Domaće teme > Događaji
6. „Kaj–buš“, DK Buševec, (susret pučkih kazališta kajkavskog govornog područja)
Ljudevit Kaj:
10. županijska smotra kazališne amaterov Koprivničko-križevske županije
V organizacije Zajednice kulturno-umetničkev udrug Koprivničko-križevske županije , v petak i sobotu (22. i 23. 03. 2013.) v Đurđevcu je održana 10. Županijska smotra kazališne amaterov.
V programu su sudeluvali :
Glumišna družina Virje, Gradsko kazališče Đurđevec, Dramski studio Ludens teatra-osnovnoškolski vuzrast „Zaigrano sunce“ i srednoškolski vuzrast „Ljubičasti kišobran“, Dramska skupina KUD-a Molve, Dramska skupina KUD-a Grgur Karlovčan z Kalinovca, ter „Opojski zvon“ z Rasinje.
Za najbolšu predstavu zebrana je predstava „Yugo 45“ – Glumišne družine z Virja.
Nagrada za najbolšu glavnu mušku rolu pripala je Mari(j)u Brckoviču z Virja.
Nagrada za najbolšu glavnu žensku rolu dodelena je Ana Marije Hapavel z Virja
Najbolša scenografija – Tomislav Ivanovič, Virje.
(z)virje:
https://www.facebook.com/PodravskiRadio/posts/574678432551482
* * * * * * * * * * * * * * * * * * * * * * * * * * * * * *
Predstava "TO JE NE RAZLOG KA SE NE TRINKNEMO" Diletantske dramske družine KUD-a “KAŠTEL” Pribislavec bu v Buševce, vu rame (okviru) Kaj-Buš-a 2013., prazvedena (premijera).
Režiser i jen od dva glumce je Franc (Franjo) Oreški.
Predstava je spomenek dve nočne čuvarov za vreme primopredaje šihte. Dolazeči čuvar pripoveda odlazečomu da se vane zišlo puno ludi na nekakvomu skupu, protestu il nečemu sličnomu, ke ne zgledi na dobro….
* * * * * * * * * * * * * * * * * * * * * * * * * * * * * *
KUD"KAŠTEL",Pribislavec: Od Prslavca do Belice roven pot , 09:18
KUD"KAŠTEL",Pribislavec:Od Prslavca do Belice roven pot
Ljudevit Kaj:
90 let od igrajna prve dramske predstave v Buševce
V Europske noči kazališča, Buševčani su imali trostruku obletnicu. Osim ke su prvi put vlezli v program Noči kazališča, održali su 10. KAJ-BUŠ, zestanek pučke kazališč kajkavskoga govornoga područja, ter preslavili 90 let kazališča v Buševce.
- Več dugo zvodimo ovu predstavu, ali nektere scene me vleču na smej, posebno dok se moram pretvarjati da sem mrla. Jemput sem skoro opala z kolic – povedala nam je Dragica Crnogaj tera je v predstave “Življenje svekrve i snehe” glumila (i) mrtvu svekrvu.
TROSTRUKA OBLETNICA
V Europske noči kazališča, Buševčani su imali trostruku obletnicu. Osim ke su prvi put vlezli v program Noči kazališča, održali su 10. KAJ-BUŠ, zestanek pučke kazališč kajkavskoga govornoga područja, ter preslavili 90 let kazališča v Buševce. Posetiteli su gledeli i poseben film v teromu su predstavlene prve dramske predstave turopolskoga kraja, igrane od leta 1923. pa se do denas, ter ekipa kazališčarcov tera je je stvarjala. V delajnu filma koriščena je posebna arhiva Ogranka Selačke sloge Buševec, organizatora ove kulturne manifestacije. Kak bi prikazali se 90 let deluvajna pučkoga kazališča, rabili su i najstareše crno bele slike (fotografije) z predstav, a film je bil prežet i različitemi vide(l)o zesečki (isečki).
- Naš glavni cil je da kazališča tera se bave kajkavščinum nastave sva deluvajna, ter da poteknemo i druge kazališne skupine da nastave delati na kajkavskomu govornomu području. Prvi put je da smo vlezli v program Noči kazališča, ali ke nam je najvažneše: proslavili smo 90.-tu obletnicu od prve dramske predstave v Buševce - veli Nenad Rožičov, predsednik Ogranka Selačke sloge Buševec.
