Mokre gače na suvem drugu I, tak, završilo nogometno prvenstvo `Rusije i 9. kolo rukometne breške lige. Bute rekli, kaj pak ovaj zalokani Kurilovčan bagušera slamu od konoplov, če niste imali tu sreču biti v opičinskem središču na den taj i taj. Zakaj rukometačko? Zato kaj su rezultati skoro kak v rukometu a i nekteri su puknuli na Mirzu Đombu i negov cepelin. Pozdrav Robijašom, i nijovem atomskem udarom. Žene, paralelni događaji, godišmi i utaknice su očuklavele mnoge ekipe a nekteri su se i nasukali na crvenu kockicu. To jem je od luka. Neimenovani izvori veliju da je od ovoga kola najviše profiterala Kravarska jel em nisu morali brigu voditi oko utakmice1 i utakmice2 em su si dan prije mogli dati oduška. A i dan posle. Tigriči glediju tablicu i veliju, gasi Ligu dok smo prvi, delaj abortus, netrebamo više igrati. Kak i jeno leto Manekeni da su je novine kitile z naslovi "Kozjača, stroj koji sve melje". Velika se nesreča trefila Badelovem Desperadosom, 33 % je fali, kak da bi gledel čuču bez glake. Ostavili kolegu malo pri balerke da podmaže i pošarafi za drugu seriju a posle ga našli na podu zamotanoga v plavu špagu kak mumiju. Usisala ga mrcina i splunula kak kobasu. Veliju, Jadro, vidimo da si dobro i da dišeš, žurimo se na utakmicu, bumo te došli posle spasiti za jeno dve vure, ak nedu predužetki i penali. Naj nikam iti, takov. Bumo nekaj popili v tvoje ime i za tvoju dušu. Niš se neboj, niš ti ne, bar ti se ne koža rulila i nofti frkali od pijače. Si ju! Hola! Pokosko je prije "one" utakmice bilo solidno "karerano" a pred samu prectavu je počelo "preslačenje kaputov", vađenje zastave, rekvizitov, hulahopke za ruke i noge, trube, mrzle pive, toploga odojka i okapanje krumpera v potrage za puškum...
Veliju da se saki sukob odvija na najvišem nivou na tem do bu komu navrgel svoju volu i svoj način premišlevajna, jenostalno povedano prajne mozga. V zaostale utakmice kaj je igrana kak predsat Manekeni su oprali Štršane i zvana i znutra, i odozgor i odozdol, kak da se igra v arene Kozje drage a ne na bubrežnem kamenčiču 7SS. Za Štršane je svatba il predugo trajala il još ni ni završila. A Manekeni, ta gorda alkoholizerana stvorenja, z privatnum muzikum su još navek negde v šume i putuju od fafane do fafane, bar po spominku. I za Sepa, i za pokojnega..! Nisu bili na svatbe ali je svatba bila najnemi.
Pink su došli a Panteri imaju kolateralne obaveze v opičinskem središču po pitajne tera su prije kakti * i Bojse. I setim se ja tak negda na negda toga dana v trejtem mesecu pred jeno tri lete da Joe veli; ima nas 14 z Vukomeriča i 7 z Lučelnice a Petrac mu odgovara, mislim da ti to ne dosta. A, odonda se i Messi od* jel se razočaral v se kaj vole mladi. Tu i tam dojde vubiti teru pivu i poveda kak je to bilo `91. Limun-plavi isto imaju nekakve probleme po pitajnu hardwarea, kvoruma, sintetizacije kadra i monetizacije pobede. Mislim, najbole su ovu pobedu monetizerali Tigriči na šanku, a Bok moj. Moji, si, Rođeni su se doma posvetili jene sasma druge utakmice, skromno, vuz pečenca 140 kil, zdelu 40 litri krumpera, de tero pero luka i tenku šniticu domačega kruveka, kak bi rekel jen, sat več, pokojni, da bi čežnu videl Beli Zagrep Grad. Pritisnute tem i takvem problemom došle su na Pokosko stare kuke predvođene Joeom 1, teri je zval stanovitoga oružara da mu z puškum rastira goste jel se ova utakmica, žnemi il bežne, jednostalno mora odigrati, i Joeom 2, teri konkurera za igrača kola, v konkurencije za osobe treče životne dobi, da je več dal CROgol dana, ak mu dobro pregledamo čez prste i dobro zažmirimo, il zaškilimo, na obadve oke. Pak nisu mogli prebiti plitku obranu Pinkov tera je varerala od 1-1-1 prek 2-1 do 3-0 z gustemi izmenami golmanov i počela je nervoza kak na jene prijašne utakmice da su se zamalo poubijali da su vodili 3-1. Mam je bilo leže da je jen zafičok završil v podrapane i sprhnute mreže severnoga gola. Baš si nekaj mislim, kulko te mreže oko igrališča i po gole još moreju zbaviti, krpanja. Ja nove ne pametim... Da jen zajde to ti je kak da prije poplave miš preje kop - najprije precuri a onda pukne kop.
