Ne reči ne, da reči da
311 Cerovski Vrh. Matrijal za rakiju još ni otkipel a lajnske ni ni v sečanju. Veli Tomica, i mene je dobra. Buduči da su jenoga slali v papučare a tri vojsku jedva su preživeli momačke, devojačke, oproštalke i isparačaje. Nekteri imaju bar 3-4 črne prele v glave. Kak da bi se teleporteral pišat pod živicu na večer a zbudil `jutro doma v postele. Ali na Cerovskem kak da je vreme stalo, kak pri indijance; reko, muži, žene vam delaju a vi tu sedite i pijete. Veli jen, a, de su bile jutro ob pol devet!? Drugi je mam navrgel, a, `jutro ob pol četere? Jel ima tople pive? A,.. kak se zeme... Ali, šankerice pun šank, birana i klasna roba. Tak da se piva imala od čega zgreti ak se je (da ne negdo nakolen završil svoju amatersku karijeru v usponu z usponom na štihaču). Se mi diraj i kuni ali v pijaču ne peši. Kak se Tomica pod stare dane počel baviti z arheologijum tak je svoje karijere baš of dan dodal još jen biser, otkriče bez presedana, kaj bu premenilo novešu povest sela i tok breške lige na Cerovskem. Otkril je v/na/pri Očiče još 30 jezeri litri (30 000) vode za zalevati igrališče. Se moreju raz* samo pulitičari ak mu se počmeju mešati f posel. Veli, škoda je tu dragocenu kaplicu trošiti samo za zalevati travu, mogli bi na proleče hititi na igrališče još kakve eko-etno-bio kulture do pred samu ligu a onda se skombajneramo, spravimo i prišikamo igrališče kak mladenku ot kakvoga plemenitaša. Nekakof mak i konopli su bili v igre, ne industrijski GMO nek baš pravi orginal lekoviti. Samo domačija. Na Cerovskem stalno nejakovi problemi; ak ni igrališče onda se skomplicera na nogometu ak ni nogomet onda je totalna blokada po pitajnu strujnoga napajanja. Obečali su jem pulitičari da jem budu zabili dvajs banderi, šest na igrališču i druge okolo, da se vidi nekaj posle osme vure ali od sega skupa niš jel su izbori sake dve lete a do još pameti kakvo je kličje lani posejal. Ali i ovak je dobro, da je bole kmica bole se deca delaju. Samo moraš dobro paziti na navigaciju da neš krivospolnoga zadebal il on tebe. Drugo leto, ak Bok da, do žif do mrtef, ak pak pulitičari ne za* saki nek si zeme lampu za na glavu, samo najte vužigati dugo svetlo i svetiti ludem v oči da vam do ne 3.14-čku potrl da si počmeju na večer šumeti. Ili zeti lampuše, bele, za na grobje, il bakle, industrijske GMO dučanske, z vujlem protiv komarcof, dvofazne, il lampuše z patroljem. Da pak ne grdo i da se dekle ne trefilo a nezna skem a of ima črno prelo v glave jel mu je štakor z čaše prejel možđene i nikaj ne pameti. Briki mi se skros razočaral f ekološki češnak i ekološku heldu (ki je to grej!? to je kak tritikal, nit gmo nit mimo). NeVedrana žena ni pustila siže van jel je sobotu na Pokoskomu počel delati 3.14-zdarije pak je v kučnem pritvoru. Neimenovani izvori bliski, ali ne prebliski, da se razmemo, Vlade su dali naslutiti z svega iz-lagajna da je prijeimenovani, nV, da ima mejne posla z decum i da ne delaju 3.14-zdarije istem otprl račun na šanku tak da su se ovi prišikali kak spada. Mesto da je ima mejne 3.14-zdarije su se kubicerale. Da je male prebrikalo oni bi šteli iti skakat z mosta kak v Mostaru. Nemreš ti nem lepo objasniti, a mlatiti je, po zakonu, nesmeš, a da je počel objašnavati oni su več bili na pol puta. Navodno, velim navodno, je jen po nekulko put uspešno fulal stari most