HR.KAJ.NĚ? - Lépa naša kajkavska / pregled tisKAJna

[Ljudevit Kaj]

Varaždinske vesti, br. 3526, 31.07.2012.

KAJ je naše pitanje i naš odgovor
 
Piše: prof. Barica Pahič

Grofica Katarina Patačić je nie mislila same na modu, pisala je ona i verzuše 
 
Zate se pitam kam bi bila dospela hrvatska književnost da smo išli po tragu kojemu je kajkavščina shodna točka. Od gda smo pričeli zgrađivati jedinstveni književni jezik, kaj je bilo neizbežno, kajkavski je nestal z književnosti, se dok A.G. Matoš nie napisal “Hrastovečki nokturno”, lirski dodatek svojemi uspomenami na ljetovanje vu Turopolju.
 

Prešlo je več 231 leto kak je grofica Katarina Patačić napisala svoje “Pesme horvatske”. Bila je obrazovana i načitana žena štera je v “Molem Beču” živela na visoke noge (ne mislim na dvanajstcentimetarne štikle), ali je nie mislila same na modu, neg i na poeziju i znala pisati, za svoje doba dost usaveršene verzuše, tj. stihove. A k tomu, pisala ji je na kajkavskemu, na kakvemu su ta duoba i gospoda govorila.
 
Čez več od dva stolietja su za pervu varaždinsku pesnikinju, štera je pisala  vglavnem ljubavne pesme po modi onoga duoba, znali same nje bliski ljudi i stručnjaki. Denes cenimo ovu pesnikinju pa natječaj za nagradu, za najbolšu kajkavsku knjigu lanjskoga leta, nosi njezino ime, a raspišuje ga Matica hrvatska i Varaždinsko književno društvo.
 
Zate se pitam kam bi bila dospela hrvatska književnost da smo išli po tragu kojemu je kajkavščina shodna točka. Od gda smo pričeli zgrađivati jedinstveni književni jezik, kaj je bilo neizbežno, kajkavski je nestal z književnosti, se dok A.G. Matoš nie napisal “Hrastovečki nokturno”, lirski dodatek svojemi uspomenami na ljetovanje vu Turopolju.
 
Pesmicu je završil  praf cukreno: “Hajči, Smiljček, hajči, picek moj.” (Smiljček je zaprav pucica zlatih lasi, Smiljka, a to velim zate kaj je jena osobitost kajkavščine da se i imenice ženskoga roda jake često deminutivizieraju vu muškem rodu: Marek, Janek, Katek, pa tak i Smiljček. O tem sam se več z jenim jako važnim gosponom prepirala, ali mi tie Matošev argument nie pal na pamet.)
 
Matoš je morti uspaval svojega Smiljčeka, ali je z tiem probudil pesnike Drageca Domjanića i Frana Galovića i z njimi se kajkavščina vrnula v  književnost, maker na mala vrata i sramežljivo. Književni se jezik v mirna i staložena doba razvija tak da se udaljava od izvornoga narodnoga jezika, a gda narod osieti da njegvem jeziku prieti opasnost, vrača se dijalektem kak obrane narodne samobitnosti.
Za te su v duoba serbokroaščine tak popularne postale popiefke s krapinskog festivala i književni natječaji šteri su forsierali kajkavščinu ili čakavščinu. A denes se vidi da je kajkavska književnost zbilja živnula.
 
No, če sem tekst začela z pervu kajkavsku pesnikinju, želim ga završiti z jenu denešnju. Nek to bude Valentina Šinjori, štera je nie grofica, ali je profesorica štera na kajkavskim festivali dobiva nagrade, a glavno ji je delo zbirka popiefki “Jutrešnji bluz”.
Nažalost, morem vam ponuditi same jenu njejnu kraču popiefku, onu pod imenom
 
 
Leta gospodnjih devedesetih

"Otprite oblok da vidim koje je stoletje vuni"
(Pasternak)

Po obloku razjokane brazdice rose,
Lampa na bregu, spoda Beja, kmica,
Brige ščerašnje kesni cajt odnese,
Mir se pomalem čez stekla smica.

