Svakidašnje teme > Sport
17. MALONOGOMETNA LIGA VUKOMERIČKE GORIC 2020. – MNLVG 17.
kuntakinte:
Štrudlin od gibanice
Posle dve školske metkov, v dva visinski dijametralno suprotne dele tela, konačno nam se trefilo. Kak dekle dete. Na prvem zestanku smo bili Moja Neprincipijelnost i Nijova Uzoritost Strezujevo. Donešena je široka lepeza zaklučkov i razmejnena su brojna rablena mišlejna kak i nove spoznaje z naglaskom na aktualnu situvaciju z recentni plani i cili za izlaz z krize z kompletnemi šumskemi merami. Za drugoga sem dobil poruku da je otkazan. Dragi te kamenčič *, a da je zakazan!? Kak i jenum prilikum da su počele masovne rastave brakov prinami v selu veli moj brico; - Bara se rastala... Rastala!!? A, da se sastala, kru` te *!!!??? Tu se situvacija fletneše mejna nek v Dinastije. Na supertajne lokacije na Ivice Kurilovečke dubrave v protuvirusnemi antikornaškemi katakombami zestala se krema deputatov, se specijalec do specijalca, nošeni vetrom, v lasi, i želum za nogometajnem. Križni stožer kaj mora deti jajca na pen i reči jel bu, il nebu, sekira opala. I kak. Nekteri se oblačiju po kalendaru a ne po stajnu i prognoze, nekteri su dodatno odlučili prišparati tak da ne kupiju pederušu nek trenerku z vekšemi žepi, i tak dodato podigneju rejting palomu borcu. Veliju, bole da prepadne selo nek običaji. Obično kesniju oni kaj su najbližeše. I to je v redu. Sako je leto tak. Ali! Letos, smo, su, podigli glogov kolec tak visoko da budu mnoge tange ostale veseti na vetru i namakati se na kiše i snegu. "Ja sem tu ali nisem." Verujem da budu nenad*ivi i tomu doskočili k letu ali za sat statua "Uterivač duhova (ili dugoga)", akademskoga umetnika Mile Ugurguzoviča krasi vetrine jedne od najbliže, ako ne i najbliže, lokacije. Veli, posebno upozorejne za Šilakovinu! Najte mi pak popis igračov dati na rit paperu, na paperu na čije poleđine piše "Dežurni v vcu", "Ekonomat", "Popis inventara", "Račun" i sl. nek na normalnem paperu. Veli Šilakovina, dej nam defineraj kaj je to normalen paper. Iako se još od kraja MNLVG16. povedalo da budu Gladovec, `Ojtna i još nekteri odustali to je samo jenem talom točno. `Ojtna se neda kak ni krava prek mosta, bole da prepadne korona nek običaji. Oni su zakaparili termin za Sv. Iliju i boliju je one stvari za se drugo, i trejte, i četrto, z naglaskom na peto. I jel bu DJ Gajdo puščal svoje uratke prek interfona ili prek interneta. Oni su ga zakaparili, tak da Ibiza, i sva tvoja sela - fakju. Gladovec je posle tre let "in" sat pak tri lete "out" - selo - običaji da se ne ponavlam. VD Stečjanoga je obavil se pravno-ekonomsko-političko-strateško-planske stvari i v dugem govoru, z suzum v oku, pustil van par reči od srca. Dečki, veli, mi smo vam pomogli, i na terenu i na šanku, kulko smo mogli. Dok smo mogli, mogli smo, sad više nemremo, ni do nas, viša sila, "tri po tri". I pak vam bumo pomogli, kak moremo i kulko moremo, na šanku. Prva tema je bila korona, počivala v miru, do ju * tam de je. Sama sreča nam nekaj oče povedati jel pri zvlačejnu natecatelske brojev