Svakidašnje teme > Sport

19. MALONOGOMETNA LIGA VUKOMERIČKE GORIC 2022. – MNLVG 19.

<< < (9/9)

kuntakinte:
Pozeble Banane
 Još ni završila ni ova Liga a več su počele pripreme za drugu. Yu-bi-lar-nu. Svoj nastup na velikem finalu, tero bu most i `Dubrancu, več su potvrdili zvezda serije "Poparu mu negovu" Head Chickenless i prvak Bosne Bez Hercegovine v sumo hrvanju Vadim Dojka. Supertajni i samozatajni sponzori su obečali i tortu "na 4 sprata" z mestimičnem i delomičnem okusom jagode. Da bi se preredila najezda starlete, superzvezde, legende i druge selebritijef i posvuduše osnovano je "Poverenstvo za pripust zvezde na Ligu" kaj bi za pet-šest-deset mesec trebala rešiti taj problem ak je to problem. Da se tu nebi rival kojekakov "luk & pražetina"...
 Se zasluge za pečenca letos ideju, kak i večem talom lani, triju fantastikus, "Špetrek-Amada-Škajnec" teri su, po mojem neskromnem i subjektivnem mišlejnu i dojmu, nadmašili "svoj lajnski uradak" bar za klasu. Kilaža je zame letos ostala tajna ali posel se sam falil.
 Prvi put, otkat je sveta i veka, da Tajson ni bil na Lige. Bar ne v regularnem talu. A samo pret dvanajst let vodil je sam lavovsku borbu, si na jenoga - jen na se (kak on to voli povedati zmed dve inhalacije A-vitaminov, "niš se neboj, samo pitaj "kulko vas ima""), z celem mesnem odborom i celum mesnum zajednicum, skupa, da bi otprl vodu v Domu na pipe. Posle teške, duge i mukotrpne vojne, tera je vuklučivala i predužetke i penale, teškoga srca i suznoga oka Tajči je moral priznati poraz i voda je v domu ostala zaprta. Otprta je tek posle smene režima na Gorice, a i to ni prešlo bez našega Tajsona, čoveka mefkolupkoga srca, široke pleč, niskoga rasta, kockaste glave, kaj je tupo nasajena na kratki vrat, i ponosnoga vlasnika pitončiča srednje veličine kaj nemarno gledi čez lačevicu van ili se leno vleče zajnem, ili ga pred sobum vozi na tačka. Po selu se poveda da ni mogel dojti jel je bil "f kvaru". Najprije je išel mrdat, pa primrdavat, onda popravlat, pa riktat, onda je dregnul mimo, pak je grezel, ni mogel van, buduči da je rival pod brek pri takove mase rikverc ne znači niš, gume se cmariju, lamela se oče vužgati, zajdni kraj se diže a nikak mrdnuti, onda su ga najprije kontra rivali, pak su ga zašli vleč, onda su mu ventili prepustili, pumpa nikak stati, stari lajtungi, to pušča na se strane, samo da de peneš, kaj češ, onda mu se prijelo,.. i sat je v hižnem pritvoru... Dok je smrt ne rastavi. Hižu i pritvor. Ili dok je život ne zestavi, z nekem drugem. Pelene, uloški, tamponi, do kraja života, ili prvoga dana revolucije.
 Na otprtem izložbenem prostoru velesajamskoga tipa eno-gastronomske namene, mam prek puta "maloga Maradone", smestili su se kumi z svoje dve familije. Ponuda je široka kak ciganska duša i vruča kak ciganska... čuča a vrli i ponosni poglavice familije kitiju se z fertuni tipa "Ne zaj* se z kuvarom da ti se on nebi zaj* z gablecom" v vrapče-žute farbe. Na frontalnem šanku dubrajnske sneje suvereno vladaju i dirigeraju z pol Gustelničke posluge a na retro-šanku, v Žacove autonomne šank republike,  rasprostrla se široka tekuče-pušioničarska ponuda. Povremeno uletavaju kojekakve sporedne uloge ali se vidi do je "capo di capi". Z Messijem se raspravila opča globalna geopolitička situvacija z presekom na polu elektronike i tehnike i društveno-socio-ekonomskemi sferami i aspekti iste v sakem čošku ove naše ravne kockaste ploče kaj ju nekteri zoveju Zemla.
 V predsatu su Kravarska i Šilakovina odigrale svoju utakmicu z MNLVG20., če bu baš do drugo leto imal kaKovo obrezanje, krstitke, rođendan, karmine, svadbu, primanje v političku stranku, krađa prvoga milijona ili kaj drugo z široke lepeze privatne ili društveno-socijalne događanj za više-mejne široke narodne mase, radne lude i građane, selake, poloprivrednike i poštenu inteligenciju. Rezultat je bil kakva i igra; Kravarska ni mogla više a Šika se čuvala za druge stvari. Nerešeno - beba.
