HR.KAJ.NĚ? - Lépa naša kajkavska / pregled tisKAJna

[Ljudevit Kaj]

Međimurske novine, 13.10.2009., br. 736.

Premišlavanje Jožeka radnika

Zberite si: ili pamet ili pošteje

Posle vsega smo, vu Staromo grado, otkrili spomenika Pereko Zrinskomo i Frano Krsti Frankopano šteri so se opraščali od Katice predi nek so genuli prema Bečo pred 339 let. A vsi znamo kak so tam zišli i gda so jim odsekli glave vu Bečkom Novom Mesti. Glavna za podizanje spomenika, a kaj znači za skupljanje penez, je bila čakoska Zrinska garda, a pomogla je Županija, Grad Čakovec i naši gastarbajteri z Kanade. Kak bilo da bilo, dugo je trajalo, ali ve je spomenik tu i tre ga deti vu ponudo čakoske turističke zajednice, a nej kaj bomo več črez leto dve zazvedili gda ga rabijo sam ftiči kaj se spraznijo.

Piše: Jožek radnik


Minuli tjeden smo preslavili Den neovisnosti, to vam je biv on četrtek gda je biv državni svetek i neje trelo iti v dero vu fabriko ili pak nekam drugam gde si što več kruheka služi. To vam je tak važen svetek kaj smo ga vsi jedva dočakali i to sam zato kaj je opav vu četrtek pak smo si mogli spojiti petka z vikendom i tak smo meli produženoga vikenda. Fala našemo državnomo Saboro i sabornikaj šteri so zdigli roke za tej svetek i tak nam povečali pušleka neradnih dnevov.
   
     Na sam Den neovisnosti je vu starešoj čakoskoj cirkvi bila meša za našo Domovino i za vse one šteri so dali svoje živote, počev od Petra Zrinskog, Frana Krste Frankopana, pak do poginulih vitezova našega domovinskoga rata, tak kaj mi denes moremo vu miro živeti i čim čim dale, tem tem bole pozabiti na jiv, šteri so nam to privoščili. A gda je tak bilo nejbole nam govori to gda je čakoska cirkva nej bila niti na pol puna kak zna biti za vekše svetke, makar je mešo služiv naš i varaždinski biškop, preštimani Jožek (pak moj imejak) Mrzljak. Biškup nam je vsima, kak političaraj tak i puku, održav jako lejpo prodeštvo. Lejpo je rekev gda oni šteri vodijo Domovino (političari) morajo meti mudrost i pamet, a mi vsi ostali pošteje. Posle je nekaj govoriv o korupciji, gde nam je pojasniv gda političari nesmejo delati sam za svoje interese nek za interese vsih nas, tak gda je na vse zadje zišlo to gda nama ljudima tre mudrost i pamet, a političaraj pošteje. Vidite gda i vu našoj Domovini, predi ili pak posle, vse dojde na svoje.

      Posle vsega smo, vu Staromo grado, otkrili spomenika Pereko Zrinskomo i Frano Krsti Frankopano šteri so se opraščali od Katice predi nek so genuli prema Bečo pred 339 let. A vsi znamo kak so tam zišli i gda so jim odsekli glave vu Bečkom Novom Mesti. Glavna za podizanje spomenika, a kaj znači za skupljanje penez, je bila čakoska Zrinska garda, a pomogla je Županija, Grad Čakovec i naši gastarbajteri z Kanade. Kak bilo da bilo, dugo je trajalo, ali ve je spomenik tu i tre ga deti vu ponudo čakoske turističke zajednice, a nej kaj bomo več črez leto dve zazvedili gda ga rabijo sam ftiči kaj se spraznijo.

     Nikak mi nejde vu to mojo glavo kak je pre spomeniko, mesto betežnoga gradonačelnika, govoriv jegov zamjenik Zoran Vidović, a gledav ga je drugi zamjenik Biševac, šteri je inače zaduženi za društvene djelatnosti. Prosim vas, najte me krivo razmeti, mortik spomeniki ne spadajo vu društvene djelatnosti? Pak nebrem niti ja vse znati! I nej sam to, Veselin je došev dok je ceremonija več hapila, a odišev je predi nek so Dalmatinci svoje otpopevali. Tak delajo pravi političari: vsi te vidijo dok dojdeš, a isto tak i dok odhajaš. I vu politiko se tre razmeti.

     Petoga oktobra smo obilježili svecki Den navučitelov. Nek se zna gda je to jako važno zvanje nej sam vu Lepoj našoj nek i vu celomo poznatomo sveto. Kaj nek vam rečem, vsaka čast navučitelima, neznam kak deci, ali so meni, ipak, navučitelice čuda fajneše i nekak jiv čuda rajši imam.

     Prečitav sam vu jenaj našaj novinaj kak je gospon Breznik z Putjan poslav vu vražjo mater vse čakoske gracke večnike šteri so mo zabranili kaj bo se po čakoskoj glavnoj vulici voziv z peciklinom. Nejpredi bi šteuv gospono Brezniko reči gda mo je kletva prekesno dojšla, jerbo je ta zabrana več tri leti stara, kaj znači gda spomenuti gospon vsako tretje leto ide z peciklino vu center grada ili pak vu bolnico. Još nekaj, zazvedili smo gda je jako zdravo se voziti z peciklinom, ali je gospon Breznik još nej zazvediv gda je još zdraveše hodati peške, makar i polek peciklina i to teh 100 ili pak 200 metri, kuliko je duga pešačka zona. Najgerek sam kaj bodemo čitali vu novinaj gda bode gospon Breznik išev peške po glavnoj čakoskoj vulici i gda se nešterni mladi junec vu njega pohajsne z peciklinom?

     Vsi so prepovedali kak bode Ivek Perhočov zrasev dok postane župan i to tak jako kaj mo nebodemo mogli niti do nosa doseči. Morem vam reči gda je to nešči zmisliv, jerbo sam Iveka videv pred tri dni i isto je takši kak je biv gda je išev vu šegrcko školo. Brzčas je pak predelav međimorski jal i to najbrž pre oporbenjakima.   


Zvir:
Međimurske novine, br. 736, 13.10.2009., str. 61
http://www.mnovine.net/index.php?option=com_content&task=view&id=11810&Itemid=138


Međimurske novine, 13.10.2009., br. 736.
pregled pdf:
http://issuu.com/mnovine/docs/mnovine736i?mode=embed&documentId=080529141635-9953d9ac231e42788d00d2305b793e02&layout=grey
download pdf:
http://www.mnovine.net/pdf/736/mnovine736i.pdf

* * * * * * * * * * * * * * * * * * * * * * * * * * *

Međimursko-novinski premišlant JOŽEK RÂDNIK na tur-for-um-u
(vupisati  Premišlavanje vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * *

Žiga i Bandisti - Međimurje, kak si lepo zeleno, 03:55
Žiga i Bandisti - Međimurje, kak si lepo zeleno

[Ljudevit Kaj]

Zagorski list br. 322 / 18.12.2009.

ZA DUŠU, ZA SPOMENEK

Šege pred božične cajte

Od cajta prie Božiča, na prvi dan zime je najduža noč. Poklje se velji da ide saki dan dukši za tuljike kuljike kokot more zevnuti.

Piše: Nevenka Gregurić
 
Slika:
http://www.zagorje.com/thumb.ashx?path=/ckfinder/userfiles/images/komentatori/greguric.jpg&width=430&height=250


Još kratki cajt nam je do Božiča, svetka teruga najrejše dočakame. Tak je radi toga kaj je rođenje navike i h familjije najveseljieši cajt jer je pod krof došlje nove življenje. Unda je te tak od vajkada veselji dan gda slavime rođenje Isusekove. Hnoge su nove šege za tie svetek porinule stare šege.  Stare šegi ja se navike rada zmisljim, našrajbam jih kaj se nej pozabile. Če se oče nekaj nafčiti mora se i opetuvati kaj ostane h pometi, tak i moje šrajbanje o te neše stare šege tere nam očeju nove i lucke strirati.

Žal mi je navike kaj se pune toga oče pozabiti, te je diel življenje naše pretke teri su nam ostavilji ljiepu i zdravu Zemljicu i svoje šege. Kak sme počelji životariti, pitanje je e bume kaj poštenuga mi ostaviljisvojam svojem pokoljenjam.

