Zadružni kojn Dok saf normalen svet soli jajca, i breske, marelice, slive.., na morju Breški pokret otpora počel je z zajdnemi operacijami za oslobođenje NR (nogometnoga regijona) od amaterskoga nogometajna. Posle Velike meše igraju samo profesionalci. Po 11. prijatelske ofenzive kodnoga naziva "Samantha Fox wetsuit" nektere su se stvari razbistrile kak napoj a nektere zamutile kak sirotka. A na Kupacabane čeeevruuu da se asfalt analitički rastavla na šuder i bitumen, zvezdam se čini kak da tenesice nemaju đona. Osveženja nigde, most malo na šanku, jen suncobran ne pomaže čas brojne čas malobrojne publike kaj se šalta zmed Kupe i "Sedam sekretara SKOJa" dok su drugi pripadniki suncobranske vrste još navek parkerani na "Križajne" na mestu pada "žutokljunog sokola". Sat, pitajne je jel pada i leta... fisčki. Posebno je zvezdam bil drag škaf z vodum, čistum kupskum, za teru su nekteri povedali da je još topleša nek Kupa, slične doskočice su bile namejnene za se fizičke osobine kupinoga blaga. Slavek je rekel da je još šaka rezancov nutre bila bi solidna juva. Zvezde su koristile kojekakve metode za zagrijavanje tak su nekteri bili viđeni da žongleraju z decum... Posebnu je atrakciju napravila feministička organizacija "Žene i pive" kaj je otkrila uzbuđenje zvano nogomet. Of vikent Ilovača ima svadbu na tere bu "pokopala", il "vešala", Beloga, il jenoga od Bele, tak da se postavla pitajne kak bu zgledala utakmica v nedelu v Schwarzwaldu i kak buju pili; jel v glavu, guzicu il v noge. Ovo zajdne bi bilo najgorje, iako se čini da je zajne se gotovo.
V pretprogramu je Novo Brdo kompelteralo utakmicu z Hojtnum. Retki kibici su mogli svedočiti Poštarovem eurogolu, Mišelovem povratku med strelce, golu najbolega strelca Mišef... Da je bilo jasno da su Miši pobedniki v ogen su hitili svoje mlade svrži a Mika je je ranil z loptami kak golube.
Prvu v regularnem delu su odigrali Glumci i Plemenitaši. Spočetka su Tomekovi puleni prepustili tulko zicerov da su mogli šlagerati Glumce do kraja utakmice. I kak to obično ide, da ne daš dobiš. V davanju se posebno pokazal stanoviti nepoznati igrač Beli kaj je dal samo 66.6% golov. Glumci se po skrivečki z drugoga plana pomalo rivleju naprovo, čoveka nebi čudilo...
Dosta, ovak, interesantnu utakmicu su odigrali Bojsi, kaj se najprvo nisu mogli dokončati jel buju plavi il črleni, i jako dobro potšprajcani z muškum i ženskum publikum Krpiči. Pale su dosta emotivne pesničke familijarne slike. V trde utakmice Bojsi su poveli prek Domija a onda pred kraj utakmice je zaferceralo zmed Japanca i Slafka. "Veselju" su se pridružili i navijači i igrači z klupe, jeni gasiju drugi vužižeju. Iako se činilo po tonu da bi mogli videti i berbu "šamarelica" se je završilo na "kajkače" (Kaje. Kaje! Kaje? Kaje... Kaje# Kaje$ Kaj€ Kaje§ Kaje&) i narivavanju. Suci su se povlekli na stran i gledeli kak je karavana obišla celo igrališče i vrnula se de je se i počelo. Posle kratke i studijozne konzultacije nijovo suctvo je doneslo odluku kaj je derastično premenilo s*anje na semaforu. Penali su padali kak na pokretne trake ali su bili jalovi kak jalova godina, il junica. Mirta je zišel z gola par korakov i zauzel pozu "Žak Houdek" tak da je pokril svojem imenom, likom, delom i pojavum gol i vekši tal plaže na tere su se ni krivi ni dužni sunčači i kupači pitali da do je pokril i sunce i nebo. A onda je palo fučkanje. Za kraj.