 Najprije su se "Kupa A" i "Kupa B" odnosno "Kupa 1" i "Kupa 2" službeno poslikali čoporativno pak onda kak dva čopori odnosno polučoporativno. Kraj je Lige pak se dugo nedu videli, jeno 3-4 vure. Tigriči su dopelali su raskoš sve ponude v vidu "Od Mister Univerzuma prek Mistera "Đeze-freze-traktora-matorke" do Mistera Roženice 2". Nek se vidi kaj je raskoš. Interni sponzor ni šparal na ponudami i obečanji. Još da beži kak vozi... Si navijači ze se zaselkov su se zjatili na dubrajnsku "Planicu" da vide... kaj ima za popiti i pojesti. Da smo več pri tem, "poštar" je spred Doma na Trgu Selačke bune 1573. od jutra rastiraval muve, obade, ose i druge vrsti napasti, leteče, puzeče, `odeče i gmižeče, z sve ne bogate ali kvalitetne ponude. I pripadajuče vage. Rrekel je negda Jezuš, onaj orginal, Bogu božje, Caru carevo. Če smo si mi brati, povedal je negda moj Duhovni vođa Draš, naši si žepi nisu. Cena ni istaknuta, akcija je stalna a cena je podložna sporazumno-pregovaračke sposobnosti kupca i prodavača, iliti kak do koga flapi. Ak je mejne penes više je vuv, jezikov, papkov, repov, bele i crne bubregov, jeter na naglo, plučec na kiselo, filekov i druge egzotike. "Kravarsko korner" više ni kravarsko korner jel su aglomeranti baš tu (skoro)zbetonerali šaht. Kaj ni ni lošo ni dobro jel dok šaht ni završen lopta nemre dalko otijti, a bez da se ne "lovi" za "kremu na dnu". Posle baš ni nekaj za na oko ili za na glavu ali kaj je - tu je. Negda, dok je još Jaguštanovec haral, karal i paral po Lige, je navek bil problem da se ekipe z "opštinskoga središta" nacrtaju `Dubrancu jel se na "Sedam sekretara SKOJ-a" navek turneral Turner. Zgleda da to više ni problem jel su se Štršani kvalitetno skoncentrerali na velikomu finalu. Jedino nis, dobro, videl Šekija. Mislim, navodno ga nigdo ni videl dva tjedne, odkad su se negove loptice nezgodno zestavile, ili rastavile, z loptum na Pokoskomu. Navodno čudno pripoveda a hitna mu ze Zagreba saki dan dopela dve-tri sestre za masažu. Utakmica? Kak Pokosko - Lućelnica na Strezujevu, samo kaj su Štršani zlekli nekakve pouke z iste.
 Limunplavi su imali živu volu prodati utakmicu da pozitivno zapreju ovu nogometno-fiskalnu sezonu ali na druge strane, med Gruntovčani, se nikak ni mogel najti kvorum po pitajnu utakmice i zapirajna proračuna. Normalno, da se dva brati "svadiju" niš bole nek se "ubaciti"; reko, neznam jel znaš ali to ti je brat. Veli, ma, pusti ga, ni nemu baš kaj za veruvati, znam z kakve je familije. Utakmica je završila pozitivno za obadvoje. Obadve navijačke kolonije su eksplozivno dočekale zajdnu fučkulu. I si su prešli Žacu čez ruke, na šanku.
 Maminjo je skoro dobil trzajnu ozledu vrata dok je zijal jel bu još do došel. Na terenu čista trojka, dva od Futačof i jen z Gornoruševačke Emiratov. Vane još Maminjo i kum Medo; dosta, taman za zapreti proračun ludske resursof. Da Maminjo ni išel Nabistru. I da se tam ni zavetoval da loptu ne... probal ni pot razno. Do. Kraja. Života. Veli maminjov Mali, mogli bi se poslikati. Ja sem navek spremen podržati -glupe- interesantne ideje, i još navrči teri biser. Ni Števa ne zaostaja po tem pitajnu. Reko, more. Ali, v dva rede! I nek Mamič dojde leči spred vas. Ali Maminjo je bil obektivno sprečen, nosil je dve flaše vode, taman je grezel na pol brega. Neznam komu, jel ovi tri tulku vodu nemreju popiti ni za tjeden dan. Negdo je došel na "brijantnu" ideju da bi Opatija G. mogla popuniti G. Opatiju. Da su se penezi vrgli na sunce mam se skupila kaznena ekspedicija "roženičke p(l)ačenikov" kaj je bila spremna poginuti za "Firera z Futačevoga brega". Bilo je tu se fele internacionalcov, od golmanov z Bajera Minkena prek nove nade i buduče zvezde prelaznoga roka do stare navijačov Dinama ze Zagreba. Od toga je najviše profiterala žena od Števe Klasniča kaj je sve prestolonaslednike des videla dva put v akcije. Akciju je prekinul leteči start Tute, Gabija i Števe, kak Batman, Robin i... Števa, kaj su se razmetali i naopak okrenuli tak da je ova "bajka z kratke letne noči" fletno završila. Onda su počele "Muke po Mamiču" iliti "Križni put od 9 postaje", da je utakmica malo dule potrajala bil bi celi od 14 postaje. Manekeni su imali hodočašče Kojzača - *** - Dubrajnec. I treba je mam povedati da je to Mali Bozanič mineral jel se svem srebrnem golfom zapelal skoro na igrališče. Reko, kaj ste se vi Bogu zamerili..? Kaj ste se z kamejnem za Jezušem nahitavali? Veli Ju`a, ma, pusti. Okajavamo greje. Kakvi su to greji dobro kaj nejdemo na ležeč, ili puzeč. Kak kače, ležim a idem. Posle se z Brega čulo da navijači Badela iščeju da Ma`ko zabije; dejte nek Ma`ko zabije, on još des ni zabil, nek Ma`ko zabije!
 Bila je jena utakmica...

