Mlezivo f Jaguštanovecburgu (Južnovukomerička Republika)
Kak i sako leto tak i ovo pri Čigrami nas čekaju saaaaaaame ***darije;puno minut,faulof,čak su se i nekakovi kurtoni pojavili,klizečo-klizeči il klizečo-ne-namerno-slučajni,je bil-ni bil,šbb-kbb,da se nisu si sporcki premandurili bi si čovek mislil po rasprave da smo f Saboru.A da smo več pri mandura,Čigre su se pririktale kak se i šika,v mešne drese.
Švabi su počeli gole davati,valda jem ne prešlo v navadu.Beli se hital kak pravi golman na vaterpolu,čas ga je hitalo levo čas desno.Skoro se je obranil,samo su mu tri kapnuli iza pleč a i to je bila čista sreča.Negdo je bil na akademije biljara...Kad čovek ni krif ni dužen da skoro četiri gole,dva sigurno piknul Švabom a dva skoro svojem,e to je onda sreča.Neznam kak se zove 11-ica od Tigričef ali toga čoveka si tučeju kam got da dojde i tak par let,taj ni niš gole daval,samo je batine gukal.Veli se da se kaj te ne vubije te samo zjača ali treba je to i preživeti.Da se "nakrenul" malo v Đorđičevu bole bi prešel nek vevo.
Domače Čigre i Vrapci podelili bode i gole,sega po jen i nigdo ni suzu pustil.Čigre su povele po Pepe a Vrapci poravnali prek Hrvoja.Bunci se drže Gornega doma tablice kak klopi i ne popuščaju.
Obadi i Glumci su odigrali jenu školsku i više nek zanimlivu i poučnu utakmicu.Školsku,nema predaje i popuščajna.Zanimlivu,vidiš četiri gole.Poučnu,si kaj su rekli "E,sad pomalo","Laganini","Pusti je nek sad oni napadaju" su večinum spušili.Rekel je negda jen moj prijatel,Rade Končar;milosti ne iščem niti bi vam ju dal.Glumci su dugo načimali Obade a onda skoro v rafalu jem poslali dva "obadiče" prek Toma iza Mike.E tu počima letargija i si čekaju reprizu karavarskoga turnera,žbukajne i tak to.I v tem smo očekivajnu dočkali fučkulu.V drugem poluvremenu Obadi zuje kak pri najjakšem suncu nasred sinokoše i po dosta časa su piknuli jenoga.Gola,ne Glumca.Pred kraj utakmice su dali još jenoga v stilu Čaka Norisa,z kornera,a pojnem je počela žalba za potrtem čupom i dosuđenem faulom,nepuščene prednosti i potencijalnem golom,..i potrajala je do dugo v noč,dugu kupsku noč...
Šika je došla v skoro punem sastavu da bi naletela na b-klasu Manekenom.Am su susedi,su se mogli dokončati i to rešiti negde zmed "Borov" i "Pevca" a ne se ***ati čak na Kupu...I to samo radi 1-1.Manekeni su se pojačali z Anđum,teri još navek ni dobil dve minute (ak ovo negdo čita nek mu je "stisne" če niš "za dobra stara vremena") i Čirolum teri je došel pretegnuti kičmu i rešiti se trtkof od ležajna na gajbe "Stare Pramenov".Buduči da ni bilo nikakove ***darij Oberštrumfbanfirer se zadovolil z pušejnem svoje dve kutij cigaretlinof,tak da za zajdne kolo Buco ni uspel nafektati nit čika,i ni bilo potrebe da negovo gorostasno telo svojemi dolnemi tali opipa jaguštanovečku travu i z svem ulaskom vruši sve nade Balerinam.
Leptiri su pokazali Bebam da jedenajst golof v Opčinskomu središču čera ni bilo slučajno a i Anđo si je malo popravil statistiku.I pokvaril ju Bebam.Kak da ni bilo dost kaj su se nacicali golov nek su je još napali nekakovi "klizeči" z teremi još nigdar nisu posla imali tak da je Ili(ja) Beba (bez 10 il 40 hajdukov) par put fasoval dve minute i potrošil više na preslačejne nek na igrajne.Čovek je most još i sat f šoku.Vglavnem,Laptiri su jem piknuli porciju za tjeden dan,7-0.
