Svakidašnje teme > Sport
16. MALONOGOMETNA LIGA VUKOMERIČKE GORIC 2019. – MNLVG 16.
kuntakinte:
2.kolo, NEDJELJA, 16.06.2019., HOTNJA
Kravarsko - Markuševec 3:2
Pokupsko - Kozjača 1:9
Gornja Opatija - Opatija 3:1
Novo Brdo - Šiljakovina 1:0
Cerovski Vrh - Gladovec 1:1
Lučelnica - Dubranec 2:1
Gornji Hruševec - Velika Buna 1:1
Hotnja - Strezojevo 0:3
Donji Hruševec --- ono da ti kazna otijde v zastaru
kuntakinte:
Kravarsko - Markuševec, MNLVG16., 2019.06.16., Hotnja
www.rutube.ru/video/2d66fbf738252f76dd03056d91cb4a20/
Pokupsko - Kozjača, MNLVG16., 2019.06.16., Hotnja
www.rutube.ru/video/1072ed18d2a60204b91e7be9bbd576cf/
Lučelnica - Dubranec, MNLVG16., 2019.06.16., Hotnja
www.rutube.ru/video/bf40dd30d9a628bf373a0cea71a58a03/
Hotnja - Strezojevo, MNLVG16., 2019.06.16., Hotnja
www.rutube.ru/video/629e144bbcf0df57a300786675ad1160/
kuntakinte:
Tupa sekira (i umetnička inteligencija)
Bole je zakrmeti da se igra na Gornem Ruševcu nek da se igra na Ojtne jel mejne čovek, da ne velim Kurilovčan, zakesni. Mam da čovek, dobro ne baš čovek, zakesni Bebam na turbo-limač šou prvo kaj mu opadne na... oko je kak se Glavna komanda Markuševca zestavlena od tre kaubojov raskošno smestila spod trosobnoga oreja. Ni orej velik kak trosobni stan nek pod svoju gordu krošnu prima tri osobe; tro-osobni, ne. Da bu dojam još jakši Limun-plavi su imali čak dve zamene, z tem da jen ni planeral igrati nek je samo nosil dres, ne v ruke. Čisti seks. Tak čist da se moreš predozerati. Da su mesto oreja posadili slive đenarike več se celo pleme zapadne slavenov moglo na* podnje. Veli, budu se deca pentrala gore... I to dete kaj se bu najne popelo, pozdravim mu mamu, baš ni bog-zna-kak-točno med vuvi. Kak da bi z čelom zabijal možđenake f plajnke. A i pofalil bi detetovu rezistentnost na bol kak i pomeknutu percepciju iste. Da čovek, dobro ne baš čovek, pogleda zapisnički stol vidi da su na Ojtne fajn poskupeli žileti. Se je čupavo kak živica na rubu šume. Rekel je mam jen od najmlajše Bradičef, ak ne i najmlajši, da mu paziju na travu jel su ju specijalno kultiverali i vuzgajali za ovu prigodu a i za kletu bi nekaj trebalo ostati. Najte se letos pogaziti. Igrališče (a la) Beba, se v vagu, pod vinklin i v dijagonalu, čak su ga i malo prikurtali da igrači nebi preveč spešali - bole da ostaviju dušu na šanku nek na igrališču. Samo kaj je šank v druge županije. Dok dojdeš dojnega zabiš pokaj si pošel. Iako je kurirska služba odigrala majestralno, jena jem se lopta nekam skrila, za sad, most v čiji gepek. Najviše koristi od kurtanja igrališča su imali oni kaj su došli na kamping, logorovanje (ne v Jasenovcu), taborovanje, čebovanje i sl. samo kaj zna biti dosta, ovak, za* za frizuru, pive, belu tehniku, tehničku robu itd. Kak da bi podigel šator v Rakovem potoku, na streljane. Jesem se dost na*? Za of put to bi bilo to. Idemo na serijski program.
Laptiriči su se još pojačali od sobote na nedelu kak da bi, Bok prosti, igrali negda z Novem Brdom ili Bunum Grande a ne z Markuševcem. Pak su mi Ivicu zvadili z naftalina, ili Naftalana. Da se vrak ne omrsil... Limuni su više vrgli na iskustvo nek na mladost, iako bi se i ova mladost z dosta rezerve mladosti mogla zvati. Još ni kritično dok nekteri moreju planduvati pod orejom, ne na Odre, a drugi zebirati jel budu il nebudu igrali.
