Smet v oku
I, idem ja tak na Gornu Opatiju kad... v šume se krajcam z četere zglobne turističke autobuse. Odkud se ovi sad * v nedelu? I dojdem ja tak za dobe, il čak malo raneše, jel se inače spravlam kak mladenka i navek (skoro) zakesnim, v Schwarzwald taman na zajdne glancanje šank linije i imam kaj za čuti. Baš sat su otišli strajnski turisti z selskoga turizma na Gorne Opatije, most nje 500 glav, kaj sitnoga kaj krupnoga zuba, očeš Kinezov, očeš Rusov, Amerikancof, Englezov, Švabof, se fele je je bilo i ze se stran sveta. Reko, najte me *, am na Gorice nemaju kaj delati pol vure a bi pri Futače ostali tjeden den i to nje kak pet Gorne Opatije. De bi spali, z medvedi f šume!? Je, vele, su bili tu na selskem turizmu i gledeli su kak Mamič vuglenicu vužiže i, vele, još su si odnega vuglena za domom kupili - niš mu ni ostalo. Bu moral drugu delati. Se mu je otišlo. Paf! Ili puf... Nedela nas je, il bar nektere od nas, dočkala v zezvedi da je pelinkovec jakši ot kokakole, a z kokakolum se pelinkovec izbija, a piva ga kvari. Il tak nekak, ono da boli glava a alkohol smrdi čez kožu i stalno te nekaj podiže kak da si v drugem stanju. Il s*anju. Da smo več pri drugem stanju, Mamič nam je ozbilno betežen. Več mu fajn časa piva ne vala, veli da mu je žufka pak se preorjenteral na gembače. Se mi se čini da je to Starčevičevo maslo, odkad ga je stiltal z loptum v glavu centar za alkohol v pikse mu se pošemeril i više ni sam nezna kaj mu je i kak mu je. Ne budi vam potuženo. Nebi bilo slabo da ga pak malo deneju na gol da ga tera jakša lopta vrne v ravnotežu, il balans. Na žalost več su odigrali z Dolnem Ruševcem i Cerovskem, da mu "pomoreju" Slavek i Vinca. Još igraju z Kojzačum i Ilovačum, tu ni sreče, nema do. Ali..! Na Cerovskem protiv Pokoskoga, zajdna šansa, da ga Jagoda z centra raskopa na proste faktore, i vrne mir v selo. Klin se klinom zbija, tri klini penal! Da su oko epicentra šanka v Maminjove nazočnosti počele pripovesti o utakmice Gorna Opatija - Dubranec i kakov je koeficjent, jel ima kakve licitacije, aproksimacije i kapare Brajko je pak počel fantazerati da bu uletel f teren i prekinul utakmicu i tak to ak vidi da su Švabi pro(e)dali utakmicu Ilovače. Mislim da bi več Petrac jemput trebal sankcijonerati Brajka radi nesporckoga ponašanja oko šanka. XĐ Mamič je moral pustiti suzu da je povedal kulko je ludi došlo, od one kaj još ni ne ode i govore do one od 93 lete. Schwarzwald očekivaju nova preširenja tak da bu "kučica" ispala pothodnik od Gornega Ruševca do Opatije, da ak pada kiša ovi kaj dojdeju z autobusom moreju bez ambrele pešice dojti a da opče štumfe ne smoče. Da bi potrdili se pučine od suše po igrališču Švabi su raznosili v kanta prikolicu peska; dej zamisli sramote da si negdo strga nogu na Gorne Opatije il po pokvarenem telefonu da se čuje da Mamič noge trga. Utakmice su bile "ono, na laganini" kaj bi moglo značiti da našem zvezdam fali celi nogometni vikent pak jem pada forma tzv. "pim-pek-ti-pao" il druga krajnost da se naše nogometne starlete trošiju preveč na drugem planu v slobodne dane.
Kak se got žurili si drukeri Ribičev su uspeli zakesniti na program sve pulenov, osim tate Đure kaj si je pri miru prečital friški glasnik, još se tinta lepila za prste, dok se Joja, kak je utakmica odmikala, pomalo šmajhlal k šanku. Glumce je pak lagano šprajcala laka brigada "Očalinko". Tera je odigrala ozbilnu ulogu da je Belinda pokazal da je još sloboden, il da još more ze slobodnoga, tak nekaj, kajjaznam, v navijanju za istoga. Kulko se god Buša trsil pomagati i jenem i drugem z svami prvoklasnemi saveti ovi ga baš nikak nisu šteli poslušati. Kaj ti je život; imaš takovo znajne a onda ga nemaš na koga prenesti, nigdo ne posluša kak ni Šareka v rosne detele. Posle rosne detele ide prebijanje čez živicu da gazda dojde z bažulnakom od tri metre tak da ju more opuvnuti od vr`a repa do gupca, il se nahiti z kolcem od paradajza ili čižmum, a prebijanje je bilo i da je Kiki prebil i Škojca i Škunca i Šminta i Cicu (to je muško, prebil bi i Jazu da je došel) i svega Đuru samo da ga vrgne nutre. Lud - lud!