broj 17 ni opče zvlečen a bil je v škrlaku. A kak je ostalo 16 Veličanstvene moral se bu, domislili su se domišljati, igrati Turnir Lige. Od teroga su si bežali kak Števa od kole. Da mu ne vudira na jetra i bubrege, da ne oslepel i da mu nedu nogu odrezali. Jel to kuraž, neznanje ili znanje ali tu su priliku za se videli dečki z "Valis Kolapis". A, kaj češ, mladi su i zeleni, neiskusni i kuražni, sretni i neobuzdani. Tak da se vidimo na dnevnomu boravku na Kupa kabane na Turniru lige v Pokoskomu. Jel se bu igralo MNLVG - MNLTP ostalo je veseti v zraku, v špajze. Otprto je i pitajne stanovite H.K. z Dragonošca i J.G. z Lukovca, ovaj zajdni navodno nema osobnu pak bi mogli nastati meddržavni i mednacionalni problemi... Ali to vam ja nis rekel. Stanovitomu B.J. je smajnena kazna, ili ukinuta, nebi znal, neznam nemački, a ako pak počme delati *darije pak mu bu ukinuta kazna. Čeka nas varlivo leto 20-20-20. Ili 90-60-90. Strezujevo se posle prepale pregovorov oko pristupajna Opčine Pokosko v projekt "Igrališče" okrenul outsourcingu tak da budu zeli v lising ili igrališče "Čučino oko" v Dolnem Ruševcu ili "Šepava kobila" v Gladovcu. Cena je tajna ali bu pokrita z EU-JOJ/I/JAO fondov. Postavilo se retoričko pitajne jesu Gorna Opatija i Čakanec dve ekipe, jena ekipa ili ekipa i pol.
Najte kaj zameriti.
kuntakinte:
17. MALONOGOMETNA LIGA VUKOMERIČKE GORIC 2020. – MNLVG 17.
1. 13.06. SUB GORNJI HRUŠEVEC
2. 20.06. SUB HOTNJA
3. 21.06. DONJI HRUŠEVEC
4. 27.06.SUB GORNJA OPATIJA (pada kiša)
5. 04.07. SUB VELIKA BUNA
6. 05.07. ŠILJAKOVINA
7. 11.07. SUB LUČELNICA
8. 12.07. STREZOJEVO (u DOH/GLA)
9. 18.07. SUB KRAVARSKO
10. 19.07. POKUPSKO-Turnir Lige
11. 25.07. SUB MARKUŠEVEC
12. 26.07. CEROVSKI VRH
13. 01.08.SUB NOVO BRDO
14. 02.08. KOZJAČA
15. 05.08. SRI OPATIJA (u ?)
16. 15.08. SUB DUBRANEC
kuntakinte:
1.kolo, SUBOTA 13.06.2020. GORNJI HRUŠEVEC
Opatija - Gornja Opatija
Pokupsko - Hotnja
Gornji Hruševec - Strezojevo
Novo Brdo - Cerovski Vrh
Lučelnica - Markuševec
Velika Buna - Kozjača
Donji Hruševec - Dubranec
Šiljakovina - Kravarsko
kuntakinte:
Digitalna ekonomija
1. kolo 13. lipnja 2020. 15:00 - Siva čaplja u Kravaščice (Gornji Hruševec)
Opatija Gornja - Opatija - čista matematika; kulko je Slatki napekel odojkov v Trsišču da bi svojem pulenom podmazal skočne zglobe i trilateralne ligamente, i jel bu to dost; jel bu Šaki pak v nastojanju da zabije hat-trick kihnul na mali mozak, kulko Pote treba z Plesa do Ruševca i kulko Ježu treba z Mraclina a prva je utakmica... ostaja da vidimo, ak do onda nemo omegleli, "V očekivanju korone" i "Bilo jemput na Ruševcu", (film)...
Pokupsko - Hotnja - irska matematika, Pek na golu, Snegulica v dolu a Palčići oko nje i gola, i tu i tam teri Štršan, a Bebe, ta stamena bića jednak velika kak i Liga, most i vekša, promilov kulko i vur...
Gornji Hruševec - Strezojevo - domačini nepoznate konzistencije, oblika i sastava na preko jako neugodne Robijaše, dodatno raspižđene posle akcije "Stadijon", de je ot stadiona v ulice pesnika postal stadijon v znaku Makedonija tabak...
