Niti betva daleDan,i tjeden,je počel z prognozum ili-ali,vjutro su se oblaki navlekli na Turopole a popolden je Bogek poslal sunčece da nas malo vmori.Vukovina bi most bila puna i da je smak sveta,da sekire padaju i da na vrbe..,opoldan je bila takova gužva da nisi imal kam špenadlin porinuti zmed dva čoveke.Kak su to letos malo razredili i rasitali okolo bilo je most i malo više mesta nek inače a program je pridelan i z friškum ponudum prvoklasnoga ručnoga alata z Hreliča i maltreterajnem kojna za 20 kune.Na Pokoskem saf taj program počme prekesno za putnika namernika tak da se isti mogel obleznuti na šanku,pogledati kupačice i poslunuti ausvendik muzikaše kaj lepo popevaju samo su jem štrumenti malo raštelani.Il se to sat tak nosi...Ilovača se letos konačno pomogla za igrališče f centru,spod Trga Selačke bune,mam iza Doma,tero ima svoje dobre i loše stran.Dobre su da mam z centra,z šanka i z lada v istu dobu vidiš nogometaše kak škajnec miše,se lopte kaj idu na breg vračaju se poluatomacki na igrališče,če si zemeš pivu na šanku i ne otpreš ju moreš se otkopitati na igrališče i tam si ju pocicati.A če si žeđen kak šaran v Sahare dušu buš spustil dok do šanka dojdeš na Bregu Prikazajna de te čekaju drugi Vidioci.Il pijanci.Tam je pak tak grbavo da i kokoši paseju pod ručnum.Nekteri vele da budu i za jene i za druge kletu napravili žičaru.Ak lopta,nedaj bože,otijde prek niske mreže pod breg sigurno se ne stavila prije Gustelnice a nebi bilo zgorega pripraviti z kletu i BSS-brešku službu spašavajna kaj bu dežurala po kuruza.Sused je obečal pak da bu za drugo leto napravil garažu,pribavil mreže protif tuče i lopte da mu hudi Vrvci nedu auto i saf paradajz i papriku zmlatili,il bu sadil ove rane sorte kaj dojdu prije Velike Meše.A ak ne imal penez za se prijespomenuto nabavil bu pušku...
Brojni pratiteli Lige su se čudom začudili da su prispeli na Trg Selačke bune da de buju parkerali sve bleščeče i prefletne plenate lubimce,i lubimice.Glasniki su bili za dobe na svem mestu,kronični lubiteli lute kaplice scicavaju soke a novo igrališče se se blešči odozdola kak mladencove cipele,il pesja.., dok nekteri "pripravniki" vele da žari i pali za noge.A još čera ni bilo tak za videti dok ga po naručbe nisu vmili vatrogasci z Bukovčaka posle kiše i vugnuli saf pesek žnega.Neznam zakaj se zoveju Ilovača da je tu tuliko peska,bole da se drugo leto zoveju Kalifornija i tak nekaj.Bol na Braču,bol v kolenu,vratu il v glave...
Kravarska je došla sa neurozna al v punem broju a Glumci su malo faleli z vajnske strane crte al z nutarne na nivou kak I. Proleterska.Leptiri su nažbukali suđene prvake gore nek Balerine tak da su se se zvezde,zvezdice,sunca i meseci v strelce pribiležili.Bunci su se fajn napripovedali al nikak niš na terenu napraviti ali to je ne ***e kak ni za suvu slivu da su svoj status rešili par kol vunazad.Kravarščani su se spominali i da su vodili i da nisu,nikak jem niš ni štimalo a "radnja je radila".Na kraju prvoga tala je bilo 2-0,bi rekel,a v drugem su još tri piknuli.Anđo je dal samo dva tak da Pankija ni stigel i na kraju se moglo reči da je Leptir sit a Buna cela.
