Rajnglek na špage Obično da se ludi od...putiju v Amsterdam po par let su v lice za videti kak Mona Liza a upučeni veliju da se tam ide il po "balerano" il po spolnu bol. Tak da se zezvedelo na Dolnem Ruševcu da izvesni putniki imaju nameru svoj put skončati v Niskozemske mam je počelo organizerano spravlajne stare novin (za zamatati), podmazivanje motalic (telefonske žice) i mini balerke (za individualno...). Ali, brus! Kakvo je to bilo razočaranje da su se putniki vrnuli bez bal... Inače su Ruševlani dolni poznati po tem da na Čučinem oku naprave atmosferu kak na zapirajnu zimske olimpičke iger ali ti su momenti letos uzročno posledično zostali. Ovo z baleranem je je skros na skros oduzelo, ovakovu se tugu ne pameti bar 25 let i mesec dan. Glavnu su reč v navijanju morali zeti navijači z inostranstva kak su npr. Gorni Ruševec i pripadajuča mu Opatija Gorna. Of naš blagdan pijače i loptače svojem bitkom je počastilo previsoko izaslanstvo sela Barbariči Kravarski kaj su došli v inspekcijski nadzor prilike na sporcekemi dogotki i mam si odigrati teru utakmicu ali su došli, jelda, v krivo vreme. Il je raspored bil kriv. Nu. Još je važno napomenuti da of kombi od Lutalic ne vleče baš bogznakak dočem ga ja z ovum svojum srebrnum strelum z četrdeset i još nekaj nas kojn prešišam kak od čuba. Kaj bi još treba spomenuti prije nek se dodenemo prekkrasnoga nogometajna. E, da! Miška je dost rano oduzelo tak da su ovi kaj govoriju strajnske jezike mogli odslušati na esperantu Nostradamusa i Odiseju. A onda je došel vuk i pojel Odiseju...
Čučino oko je pohodila zavidna đelepa sveta, mesta za parkerajne je bilo jedino v susedne fare a viđene su bile i mlade Nade (uprav me strav kak bu to tek zgledalo za teri tjeden na Kravinem sedlu...) a nogomet... da ti srce stane. Golov kak v pripovesti - jeni raspoloženi za davati, drugi za primati, de češ bole.
Točno za dobe, na vreme i z volum, počel je derbi se derbijev na teroga su Glumci dovlekli se kaj more bežati a Bebe baš i ne. Tata Huđber je dirigeral z debeloga lada sukaste bandere z harmonikum Velike Bune dok su se smenjivali napadi i igrači višestrukoga prvaka kak valovi graševine. Bebe bi v tem momentu
zlatkom platile bar jenoga internacionalca kakov je, idemo reči, Benzema. Ali Bebe su več nekaj napravile da spasiju ponos sela. Se u semu dobra tekma ne gledeč rezultat. Rekel bi Đuka Stublič; srce na ceste.
Slafkove Strele kaj brane ponos Strezojeva su na Čučinem oku nafčile novu lekciju kaj veli da se gol more prijeti i z prek centra. Da ga je Vlado dregnul svojum planjkačum onda su si Obadi šteli davati gole z prek centra. Ali ni saki dan petek...
Tata Miro je za par let od obrambene napravil napadačku ekipu kaj ju sad još z pojačajni i pomalo brusi; da napravi to da mu Šan-Ku od golmana postane špica špice napravil bu vekši posel nek negov imenak Čiro. Ovi novi dresi bi trebali z prve strane imati napisano "Grof" a z zajdne "MNK Mala Buna" v suprotnem znači da je igrač oblekel istoga naopak. Postoji još jena verzija kaj se zove "nutre-van" a to bi značilo da zvana ne piše niš dočem sa se slova moreju lepo prečitati z nutarnje strane. Krpičini sini nisu uspeli skoristiti prednost domačega grunta a i publika se zvrgla kak i barbaričko zelje. O sponzoru da ne povedam. Niti malu, malu balicu. Baličicu... Mislim...
Mrkijeva, il Jožina, ekipa, il Jurina, se za par let skoro cela premenila. Dečki su to najprvo zbrusili pa spolerali i onda za kraj dodali najbolega strelca Turopola a ono kaj su dobili je najozbileji kandidat za osvajanje letošne Lige. To dela kak singerica. Tomekovi puleni su jem uspeli parerati se dok se nisu preveč otprli a onda je to Šika bez milosti kaštiguvala.