Dok lučem kak stiha snieg curi, maček mi tuče po obloku štel bi fižu, gruntam si i misljim na cajte prie prec ljiet gda je skore saki Božič, kak i cajti prie njega, bil bielji. Biela dvoriščeca bila su sprekrižana z maljemi tiricami tere su bilji puteci kud se hodilje. Od štalskuga stanja i hiž, se se pririhtavalje cielji prosinec mesec na veljiki svetek. Ribale su se po hiža prsnice, klupi i podi. Najprie su se zmele saje h šparete kaj bi bilji dobri cugi pri kurenju kaj bi se gibenje ščem bolje i ljepše spekle. Kak nie bilje prie štacune kaj bi se hunji kupouval kinč za hižu i cimer, se se je delalje doma.  Saku su večerku puce, alji i starieši delalji kinče za cinfrati hiže, krizbane ilji cimere. Kinče se je delalje od papiera, perinja, perja, slame i kaj česa druguga kaj se doma imelje. Bile su te rožice sakejačke felje i farbe. Saki gdoj je rožicu delal makar po istem, rožice su bile drukčeše. Pri bogate ljudie su se rožice smakale h rastopljeni vosek kaj su mogle duže zdržati. One su se spravljale za druge ljete  jer su mogle opstati. Plelji su se lanci tere su se zvezalji od sredine lampe po ciela prsnica. Saki kipec na zidu je oko sebe imel spleteni lanček, a respelčeka su imele venček od rožic. Z srebrnu farbu farbalji su se orehi i bažulj h komušinja z terem se cinfral ilji kitil krizban.. Hganjale su se med sobu puce tera bu napravila ljepši kinč i čieva bu hiža bolje porihtana i pocinfrala. Po hiža su hodilji snuboki nalukavat kakva je pri hiže puca. Baš hu te cajte gda nie bilja vanje posla ljudi su hodilji jedni k drugem. Hodilje se i nalukavat tera bi bila dobra sneha. Lukalje se po prsnica, pode, kluplja i šamrljine, e su dobre zribani. Lukala se i posuda e je dobre oprana. Če je se bilja kak spada, puca je imiela več snuboke i unda je mogla brebirati budučuga muža. Presnice po ganjke, komora i kuhnje cinfralji su ljusteri napravljeni od slame, koruze i bažulja. Jeden se ljuster nie mogel napraviti same jednu večerku pak je pajdašuvanje bilje več večerki. Se cinfe, pranje hiže i hadri moralje je biti gotove do Badnjaka. Šenička tera se posiejala na sv. Luciju bila je več prec zelena. Stolček teruga su muži delalji od Brbarenja moral je biti gotof. Veruvalje se da se z toga stolčeka more videti gdoj je h selu coprnica. On gdoj je napravil stolčeka zel ga je sobu na polnočku. Gda je bilje podiganje h cierkve, stalje se na tie stolček i polukne po cierkve. On gdoj stoji na stolčeku mogel je videti tera je baba coprnica. Puce su pak prie nek su išle na polnočku zele h ruke jabuku, obieljile ju tak kaj niesu koru prekinule. Cielu koru hitile su prek glave kaj je opala na pod. Obieljena kora složila se na podu h slove z kakvem bu počelje ime budučoga dečka i muža.

Od cajta prie Božiča, na prvi dan zime je najduža noč. Poklje se velji da ide saki dan dukši za tuljike kuljike kokot more zevnuti.


Zvir:
http://www.zagorje.com/clanak/6798/za-dusu-za-spomenek-sege-pred-bozicne-cajte.aspx

* * * * * * * * * * * * * * * * * * * * * * * * * * * * * *

Pregled člankov « ZA DUŠU, ZA SPOMENEK » gospě Nevenkě Gregurić na POTgoričkomu forumu:
(vupisati  Gregurić v iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Predlâjnski snég:

Zagorski list br. 218 / 21.12.2007 / panorama  (papérnato izdâjne)

IZ BAKINE PUČKE BILJEŽNICE

Božični vanjkuši

Piše: Zoran Gregurek


Dok se u mnogim domovima za božične dane posebno uređuju i čiste prostorije i vodi briga da je sve na svojem mjestu, u Zagorju se nekad za Božić nisu pospremali kreveti.

"Za božične dane nije trieba vanjkuše natepati jer tuo donaše nesreču. Če se vanjkuši pune diraju, na friškomu zraku prestiraju i popravljaju, veli se da se zemlja dira vu štere treba biti mir gda se treba naroditi Sin Nebeski. Zate postelj treba same prekriti z kupertu i pustiti vanjkuše na miru", govorila je naša hraščinska baka Ivka, pučka prognozerka. No, mira nije bilo u zagorskim kuhinjama za velike balgdane.

"Furt se dobre znal red i tuo kaj se bu gda jele. Saki dan nije bile mesa nek vu nedelju i gda je bil teški težački posel. Zate se na Buožić navjiek f tulec metala vekša pečenjka - guska, a na Štiefanje purica. Do nuovaga leta bi si male počivali, saki dan nej bile mese, ali bi uvijiek bila dobra rana. Za Nuove lete bi bil odojek ili kakov bolši kumad mesa. Unda bi pokle nuovoga lete par danof jeli ostanjke i več zmišljali kaj se bu kuhale za Trej Kraljof. Je, i onda pokle nije bile niš masnešoga za pojesti se do Sviječnice", prisjećala se baka. A zašto je bolje da nas dočeka bijeli i hladan, a ne blatnjav i kišni Božič, zanimalo nas je.

"Veli se da če je Buožič bijieli, onda je Vuzem zeleni, tuo tak i trieba biti jer za Buožić paše da bu snijieg, a za Vuzem lijiepe vrijeme. Ake je za Buožić tople vrijime i južni veter, na Vuzem bume vu nofte hukali, a tuo male šte oče", rekla bi baka.


Zvir:
Zagorski list br. 218 /21.12.2007 / panorama  (papérnato izdâjne)
Nepotpuno online-izdâjně:
http://www.zagorje.com[/blue]

* * * * * * * * * * * * * * * * * * * * * * * * * * * * * *

Pregled člankov „IZ BAKINE PUČKE BILJEŽNICE“ gospona Zorana Gregurka na POTgoričkomu forumu:
(vupisati  Gregurek vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * ** * * * * * * * * ** * * * * * * * * ** * * * * * * * * ** * *

Video:
Cinkuši-Bozična (1998),   04:31
Cinkusi-Bozicna (1998)

[Ljudevit Kaj]

Zagorski list br. 322 / 18.12.2009.

Dnevnik tate Bena

Blagdanska čestitka
 
Neki buju rekli da čkomim dok imam posel i plaču i da budem sretan. Ne smeta mene kaj veliju da nema za božičnice. Kriza je pa nema. Ak nema nema. Ali kak h proračunu onda ima penez za financiranje političkih stranaka? Zakaj to ne ukineju?

Piše: Tomislav Benčić-Ben
 
Slika:
http://www.zagorje.com/thumb.ashx?path=/ckfinder/userfiles/images/komentatori/bencic.jpg&width=430&height=250


U Hrvatskoj se i ljetes pojavil Grinch. Meni osobno taj čovek bi bolje zgledal ko Deda Mraz. Barem mu je sličniji po dimenzijama. Da mu se dene kapica, bjela brada i oblječe h črljeno bil bi isti Deda Mraz. A da ga se ovakvog kakaf je oblječe h zeleni triko ne bi mi bil sličan Grinchu nego bi mi više sličil na Tora (valjda je Toro ona depša žaba). Valjda ste razmeli na koga mislim.

Samo kaj ljetes Grinch nije hkral Božić nego božićnice. Ali ne sima. Neg samo nama. Gdo smo mi. Mi sme ljenčine i nič koristi. Mi sme nepotreban teret na grbači radnika. Mi sme super bogati i dobro debelo preplačeni na svojem poslu. Ili jednostavno rečeno ja sam državni službenik. Sad bute vi rekli da kaj se ja opče bunim. Imam posel, dobim plaču, i još bi štel i božičnicu. Da štel bi ju. I dobil bum ju. Če nem ljetes, onda bumo tužili državu pa bumo za par ljet dobili božičnicu i to s kamatama. I to bu puno več koštalo ovu našu državu nego da nam sad isplati to kaj smo dogovorili da bumo dobili za to kaj delamo. Samo kaj poznavajuči brzinu našeg sudstva kad bu sud gotov gdo zna gda bu onda na vlasti. Zato of GrinchDedaMrazToro more delati kaj hoče jer je njega i njegove baš briga e buju naši hnuki dužni 100, 200 ili 500 miljardi raznih penez. Dok za njih ima dobro je.

Neki buju rekli da čkomim dok imam posel i plaču i da budem sretan. Ne smeta mene kaj veliju da nema za božičnice. Kriza je pa nema. Ak nema nema. Ali kak h proračunu onda ima penez za financiranje političkih stranaka? Zakaj to ne ukineju? Ak se mogel ukinuti zakon po kojem su knjige za školu bile zabadaf naj ukineju i zakon po kojem stranke dobiju peneze iz proračuna. Naj se ukine financiranje gradova i opčina tere nemaju dost penez same za sebe. Zakaj se silni penezi h Bosnu šaljeju?

