Lanjska svršidba lige f Dubrancu;
Brzi i žestoki;
Obračun pri Potočiću malenomuVelika meša v Turopolu,moreš pojti kam očeš;v Vukovinu,najbliže i najvekše,na Pokosko,pri Gradu,mam do Kupe il Vrhovje,v Dubranec,ni veliko i previkano al okupla prebranu ekipu.A zakaj ne obijti se i sem ostavili malo penez..?
Vukovina puna kak šipek,fala Policije na posebne regulacije i zaslužnem na Autobanu,teri je popil tranzitni promet.Osim jela,pila i slične điđe-miđe,i specijalne ponude očal za čitajne i drvene masažerov za noge od lani,ponuda kramarov je preširena i z specijalno specijalnum ponudum kineske cipel na akcije po 50 kune.Jaka kvaliteta po jake cene,da bi čovek reč rekel i suzu pustil nad ovum proščenskum ponudum.Po ovem se čovek oseča nekak uzvišeno v skladu z danom i tradicijum a bome neznam ni kak bi ovo prešlo bez "Matana i bratije z "Prosjakov i sinov"".Reko,za kaj su ti ta očala? -Za čitanje... -A,za kaj čitati? -Za novine,šta očeš... -A,jel imaš za Internet čitati? -?
? Ove,ove su za internet čitat. -De ti to piše? -Reko mi ovaj od kog sam uzo. -Aaaaa,jel imaš z kakvem lepšem okvirom?Z tem bum zgledal kak Gradimir Agbaba... -***i ga,neam... -Idem pogledati jel ti kolega ima kaj bole.
Ringišpili delaju,tobogani,autobrani itd...Na igrališču isto sa sila "dečje radosti" a saka ima svu muziku i razglas,velika šatra z stoli i binum,navodno je trebala biti meša na igrališču samo neznam do bi ju čul i kam bi ju deli.Med ove kramare most?Na Pokoskomu veselo zveckaju sekirice za meso,za razliku od lani,dve šatre,nogometni teren je prazen,na ringišpilu kaj stoji prazen trešči nekakva besna muzika a pri šanku udara Tomson da nečuješ kaj misliš a kamoli da se moreš spominati.Pre-strašno!!!Pripravla se nekakva regata a deca z Raba,Petrine i Karlovca veselo prazniju tajnere,valda gosti.Pomalo se skuplaju Ligaši v tranzitu za Dubranec z tum razlikum kaj ekipa z Štefankov ne riskera prvo mesto v Lige z nastupom na turniru.Na strelane tradicionalno traja napucavanje.
Ilovača.Dubranec.Za legende problema z parkerajnem ni,sretneši su se zavlekli pod rušku vuz kuruzu,oni kaj misle kesneše dojti imaju placa vuz cestu,od Cerovskoga Vrha do Gustelnice.Dečki su se pak priredili kak se šika;"potočić maleni" je očiščen i naglancan,trafica je skoro "pravo vimbledonska" (račana je,vidi se,platil pomočni teren na teromu je "otišel navoj"),goli most novi il nanovo ofarbani,friško zakopani stupi za mreže a tu je i novi kolni ulaz na teren.Teroga je blokeral Zemo svum pilum,na tere piše "Prodajem se".Mislim si,naj se z tem voziti oko Botaničkoga,nekak bi ti bilo mejne bolno iti z autobusom il trajvanom...Iak su si dečki dali truda i oddelali posel kak Bog zapoveda još navek trajaju dečje bolesti z Mesnem odborom v terem više ni važno do sedi,levi desni,gorni,dolni,sredni..,a teri ima kontinuitet politike prema Lige i MNE Ilovača.Ovaj put ni problem dom nek voda...Nemreš veruvati...Boli se ni pokazal ni Grad.Nekak mi se čini da dečje bolesti prerastaju v kronične.***i ga...Ali idemo mi dale za poslom,valda bu k letu bole,u nade je spas.A zna se do je nada...Kak bi to Zlatek napisal;Kak smo se igrali.
