Negda je moj stari pripovedal da je negda nekakov v našem selu išel nekam (napole, na posel, neznam) i prešel je na križajne čez ono (da veter kovitla/vrti prašinu f krug) i onda se vrušil i počel vikati kaj got more. Došli ludi da ga budu zdigli a of je počel još bole vikati kak da mu živu ranu diraju, da ga piče.
-Kaj te piče?
Pregledali ga ludi okolo celoga a ovaj se dere- nigde niš najnem.
-Kaj bi te pikalo am niš nimaš na sebe.
Rekel čovek da ga piče da se gene kak da se zaplel f trjne il bodlikavu žicu.
Ne pametim kak pripovest završava, jesu ga odnesli nekam da ga "odcopraju" il mu je samo prešlo il je došla nekakva baba kaj je "znala" z tem ("odmolila", odšepetala, poplučkala, malo z rukum i to je to)...
Prinami je bila f selu jena (z Jerebiča), ne pametim jel i nezina mati bila tu i na teru se pripovest odnaša, kaj isto "znala". Da su ludi išli po putu onda je plučkala zajnemi i nekaj šepetala. Pak da ju je negdo prijavil da copra došli su žandari i otpelali ju na "kuru i seansu" par dan. I da se vrnula onda pak spočetka.
Čul sem pripovest da su prije ludi znali odorati čup z kiselem mlekom. Kak je dospel tak gliboko, kak je dugo tu stal i odkud tu nigdo ni imal pojma ali su tu zemlu zapustili, da nebi bilo "nismo znali". Na istem su komadu još prije znali zorati vekše komade košča kaj tu nikak nisu mogli dospeti. A blizu je živela ona za teru su mislili da je "ta".
Ista je familija pred par let na najžu našla kojekakvoga velikoga košča, drugi put sekakve smotlekov prnkov, da su jeno leto kopali kuruzu odkapali su jajca. Jajec pun *, više nek su je imali v kocu. A v kuruze. Saki put je to jen moral zapaliti- tomu valda više ni vrak nemre niš. Druga suseda je jednak tak našla košča do pol bačve za kišnicu ali to ne drobnoga kaj su cucki il mački mogli donesti nek velikoga. I onda je to pak "onaj" moral zapaliti. Več je "ta" bila odavno "mrzla" a do je sad krif..? Čer?
Vele da te copernice nemreju sebe pomoči ali moreju drugomu nahudeti i naškodeti, ak nemre drugomu čoveku il blaščetu onda mora svemu. Il v familije il v štale.
Stari je pripovedal da je on čul pak pripovest da je nekteromu dobromu gazde počelo blago krepavati. Nigdo ni znal od česa i kakov bi lek bil. Neznam jel onda bilo veterinarov po struke ali je bilo ludi kaj su se razmeli v blago i kaj su ga lečili, negda i barberili. Nit oni nisu znali kaj bi bilo blagu, kaj got su probali ni pomoglo, kakov got su "lek" spravili ni "igral". Onda su mu rekli nek otijde k nekakve babe kaj je "znala", most ona zna kaj bi pomoglo. I otijde ti čovek k babe, pove je o čem je reč. Veli mu baba kaj bu to koštalo i nek dojde za tjeden dan, nek nikomu ne pove kam pe nit kaj bu delal. Dojde čovek nazad da su se dokončali, donese kaj su se dokončali a baba mu veli da pogleda pod štalskem pragom i pod štenženicum tum i tum i da bu tam našel to i to i da se kaj tam najde vužge tu i tu. Čovek poslunul babu, odkopal štalski prag, našel kaj je našel, jednak tak pod štenženicum, napravil kaj mu je rekla i više blago ni paruvalo.
(Da nisi otprla temu ove bi stvari sigurno skroz zabil jel o tem se z nikem nemam za spominati. A sad samo zvira z mene.)