Drugi put v dva dane na Gruntovčane su se namerili Bojsi,samo se čini da bečari z Gladovca malo bole igraju po danu nek po noči.Nekaj je smrdelo na reprizu jel su si Bojsi dan prije prišparali dve utakmice ali su Peščenaki leteli po igrališču kak da bi jem rit z benzinom namazal i tu ni bilo baš nekakove ekstra šanse,5-6 "ČakNorisof" nemo ni brojili.Se kaj je išlo prema golu rešaval je Šmajhel a za drugo tu su bili Daltoni.Il Vrageci.Da ni bilo penala (il je?) z teroga su Bojsi poveli i pobedili bi se negdo i bez picajzlinov odubal.Ko što pesnik reče;Ne igraju dečki loše,samo nemreju tulko utovariti kulko moreju prijeti.
Prvaki i Vrvci su jeni drugem zabiberili po dva gole za remi a zapraf z tem zacukorili Glumcom kaj su je hudo spikali štrklasti Obadi.10 Obadov stane f Punto a još ni pretovar...a da se vrata sopreju više je ni moči poloviti,osim friškoga golmana kaj nemre biti prazne ruk i suvoga pažiraka.On se zalepi na "vet point" kak muva na leplivu traku.Ilovača je povela prek Zeke a nekteri još nisu ni pive otprli.Rekel je tast Želko da je zet Želko na morju,samo kaj se zet Želko vrnul bole bel nek kaj je otišel.To je bilo morje kak i ovem mojem;borova šumica i pive gajbica...Mam na početku je Zemo prhnul van z črlenem v žepu,črleni Zeme-pet minut Ilovače.Zemu je to dotuklo kak i kobilu da prevrne voz sena.Tak mu se zamerila črlena boja da je vumentalno prešel z bambusof na pive.Alen je poravnal z penala a Štefek deponeral gešenk loptu iza Mike i vrnul prednost Ilovače.Posle je drugi brat Lovrič piknul za egal.Posle "breškoga akcionoga" od pol vure i fučkule dočkal nas je "breški dramski" program de su se vlekle paralele,dijagonale i čarilo jajce na oko sokolovo.
Kaj nas čeka of tjeden...
Sobota,Štefekova svadba.
Nedela,v Opčinskomu središču.Kak za vraga f prve utakmice na noge hudem Bojsom trebaju zbežati Štefekovi svati.
Mislim da bu Mika branil.
F špice Šuker đunijor.
I još nekakovi tri.
Il negdo do uspe napuhati najmejne promilof na koncertu za dreger i melodiku.
Razgoropađene ekipe za strojno žbukajne z Kravarske na mešalicu budu došli Pretplatniki z Gladovca.Jel se more kaj dogoditi da Leptiri ne skoriste prednost domačega asfalta i razlike na tablice i f statistike?
Balerine i Bebe se budu našle na pol puta,mala prednost Šike ali i Bebe znaju odigrati "ludo ko šiba" pak nas most ugodno iznenade.
Glumci i Manekeni,Glumci imaju dukšu klup,se klasa do klase.I Manekeni imaju klase,A,B i C.Koga budu Manekeni poslali na Glumce bumo videli.Samo da ne prejdeju kak 12 žigosane.
Mam po ove lepotice čekaju nas Vrapci kaj letos visoko lete i Obadi kaj lete fletno.Na tablice Mala buna je ober Gornega Ruševca-bunski golgeter pred ruševlanskem.Kaj to znači?Niš.Nema predaje!
Tigriči i Čigre bi mogli odigrati jen dober derbi predzačelja.Ak nebu zanimlivo nek bu bar puno golov.Kruva i igara!
A zajdna na sporedu je borba Rođekof i Švabof.Statistika je na strane Barbaričanov a ak se Beli preorjentera z vaterpola na rukomet il nogomet sega bi moglo biti.
Aj-haj,uživaj!