Več za prvu utakmicu zmed susedov na tablice,Opatije i Jaguštanovca,publika se stacionerala pod retke suncobrane i gustu šumu.Utakmica kaj jedino odlučiva do bu komu f pleča gledel iduče leto dan,do druge sezone,je pak producerala jenu ozledu.Kruno Grahovec se baš ni naigral a več je moral odšepati van.Zamenil ga je Jagoda kaj je mam piknul gol.Igra je bila dobra,puna tempa i obečavajuča za nastavek dana.Kruno se posle vrnul ali to više ni bilo to.Opatija je pojačala tempo i stigla rezultat a tekma je po još jenomu paru golov završila v egalu.
Šika i Dubranec su odlučivali o tomu do bu držal prikluček za Gornem domom a se je počelo z črlenem kartonom z vajnske strane kreča kaj je celu tekmu,kaj je trebala biti utakmica niskoga rizika,hitil z ravnoteže.Iak se Šika osečala povređeno z ovem aktom uspela je povesti prek Raka.Ilovača se mučila jel ni mogla dojti v izgledne prilike a Šika je i dale pretila,večinum po desnomu krilu i sredine.Pala je i druga ozleda v kolu,Štefek z Ilovače (9) (Štefek nima 9 let nek nosi broj 9 na pleče) je najprije odpuzal van z terena da bi se kesneše na večer pojavil v Domu z gipsanum pancericum na noge i batinami za skijajne.Valda se spravla za slalom.Posle izjednačejna susret su odlučila isklučejna a glavno je bilo da je Šiki zašel van.Ilovača krade loptu Šike v petercu i ostavla obranu i golmana nedorečene.Mam po tem je matera v još jene akcije i to je bilo to.Niš mejne ni bilo važno kaj je Zemo obul črlene štumfe i prešel v napad (žute su mu za obranu,če je ne zabi povleči do kolena,onda je puuuuuuuušing) de je zamenil Štefeka i ni loše odigral iako to po vokacije ni negvo mesto.V drugem je poluvremenu branil za Ilovaču Mika i iskazal se z par intervencije na rubu svega prostora.
Če je zakipelo v utakmice kaj nema nekakve težine kaj bu tek onda da počnu one prave za Gorni dom?A prva nas sad čeka.Ekipa z "varijabilnem podešavajne ventila",tere čas ide čas nejde,kaj je nepredvidiva po sem pitajne a potencijala jem ne fali,Barbariči,je zbežala na noge "stroju koji sve melje" oslablenomu za "akviziciju od 68 mil.EUR".I to se pokazalo klučno v ovem ogledu de ga Đuka ni mogel do kraja zameniti a Sep nemre sam se odigrati v špice.Po rovovske borbe,izmenične juriše,intervencijami i istrčavajnem golmanov izvan svega prostora Barbariči su poveli prek Rođe a Manekeni poravnali prek Sepa.Na kraju utakmice da su Barbaričani osetili krf utakmica jem je bila prekratka i šteli su pokopati do kraja Pevcove Badelaše terem je ovde igrala samo pobeda da bi,most,bili drugi.
Glumci z Velike Bune su imali leži posel protiv mlade Obadov ali,kak ni Manekeni,ne drže svu sudbinu v sve ruka nek moraju čekati okršaj Štefankov i Mišef.Relativno fletno su došli v vodstvo ali i pionirska škola z Ruševca ima svoje dalekometno topništvo prek teroga poravnava.Po tem slede izmanični napadi jene i druge v teremi su konkretneji bili Glumci.Mladi Obadi napadaju ali ne dolaze v završnicu.Glumci si nisu pustili taj luksuz da glume nit da jem se dogodi "sindrom Hotnja" i zeli su zajdne bode ovo leto.Nekak mi se čini da vreme mlade Obadov tek dolazi i da bi k letu mogli gledeti još boli nogomet z Ruševečke škole.
V borbe za,ili protiv,zajdne mesto našle su se dve pitome ekipe z Dolnega doma.V utakmice je svu igru bole konkretizerala Mala Buna,jenput z igre i jenput z penala,po teromu je golman Hotnje zletel van,i ostavila Bebe na dnu tablice.Da si pogledam zajdne deset minut utakmice Hotnja-Velika Buna,ni mi jasno kak…Sve.
