"7. Dečjě igrě", Bûševec, 2. svibna 2009.Govorâncija / program priredběPoštovana, preštimana publiko,
Plemenitaši i plemenitašice
dragi naši gosti, dobru Vam večer želimo
i skup z vami se nastupu naše dece veselimo!
Znova smo skupa na „DEČJIM IGRAMI“,
već sedmi put zaredom nesmo sami.
Pozdraviti se naše goste nam je velka dika
i to po redu, kak se šika:
HKD „NAPREDAK“-KREŠEVO
FG „ČRIP“-DEVINSKO NOVO SELO
FS „PETRINJČICA“-PETRINJA
FA „CROATIA“-ZAGREB i
KUD „GRADIĆI“ GRADIĆI
Lepe i velke pozdrave srdačke
šelemo semi v županije zagrebačke
I našema z grada Gorice
Grada prijatelja se dečice
teri su nam malo penez dali,
da bi se mi još bole igrali.
Reklamu za ovoga našega nastupa
Napravila nam je RVG Media grupa,
I zato im želimo falu vputiti
I za idući put se preporučiti.
Da nebi bili gladni i žedni
Tu je i naš sponzor vredni,
Mlin i pekare Sisak se zove
I fala im lepa za peneze nijove.
A znate li ke si folkloraši najrajše želiju?
Da od čekanja ne zaspiju?
Ma ne, šalimo se, očeju čim predi startati
i se ono ke su od zajni put nafčili Vam pokazati.
Zato nam je red početi,
nebumo ih pustiti dugo sedeti.
1.Prvi nam se buju pokazali naši domaći,
mali klinci, iz D grupe plesači
Iako su kakti mali
niš im ne fali
a kak kolo znaju igrati
očeju nam sami pokazati
Tek jedno leto vučiju
I semu se novom veseliju.
Sakim danom se ih je više
a Megi ž njimi dela najviše.
2.Ze Slovačke su nam došli, z Devinskog Novog Sela.
Črip se zoveju i već deset let se žnjimi dela.
Hrvatsku reč ne daju zaboraveti,
i o starine vole pripovedati.
Drage volje nam pokazali buju
kak se Gradišćanske pesme popevaju i sviraju.
„Kak sem išel k Marice“ budu nam povedali
i o ružici nam buju lepo popevali.
3.Malo su stareši od nas, 103 let imaju.
A pitate se ke oni pak delaju?
Kak i si mi tancaju i sviraju
iz Bosne i Hercegovine dolaziju.
Oni Vam se „Napredak“ zoveju.
I po celom svetu ideju.
Tak su i k nam došli i malo pristali,
a Kreševska kola je ono ke nam večeres buju pokazali.
Nafčile su ih Antonija Pavlović i Lidija Medić tancati
a Mato Franjčević po notami svirati.
4.Croatia je društvo tero nema puno let,
tek im je prešlo prve dvajset .
Pesme i plese cijele Hrvatske popevaju
kad po belom svetu ideju.
Ze Zagreba nam je Croatia veselo prihajala,
Slavonija se bu tancala, da bi naša srca vesela ostajala,.
I da bi ples i pesma bila lepa , dobra i fina,
pazila ih je i vučila Harfan Ivana,
a da tamburaška ruka sama note sipa
zasluga je bogme voditela tamburašov, Škvorc Josipa.
5.Da bi se navčili potrebna je volja
Za pesme i plesovi z Turopolja
Naši pleseči z C grupe volju imaju
A bogme i lepo tancati znaju
Po cele ih Hrvatske ima
Z našim „Malim mladečkima“
Turopoljske pesme i plese ih je Megi nafčila
i to zato da bi sa deca sretna bila
Dok oni tak lepo tancaju i popevaju
Verujte mi, naši običaji se zatrli nebuju
6. Z lepog našeg banijskoga kraja
jeno nam društvo z Petrinje dohaja.