Sebastaseunabellakancone, poveda bi jen nepoznati pevaČ z Talije. Jel više vredi vrabec na grane il golub v ruke, jel više vredi tata Jole v publike, teroga je Iranska Republikanska Garda oslobodila od partizanov na Kluke, il Prosinečki na terenu? Samo jangeli znaju... Jel više vredi jen pevec na grane il tri v ruke? Samo Bok... Mejnali su se na golu Gjalski i Majoneza; Gjalski je zasel na gol a negvo mesto v Švicarske v zatvoru na hoblanju drvene žlice je prevzel Majoneza. Veli da opče ni loš posel, plača je bola nek v Hrvacke, mogel bi se prifčiti. Za tu dobu se obetežan od teške nejebice v zatvoru a sprovoceran od presuvoga terena, bačva 200 litri vode pred golom bi spasila stvar, Gjalski namerjal na ekipu i pol Štršanov. Kulko je situvacija bila samokritična kaže primer da se sam On moral spustiti ze sedala k kopanje da reši dubijozu f kolektivu. Za tu se dobu Vaso molil da ne mora zajti nutre igrat i da mu, uzročno posledično, dres zdura bar mesec dan bez pranja, ak bu sreče. Tomica se moral kultiverati da ga sudački tandem ne zručil haškomu sudu radi ometanja zapisavanja za stolom.
Si su se počeli namerjati na Opatiju Orginal. Tigriči više nemreju dijati od pritiska. Sad jem je počel mast vaditi i of mali Zlodičef kaj je prekčera došel med Švabe. Mamič se samo "nunal" na bregu i gledel kak Njegovo Visočanstvo Črni sprevodi negove Reči v delo, normalno, ne prazne ruk i z blaženem osmehom "do je gasil svetlo" na licu. Posle se zagajbalo do dugo v noč. Most su još posle išli i kosit v Trsišču za 2 i pol litre vina i 3 vode. Nekak mi se čini da je pojačanje kaj je prek studenckoga servisa vlezlo med Tigriče skužilo kam je došlo. V jaju je lepo ali je na * bola ekipa, rekel bi neimenovani egipacki faraon na početku kamenovanja.
Dok je duha bit će i Novoga Brda, povedal je jen veliki mislioc. Malo okleštreni po pitajnu publike i Glavnoga stožera ali ojačani po pitajnu pešadije na teški megdan na "Kravino sedlo" atererali su Miši. Da vidiš ta gorda lica znaš da pobeda ni upitna samo je pitajne da ga i kulko budu vrgli. Kumi su, na druge strane, vlezli v nekakvu rastafarijansku fazu i zgleda da igraju v nekakvomu paralelnomu svemiru. Niš je nemre `znenaditi pak čak niti `znenađenje samo, nepatvoreno, ko takvo, a utakmica ne traja 30 nek bar 35 minut, ak ne i više. Si nosiju žute gajbe a oni zelene, specijalci, nema kaj. Utakmicu je rešil moj Rođeni, ne vrekel ga, z jene šah-mat poze.
Od ove otakmice Sandra Paprika bi napravila hit, za gusle i harmoniku, kaj bi drmal od bureka do Balkana. Nekak se čini da Tomekovu Legiju drma "sindrom Ilovača", samo slažeju remije kak cigan decu za trgovinu. Upirali su oni celu nedelu ali su uspeli samo spasiti bod od ras* Gruntovčanov. Veliju "unutarnji organi" da je Izbornica pala, ali to se nevidi "v Gruntovcu v gostima". Pomalo nam se Liga skliže prek "dark horsa" na "dark labuda".
Milion miliona rulje je došlo z Lučelnice podšprajcati Tesare na Ojtnu. Došlo bi i više ali MUP ni stigel izdati više putnice. Veli, glavni sponzor legendarni "Sunčev zraček". Če si bil negde blizu a nisi sprobal vugostitelsku ponudu, i spodobne osečaje, "Sunčevoga zračka" je jednak kak da si bil v Rimu a nisi videl Papu. Il da imaš ižu punu izbeglic a ti se plačeš zaprt v ormar. Ma, opče nebitno. Kaj je bitno? Da je Mika ostavil Internacionala v leru z zapregnutum balerkum da bi nazočil ovem događajem vekšem od života i dal gol važneši od opstanka planete. Ne z kilometra, ne z sto metri, ne z pol igrališča nek skoro z pol igrališča. Tu negde, z 9-10 metri. A jen drugi se Mata vrnul v svoju staru ekipu, več vidim da se tu slaže jen drim-tim, ne na duge steze, ne na zvezdane steze nek na mlečne steze. A da Glavni stožer, konačno, prepozna kvalitetu i potencijal ove moje Amadičev, to budu čudesa božja. Žac je z vrha tribine imal najboli pregled igre a negove sugestije stručnomu stožeru i ekipe skoro su porušale Pefca i "maloga" Kikija teri su se skoro skopitali na "Kravino sedlo".