Za divno čudo jedan drugi dio državnog aparata me ugodno iznenadil. Vjerovali ili ne riječ je o hazezeou. Deci, točnije Patriciji i Sandri su se več bile dodrle zdravstvene iskaznice. Ž njih je opal magnetni kod, farba se zbrisala i nisu več bile upotrebljive. Prešla je žena tu h Zaboku do socijala i se je tu zbavila za par minut. Napravile su zapisnik da su iskaznice takve i takve i da več nisu za koristiti i za neko vrijeme buju deci doma došle nove.
A dočekal sam i dan da za dječji rođendan nema nereda po hiži. Patricija je ipak proslavila rođendan. Ona je štela iti van s frendicama. Pa sam joj dal nekaj penez i ona je s frendicama prešla malo van, pa ih je otpeljala na pizzu. Normalno da su se i doma navrnule, a žena je bila spremna i na to. Popoldan je napravila opet manchhumallow. I to uz svesrdnu Patricijinu pomoč. Da nete mislili da moja žena ne zna nič drugo napraviti od kolača! Ali deca hočeju to i gotovo.

Dobil sam i obrisač od buduće šogorice. Da kak prošli tjedan h nabrajanju kolača nisam nabrojal i baklavu kaj je meni njezin tata poslal. Nisam. I to zato jer to nije bilo za goste nego samo za mene.


Zvir:
http://www.zagorje.com/clanak/6794/dnevnik-tate-bena-blagdanska-cestitka.aspx

* * * * * * * * * * * * * * * * * * * * * * * * * * * * * *

Zâgorsko-lisnati kolumnist Tomislav Benčić-Ben na tur-for-um-u
(vupisati  Benčić vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Večernji list 14.12.2009.

FAKAT

Super, živimo u “Dolini sunca”!

Slika:
* 

Kriva mi je, naravno, vlastita unuka. Jer, bože moj, takva vrsta televizijskih serija samo su za djecu i besposlene kućanice. U međuvremenu se prikazivala jedna kojoj sam zaboravil ime. Znam samo da je sadržajno bila iz športskog, nogometnog miljea.

autor: Zvonimir Milčec


Gledam li “Dolinu sunca”? Gledam. Makar na preskok, ovlaš i usput. I ne sramim se javno reći da gledam sapunicu. A podsjetimo se samo prve domaće sapunice. Zvala se “Vila Marija”. Samo bi najhrabriji javno priznali da su u to vrijeme pred telkačom. I samoga sebe hvatam kak se već u naslovu aktualne kolumne na tu temu pokušavam opravdati, ako ne i ograditi. Kriva mi je, naravno, vlastita unuka. Jer, bože moj, takva vrsta televizijskih serija samo su za djecu i besposlene kućanice. U međuvremenu se prikazivala jedna kojoj sam zaboravil ime. Znam samo da je sadržajno bila iz športskog, nogometnog miljea. Gledamo je, naravno, samo zato jer volimo šport! Onda su nas “Ratkajevi” konačno oslobodili. Jer to je, kakti, povijesna tematika. Drugi svjetski rat. Ustaše i partizani. Javno bi u kavani nagađali je li, i koliko, glumački pogođena sličnost Poglavnika, a koliko Tita. Razgovaramo tako o povijesnim ličnostima, a ne o sapunici. A sad već, bez ustručavanja, javno pričamo o sapunici. Ili, kako se to na špici počelo nazivati, “TV novelom”. Ili “hrv. dramskom serijom”. Valjda zato da bi nam bilo lakše priznati. Pa da, to nije sapunica, trakavica i šekret-papir, kak volimo nazivati one plačljive serije meksičke proizvodnje. Koje, naravno, ne gledamo. To ipak propuštamo besposlenim kućanicama. Djeci ih ne preporučujemo, da ne otupe. “Dolinu sunca”, dakle, gledamo. Na kraju konca, zanatski više nego korektno obavljen poso (režiser Branko Ivanda). Glumci uvjerljivi i prirodni, a kaj se za mnoge naše tzv. umjetničke cjelovečernje filmove ne bi moglo reći. Tolko da se zna. A i zakaj ne bi gledali, kao da imamo bolji izbor?! Ili, možda, imamo. E, to su već drugi rekli. Tako se spominju izravni prijenosi iz Sabora. I sa sjednica Vlade. I, naravno, ova aktualna predstavljanja i sučeljavanja predsjedničkih kandidata. No, da. Uspoređivati ovaj naš realni život s tamo nekom nerealnom televizijskom serijom, zbilja je pretjerano. U “Dolini sunca” vlada totalna pomrčina i opći moralni rasap. Život u jednom provincijskom gradiću, doduše, slikovitom, sličnom Samoboru (navodno, u Samoboru i snimljeno) građen je na traču, međusobnom optuživanju, prijevarama, opstrukcijama, urotama, krađama, podmetanjima, kriminalu i svim vrstama muljaže. Tak nekaj zbilja se može vidjeti samo na TV! A možda i na parkingu. Tak me u nedjelju mlada vozačica kroz prozor svog auta pita – je l idem van. Idem van. Ali i unutra. U “Dolinu sunca”. Osmijeh na licu vozačice koja čeka da joj prepustim svoje mjesto otkriva mi domarku Sonju kod TV bogatuna Vitezovića. Sonju (Mirna Medaković) milijunsko gledateljstvo zna kao najveću negativku serije. S izazovnim osmijehom na lijepom mladom licu spremna je prevariti, ukrasti, podmetnuti i ucijeniti i vlastitog ćaću. I njen lik ovako uživo iz mene izvuče banalnu ocjenu: “Da znaš, Sonja, tak si dobra da te ljudi zbilja moraju mrziti”! Naravno da svojoj mladoj sugrađanki nisam mogao reći da bi u ovoj našoj političkoj I menadžerskoj tzv. eliti s takvom ulogom mogla napraviti uspješnu karijeru!


* Zvir :
http://www.vecernji.hr/index.php?cmd=show_clanak&clanak_id=66192&action=print_popup

* * * * * * * * * * * * * * * * * * * * * * * * * * * * * *

Gospodine Milčec, jeste li vi posljednji Mohikanac kajkavštine u novinarstvu?

- Još se i suzdržavam i kajkavštinu upotrebljavam samo kada treba povezati rečenicu. Da pišem sve na kajkavskom, naježili bi se oni koji misle da bi samim čitanjem postali kajkavci i purgeri.

Zvir:
http://www.jutarnji.hr/clanak/art-2009,5,9,,162543.jl

[Ljudevit Kaj]

Varaždinskě vésti, br. 3389, 15.12.2009.

Klopotec

Varaždin vu filmu

        A zakaj pravzaprav o tomu tuliko pišem? Zato kaj sam i ja tam negdi pred četrdeset let opčinskim komunalnim ocima predlagal nek kupiju dobroga fotoaparata i onu kinokameru “šesnajsticu” (jerbo digitalcov onda još nie bilo), i nek zadužiju jednoga ili dva činovnika da poslikaju i pofilmuju vse kaj se v gradu događa prije nego se počne nekaj staroga rušiti i novoga graditi. Znate kaj su mi rekli? Da govorim bedastoče! I sad zato, nemamo pojma kak je zgledala Milička vulica ili Vulica brače Radič, a samo se stari Varaždinci zmisliju raskrižja Pavlinske i Šenoine od prije nego kaj je zrasel denešnji “barokni” Coning centar...


Baš mi se zdopalo kaj se naša Varaždinska televizija z početka ovoga meseca v proslavu Dana grada vključila najbol kaj se je mogla, najme, pokazala je čak pet starih filmov o Varaždinu, za koje puno Varaždincov niti ne znaju da uopče postojiju. Tak mi se je znova zdopal i on film koji je bil snimljen za prvu osamstoletnicu Grada (1981.) i kojega sam još onda triput gledal v kinu “Park”. Film traje punu vuru i pol, režiral ga je Peter Veček, a prelepe snimke napravil je

Ilija Lekič, vu ono vrieme jen od najbolših snimateljov na zagrebačkoj televiziji.
A jerbo je film sniman prije one obletnice, liepo se v njemu vidlo kak je Varaždin zgledal prije toga. Tak si mam moremo zamisliti kaj se je vse napravilo vu gradskoj jezgri da bi ju čim bol zbegecali za proslavu tih 800 let kak se je Varaždin spominjal vu poviesti. Znucane fasade na Korzu, i fraterske i pavlinske cirkve, a posebno turnji bili su 1981. zguleni skoro do ciglov, a Stari grad je zgledal kak  da se hoče podreti ili ga mam treba prepustiti arheologima. No, vidi se vu tom filmu i kak se počel delati novi del grada, kak več štrči vodotoranj, kak je liepa bila Đurekova vulica tam gdi je prije pet rasla kuruza, ali su rečemo Zagrebačka ili Vrazova vulica zgledale kak i pred sto let.

