Svakidašnje teme > Sport
18. MALONOGOMETNA LIGA VUKOMERIČKE GORIC 2021. – MNLVG 18.
kuntakinte:
Kak sem kobilam obade tukel
Došel je i taj dan da vidimo kaj je taj kalif Šaki Abu Šaki Al Šaki El Šaki Bin Šaki napravil z pokoske rivijere iliti Kupacabane. I mam se vidi da neki * ima vujnem. Se je nekak... drugač. Stari Šaki je na kase iliti na kutije od cipel i računa na "Sto mu gromova, Munje i gromovi, Svih mi bubnjeva Darkvuda, Svih mi dabrova Ontaria i okolice i Tako mi prostog graha". Kaj je - je, brz je. Nis išel gledet jel točen. Navek čoveka nekaj hiče; suci veliju da je nem najlepše da su mreže na golu zelene - opče nevidiš de se steple i jel gol. Mene su gelenderi oko igrališča boje "trave" i "suve trave" najboli - boli glava. Ko da je ni. Črlena farba poskupela, il se doplačiva kak na golfu II. Veliju da su i goli bili na servisu, nigdo jem nebi rekel... Dobra poseta i "Naših" i "Njihovih", si su došli malo pustiti šetofline napašu. Iako su bivše sneje ostarele i "napustile" Ligu novi naraštaji stasaju i, fala Bogu, čovek prosečne kvalitete vida ima na čem pasti oči. Bikini. monokini, sveskini, okini i tak to... Početek kola dal je naslutiti da bi se velika lopta mogla zestati z mojemi malemi lopticami na neugoden i bolno neprimeren način kakov sem več preknekolko put iskusil, kak i si kaj duže hodočaste na ovu šalevrednu manifestaciju "fešta od lopte, trave i alkohola" jel se ista gusto nalazila v mojem užem gravitacijskem polu ali ta iskustva smo prolongerali za kakva bolnija vremena.
Veli Pejo, koji je ovo *!? Nabil kapu na glavu ko Dobri vojak Švejk a z rukami maše oko nje ko Šurbek na vrhuncu karijere. Zaklati me očeju! Kaj nikoga ne * mušice? Koji je ovo *!? Kaj se još bum oblačil kak da idem meda krast? Iako se mislilo da bu promena stran rešila problem na direktno i nedvosmisleno pitajne; kak mušice? kratko je odgovoril v kontekstu da promena stran ni solverala problem a iritacija prelazi granice dobroga ukusa, tolerancije i strplejna. -"* jem ja mater!!! Kak da sem muhodrom! Kaj nikoga osim mene ne * mušice? * jem ja mater!!!!!" Ali čini se da su i drugi Robijaši bili žrtve najezde mušic jel prepelati loptu zmed stativi bilo je težeše nek osvojiti olimpičku medalju. Mladi Bojsi su to iskustvo uspeli konzumerati jemput kaj bilo dost da se nakinđaju z tremi bodi. Dok su se oni hidratizerali na šanku Robijaši su imali koordinaciju i raščlambu, analizu i sintezu, rekapitulaciju i dekapitaciju.
Ludi moji, jesu se oni nabežali. Jesu se oni nabežali, za 0:0, a i mi struje potrošili najne. Se bi bilo dobro da Joža ni zgubil dober glas. Veli, pevalica je negde pred pol noči otišla a Bog zna da se, i jel se bu, vrnula. Veliju "zli jezici" da letos Opatija glumi `Ojtnu a ak Opatija glumi `Ojtnu onda Buna glumi Opatiju. Sat se postavla pitajne da do glumi Bunu. Ta spoznaja ni smetala Kaubojom da razrivaju svetinu spred šanka da se zutra moreju okititi z reči mega pokojnoga kuma: - Lepo smo si popili. V nedostatku denešne golov, ali ne i bodov, Glumci su na plenarne sednice održane mam po utakmice odlučili preslaviti još jemput Hugov gol od sobote. Sazvan je Sabor, pala je pesma: - Da ti grobar preko riti zajdnu grudu zemle hiti nebuš više mogel piti alkohol iiiiiiiiii... Zaaatooo... Mi pijemo o-o-o-o celi dan i noč i mi pijemo o-o-o-o celi dan i noč i mi pijemo-o-o-o-o...