--- Citat: kuntakinte - Kolovoz 18, 2017, 02:27:42 prijepodne ---Elvis has left the building
...Pejo je z črlenemi očmi plačnem glasom rekel, a kaj smo mi, bokci, krivi. Sad si veliju da mi rešavamo prvenstvo a mi z tem nemamo nikakve veze, čak ni slabe autobusne. Mi smo došli sim da si nekaj malo pomrdamo, popijemo i malo poigramo nogometa, nigdo nam ni rekel da bumo mi morali pomikati Brda i Vrhe, šaltati Gorne i Leve, i jako se neurozerati. I mi smo naš plan z 120% realizerali, da ne velim oživotvorili... Ali... Da je Marko z 120 metri stepel paučinu v rašljami na raspadajučem golu za izjednačenje Brek je spluderal, trava je dobila zelenu boju, piva je bila "SSI ideal" a tičeki su počeli rajsku pesmu. Da je pogodil stativu il prečku gol bi se "raspal na proste faktore" i moral bi biti otpelan na servis v Metalogradnju. Onda su Leptiri pokazali kaj znači kravarska škola nogometa i da se ni slučajno posle pomora, potopa, sodome i gomore na početku Lige ta ekipa zdigla kak feniks na putu do prvoga mesta. I to bez Bože na šankiju. ...