A jedne su večeri pokazali vrednoga črno-beloga filma kaj se zval “Varaždin – grad tradicije i slave” i koji je, ne bute veruvali, bil zgotovlen 1935. leta. On svedoči kak je naš grad ili točneše njegov centrum zgledal vu to vrieme gda je zeleni plac bil pri Grguru Ninskomu a stara se krama prodavala v Cankarevi vulici kak sad na Sajmištu. Vu starim novinama “Varaždinskim novostima” našel sam članka iz 1934. leta “Filmovanje grada Varaždina”, a v njemu piše kak je iz Zagreba došla “ekspedicija Higijenskoga zavoda pod vodstvom dr. Chloupeka” koja je filmala naše crkve, fasade, gradsku večnicu, kazališče, a posle su snimali i najzanimleveše kraje Zagorja, Trakoščan, Ravnu Goru i Veternicu... I del toga 75 let staroga filma mogli smo sad gledati na našoj Varaždinskoj televiziji.

A zakaj pravzaprav o tomu tuliko pišem? Zato kaj sam i ja tam negdi pred četrdeset let opčinskim komunalnim ocima predlagal nek kupiju dobroga fotoaparata i onu kinokameru “šesnajsticu” (jerbo digitalcov onda još nie bilo), i nek zadužiju jednoga ili dva činovnika da poslikaju i pofilmuju vse kaj se v gradu događa prije nego se počne nekaj staroga rušiti i novoga graditi. Znate kaj su mi rekli? Da govorim bedastoče! I sad zato, nemamo pojma kak je zgledala Milička vulica ili Vulica brače Radič, a samo se stari Varaždinci zmisliju raskrižja Pavlinske i Šenoine od prije nego kaj je zrasel denešnji “barokni” Coning centar...

I vu Optujskoj vulici bile su samo stambene prizemnice a sad je dučan do dučana, pozabili bumo i kak je zgledala Preradovičeva prije nego je dobila “gimnazijskoga aneksa”, kak i da su vse okolo grada kuruza i krumper rasli tam gdi su sad trgovački centri. Na žalost, o tomu nema nikakšnoga, službenoga, filmskog zapisa. A malo bolša videokamera denes košta kak jeden malo pošteneši domjenek. Samo bi trebalo i o poviesti tu i tam misliti...


Zvir :
http://varazdinske-vijesti.hr/3389/klopotec/varazdin-vu-filmu?opcija=kolumnisti

Prelistajtě nôvi broj "Varaždinca"
(živopisano (online) izdâjně "Varaždinske vésti"):
http://varazdinske-vijesti.hr/online/Main.php?MagID=1&MagNo=1

pdf-pismohrana:
Varaždinskě vésti
http://varazdinske-vijesti.hr/pdf-arhiva
Županiske vésti
http://varazdinske-vijesti.hr/arhiva-zupanijske-vijesti

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Preštimani gospon KloPOTec - kajkavski call-um-nist z «Varaždinske vésti“ na tur-for-um-u
 (vupisati  Klopotec vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * * * * * * * * * * * * * * * * * * * * * * *

Kalman-Marica grófnő-Szép város Kolozsvár

Video:
Kalman - GRÄFIN MARICZA - Komm mit nach Varasdin,  04:15
Kalman-Marica grófnő - Szép város Kolozsvár
Szilágyi Olga - Dániel Gábor

Opširnešě:
http://www.forum.gorica.hr/index.php/topic,2278.msg85330.html#msg85330

* * * * * * * * * * * * * * * * * * * * * * * * * * * * * *

Spot  Več tri dana varaždinske grupe Pot*
* Plemenita Občina Turopôlska
www.turopolje.hr
Pot Vec tri dana

[Ljudevit Kaj]

7 Plus – Regionâlni tjědnik Severozâpadně Hrvackě
15.12.2009., br. 291

Kolumna (Zločesta) Vrtoglavica

Vratija se Ive, di je bija, di je bija, di je bija..

Di je bil kad ga tak dugo niko ni videl? Vu Hacu? Kaj god.

Pišě: RADAR


Vratil se Ivek. Vidli su ga na Mirogoju. Di je bil kad ga tak dugo niko ni videl? Vu Hacu? Kaj god. Pa tam su ve si vu reštu radi pljački i farbanja tunelov farbami kaj koštaju kak suho zlato. Je morti bil vu Podravki? Kaj bi. Pa tam više nema nikoga od njegovih pajdaši. Zaprti su i čube vu reštu. Oni kaj su ostali su se vu mišju rupu skrili i čekaju bolše dane da im pak svanu.

I Poli više nejde tam. Ve je došel Ljubo pa niko više nemre mutiti financ-juhe prema Ivekovom jelovniku. Pa je ve stanje vu Podravki kak na karminama. Najviše zato kaj više peneze nemreju drpati kak bi neko na vrhu štel.

Bar tak ve zgledi na prvi pogled. No, pa gde je onda bil Ivek? Morti vu Hažeju? Pa, nej Štefek smeha detati. Kaj bu tam. Njegovi poltrončeki z Hažeja su vu Remetincu na prisilnom dopustu. Morti tam i ostaneju il ih budeju premestili vu resort agroturizem vu Lepoglavi.
Bil je ziher vu INAMOLU. Morti je proučaval ugovor kaj ga je Poli potpisal z Mađarima da se vu Hrvackoj osećaju kak doma, za vreme Avstrougarske. A morti je bil v ribarnici i gledal hobotnicu kaj su joj malo krake skratili. Kajti je već bila bezobrazno duga.


Zvir:
http://issuu.com/regionalnitjednik/docs/rt_291/60

ili
http://issuu.com/regionalnitjednik/docs/rt_291   , str. 60
http://www.regionalni.com

* * * * * * * * * * * * * * * * * * * * * * * * * *

Pregled RADARSKE člankov «Vrtoglavica» na POTgoričkomu forumu:
(vupisati  RADAR vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * *

Vrtoglavica - V(e)rtig(lavic)a – Vertigo
Vertigo (1958) Trailer - Alfred Hitchcock, (kajler), 02:24 
Vertigo (1958) Trailer - Alfred Hitchcock

[Ljudevit Kaj]

Međimurske novine, 15.12.2009., br. 745.

Premišlavanje Jožeka radnika

Barika je zela stvar vu svoje roke…

A kak dugo to privas traje? Ali, sosed, prosim te lejpo kaj mi poveš istino. Nekaj sam počev skamuckati, a ona se smickala vse bliže i bliže k meni. Najempot me je zgrabila za roko, a ja sam se niti nej znašev, i rekla mi je gda Imbra nebode došev dimo do večera. I kaj sam unda mogev naprajti, osramotiti moške ili pak pomoči sosedi kaj si sama prekontrolera kak dugo to prinas traje? Sigurno vas gvinta kaj sam, itak, napraviv? Pak je Barika još nej tak stara, a niti je nej robava, kaj bi bila samo možova. Dok sam išev dimo sebi sam obečav kak se več nigdar nebudem nikam rivav. Pak kaj je meni to trelo kaj sam spašavav nas moške, a i doktora Plešnara. Tak sam i lani napraviv z pijačom, dok sam išev pijan dimo z goric: skorom sam prestav piti.

Piše: Jožek radnik


Lejpo nam je gospa Vesna Pusič rekla gda vse države štere su vu nevolaj za svojega precednika birajo precednico, ali neje vu pamet vzela to kaj mi vu Hrvaškoj vse delamo čistam drugač i mi bodemo zebrali, vtruc vsima, precednika. Do ve je navek tak bilo i brzčas bode i ve tak.

Nej znati kaj bode od županiske razvojne agencije Redeje. Županijski večniki so počeli navelikom gombati protiv je kak skorom nikaj nej služi, a hajdig troši. Takšo jedno imam ja doma, ali je nej agencija makar je, isto, ženskoga roda. Najte me krivo razmeti, ali neznam vam kaj reči o Redejinim projektlinima, ali oni vse delajo kaj bodo, črez par let, ojačali našo županijo, a naša precednica, gospa Jaca Kosor dela na temo kaj ukine županije i stvori regije. Nej znati gda i kak bode Redeja dojšla na zeleno kito?

Jako sam najgerek kak bode naš župan posloživ te svoje nove težake? Raspisav je natječaje i za 9 praznih mesti je dojšlo77 moljbi, tak gda nam je ve župan na sto muka kak od vsih teh šteri se nudijo zebrati one nejbolše. Kuliko se ja razmim vu tej posel, koga god bude zebrav nebode dobro, jerbo si bode navek gruntav kak je nešterne bolše poslav dimo. Ne bi mo štev biti vu koži, ali tak je štev i ve mora pojesti ono kaj si je skuhav ili pak zakuhav.

On minuli tjeden je Sveti Mikloš nosiv darove za deco i to sam onima šteri so bili dobri. Kak je i Sveti Mikloš vu krizi i recesiji nej mev dostik penez vu kasi pak je nej mogev donesti vsima, tak gda so negdi japeki i mamike ili pak japice i mamice morali malo doštukati. Morem vam reči gda so se nešterna deca tožila gda jiv je Sveti Mikloš preskočiv. Vidite, zbogradi tega moram pofaliti nešterne navučitelice vu čakoskaj pučaj školaj štere so, mesto Svetoga Mikoša, svojaj đakaj nametale darove vu čižmice. One so zazvedile gda je jako lejpo, a i pre srco jim je navek nekak toplo, dok nekoga razveselijo. A deca to zanavek zapamtijo.