Na 10. zestanku pučke kazališč kajkavskoga govornoga područja gostuvali su kazališčarci z Svetoga Križa Začretje, Kurilovca, Virja ter Pribislavca, i v Europske noči kazališča priredili prave kazališne oblizeke: “Življenje svekrve i snehe” (AKD Sveti Križ Začretje), “Biciklin” (Etno vudruga “Kurilovec” z Kurilovca), “Yugo 45″ (Glumišna družina Virje), “To je ne razlog ka se ne trinknemo” (DDD KUD-a “Kaštel” Pribislavec)
Slika:
Biciklin” (Etno vudruga “Kurilovec” z Kurilovca)
SPASITI, DA SE NE POZABI
Buševčani su od 1923. vuspeli občuvati kazališni amaterizem i entuzijazem na deska tere im život znače, maker zaprav se delaju volonterski. Nenad Rožičov tumači da to ke su predstave amaterske vujedno ne znači da nesu visoko kvalitetne.
-To jesu amaterske, ali jako kvalitetne predstave, kajti mi to delamo ze srca i lubavi. Da je to zaizres tak svedoči činenica ke denes imamo mlade režisere teri buju tradiciju nastavili i dale. Trudimo se da čez to kazališče publike z cele Hrvatske, ali i iselenikem prikažemo delek kulture i baščine našog naroda - povedal je Rožič.
PUNA DVORANA
Dvorana Doma kulture bila je prepuna posetitelov teri su baš v Buševce šteli biti del Europske noči kazališča.
- Posebno mi se dopada to ke neguju svoj stari i zvirni način izražavajna i govora. Buševčani su dali svoj veliki doprinos v ove noči kazališča – veli posetitelica Marija Gašpar, dok je Franc (Frajno) Kos napomenul kak je treba občuvati kajkavščinu od pozablejna.
-Mladi nesmu pozabitii kak su govorili nijovi stari. Več je govor malo skrivlen, ali trebalo bi to zastaviti – dodal je Kos.
Direktorica Turističke zajednice grada Velike Gorice Milada Mesaričova naglašava da je Ogranek Selačke sloge Buševec posebno značajen v kulturnomu životu Velike Gorice.
- Nijova kazališna skupina konstantno je aktivna, a vuklučivajne v Noč kazališča je neke prekrasno ke moremo doživeti baš sim v Buševce- veli Mesaričova.
Zvir:
http://www.kronikevg.com/90-godina-od-prikazivanja-prve-dramske-predstave-u-busevcu/
Delo na vide(l)o:
90 let od igrajna prve dramske predstave v Buševce
90 godina od prikazivanja prve dramske predstave u Buševcu, 07:07
90 godina od prikazivanja prve dramske predstave u Buševcu
Ljudevit Kaj:
Kak bu Kurilovec zgledel po urbanističkomu planu
(Cv )etno vudruga Kurilovec z “Beciklinom” v Buševce na Kaj-Buš-u
”Još mi sad v glave vrti, kud sem ja denes prešel i ke sem se obišel.
Ni sam neznam kud su me slali, gore pak dole. A ja sem samo štel videti te novi urbanistički plan, reku da vidim kak bu Kurilovec zgledal, a zgledi da bu sekak zgledal.”
”Išel sem gledet te novi urbanistički plan i sad gledim, imal sem čas, reku bum našel svu zemlu na Grtunu, da vidim ke tam planeraju.
I ja gledim, tu je štreka, tu je autoput ke ide od nikud nikam. I najdem ja svoju zemlu i kad tam, te projektili ke to crtaju, oni su napisali da bu na moje zemle okretišče. Pa kakvo okretišče na sred pola, na sred zemle. Pa to tak nemre biti.
Ja se bum sakak žalil na to rešejne.
A sad sem došel k Vam, da mi velite jel vu te Vaše kniga, v gruntovne, jel ta čestica glasi name.
Jer ak ne glasi name, a ja se žalim, ja bi mogel tri mesece biti „zu šperu” tam Turopolski lug, med ministre.”
* * * * * * * * * * * * * * * * * * * * * * * * * * * *
Imbra Grabaričov z Gruntovca v gruntovnice
Ej, ke je Imbra, takvoga više nema,
nema, nema odosim do S(an )rema.
* * * * * * * * * * * * * * * * * * * * * * * * * * * *
(treba je malo pojakšati ton)
Etno udruga Kurilovec - "Biciklin", 10. KAJBUŠ, 16.11.2013., DK Buševec, 23:04
Etno udruga Kurilovec - "Biciklin", 10. KAJBUŠ, 16.11.2013., DK Buševec
Ljudevit Kaj:
Preštimani teatrolubci,
Pozivlemo Vas na 11. KAJ BUŠ i 6. Moč / Noč kazališča teri bu(ju) se održal(i) 15. studenoga leta 2014. z početkom ob 18,00 vur v Domu kulture Buševec.