Jena od zajdne štenženic prije , ... ,za Ilovaču je trebala biti Kojzača. Da se ni rešeno v prvem talu po sistemu "lako čemo". I još da smo čuli da su dečki rešili utakmicu prije utakmice... Vglavnem, mam na početku su kum Štefek i kum Zeko rešili gole kak da bi cigana f pekel hitil dok su kum Želko i kum Marko imali pozadinsko-logističke zadatke; rastiravajne oblakov, slušajne prognoze, animerajne publike i sl. Vusput je Šuki počel berbu "šamarelica" kaj suci nisu registrerali. A dok smo mi gledeli kak rame vuz rame na kopi sede jen ot stareše Pevcov i najnajmlajši Šebek kum Štefek je zabiberil još jenoga. Drugi tal je bil Sizifov posel za obadvoje. Normalno, ne moram reči da se Marac pak namerjal na najmejnega na igrališču - još je dobro i prešel kaj ga Pevec Jr. ni jemal za ozbilno. Inače, puca noga kak cementerani brus.
Došel je ret da se i Mamičef Medveščak poslika za naše gracke i državne novine, i normalno kak i se drugo i to je bila procedura. Od se silne dresov kaj su je nakupovali i nadobivali nikak nisu mogli skompleterati za jenu ekipu, onda dok su se si oblekli, pak dok su se si skupili... Drugi svecki rat je krajše trajal, od dolaska Adija na vlast pak do ruske intervencije v Mađarske, bruto. Kak su si uvereni da je Tuta na moru tešku zadaču da obrani ponos Švabov dobil je Joža. I ne samo da ju je obranil nek je i oponašal Tutu, kak da je Ivek tu. A.., da smo pri Iveku, znate... Pripoveda se... Da ga je Mamič prodal v belo roblje v Posavsku ligu da bu branil, i napadal, normalno, za Kučane. Tam Joža pak ima nekakve veze zato kaj igra v Onem klubu Odonud, nu, znate. Tona je došel prekrižen z dve redenike pokazati friške zavoje, i dati teri savet Mrkiju. A bila je to teška utakmica; Joža je v jene ruke držal zakonitu, pivu, a z drugum je tak stiskal banderu da je žne se voda piščala. Šiki se malo povlekel, z razlogom, samo terem; il su ga Švabi stisnuli, il je čvaknul pivu viška il pivu manjka, se drugo je podložno stručnem ispitivanju pod "veruvali il ne". Šilakovci su pak materali Črnoga, bukvalno su ga prikovali za zemlu, tak da se više naležal na igrališču i napasel trave nek kaj se naigral. Bušu je zamalo pobralo srce da su suci potirali van Fičeka a još mu je bilo gorje da je posle Fiček pocical gol. Kak je prvi tal završil z prednosti Medveščaka onda je Tona došel prekrižen z dve redenike pokazati friške zavoje sucom, i dati teri savet (samo da vam velim, neznam jel znate, ono vam ni bil faul). V drugem talu, za možđeni udar, najprije se Šika vrača a onda Medveščak ramna, za sreten put i mirno more, do šanka. I si (ne)sretni.
Da su več tu slikari priliku je skoristila i mala ekipa z Male Bune i vudrila se na kipec. Jaki Miši, z obadve strane crte, z vanjske su čak i mega kumiča došlepali ali su z nutarnje oslableni za Tijača. Više ni nikakvoga imperativa nek se igra za dušu a jasno je da se ovo leto prelazni pehar seli nekam drugam. Dok Vrapci drže do umetničke strane Miši se oslanjaju na RRSPR (rad, rad, samo pošteni rad). Ni prešlo dugo a več se videlo kam bi ova utakmica mogla otijti dok se posebno pokazal Panki iako je ovo Poštarov teren. Posebno je osvojil publiku z slobodnjakom kaj je tekel po prilike ovak;
Damir; Buš ti ili ja? Jel moreš?
Panki (kakti briše se z dresom da se nevidi kaj govori); Čekaj da staneju, da se posložiju... Morem.
I, zumba, eto gola. Dok su se Vrapci +/- pol vure žifcerali a Miši slavili Mamič je skoristil priliku da se poslika z svojum omilenum flizerkum. I Žaja se moral nažifcerati da je videl kak mu Vrapci lete oko gola.