Lica su vu meni skrita od mene
Zginutih ljudi, jafkanja puno
Zebeju njihove nade prižgane
Čez zaprti joblok ščipa nokturno.

Proza življenja koračila v pesmu.
Svet se negde kala, negde su jutra.
Kervavi mesec vu neljudi skriti -
Reč se bojim pustiti jasnu,
Zvuna peče, žari iznutra.
 
Kristuš se z decu joče pribiti.
 

Zvir:
http://varazdinske-vijesti.hr/kaj-je-nase-pitanje-i-nas-odgovor/grofica-katarina-patacic-je-nie-mislila-same-na-modu-pisala-je-ona-i-verzuse.html

i(l)
str. 33 sim:
http://varazdinske-vijesti.hr/pdf/3526.pdf

* * * * * * * * * * * * * * * * * * * * *

04:30-06:20
Emmerich Kalman: Grofica Marica (2003): Dolazak baruna Kolomana Župana /Hajd'mo u Varaždin, 06:20
Sandra Bagarić kao Grofica Marica i Vid Balog kao barun Koloman Župan u poznatoj opereti Emmericha Imre Kalmana.

Emmerich Kalman: Grofica Marica (2003): Dolazak baruna Kolomana Župana /Hajd'mo u Varaždin

[Ljudevit Kaj]

Međimurske novine
e-vundano: 6. kolovoza 2012.


Nišči se neče igrati z partizankom

Pravzaprav sam štel reči gda ambrozijo, očem reči, partizanko moramo likviderati ak nečemo nekše vekše nevole. Tuliko težakov imamo na burzi, tuliko ljudi kaj dobavlajo kajkakšo pomoč, a nigdi nikoga što bi se malo zaigral z partizankom. Znate kaj, to moramo mi sami naprajti jerbo nišči to ne bode napravil mesto nas. Tak smo lanjsko leto čakali kaj dragi Božek nekoga pošle (po onoj narodnoj: Božek joj je dal kaj zraste nek se i pobriga za jo), ali neje išlo. Tre fljučnuti vu šake, zeti koso ili pak kosilico vu roke i na posel.

Piše: Jožek radnik


Naš jahač na konjo z ručami Filip – Fićo Ude se vrnul z Olimpijade vu Londono z praznaj rokaj. Mel je veliko željo kaj bi srebrno želencijo z Pekinga zamenil za zlatno, ali neje išlo. Najme kaj, on je prinas doma, vu Nedeliščo, treneral na našemo domačemo međimorskomo konjo, a tam so mo podlečili engleskoga pak ga je of hitil z sedla. Kak smo vidli, neje mel srečo, a vsi znamo gda vu športo treba meti bar malo sreče. Poglečte naše labodoritaše Dinamovce, jiv sreča na rokaj nosi. Bar ovo leto. Nejpredi je vu Bugarskoj Ante Rukavina spasil, i to vu zadjoj minoti, kaj so Bugari ne zabili drugoga gola, a unda je vu 93. minoti zabil gola i zravnal na 1:1. Vu Zagrebo pak so Dinamovci zabili gola vu 98. minoti tak gda so, bar za ve, ostali vu Evropi. Ak jiv bode sreča i dale tak mazila unda bodo ostali i duže. Znate kak velijo naši ljudi: što ima srečo kalamper mo i na betono zraste. No, bil bi zadji cajt kaj bi Dinamovci počeli igrati, a ne kaj se bodo furt naslajali na srečo, jerbo nebre se niti sreča restrgati.

Furt se pripoveda gda ak je čovek više bole vidi, pak bi tak trelo biti i dok je na vlasti. Ali ne, dok so naši političari vu oporbi unda vse bole vidijo, ak ne verjete meni pitajte esdepeovce predi, a hadezeovce ve. Predi je za vse kaj je ne štimalo vu Lepoj našoj esdepeovcima bil kriv hadeze, a ve morajo med sobom iskati krivce, predi je ne trelo mosta na Pelješac, a ve ga tre, predi je pedeve 23 bil preveliki, a ve je i 25 premali, predi so huškali nezadovoljne težake kaj zidejo na vulice, a ve jiv zmirivlejo, predi je bilo vse hudo, a ve je drugač i još huje…

