Nekaj mi fali v ove tvoje
autopsije 
, kaj veliš za šestorku 2004.-2013.?
http://www.forumgorica.com/sport/10-malonogometna-liga-vukomericke-goric-2013-mnlvg-10/msg52359/#msg52359Lady Godiva,
iliti prehrambene navade bika v mladem zelju i krave v rosne detele (da ne pripovedamo o osebujku i coprije tece Ježovičke).
I trejti put ovo leto smo se zjatili v carstvu Bože Škrinariča, of put bi nekaj trebalo biti i gratis. Lubiteli kalne Kupe, Kupacabane i breškoga nogometa su došli na svoje. Zvezde, i legende, Breške lige se dopelavaju v 5meterskemi limuzinami do črlenoga tepija kaj je z debelem štrikom i kordoni osigurajna odvojen od publike kaj navija, zavija i išče autogram, suvenir ili sliku više. 13-o kolo bu ostalo zapamečeno potem kaj je Pokosko v svoje prve (i pol) sezone napravilo više nek pokojni Jaguštanovec (z skoro istum ekipum) v svoje putešestvije v Lige; tuklo je Bunu i prekinulo utakmicu. A ostalo bu zapamečeno i po probe breške klape "Ščenglavi škajnci" kaj je izvela svoje najvekše hite i svecke uspehe; Burdel šuma i rosne štumfe, Od Gladovca do Prkovca, Krvava Marija, Cesta mi se v trsje zvezla (do ju *, ima vina i dučanu), z festivala "Ilidža `67"- Izvor Bosna gajbu pive ladila, Kad opijeni izlaz iz šume ne nađosmo, Rakijica boje lila, Lagano zaheftan na šank, Iščem vulkanizera po bertija dok me težaki pri traktoru čekaju, z festivala Johannesburg 1913.- Hrđava motika ilovaču kušuje, Pijan prek Kupe, Ne mlati dok idemo z kleti, Zabava pri Iviču Tomičevomu, Prokleta pijača, Idi draga, idi mila, Masni štrik, `Vreče sem prase na plac nosil, Pesma težakov, Pri furune su mi se obojki skočili, Kruf od jačmena i tupi noš, Na Gradine mesečina kak beli den, Zakaj ti je na hiže tak obluk mal` (nit ja morem nutre nit ti van), `Čelom po slemečku, Sirnica je prazna jutro dočkala, Divle svijne su mi se na kuruzu obordale, Pukli su obruči na bačve, Ves den me dilem kusa prati, Više tri frtal rali trsja, Na farofu, Se su vojske prešle, Trsje se kopa pesma se čuje, Dok sem konople tukla došel mi je dragi, Najslajše je v susedove šume, Somerica za gablec, Tri su dekle pet krav pasle, Z voli sem na kirije bil, Pikoš je ovu jesen šumu vušla, Cipov sem na placu videl, Prešla smrt čez selo, Zorom hodim sinokoša me čeka, Idem po selu i nosim banderu, Da je prvi radijo v hižu došel, Na dojenju me krava z repom obrisala, Čokan mi škode, Z klukačum sem po grbe dobil, Šest dan mi nedela na pameti, Saki den me spoved doma čeka, Zavolel sem te dok se nismo poznali, ... i mnoge druge tere se baš of čas nemrem
zmisliti.
Vreme je bilo neugodno za igru, i za gledeti, ali je zato hitna, i Prva, pomoč pružana na punktu MB trgovine. Bog jem plati.
Vinceki se lani nisu još dobro poriktali, letos su se uigrali, kletu budu počeli zabijati a za 3-4 lete bu to prava ekipa kaj bu favoritom krv na malu slamčicu pila. A dok do toga momenta ne dojde priliku za pobedu su skoristili Švabi, teri su pred dve lete bili killeri favoritov. Vinceki imaju igru i prilike ali si još nisu uspeli pošarafiti toplomere za gol pogoditi. Švabi letos nemaju te problemov, oni imaju druge problemov, zelene prirode.
Črna coprija je pak nadvladala Obade. Ili pak Ilovača v ajnc-A sastavu? Do ovoga kola smo imali kategoriju za broj igračev "mini-mi" a posle ovoga kola bumo morali uvesti novu radi 3 Obadov. "Mala porcija, bez luka". Tak je Ilovača đentlmenski pristala (Hajde da se igramo!!!) da Tuta pokrpa "malu porciju Obadov" na golu. I to jako kvalitetno, kak je kvalitetno i zgubil svoju pivu pri Švabe radi angažmana pri Obade, a samo on zna jel ju je pak zaslužil na Ruševcu. Svoje usluge Obadom je nudil i Niger ali ni prešel na ilovačine Prijemne komisije- Črni v črnomu, to bi celu utakmicu zavilo v črno. Posle trde borbe za saku loptu rezultat ne kaže težinu utakmice.
V šahovske bitke dve stare lisjakov i strategov, Krpice i Pefca, i nijove familije (pa sat ti reči da ni osobno) i pridružene selske enklave i klanov jen je gol presudil pobednika. Iako je stari Šebek imal recept za pobedu...
Da se puške zakažeju tu je šef ekipe da popravi dojam, tak je bilo i of put. Bebam nit mladost nit iskustvo ni bilo dost da se povrneju, il pobede. "Novo Mesto" ni na nivou na terom smo ga nafčili videti, i gledeti, i oseča se pojačana konkurencija v Gornjem domu tablice. Treba jem novi "kiler" jel ovo ni umetničko klizanje, ovde se broje goli. Kak je to jeno leto na Kravarske rekel Buco Dremeku, moraju napraviti prestrukturerajne.
Biseri su na domačem terenu uspeli dobro znenaditi Glumce v mini-mi sastavu ali da su pet minut prije kraja obadva strelci sklučeni z igre počelo je retko * čez gusto granje i meša je bila gotova. Da je Picek zašel nutre mam je napravil prelo v obrane Biserov (poslal čoveka na dugotrajno lečenje) a da ni zabrenzal napravil bi i prelo v mreže gola i igrališča. Kak Helijev komet.
Utakmicu Tigričev i Vrapcov, teri su lani skupa rasli a letos skupa padaju, je obiležil isti taj Picek kaj je sugereral Jakopu da mu briguje na posujenu rubaču jel mu je to PICOLOFKA. Prek nekoliko put. Posle pol vure nogometajna obrane su dobro oddelale svoj tal posla. Gola ni bilo moči videti.
Totalno oslablene Balerine ojačane z legendarnem Tonum na golu i Mrkijem v obrane uspele su nadjačati v fotofinišu Bojse, kak v nektera stara vremena.
14. KOLO se igra : 11.08.2013. CEROVSKI VRH, 15,30_Ščukin berek
MALA BUNA - ŠILJAKOVINA -jeno leto je bilo rečeno "pa, kak nas nemrete pobediti, am ste duplo vekše selo od nas?" a kak bu sat?
VELIKA BUNA - OPATIJA -ova letošna Opatija teško da more nažifcerati Glumce, ali lopta je okrugla
HOTNJA - POKUPSKO -bebe, rascopajte je. ak morete...
KOZJAČA - NOVO BRDO - manekenom sejeno, "novom mestu" treba, razlog više da obadvoji grizeju
DUBRANEC - DONJI HRUŠEVEC -bloody mary
GORNJA OPATIJA - GORNJI HRUŠEVEC -nekomu se crno piše
KRAVARSKO - CEROVSKI VRH -ima li nade za nas?
LIJEVI ŠTEFANKI - meditacija, levitacija, zanimacija
