Kajkavski se piše i v Kneževine Liechtenstein
Vevo je puoviedek (spominek) z gospum Poljak rodom z Meljan (Mihovljana), na rajkavskomu kajkavskomu.
Vuživancija v (i) jezičnemi oblizeki! 28. sušca (ožujka) 2012.
Franjevič:
Rajka, ja te puoznam kak jake energičnu, fletnu, buorbenu i navudrenu prirodu. Kak jenu vatrenu klupku. Aj se i ti vidiš tak? Kie si ti zaprav i kaj zaprav tuj vu Kneževine dielaš? Poljak: Ja se iste pitam kaj tuj dielam… (Se smieje) Okruljica (klupke) sem nije, niti se tak osiečam. Osiečam se gljih kak jena žena za se fele i vrieme.. Z drugih rieč, sem gljih počela živeti. Morti te zgledi male sebične, nu gljih zde imam tega osečaja da po pervi putek vu živlenju živim samu sebe.
Zde nazaj na moje pitajne. Gduo si ti? Otkudek dohajaš? Kakova je tvoja „puozadina“? Predstavi se našem čitatelem vu kratke. Potiečem z jenuga maluga zagorskega sela vu Hervacke, v šterem sem navčila najvažneše stvarji za me, a tuo je, kak vu teškem živlenjskem trenutkem preživeti i zaderžati pri tem smeh na vusnic i veselje za živlenje. Za se tuo sem jake zahvalna svoje babice. Najvekši pak diel svojuga živlenja sem preživela vu Zagrebu, skerem četrdeset ljiet, i uon mi je dal najbolše kaj jen grad more dati.
Kaj je tuo, kaj ti jen južneistuočneevruopski grad kak Zagreb, je dal i muore dati? Perve i za me najvažneše, sem muogla napojiti svoju žeju za znajnem. Sem furt muogla iti vu knižnice, v kazaljišče, na koncerte, v galerije, vu muzeje, gdaj sem godek štiela.
Tuj vu Kneževine imame iste muzeje i jake liepu knižnicu. Aj poznaš ta zdajna? Je, muzeje poznam doubre, a vu zemalske knižnice sem bila same jempudek, jake kratke. Em sem do zdej nekak bila nesigurna svojem znajnem nemačkuga pak sem se deržala postrajnke. Zde se pak osiečam dorasla temu kaj sem pred dve ljijet obečala svoje vučitelice nemačkuga, Andree Borer, prečitati Geteovuga Fausta vu originalu. Do zdej ga puoznam same na našemu jeziku.
Aj si muogla vu tem kratkem vriemenu vu Kneževine sklopiti kakšna puoznanstva aj pak prijatelstva? Je nekakpak. Duo zdej sem vupuoznala par prekrasnieh ljudie na ovdašne umetničke scene, jempudek sem čak smiela s cielu tu Umetničku vudrugu prek vu Monako putuvati, kaj su tam imelji zajedničku izluožbu z monaškem umetnikem. Osečala sem se počaščene, bile je krasne i zate sem jahke zahvalna. Rade pozivleme prijatele Švicarce, Lihtenštajnce, Nemce, Hervatice i Hervate, Bosance šterem najrajši nudim domače špecijaljitiete (zadovolne se smieje). Je, tou je jen uzbudliv, ljiepi, vuguoden svet..
Zakej si zaprav kreativna? Kak je do tega došle? Aj je tou nasledne, genetički bi rekli ilji kak pak? Aj more človek navčiti kreativen biti? Ja te poznam kak jenu dobre pišuču, certajuču, sljikajuču, pripuovedačku uosobnost…Ja verujem da to se dohaja od moje veljike puotrebe da samu sebe osobne izrazim, bi reklji, čez jene pozitivne postupajne spram znajna, furt znouvič pruobam samu sebe bolše vpoznati. Naviek sprobavam predrieti do duha stvarji, spoznati če se tak more reči, bitek sieh stvarji. A največ me od sega interesiera dubine človječje duše, ze siemi razinah, černih i bijeljih do terih se more doprijeti, jih osietiti, zvljieči na poveršinu…razmeti.
