Isprcavanje na Normandije
Baš da je bilo treba pojti na praznik breškoga nogometajna se se nebo do Babinoga kuta zaprlo. Reko, bu nas opralo kak got teško... Rekel i z* se. Do o čemu, kurva o Mamiču. Velika se nesreča trefila, poginul mu je šetoflin. Nisu nekakvi penezi f pitajnu; lako za penezi. Da si gazda, onda ti penes ni ni treba. Nek su mu nutre si majmuni v plastike, oni kaj je milicija gledi, oni kaj je po banka glede, oni kaj je po, nedajbok, bolnica glede... Pošteni nalaznik, il prije nalaznica, mefka srca i, oštra, oka, nek se smiluje. Če ni pret jutro bil f kvaru pak moral bežati čez obluk a lače i... ostalo na mestu zločina. Veli, polopsalo se 110 litri vina, domačega, čeprlina se prinami ne pije, i 50 gajbi pive, nekaj soka, moraš ga imati radi dece, da nekaj cmrču, brojili nisu kulko, ni ni bitno. Ostale su još 4 litre vina, to bu treba des rešiti da ne ostalo i pozlu prešlo, a onda prestaju piti. Toga je več dosta, treba se nekakvoga posla oko iže prijeti. Više ne pijeju. Ni mejne. Toga je dosta; više se nezna domom vrnuti, moral je spati f kamp kučice, il čučice. Sam Bok kaj ga cucek prati pak se pojnem zna orenterati i tak negda na negda dobludi domom. A i cucek je krif kaj mu je brada žuta; da povrača of ga mam obliže. Nekak mu se čini da je ovu noč bil i pri Kefe, šifra; odojek i tak to, ali ni siguren. Kak da mu je modzek trnul, par vur mu fali kak got da okrene gruntat. Pošteni nalaznik, il prije nalaznica, mefka srca i, oštra, oka, nek se smiluje i vrne mu te tri-četiri vure šumske mere života. I šarajtuš, če je f kompletu... Nisu to nekakvi penezi ali se čoveku lepo vidi. I zate se penezi more nekaj još toplo i živuče pomrdati, na akcije, z popustom, na snižejnu... Toga je več dosta... Pita, jel bil dober odojek? Reko, je, si ga faliju. Ovi z Kravarske vele da je mam planul da je došel na stol. Reko, kaj niste slikali. Vele, da do bi slikal, taj bi ostal suve ruk i praznoga dropca. Veli Mamič, je , bome, čem smo ga posekli mam je nestal; dok si rekel „kotlokrpina“ ili „raskiselišelitiseopanci“ več ga ni bilo. A moraš imati nekaj za pot zup hititi. To dojde gladno, nemreju vu se samo pijaču zlevati. Navek da si misliš da si se videl onda te nekaj preseče; ide Kaštelan Lukavečki i nosi termosicu dvajs` litri, kak protutenkovska raketa, Bok`prosti. I onda ide pak i nosi kištru vode. Veli, nemo mi pili kakvegot čavle ot tere se ludi gubiju kak štoplini, kluči il drobni penezi žepu. Na večer imaš pošten posel, dobru ženu i pravo društvo i otijdeš na "jene" i nogomet a zutra se prebudiš z kravatlinom oko vrata kak tajnik političke partije. Il žrtveni bik kanibalskoga plemena v zabiti Burdela Faso. Veli da navija za "limunplave" otkat žena ima kobilu `štale `Markuševcu. Nezna kak se zove, Milka il Ceza. Kobila, ne žena. I to mu ni ot čavla. Mužar je pak nestal, ima tona, nema slike. Da se ludi nemreju sporazmeti z rečju onda to probaju z šakami, kak da bi prevodil na strajnski jezik. Veli, Raščani nisu za niš drugo nek za vatrogasce; nit nogomet, nit tancanje, nit košarka, nit kaj drugo pot kapum nebeskum. Samo vatrogasna sirena. I mužar. A prije mužara nisu imali... Dubrajčani su se, i Parikožari, da je