(vezana vést:
ČAKOVEČKI UROLOG mr. sc. ANTONIO PLEŠNAR MEĐIMURCE UKLJUČIO U SEKSUALNO ISTRAŽIVANJE
Sa ili bez vatrenih tableta Međimurci su ljubavnici maratonci! ...
Međimurske novine br. 743., str. 25.,25. *)

Pozvala me soseda Barika k sebi i dok sem došev mev sam kaj videti: pred sobom je mela dvoje Međimorske novine. Vu levoj roki je držala one vu šterima je doktor Plešnar govoriv kakši smo mi Međimurci, z ženami, vu kerdelji, a vu desnoj je držala ove vriškeše vu šteraj sam ja pisav o venoj, venomo i venodjajo. Čim me spazila mam mi je zbajala kak niti doktor, a niti pak moj Jožek neznajo kak se dugo pravzaprav venodjajo Međimorke i Međimorci. Videv sam gda mi je soseda navijena, pak sam jo pustiv nek prepoveda: - To prinas traje nejmeje dve vure, jerbo nejpredi zgubimo pol vure kaj ti ja mojega Imbrija nagovarjam, a on se nanuja i furt nekajk mrcka. No, ali dok meni dojde milo ja se nedam sam tak otirati i posle pol vure on, nejvečpot, nebre zbeči. Treba nam par minot kaj se dovlečemo do hiže, ali čim dojdemo nutri ja ga drufnem na kerdeljo i počnem ga slačiti. Dok to zbavim unda je pred menom nejtežeši posel, zdiguvanje jegovoga venoga, nanujanje kaj se stane i hapi se nekaj delati. Kak je jegovomo venomo lenguzanje jakša strana za zdiguvanje zgubim nejmeje deset minot. To naše prepravlanje za venodjanje bi još duže trajalo gda se nebi sama slekla i pod jega se podvlekla.. Znaš kakši so moški, ne jim je za posel, ali dok jiv dotiraš pred zid unda se, ipak, primejo posla. Takši ti je  i moj Imbra, oddelav je to svoje kaj sam ga nucala. Nebrem ti točno reči kak dugo je to trajalo, ali znam gda bi ja zdržala gda je bilo i tripot duže. To sam mo onak stiha i rekla. Unda se je počev zgovarjati kak sam ga na brzino zgrabila, kak se nej dostik dugo prepravlav, kak je biv žejen, kak mo ne paše gda toga nočnoga posla po dnevo delamo, kak je biv strahom kaj nebi što došev k našoj hiži i našev nas vu poslo… i kaj ti nam dale prepovedala. Na to zgovarjanje smo zgubili dobre pol vure. I unda je vtihnula jeden kratek čas. Misliv sam gda zbraja minote ili pak vure, ali najempot je zdigla glavo, lejpo me pogledala i zapitala: - A kak dugo to privas traje? Ali, sosed, prosim te lejpo kaj mi poveš istino. Nekaj sam počev skamuckati, a ona se smickala vse bliže i bliže k meni. Najempot me je zgrabila za roko, a ja sam se niti nej znašev, i rekla mi je gda Imbra nebode došev dimo do večera. I kaj sam unda mogev naprajti, osramotiti moške ili pak pomoči sosedi kaj si sama prekontrolera kak dugo to prinas traje? Sigurno vas gvinta kaj sam, itak, napraviv? Pak je Barika još nej tak stara, a niti je nej robava, kaj bi bila samo možova. Dok sam išev dimo sebi sam obečav kak se več nigdar nebudem nikam rivav. Pak kaj je meni to trelo kaj sam spašavav nas moške, a i doktora Plešnara. Tak sam i lani napraviv z pijačom, dok sam išev pijan dimo z goric: skorom sam prestav piti.


* (vezana vést:
ČAKOVEČKI UROLOG mr. sc. ANTONIO PLEŠNAR MEĐIMURCE UKLJUČIO U SEKSUALNO ISTRAŽIVANJE
Sa ili bez vatrenih tableta Međimurci su ljubavnici maratonci! ...
Međimurske novine br. 743., str. 25.,25. *)
http://issuu.com/mnovine/docs/mnovine743i?mode=embed&documentId=080529141635-9953d9ac231e42788d00d2305b793e02&layout=grey


Zvir:
Međimurske novine, br. 745, 15.12.2009., str. 69
http://www.mnovine.net/index.php?option=com_content&task=view&id=12430&Itemid=138

Međimurske novine, 15.12.2009., br. 745.
pregled pdf:
http://issuu.com/mnovine/docs/mnovine745i?mode=embed&documentId=080529141635-9953d9ac231e42788d00d2305b793e02&layout=grey
download pdf:
http://www.mnovine.hr/pdf/745/mnovine745i.pdf

* * * * * * * * * * * * * * * * * * * * * * * * * * *

Međimursko-novinski premišlant JOŽEK RÂDNIK na tur-for-um-u
(vupisati  Premišlavanje vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

* * * * * * * * * * * * * * * * * * * * * * * * * * *

Međimurski Jezeraš (Šteri ima najvekšega? ), 03:59
Međimurski Jezeraš ( Šteri ima najvekšega? )

* * * * * * * * * * * * * * * * * * * * * * * * * * *

 Žiga i Bandisti - Međimurje, kak si lepo zeleno, 03:55
Žiga i Bandisti - Međimurje, kak si lepo zeleno

[Ljudevit Kaj]

Školski kutak VIII.
OŠ Hodošan, Međimurje

Kak je negda bilo na Badnjak i Božić

* * * * * * * * * * * * * * * * * * * * * * * * * * * * * *

 Badnjak, Božič i Štefanje

     Negda, dok sam jo bila mala, komaj smo čakali kaj dojde Božič. Na Božični večer se je bilo čisto, se se prepravljalo. Čakali smo dok dojdejo stori japa z slamicom. Mi smo si klečali na podu. Stori japa su donesli slamicu f plofti i bajali smo: "Na to mlado leto, zdravi i veseli..." i zaželeli da nam Bog do se: zdrovje, sreću i mira Božjega. Mi smo zmolili deset zapovedi i puno molitvi.
     Unda su stora mama naprajli na stolu križa od slame, posipali pšenicom, kuruzom, žitom i grahom, prekrižili su to se z rokom i prestroli z belim stolnjakom. Za večerju je bila juha i gibanica z repom. Mi deca smo v slami iskali kaj nam je Isusek donesev. To su obično bile napolitanke zamotane v svetli paper i po kaki cukor. Potli smo kinčili bora i popevali Božične pesme. Starejši su dišli k polnočki, a mi mali smo zaspali na slamici. Stora mama su pekli čurke i kuhali meso. Dok su si došli z polnočke išli su si k Božični večerji. I nas su zbudili. Si skupa smo jeli i popevali. Na Božič se ne nikaj delalo sam se išlo k meši.
     Na Štefaje rano v jutro se slamica dnesla vum. Nekaj kokošima, nekaj pajcekima. Dečki od rodbine su došli bajat. Saki je mev malo torbicu de je nametav koloče kaj je dobiv, jer ga negda penez ne bilo. I tak su nam prešli Božični svetki.

Zapisala: Saša Sabol
Pripovijedala: baka Štefanija Sabol, Palinovec 15

* * * * * * * * * * * * * * * * * * * * * * * * * * * * * *

Kak je negda bilo na Badnjak i Božić

     Badnjak je den prije Božića. To je den iščekivaja Isosovoga rođeja, priprema i molitvi. Žene so negda celi den pekle zdigane koloče v bidrami (zemlenim posodama) z makom i rehima. To se jelo na Božić i potli. Na Badnjak se postilo: jeli so se trganci, ribe, kalamperova šalota i domoči kompot-kuhane suhe slive, jaboke, hruške tepke i fige. Odvečer je japa z decom kinčiv bora i popevali so svete pesme. Na bor so se nametali domoči ukrasi i saloni-cukor v zlotnomu ili srebrnomu paperu. Pod bor se dela štalica. Prej neg se je vužgalo svetlo japa ili japica donesli so v hižu slamu. Rekel je: "Falen Isus" i počev bajati. Zaželev je se dobro za drugo leto. Familija je čekala s krunicama i unda so si skupa molili pre posvečeni sveči. Potli se vužgalo svetlo, vampolica na petrolej (prej neg je došla struja), saki si je zev malo slame, dev jo v križ na stolec i na to si sev kaj nav mev mozole i druge betege. Nekaj se pojelo posno i stol se pospraviv. Pod stoljak se delo malo graha, pšenice i kuruze i drobni penezi. Te peneze dovali so dečkerima šteri so došli na Štefaje bajat (Štefaje je den posle Božiča). Na stoljak se dela nejlepša, okićena bidra (koloč) i raspelo. Pod stol se dela slama. Tu so na slami spola deca, a na Štefaje se dnesla vum. Celo to vreme, dok je slama bila v hiži, nese smelo pometati. Na Badnjak se išlo na polnočku. Se je bilo tiho, svetlo po hižama (prej sveče, a potli žarolice)...
    Na polnoćki se popevleju nejlepše svete pesme. Negda se i 10 kilometri išlo pešice v forno cirkvo na polnoćku. Moži so si buli čižme do kolena i blekli doge kapute, a žene visoke šolce, guzane kiklje, bundeke i prelevance. Cirkva je lepo okinčena, posebno velike jaslice - štalica z Marijom, Jožefom, malim Isusekom, z tremi krolji, pastiri, ovčicama, oslekom, volekom, a ober sega zvezda repača. Posle polnoćke jani drugima čestitali so Božića. Dok so došli dimo, z žepa so zeli jaboko čerleno i hitili jo v zdenec. Što je prvi išev na Tri krolje po vodo, jabokojezev vum.
     Na Božić so se deca stala i bežala pod bor glet kaj im je donesev Isusek. Negda so to bile jaboke, orehi, a bormeš i nova oprava i drvene igročke. Na Božić se išlo k meši i jelo se nejbolše kaj je što mev. Ali, fina hladnetina i pečene čurke jele so se mom dok se došlo z polnoćke. Na Božić je familija skupa.