Aj se moreme za treptaj uoka koncentrierati na tvoje sljikarstve? Od šteruga duoba sljikaš? Šteru tehniku rada nucaš? Kakove motiive vu svojem delu prerađuješ, kaj te vu uovem trenu inspiriera? Ozbiljnieše sem se počela sljikanjem zabavlati pred neke male več od dvie ljieta. Sljikam pretežite z akrilem na platnu. Moji pervi ozbilnieši radi su nastalji z moje žele pokazati da i jene ne tak perfektne žejnske tiele more biti jake ljiepe, če ga se gledi z očmi punim lubavi. Očem reči, da sem sljikala samu sebe, prema fotografijah kaj je muoj mužek naredil. Na tem sljikah su največma bilji akti brez glave.
Vu dalše faze sem pruobala čez sljikanje puortrietov, doteknuti ljudsku dušu. Več ilji menjše su te bilji portreti mladih dieklic kaj težke fizički vu jenemu skladišču dielaju, puodek gruozni uveti. Se jene su zaderžale raduost sprem živlejna, to me posebne duoteknule. Porad toga sem morti proubala, z farbah vu nihove živuote još vesela doprinesti.
Zde, tuo nie se, aj pak? Je, štima. Ima još neke. V naposlietku, pak mi se buol za duomem jahče javla. Vu tem mi pomaže moja puovezanest z prirodu. Sem si i tuj vu Kneževine prenašla svuoj vuglec mira. Rada prejdem k Ruogu vu Balzersu, tam vuživlem vu Rajninim berzakem i tak si znuovič punim baterije. Saki put na tem berzaki naredim ljiepi broj fuotki. I tak sem pred neke vrieme, znuovič gledeč kaj sem se naredila od fotografij, najempudek duobila puotrebu neke od tuoga prenesti z bojami na platne. Vupotrebu boji štere niesu gljih takove kak vu priroude zglediju sem zaprav pruobala, čez krajobraza, prikazati svoju vlastitu nutrinu, bi reklji osečaje. Gdaj zde, z jenem uodmakem te sljike gledim, spada nekak da sem rade nucala ruozu i ljubičastu, pak si misljim da je to bil moj pokušaj, ovie sviet čez ruoze očale gledeti.
Aj bi se muogle reči da se čez sljikanje i z njim zaprav tierapieraš, liječiš dušu? Tou štima, ilji? Ja praf za praf je tak. Zapraf je tuo najbolša terapia… Izuzev seksa…(Tuj se po pervi put nije nasmejala)
Aj si ti nekak nesrečna? Bolše pitajne, z čiem si ti nesrečna? Kaj ti falji da bi se bolše vu svoje kouže osiečala? Ne, nikak. Niesem nigdar nesrečna bila. Vu momentu sem same, po pervi put vu živlenju, nezapuoslena, i te mi stvarja liehki pritisek. Istevremene se vu mene stvarja žela biti one kaj sem i naviek bila – dobremisleči bourec. Sem čistem sigurna da bum skerem prenašla jen duober puosel. Verujem vu sudbinu. Zate kaj sem zapraf sama kovač svoje sudbine i sreče.
Vu perkos tomu da si se počela sljikarski samevučeče izražavati stoprem pred tri ljieta, se jene ti je uspele pokazati tvoje dela vu inozemstvu? Gde i gdaj točneše se tuo zgodile? Još 2010 sem zlagala vu jene galerije vu Wolfratshausenu pri Muenchenu, a iste te ljete na Azurne obale, vu Eze selu, skupaj z mojem muožkem. Tuj vu Kneževini sme istej imelji jenu izluožbu skupaj, aj te več nie ni spomenka vriedne.
Nu duobre, teške mi je poveruvati da je bile se tak jednostavne, da se same odsebe zguodile. Za takuove puothvate trijeba človeku nekakova poderška. Od koga si ju ti pak dobila? Se razme, moj muž kie je sam aktiven član ovdešne Umetničke udruge, sikak je zaslužen za te moje male uspehe. On me poderžava tak da mi pruoba čez razgovora dokazati kaj morem na svojem sljikam bolše narediti, izem tuoga on tuj ima pune poznatih pak uonda i ja čez tuo imam poderšku. Vu kreativnem i umetničkomu delovanju, jen drugem pošilame pozitivne vibre, bi reklji doubru energiju zmenjame.