Šest meseci je minulo otkak so esdepeovci i haenesovci, očem reči, «kukurikači» prevzeli vlast, a nikaj se je nej genulo na bole. No, neje ruon tak jerbo so zdigli cene benzino, plino, struji, povečali so pedeve…, tak gda ga vejč penez vu državnoj kasi,a vse meje i meje vu žepima nas težakov. Zakaj je to tak povedale so nam, minuli tjeden, na presici, Dragica Zgrebec i Nadika Jelaš, dve naše i esdepeove saborske zastupnice. Zazvedili smo gda esdepe pomalem jemle vu roke cugle vlasti, ali gda se još ne vidi sunce na krajo tunela. Nejsam nejbole razmel je li smo pravzaprav mi došli vu tunel ili ga još iščemo, očem reči, ili je još na farbanjo. Isto tak smo zazvedili gda jim ne bode dosti jeden mandat od štiri leti nek jim bode trelo nejmeje osem let kaj Lejpo našo dotirajo vu red. Posle toga sam nej mogel spati i kajkakše so mi huncvutarije hodale po glavi, tak gda sam zazvedil kaj je kukurikačaj značil tej «Plan 21», oni so zaprav splanerali kaj bi bili 21 leto na vlasti i za tej cajt bi, mortik, ftegnuli vse naprajti kaj so z obečali. Što bo jiv tak dugo magadil? Nekaj si gruntam gda bi za tak dugi cajt sfondali i nas i Lejpo našo, tak gda bi se posle toga ljudi mogli spominati i to vu Austrougarskoj, kak je na tom placo negda bila država vu šteroj so živeli Hrvati, a i jivi prvi sosedi Međimorci. Verjem gda «kukurikači» pomalem trošijo zajma šteroga jim je dalo hrvaško biračko telo lani vu decembro, a dok se kupica našega strpleja preleje, bogzna gde bodo završili.

Znali smo gda prinas vu Međimorjo raste ambrozija, očem reči, partizanka štera nam Međimorcaj donaša kajkakše nevole, ali gda i mi imamo pedofile to sam nej veruval. Ali vrag nigdar ne spi, pak je tak došla i na svetlo dneva istina kak se Damir z Črečana jako rado «igral z decom» i to z dečecima. Kak vidimo i vu međimorskom cvetnjako ga jega drača i to onoga šteroga se teško rešiti. To je beteg i to veliki beteg jerbo kak razmeti Damira kaj se «igral» z dečecima, a tuliko puci ga je čakalo. On bo završil vu rešto, sam nej znati je li bode rešt zlečil toga betega ili bodemo i posle morali paziti na jega. Ajoj, ajoj, a kaj bode z dečecaj?

Gda sam več spomenul partizanko, moram reči gda nam se je jako lejpo rezrasla i raste makar jo ne zalevlemo, a niti pak gnojimo. Nišči jo je ne posejal, a vseposot raste onak ftruc. Znate kaj me čudi, pak kak je nišči do ve nej zmislil nikaj kaj bi od partizanke mogli naprajti, a kaj bi od toga bil nekši hasen. Mortik bi jo mogli zažgajariti i dobiti nekšo žganico za kurje oči. Ili bilo kaj drugo sam kaj jo sfondamo. Pravzaprav sam štel reči gda jo moramo likviderati ak nečemo nekše vekše nevole. Tuliko težakov imamo na burzi, tuliko ljudi kaj dobavlajo kajkakšo pomoč, a nigdi nikoga što bi se malo zaigral z partizankom. Znate kaj, to moramo mi sami naprajti jerbo nišči to ne bode napravil mesto nas. Tak smo lanjsko leto čakali kaj dragi Božek nekoga pošle (po onoj narodnoj: Božek joj je dal kaj zraste nek se i pobriga za jo), ali neje išlo. Tre fljučnuti vu šake, zeti koso ili pak kosilico vu roke i na posel.