več sunce zdavna zašlo, skrivali pot živicum fladu da nedu pogoreli ot zvezde i podlevali se z kopertonom. Malo lagano trnuti. Onda se nisu mogli dokončati da de bi bil mužar Rašče; jel pri Slancu, jel pri Krajačiču, Markulinu, Bačurinu, Arbanasu, Fijoliču, Kranjčine,.. Pak teri su Oderci a teri Raščani. Pak do je došel po mužar... Baš je bila zajdna utakmica da je program več preveč šumel, niš se ni razmelo, antena se svinula kak bickov *, ni bilo tona a bilo je slike a onda su zasukali kratke rukave... i dejdali. Suncobran je negdo z matorkum vrušil, ludi su počeli bežati kak da je of čas spluderala bomba alkaiđanka, žene su pokupile decu a paraplegičari i kvadriplegiočari su se zubmi i z uprtači vlekli ze zone sukoba. Posle su se tak vumešali si, znani i neznani, šake se lesičeju, berba šamarelic je v punem jeku a mužara i dale ni. Još bu ispalo da negdo zgleda kak da je bežal ob pol noči po nakolenomu bažulu... Onda su se počeli namerjati na Foto Užas. Vele, sim dojdi. To ti je taj kaj one bedastoče mele i šrota o nami. Reko, kaj očeš, vrak te *? Da te nekaj pitam, zemi osmrtnicu sobum, neznam kak se zoveš... Da je došel tam tak su ga šlofili da su mu šmrklini i ono žuto z vuva frknuli dva metre dale sucu na tenesice. Filma je nestalo, baterije su se spraznile, kartica se zbrikala, negdo je gasil svetlo a objektiv, a posebno subjektiv, se povlekel vuse kak * mrzle vode. Veli sudec, a, kaj je to!? Vele, pluskovi! A, sat nastavi dristati po internetu kak mladi golup. I ru-bi-tu...Te *... Te te *... I ru-bi-tu... Te *... Jes ga lepo pogodil.., ja sem i prezadovolen. Bar tjeden dan bu poštambilan odil po Gorice. Ja se mam setim onoga preglašenja pobednikov pret tri-četiri lete da je počela gužva domu, rana odvečerka, a osiguranje počme med njemi držati govor; "Ja da sem pijan sem lut. Još nis, malo mi fali, taman da ruknem ovu pivu kaj ju `ruka držim. A vi mislete kaj bute delali, kaj bute posle i kak vam bu..." Ob pol dve jutro dolaze plavi anđeli zapreti dom i tak to... Da divji rastiraju pitome. Pokupiju mrtve i rajnene. Napraviju račun. Popijeju rakiju. Tera se, istina i Bok, vevo ne toči, samo kupovna čeprlina; Jetra eliminator, Pesticidi apsorbator, Mozak anestetik, Prebijač prela v glave, Bubreg ventilator i Bebi pijača z čudnemi imeni i farbami, model antifriz. Pravi lubiteli nogometajna kaj živeju za nagajnajne lopte i gledenja v istu su z prvemi pevci otišli po kruf `dučan z malem fergusonum a posle se z dučana navrnuli "na jene". Da nedu zabili kruf il da ga nedu cucki načeli vrečicu su obesili na auspuh. I tam je bila da su popili "jene" i da su se otpravili k domu da su več kokoši zašle spat. Lagano, od bankine do bankine.
Obadi se nisu dali loviti na krive noge Pilarom nek su mam v prve sekunde preluknali dežurnoga krivca. Da ti tak počme dan jasno ti je da tu kruva ne. Na Uglanu je, vele, lepo vreme tak da ova konstatacija stanovitu individuu ne * ni kulko je črnoga pot noftom na *. Setim se ja tak našega Jože, kaj ga fajn dugo nismo videli, pret par let na sastanku pret početek Lige, veli, nas je z Vukomeriča 14 i 7 z Lučelnice... A obadi... Oni bar dva put tjedno imaju proščenje, i to ne doma nek na strane.