A,to je Breška liga-des kobasi,zutra krumper.Il luk i pražetina…
Kravarska je konačno našla v Gorne Opatije nekoga koga bu pošteno nakantala,nametala i rešila se frustracije.A most je Bobek na ovaj sveti den kaštiguval Švabe kaj preveč kuneju i pripovedaju na utakmica-do bi to znal.Kravarščani,brzi,konkretni i ubojiti kulko su jem got Švabi dali,su odložili petardu v mrežu od Beloga teromu je bilo kak glinenomu golubu na strelane.Opatija,neurozna i glasna ni mogla parerati raspoloženem Leptirom kaj su zavu priliku priredili celi borbeni komplet,a bez prave realizacije i poteza ni mogla očekivati više v ove utakmice od šudranja il šopanja.
A sad jena od bebe od utakmice ove Lige.Organizatori prezadovolni raspletom na tablice,suci baš i ne jel buju mesto pive popili žuč a publika i stalni kibici Breške lige okuperali kreč pri "Potočiču malenomu" naoružani do grla.Jako dugo zagrijavanje,oni kaj su fletni kak popov ***ac,bi mogli nazvati i pregrijavanje,je prisililo kibice da si snize temperaturu na šanku il z šanka.I da su si mislili da bu počelo-pak ni počelo (pak je pošel egzodus i zbeg suvogrloga naroda na izvor osvežejna).Onda je "Velečasni" pozval ekipe na "propoved i spoved" da nebi bilo "nismo znali",i vuz još nekakve korekcije tokom utakmice to je držalo vodu.Po početnomu spipavajnu snage Alen je spipal mrežu Mišof a da se nigdo ni prav ni snašel.To je zgasilo i velikobunsku ekipu kaj je navijala za večite rivale z "NouCampa".Ali ne i Dremeka-toga nemreju ni tenki z Tjenanmena zgasiti.Posle Damir z iste distance na kontra strane vrača tekmu v egal I tu počima,il se nastavla,inicijativa Neobrđanov.Trda utakmica puna srca je v tem momentu više pasala Novomu Brdu nek Štefankom teri moraju napadati da bi bili prvi.Nekteri udarci Štefankov završavaju oko gola,nektere blokera obrana a ostali završavaju kak plen Spidermana na golu Novoga Brda.Ali je to niš spram onoga kaj je obranil Schmaichel na golu Štefankov-Dremek se ni mogel čudom načuditi.Pak.Mali Mika je obral bostan jel il je čuval vekše od sebe il su ga oni čuvali i nahitavali se žnem kak z 13-em prasetom a bila je opča opasnost da je vlezel pred gol.Nekak mu bole paše Bekem za čuvati al ovaj des bil na druge strane.Samo kaj malomu retki moreju parerati po tehnike i drugač bu to zgledalo da mu se gevihti na vage premeniju.Alen je imal "patrolu" na sakem koraku na Neobrdske polovice ali to je situacija na teru je več nafčen.Da je susret završil teren su preplavili Miši kaj su si donesli i barjak i trubu,k letu most in buben (orkester nebi sklučil v dalne budučnosti) ali su zabili na majce "Prvaki 2009".Moram napomenuti da sem na šanku prije početka Lige imal malu konverzaciju z "Dobrem starem Feljum" po pitajnu rezultata zajdne utakmice a jednak tak i povedati da me v prognoze ražneral kak poplava neplivača.Saka čast,Feljo!
Fiesta se posle preselila na Trg Seljačke bune v centru metropole Vrhovja de je obavleno proglašejne pobednikov,dobitnikov i sudionikov a tero je,posle zakuske,popratila grupa Mondeo z lakonotnemi milozvučnicami v sve izvedbe.A slavle je potrajalo do dugo v noč,most i plitko v jutro,v atmosfere ko kad su Gali z Asterixovoga sela potrli 44 Rimske Legije…
I živeli su dugo i sretno (do k letu,da bu pak treba ošvicati rit i jajčeca,krf krvavu)…
DUBRANEC, 15.08.2009.
OPATIJA – AUGUŠTANOVEC 2:2
ŠILJAKOVINA – DUBRANEC 1:3
BARBARIĆ – KOZJAČA 1:1
VELIKA BUNA - GORNJI HRUŠEVEC 3:1
HOTNJA - MALA BUNA 0:2
GORNJA OPATIJA - KRAVARSKO. 0:5
NOVO BRDO - LIJEVI ŠTEFANKI 1:1