Nebrem veruvati gda so naši policaji nej mogli prijeti mladoga Slovaka, šteri je fkral Škodo fabijo i žnjom preletel prek naše državne meje gde smo ga nagajali prek sto kilometrov. Rečite mi, prosim vas lejpo, kak so ga policaji nej mogli tak dugo dostići, a mojega kuma so včasi zastajli vu bemvejo, a pelal se prek dvesto kilometrov na vuro. Kaj so, mortik, ovi kumovi presretači na urlabo?


Zvir:
http://www.mnovine.biz/novo/index.php?option=com_content&view=article&id=14060:nii-se-nee-igrati-z-partizankom&catid=301:joek-radnik&Itemid=575
i(l) str. 56. sim
http://issuu.com/mnovine/docs/mnovine882i?mode=embed&layout=grey
i(l) str. 56. sim
http://www.mnovine.biz/images/pdf/882/mnovine882i.pdf


Žiga i Bandisti - Klinčec stoji pod oblokom, 04:03

Žiga i Bandisti - Klinčec stoji pod oblokom

[Ljudevit Kaj]

KAJ je naše pitanje i naš odgovor

Piše: Barica Pahič

Govorili su deci da štokavci su Srbi, a kajkavci Slovenci

Gda narodu zemeš jezik, zemeš mu i zemlju. Zemlju i denes, kak i negdar, moreju kupiti, ali narod nemreju zatrti dek god ima svoj jezik. Narod je trdoglaven i, kre sie internacionalizmov i globalizmov, hoče biti ono kaj je, kak god ga kie vučil da mu bu bolje ak se sebe odreče.

Kajkavci se hočeju naslanjati na svoju kulturnu baštinu, čuvati svoj jezik, zgrađivati svoje samopoštovanje i svojimi rečmi bogatiti hrvatski jezični standard pa vu njem ftvrđivati svoju nacionalnu samobitnost, svoje hrvatstvo.


Jedna me važna osoba pitala zakaj o kajkavštine pišem tak; male o starimi pisci kajkavci, a male o denešnjimi. Nje sem objašnjenje dala opširne, a oniem štere to zanima bu to v skračenom obliku. Naime, v prepiranju i dokazivanju kakev je naš hrvatski standardni jezik, štero nažalost još naviek traje, dogodi se da nam oni z susedne države trdiju da je štokavština srpska, a kajkavščina slovenska pak da Hrvati nemaju svojega književnoga jezika. Pritom se zmislim kak je pred kraj osamdesetih liet v školu, v šteri sam dielala, došel jen kakti jezikoslovni stručnjak, a zaprav politički agitator, šteri je deci sugerieral da siem v Jugoslavije treba jen jedinstveni jugoslavenski jezik jer bu se Jugoslavija z njim jakše povezala.

Deca su ga same bledo gledavala i bila tiho. Moram priznati da se vutem niesem najbolj znašla, ali sam ga pokle pitala kak to misli. Odgovoril je da bi se zaprav jezik trebal zvati same srpski zate kaj je na njemu najrazvijenejša književnost, da Hrvatska, osim Šenoe i Krleže, i nema književnikov vriednih pažnje.

Takve norije su govorili po svetu i njihevi velikoserpski stručnjaki. Ni denes vnogi ljudi (osim stručnjakov) na to nemaju pravoga odgovora, a vnogi pomisle i da je to istina zate kaj malo ili niš niesu zeznali o bogatstvu hrvatske, najmenj pa o kajkavske, književnosti, štera je jeden od “stupova nositelja hrvatske kulture” i štera je v duoba svega procvata dosezala ”evropske obzore”. Zate tuo treba znati.

Teške povesne prilike su Hrvate rascepkale. Govorili su tremi dijalekti i razvijali tri književna jezika se dek nisu spoznali da jih kak narod jedinstveni jezik bu i politički povezal. Več je Ivan Belostenec, pavlin (šteri je rođen vu Varaždinu ili tu v okolici, a vmrl 1675. v Lepogalavi, i dosegel visoke jezikoslovne obrazovanje), v svoj riečnik “Gazophylacium” (riznicu rieči) unosil ne same kajkavske neg i čakavske i štokavske rieči.