Miši su se pripravili kak za godišni, z tem da nekteri ranjeniki nisu mogli napustiti bolničko lečenje. Leptiri su je jako dugo trgali a do kraja utakmice je nisu uspeli strgati. Kak da z kosilicum prejdeš po trave, opadne rosa a zutra imaš kaj si i imal. Il je tup noš il imaš jako široke kotače il elastičnu travu il raste ` PM. Prijatelsko nad* v gajbami z Ruševcom od čera najnemi ni ostavilo traga. Il su baždareni na više il se ne sečaju da su se vredili i poništili, il pijeju v rit a ne ` glavu il imaju još tero prelo il iberlauf kut jem curi van il je je preveč v ekipe i publike tak da jem je čelav prosek po gajbe-čoveka/stanovnika/selaka...
I Šumari i Glumci su bar pol utakmice trgali prijespomenutu i prijespomenute. Taktičkotehničklošahovskomudrijaško nad* nikak da rodi plodom ni jenem ni drugem. Sukop dve škol nogometajna se rešaval kak na brvnu. Buša se oduba, mejna taktike, preslagiva ekipu, okreče ploču, špiči kredu širočkum, crta, briše, piše ali ni efekta kak ni v štemanju betona z *. Mrki i ekipa stoje mrzli kak friška tuča, muče i ne mrdaju, kak da glede na televizije reprizu reprizine reprize v črno-bele tehnike. Glumci mudrijaju i probaju prebiti obranu Šumarov ali se to završava kak da bi z kolcem dregal v stog sena. Vrtiju se filmi, kaj bi Fabijo Kapelo napravil, kak je rešena trejta ofenziva, teri su broji zlečeni na lotu..? I onda je jen, više ne nek da, završil v golu i jenem osigural svadbu a drugem sprevod.
Badel je došel z 140 % vole i elana, 120 na vuru, šumske mere, čisti kak igla z suncem v očima. Franc je bil spremen za "Dragu", da ju je imal do odigrati. Se je na nivou samo nje ni. Ni Luckyja, njega peglaju po bolnica. Markovi Ševci se lagano podlevaju z predikatnum kaplicum z vinogorja Zapadne Svete Kate i točiju do got oče. Skoro kak v samoposluživanju. Se se to lepo čuje kak brbučka dok se zagrejavaju, kak na pol prazen krnister kaj se vozi na traktoru. Prvo poluvreme Manekeni drže nulu veliku kak štagel i parma, moral je na visokem nivou, ma, Lakovica je goli * zavu visinu. Dok jem ga Ševci nisu dregnuli, onak muški, odostraga. Preboleli bi oni i to da ni bil gol pa je bil gol pa ni bil gol. Franc se prijel za glavu i otišel na šank po plivadone.
Visoko metiverani legijonari su se nasukali pak na Švabe. Još su spočetka kak-tak i držali ritam nereda Mamičeve manekenov dok obrana ni zaspala na mrtve straže. Da su se hitili v napat bilo je još i gorje. Prije su pri Futače Klasniči kolo vodili a sat su taj primat prevzeli Brajkoviči- tata Želko svršava dvaput, ma kaj dvaput, duplo više nek prije. Ima još i nekakve nacionalne manjine ali ojnemi bu reči da sami rešiju osmu ofenzivu.