Na zajdnu postaju letošnega križnoga puta su prispeli i bunski Vrapci i Levi`S Bojsi de su svu muku i odmučili.Vrapce više ni moči poznati,zajne bi optimalni broj utakmic bil 10,se više je previše.Bojsi su zbežali z bazum ekipe kaj je večinum i znesla teret letošne Lige a posle puno neuroze Krpa je piknul jenoga za konačni rezultat.Rašo Paič ni vrgel nijemput ali mu je brat Tomaš zableščal na "slobodnemi".Bekem se nabežal za dva a ono kaj najviše ***e nega i ekipu je godina proizvodnje a nove modelov ni na horizontu.Letos su igrači Lige bili se oni kaj su apsolverali "Ligu mlade" de Štefanki nisu participerali il se natecali.Miro Pirša se dokazal na proglašejnu pobednika de je,kak i lani,pokazal da ima materijala za Glasnogovornika Lige.
-Evo,ja nemrem verovati da smo to osvojili,inače nismo takvi.Neznam kaj nam je bilo,ali,izgleda,tak se potrefilo.
-Ali,vjerojatno,to su nam suci namestili.
Legenda.
Tigriči su se napili krvi Mišem v trejte utakmice kola.Opatija se bunkerisala na sve polovice i debala bivše prvake z kontre a Miši su je probali navleči na svu polovicu i pred svoj gol.To jem je jenput i uspelo da je Miško stepel mrežu Opatije.Miši su totalno pali v druge polovice Lige a Tigriči se drže tu negde,čas bole,čas gore.Pred kraj drugoga tala Tigriči su poramnali a Mišem je voda zalejala vuva i lopta nikak ni štela tam kam su oni šteli ni kam je trebala.Ni brati Lovrič nisu nikaj mogli napraviti,ni as z rukava Miško,ni Poštar kaj je lani vrgel Švabom dva komade,ni nova akvizicija z Podvornice,ni si Đaje i Đajiči-meša je bila gotova.
Kak i sako leto v finalu,ne zakuva se v utakmica visokoga rizika nek v onemi kaj o ničem važnem ne odlučivaju.Posle pobede Leptirov Rođekom je vušel zajdni vlak za trejte mesto a Ilovače je se još bilo otprto za raspored z Kravarskum.Dok ni Štefek piknul dva i Šuki i Vinca po jenoga a Barbaričani nijenoga,uglavnem tu je trebala meša biti gotova i si lepo početi pripreme za speti se na breg na pivu a onda...Feljo je ostal ležati posle jenoga napada Rođekov,poletele su čuče,navrli igrači i suigrači i eeeeeto ***darij.Dok se igral nogomet sneje su sedele i nos odubale e a čem su krv osetile se su se podigle i gledele do ga bu komu vrgel.Lako je napraviti srajne na velikem nogometu de ima navijačov kak v pripovesti,ovde je druga štorija;ak se ne zakuva i ne reši zmed golov teško da bu negdo zvana ostavil pivu i išel nutre da mu negdo z tenesicum nos obriše.
Na utakmice zmed Švabov iruntovčanov se niš ni spektakularno događalo,ni po pitajnu igre ni po pitajnu rezultata tak da bi to trebalo biti kratko izvešče.Švabi su se pobojali da kletu nedu imali domačinstva ak budu zajdni pak su angažerali dijasporu da jem pomogne glavu ober vode držati.Gruntovčani su odigrali svoju klasičnu "drž-nedaj" igru tak da su si dobili po jen sega,i golov i bodov.
Čigre i Bebe su odigrale jenu od utakmic kaj svedoči da bez starca ni udarca,ne gledeč nato kulko imaš i mlade i brze.Čigre imaju postojanu malu ekipu z kratkum klupum kaj je drži tu de jesu i nigdar se nezna kak jem se bu natrefilo.Kak i Bebam.Da se videlo da mladi nedu uspeli niš piknuti zel je Slavek loptu v noge i spasil kaj se spasiti dalo.
Manekeni su došli v mini sastavu rešavat svoju sudbinu protiv hudoleteče i navek spremne Obadov.Čak se i Big Boss moral presleči,zlu ne trebalo.I bole da se je jel inače nebi dal svoj letošni prvi gol.Prije nega su ga pak dali Obadi prek Kovača tak da je utakmica vesila do kraja kak penzionerska čuna.A onda su ju v momentu rešili Kovač i Bozanič,Bozanič z lakti i koleni a Kovač grčko-rimski.Sudec obadva potiral vun,sakem dal po penal i faulov za domom odnesti i vudri Miško.Turkijev penal su Manekeni obranili a Đuka ga je vrgel Obadom tak da su Pevci mogli slaviti kontra Obadov z 2-0.
