Završnica lige Vukomeričkih gorica
http://www.vgdanas.hr/Sport/Clanak/10177/zavrsnica-lige-vukomerickih-gorica.aspx-
Beloglavi muf Na Lovrenčevo, il Lovrekovo, il dan sv. Lovre, sa sila sveta, miliojon milijona rulje, se pribrala na Ščukinem Berku pri Plemenitaše. Za razliku od dana prije na Kupe "iskala se karta više". Kak je i Lovro rekel da su siromaki blago Cirkve da su ga pitali de je cirkveno blago tak je i Tomek mogel pokazati na breške kibice i španere i reči: - To je breško blago. Plemenitaši su si dali truda ovo leto i naglancali igrališče kak... srebreninu. Trava- jangeli bi ju jeli, goli friški kak šalata, lesa ofarbana v "umprofor" belo, mreža prema Darkwoodu, nova, da se pobirači lopt nebi fajn vmorili, gacije iza gola oooštreee da bi kurton pukel na prvi pogled a de nebi dve lopte. Brojna ekipa za igrati a bome i za pomoči oko organizacije, klup, stolov i stolcov na hitajne, malo je bil problem kak zapiknuti suncobran v suvu ilovaču ali su i to rešili tri mulci, ali baš mulci. Šank linija, kvalitetna, unatoč pokojnomu SLiniču, MIB loža spremna i široka (Many Important Brežan), očeš v lad, očeš na travu, očeš na klup- otprto za se opcije. A Tomek.., kak gospodar na svadbe, samo leti, gledi i pomalo šarafi de treba. Najvekšu je brigu prehitil na familiju Bradič i uživa. Tomaš, "uvijek si bio Gospodin". A iza c(es)arskoga gola, onaj drugi je kralevski, diči se natpis
"Hollywood" "MNK Cerovski Vrh"- do se toga setil ima sprevod zabadof, taj bu zlatnemi slovi v povest zapisan. Ak ima tera turistička zajebnica da nezna kak privleči lude v ove krize ja bi jem preporučil ekipu z Vrha za vajnske suradnike. Oni znaju. Muzika je lipsala, prava domača, skoro kak Elita a da se Precednik spentral na binu i pital široke breške mase kaj da zapopeva ludi je jednostalno nisu mogli dokončati. Jeni su šteli nekaj za udaju, drugi za dragu, trejti za nekaj za čekajne, četrti za razdvajajne, peti za dalinu, šesti za srca... a da je Nijovo Precedništvo po prvi put zapopevalo jenu novu teru još nigdo nigdar ni čul- "Udaj se, draga" žene su se smočile, muži zabalaveli po gača, deca muknula... Kakova je to kemija bila... A tek fluid v zraku; mogel si ga videti, čuti, popipati, zagristi... čak i z matorkum rezati. Kaj se nogometajna dotikavle se je rešeno i niš ni rešeno. Još bi de komu v Dubrancu mogel puknuti čir na šesnajstercu.
Slavo je jedva skupil ostatke ostatkov Brazilke po selu da bi se upriličili na Cerovskem. Bilo je tu i mlade penzionerov i one kaj su prvi put oblekli dres Ruševca, i mam pocicali devet metkov, i one kaj više ne-igraju nek da-igraju. Ovi kaj su dale od sela, z naglaskom na pojačajna, su i najgušče na utakmica. Sponzor je rekel da se on i duševno i telesno potrošil na Pokoskomu a decu samu ne pušča na teren. I kak sila Boga ne moli a utakmica je trebala početi Brazilke su v "tanga" sastavu probale rešiti pozitivno of dvoboj dve Ruševcov. A Obadi nakureni i nabrušeni još od čera samo čekaju... I nisu dugo čekali, da Brazilke povedeju. Onda je počelo "ubijanje Boga" v Brazilka. Kibici i drukeri su samo brojili kulko ovi Kuzmiči moreju vrči i gledeli jel se buju v statistiku "naj-naj" zapisali. Kad ono, "jedva" devet komadi piknuli...