Nemreš ti.. Nemreš... Nevini i neinvolverani promatrači su se šteli hititi f Kupu i ftopiti od muke teru je na "7 sekretara skoja" preživlavala kača. Ilovača. Oni kaj nemaju veze z nikem jedino voliju gledeti kak se lopta kopiče su dobili mlade od porođajne muke osovine Dubrajnec-Gustelnica. Više su si masti, ulje, špeka i žilcov sami zvadili nek kaj su to napravili Štršani v naglancanem sastavu. Da saki premaši minimalno deset lopti, da sprestrelaju su stolariju na golu i se oko gola dojde ti da deneš papovku zube, sezuješ tenesicu i štumfu i z kurjem okom na palcu desne noge si pukneš petnajst put `glavu. Če uspeš modzek pogoditi dobro, če ne pak dobro. Štršanom ni Kruno pačil z svojem carinjenjem lopte pak su mogli dojti do izražaja. Rekli su kibici; dva razlike za Pokosko, prvi nemreju više nikam a drugi gola nemreju pogoditi. Ma kaj gola... Štagel z pet metri bi fulali! Amfiteater znutra, fičeka znutra, vreču z 100 * i 0 *... Moral je Žac inter-venerati v vene i povedati jem; il bute si tu pomrli na igrališči il vas ja bum postrelal jel ova komedija više nemre tak oditi, ja domom pušače ne pelam. Prvi se zas* Grga i to se mam videlo na rezultatu.
Rekel je Muža svojem pulenom; dečki, ona sramota od čera se više nesme ponoviti. Na stranu pijača, matorke, tenki žilci, debele žene, se fele drobne i velike živine, mali fergusoni, krampi, zublače, fleksarice i švajsaparti ali to tak nemre iti. Ak mislite da more ja vam bum presudil, tu vas pot živicu hitil il po Kupe poslal jel takovu sramotu nemam nameru nazat `selo voziti. Sem se d* `riti smrzel jel ga takvoga još nisu videli i prijeli su se posla. Veli, domačini a jedva su se skupili za utakmicu. "Gosti" ze Strezurjeva su zažuteli igrališče kak da se suncokret kombajnera. Bebe su mam na početku piknule jen kvalitetni zgledanec Peje v gol i tak ga vugnule z nastojanja da dojde na dober put kaj vodi na jen od dobre putov da zajde v legendu. Mislim, more on i ovak v legendu ali to ni ta, ni to. Ilija si je oblekel "win" dres i to je več k nečemu bilo spodobno. Veli, nis ja kriv, to mi je jedino žena oprano i speglano priredila. Bebe su tu pupčanu vrpcu do pobede od jenoga gola (jedinoga, viška) znalački držale pol vure i akonterale nove bode proti susedom i petokolonašem z susednoga sela.
Zabadof imaš mali milijon igračef da ni Dube i Šakija. I Mazala. Mislim, saka čast Sukiju, polovil je kaj ja sigurno nebi, ali nektere su stvari preveč zajnega. Zabadof i zeti i sneje i drukerice kaj se v kritičnu dobu ftaplaju po Kupe i čekaju da je princ na kojnu, il kojn v princu, kaj mu trokut stoji na prvu stran, spasi, ali ni nužno, more i bez trokuta, na prave strane, da su se Gruntovčanom vrnuli Gospari a Medo na jene noge, il tri, kak ga zemeš, okreneš il glediš, suvereno gospodari stručnem stožerom i prenaša na ekipu se znajne kaj ga je OFK Kupa kupila "od stoleča sedmoga". Baš da su se oni najz* drukeri Tigričef vrnuli z šanka z okrepum nijovi su puleni dobili gol. Reko, čemu se veselite i kaj slavite z pivami, sat ste ga guknuli. I oni bez reči pive "tuf" pot banderu, i cucku kaj neče pražetine jesti.
Ona kaj ni trebala biti a je. Šinovi z debelo podeblanum statistikum su dobili apetite da bi zjašili suverene Bojse kaj su več porešavali se moguče kontrafavrite i konkurente za "naslov". Ne iduče, nek ove, godine. Kak veli ona breška; nema popusta ni propusta. Ni pive se ne rešavaju, za drva bi se več mogli spominati. Se se bu zabilo samo bu ostalo da su Šinovi dali 140% od sebe i pali v samem kraju utakmice a imali su Bojse v šake. Samo kaj Bojsi osim nogometa znaju i druge tehničke detale kaj rešavaju utakmicu. Stari su to lisjaki... Ovo je više bila utakmica za prestiž nek za bode. Moremo mi biti 61. na tablice ali...
Nema popusta ni propusta.
Najte kaj zameriti. Do se od istine pomogel.