Šaki je drmnuo tekilu, Šaki je skupio gerilu. Ni se samo nogoloptačka gerila skupila nek se i publika tak narivala da je pol opče niš ni videlo. Sa sreča kaj je bil videjo zid i kaj je pokojni Mladen Delič prenašal vživo kulko je Opatija prebežala, kakov jem je posed lopte, kulko je golov dal mali Črni z Kravarske i kulko bu zato stari Črni moral ostaviti na šanku da se napravi konverzija z golov v gajbe. Da si Kalif, i da zgubiš - pobediš.
Nemreš ti letos samo tak sprovocerati "čupavoga", "garavoga", "nafrkanoga", "rudlavoga" itd. po pitajnu stajna glavate obrasline. Kak da bi kamenu govoril, kak da bi se komadom leda spominal, pol vure čovek gluvo-nem, samo po golu vudira kak Hans po divizije. Iako takova nastojanja nisu dala ploda f prvem talu to ni bil razlog da se z istem, normalno, ne nastavi i v drugem talu. Ali, mali ne gible ni z najtejnum žilicum na *. Nebi se moglo reči "odjeb je lansiran" više "ignor je apsolviran". Tata Gorenc je pak moral održati nadahnuti govor vuz mrzlu kaplicu. `Ilovače se se mejne zna do vodi of "Wild bunch", sigurno onaj kaj posle utakmice skupla "saučešče" za pive...
Skupilo se Kojzačanov i više nek dost tak da pol Šebekov opče ni ni stiglo na transfer listu za upad na piton pokoske plaže. A i bole da nisu da si rejting f škole ne spuščaju. Dok je Zlatni zasel na prestol Glavnoga stana Štršanov Pek i Puki su dobili slobodno da se umiju znutra z pivum. Iako mi ni jasno jel Zlatni bil v Irske il Škotske jel se odevna kombinacija kilta i turbana v mem selu ne smatra samoobjašnivum. Ali me posle pitajna kvalitetno skinul z * kak z bejzbol palicum. Publika je navijala za nekakvoga Dedu a kulko je Deda nadahnut z loptum videlo se i po tem da je opče opasno sedeti v negvem gravitacijskem polu a nebiti (samo)zalejan z jamničkum. Očeee ga lopta f * *. Il mu je do imal kaj za povedati... A krivoga je pogodil.
Mali Bunci su imali prezentaciju nove dresov. Veli gazdarica, jeste vi točni, kaj ste se v črno oblekli, bu vas zvezda fundala. Došli su novi dresi v, skoro, zlatne boje. Pol vreče, šumske mere. To je je podiglo kak Maricu pol litre rakije. Futači su se pak jednak tak potkožili z navijači, čak i z navijačicami kaj zajdna leta retko hodočaste na Ligu, osim f Trsišče. Mamičev Mali Supermen nikak da dojde na red za ulaz na teren. Jemput su ga razoružali za dres, drugi put za tenesice, pak je je bilo preveč, onda mu horoskop ni bil dober, pak su ga bubregi *... I tak, nikak vlesti nutre... A, imaaaa voooluuu... Boli glava.
Samozatajni Marijan je došel na svoje, konačno da i Šike nejde tak lošo. Mrki i Joža su se podbočili na lakte kak na devetom činu opere na ukrajinskomu. Krešo Lučan v crne boje se ni pojavil na razočaranje se svoje navijačov i -ic. Jura Lakomi se distanceral i od Lige i od Šike, kak i drugi prijašni šprajceri Šumarov, kak da budu tu vumentalno dobili gripu. Ali, Ruzlin je tu, f petek kuva gulaš za jene, f sobotu za druge, v nedelu za trejte. Karapanđa bi ga posvojil da ga pozna, i da ima dost penes. I Mika Rakov je tu. To je najbitneše za Šiku. Gruntovčani se tomu baš preveč i ne vesele. Veliju, tera tica rano popeva ta se i v gnezdu posere. Standardna ekipa je tu, fali Sova, on je peške otišel v Međugorje, i još se vodi kak nestali, Tinča negde napelava pred večer, da ni vruče, konec v iglu,.. Stare kuke glediju i žmičeju pive, vele ni dresov, premali su broji, bi mi pomogli, kak i navek, ni problem. Ali, tehnički problemi...