kaj leži na dnu Kupe pod novem mostom a drugi je, kak torpedo, uspel potopiti ribiče z dve lajdice i jenoga čuna a, navodno, velim navodno, je par put uspel i uspešno skočiti par bombi, tarzanov, oliverov, plajnki, čavlov, štuk i druge slobodne dicipline. Malo ga je * kaj ni imal špiglinov na glave da vidi kaj se događa z druge strane mosta kaj je, zgleda, bila vu tu dobu dosta, ovak, prometna. Nigdo ni niš prijavil jel se z čamca nesme loviti pak jeno z druge z trejtem, * ga. Korisnik je, v glevnem, nedostupen, jel mu je žena konfiscerala i mobilno tele. Nektri su vupoznali svega spasitela kaj jem je ob pol šeste vure pružil ruku, z vodum, ze šanka v obliku golmana Štršanof. Kakvi su to pogledi bili, kak da bi se izbeglice prvi put vrnuli domom. Kak da bi cucek čoveka gledel v nedelu mam po obedu. Pak se preluknala lopta. Ja neznam kaj z temi loptami ne vala, treba bi je poslati na Šalatu, f podrum de delaju oni dva crnci, na autopsiju. Ja si nekak mislim da nje onaj čip znutra predere jel zvana ni kaj. Kak i fližideri, škrijne, akumulatori i drugo smetje da prejde garancija vumentalno parne. Kak da je temperana, za samookidanje il samoopalenje, do otceplenja,
Neznam jel Gruntovčanom vekši motiv bil da se skupiju v milijonskem broju protivnik, da je našudraju kak, skoro, Kravarsku, il lad živice na Očiče z pripadajučem šankom. Olimpije kak v Ludskem parku Lublane, se se zeleni. A ni himna Vinogradara. Niti "limunplaveoluje" ni falelo; em si v svoje plemenite sučije, em nisi dalko odoma, em se moreš nateliti da te drugi domom nose. Lupino se vrnul z Krčke, veli da je našel kluče taman tam de je je ostavil, ovi su se čudili kaj to je i nigdo ni štel pehati. Sat mu malo slabeše sveti leva lampa na traktoru ali bu dobro da počmeju megle cureti a mušmula i oskoruš nadodojdeju. Ševci su formerali granitnu "rođopropusnu" obranu teru Gruntovčani nisu nikak mogli prebiti. Jedino "Rođo".
Dan je počel z pivum. I dolazek na Cerovski je počel z pivum. I utakmica je počela z pivum. V poluvremenu se pila piva. A o onem posle utakmice da ne pišem, ni tulko mesta. To je za `Ojtnu. Švabi kak got bili hendikeperani zmogli su snage da se odupreju napadu pare z `Ojtne. Veli maminjo, ovo je ko Bok, sam donesem gajbu, šank je tu nima ni dvajs metri, nemoram zvati brata z traktorom, si videl kakovi tu komadi delaju, bum si moral, kak got teško, još nekaj popiti, dok je videti, tu oni nimaju struje, oni su ti pod gradom Goricum, to ti je Bok oslobodi, mi spadamo pot Pokosko a si videl naše igrališče, to ti je mila majka.
Vrnul se Štefek z Nemačke. Se vas je lepo pozdravil. Još ni dobro otišel, rubenina mu se doma ni dokraja posušila kaj mu je žena oprala a on se več vrnul na godišmi. To ti Država. Z velikem "D". Joža je svoje najbole elitne snage dopelal još za rana, da se moreju dobro skoncentrerati na šanku, il od čera nisu prispeli domom. Vglevnem, ja sem je našel na "paljbenomu položaju", v paljbene poze. Utakmice su se jako fletno zasitili, na veliko razočarajne Žaca, z čistem obrazom, ali pokvarenum štopericum na mobilnomu tetetu, kaj je štel nabijati gol razliku da zbegne v četveroboju, petkoboju, šestkoboju, nezgodne Polance. Pijače slabo, veliju, Vrvec se rodi žeden i žive zato da bi se napil. Suci su prijeli signal. O zasičenju. Ona zapoved o neumerenosti v nogometu. Niš v veze z pijačum.