Vu ovem ljietu (goudine) planierane je par nastupov od tebe i z tuobu. O čem se diela i gda se bu kaj zgodile? Več na pervuga travna 2012 ob četrnajste vure bu otperta naša zajednička izluožba „Dela vu svade“ iliti vu prepucavanju, tuj bljizu vu Švice točnejše vu Dvuorcu – Muzeju Sargans. Izluožba bu trajala do 03. lipnja tega ljeta, Tuj bum pokazala svoje akrilne sljike, portreti mojih duoščerašnjih radnih kuoljegic z Swarovskog i krajobrazi. Veljiki mi je puohvalek, kaj bu na otvorejnu o mojem sljikam puoveidal guospon Al Leu, umetnički kritičar, novinar i precednik Udruge piscov z Zuericha.
Sredinu rujana tega ljeta, pak tam negder do polovice prosinca bum imiela pervu samestalnu izložbu vu Vaduzu (glavne sele Kneževine). Sledečega ljeta pak bume skup izlagalji vu St.Gallenu, to je več iste dogovorene. A muore biti da bume još tega ljeta sudeluovali na jene skupne izluožbe vu Zagrebu. Vu sakemu slučaju, bume se tam prijavilji. Diela se o teme štera nas jake interesiera – erotika vu umetnuosti.
Vu Kneževine se človek jake rade i berže zuove umetnik . Gdaj sem jemput vu Švicarske rekel da dohajam z Lihtenštajna, je jen primietil:“ A je, to je tam gdej ima 35.000 umetnikov?“ (tuljike ima Kneževina stanovikov – pr.prev.) Drugi nam pridodajeju priljepke i imena, a tuo kaj sme je, je čiste neke druge. Ja znam same te da rada sljikam i tuo me diela zadovolnom i srečnu. Če još nieki drugi najde pri sebe osečaja za te kaj dielam, če mu je dobre i liepe pri serčeku, s tiem bolše. Tak se vumnožava jen diel duobre energije a tou je pak doubre tak.
Zde mi pak preostaje same, vu ime čitatelov i moje osuobne ti se zafaliti za ovie puoviedek, i poželeti ti vu budučem umetničkom i kreativnem delovanju,, a tak i vu živlenju se najbolše. Če si mišlejna da sem neke pozabil te pitati, aj pak ti još česa važnega za reči maš, slobene povieš, prosim liepe…Je, imam ja još punej tega za puoviedati, aj pak tuo nie za javnost (se smieje). Zahvaljujem se siem šteri su mi pomuogli da muoj baravek tuj i zde bu ugoden i šteri me ceniju gljih takvu kakva jesem, premeniti se i tak preveč ne morem. Je bormeš ima jih dosti pri šterem se muoram zafaliti, vu pervem redu gosponu Alu Leu i njegove supruge Martine, pak visuokem prectavnikem veleposlanstva naše Hervacke vu Švicarske šteri buju pri otpiranju izluožbe vu Sargansu. Na vem bi se mestu iste rade zafaljila autorju z Koelna gosponu Stanu Lafleuru, šteri je na svoje stranice
http://rheinsein.de/2012/03/26/rajkas-rhein/ pokazal 2 moja dela, kaj mi ne znači baš male.
Na kraju pozivlen se kie rade umetnost imaju, naj dojdeju na našu izluožbu. Veseljim se videti nouva ljica i dobre misleče ljudi hpuoznati. Do skuoruga.
* * * * * * * * * * * * * * * * * * * * * * * * *
Nemačka ina(t)čica članka more se prečitati sim:
Interview mit Rajka Poljak
RAJKA POLJAK – EINE FRAU IM FEUERhttp://presseportal.li/5006/rajka-poljak-eine-frau-im-feuer/ * * * * * * * * * * * * * * * * * * * * * * * * *
Dvorec Sargans (Švicarska)http://www.schlosssargans.com/ueberuns/index.htm Poziv na čitajne poezije Vlade Franjeviča
http://www.forumgorica.com/zabava/mala-svicarska/msg43595/#msg43595
Kajkavski se čuje i vu Švicarske (2)
http://www.forumgorica.com/zabava/mala-svicarska/msg43596/#msg43596
Vide(l)o najava izložbe
WERKE IN KONFRONTATION
Dela vu srazu (sukobu, su-kobi, su-sudbine)
(more i: zverke v konfrontacije) Sargans-Ausstellung