Zapisivač: Ivan Petar Srpak
Pripovjedale:
Franciska Škvorc (prabaka) i Ljuba Canjuga (prabaka) iz Vularije

* * * * * * * * * * * * * * * * * * * * * * * * * * * * * *

Stori običaji za Božić

     Por dni predik Božića smo delali cimere i cukore za bor. Den za denom došel je Badnjak. Polne smo jeli grah, makarunce i z suhimi jabuki, slivami i hruškama. Predik večerje su stori japa v hižo donesli slamo. Na slami so bajali, a mi obitelj, deca i mama se pokleknuli i počeli moliti. Dok smo zmolili se išlo stola slagat. Na stol je stori japa del slamo z šterom je napraj križa. Spod stola je del kuruzo, pšenico i graha. Se to se lepo složilo i išlo večerjat. Večerjala se hajdinska kaša na juhi, mlinec i gibanica z repom ili jabukami. Dobro smo se najeli i išli kinčit bora. Bor je bil prirodni, ne umjetni. Okinčili smo ga z onimi cukori, prostim kuglama i pozlaćenim rehima. Pod bor se dela lepa zelena pšenica i črlene jabuke. Okinčili smo bora i dišli k polnočki.
     Žene so mele blečene ljegane kiklje, bundeke, prljevance, a moži hlače i ancuge. S polnočke smo došli dimo i išli jest. Jel se boncek i hladnetina s kuruznim kruhom. Dragi den je bil Božić. Išlo se k meši, v jutro i polne. Blekla se najljepša oprava: črleni ili plovi ancugi, prljevanec, tibeti, lepe svetle forbe. Polne se jela kokošina juha, kokoš s hrenom, zelje z mesom i gibanica ili palačinke. Potli polne se išlo k večerni. Den je brže dišel. Došlo je Štefanje. Rano smo se si stali. Trebali smo posprajti slamo vum s hiže kaj na njo nado došli bajači. Dok so oni došli počeli so bajati. Dov im se šteri dinar ili pak štraca z likerom.

Napisala: Marti na Vidović
Govorila: Katarina Vadlja iz Hodošana


Zvir:
Školski kutak VIII.
OŠ Hodošan, 30. lipna 2005. leta
str. 4, 5
http://www.skola-hodosan.hr/kutak/Skolski_kutak_08.pdf

[Ljudevit Kaj]

FRANJO HORVATH

OBIČAJI V IVANCU

1. Običaji Božićni


Na sam sveti večer dojde muškarec pred hižna vrata, onda pokoči na vrata i onda veli on vuni: dober večer daj vam bog pune škrinje žitka, pone lagve vina, debeli konjov, debeli volov, debeli telić, debeli prascov. Daj vam bog picikov i racikov i dušno zveličenje. Gda to zgovori onda ide v hižu pa si sede i daju mu žitka i kruha i vina. Žitom mora zašvignuti okolo i zezvati picike. Onda mora dati sakomu ki je v hiži piti i to zato da bodo rajši živina pila. Onda dene po stolu po prečki žita od jednoga vogla do drugoga do tretjega i štrtoga. Onda mora napraviti sredi vienec s slame i na ovoj slami mora zasaditi kokoš, da se rajši piščanci zvađaju.

Onda dene na saki vogel jenu repu, saka ta repa mora biti od drugoga meseca. Da repa stirja cimu onda se mora sejati onoga meseca od kojega je repa.

Pred polnočkom mora se dati blagu koruznica da si šumiju, da copernice neladaju z onom štalom i z onim blagom, kajti se copernice boje onoga šomotanja.

Po polnočki se mora dati mladine sačkovoga zrnja zobati da rajši neseju jajca. To žito se mora dati mladine na Božić na Vuzem i na Trojake, ali to žito se mora nesti vu cirkvu k meši i to k polnočki, k zornici i k pozni meši. Isto tako se nese i hleb kruha k ovim trem mešam a to je zato kaj se da saki kravi jen falačic za jesti kaj bolše mleko imaju i kaj ga već imaju.

Na Božić i Štefanje nesme dojti puca pokrita v hižu dokle si skupa nedojdu v hižu a onomu možu ki dojde s pucami od polnoćke dadu flašu s vinom i kruha hleb.


Zvir:
http://marijan-kras.com/knjiga/html/dodatak.html#b3

[shaka zulu]

Oni dani u mjesecu
 Ne, ovdje nije riječ o reklami za vaše omiljene proizvode. Makar vaš autor u ovome trenutku neodoljivo podsjeća na Miu M. (kaj je uopće s tom ženom ?), ovih nekoliko redaka je posvećeno onim danima kada u gradu Zagrebu (nekada znanom kao bijelom, znate onu staru "O bijeli Zagreb grad, u tebi svatko hoće živjet rad" ili "Nebo se plavi, bjeli se Zagreb grad"), kada sve naprosto pukne i "nikaj ni normalno i svi ponoreju".

Version Kaikaviana

Svi nekaj pripovedaju kak nam je gospodarstvo v muškome spolnom organu i da nikaj ne dela kak spada i kak se šika, ali Bogu fala, dan prije blagdana, svaki Štefek je već v dvanest vur na cesti i nori li ga, nori. Naime, ja sem ponosni vlasnik coupe-roadstera znanog kao Renault 4 (srpski Reno Četri), pa često pokazujem svoju makinu bokcima koji voze lošija kola od moga R4 roadstera (lažem pokazivao sam, sad je roadster prizemljen). Unatoč tome kaj je novi zakon pritegel i kaj fort drotovi grizeju za vrat, dio rulje na zagrebačkim vulicama jednostavno nije čul za vozački (i bilo kakav) bonton. Ak ste samoubojica i imate neopisivu potrebu skratiti sebi muke, onda vam je najbolše vreme da si život zemete negdi oko tri v petek na potezu duž Ljubljansku ili Vukovarsku. Dovoljno je da nabavite kakav autek i bez problema bu se našla kakva priglupa sponzorušica da vam zeme prednost posred križanja i da odletite, s oproštenjem, vu vražju mater. Specijalnost kamikaza s zagrebačkog asfalta je prestrojavanje na semaforu kad je zeleno. Dosta o prometu.


Version Shtokaviana (jos malko o Pannoniji)

Dobro, prebacil bum se na novoštokavštinu. Jel vi znate da je hrvatski standardni jezik se fura na govor Srba istočne Hercegovine? I to zahvaljući priglupom dijelu jezikoslovaca sredine 19. stoljeća koji su slušali Vuka S. Karadžića. E blentoni. Najizvorniji hrvatski, od štokavskih govora, je ikavica kojom govore Hrvati od Subotice pa do sinjeg Jadrana. Kajkavski je nekada pokrivao puno veće područje, tako da je do dolaska Turaka, Slavonija bila kajkavska. Točna zapadna granica hrvatskog-kajkavskog govornog područja, dugi niz godina nije potvrđena. Najbolji primjer je toga da je od glavnih slovenskih nacionalnih junaka nije nitko drugi doli Hrvat Matija Gubec. Da se vratimo na štokavski. Nekada je postojala izvorna hrvatska štokavska ekavica. Ona je nažalost izumrla zbog ujedinjenja u Jugoslaviju, pa ju je srpski jezik pojeo. Čakavski izgovor je specifičan samo za Hrvate. Inače, Istra i njen cjelokupni folklor se mogu smatrati najizvornijim hrvatskim. Gorski Kotar je nekada govorio kajkavskim, a danas je to ostalo u obrisima. Jedna od najpoznatijih popevki "Beli most" je produkt Ivana Gorana Kovačića. Glazbu za istu je napisao Afrikanac. Specifično je za Zagreb da svi naši crnci-Zagrepčanci besprijekorno govore kajkavski. Možda su kajkavci došli iz Afrike.