Posle Kravarske, čudna utakmica. Pod Križnem bregom Obadi su odigrali utakmicu za pamčenje i čovek, nu, dobro, ne čovek nek kurilovčan, bi očekival da budu z tem upiranjem na kvalitete nastavili. Tem više kaj bi Leptiriči trebali biti potrti posle domačinstva i trejtega poluvremena. A, bome, ni ni čudo kaj to igrališče stalno puca da se tam stalno prepelavaju tulki kamijoni z pivum, kojekakve zvezde estrade i nogometa i starlete v najbolemi letami i forme. A ono, kontra. Činilo se da je kravarska mesečina i pori luk bole poništil Obade nek Leptire - Draš je v ranu popoldnevku počel zavijati na mesec od sreče. Stručni stožer v preširenomu i predublenomu izdanju je sličnoga raspoložejna ali se drži mudro kak junferica v bolem restoranu, poker face, da se nebi zaleteli. A kravarske zvezde namečeju skoro kak na Kovačeve svadbe (ak me pamet još kaj služi; GOH - KRA 0 : 15, NOB). Ne pametim da sem tero leto gledel Leptire da oval suvereno "leptiraju" i da se ne raspadaju, nevrekel je. Na žalost, il su se prekesno zbudili il je Ilovača prejaka letos. Kak god bilo još su 4 utakmice na sporedu...
Ima, ovak, jena čudna ekipa kaj je ovisna o kravarske mesečine i porem luku, zvezdam estrade i gajbanju. Tu i tam znaju odigrati i teru dobru partiju nogometa, da jem se natrefi, ak se bleda kopija Marka Mlinariča i Duba uspeju kaj dogovoriti, ak ide Šakija (ne na kozmetičkomu planu, zajdnu bi ga se dobu ovakvoga i Modni Maček odrekel, kak da se pujal sušcu mesecu), il Potu, ak pomogneju Markuz, Želko, Sule, il mlade nade. Idemo reči jen den kakov je bil v nedelu - pogodili su kak z prstom... v "čmarni kolutić". Joža Cavrič, friško podbrit na "picolovku", je jedva uspel spasiti čast Bebe z jenem sramežlivcem a Zletek je imal pokaj dojti v opičinsko središče čak z `Ojtne. Morem si misliti kak je Benzeme v Nemačke da ga sad ovi turčini z teremi dela pod*avaju da si čvakneju po pol vijagre... Dok su Tigriči vruču krvcu lili po žarkem pitončiču nijove bole polovice su ordinerale na šanku i napravile više prometa nek ovi celi dan. Saki "šanki manijak" je skoristil priliku da si nekaj popije z lepše ruke. Ni ti sejeno jel ti bu pivu dala bleda kopija Marka Mlinariča il "90-60-90"... Priliku je skoristil i Maminjo kaj je drapil čez pol igrališča da nejde okolo kak da ga si lički medvedi gojne.
V trejtem poluvremenu, al službenem, i četrtem, istem, Miši si nisu dali ni grama popusta da bi je Strele vlovile na krive noge. Se su to pratili verni kibici z turbani; Abdul, Zazim, Kasun, Zenun, Kapran, Hadil, Hajrun, Dender, ... Da je Mika rešil pitajne pobednika a Damir prodal svoj "specijalitet" z prek centra došel je ret na mlade snage Mišef. Ista stvar kak i na pretsatu samo kaj se of put Ivek vupisal med strelce tak da mlade snage vode mrtvu trku za najbolega strelca. Slavek je Strelam daval mudre savete samo kaj ga ni do imal poslušati ("nemoj juriti ko muha bez glave. kakav pritisak? tu čekaj. s dva pasa će vas trojicu ostaviti iza lopte i zabiti gol, jer znaju" tup-tup-tup-gol "šta sam ti rekao, * !?")
Na početku utakmice se činilo da je Švabe oduzelo čera na mesečine v okviru NK Kupe ali onda je Črni predelal. Pa, kak!? Samo je prava raja znala da se Črni ni dugo zadržal na mesečine i porem luku jel se žuril k Futačem na rođendan i ni ga tak zelo kak druge. Vu tem grmu leži medved. A da smo pri medvedu, na tem istem rođendanu je Mamič ob dve vure spratil muziku domom. Ali ni ni to. Kakva je veza zmed Mamiča i medveda? Maminjo nam je dobil prekomandu v Brinje de čuva trafostanicu, jako zahteven posel, VŠS, VSS, ETF, ITD, i pod dva (2) prepelava medvede prek autoceste. Sad... Kak to dela... Još je navek tajna; jel za ruku, jel pod ruku, jel z šibum kak negda biruš zadružno, il selsko, blago... Veli prijatel Beli da on sejeno veruje da se Mamič namaže z medom pak onda medvedi bežiju za njem. Dobro, to je rešejne, ali i problem. Kak uveriti medvede da ga prestaneju pratiti? Tu sitnicu ostavlamo našemu Maminju, il ga v nedelu na Gorne Opatije, il saki radni dan v uredovno vreme, sami morete pitati kak rešava te probleme. A, da, bila je i utakmica! Medo (pak nekov medved! pazi, mamič!!! ) je malo pomogel Črnomu po pitajnu gol razlike. A Vrapci? veli Bibi; Kaje ovo!? Do got igra protiv nas beži pol vure kak blesav!