Zvršil je studij fiozofije v Beču i teologiju v Rimu, ali se nie odrekel svojega naroda, a hodil je po svetu i mogel je. Vrnul se v svoj kraj. Spoznal je, morti baš zate, potrebu jedinstva Hrvata i toga da se z jezikom i književnostju čuva narodna samobitnost (a tak se ponašaju i si drugi narodi) i da Hrvati hočeju biti i ostati Hrvati, a ne ono kaj hoče nenarodna vlast. Gda narodu zemeš jezik, zemeš mu i zemlju. Zemlju i denes, kak i negdar, moreju kupiti, ali narod nemreju zatrti dek god ima svoj jezik. Narod je trdoglaven i, kre sie internacionalizmov i globalizmov, hoče biti ono kaj je, kak god ga kie vučil da mu bu bolje ak se sebe odreče.

Kajkavci se hočeju naslanjati na svoju kulturnu baštinu, čuvati svoj jezik, zgrađivati svoje samopoštovanje i svojimi rečmi bogatiti hrvatski jezični standard pa vu njem ftvrđivati svoju nacionalnu samobitnost, svoje hrvatstvo.

A za kraj, da mi se ne prigovori da sem dosadna i da same “educieram”, nek bu i nekaj šaljivega:

- Kak si se znašel v Nemčiji gda si nie još znal njemačkoga?
- Nekaj s persti, a nekaj s penezi.


Zvir:
http://varazdinske-vijesti.hr/kaj-je-nase-pitanje-i-nas-odgovor/govorili-su-deci-da-stokavci-su-srbi-a-kajkavci-slovenci.html
i(l):
str. 20 sim:
http://varazdinske-vijesti.hr/pdf/3527.pdf

* * * * * * * * * * * * * * * * * * * *

Grupa Kiss - Varazdinu na placu, 02:50

Grupa Kiss - Varazdinu na placu

[Ljudevit Kaj]

Zagorski list
e-vundano 28.08.2012.


Dnevnik tate Bena

Još jedna morska

Uspeli smo prejti s Cresa na Krk i odlučili smo stati i nekaj si spiti negde h gostioni. Stali smo h jednom malom mestu uz obalu, gde nišči od nas nigad još nije bil. Dojdemo do gostione i jedva najdemo stol za sesti si. Seli smo si i naručili piti. Kad je konobarica donesla piti i račun pogledom na račun mi je mam bilo jasno zakaj je takva gužva. Cijene h toj gostioni su iste ko i tuj pri nama.

Piše:Tomislav Benčić   


Prošli put sam, če se toga več zmislite, napisal da bi bilo ljepo prejti na more i da mi se nič ne dogodi o čemu bi mogel pisati. Nije da se falim, ali sam i prošli vikend bil na moru. Ne of kaj je za nami, nego onaj prije toga. Nije mi se sprdnulo pa sam prešel, niti sam imel viška penez za tere nisam znal kam bi ih hitil, nego sam prešel po mamu i tatu na more. I cjeli vikend mi je bil za spomenuti ga h kolumni.

H petak sam delal nočnu pa je žena došla po mene h Zagreb. Krenemo prema moru i več na Lučkom gužva na naplatnim kučicama. Nismo baš dugo čakali i kad sam zel onu karticu, stisnem gas i mam prejdem na preticajnu traku. Nisam stigel niti h četrtu prešaltati, kad of ispred mene koči. Koči on, kočim i ja. Kad malo bolje pogledam kolona do kud ti pogled seže. I kad dojdeš do tam do kud ti pogled seže, opet kolona do kut ti pogled seže.

Odjedamput i helikopter policijski prejde iznad nas. A mi se vozimo kaj da smo h največoj gradskoj gužvi i to u špici. Prva, druga, strani, prva, kreni, stani, kreni stani, kreni, stani. Kaj je bilo? Prije Karlovca je bila nesreča. Valjda se zato napravila i kolona. Tek se kod Bosiljeva kolona malo razrjedila.
 
