7. MALONOGOMETNA LIGA "VUKOMERICKE GORICE 2010."
G L A S N I K
LEPOTA I KRASOTA!Broj: 1/2010 Datum: 20.6.2010
I tak, malček po malček odigrano je i to prvo kolo nove breške lige. Čez celi bogovetni teden bilo je fajn lepo vreme, da bi se vu zajdni čas vreme prekurvalo i skroz na skoru skvarilo. Dež je curel da to ne normalno. Srečum novi teren vu Kravaščice je zdržal se tlakobe i muke na koje su ga vrgle naše breške nogometne sile. Častive i nečastive.
Lepo su to dečaki z Gornega Ruševca vredili i napravili. Jošče kat su se to lepo začinile naše političke velike, stvarno velike i debele, političke glave ... Bravo dečaki. Sat vam je ostal samo težeši del posla, a to je se to vu tak lepomu redu i držati i vređuvati.
Jake breške sile gledatelof i pratitelof ni ovaj put nesu zneverile naše nogoloptalce. Brez obzira na obzir i katastrofu od vremena i nevremena, vu lepom broju smu se skupili i zvrpili vu Kravaščice. Imalo se tu kaj i videti i čuti, pogotof naše tamburašof z 737.
Naši domačini su si dali i truda tak da su egzibiciju igrale dekle z žemskoga nogometnoga kluba Dinamo ze Zagreba grada na čemu jem se jošče jemput lepo zafalujemo. Maca Maradona je jošče navek atrakcija kam got dojde i se got se pojavi, si su ludi zajnum. A ona stare koka, al stvarno stara, se to lepo koristi i naše lude i nore breške mase navek okrene na svoju stanu.
Evo da pogledimu kaj su naši nogoloptalci delali ova nedelnu mrsku popoldnevku:
HOTNJA - GORNJI HRUŠEVEC 0-5
Kak su i najavile nase Berbe z Ojtne se nesu pojavila, a kajem ne trebalo. Ne dobro.
GLADOVEC - AUGUŠTANOVEC 3-4
Friške breške sile kaj su se vrnule vu naše nogoloptačko jato nesu imale force zdržati se te pritiske i stiske Čigri. Peščenaki su tak lepo počeli, a unda se je se počelo komplicerati tak da su na kraju sejeno spušili. Al glavno da su se vrnuli na nogo kartu bregof.
DUBRANEC - GORNJA OPATIJA 7-0
Ilovača je krenula furiozno. Našli su mušterije vu našemi dečaki z Gorne Opatije kaj su se zgleda nakanili samo pojaviti na tekme, a ne igrati nikaj. Tutu je jamilo, zgleda da se malo preveč vupira na seksološkomu planu, a Beli je zabil dojti na gol i to je to. Sneje z Ilovače su skroz na skroz poludele i drčiju i zabijaju kaj da si lačne vuke pustil z lanca.
NOVOD BRDO - BARBARIĆ 2-0
Pretpostavlena i smirena pobeda naše Mišof kontra Rođekof. Dež je zel svoju del tak da su dečaki bili kak na skijajnu. I vu sem tem su se Miši bolše znašli.
LIJEVI ŠTEFANKI - OPATIJA 0-0
Tekma puna tempa i bitek tak da je na koncu završilo najrealnejše. Šamsi višeše imaju Bojsi, al nema tate Alena da ga pikne u vrgne na pravo mesto.
KRAVARSKO - MALA BUNA 0-3
Jel se to nekaj spremenilo vu bregima kaj se dotikavle kvalitete igrajna. Ne to je samo bil trenutni den inspiracije i močnosti naše Vrapcof kaj su na skijaškom terenu uspeli zgaziti, al stvarno rezultacki zgaziti neprepoznatlive Leptire koje je do kocena razoružal Šanku na golu Vrapcof. Fino je počelo.
ŠILJAKOVINA - VELIKA BUNA 1-2
I za konec jeden od derbijof koji se moral igrati na skijališču. Šumari su se pojačali z Jožum na golu i to je bila najakšeša taktička novotarija vu nijove ekipe. Je bil je tu i Jura, al samo tam negde, dočem je Tona sam gledel z strane i žifceral se. Kat su Šumari prek Šikija z prekrasne kontre uspeli zabiti golčinu, vu taboru Glumcof je bila koma i mučečnost. Al kat su se malček skoncentrerali i počeli igrati nekaj sličnoga nogometu, mam je to dalo rezultata i uspeli su vu nezvesne i teške derbi tekme dobiti silne i močne Šumare..
Vidimu se petek na Nju Hilu, a vu nedelu na Gorne Opatije, vu šumice.