I letos sadržaj predstav je fest interesanten, se su odlične komedije i smeja bu do suz Ak imate malo vole, ak vam je dosta politike i razne serij na TV-u, ovo je odlična prilika da se opustite i vuživate vuz naše glumce amatere. Slogan ovoletne Noči kazališča je "Nesu zebirajna, a si se trgaju za stolec", zato pohitite da i Vi ne-bi ostali bez svega stolca.
RASPORED PREDSTAV
DRAMSKA VUDRUGA KAJ - Grdenci "OPORUKA" 18,00 - 19,10
PAUZA 19,10 - 19,20
KUD "LOBOR" - LOBOR "GOSPODAR JE ZVONEL" 19,20 - 20,00
PAUZA 20,00 - 20,10
KUD "NAŠA LIPA" - TUHELJ "DO POPEVLE, ZLO NE MISLI (TKO PJEVA ZLO NE MISLI)" 20,10 - 21,00
PAUZA 21,00 - 21,10
HKUD "VLADIMIR NAZOR" - SOMBOR "AUDICIJA" 21,10 - 22,10
Vulaz zabadaf.
Upravni odbor OSS Buševec
* * * *
Kavaliri Kaj buš ti, bum i ja , 03:15
Kavaliri Kaj buš ti, bum i ja
Ljudevit Kaj:
Sveta Kata, KAJ-BUŠ na vrata
14. KAJ BUŠ i 9. Noč kazališča
25-11-2017
Preštimani teatrolubci,
Pozivlemo Vas na 14. KAJ BUŠ i 9. Noć kazališča teri se bu(ju) održal(i) 25. studenoga leta 2017. z početkom ob 17,30 vur v Domu kulture Buševec.
Ak imate malo vole, ak vam je dosta politike i razne serij na TV-ju, ovo je odlična prilika da se opustite i vuživate vuz naše glumce amatere. Zato pohitite v Dom kulture Buševec da ne-bi ostali bez svega stolca.
Iz sveg srca zafalujemo se našim pokrovitelima Gradu Velika Gorica, Zagrebačkoj županiji i Turističkoj zajednici Velike Gorice a najvekša fala našem generalnom sponzoru MB FRIGO Grupe teri ladi vaše hiže ali greje srca seh teri buju došli vuživati vu predstavami.
Dojdite vsi jer vulaz je zabadaf, izlaz isto.
RASPORED PREDSTAV
KUD Vrhovje župe Dubranec „PRIJATELJI“ 17,30-19,00
Amatersko dramsko kazalište Sveti Križ Začretje „POŠTENE ŽENE“ 19,20-20,05
KUU Stažnjevec-glumačka družina Komedijaši „MARTIN ZAGREB, MARTIN ZAGREBA“ 20,15-20,55
Humoristično društvo Zvonec – Krapina „TRAČ PARTIJA“ 21,00-21,20
Kulturna udruga „Tomislav Franjić“ – Kalinovac „NA KONAKU” 21,25-22,05
14. KAJBUŠ programska knjizica 2017:
http://oss-busevec.hr/wp-content/uploads/2017/11/14.-kajbus-programska-knjizica-2017.pdf
Noč (i moč) kazališča:
http://www.noc-kazalista.com/program/
http://oss-busevec.hr/14-kaj-bus-i-9-noc-kazalisca/
*****************************
Dragi naši kajkavolubci i -lubice,
evo nas pak, znova vam se javlamo da i letes (25.11. od pol šest popoldan) bumo vu sklopu devete Noći kazališčov organizerali
14.KAJ-BUŠ, Kajkavci vu Buševcu (iliti susrete pučkih kazališčov kajkavskog govornog područja).
Čeka vas pet predstavi,puno zdravoga domačega smeha i zagrijana dvorana.I to, nebi verovali, se zabadaf.
Vu prilogu si poglečte rasporeda predstavi, a vu programske knižice morete malo prečitati o predstavami.
A kej da vam dale duljim, zeberete si nekej i dojdete, (sigurno će te pogriješiti), ma ne sigurno vam nebu žal.
Jer do jenput dojde na KAJ-BUŠ v BUŠEVEC taj se znova vraća sako leto.
PozdraF,
Nenad Rozič
---
Nenad Rožić
predsjednik
Ogranak Seljačke sloge Buševec
m: +385 (99) 3963 688
f: +385 (1) 6255 864
a: Trg Seljačke sloge 9, 10417 Buševec
w: [ http://www.oss-busevec.hr/ | www.oss-busevec.hr ] e: [ mailto:nenad.rozic@oss-busevec.hr | nenad.rozic@oss-busevec.hr ]
[ https://www.facebook.com/ogranakseljackesloge.busevec/ ] [ https://twitter.com/ossbusevec ]
Navigacija
[0] Lista Poruka
Idi na punu verziju