--- Kraj citata ---
...ali ovo je druga utakmica... Jena od glavne uloge Njegovo Visočanstvo gospodin, gentleman i majstor Josip Muža; montaža, servis, demontaža. Leptiri nikak letos nisu mogli preleptirati, rekel bi čovek da je * nekakvi konstrukcijsko-kadrovski problemi. Buna efekt. Za razliku od Robijašev kaj su več posle 3. kola mislili da budu prvi. I tu su, ne bili spremni, nek su mam kaparili gajbu za te sve plane. Ali, kurve sudbine su jem splanerale nekakve druge plane. Da otpreju podružnicu v Draškovičeve. V Dubrancu nemaš komu pol gajbe pive platiti, pol ekipe pije prekputa Draškovičeve, v bertije "Fletni štiklec". Iako je ova druga polovica ekipe rešila problem zvan Kravarska i zaprla letošnu Ligu za obadve ekipe.
 Se kaj vala i vredi na Šilakovine i Kojzače obrelo se `Dubrancu, "na špice", da pozdravi i svedoči povesnomu događaju za celi svet ali i čoveka, ko takvoga, nepatvorenoga, ponaosob. Se DPO imale su svoje prectavnike na licu mesta. Naheklali su se šali "Šilakovina", iako bi po mem mišlejnu za šumu bile bole majce ali koji sem ja * na Šilakovine, kak i kaj koga na Šilakovine boli * kaj ja mislim. Mesni odbor i mesna zajednica skupa su dali napraviti transparamentol "Zvona reši to". Taj "Zvona" je nekakvi jaki j* na Šilakovine... Ili bu postal. Žene z FA su imale svoju deku ili transparamentol, nek se vidi kaj je raskoš. Neslužbeno je nekakvi "Katch Up", kaj se pak na Kojzače odaziva na drugi špicnamet, zorganizeral vatromet, bakladu, dimnu zavesu i se fele druge piz* i dečje radosti. Da Šika ni bila v najužešem izboru za "Miss Lige" ja mislim da bi bilo frtal mejne ludi. Dolezek Novoga Brda obiležil je prometni štoplin pri vrhu brega,.. jel dok se megan stabilizeral; nutre se teške ličnosti, visoka izaslanstva, fundomenti neobrckoga nogometa, pak dok se povlekla ručna, pak dvoručna, dok se navintal žlajf, dok su se zvadile dve polovice kvadra, za pod kotače, dok se spustila "mačka", dok se, za saki slučaj, podvrgla rastova cepaniva pod kvaku od pete vrat, za saki slučaj, dok je to se zašlo van, dok se transportno sredstvo naparkeralo - kolona odozdol i odozgor, od Avde i od Ibre. Činilo se da je se OK da su Miši poveli ali... Onda je nekakvi "Zvona" "rešil to". I osvojil ženu na Šilakovine, hižu katnicu na Šilakovine, ravni krov, stiropor fasada, centralno na plin, dva audiji "model Ivo Sanader" v garaže, senica braon z belemi firungami i lunđ duplem okruglem krevetom na okretajne na mator, robot kosilica za pokositi pet rali oko hiže, i nemačku penziju... v glavnem, ovo drobno neču opče spominati i brojiti. Frtal brega ponorelo! Sviraj kraj, idemo pit. Idemo nekaj vužgati! I stuči. I hititi f Kupu.
 Ostala je još samo "formalnost", da Šika odigra z Tesari. Kak got da završi - završilo je. Fletno to dolazi na svoje ali traja mrtva trka zmed Dade i Iveka Fabijanca. "Brek" je f grču, pijača je v ruke ali nigdo ne pije da ne prepustil gol. "Katch Upa" to ne * ni kulko novet na *. On je več pripravil materijal za "obojenu revoluciju", "dubrajnsko proleče" ili kak to več očete nazvati. Navijači Šike su skoncentrerani iza gola svoje pulenov, na pet sekundi od šanka, a navijači Tesarov "spod oreja", ne na Odre,na dobre minute od šanka. 5 do 12 Tesari hitaju v brzinu više i prelaze na igru 6-0. A samo pred dva tjedne Tona Mikša je rekel na Pokoskomu, dečki, zakaj to igramo, mi to neznamo igrati, to ni naša igra. Reko, most su kaj trenerali, ili jem je ovo trening. APP, a ni prešlo. Za teru minutu nekteri su imali pogorele ruke, nekteri pogorele lasi, megla je "zavila" Brek, materi su po megle iskale drobnu decu, penzioneri su počeli bežati kak babe od smrti, lampe su se vužgale jel su senzori krivo senzorerali - sretna Nova prije Nove. "Katch Up" je došel na svoje. Pak.
 Jen od preknekoliko `Uđberov med Glumci je preuzel na svoja široka pleča teret da bude glavni strelec ekipe. Nigdo se ni baš preveč bunil a i ni bila nekakova jagma za istem radnem mestom v ekipe. Ali,.. kaj ja vidim kak problem v suprotne ekipe; trejti suci su počeli tu zabijati i to baš primene nebi prešlo bez 200 kune, ili, kulko je to ono po novonovem, cca. 20 evrof, žalbe, makar je negdo zapil pri Žacu na šanku. Glumci si tu nisu mogli puno pomoči jel nemreš ti protiv trejte sucov, protiv statistike, protiv međunarodne internacionalcov, protiv najbolega strelca kaj je prvoga i drugoga iza sebe skupa ostavil za duplo i oho-ho, protiv ekipe kaj ima 81 prekršaj (službeno, ali suci su krivi), protiv ekipe kaj ima 11 isklučenja (službeno, ali suci su krivi), a ti glumiš Glumina banku i nekakov fer_plej i još protiv Šekija. Ajd, ovo bi se nekak zbavili ali Šeki je premanul. Kak da bi Boing 777 opal na klackalicu. De se klackaju Avdo i Ibro.
Ili Čamil i Mujo.