V društvu sega lepoga delaju:
a najviše tancaju i popevaju.
A bome i mlajšu grupu imaju.
Zato Vam večeres veselo plesanje
i tamburanje prikazuju.
Milan Herceg ih je nafčil tancati,
a Ivan Radošević na tamburami svirati.
7.Videli smo ih kak pevaju o Marice,
a sad bumo čuli kak znaju i o kravice.
I čardaša nam buju zaigrali.
Dok po notami buju svirali
Spopevaju nam kak je žena za tikvu muža prodala,
Ja mislim da bi to rada saka žena znala.
Voditeljica im se Tereza Balažova zove
Nejne su zasluge za uspehe nijove
8.V našem Gradićima isto se lepo tanca,
Dece puno ima i veseliju se ko da si ih pustil z lanca.
Došli su nam se pokazati i pofaliti,
Da nijove noge i druge korake moru nafčiti.
I kak fest frčen treba biti
Dok lički ples očeš voditi.
Da ne lehko, bumo i sami mogli videti.
I tomu se čudu samo diveti.
Dok su plesa zmislile
i se na pozornicu složile
Karmen i Goga su imale puno muka
Zato im na samice pomaže Kovačić Luka.
9.I na samem našem kraju,
bute videli da člani z B grupe tancati lepo znaju.
Zagorje su zebrali večeres vam prikazati.
a i tamburaši se očeju malo pokazati
Sajna i Dražen ih tancati vučiju
A Siniša Lučić da polako sami sviriju.
I predi nek počneju zajni folkloraši igrati,
Trebaju se si predstavniki KUD-ov pri pozornice zbrati.
Prosim ih, da si do pozornice dojdeju,
da si maloga dareka, za doma zemeju.
A po našem starom običaju
Nek nam i predsednik dojde na kraju
Da nas s terum rečjum pofali,
I veli jesmo li dobro tancali i igrali
* * * * * * * * * * * * * * * * * * * * * * * * * * * * * * * *
POSLIJE NASTUPA B GRUPA OSTAJE NA POZORNICI
NA POZORNICU DOLAZI NENAD ROŽIĆ – ZAHVALA SVIM SUDIONICIMA I POZIVA PREDSTAVNIKE DA DOĐU NA POZORNICU DA PREUZMU POKLONE KOJE DIJELI SEVER VLATKA I DARIO (ČITA):
HKD „NAPREDAK“-KREŠEVO
FG „ČRIP“-DEVINSKO NOVO SELO
FS „PETRINJČICA“-PETRINJA
FA „CROATIA“-ZAGREB
KUD „GRADIĆI“ GRADIĆI* * * * * * * * * * * * * * * * * * * * * * * * * * * * * * * *
Na koncu vam još jeno moram reći,
bez vas, publike, bi ovo bilo teško zvleći.
Zato vam puno fala, ke ste bili z nami,
i tak nam veselo pleskali, da vas peču dlani.
Sem skupa lahku noć želimo
I idućem zajedničkom susretu se veselimo
Živi i zdravi bili
I skup z nami se veselili.
* * * * * * * * * * * * * * * * * * * * * * * * * * * * * * * *
POZDRAV I NAKLON SVIH NA POZORNICI* * * * * * * * * * * * * * * * * * * * * * * * * * * * * * * *
Ovak jě bilo lâni (2008.) na "6. Dečjěm igram"(samo privremeno dostupna POveznica):
http://209.85.135.132/search?q=cache:aMJDvZ9TRNQJ:www.forum.gorica.hr/index.php%3Ftopic%3D4159.new+%22Odr%C5%BEan%C4%9B+7.+De%C4%8Dj%C4%9B+igr%C4%9B%22+gorica&cd=1&hl=en&ct=clnk&gl=ch&client=firefox-a* * * * * * * * * * * * * * * * * * * * * * * * * * * * * * * *
Mâla turopôlska svâdba (OSS Bûševec), 04:35
Mala Turopoljska Svabda