VRABEC ZA LJETO 2009. (a čita se v 2010. ljeti) 14.2.2010
Fašenjski odbor je na svojem redovitem zasjedanju malo pretepel dobravske probljeme koji su se na tekočem pripetilji i donesel je odluku da jih na of način obznani. No, predi nek bi počelji prezivati, štel bi vuto ime pozdraviti se vas slušatelje i slušateljice, oženjene i neoženjene, radnike i one druge, komedijaše i lakrdijaše, kartaše i fliperaše, a posebno muzikante i zafrkante, vatrogasce i grlogasce, lovce i krivolovce, kuglaše, nogometaše, košarkaše i hrvatske rokometaše, skijaše i kajakaše, stipendiste i bandiste, dimnjičare i električare, mesare i zidare, malare i grobare, pekare i štacunare, traktoriste i becikljiste, pumpače i gumače, veterinare i vinogradare, kuhare i konobare, krčmare i podrumare, šnajdere i šujstre, glasoče i navijoče, precednike, tajnike i blagajnike i se one druge koje bomo ovdi spomenulji vu njihovim zgodama i nezgodama, komedijama i tragedijama, svinjarijama i huncvutarijama, zafrkancijama i zajebancijama.
Ako se što nutri i prepozna nek mam z nosom ne zavija jer je to jena istinita fašenjska huncvutarija.
Točka 1.
Da se nekaj v naši državi počelo delati Vrabec je videl po tomu da su organi reda i mira počelji delati svojega posla. Tak su i naši dečki došlji na red v svojima nočnim huncvutarijama. Naši menadžeri v zadnje vreme odsjedaju v Hotelu Remetinec, a naši dečki su u trendu i odlaziju na nočenje v Hotel Koprivnički dvori - pritvori. Jen naš Dobravčan je završil v pritvoru zbog alkohola, a dobro obaveščeni veljiju da je to bilo zbog njegvoga nadimka jer su policajci bili navijači Hajduka.
Točka 2.
Isto tak je završilo potepanje našega popularnog lika Gumiboja koji je prošlo ljeto bil jako dober pak je ne bil niti v jeni točki Vrapca. Naš Gumiboj je podljegel jeno večer pred ajnkoholom i dok je vozil pajdaše zaskočilji su ga policajci i otpeljali su ga na oporavak v Hotel Koprivnički dvori – pritvori. Prosilji bi njegvoga prijatelja koji mu je moral otpeljati auta dimo nek drugi put ne pije, jer se i on pridružil Gumiboju na tretmanu ljepote v dotičnem hotelu jer je njega zaskočila druga policijska patrola i otpeljala na trežnjenje.
Šifra: Dobro mi došel prijatelj!
Točka 3.
Pod ovom točkom smo štelji opisati putešestvije našega poznatog poduzetnika, ali smo ne prešli saborsku proceduru pak o tomu drugi put.
Šifra: Zabrana
Točka 4.
Sigurno ste čulji da se Ante rezišel od Simonice, ali sigurno ne znate zakaj se to desilo. Ako ste dobro gljedelji televiziju moglji ste videti da su naši slogaši bilji na Farmi i da je teta Liza popevala naše ljepe pesme, ali ste ne vidlji ono kaj su kamere ne zabilježilje ali je Vrabec videl. Simonici je za oko zapela naša kuglaško, nogometaško, košarkaška, pjevačka, jebačka zvezda i Ante je odmah zvisel.
Šifra: Phravi muškahrac
Točka 5.
Prosilji bi našega gradonačelnika nek si malo obnovi dokumentaciju na općini i premeni nazive lokali koji spadaju pod Dobravu kaj bo znal napisati pravilno ime restorana v koji poziva goste kaj se nej desilo da gosti kružijo po Dobavi i iščeju restoran s nazivom koji je na pozivnici a v Dobravi ga nega.
Šifra: Restoran Auto špot
Točka 6.
Vrabec je dobil zamolbu iz Metkovića v koji se prosijo naši slogaši nek se malo curikneju dok idejo na veslanje na Neretvi i malo bolje pazijo na svoju obuću, jer se desilo kaj si je jen tamburaš zul patike dok je išel v čun i na rivi ih je ostajil, a domaćini z Metkovića su misljili da je odišel plavat po Neretvi pak su ga celji vikend iskalji kaj se bogec nej ftopil.
Šifra: Reebok patike
Točka 7.
Vrabec je primetil da je v prešenciji prilikom Ferme došlo do pomirbe negdašnjih suparnika, naši dvo dečki su ljepo išlji skupa jen kre drugoga, makar su jen drugomu prevzelji deklu. Tak je došlo do opće pomirbe Posranca i Doljnjega kraja, a na župnika bi apeljiralji kaj bi i dalje tak dobro slagal kumeke i kumice v povorki.