Osim dobroga nogometa v utakmice zmed Bojsov i Badelove manekenov smo se žili i dobroga dramskoga programa, mimike, gestikulacije a pratiti izraze lica je bil posebni doživlaj. Več fajn časa moremo gledeti po dve generacije igračev z iste iže a da dojdemo do toga da i tri generacije igraju na istem terenu (od dede do nuka) to bu več seks, do ga dožive. Čučino oko je ostalo zaznamenano v statistike po tem da su četiri igrači z iste iže bili na terenu a ponosni vlasnik "rekorda" je Nijovo Precedništvo Franc. Nek se zna. Ak ima tera sporckeja familija nek se javi. Utakmica je došla i do 6-6, v faule, a ni sudil Pevec, i tu je več pomalo počel šou program. Bojsom ide, nema kaj, na sakom planu.
Utakmica za prestiž zmed dve opčinske središč ni baš bogznakak počela za Leptiriče, kaj su se za saki slučaj malo pojačali po pitajnu kadra. Žuti su jem prelazili čez obranu kak, božemiprosti, štalska lopata čez ladetinu. Da je Jagoda skučil mrežu iza Žutoga počelo je i strelajne z očmi... Na su sreču prije poluvremena je Božo to malo rezultacki dopelal v red a onda je gazda Števa rekel; "..." i to je bilo dost. V drugem talu kak da je druga Kravarska zbežala na Oko, il su nekaj drugo mesto vode imali ` flaša... Da su Leptiri proleptirali to je bilo upraf lepo za gledeti, ne pametim da smo takvu Kravarsku zajdni put gledeli, na +3 su počele i umetničke kreacije.
Da je Zemo slekel majcu se su sneje mislile da se bu ostvarilo majansko proročanstvo i da se bu vrnul v ekipu kak se i grozil celo leto ali ispalo je da z rubačum samo muve tira. Na druge, pak, strane da igra Gips rezultat nemre biti oko nule. Samo kaj Gips nemre sam. A pukla je i jena čuča v sudaru z loptum, da su Gospođa bili blizu negdo bi bil bar prestrelen z okom.
A na kraju kak da su kladionice složile utakmicu Ubojice favoritov z Gorne Opatije protiv favoritov i aktualne prvakov, trenutne vlasnikov prelaznoga pehara itd... z Novoga Brda. V prvem talu su glavni posel napravili Črni i Mata, na radost neobrcke kibicov i Glavnoga štaba Mišev. Miši su se probali vrnuti v zajdne dve minute utakmice ali neeeda Črni da bodi odeju z Schwarzwalda.
-
V Pevcove Autonomne Pokrajine (tzv. PAP-ovka), mam spod Lakovice, v Kozje drage, 25. ivanščaka, na dan sv. Dore čeka Vas i nas 8 utakmic, 16 ekip i 100 čudes. Spominaju se des babe v pekare dok su kruv čekale da se budu pak nekakove rubače delile a još nismo ni stare razdrli. Rubače, ne babe.
3. KOLO se igra : 25.06.2015., KOZJAČA, 15:00
GORNJI HRUŠEVEC - MALA BUNA - derbi
OPATIJA - GORNJA OPATIJA - do more više nametati, Šaki il Črni
KRAVARSKO - DUBRANEC - proleptirani Leptiri protiv Štefeka i negvoga kuma zvanoga Beli, ima tu još nekakve igračev, da ne dužimo
![Wink ;)](http://www.forumgorica.com/Smileys/SoLoSMiLeYS1/wink.gif)
LIJEVI ŠTEFANKI - POKUPSKO - auuuuu! da je razmonteraju na proste faktore za ono od lani jem nemreju vrnuti
DONJI HRUŠEVEC - ŠILJAKOVINA - ak očeju dale Balerine moraju rešiti pitajne zvano Krpiči
NOVO BRDO - VELIKA BUNA - nekad derbi se derbijev, jako znakovit teren i jako znakovita utakmica za Kravarsku
HOTNJA - STREZOJEVO - posle Turnira na Kravinem sedlu moment istine
CEROVSKI VRH - KOZJAČA - jena lagana za prije spala, nadam se lepotica, ak hormoni ne preružiju