Novo Brdo - Levi Vrh - mala ali skladna ekipica z Nou Campa trebala bi, normalno z svojemi selskemi drukeri kaj su se prek Čakanca zjatili kak divje svijne na mladu kuruzu, dočkati "19-o Breško čudo" kaj se prek zelenoga stola ubaciva v Ligu kak Sergej Bubka z kolcom prek štaflina na otoman, dobro je ak ne 'padala kiša i ak ne zajdna, to bi trebalo utakmicu držati v normalnemi vodami, NEMA VIŠE VRHA, OSTALA SU BRDA, za nama...
Lučelnica - Markuševec - Tesarom nebi kvorum trebal predstavlati problem, jel imaju Bogu-i-čudaj zaselkov, ak se nisu preveč strošili, v sakem kontekstu a posebno "onem", v Zlatne fucal lige Istre i Quarnera, za razliku ot Kaubojov, Indijancov ili Sinov (R)Atara kaj je više-mejne * samo jeno pitajne a to je; - Do igra? - Lučelnica. - Ali, do igra..? - Pa, Lučelnica... - Ne to, torec bez mozga nespametni, nek tera muzika igra!? I to je bit. Se drugo je "beat"...
Velika Buna - Kozjača - Auuuu... Kam češ najskuplešu pak ni prvu nit zajdnu... Of komplutor je skros bes struje ostal. Bog zna jesu "pripiti dresi" još f mode, jesu novi sponzori našli bole "prijanjajuču" kombinaciju, most "strech moda", do bu zbežal na Brajkovu sinokošu i kulko su se konfekcijski broji... zdošli, ili premenili, a na druge strane.., dost je viknuti -"Pefci!" pak da pol ludi pobegne f šumu, a da se tu još navrgne cela plejada živopisne defenderof, plejerof, golgeterof i managerof z Kozje Drage samo najhrabreši budu ostali v "okrečenom pravougaoniku"
Donji Hruševec - Dubranec - veli, Gorenc logistika, pak popol, navodno se, ja neznam, povedaju babe kaj sir trže na semišču i radniki na velkomove bauštele, sponzor se sponzorov zadužil prek glave, potrgal si i ruke i noge, da bi dopelal kakvoga Kapitalca kaj bu kompenzeral ove gladovske zete kaj su postali pouzdani kak M-16 v đungle, mislil je i mislil, iskal je i iskal a jel našel bumo videli oko večerne, a kaj je odigral Neno, kaj su mu se ruke skratile za pol metra z oftamološke razlogov, v partije šaha sam ze sobum, ostaja nam da vidimo, veli, ni mene problem rešiti Posafce; Zeko dojde ze šume, ovi dva mali zostaneju ze škole i to je to, ne moram opče misliti nato, ali ovo naše.., potrošil sem telefona i telefona da lude dovlečem, kak da više nemaju motiva, prije su oni mene vlekli za rukav, da bumo, da bumo, da bumo, a sat ja moram ne z puškum iskati, istina, nekteri, neču je sat ovum prilikum imenovati, imaju i preveč motiva, posle dve pive, i tu počmu problemi de je opče ni bilo ni trebalo biti, a gledi flaša je okrugla...
Šiljakovina - Kravarsko - mladenka i nezina klencarica, prvaki i nesuđeni prvaki, štoplin viška v krivo vreme na pravem mestu i trudnica je rođena, "što li im je učinilo vrijeme", ot Velike Meše do Telova, jesu smoždeni od zaudaranja na seksualnomu planu, jesu dve lopte istisnule jednu loptu, jel papuča nadvladala kopačku, da je več zajdna dobro da ni Cerovski Vrh - Kravarska ili Šilakovina - Novo Brdo, pozdrav onem kaj pamete kaj su čera jeli...
V idučem broju:
"Ne pada jabuka dalko ot Adama ni smokva ot Eve"
kuntakinte:
1. kolo 13. lipnja 2020. 15:00 - Siva čaplja u Kravaščice (Gornji Hruševec)
Opatija Gornja - Opatija 0:2
Pokupsko - Hotnja 3:3
Gornji Hruševec - Strezojevo 1:0
Novo Brdo - Lijevi Štefanki 0:1
Lučelnica - Markuševec 0:1
Velika Buna - Kozjača 2:1
Donji Hruševec - Dubranec 0:2
Šiljakovina - Kravarsko 3:2
Navigacija
[0] Lista Poruka
Idi na punu verziju