Šifra: Fermenski kumi
Točka 8.
Prosilji bi se one koji imaju godišnjicu mature nek si dobro prečitaju pozivnice kaj se nej desilo da se odije na proslavu k Meljinu, a tam vas dočakaju maturanti koji su završilji školu 20 ljet prije vas i unda se čudite do pol noči kak su se vaši prijatelji jako postaralji i nikoga ne poznate, a vaši prijatelji v Operi vas za to vreme tračaju kak ste ljeni kaj ste ne došlji.
Šifra: Drugi put pozivnicu poslati v Policijsku stanicu
Točka 9.
Ako ste zainteresirani za proslavu Martinja javite se v naš labdoritački klub jer je još ne kesno, zbog slabog odaziva se proslava odgodila tak dogo dok se ne skutiju gosti.
Šifra: Recesija
Točka 10.
Na proslavi rođendana našega snack bara je bila jako ljepa fešta, i Vrabec se jako dogo zadržal, a na poto dimo je videl da su se nekoji gosti osjećali kao kod svoje kuće, pak su misljili da je Kovačova građa njihova spavača soba. Jen naš mladić se je ljepo sljekel i golji je spal na vrtni grođi. Imel je sreču kaj ga je ne primetil naš modni mačak jer bi ga sigurno ljepo pokril kaj se nej prehladi.
Šifra: Dobro kaj je ne puhal Sever pak se ne prehladil
Točka 11.
Na koncertu naše pljeh mužike se je tražila stolica više. Tak se naš vrli doprecednik Glaven potrudil kaj ravnateljici najde stolicu, samo su ga v dvorani dečki krivo razmelji dok je iskal stolicu, pak se je ništo ne vupal javiti jer su misljili da išče stolicu za sanitarni pregled u laboratoriju.
Šifra: Meka ili tvrda stolica, samo kaj je ne moja
Točka 12.
Prosilji bi mesare koji ideju svinju klat nek paziju kaj nabodo glasno hodalji po gruntu i ružilji z remenom jer bi moglji zbuditi gazde koji se nemreju zbuditi, a navodno su bilji i pod šusom. Jako ljepo od mesara kaj si je sam zakuril i kropa zavrel, samo bi prosilji pomagače kaj dojdejo na vreme a ne kaj je i njih moral pri sosedima iskati. Navodno so domaći bilji straho svinjski gripi pak su ne vupalji iti bljizu koca, a nesu spalji nego su se skrilji v karantenu v šlafencimer. Isto tak bi prosilji domačega sineka nek ne hiče ribu na mesarski stol dok se reže meso za klobose jer bi se moglje v klobosi najti kosti i ljuskve a to bi nej bilo higijenski.
Šifra: Braća uboga napojilji jedan drugoga
Točka 13.
Prosilji bi posjetioce nočnih klubova i diskoteka vu Vidovcu nek dobro pazijo na svoj novčanik tj. kobilar, kaj se nej desilo da ostanejo bez njega, a poslije im pomagači pri iskanju kobilara plačaju suhe jezike i gemište z njuvima penezi pri Meljinu. Dobro kaj je prek kartice moči doznati što ti je fkral kobilara, a posebno dok kartice najdeš v bratovi hlačaj.
Šifra: Kronična nestašica penez
Točka 14.
Obavještavaju se Dobravčani da je v centru ne otprta press služba za objavljivanje novosti, trači, dojavi i sličnih hamaljiji, jer su jeni jeni počelji umjesto šišanja i brijanja tam hodit informacije davat. Apeliramo na općinske joce kaj bi v praznem kiosku zaposljili jenoga općinskog službenika koji bi zadužen za informacije rekla kazala jer je ukinuta tužibaba i forum na internetu.
Šifra: Ako nega informacije moglo bi dojti do dezorjentacije
Točka 15.
Jognjogasna organizacija je pred gašenjem jer im se članstvo jako rasipavlje. Jeno ljeto se gazijo z autima, drugo ljeto se kotaju po asfaltu, a treče ljeto se boksaju. Ve njim falji još samo gay skandal. Zato dečki riti k plotu, šmrke v roke i idemo…(pak makar na hitno)
Točka 16.
Vrabec je konačno došel do spoznaje zakaj je v Dobravi se menje dece. Najproduktivniju manjinu smo raselili, inteligencija se otselila a „nekoje“ su i same odišlje.
Vrabec prosi se vas koji imate nekvo rješenje za of probljem da se javite udrugi „Jalova Dobrava“ ili skraćeno JaD.
Točka 17.
Zamoljavaju se općinski joci prije organizacije izleta u inozemstvo v Budimpeštu, nek upozore precednike udruga nek se malo curiknejo i obavestiju svoje žene kaj smo još ne ušlji u EU pak nam za prelazak državne granice treba putovnica. Moglo bi se desiti kaj bi cjenjena delegacija celo dopolne sedila na granici i čakala na dolazak putovnice z Dobrave.
