Milka
Da su Rođeki pripravili hamperov z štromom kulko i kobasov za kotlovinu,čista odokalna aproksimacija veli da v vreču od umeta stane cca.69 i pol metri iste,nepatvorene,prijespomenute,nebi se našli pod večer v raskoraku jel dati štrom na frižider z (o)pijačum il na ausvendik mužiku.Ali onda bi nam bilo bole nek v Švicarske,de su nekteri od nas bili v zatvoru,jel gledeti najbolu ligu na svetu i piti jenu od naaaajbole pijač dok braon milke paseju pod ručnum v susedove detele,kumove kuruze i barbaričevomu zelju kaj se posebno za bike sadi i v izvoz šele-neprocenivo.Z ovem se sigurno nebi složili oni kaj su prijespomenutu pijaču morali platiti na šanku i oni čije je detela,kuruza i zelje po čuče dobilo dok je gazda milke neoprezno i odsutno fuzbal kibical.Jena solidna četvorka za opči i umetnički dojam.
Tigriči su za*ali statistiku 100% a bome niš mejne i Ilovaču.Mam na početku v dve šah-mat akcije Opatija se diže prek Pote i Sukija na 2-0 a taman da je Ilovača pokazala da bi to mogla stići dižeju se na 3-1.Štefek,Zemo (z 74.4 cm a ne z prek centra) i Gršo dižeju Dubranec na 4-3.Rak rana ovoga maloga terenčiča des se pokazala akcija "Igranje ritopike spred svega gola",i to prek nekulko put,a Mika započima tu seriju z napucavanjem Šakija,ni krivoga ni dužnoga,od teroga se lopta odbija pomalo v gol.Par sekundi prije karaja.Veliju;-*o te takov nogomet!Jeni veliju pak da je lopta okrugla a drugi da saka lopta ima dva kraje.Sad ga ti znaj...Ma,boli te mali ukrudbeni čimbeničič ak v jene dobre utakmice vidiš 8 golov!
V jene trde utakmice kaj je imala duvu po derbiju Glumci su minimalno dobili dobre i neumorne Švabe.Ni jeni nisu skoristili svoje šanse,Glumci brojne,Švabi malobrojne,a gol je opal skoro v stilu Ivice Feljana,z gola na gol.Glumci su dale znali čuvati rezultat a Švabi nemreju zabiti-ad acta.A bila je i meša.
Bebe su odigrale jenu čudnu sebe svojstvenu utakmicu kontra sebe i Novoga Brda.Od autogola do zvlačenja lopte z kornera nadljudskem naporom i serveranje protivniku na zicera,prek krađe lopte v golmanovem placu i zakucavanja iste v zato predviđeno mesto do akcije kaj su imale i glavu i rep.E,da,i Novo Brdo je bilo tam i igralo.Igrali su onaj nogomet kaj ga stručni kibici nazivaju najlepšem na Brege,ak zanemarimo "ritopike".Bebe su počele davati po dva gole po utakmice.Bojte se protivniki!
Jenu trdu utakmicu na "barbaričkem prečecu" su odigrali i Obadi i Manekeni,i ni bila spodobna one na Male Bune da smo v nijove utakmice videli cca.10 golov.Da bi rešili problem maloga terenčiča Manekeni su v ekipu deli najbolega tehničara kaj ga je mati na Kojzače rodila - Sepinha.Da su Obadi videli kakovu jem pomutnju dotični dela i oni su deli jenoga mladoga dedu v ekipu a kak to več obično ide;dok Golijati govore Davidi mečeju.Pevec3 ga je elegantno vrgel Obadom za dva dane zimskoga sna na Kojzače.Do nedele.1 gol,2 dani,3 bodi.
Za čudo božje inače prekobrojni Gruntovčani su se prikazali v broju na knap i odigrali solidnu tekmu,jenu od bole ze svega repertoara,kontra letos jako dobre Vrapcov.Da god su se Gladovčani malo otprli i pripretili Bunci su je mam kaštiguvali z golom.Iako zapisnik veli da je bilo 6-0 mene se čini da su pak Sremiča pokrali za jen gol.(6-1)
Se samo ne repriza-deja ne vu.Mlada i poletna Šika je prispela na mesto zločina oslablena za staroga Panču.Jednak tak Kravarščani su došli na megdan bez trenutno najbolega strelca Lige,kaj zna biti dosta za*ano.Rekel bi čovek da su sad izjednačeni.I jesu,al posle utakmice.Kak je na Ruševcu na Turniru Lige zableščala šilakovečka 7. tak je na ove bleščala 9.,se mladići,jen drugomu do vuva.V dve "vezak vezla" akcije Balerine hitaju na kolena Leptire a v napadu Kravarske zjapi rupa kaj ju zapira Anđo teroga ni.Leptiri kažeju da bi se mogli vrnuti z puno sreče al Koki neda."Zagrizo,i ne pušta.Ko pitbull!"Božo bi serveral lopte al nima komu,vidi se nedostatek ekipe kaj stalno igra v sličnem sastavu da glavni kotač sfali.Oko igrališča sponzori beže,"preti" se z pivami,nekakovi novi navijači na strane Šike-101 dalmatinec.Pardom!Bunec.Buncom paše,Šilakovcem radi ponosa,inače niš posebno,a Kravarske treba.To je ono kaj sake utakmice dava draž,ona pozadina kaj je više od nogometa,rivalov,statistike,poraza i pobede.I,na kraju izjednačeno,ak gledimo ove dve lete.Jura Bor-dve ruke pet pive,se negve,na ove se pobede ne špara,gajbe lete kak da su zabadof.A most teru reč na šanku poveju i Bunci...
Utakmicu v tere se Čigre nikak nisu mogle snajti, opasno,dalekometno i eksplozivno je počel Ekrem.I neprecizno.Mekše,precizneje i točneje do pobede su došli Krpiči kaj nisu morali loviti rezultat kak inače i dva komadi su bili dost za početek mirnoga vikenda na Ruševcu.
Još jena je kamilica odigrana na kraju kola v tere su bode,gole i se drugo podelili Bojsi i Rođeki.Ni bila skroz kamilična,gda-gda se malo osetilo i šarf po rakije i limunu da o medu reči ne trošim.Ovi mlajši imaju višeši prag tolerancije i duži sporogoreči fitilj a i malo su bole tehnički potkovani.
Zutra odmor,nedelu 7SS,za tjeden dan aldamaš.