Još su se Brazilke i Obadi prigrejevali a več je na teren br. 2 počela dolaziti "siva" legija z Novoga Brda pojačana z najjakšemi drukeri i stručnem štabom. Za jenu od lepotic kola Bojsi su došli v klasičnem sastavu ojačani za Šokrea. Čak se i Mika z Osterajha vrnul da bi podšprajcal Miše, *š Red Bull da se boje sela brane, ali ga lopta nekaj ni štela slušati. Alena je štela, tak da su se Bojsi na početku prvoga tala odmeknuli Mišem za gol a primeknuli, nazad, k prvem mestu. Dede Žaje je lopta prešla tam negde spod trejte noge. I upiraju jeni, upiraju drugi. Se dok Damir ni prodal Mire jen od sve specijalitetov, tam negde oko sredine igrališča. Mam je Alen Mire napravil očevid i autopsiju na mestu zločina. Z prikladnemi stručnemi termini, kaj ni vušlo oštrem sudačkem vuvu. V momentu se mesto MIB lože rezerverane za neobrcke drukere pretvorilo v Muppet show, to se viče to se skače to se davaju ekstra saveti. Morete mi se grliti samo mi se najte kuševati... Nismo v Zagrebu. Da je Miško na spodoben način v drugem talu piknul drugoga Muppeti su bili goli bažulek za show Neobrđanov. I več se činilo da je meša gotova da Petko meče svoj jubilarni 16. a onda kreče drž-nedaj. Na su sreču poluvreme traja 15 minut, šumske mere. I onda su si počeli dolaziti na info pult po informacije i vesti do je prvi i jel do prvi i kak biti prvi i dr. i sl. kaj ima veze z prvem.
Znate tera je ekipa z najvekšemi jajci? Mefkolupkemi. Kam got pukneš loptu pogodiš je v jajca, samo se prekrečeju kak kosture. Tigriči su došli v solidnem sastavu, posle se prišmajhlal i Turki, da bi ponovili uspeh od lani ali nisu Manekeni Glumci, a i bilo je je preveč. Tata Pevec se skros na skros pretvoril v golmana dok je Vaso osiguraval, z više il mene uspeha, sedeča mesta za kojzačke zavijače. Ak planera i drugo leto braniti moral bu malo više podelati na opreciznosti jel puno mu je leže pogoditi čoveka z gemištom, van terena, samoga kak duh, nek svoje dete il napadača z loptum. Nekak se činilo kak da duh Anđelka Grahovca leti ober Cerovskoga da je Pevec zletel 2-3 put van na po 2 minute. Osim kaj smo se nagledeli boli v jajce morali smo slušati i taktičko-tehničke detale ofenzivno-defanzivne sheme napada-obrane Manekenov z naglaskom na pasmaters. I ta bi letargija trajala do zna kak dugo da nas i pol Cerovskoga sela Neno Šebekov ni z svem golom predrmal. Kumek i Sep su se mogli kucnuti z svojemi polupraznemi flaša. A si drugi zabiti kaj jebilo i posvetiti se tekučemi pitajni. Verujem da je Nene više bil pun * mejnati Pefca na golu i stalno se oblačiti i slačiti, te obleci marker te sleci marker. Posle su verni drukeri Kojzače pofalili suce kaj su pomogli Manekenom da pobede, tak da su Pefca držali z vajnske strane crte igrališča. Inače, pitajne je kak bi to završilo... Jel da su Tigriči pucali penal Bozanič se slučajno našel ma mestu de i lopta, sam bog kaj ga ni v menzu pogodila.
Poprilike v istu dobu da su se na istem mestu skoncentrerali Glumci i Bebe i dokančali kak odigrati utakmicu i popiti nekakve pive zabadof na račun toga a "slobodni" Šilakovci pasli protivnike i pridelalavli taktike za veliko finale i dok se Vinca zvani "tenk" letos prvi put viđen v dresu Ilovače 2 zagrijaval Švabi i Ribiči su počeli svoj hod po trnju. Mam na početku poznati bubnar grupe Lips Prosinečki efektno završava svoj gol z padom na mali mozak. A posle da je golman potajnural nekoga v svem petercu još ga je i dopala "čast" da stane na gol, i da ga Črni prelukna. Posle su Jagoda i Kruno malo popravili dojam ali utakmica je pripala Švabom. Črni je dal 3 gole, Danijel 2 a "mnogo značiš za svoju ekipu, Joža" jenoga. De ga ni - niš ni.
Vrapce je doneslo pune pouzdanja, zajdnu jem dobu ide da to ni normalno a i Miro se vrnul z Čevapčiča. Plemenitaši su bili puni sebe, zvezde, zvezdice, polumesecov, pojačajna, nade i do zna čega i koga još ne. Samo je Boro falel. Taman su počeli delati plan napada da su skužili da jem glavna faca ekipe fali na terenu, moral se Tomek dovleči na sred igrališča da to amenuje. Publika se malo zvrgla ili nisu imali motiva kontra Vrapcov, z 200 su spali na 50 gradi. Čak je ni preveč prebrikalo ni da su rano poveli. Vrapci su ostali smireni kak pišče f škrijne. A onda se dogodil zastoj jel je lopta završila na drevu, jena zbušena druga gore. Da ni bilo vlasnika najvekšega transfera v povesti Lige igrači bi mogli ostatek lige samo tancati na igrališču. Čovek pauk je goli * za ovakovo spašavanje Lige- prije je bil dole nek gore. Onda je Vinca pokazal kak on doma diže kombajne i traktore, odkad mu se dizalica pokvarila. Pitajne je kak bi to završilo da Števa ni dal gol i poravnal rezu. Ovak nigdo ni pobedil nigdo ni zgubil, most, i pravac "utopija". Ili kak je to bil slučaj z Vrapci, oni nisu mogli mrdnuti z mesta pak je "utopija" došla knem.