Točka 18.
Umoljavaju se vlasnici pesi z Beveri Hilsa dok v kesne vure dojdeju dimo pod blagim utjecajem ajnkohola nek dobro gljedijo na koji poljici vu frižideru zemljeju hranu, jer je zdelu z hranom za pese žena počela ostavljati na srednji poljici. Vrabec je dobil obavijest z Zavoda za javno zdravstvo da je vlasnik pesa fest računa naprajil za ljeke protiv proljeva i prouzročil nestašicu Palominih proizvoda.
Šifra: Dikan i Dolores
Točka 19.
Prosilji bi sve izvođače zemljanih radova koji priprovljaju podlogu za tlakovce nek paziju kak komandujejo z ICB-om kaj se nej desilo da celji kraj ostane bez struje, vode i pljina jer su obično pri nas cevi položene v zemlju na ne baš preveliku dubinu. Bilo bi pametneše gazdi nek nejde v stroške angažeranja pravih majstori nego si to nek obavi z isto takvom svojom mehanizacijom i o svojem strošku.
Šifra: A je to – tlakovci
Točka 20.
Prosilji bi se obrtničke snage Dobrave kaj se malo curiknejo jer zvati radnu snagu z Mađarske v Dobravu delat nije baš spametno jer od celje delegacije koja je išla na Mađarsku samo jen obrtik zapošljava samo jenu djelatnicu. Vrabec vam predlaže da bi bila bolja pogodba kaj bi došlje Mađarice za snehe v Dobravu jer smo prošlo ljeto ne imelji niti jene svate v Dobravi.
Šifra: Udruga“ Szűksege van feleség“ – drugo ljeto vam povemo kaj to znači
Točka 21.
Vrabec si je odehnul jer je v Dobravi smanjena oružana prijetnja od strane lovaca prema nezaštičenoj divljači tj. drugim rečima bi se reklo da so jenomo lovcu fkralji pušku dok je bil v lovačkem domu. Ne samo da je ve razoružani, nego je moral fest platiti zato kaj su mu fkralji pušku.
Šifra: Jegermaister
Točka 22.
Primečeno je da jen naš poznati poduzetnik nasljikava z aparatom na relaciji Prilok-Čakovec. Vrabec se pita mortik naš odbor za poljoprivredu i tam trži zemlje ili pak je v pitanju saobračajna napaka. Ako ste zainteresirani za geodetske izmjere javite se na Posrancu.
Točka 23.
Vrabec je bil v jenem lovu v kojem je sudjeloval lovac bez puške i videl je da je došlo do takve strašne havarije kaj se rumunjski oldtimer auto vužgal z čista mira. Nije znati da li su ostali lovci koristilji svetleću municiju pak su iskre frcalje ili je to bila osveta rogato pernate divljači.
Šifra: Sjedi, brate mili
Točka 24.
Nakon jene fešte je došlo o naglog zahlađenja odnosa između labdoritači i labdohitači. Ovi drugi su tak podljeglji na fešti kaj su pofrajhalji sega poda v klubu a kiseljina z želoca je prejila glazuru na pločicama i dobrosusjedske odnose.
Šifra: Ne bljuj v moji krčmi - Treča krčmorova zapovjed
Točka 25.
Primečeni je jen član udruge umirovljenika da hoda po njihovi prostoriji popularno nazvane „Jel me neko tražio“ z tangicama na čelji. Kak se iz veličine tangici vidlo da pripadaju mlađoj osobi, umirovljeniki su ga proglasili našim Dobravskim Dikanom, a ve još samo očeju saznati koja dekla bi mogla biti Dobravska Dolores Lambaša.
Šifra: Ljubav za ljeta ne pita glavno da stoji …
Točka 26.
Dobilji smo šetalište Dr. Zvonimira Bartolića kre Drave, a Vrabec predlaže kaj bi se v Doljnjem kraju otprela vulica pod nazivom „Klizalište općinskog vijeća“ u čast ovoljetnoga čiščenja i rezgrinjanja snega.
Šifra: Transporti
Točka 27.
Veljka halabuka i graja se zdigla okolji staroga parka. Vrabec je moral iskati novo gnjezdo, se vas prosimo za malo strpljenja jer je niti drevo kak i ona stvar ne dobivlje na volumenu z čistoga mira. Taki bo zrasel još ljepši i stareši park.
Šifra: Motorna pila
Točka 28.
Umoljavaju se vlasnici nedjeljnih točionica alkohola da uvedu više reda jer su lokalne krčme prazne i ve je Vrapcu teško pratiti ej su muški pri meši ili su v krčmi ili su v točionic alkohola ili domaj žene pazijo.