Iako su se na početku utakmice Obadi i Glumci dogovorili oko pristupa igre, ferpleja i druge korektne-neutral reči jako se fletno videlo da od toga ne ni "d" a kamoli "r". Pa teren ovo pa teren ono pa neznam... Jel za teru saobračajku v ove države igdar igda bila kriva cesta? Nigdar nigde! Navek je krif lucki faktor, tu i tam tehnički, ali objekt niti pod "r". Sina je na golu večinum briljeral, a na momente čak i biseril, obrane su mu bile zlatnoga sjaja ali v ovakve konstelacije stvari popil je jenoga viška dok je negov kolega v napadu zlatne lasi dal premalo, i od sebe, i ovak, i onak. Ali trejte poluvreme je bilo nijovo. Obadi budu pak morali više oplemeniti igru z iskustvom, da malo razbiju monotoniju, samo da ne ispala plamenjača.
To su ti oni osećaji da se domačin za zajdnu utakmicu skupla kak glad večeru. Ali! Novi dresi... Si su se obnovili pak su skomine pošle i Bebam; došle su nove benkice v bojami Velike Bune. Da je več sponzor z Velike Bune onda su i dresi takovi, samo na pleče piše Ojt-Na. To inače nebi trebal biti problem osim da igraju protiv Bune ali ni to ni problem jel su slobodni da igraju protiv Bune. Khm-khm... A na druge strane INA Rafinerija Sisek, v svojemi staremi dresi novoga kova. Buduči da se tu dela o praktički iste ekipe, Ojtna h1 i Ojtna h2, kaj se, kakti, dobro pozna, malo je čudno da je mator ostal bez vujla, pukla salja od kočnice a kvader opal na gas dok je menjač veznul v krive brzine, zbušile se tri gume a srectvo grezlo v piskute. Zagrebačka milicija sumla da se dela o inverzije.
Najte kaj zameriti. Do se po istine pomogel...
kuntakinte:
3. KOLO se igra : Novo Brdo 22. lipnja 2019. 15:30 -
Kozjača - Gornja Opatija
"Stroj kaj se mele" ide na noge Mamičevemi Švabi z tem da Slatki još z rukava ni zlekel se adute.
Dubranec - Gornji Hruševec
Jel kiše bu il kiše nebu? Ilovača navek vodi krvave bitke na Nou Campu.
Velika Buna - Hotnja
Jel ova Velika Buna more sprečiti da se ne dogodi ona Ojtna?
Donji Hruševec - Kravarsko
Most Šinovi nemreju biti prvi ali moreju odmoči Leptirom da leptiraju prema tem naumu. A most i nemreju...
Šiljakovina - Cerovski Vrh
Novi popravni za Legiju il novi remi? Nekakva se svadba spominala...
Opatija - Novo Brdo
Popravni za Tigriče a i Miše
Gladovec - Lučelnica
Relativno `Đenje i novi potencijal
Markuševec - Pokupsko
Faaajer, frende, fajer. Ak dojdeju...
Strezojevo --- no siki-riki
4. KOLO se igra : Donji Hruševec 23. lipnja 2018. 15:30 -
Gornja Opatija - Markuševec
Nekak mi se čini da klupe za rezervne igrače ne treba, dost bu par štokrlinov.
Hotnja - Dubranec
Faaajer, frende, fajer.
Novo Brdo - Kozjača
Još jen fajer.
Cerovski Vrh - Opatija
Negdo bu sreten z prometom na šanku. Treba je tulki fajer rešiti.
Gornji Hruševec - Gladovec
Hu iz hu in de midel.
Pokupsko - Donji Hruševec
Teško bu Štršanom v osinaku na Čučinem oku.
Strezojevo - Velika Buna
Hmmm... Jal su snjezi jal su labudovi...
Lučelnica - Šiljakovina
Svadba tu bi or not tu bi.
Kravarsko --- most bole prije nek posle
kuntakinte:
3. KOLO se igra : Novo Brdo, utorak, 25. lipnja 2019. 15:30 -
Kozjača - Gornja Opatija
Dubranec - Gornji Hruševec
Velika Buna - Hotnja
Donji Hruševec - Kravarsko
Šiljakovina - Cerovski Vrh
Opatija - Novo Brdo
Gladovec - Lučelnica
Markuševec - Pokupsko
Strezojevo ---
Navigacija
[0] Lista Poruka
Idi na punu verziju