Došel je red i na onu kaj su ju najavlivali po portale i novina, ona kaj je spraznila Kupu, čak su se i topleniki i mrtvozorniki dovlekli do igrališča da svedočiju derbiju, a da "Žene i pive" opče ne spominam. Posebno su glasni bili oni šilakovski kibici kaj dojdeju sake pet let na utakmicu, šeleju čekiče od kile z kratkum ručkum za štemanje na emajl i mejnaju kable od 5 metri 25 let. I ne premeniju. Tona z svemi črlenemi, modno usklađenemi i osveščenemi, štaka deba saki potez neprijatela vuz aut lajnu. Vinca, v prošlem kolu smo zezvedeli da se čovek opče ne zove Vinko nek Tijač i Mirko iako ga mi tak zovemo i on se ozivle, pet let, je zauzel stav "hik" z pivum mam do igrališča na klupi. Prectavniki se sel, ekip i far su zauzeli sve pozicije z neizostavnem "zakonom" v ruke. Meša je mogla početi... Onda je Župnikova Mati zafučkala, kak cug mašina, a Želko je aktiveral svoj "SvetiMArtinNaMureGPSLokator z štopericum". Generalni sponzor je parkeral svoju bavarsku kockicu mam iza gola jel mu se činilo da je to najpogodneje mesto, i ni bila gužva, neznam jel si več uspel popraviti limariju na leve strane. Na su sreču šajbe su, bile, cele. Dok su Štefek i negov kum Zeko slavili prvi gol Ilovače Mrki je značajno pogledal prema dole kak je odrezal novet na palcu desne noge. V drugem talu se Šika vrača, a vrača se i farba v lica šilakovske drukerov, atmosfera se popravla se dok Štefek i Marijo pak nisu nacoprali jen gol za Ilovaču. Mika je zaprl se pute, čoške i reške v sve zone odgovornosti (genetika je za*ana stvar) a Zemo dela ono kaj mu v životu najbole ide - brani se kak od sifilističnoga homoseksualca, da ne velim *, i još + ono kaj je obiležilo vekši tal negove karijere ; "V šumu! V kuruzu! V Kupu!" E, to je pak natiralo bledilo na lica šilakovske drukerov i kak da je ober ne počel leteti Dremekov duv; "Kakov je to nogomet!? * te takov nogomet! Šilakovina igra 10 x lepše! ..." I, v nekakove teorije to bi trebalo donestui prelazni pe`ar z Novoga Brda v Dubranec. * bi bilo od toga da negdo ni na Kojzače osigural se preduvete...
![Grin ;D](http://www.forumgorica.com/Smileys/SoLoSMiLeYS1/grin.gif)
V zajdne nam se trefila ona za teru sem imal viziju i "onaj" osečaj. Kruno je glat pogodil ono kaj mu dok je igral za Čigre ni polazilo za nogum ni pot "R"(azno). Z golom prednosti, na domačem terenu i pod paskum najvekše veličine pokoskoga nogometa Ribiči su sigurno dopelali bode na svoj konto. Posle su još jenoga privrgli "dva žuti". Se pristupe golu su zaprli Ševa i Gangi, za teroga nekteri veliju da je najzaslužneši za davanje gola (!? viša astronomija). Šaki je ze strane pomalo, z pol vijagre, pod*aval i vikal i jenem i drugem; "Probaj" a apsolutna zvezda med okolnemi cicibani na ledine je bil "Dubo". Kulko got upirali Manekeni nisu mogli prebiti nadprosečno dobre Ribiče. Jedini teri se malo podigel od proseka je bil mali Šebekov i to v verbalnem okršaju z Župnikovum Materum.
Najte kaj zameriti.
-
brežan777, kaj nam je milicija zvadila tablice?
![Wink ;)](http://www.forumgorica.com/Smileys/SoLoSMiLeYS1/wink.gif)