Kak i Tigriči i Strele imaju črlene drese i jeni i drugi su šteli zajti v susret ovem drugem tak da budu došli v druge boje ali se nisu kooroderali. I nijeni nisu bili črleni! Strele, pod paskum sve šefice, su se zamandurili v sponzorske majce a Tigriči v "Aurora", doštampane, bele. Kulko got čovek tumačil Mazalu da to kaj on nosi ni niti "L" od beloga on je uporen kak komarica zaprta v sobu v letne noči. Strele su pokrile špice Tigričev kak kmica šumu a jen čas su je i stisnuli v nijov gol. Iveku nikak ni bilo ajsno kakov je to kriterij pri suđenju pak je počel se gušče i sterelati z ubojitemi pogledi. Znalo se da je Schwarzwald Pejakov teren i samo se čekalo da bu on rekel reč. I rekel je. Strele su imale Plane A, B, C, ... samo kaj su jem se posle ovoga gola si raspali i bole su se držali dok nisu dali gol. Onda je Mazalu pukel osigurač i rekel je da dečki, koji mi tu * delamo i dal gol. Posle toga je Mužu dvaput šlageralo srce, il nekaj drugo, a da je čul da ni niš za piti osim vode pobralo ga je i trejti put. Da se otprlo počelo je levati, med strelce su se po sile zakona pribiležili i Pota i Šaki. Of zajdni je posle utakmice probal još nekaj sucom rastonačiti i natezal je lače, svoje ne nijove. Dosta ovak interersantna pojava i slika... Kak i "cipelarenje" Busha. Slavek je posle utakmice održal konferenciju za igrače de jem je celu utakmicu našnital "pod 45". Bilo je i juve.
Jena od one kaj su ziher, ali za osmeknuti, se čekala na Kravarske. Števa celu popoldnevku teflonera, Draš grize nofte a da su videli prekprekobrojne Bebe ratnički raspoložene ni jem bilo sejeno. Baš tu negde vu tu dobu su počeli igrati mužikaši pod "4 bora debela" a na kopi je Ilovača zamenila Glumce na zasedanju. Posle li-la Leptiriči otpiraju z jenum "a i ni baš neka šansa" kaj je odličen nagoveštaj Domijevoga gola. I to je bilo se po pitajnu golov; teže je biti strelec v ovakove utakmice nek v one 54:0.
Bojsi il su naručili premalo plavo-črlene dresov il jem koorodacija ni jakša strana tak da smo, pak, videli "teške boje", plavo-zelene. Alen je još navek pod kaštigum, negdo ga mejna ali se još nezna do, jel povratnik Tomaš (kaj je negda v Gladovcu il Jaguštanovcu rekel da ne više) il je Blaš, nova noga v ergele Bojsof. Grl imaju i preveč, v trejtem poluvremenu, i "zagrijavanju". Posle fajn časa došel jem je podršku pružiti i Tijač. Obadi su v Schwarzwaldu kak doma, tu su imali i domačinstva dok nisu napravili čudo v Kravarščice, kaj se odrazilo i na brojnost domače publike. Se je bilo kak treba, cele dve minute, dok si Marko ni nogu vredil. Onda je počelo retko * čez gusto granje. Malo je Marka krpal na terenu golobradi igrač poznat od 1. maja po izjave "De je ta Kravarska, da ju ja vidim!" Gledeč slike čovek bi mogel, dobro ne baš čovek.., reči da su si Bojsi dosta spustili prosek let tak da bi se več pomalo mogli zvati i Kidsi. Ne baš kak i Strezojevo, oni su več izvan konkurencije. Teri je nijov prosek let? Dok je trajalo nadmudrivanje Bojsov i Obadov zmed dve golov Zemo više ni mogel zdržati i opal je v naaajmekši zagrljaj v cele šume. Koala lumpur. Gole su dočkali samo najuporneši i to skoro na samem kraju utakmice da ga Blaš meče v stilu "pukni mi z petjum tu sem ti za ritjum" a v "novonastalu napuklinu" primeče i lajnski najboli strelec Lige.
Za ovu utakmicu Krpiči su se posložili v sastav po napadnem planu "tetrapak" a Plemenitaši su, z svem golmanom Trpucem kaj ga ni pijavica nemre vugnuti z gola, pripravili kontraplan napada i obmane pod kodnem nazivom "krnja pivamida". Podgrijavanje je prešlo v obosranem nadmudruivanju i (pod_ i) nad*avanju. Dok su obadvoji upirali na neseksualnom planu NK Kupa je mirala od smeja, trajale su igre bez granice, polevanje z vodum, mlačenje z novina i se drugo kaj mladi vole. Obaveze su potirale Švabe da se vugneju od šanka i kotla i napuniju prazne gajbe z praznemi flaša, kak to stari dobri običaji, regule i zakoni nalažeju. I Mamič ober toga. A da je on, ko takov, videl kak su se Strele navezle i parkerale v pozicije "camel trophy" sega bi bilo. Glavni štab Dolnega Ruševca vleče sve poteze a OKW Cerovski Vrh vrača udarce. I dok se oni tak mlate sa sila sveta se boji vugnuti od igrališča da ne kaj prepustila. Čak se i muzika čuti kak zviška, nigdo niti da bi z ritjum mrdnul. Jedino se fejs-bule ne mičeju ot navažneje stvari na svetu i stalno nekaj drkaju opče nesvesne situvacije. Konačno smo i gole dočkali v drugem talu... Nadam se da v nedelu ne plova kak i jeno leto, dve jezeri i tero, da se Kravarska zagrijavala a mam je imala i vodeno hlađenje.
Najte kaj zameriti, da pijem kolu pišem gluposti.