Najte kaj zameriti. Do se od istine pomogel.
kuntakinte:
5. kolo - 3. srpnja 2021. 15:00, Lijevi Štefanki
Gornji Hruševec - Lučelnica 0:5
Velika Buna - Lijevi Štefanki 1:0
Donji Hruševec - Opatija
Lučelnica - Mala Buna 3:3
Gornja Opatija - Markuševec 2:5
Gladovec - Dubranec 1:7
Strezojevo - Kozjača 1:3
Pokupsko - Šiljakovina 3:3
Kravarsko - Gornji Hruševec 2:1
kuntakinte:
Slađana Svirković: Nad šankom osoba se nadnela
Moraš pojti raneše, v rujnu zorju da zbegneš i kompenzeraš vožnju f kolone iza traktorov ili pak iza pokretne ležeče policajcov (penzioneri terem je predužena vozačka dozvola na do "tri točkice" tak da se ne moraju po ceste pitonerati kakove klade nek ovi brenzaju promet de got očeju i stigneju). I konačno dojdeš na "Face of the place" a pod rastom vuz igrališče diskretno vuparkerani sva mali fergusoni, "navitlani", tek su prije dve vure došli ze šume. Romantika, u * te *. Taman sem prispel na šank da čujem kak su se prije po svadba krale torte (Gradiče kradneš tortu a na Kravrske te očeju vubiti, nis bil spočetka, teški su to osečaji). Na jenem kotlu "Pahuljica" meša meso a na drugem Mirta bažul. Nekaj slično "grahu", ali se mam na oko vidi razlika. Kak peraje i gumene čižme. Veli, z Piršinoga vrta, još svekrva nezna da ga je sneja friško pobrala. Samo je slama, bažulinje, za baleranje ostala. A i to je dobro, da se krava teli, veliju. Veli sneja da do ga bu tržil taj ga bu i mešal. I tak... Nemreš z Mirum reč reči samo beži bažul mešat kak da ima trčkalicu. Veli, i ja i Pahuljica jednak mešamo a negvo je 20 kune a moje je 5, dej sat reci. Ma, reko, dej ti prejdi na obračun po komadu kak i on. Ili nek on meša za iste peneze i svoje i tvoje. Da ne bilo da sem ga ja prepovedal ali,.. ni gram mesa ni sfalel ali kila kruva se "potočala" samo tak. Došel je nekakvi začin za bažul kak da ga je krstila zvezda "švedskoga akcionoga filma", Robin Hot. Veli, dva put te peče, prvi put da ješ a drugi put zutra dan, ili most još i isti dan ak su ti brava i panti na zajdnemi vrati za *. Igraju Bojsi na niske strasti; najbole konobarice f selu su priredili, friške frizure, najbola garderoba, friška farba za nofte ali veli Miro; dečki, rođendan je na Lučelnice, svadba je na Opatije, nis baš nekakvi optimista... Veli ponosni vlasnik "navitlanoga fergiča", idem samo otpelati traktor domom i sat sem ja nazat. Reko, jel buš stigel? Ma, ono ti je prvo moja hiža, samo ga zapelam v garažu i zaprem vratam sat sem ja tu. Je... Da nisu došli Števa Kiflinček, Mija Grom i Števa Tišlarov i zaštentali ga četiri utakmice. Ali, kaj je da je, prije noči ga je on parkeral v garažu. Ak ni pak trknul vepra putem... Aaaa, mušic, dragi te kamenčič *... Na Pokoskem ordineraju "očne" a ove Štefanke su "grčke". Čem otpreš zube več ti je nutre.
Obadi su z Novoga Brda zeli najbole od najbolega kaj su mogli. Prethodnica Tesarov je hitila sidro na šanku još prije dve vur i ne gibleju kak ni Velebit. Obadi imaju skromno zagrijavanje pod sunconrani dok Tesari davaju prednost hlađenju. Da su ovi z trejtoga plana Tesarov počeli zabijati rafalno utakmica je dobila jednosmeren smer. Dok ovi pošeteno zabijaju ovi je z prvoga plana pošteno * na nacionalne osnove kak imaju velika vuva.