I na Ojtne je kritično, i ne očeju miši. I Gruntovčani. Iskal se rent-a-igrač za pivu ali ni bilo preveč zaintereserane, da baš ne velim nigdo. Gruntovčanov je došlo pol sela i još pol dijaspore z emiratov, vidi se da selo žive za ekipu. Il pijaču, v teru ga ruku zemeš. I Bebe su igrale čudnovate verzije obrane a glavni moto utakmice, il napada, jem je bil; ništa auti, ništa korneri, samo bunker do jajnikov, i po potrebe šuma i kuruza. Si su se Gruntovčani uspeli zapisati v statistiku, osim Dominga, mislim, i on se zapisal v statistiku, ali drugu, i veli; dejte vi kaj morete zabiti gol ote van da mi kaj nemremo zajdemo nutre. Bebe su mam, da su ruknuli gajbu pive, i prije i posle, skočile v svega golfa z prikolicum z bačvami, i pravac po napoj. Veliju, od nogometa se ne žive, bar ne si, od svijn da. Nismo mi Modrič a i on je negda bil
čoban, veliju.
Osokoleni z pobedum z terum su Pokosko poslali domom, do iduče utakmice, z privatnum muzikum i stanovitem brojem pive v riti na teren su se povrnuli Manekeni, taman baš v pravu dobu da pošeleju Sponzorov auto v autolimariju. V drugem čošku pak v savršeni krug, v centru teroga je Vinca na paperu od gableca crtal plan napada, su se zbili Legionari. Da jem se pak nebi ponovile utakmice protiv Brda i Ilovače. Manekeni kontroleraju svoju drugu, od tre, utakmicu i samo je malo deli od toga da navlečeju crne oblake nad Vrh a onda jem se zakompliceralo "na crte". Kaj majstorski koristi Buco i zavija v crno Manekene z debelem kvorumom. Ak je utakmica gotova...
Ta predivna žuta stvorenja su imala sreču, il nesreču, da baš prije "one utakmice" igraju z "domačini" teri letos letiju visoko za anale. Sporcke, ne rektalne. I terem su zakomplicerali život do bola, a i sebe. Stalno Robijaši držiju utakmicu na vage i pretiju da ju prevagneju a Duba ima sreču kaj je svojemi zubmi natukel tulki korpus da more zapreti čem vekši tal gola. Peki pak na druge strane nima te problemov, il sreče, i more se pofaliti samo z kareranem rupcem na glave. Jen "slobodan" se još dugo bu prepričaval od nazočne i nenazočne na ove velike predfešte od nogometa prije prave velike fešte od nogometa da živi zid ručno rešava se pretnje golu. Veli, štel sem Pepeku pomoči. A, Pepeku se nebo na glavu vrušilo, malo kaj ga srčana potopna pumpa ni izdala a i publike je bilo oko srca toplo i milo. Dobro kaj ni bilo puno tupe predmetov oko igrališča, da ga negdo ne odrobija. Tigriči takve poklone, negda, ne odbijaju a Mali ga je kvalitetno pospravil na toplo, na oduševlenje navijačic. Dok su navijači zestavleni od trudbenikov Metalogradnje i Dalekovoda mam čarili "vlakiče žute vagončičev", kak na Kravarske čera. Veliju Robijaši da ubuduče svoju rukometno-odbojkašku zvezdu vežeju il z lisicami il sponami il z bekovinum. Pa, nisi ti Perišič!
