www-križevci-info
Kolumne / Uz dlaku
Varaždinski zet na Špancirfestu
Je bile čuti da budu v Varaždinu delali Špancirfesta pak sem si gruntal morti bi mogel zeti moju Pepicu kaj bi se prošpancirala a ja bi mam videl kaj to je.
***************************
Bogu falim kaj sem išel dve vure raneše i nekak na knap oko šeste vure je bile videti Varaždina. Sem bil v brigi kam se bum sparkeral, ali sem našel mesto pri vartogascima pak sem mam rekel – je to i dobro če se stari kramp (od auta) vužge kaj je sav zakuhal od tulikega puta.
***************************
…. je prošlo pol vure pak je program krenul. Je to bila milina za gledet; varaždinske pucičke v dugimi kiklami, baš kak negda. Pak i dećeci v starinskoj obleki a jen malo vekši je čak imel i periku, onak sedu, z nacifranim loknecima.
A držanje – pravo plemenitaško; glavu gore, ciceki vun a osmeh kak da gledim Monalizu. A tek oprave? Same svila i kadifa. Dvajsti pet metrov materijala v sakoj pa se to nafaldano, buč-buč rukavi pak čipke i kojekakve špagice, onak zlatne boje. Na glavi kruna, v vuhima veliki minđuši a oko vrata biseri i drago kamenje. Piše: Ivan Mihalić
(Foto: I. i D. Mihalić)
Sreda, 16. lipna 2010.
Slika 1:
http://www.krizevci.info/images/stories/Kolumne/Uz_dlaku/Varazdinski_zet_na_Spancirfestu/Vara%C5%BEdinska%20milostiva.JPGJe bile čuti da budu v Varaždinu delali Špancirfesta pak sem si gruntal morti bi mogel zeti moju Pepicu kaj bi se prošpancirala a ja bi mam videl kaj to je. Vami bum mam priznali, su trebali iti naši Potkalnički plemenitaši kaj bi tancali, a njih videti v Varaždinu bi bile kak melem za oko.
- No, kaj je Pepica, bume išli v Varaždin na Špancirfest? – pitam ja nju onak kak da i nisem preveč zainteresiran.
- Bi mogli – odgovori ona meni – ali same v četrtek gda naš mali Pepek nema slobodne aktivnosti. I da znaš! Alkohol, 0,0 promila, a mobitel nečem ni čuti ni videti pri tebi.
Mam ste pogodili da je Pepek naš naslednik i bormeš ponos našeg zajedničkog živlenja. Veliju da je lepi kak mu je i tatek a pameten kak mu je i mama.
Kak dani fletno idu, je četrtek mam došel a ja si pak gruntam; če ideme prek Kalnika, bume se fest zdroncali kad nišče neče zasfalterat onih osem kilometrov kaj su još stari Rimljani napravili podlogu. Si same obečavlu a ja velim - ideme prek Koprivnice.
Je bile lepo sunčano popodne, pak sme krenuli. Pelam ja onak stiha, baš kak novi saobračajni propisi i zahtevaju i taman gda sme prošli Lepavinu, zaruži meni nekaj v žepu a čez drob me tak preseče da sem skoro z čelenkom vudril retrovizora a moja Pepica zakriči:
- Ne diraj! To je 500 kuna, a morti te i zovu oni kaj sme im dužni peneze, pak je bolše da se ne javiš.
Je, tu je ona imela prav, a gda sem malo došel k sebi ni mi bile jasno zakaj se Lepavina zove – Lepavina? Morti zato kaj imaju lepe gorice ili možda kaj imaju dobra vina? No, sejeno. Kak sad stvari stoje budu tržili – razglednice.
Najemput, glasi se moj mali Pepek kojeg do sad ni bile čuti: - Tatek, je morti naš avtek potrgani gda nas tak polefko pelaš?
– Te ni sinek. Ja ti same poštivlem propise. Če piše 30, ja vozim 30. Ak veli ne preticati, ja ne pretikavlem. Nekak mi se vidlo da Pepek baš i ni bil preveč zadovolen odgovorom a i ja sem videl da je več trifrtalja vure prešlo a nikak da dojdemo v Koprivnicu. No, pak se mi Križevčani v Koprivnicu baš i ne žurime iti osim, če nismo v horizontali ali nas onda pela črleni križ.
Slika 2:
http://www.krizevci.info/images/stories/Kolumne/Uz_dlaku/Varazdinski_zet_na_Spancirfestu/Pred%20Starim%20gradom.JPGNa križenju sem se zvrstal levo, kak je kažiruka kazala, prema Varaždinu. Kak je bilo proščnje v Ludbregu, bormeš je na cesti bila gužva. Na tabli piše 40, a ja pelam 20 jer je saki čas pred nami biciklin. Pak jenoga zaobidem a vlovil sem druga dva...
Bogu falim kaj sem išel dve vure raneše i nekak na knap oko šeste vure je bile videti Varaždina. Sem bil v brigi kam se bum sparkeral, ali sem našel mesto pri vartogascima pak sem mam rekel – je to i dobro če se stari kramp vužge kaj je sav zakuhal od tulikega puta.
Gda se moja Pepica vrne v svoj zavičaj, mi nekak zgledi kak druga peršona; je nekak veseleša a kak da joj i z oka nekšna iskra blesikne. Taj čas sme pronašli Trg i binu gdi su moji plemenitaši trebali tancati. Ja se mam otpravim plemenitom Precedniku kaj bi se pozdravil, a Pepica zakriči: - Gleč Jožek, pak je Amalija več došla z malom Jacikom, su tam na tribinama. Idi Pepek fletno, buš tecu kušnul, ali naj se mam z Jacikom karati.
Slika 3:
http://www.krizevci.info/images/stories/Kolumne/Uz_dlaku/Varazdinski_zet_na_Spancirfestu/Podkalni%C4%8Dki%20plemenita%C5%A1i.JPGSem bolše pogledel pak i ja vidim veliko gledališče a, bi rekli, polovica su familija. Pak dok sem se z simi ispozdravlal i skuševal je prošlo pol vure pak je program krenul. Je to bila milina za gledet; varaždinske pucičke v dugimi kiklami, baš kak negda. Pak i dećeci v starinskoj obleki a jen malo vekši je čak imel i periku, onak sedu, z nacifranim loknecima. Naši Potkalnički plemenitaši su ni bili mam na redu kaj bi tancali pak su stali kraj bine. Bormeš su zgledeli skroz barokno. A tek deklice; i one su imele starinske loknece, onak pri čelenki zaglađeno prema gore, pak onda si cure prema dole, a če bi curička malo obrnula glavu su igrali gore-dole kak federi. A držanje – pravo plemenitaško; glavu gore, ciceki vun a osmeh kak da gledim Monalizu. A tek oprave? Same svila i kadifa. Dvajsti pet metrov materijala v sakoj pa se to nafaldano, buč-buč rukavi pak čipke i kojekakve špagice, onak zlatne boje. Na glavi kruna, v vuhima veliki minđuši a oko vrata biseri i drago kamenje. Je, sem si mislil, imamo mi kaj za pokazati. Su tak mislili i slikari, pak su lupali na kipec em spreda, pak odotraga, pak jenu samu, pak dve skup. A dečki su se same smeškali jer su znali kaj pod rukom držiju. Taj čas tu se stvoril i pajdaš Ivek kaj je z njimi došel pak je i on lupal na kipec se kaj je stigel kaj bi morti bile materijala i za naše cajtunge.
Zvir:
http://www.krizevci.info/kolumne/123-uz-dlaku/7644-varadinski-zet-na-pancirfestu