Kopa cura vinograd
E,kopala bi ona sigurno da Bog ni počel zavrgavati ove brege kak prasica trinajsto prase.Saki božji den kiše kak da smo ju na lotu,il nedaj,Bože,za pokoru,dobili i blato do kolena.V najbole namere i z najbolum volum su se tak zjatile sneje z Markuševca,Cerovskoga i Dolnega Ruševca da bi se,kakti,kvalificerale za letošnu Ligu ali baš prije nak je ob pol četere trebalo početi štrikajne z nogami odozgor se nebo vrušilo.Neznaš jel pada odozgor il odozdol,jel ti puše z leva il z desna a naši dva "ruski semafori" kaj faule okrečeju su se pririktali kak penzioneri za Floridu, tak da su premenili tri majce i dvoje lače.V takvem vaterpolu na divlemi vodami v prve utakmice su bole plivali plivači z Markuševca kaj su vrgli jenoga više vaterpolo ekipe z Cerovskoga.Ovo se dale je bila revija na ledu v tere su v jene otprte utakmice "zgubleni pak najdeni" z Ruševca dali "4 laka komada",kulko su je i prijeli.Kulko su je prije dali tulko su pak prišparali na Markuševcu jel v trejte utakmice su i jeni i drugi zabadof bežali i nit "g" od gola dali.V četrte je Cerovski vrnul gostoprimstvo Markuševcu z prve utakmice i dal jenoga ibera.2-3.Vu tu su dobu negde i počeli dečki z grupe,kak je to negda jen "visokopozicionerani kibic" rekel,"7 pak 3 i onda pak 7" nekaj i trlinkati da se nebi čulo kak negdo kune.Po pete, da su brojem male ali srcem velike,sneje z Ruševca,od tere se jena još navek ni uspela zvalati v sem tem kalu,dobile Cerovski z 2-1,kojekakove kalkulacije teremi su se samo retki nadali,i most velike penezi okrenuli,dobile su armerano-betonske fundomente.Zgubleni z Ruševca sami odlučivaju o sve sudbine,igra je ,normalno,pobeda a i izjednačeno je pela dale."I tako bi."Zgubleni su vodili z 1-0 protiv sneje z Markuševca se do zajdne minute a onda su jem ga ovi vrgli i vodica je pomalo počela vuva zalevati...Čak se i onaj zajdni čisti zvalal,da doma vešmašina ne zabadof okretala.Na su sreču saka batina ima dva kraje,početek i kraj,tak i ova utakmica.Zgublene ovčice z Ruševca su se vrnule v Ligu i letos pijana karavana ne zaobišla Ruševec Dolni.
Jel bu ova pripovest imala sreten kraj?
Jel buju živeli dugo i sretno?
Bumo znali,letos,pred Veliku Mešu...
-
Cerovski Vrh - Markuševec 1:2
Donji Hruševec - Cerovski Vrh 4:4
Markuševec - Donji Hruševec 0:0
Markuševec - Cerovski Vrh 2:3
Cerovski Vrh - Donji Hruševec 1:2
Donji Hruševec - Markuševec 1:1
-
Donji Hruševec
Uta. 4
Pob. 1
Ner. 3
Por. 0
Golovi 7-6
Bodovi 6
Razlika +1
Markuševec
Uta. 4
Pob. 1
Ner. 2
Por. 1
Golovi 5-5
Bodovi 5
Razlika 0
Cerovski Vrh
Uta. 4
Pob. 1
Ner. 1
Por. 2
Golovi 8-9
Bodovi 4
Razlika -1