Došel Beli mam po utakmice v dresu i zgleda se, nigde nikoga z "argentine" a na druge strane se zagrijava Ruševec i pol. Reko, Beli, des je takov dan da se igraju samo obrane 3-0, ti buš prvi kaj buš sam odigral. Veli, * se, eto Zeke. Reko, dobro, kaj buš branil il igraš v napadu, morete se tu i tam zameniti.
![Smiley :)](http://www.forumgorica.com/Smileys/SoLoSMiLeYS1/smiley.gif)
Onda je došel C3 pun igračov, to nevidiš prek čez šajbu, kak šunka u ovitku. Nemaš više koga *... Veli presek utakmice ze zubi jednoga kibica; imate je, vi ste boli, oni nisu niš naopravili, se ste jem šanse vi stvorili, čuvajte se kontre, oni su 3-4 tej čas v kontre pred golom. Žac si je, pak, donesel navijačku trubu, zvuk; lubavni zov smrtno rajnenoga tuljana v mrzle vode sred oluje. Valda ne zel Barišiču sluv i na drugo vuvo...
Stanoviti igrač stanovite ekipe je uredno rešil odojka od čera, stradaloga od izleva krvi v lončič, jedino se malo preforseral z lukom. Tak se kontamineral da mu je počelo vudirati na gornje organe. Ali to ni smetalo ni najmejne sem v publike da ga pod*. A baš za inat tem i takvem on je na početku dregnul gol, samo takov, najboli v konkurencije za osobe druge životne dobi. Štršani, na začelju z Pekom, rasp* od Manekenov i Francuzov, ne puščaju nek napadaju ze se strankinj i strancov. Na kraju je naša zvezda morala popustiti, ne pred Štršani ili suci nek pred lukom. Da su ga išli snimat z Garlic-onion trackerom povedali bi nalazi da on nema luka nek luk ima nega. Deset lukov z čevapom.
Nigdo ni ozbilno razmel ono kaj je čera povedal Jr. Samo Tona. Da je videl da od čoporisanja Šilakovine ne niš moral je pribeči partizanske taktike. Kak je išel prema Pokoskomu tak je bral putnike po autobusne stanica tak da je došel na "face of the place" zaliha je več, za uvete, bila više nek zadovolavujača. Izvedba, solidna. A da je piknul gol i ta i takva Šilakovina povela tribine su spluderale, VBR su počeli tuči rafalno, bengalke su se palile kak da smo razmonterali Francusku a ne ona nas. Malo je bil problem da se počel slačiti, suci, osetlivi na estetiku, su mu z dvemi prsti jene ruke pokazali kaj misle o tem. A utakmica? Ni bilo Alena - ovaj je rezultat super!
* te LED! Da svetla svetiju a niš se nevidi, nek moraš pipati po igrališču. Još da se megla navleče kak da si si prevlekel kožicu prek glave. Beli, ne orginal, mislim, orginal al ne 1 nek 2 se hitil v biznis kak Mamič. Ne ovaj nek orginal, mislim, i ovaj je orginal ali onaj drugi. Beli je od jenoga pitomoga dečeca kaj nosi majcu od Supermana i stalno vesi na šanku napravil krvoločnoga egzekutora, terminatora i ubojitoga napadača kaj z svojemi Sport Billy tenesicami zabija i z petjum i z punum i z praznum i z kvalitetno tehnički doteranem špičokom. Ne treba reči da mu je Beli i manager i trener i osobni bankar. Da ga je v svoju ergelu zapisal drugi Beli i dale bi vesel, samo z druge strane šanka, a tenesice bi poništil v popikavanju po štengami dok bi išel z bertije van, struganju po ceste dok bi lovil zavoje i kopitanju po šume. Kak Crni da je, dobro, upoznal Beloga, orginal... Bune još navek ni jasno kaj jem se trefilo, de su bili i do jem je zabil gole.
Negdo bu rekel, ni slama nek pozder, *.
Najte kaj zameriti. Do se od istine pomogel.