ZVONA, Mesečni list čakovečke žup, SRPEN / KOLOVOZ 2010.
NEKAJ ZA ČAS KRATITIFRA – PATER ANĐELKO Vsaki od nas obslužavle vsako leto svoje godovno, svojega rođendana, a mi stareši se
zmislimo i na svoja gostuvanja, tak gda i to sprefeštamo, jerbo neje ruom mačji kašelj z nekim
živeti na leta, deliti dobro (šteroga ga nejvečpot neje) i ono hudo (štero se z letima nabere).
Isto tak kak mi obslužavlemo vse ono kaj je vredno vu našemo živlejo, tak i naši velečasniki
obslužavlejo svoje obletnice gda so postali velečasniki i gda so prisegli na doživotno služenje
dragomo Božeko. Hajdigpot sam se prijav kak sam gruntav o temo komo je, itak, leži
velečasnikaj ili pak nam, običnaj smrtnikaj, očem reči, jeli je leži služiti dragomo Božeko ili
pak biti ožejeni. Kak i vsaki od nas tak i ja tiram vodo na svoj melin i mislim gda je nam
ožejenima čuda teži jerbo, ne verjem, gda dragi Božek gomba, ruom, na vsako sitnico štero
velečasniki zfušajo. No, kak bilo gda bilo očem vam, pravzaprav, reči gda je naš čakoski
velečasnik, fra-pater Anđelko početkom julijuša, na samo godovno svetih Čirila i Metoda,
preslavil svojo četrdesetpet letnico kak služi, nejpredi, Božeko, a unda i nam ljudima. Mi vu
Čakovco se moremo pofaliti gda je več 14 let, kajbi rekli skorom trečinu toga cajta prinas i tu
pase Božekove birkice, malo vu Čakovco, a malo pre Svetomo Roko, Miholjanaj i nebi šteuv
nabrajati gde je vse biv kak kapelan i ispovednik, jerbo gda je pater Anđelko došev k nam
unda je još čakoska župa Svetoga Mikloša biškupa bila nejvekša vu Zagrebečkoj nadbiskupiji,
a o Varaždinskoj biskupiji so se stopram počeli spominati. Nejsam šteuv z tem reči kak pater
Anđelko ima več hajdig let, nek gda je zdavnja došev k nam. Verjem gda ga nejga nikoga
med nami šteri se more potužiti gda mo je pater Anđelko nej nekaj napraviv kaj mo je trelo. I
to je još nej vse. Ovo leto bode pater Anđelko preslavil još jedno obljetnico: včasi mo bode
pet let otkak vređuvle ova naša Zvona. Je, kak vidimo, Zvona zvonijo, a vreme leti. Pak sam
vam, pravzaprav i to šteuv reči, vse kaj pater Anđelko prime vu roke vse je kak treba. Fala
dragomo Božeko kaj nam ga je poslav, a patero pak želem dobro zdravje i kaj bodemo još
dugo na ovom sveto skup živeli. I na vse zadje skorom sam vam pozabiv reči, kuliko pater
Anđelko znači za ovo naše čakosko bratstvo ak ga jegova brača, od milja, zovejo Japa. Takšo
ceno si, ipak, treba zaslužiti. Japa, vsaka vam čast! Leto je odnavek bilo vreme za hodočašča, pak se tak i ovo leto naše obedve čakoske
župe ravnajo na Bistrico, na Trsat, a vu augustušo se bode išlo i vu Lurd. Dok čakamo na tua
hodočašča naši so velečasniki, gvardjan, pater Stanko, južni župnik, pater Tonček i nejmlajši
čakoski frater, pater Jožek, skupa z našim provincijalom, patrom Željkijom, odleteli na par
dni vu Peru. Verjem gda znate gda je Peru država vu Južni Ameriki, polek Brazila i gda je
nejmeje dvajsti pot vekša od Lejpe naše i gda ga tam nejveč Indijancov, a polek jiv ga je i
cirka pet jezeri Hrvatov. A zbog naših ljudi i naši fratri tam imajo svojega misionara, a to je
naš čovek z Lendave, biškup Gerard Žerdin. Naši patri, skupa z provincijalom, so išli vu Peru
jerbo je tam naš biškup zarediv za đakona našega Perija Horvatovoga z čakoskoga juga šteri
bode vem tam, kak šegrt, na praksi, a drugo leto bode se vrnul i kak pater Pero bode služiv
mlado mešo. Neje lefko bilo našim patrima jerbo je do Perua deset jezeri kilometrov, a znate
kak se reoplani nišejo dok so vu zrako. Ali dragi Božek jiv je čuvav i srečno so se vrnuli
nazaj k nam. Kak so nam rekli, prešli so hajdig jezeri kilometrov po Peruu, nekaj po zrako,
nekaj po zemli, a hajdig toga i po vodi. Niti Indijanci, niti krokodili, a niti pak druge zveri so
jim nej naškodile, tak gda smo pak vsi, fala dragomo Božeko, na brojo.
Pred nami je i ono stareše čakosko proščeje, Prcinkulovo. Zadjipot sam vas pozval na
gvirc za Antonovo pak ste nej došli, a ve vas pak čakam pod šatorom prek cirkve. Dok pete
vun z cirkve samo ravno idite i nebrete me fulati. Vaš Tonček
* * * * * * * * * * * * * * * * * * * * * * * * * * * * * * * * * * * * * *
MÂLA ŠÂLAIDEM, PAK SI MISLIM…
- Mijenjam zdravstvenu knjižicu za štednu. Šifra: Zdravlje je najveće bogatstvo!
Ovce nose zvona, a ljudi mobitele!
Na faksu sam kao Bog. Svi znaju da postojim, ali me nitko nije vidio!
* * * * * * * * * * * * * * * * * * * * * * * * * * * * * * * * * * * * * *
Zvir:
ZVONA, Mjesečni list čakovečkih župa,
Leto XV, br.7/8, srpen/kolovoz 2010. l.
Nakladnik: ŽUPA SV. NIKOLE BISKUPA, ČAKOVEC,
http://www.ofm.hr/zupa_cakovec/ , http://www.ofm.hr/zupa_cakovec_jug/
Naklada 750 primjeraka* * * * * * * * * * * * * * * * * * * * * * * * * * * * * * * * * * * * * *
Kajkavski vu cirkvami:
http://www.zagorje.com/articles/2340/show.aspx* * * * * * * * * * * * * * * * * * * * * * * * * * * * * * * * * * * * * *
KAJKAVSKA VEČERNICA I MEŠAa) pdf oblik (zvirni oblik, z ilustrâcijam):
http://www.esnips.com/r/hmfl/doc/e5f32fb6-9f50-4fc3-8c7b-4629d332d4a2/KAJKAVSKA_VECERNICA_I_MESAb) editérajuči oblik (ně baš lépo posložen, bez ilustrâcij)
http://www.forumgorica.com/kajkavski/p-oltar-portal-nas-svagdasni-pobozni-i-vragolasti-bogoslavija/msg4294/#msg4294* * * * * * * * * * * * * * * * * * * * * * * * * * * * * * * * * * * * * *
(LÔJTRICĚ I LEST)
VICĚ (Z)VÛKOVVICE VUKOV -
Zvona moga grada (SPLIT '70 live), 03 :49
VICE VUKOV - Zvona moga grada (SPLIT '70 live)