barbariče ni šparalo i to mam vuz aut liniju da svekolika populacija,visoka izaslanstva,diplomacki kor i župnikova... moreju pomalo scicavati pive i gledeti najvekše breške zvezde,mesece i sunca kak se nogometaju.Top na D-4.
Prvi su letošne "Rođine igre" otprli Manekeni i Čigre a na "šortiju" su se bole snašle zvezde z Jaguštanovca,sigurno zato kaj i oni imaju maloga,travnatoga.Manekeni se nikak nisu mogli snajti v garaže za fičeka ze svemi mercedesi i nekak su piknuli jenoga prek Anđe (do če komu,nek svoj svomu i bratoubilački rat zmed dva brate) a ostatek ide na račun Čigram,četiri komadi za tri bode.
Bebe su došle malo primetati bodov na svoj kup a nekakove su druge plane imali Švabi teri bi se rada otkelili od dna.Još je dobro i počelo za Bebe i činilo se da peju Švabi domom kratke rukavov dok nisu piknuli dva;prek Klasniča,bez Boltona, i friškoga golmana.Te žuna,v ove Opatije samo su golmani igrači utakmic.Još samo Ilovača ima golmana kaj dava gole z gola na gol,od Opatije dava z penalov,Obad Mika je v istu dobu i golman i špica,Miši imaju golmanov na hitajne,Bojsi ni za lek,za Rođeke to ni problem,ovaj od Manekenov da se baš razbranil više ga nismo videli...BTJ,koja Liga!!!Švabom ni nikak išlo iako su probali napraviti reprizu ekipe kaj su ju poslali na megdan z Manekeni v Kozje drage i iak su roterali prectavnike NAO (nogometne autonomne oblasti) "Brajkoviči" falinga na gol crte se ni dala zanemariti;Beloga je pop za pokoru poslal na kolene nabistru.
Ni Gruntovčani se nisu nikak snašli na barbaričkomu stolu tak da su je Rođeki obedvali,z 2-0.Gol je dal i Rođo (to mu je 15-i) a Draš je bil kak zafrik v ekipe,briguval je da se se dobro poveže.Čem je zišel vun Peščenaki su došli do sape i počeli stiskati domače.Ni bilo druge nek se prijeti one narodne;ne mejnaj ekipu kaj pobeđiva,kaj je muš bez brkof i bez starca ni udarca (iako su mu i veterani dali ispisnicu zato jel jem je prestar).
Odkad je je tuča stukla,i druge nevole,v Gladovcu Vrvci nikak nemreju dojti k sebe;Štefek je počel govore držati a Zeko skup žnem nikak da gol da,Stari se tak vlenel da bi samo branil a nebi gole daval,Šukiju nejde,jednak kak ni Đunijoru,Beli nemre više,zvana,Grši je saki put dal po jenoga da su ga deli nutre al ni on ga ni mogel vrči.I da to čovek se dene na vrpu kaj ostane?Moj naaaajboli prijatel Zemo,eto do toga je došlo da Marac mora gole davati.Brani gol,delaj faule,primaj črlene a sad i gole davaj.Pa dokle tak!Malu na stranu.Ilovača bez pravoga završetka a si se nijovi napadi stavlaju prije golmanovoga prostora il hitaju v očaj skuplače lopti a ni Tigriči ga nemreju vrči Staromu tak da su bar pet 100%tne šanse z teremi su trebali pocepati mrežu Ilovače poslali v šumu i vodu.Zemo ga je vrgel skoro na kraju tekme z "međuodstojanja" i donesel sedmodnevni mir kopačem bazena pod Svetum Katum.
Novo Brdo je još navek bez Alena,zgleda da je v kučnomu pritvoru kak mu je i tast,tak da nima do razigrati krila i špice i potegnuti po sredine ak treba a Vrapci su i dale v standardne postave.Poveli su Miši i činilo se da bu se v redu ali onda su poramnali Vrapci a kak je konec išel kraju činilo se da buju Škajnci odnesli Miše.Čem je kraj bil bliže voda je se bole Mišem vuva zalevala,se rošade,rotacije i rolade nisu davale rezultata,obramba je plivala kak pese v hamperu vode i v tem momentu bi most i potpisali za 1-1.A onda je Jurica potrgal Acu v "međuprostoru",ni vrit ni mimo,nit na sredine nit pred golom,takoreč v autu i kak da je negdo pustil vodu da su mu suci odsvirali črlenoga i potpisali mu čitabu za "črlene zvezde".Da su se vuva osušila od vode na onoga jenoga Miši su navrgli još tri gole,od toga dva Miškove z teremi je sat ima 10,i polefko domomek.Ali,Panki ga nikak ni mogel vrči...Još bi treba spomenuti Marka,da je zamenil golmana Miku kaj je fasoval dve minute, kaj je v jenem napadu,dve akcije,obranil 3-4 100%tne šemse a se v stilu kak i na Kravarske protif Velike Bune.
Levi S` nisu bili ni blizu reprize od lani protiv Velike Bune.Glumci su jem natovarili tulko da je je most i milicija stavila da su išli domom radi pretovara.Osem lake komadov.Zajdnu je dobu muči motivacija i mobilizacija i stalno se moraju krpati za razliku od Glumcov kaj za takove probleme neznaju.
Prije zajdne utakmice,tak da rastiraju lude,Rođeki su odigrali jenu egzibiciju sami sobum a da bi zajdna bila most i nočna utakmica.Jel se svetla na stadijonu pale mam ob 10 navečer.Z Gorice.Igrali su Stari protif Mlade a moglo se i čuti;-Rekel te bum mame! da su oci navalili na sine.Najprije su se prvi mučili pol vure da bi dali gol a onda su drugi probali to isto na dule vremenske steze.Rekel je Draš kaj je samo mudro mučal do onda,gledel i cical pivu da ak mu pukne * i ak se ras***di da bu zašel nutre v natikača i pobedil i jene i druge.
Cukor na kraju.Šika i Kravarska su odigrale jenu od najlepše utakmic letošne Lige a most i Lige par let vunazad.Utakmica puna trke,tempa,vole i akcije,ono kaj inače nevidimo,saka bi punica svega zeta rada videla vujne.Šika je zgubila ali su,po mene,odigrali najbolu utakmicu do sad odkad je gledim a Leptiri su pokazali kak treba igrati,kam ta Liga treba iti i kak zgledati,čista Nogometna akademija il Škola nogometa.Rezultat samo kaže da su Leptiri bili konkretneji i precizneji ali ni bila tak velika razlika v igre i trke.Ova je zaslužila da se igra v Finalu i kapa dole i jenem i drugem.Kaj se golov dotikavle,sami vrhunski strelci;Šiki je dal jenoga-to mu je 13-i,Božo dva-10-i,Anđo jenoga-15-i,još mu tri fale do Pankija,četiri za prolaz.Jel bu Panki uspel kaj vrči Tigričem i kulko bu Anđo pospravil Glumcom?