Šifra: Lokalne udruge
Točka 29.
Vrabec apeljira na dobravsku školu nek malo više računa vodi o saobračajnim propisima jer se dekljice z osmoga razreda z becikljini zaljetovljeju v parkerane aute, potereju si zobe i ve ne znati što je kriv: auto, škola, becikljin, dekljica ili slabi zobi. Mortik je becikljin bil marke Toyota pak su mu kočnice otkazalje.
Šifra: Kacige na glave
OSUDA FAŠENJKA ZA 2009. LJETO A ČITA SE V 2010. LJETIDragi naš Fašenjk!
Još je jeno ljeto prešlo i ti si se ne nikaj poprajil. Ovo ljeto si naprajil jako puno huncvutariji i bedastoći kak na lokalnom tak i na globalnom području. Predi nek bi počel nabrojati kaj si naprajil ja bi samo štel pozdraviti ove dečke koji nas čuvaju jer smo doživelji i da je posel čitača Vrapca postal jako stresno i opasno zanimanje, pak ako već morejo imeti zaštitare sakojačke peršone v naši zemlji i mi smo si obezbedilji zaštitarsko službo. „Sokol Marić“ je bil zauzeti pak smo si mi iznajmilji zaštitare „Vrabec Varga“. Prvo bi prebrojali kakve si nam dragi fašenjk neugodnosti priredil prošlo ljeto v naši zemlji, počevši od aferi na državni razini koje su se otkrivalje kaj der bi na traki išlje. Naručil si krive kamione, unda si ih otpeljal na krivo mesto, unda si gorivo poskopel, pak si nam premijera otpuhnul z malo vetra, pak si nam Vegetu štel prevzeti, tak kaj smo se začerljenelji od sramote i strahote, pak si nam nove poreze donesel i z plače nam peneze odnesel, unda si nam zdigel PDV-a kaj već skorom hodamo bosi, a spustil nam pšenicu i kuruzu z silosi. Otprel si autobusno linijo Markov trg-Jelačić plac-Remetinec, a penzićima si zube del na klinec. Fnogi su utjehu iskalji v alkoholu, ali im je i to država onemogućila jer je novi porez na alkohol naručila.
Niti v Dobravi si ne mogel miren biti, nekoji su skorom ostalji bez svoje …( no nit to je ne prešlo saborsku proceduru). Poljoprivrednikima si ne dal mira, točo si im več put poslal, a bez posla je fnogi ostal. Žene si nam restiraval, a v zamož nisi nikoga doval. Radi sega toga te, dragi Fašenjk, tožimo i očemo za tebe primjereno kazno. Prosil bi svojega kolegeca nek prečita prijedlog kazne za našega Fašenjka:
Nakon dugoga razmatranja višečlana fašenjska komisija je došla do slijedećega zaključka:
Krajnje nam se čini nehumano u 21. stoljeću osuditi i kazniti nekoga ili nešto na tako okrutnu kaznu kao što je spaljivanje ili vješanje. Predlažemo da se Fašenjka pošto je kriv i treba biti kažnjen za sva nedjela koja su prečitana prije, da mu se kazna spaljivanja pretvori u kaznu društveno korisnog rada. Predlažemo da mu se odrede ovi poslovi s kojima bi barem djelomično odslužio kaznu:
1. Da barem jednom tjedno počisti utobusno stajalište
2. Da očisti snijeg na pedesetak metara pješačkih staza u centru Dobrave
3. Da po kazni stoji u centru za Božić i Novugodinu i da drži ukrasnu rasvjetu dok ne zrasteju nova drva v parku
4. Da dežura v kiosku i prodavlje novine i širi informacije koje su ukinute na tužibabi i forumu
5. da pridržavlje tablju na koju bi se lijepili plakati
6. da održava brod na Muri
7. da dežura pri mostu dok ljudi voziju drva i pripremi Vuzmenku
8. da zaljevlje biljke i drveće v novonastalom parku kaj čim prije zraste
Pitamo te dragi Fašenjk klimni z glavom ili mahni z rokom boš rajši gorel ili boš rajši delal. Ako se slažeš s našim prijedlogom samo reči slažem se:
Čujemo da odgovora nega pak prelazimo na proceduru vužiganja, koje je Fašenjk samozatajno prihvatil. Fala ljepa sema koji ste došlji a največ vam koji ste delalji huncvutarije. Ovo ljeto je menje točki jer je ljeto bilo recesivno, a i to kaj je bilo dobro nije prešlo saborsku proceduru. I zapamtite: Bolje biti sako ljeto vu Vrapcu nego saki 50 ljet v monografiji.
Plehače molim za adekvatnu muzičku pratnju, vužigač primi se posla, z malo vetra idemo dalje!
...
http://www.donjadubrava.com/index.asp?id=2044