Najte kaj zanmeriti. Do se još od istine pomogel.

kuntakinte:
Adenum Nostrum
 Rekel je Briki, slušaj, ti to moraš napisati, nemre biti da ti to ne napišeš. Jel me slušaš, jel me razmeš..? Kak je to negda pokojni Puntek rekel "dej me razmi če me razmeš ak me razmeš da me razmeš". Znači, ozbilno, to moraš napisati! Meksikanec, smiri se, naj čoveku rivati flaše f torbu z aparaturami. Čovek ni ribič da za sobum nosi akvarij. Znači,.. napiši da se of moj kratki Meksikanec vrnul z Kolumbije de je upoznal, ali baš upoznal, i zvana i znutra, jenu duševno dobru osobu, široke i gliboke svetonazorov, 18 let, kvalitetno puknutu, ograničeno naivnu, bajno opuščenu i trunicu čudnu. Buš videl te slike i filme kaj su snimali, to su ti dokazi, ne moram ti niš više povedati. To bumo posle prodali v Plejboj, Start ili v nekakve druge čudne novine kaj dobro plačaju kvalitetnu robu. Nekakvi su sitni problemi nastali za Meksikanca da se zajnega zaintereseral deda od male a on ti je, neznam kak bi se to prinami povedalo, šef lokalnoga narko kartela, capo di capi. Ono, najprije na vrhu on pak dugo dugo dugo nigdo pak onda precednik države i ova druga bolumenta. Ono, nemaš ga kaj videti a koga pogleda taj prek noči nestane. Negda i po danu, če je noč dalko. I sat ti je naš Meksikanec tam roba kaj se išče. Deda je za negovu glavu ponudil 15 milijonov, ej, milijonov, pesosov. To ti je prinami nekaj spod 225 kune. Sam Bok kaj je prije tanjural onu ruskinju, dobro, oral i tanjural, pak je zapametil nekaj ruskoga pak se prešvercal na ruski brot z bananami. Rusi su ti gorji da su dobri nek kolumbijci da su loši, pitaj ga. Da ga nebi na pučine hitili z broda, da nebi svršil na k*ine, moral je potpisati da pe v ovu privatnu rusku vojsku. Jedino kaj je uspel spregovarati, viš kak je dobro da znaš se jezike, je da pe v žensku brigadu. Tu ti se, mili moj, više ne ratuvalo dok je on žif, veruj mi. Jedino ga još more z* ruska mafija, aaaaa ti su gadni f PM... Sat dok čeka da mu Putin sredi papere skriva se tu po šupami, pevnica i kleti od Kostajnevca do Bukovčaka. Ni Gugel ga nemre najti. Dej gledi slike, sino, i filme. Tu se Meksikanec nemre prodati ni za lopatu a tam je delal kak ginekolog. Da je bosanec do zna de bi mu bil kraj...

Najte kaj zanmeriti. Do se još po istine pomogel.

Navigacija

[0] Lista Poruka

[*] Prethodna stranica