U jebal ga vrag, pa sad sam tek skuzim da sam pisal s kvackama Jos uvijek imam naviku pisati kao da pisem za neki "visoakademski" site :p Dobro toliko od mene za izvorni post.

Pero, s ljubavlju
http://panonija.blog.hr/arhiva-2005-02.html#162852

[Ljudevit Kaj]

Zagorski list br. 323 / 24.12.2009.

ZA DUŠU, ZA SPOMENEK

Božič mojuga detinjstva

A unda, prie polnočke prešla sem h selje gled lucke cimere. Navike sem mislila daje moj cimer najljepši. Mati i ja sme išle na polnočku. Nie mi se bilje hjutre teške zdiči gda sem triebala iti h školu. Senek sem jedva čakala gda sem na Božič išla škole doma. Hiža je dišala po fine juhe, pečenem živačem mesu, mljinci i gibenice. Mama me dočakala z smiehem za postavljenem stolem prepunem jela. Čakale sme da dojde otec z posla i da si skupa obiedujeme.

Piše: Nevenka Gregurić
 
Slika:
http://www.zagorje.com/thumb.ashx?path=/ckfinder/userfiles/images/komentatori/greguric.jpg&width=430&height=250


Bila sem huda kaj vučiteljica nie rekla da složime knjige i bilježnice h torbu. Bože moj, gruntala sem hu sebe, kak je denes dosadna. Znam da nje Badnjak nič ne znači, gruntala sem, a unda i tak misljila. Alji senek bi nas triebala pustiti bar malje ranieše dima. Konačne gda sme delji knjige h torbu, stolce na meste, pozdravilji se i saki se zjuril po školska štienga prema vanjska vrata. Nikomu denes nie bilje do igre oko škole. Bil je Badnjak. Bila sem bljizu škole pak niesem morala galopierati prema hiže. Štiela sem ščem duže biti na putecu prema domu. Snieg je pokril put i štrekicu po tere je rajžica vozila vugljen. Vrbe, pune snega, svile su se tak kaj su skore dotikavale put. H nadra vrbi i puta skakala sem z praga na prag male rudničke štrekice i za čas bila h dvorišču. Z rafunga je visoke išel dim, a okne su bile rosne. Te je bil znak da se fiže fejst kuri i pari. Mala sestra skupljala je kaplice vode i z prsteke šarale slike po šajba. Z kuhnje je dišalje po zdinstanomu luku.
„Faljem Isus mama"!, pozdravila sem mater tere je z bieljem fertunem na sebe presejavala melju za gibenje i kruh.
„Navieke diete moje", otpozdravila je. Kak da je jedva dočakala da dojdem dima. Počela je same poviedati kaj trieba napraviti. Denes mi nie bilje nič teške napraviti. Najprie sem triebala donesti dosta drvi h koštulu za drve h kuhnje, a unda zakuriti h peči h sobe h tere bu se h večerku kitil cimer. Gda sem te napravila z najža sem donesla kinđe, nekaj lanjske, a nekaj nove napravljene tere je mati čuvala h koštulje. Smuknula sem h špajzu i znovič lukala h škrnecljin h terem su bilji bomboni za cimer. Zamotani h žuti, zlatni, zeleni, crveni i plavi svietlji papier čučalji su škrnedjinu, a h zubie su punilji sljine. Jenuga bombona sem več odmotala i pojiela nekteri dan i nebi več smiela zeti ni jednuga. Nu želja je bila jača. Z stiha sem odmotala svietlji papier, scuknula z nutra bielji bombon i diela ga h zube. Unda sem poljehku nazaj sfrkala papier kak da je nutre bomobon i nadala se da mati i otec neju vidlji da je papier prazni. Cajti su curelji, otec je došel z posla i sam je bil nekak dobri i vesel. Obrve mi niesu bila skupa kak navieke gda je došel dima. Prešel je h sušu gde je bil bor teruga je sam napravil od kitja. Donesel je jednu veljiku kitu bora, nasadil ju na drveni stalak i unda je naokol, po delje kite, vrtal rupe i nutru metal kitice. Niesme imelji penez za kupiček bora pak ga je otec napravil sam. Saku kitu je još zvezal z preju kaj nej opala. Gda se je mradlje donesel je bor fižu. Si sme ga skupa kinđalji, a tata je gundral svete pesme. Za čas je h kutu na stolu bil lijepi nakinđani cimer. Otec je pod stol donesel slame, a na stol žitka. Poklje večere mati je diela na stol najljepši stolnjak teruga je imiela. Na sred stola diela je malji hljiepček na teruga je zapičila nakinđanu kiticu bora. A unda, prie polnočke prešla sem h selje gled lucke cimere. Navike sem mislila daje moj cimer najljepši. Mati i ja sme išle na polnočku. Nie mi se bilje hjutre teške zdiči gda sem triebala iti h školu. Senek sem jedva čakala gda sem na Božič išla škole doma. Hiža je dišala po fine juhe, pečenem živačem mesu, mljinci i gibenice. Mama me dočakala z smiehem za postavljenem stolem prepunem jela. Čakale sme da dojde otec z posla i da si skupa obiedujeme.
„Srečen vam Božič", rekel je on, gda je nasmejani došel, snel kapu z glave i sel za stol.
„Bog vam blagoslovi", rekel nam je prie nek srne počeli grabiti juhu. Poklje jela, mati je bez veljikoga ropanja pospravila stol. Cielje popoldan si sme skupa bilji sobe kre cimera, hincalji se, igralji i šaljilji. I ja vam željim veselji, familjijski Božič, pun radosti i hincanja.


Zvir:
Zâgorski list br. 323, 2009 12 24 (papérnato izdâjně)

* * * * * * * * * * * * * * * * * * * * * * * * * * * * * *

Pregled člankov « ZA DUŠU, ZA SPOMENEK » gospě Nevenkě Gregurić na POTgoričkomu forumu:
(vupisati  Gregurić v iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Zagorski list br. 323 / 24.12.2009.

IZ BAKINE PUČKE BILJEŽNICE

Božič

Slika:
http://www.zagorje.com/thumb.ashx?path=/ckfinder/userfiles/images/komentatori/baka.jpg&width=430&height=250

Piše: Zoran Gregurek


Božić se u zagorskim obiteljima nekada željno iščekivao i pripreme za taj dan trajale su tjednima. Dobri gospodari uvijek bi za Božić imali veće obilje na stolu nego „običnih“ dana, a gazdarice su podastrijele svoje najprobranije delicije za dan rođenja Kristova.

- Na Badnjak se stroge postile, se do večere gda je na stol doše pravo obilje. Same nije to bil kak denes gda je saki dan Badnjak ili Božič i gda se ljudi namijieču z mesem kak z drvljem. Tatek bi sel na čele stola i onda bi nam, dece, delil krug, mese i kolač. Mati bi pazila da nišči nej bil zdeljen i da se lijiepe ponašame pri stuolu jer nas je sega skupa bile deset. Je, same nas nije bile trieba upozoravati jer sme kak janjčeki mirne sedeli i čakali koju nas bu komad dopal - prisjećala se baka. Na Badnju večer obavezno se išlo na polnoćku, i staru i mlado.

- Je, mam gda sam bile male vekša pucka, išla sam k polnočke. Tuo je bil nepisani zakon. Več bi se pokle večere, gda sme matere, štera je bila žena, gazdarica i mati kakvu si same moreš poželjeti, pomogle mi puce počistiti stol, i gda je bil se gotove, počele je spriemanje za polnočku. Najbolšu kiklju sam si navijek dijela, novi rubec i kaput, jer je tam bile i dečkof - smijala se starica s 9 desetljeća na plećima. Na božićno jutro u kuću bi dolazili čestitari, koji su isključivo morali biti – dječaci.

- Veli se da ak ti baba ili pucica na Božič prva dujde vu hižu i čestita ga, ne dobre vu te hiži. Nije tuo značile da pucice nej smele iti čestitat, ali su vune muorale pričakati da dečeci obave svoje i onda duojti vu hižu i reči čestitku. Stari bi se ljudi negdar skrivali gda bi na Božič, v jutre, vidli deklicu da im ide po dvorišču - prisjećala se baka. A što je najbolje poželjeti za Božić?

- Zdravlje i mir pri hiži, Če toga nema, badava ti jele, pile i sa bogatsva ovoga svijeta. Treba biti čovek prema svoje familiji i prema drugijiem, a ne pes. Saki dan, a posebne na Božić važne je biti čovek, na te buožji dan gda puotrbitoga treba nadeliti, gladnoga naraniti, žednuga napojiti, podrapanoga pokrpati i dati mu nouovu opravu. Tuo je Božič, a ne velika jela z zlatnim kuglicami, figa vu žepu i kletva na jeziku - mudrozborila je baka.


Zvir:
http://www.zagorje.com/clanak/6812/iz-bakine-pucke-biljeznice-bozic.aspx

* * * * * * * * * * * * * * * * * * * * * * * * * * * * * *

Pregled člankov „IZ BAKINE PUČKE BILJEŽNICE“ gospona Zorana Gregurka na POTgoričkomu forumu:
(vupisati  Gregurek vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Zagorski list br. 323 / 24.12.2009.