Dobro kaj je bila skoro prva. Da je bila skoro zajdna, pak krvi do kolena. Na milicije su Levi Štefanki na gorjem glasu nek Dubranec. Došla je pojačana patrola, skoro cela smena. Veliju. teri je onaj črni, v dresu Šilakovine, da ni izbeglica!? Ma, kakvi, taj je naš, vele, zaspal je dole na plaže pak je zgorel. Od prekčera vjutro do čera na večer... Ak su konobarice na "max" ekipa je "min". Benija "žilci" malo jakše *. Dobro kaj su Bojsi mladi pak moreju bežati kak navinuti bez zamene. Veliju Glumci dej nas naj snimati po dva put kak prije. Dečki, reko, ak dobro pogledate videjo bute videli da je na jenem podloga trava a na drugem piton, znam, ležal sem kak mrtvec na tem, jen je z Markuševca a drugi je z Pokoskoga. I pak sem zabil stisnuti a i oni nisu bili sigurni jel bola Buna il Babina Greda. Jen tesni rezultat kaj jenem ne jamči da budu pobedili a drugem da su zgubili. Trajala je ta ogorčena borba skoro pol vure dok suci nisu prekinuli tu patnju v polju riže.
Iako se Čapa po Polane pred dva tjedne žalil da ga žena ne pusti na nogomet zgleda da je na poštede of tjeden. Malo je bil vekši problem najti Leve Štefanke a pogotovo igrališče vuz glavnu cestu. I ta je nedoumica uspešno rešena. Ekipa je očito imala jakši trening i visinske pripreme jel je je anticiklona malo konkretnije načela. Tesari drže utakmicu v ruka, kak zajdne 20 kune za mali pelinkovec samo... Števa, bunski, br. 69, se našel v krivo vreme na krivem mestu i v zajdne minute golman ga je napucal v krivo mesto i lopta se odbila v krivo mesto tak da su Vrapci mejnali dva golube na grane za tri vrapce na grane. A i imali su šemsu za penalizaciju osem minut prije kraja ali Števu nigdo ne shvača ozbilno. Dečki, veli, imaju pet faulov, idemo na penal. Tek da se Hrvoje uspel svojski zboriti za loptu i opasti kak z neba Čapa je dobil priliku za fulati golmana. Ali ga je pogodil v centar. Da ni bilo Števe...
Skupila se lepa vrpa Kaubojev oko terena, skoro kak negda na Cerovskem. Pogotovo je je razveselilo da je Bartol par put pogodil gol. Je da je i par golmanov poslal na bolovanje ali to su Mamičevi problemi. Najprije su mu rešili jenoga dupliča a onda je i Beli ("-Mario, ideš ti na gol ili ja? -Odi ti...) fasoval prolaz ubrzanoga teretnoga vlaka prek svoje kože, par put. Mamič na sto muka, Mamič vu sto briga, Mamič vu *. Ionak tenka klupa se rastopila dok si rekel "šeraf za drevo z križnum glavum".
Došel je kum Zeko pogledati jel ta Ilovača još kam more otkat on ne igra jel ga negov poslovođa Tajson informera poprilike kak da bi gluvonemi slepec svedočil na sudu. Kaj se dotikvle Gruntovčanov situvacija je teška i za*. Sova je v kučnem pritvoru, Tinča se, kak čujem, kvalitetno demonteral, Matija je pak v.d. golmana, Kosta se priženil v drugu ekipu, rekli bi, tuga, moj jarane. I onda jem se dogodi "slučaj Ilovača". Messi je skoro dal svega drugoga letos i još ga, navek, dva deliju od negvoga proseka od tri komade po Lige.
Robijaši su se pogubili v ove Kojzačke oluje ili Badelove revije. Imali su snage za počasnu salvu ali cela utakmica je pripala Kozje drage. Sam Bok kaj je gabaritni Muža stal na golu i kaj ga je, ovak, dost teško fulati, jel bi most rezultat bil i pozitivniji. Za Badel.