Veli Žugi da se čera vrnul, da su ob pet zleteli na Cerklje ob Krki pak ni stigel na Pokosko. Sino, to ti je čist dost časa za dojti a i obečal si, povedaju. Mi smo računali z tobum, veliju. Kaj niste odgodili, veli? Vuz tulko pijancof z obadve strane granice igrališča!? To ti je sigurneše ot smrtne kazne da buš ostal bez glave. Kak da bi v Rvacke v istem danu uvel porez na zemlu, porez na rakiju, porez na kišu, porez na zrak, porez na budale i podigel tv pretplatu za 5 lipe. Glumci su ovu utkmicu svatili kak da igraju na Kravrske proti `Ojtne trejte poluvreme one legendarne. Dremek na čavle, Buco na igla, Đajič sav v jene vode, Cico na štaka, a pot Križnem bregom strava, horor, triler i masakr hrđavum štilovkum v režije Bebe. I još su bole prešli kontra Bojsof.
Da se na Očiče zakumplicera to ni tri babice nemreju poroditi. Jen dan se Miši igaju z Šini v prve spore kak maček z mišom, cucek z štalskum šlapum il ždrebek z ždrebekom a drugi dan Šini očeju razmonterati nesuđene prvake. Prvem talu kumplikacije, drugem razmatajne, zamatajne, pak pak razmatajne. Leptirof došlo kak v susedovem zelju a došel je i rodonačelnik ruševečke klase. Godiniča ni bilo, on ima važnešega posla, zaleva drva po Gorice, il podleva. Miško još navek doma leži na krevetu i čeka da ga bu došla zmrdati kakva bosanka z Jajca, on nima čas, ima važnešega posla. Dok mu negdo ne prebije kod, i nega skupa z kodom. Za nekave bele slive kaj je obečal a nikak da donese.
To je trebala biti ali ni jel je došlo pak pol sela ruševečkoga a z Roženice i Opatije nit rajzerov nit navijačev. Bili su nekakvi ali su bili srameči kak popov *. Nisu dosta delali v predelu šanka. Il su jemali krive stvari. Mali jenostalno nemre delati ak ni konkretne i trde potpore odostraga a ona je `zostala radi prijespomenute razlogov. Obade živo boli * oni pičeju do došel il ne došel. Čak su uveli i mlade snage da se malo treneraju na Tigriči.
Dobro, nigdo si niš ni napravil. Teri su počeli utakmicu ti su ju i završili. Bilo je puno žalbi, ne za dvesto kune i pisane nek usmene i zabadof. Veli, Sivonjič, kak to Tijač more zabiti a ti nemreš. Ti si glup. Nis te pital jes ja glup il nis nek kak on to more a ti nemreš, Sivonjič. A ti si Selektor. Nis, Damir ti se vrnul. Da ni bilo Tijača vuz se zvezde Mišef Slavekovi poletarci bi jem, sigurno, namazali čuču.
Apsolutno nogometno prosvečejne v vidu seksa, il kontra, apsolutno seksualno prosvečejne v vidu nogometa. Došel je "onaj masni golman" , konačno, Mrki se šmajhla na dispozicije zaleđa f publike, Brunči oblekel "desetku" i turera, pol utakmice, na aut linije. Plavi Štršani ludi od žele i potrebe, o vole nima smisla opče govoriti, šank je, navodno, još ob pol šest delal a da je zaprt, ak je zaprt, nezna ni zagrebačka milicija. Žutoga su prodali v Egipat da bi imali za tenesice, pijaču i čike. Pek spije i brani. Rezultat vesi, suci spašavaju situvaciju i dovode šank v opasnost od nove navale.
Mislim, ja sem glup, to si znaju, stara budala, majmun i tu ni kaj za zameriti, il nabijati na štihaču. Ali... Ak ti je švercanje jenoga igrača za teroga si znaju da letos nema pravo nastupa za vas proritet i na taj način dopelaš druge v, malo je reči, nezgodnu situvaciju, il podređenu položaj. I još po* Manekenov teri z tem nemaju nikakve veze. Neznam kakva je poanta toga... I kak bi se drugi trebali ponašati. Inače da se igra gore, ak Grat kaj ne napravi, treba bi il dopelati aute da svetiju, il početi vuru prije (18/36 time out x min).
Najte kaj zameriti. V istine je spas v laži uživanje.