Dnevnik tate Bena

50
 
Grozim se ovih dana kaj sad dolaziju. Zapraf su več i došli. Deca, ali i oni malo veči i oni još malo veči, pa sve do največih klipana počeli su sprobavati kak petarde pucaju. A ak nekaj nemrem zmisliti h ove dane to je hitanje petardi.

Piše: Tomislav Benčić-Ben
 
Slika:
http://www.zagorje.com/thumb.ashx?path=/ckfinder/userfiles/images/komentatori/bencic.jpg&width=430&height=250


Po ko zna koji put je opal snijeg teroga h mojoj ulici nišči nije počistil. Bar ga nisu počistili oni teri su za to plačeni. Nego su jednu rundu lopatanja napravile moja žena i još tri susede, a hvečer kad sam došel s posla sam se i ja lopate prijel jer sam mislil h Krapinu na utakmicu prejti. Prvo sam si moral lopatu počistiti jer se Sandra ž nju igrala nakon kaj je žena čistila snijeg.

Onda sam trebal počistiti put do garaže, pa dio od garaže do ceste i na kraju komad ceste teri nije bil počiščen. I još sam prešel h dučan i kupil sol kaj sam to posolil. I tak je mene nečija ljenost ili nemar ili morti mi to namjerno delaju koštalo kad sve zbrojim i oduzmem jedan paket pelena. Prvo sam potrošil peneze na sol, i nisam prešel na utakmicu, pa nisam niti tekst o istoj napisal, pa onda niti nem dobil nikakve peneze za to.

Morti se nešči pital kaj znači brojka 50 h naslovu. Ovo je pedeseta kolumna po redu. Če sam ja to dobro zbrojil. Valjda jesam. Saznali ste kaj me ljepoga snašlo od kak se Gracia rodila, ali i s kojim sam se problemima moral boriti. I s terima se još borim.

Evo sad h subotu dok je čistila snijeg vani žena nije stigla nikakav kolač speči. Em sam ostal bez penez, em sam ostal bez kolača.

Grozim se ovih dana kaj sad dolaziju. Zapraf su več i došli. Deca, ali i oni malo veči i oni još malo veči, pa sve do največih klipana počeli su sprobavati kak petarde pucaju. A ak nekaj nemrem zmisliti h ove dane to je hitanje petardi. I sako ljeto h novinama moreš pročitati kak si je neko djete nekaj s petardama napravilo no to ne sprječava pojedince da svojoj deci daju takve stvari h ruke. I kad se bu nekome nekaj dogodilo si drugi buju krivi.

Kak je kraj ljeta tak svi rezimiraju kakvo im je bilo. Kad se skup zbrojim i oduzmem meni je bilo super. Je da su mi na početku ljeta zeli 6 posto od plače. Nabili su nam i taj krizni porez. Povečali su i pedeve. Niti nemo dobili na kraju ljeta prije obečanih 6 posto povišice. Niti knjige za školu više nisu zabadaf.

Bilo je i dobrih stvari. Na poslu sam unaprijeđen. Došel sam do predzadnje štenge napredovanja. Morem se popeti za još jenu štengu i onda komotno početi razmišljati o penziji.

Največi dobitak mi je ono kaj se z nikakvim penezi nemre kupiti. Rodila se Gracia.


Zvir:
http://www.zagorje.com/clanak/6824/dnevnik-tate-bena-50.aspx

* * * * * * * * * * * * * * * * * * * * * * * * * * * * * *

Zâgorsko-lisnati kolumnist Tomislav Benčić-Ben na tur-for-um-u
(vupisati  Benčić vu iskalicu v desnomu gôrnomu čošku na sledeče stranice):
http://www.forumgorica.com/kajkavski/hr-kaj-ne-lepa-nasa-kajkavska-tiskajne/

[Ljudevit Kaj]

Večernji list 21.12.2009.

FAKAT

Obiteljska kuhača otjerala krizu

Slika:
http://www.vecernji.hr/fw3k/util_scripts/get_slika_varijacija.php?slika_id=11924&var_suff=500x329

Najlakše je otvoriti obrt ili firmu, na se navući Bossovo odijelo, na nos nabiti rejbanice, galamiti u najnoviji primjerak mobitela i zaposliti hrpu konobara i kuhara, pa izigravati velikog gazdu! Kao što smo ne rijetko oko sebe imali prilike gledati. Takvi “ugostitelji” s pravom kukaju i na kraju doživljavaju ključ u bravu.

autor: Zvonimir Milčec


Mediji su, kak se voli reći, slika života. A kak se svi skupa već predugo valjamo u ovoj svakodnevnoj društvenom i ekonomskoj kaljuži, nemreju onda ni novinari baš pjevati ljubavne pjesme. Kad ste zadnji put, prosim, pročitali ili pogledali/poslušali prilog o uzornoj tvrtki ili uspjelom poduzetniku, obrtniku? Može bit da je kvaka u konfiguraciji tla.

Možda se moramo doslovno popeti na brijeg. Kao u ovom slučaju, kad je riječ o jednom više nego uspješnom ugostiteljskom obrtu s Badelova Brijega u Sesvetama. Već samim imenom ovo se obiteljsko gostioničarko gnijezdo ugnijezdilo u svoj prirodni okoliš. Kak se na vrhu Vinogorske uzbrdice gostionica može zvati ako ne po mirisavoj prigorskoj lozi – “Izabela”?!

Pa onda se još s takvim imenom i ugledom naći među “100 vodećih restorana i njihovih recepata”, koje je Udruga restorana iz Opatije odabrala od njih ukupno 2400. U svakom slučaju, lijepo priznanje tom gastronomskog carstva mirisavog naziva. A s vlasnikom Jožom Nekoksom znam se iz davnih dana. Još iz Gradskog podruma, gdje je ispekel zanat.

Pa iz “Trnjanske skele”, koju je na početku svoje privatne poduzetničke karijere ranih osamdesetih na Savici otvoril s dugogodišnjim kompićem Francekom Kolarom. Gazda Joža je rijedak svat u cjelokupnoj našoj ugostiteljskoj ponudi. Njegova osobna koreografija i gard u dočeku gostiju stilizirani su do te mjere da bi se svugdje drugdje mogli činiti karikaturom.

Takve geste – pomalo pompozno rukovanje ili izravno oslovljavanje, kao “ljubimruke” ili “velepoštovanje”, eventualno sitni poklončići i obvezatno pridržavanje kaputa koje uključuje intimno otiranje revera i otklanjanje zalutale dlačice ili pahulje – mnogi gost, dapače, uzima pod normalno, da ne velim, pod račun, iako je sve to u našem ugostiteljstvu već odavno izumrlo.

Svojim izgledom, ponašanjem, pokretom, mimikom i frazeologijom, gazda Joža djeluje izvanvremneski, poput onih dopadljivih likova iz starih predratnih žurnala. Isti stil i tretman uspio je prenijeti i na svoja dva sina, Edvarda i Kornelija. S tatom i mamom Jožicom (Joža i Jožica!), koja kao školovana kuharica drži kuhinju, dečki furt delaju. Svi delaju ko jedan.

Kao jedna složna familija. Recept u razvijenom svijetu i u Europi, koju toliko zazivamo, odavno provjeren i oproban. Najlakše je otvoriti obrt ili firmu, na se navući Bossovo odijelo, na nos nabiti rejbanice, galamiti u najnoviji primjerak mobitela i zaposliti hrpu konobara i kuhara, pa izigravati velikog gazdu! Kao što smo ne rijetko oko sebe imali prilike gledati. Takvi “ugostitelji” s pravom kukaju i na kraju doživljavaju ključ u bravu.

Dok se obiteljski restoran “Izabela”, eto, neprestano lista, grana i miriše, zbog čega mu se zahvalni gosti i vraćaju. I to ne samo zbog svježih medvjeđih šapica ili medvjeđeg pršuta, odrezaka od veprovine ili srnetine i bogovskog tatarskog bifteka nego i zbog starog oprobanog obiteljskog ugođaja od kojeg bi stara Europa na Badelovu Brijegu mogla ponešto i sama naučiti. Auf Wiedersehen, velepoštovani!


Zvir:
http://www.vecernji.hr/kolumne/obiteljska-kuhaca-otjerala-krizu-kolumna-69815

* * * * * * * * * * * * * * * * * * * * * * * * * * * * * *

Gospodine Milčec, jeste li vi posljednji Mohikanac kajkavštine u novinarstvu?

- Još se i suzdržavam i kajkavštinu upotrebljavam samo kada treba povezati rečenicu. Da pišem sve na kajkavskom, naježili bi se oni koji misle da bi samim čitanjem postali kajkavci i purgeri.

Zvir:
http://www.jutarnji.hr/clanak/art-2009,5,9,,162543.jl