Utakmica tera je bila tak dobra i napeta da sem se zabom zabil i zabil potpaliti videjo nek sem je samo "izudaro" slikama. Štršani su v nedostatku Zlatnoga mobilizerali Bekema jel ionak pozna teren. Naime, on kosi Mirinu i Tijačevu autonomiju. Da je Bekembauer na klupe nema zaj*, pristup je profesionalen i se je okrenuto rezultatu. Jožin i Mrkijev stroj za nogometne egzekucije se sam vodi i navodi a Mika Rakov mu je kak nitro. V autu na struju. Došel je i KL pogledati kakva je trava v LŠ. Veli, prinjem bi ovakvu krmu zlatom platili, da imaju i jenoga i drugoga, il jenoga il drugoga. Nažalost, ili na radost, v teru ga ruku zemeš, se žive utakmice des završiju nerešeno a jednosmerne rešeno.
V druge utakmice denes su se Obadi namerili na Leptiriče teri letos imaju velike apetite, bar tak zgledaju. Kravarska je Kravarska ali dvaput je dvaput, iako su igrali i prvu i zajdnu. Onaj teri se zakeli na situvaciju z napada a v inzisteranju na iste zabi igrati obranu...
Najte kaj zameriti. Do se po istine pomogel.
kuntakinte:
6. kolo - 4. srpnja 2021. 15:00, Šiljakovina
Donji Hruševec - Opatija 1:0
Lijevi Štefanki - Gornja Opatija 0:4
Dubranec - Pokupsko 4:3
Donji Hruševec - Gladovec 3:1
Mala Buna - Kravarsko 0:8
Opatija - Gornji Hruševec 0:1
Markuševec - Lučelnica 1:1
Kozjača - Velika Buna 3:2
Šiljakovina - Strezojevo 2:1
kuntakinte:
Da je počel dragi crtalo metati
7. kolo - 10. srpnja 2021. 15:00, Velika Buna
Lučelnica - Lijevi Štefanki - sobota, prva, kratki jeni, kratki drugi, nek navijačice odluče
Pokupsko - Donji Hruševec - ak ne dojde Bekem, ili Puki ili Pek budu morali zasukati štumfe
Gornja Opatija - Kozjača - Mamič f problemu, Manekeni imaju malu ali postojanu ekipu a sobota je, most ni Maminjo ne dojde
Velika Buna - Šiljakovina - bratoubilački, negda je gorje bilo samo na Mala Buna-Šilakovina, ak je Ruzlin branil
Gladovec - Opatija - Gruntovčane * kvantiteta a Tigriče kvaliteta, gol razlika u * te *, susedi na tablice, ak ovo ni derbi...
Strezojevo - Dubranec - Muža ima sreče kaj bi Ilovača štela "na finjaka" tak da se, most, ne puno i dugo patil a Mika je več nafčen da ga strelaju, ak dojdeju f priliku za priliku
Kravarsko - Markuševec - krvi do kolena, koleno strgano, noga stoji naopak, doktori se čude
Gornji Hruševec - Mala Buna - jena lagana za smiraj dana, dok Pilek vuz instrumental od vuru i pol pozdravla se kume i kume
Mislila sem grunt i hižu dati
8. kolo - 11. srpnja 2021. 15:00, Gladovec
Opatija - Mala Buna - još jen derbi ali prejako je rana i šank linija se ni dost zagrejala za nekakova ozbilneja uzbuđenja, a most se i iznenadimo
Gladovec - Pokupsko - je da su Gruntovčani doma ali Štršani rasteju kak ekipa, bez obzira na tablicu
Kozjača - Lučelnica - repriza Štefankov, samo je pitajne tere utakmice
Šiljakovina - Gornja Opatija - do prvi pikne, piše mu se gol
Donji Hruševec - Strezojevo - bratoubilački, samo je pitajne kak bu teri brat prešel, jel bu bracki ili po pol
Lijevi Štefanki - Kravarsko - papernati derbi, v naravi Radnik-Istra 1861
Dubranec - Velika Buna - znači, tuča pada, idemo prekinuti, neeee, vodimo 2:0, drž-nedaj, Sanda Dubravčič - brončana medalja v umetničkomu klizanju a posle bi na programu kak zajdna trenala biti ona de Bojsi dolaziju direktno ze šanka i osvajaju srebro, mam posle Sande Dubravčič, ali to je bila jena druga lepa pripovest z relativno malo svedokov, živuče
Markuševec - Gornji Hruševec - dost je kesna, ak je v riti zakipelo mogel bi nosač avijonov postati podmornica
...Ali sem se odlučila dati ono kaj ni sopun...
Navigacija
[0] Lista Poruka
Idi na punu verziju