I dok se Ilovača 1 mudro bunkerisala zmed kupinja i gložinja ali ne predalko od šanka na teren br. 1 su zbežali večni rivali; na leve polovice živuče legende i sedmerostruki prvaki Lige v platinastem sastavu z lentum i lilani, ojačani z svemi drukeri, ženami i dovicami a na desne polovice fenomeni z sela Hojtna, uzrok i razlog zakaj ovi levo nisu bili osmerostruki prvaki Lige, brojni, mnogobrojni most čak i prekobrojni, pod budnum paskum svoje legende. Sponzor je mam donesel gajbu za kaparu, da se vidi da se ne igra zabadof. I dok su jeni i drugi ginuli na terenu Manekeni su vodili polemiku kulko bu treba pitona i železda, kakvi šalungi za spomenik palomu borcu kaj se bu delal na Kojzače. Taman da ga je Beli drugi put del Bebam i nemu ga je negdo del i utakmice je bil kraj. A onda su se pak si pospravili v svoj zajednički čošek i zagajbali si po jenu.
Za kraj nas je čekalo ludilo zmed Ilovače i Laptiričev. Ilovača naglancana kak... srebrenina a Leptiriči osakačeni i još pod dojmom od lani i loše karme. Gazda Edo je to posložil kak je znal i mogel iako mi se čini da baš zamene ni ni bilo tak da... I tak su oni upirali sim i tam i cipelarili se po cevkami se dok Štefek ni piknul jenoga v svem stilu. I tu se činilo da je meša gotova. Ali je gotova vraga. Najprije je još jakši pritisek jene i druge dopelal do toga da se atmosfera vužgala, par put, pa uletava publika, pa zaseda sabor, pa ustavni sud onda dojde milicija i tak to. Glavno da ni treba hitne i da se si betki moreju rešiti na šank linije. V drugem talu Anđo ravna rezultat z jenem tehnički doteranem špičokom i Kravarščani noriju z obadve strane crte igrališča. A onda pak posle uletava publika, sabor, sud, prosvedi, milicija... A na kraju Leptiriči v ovem nategnutem sastavu posle "saobračajke" ostaju bez još jenoga igrača. Na sreču fletno je došel kraj.
"Napomena, vrlo važna napomena!!!
10.08.2014. igramo 12. kolo u organizaciji Opatije. Dogovoreno je da se tekma CEROVSKI VRH - DUBRANEC igra u zadnjem kolu na Ilovače kao prva tekma dana.
Ak se pak kaj ni brikalo raspored bi poprilike zgledal ovak;
15. KOLO se igra : 15.08.2014. DUBRANEC, 15,30
CEROVSKI VRH - DUBRANEC -revijalna, zmed Ilovače 2 i Ilovače 1
VELIKA BUNA - KRAVARSKO -derbi na osnovu stare slave, Buncom ne igra puno a Leptiričem treba
MALA BUNA - HOTNJA -derbi, obadvoji uzlazno, Vrapcom treba, de češ bole mušterije za nakurene Bebe
POKUPSKO - CEROVSKI VRH -rešavajne pitajna
KOZJAČA - GORNJA OPATIJA -Manekenom treba a bumo videli jel Švabi daju
NOVO BRDO - OPATIJA -Etna, lani su Tigriči skoro na Cerovskem presložili tablicu, pitajne je jel letos imaju kapaciteta za sličnu misiju
GORNJI HRUŠEVEC - LIJEVI ŠTEFANKI -Krakatau, Bojsem gori pod nofti a Obadi su več sad ober svega kapaciteta, ak zemeju Bojse iduče leto dan živeju v legende kak i Plemenitaši od lani
ŠILJAKOVINA - DONJI HRUŠEVEC -Balerinam puno znači i nosi, ak se Brazilkam nekaj pod hitno ne premeni- jednosmerna... ali ovo je Breška liga...
Z obzirom na raspored i rasplet/zaplet suci i nogometaši bi mogli biti ludi a publika uživati.
Još od početka Lige pred dva mesece na Hojtne- nigdar luđe!