Kad smo išli doma još malo kolona. Ovaj put na trajektu. Zapraf ne na trajektu nego ispred trajektnog pristaništa. I to dobrih kilometer od pristaništa. Niti nismo videli pristanište. Ali kak se kolona nije micala zaključil sam da trenutno nema ukrcaja. A kak niti jen auto nije išel od pristaništa zaključil sa nema ni iskrcaja. Spajanjem ta dva zaključka zaključil sam da na pristaništu nema trajekta. Pa gledimo na drugu stran e bumo videli trajekt kak dolazi. I nakon dobrih pol vure, a možda i več, evo trajekta. Pa čakaj da se iskrca, pa krene ukrcaj. Malo po malo mic po mic spuštamo se prema pristaništu.

No, par sto metri prije pristaništa kolona stane, a trajekt prejde. A drugoga nema na vidiku. Tek kad smo krenuli kupiti karte za trajekt vidimo da dole h luki stoji još jen trajekt ali ne vozi, pardon, ne plovi. Taman kaj smo kupili karte počeli su ukrcavati aute i na taj trajekt kaj je stajal. Sreča da je i taj dosta veliki pa smo nekak stali na njega.

Uspeli smo prejti s Cresa na Krk i odlučili smo stati i nekaj si spiti negde h gostioni. Stali smo h jednom malom mestu uz obalu, gde nišči od nas nigad još nije bil. Dojdemo do gostione i jedva najdemo stol za sesti si. Seli smo si i naručili piti. Kad je konobarica donesla piti i račun pogledom na račun mi je mam bilo jasno zakaj je takva gužva. Cijene h toj gostioni su iste ko i tuj pri nama.


Zvir:
http://www.zagorje.com/kolumne/pregled/dnevnik-tate-bena-jos-jedna-morska

* * * * * * * * * * * * * * * * * * * * * * * *

Čaukaj me čaukaj (kono)baurico

Baurico - Kvartet Gubec, 02:53
Baurico - Kvartet Gubec

[Ljudevit Kaj]

Međimurske novine, br. 883, 10.08.2012.
e-vundano: 13. kolovoza 2012.

Premišlavanje Jožeka Radnika

Moramo deci reči kaj slavimo petoga augustuša

Minulo nedelo smo preslavili Den Pobjede i Domovinske zahvalnosti, očem reči, den gda so naši heroji i vitezovi, pred sedemnajst let vu Knino, zeli doli zastavo bivše države i zdigli našega hrvaškoga barjaka i tak pokazali vsima što je gazda vu Lepoj našoj i gda ona pripada nam Hrvatima.
Dok se spominam z našom decom, štera hodajo vu školo, oni ne znajo kaj slavimo petoga augustuša. Ljudi moji, pak to nej smeti dopustiti kaj se zabi i kaj naša deca neznajo kak smo došli do svoje Lejpe naše.

Piše: Jožek radnik


Olimpijada je počela pred dva tjedne i još navek traje. Mi Međimorci smo ostali brez svoje medalje, štero nam je obečuval naš konjanik Filip – Fičo Ude, šteri nas je scartal vu Pekingo gde je osvojil srebrno želencijo, ali letos ga je konj hitil z sedla tak gda se vrnul dimo z praznaj rokaj. No, šport je takši, tre biti pripravljeni, a tre meti i bar malo sreče, a Fičo je nej mel srečo. Prek sto je naših športašov odišlo vu London,a dok vam ovo pišem osvojili smo tri želencije, dve zlatne i jedno srebrno. Nejpredi so nas razveselili veslači, četiri dečki kak od brega odvaljeni so osvojili srebro i nejso bili zadovoljni jerbo so si nameračili zlato. Vse je bilo vredo do zadje trke gde so Švabi bili fletneši za dva metre. Vsaka čast dečkima. Vu minulo nedelo vsi smo čakali kaj bode naprajla naša Sandra štera hiče diska. Ona je odišla onak stiha na Olimpijado, ali nas je več dostik scartala tak gda smo se nadjali gda ona more i tu dobiti jedno želencijo. Kaj bodem vam pripovedal gda vsi znamo kak je hitila skorom dva metre dale od vsih svojih pajdašici i zlatno želencijo so joj obesili okoli šijaka. Morem vam reči gda sam, skupa z svojimi pajdaši, stal mirno pred televizorom dok so Sandri igrali himno. Nebrem vam reči kak mi je lejpo bilo pre srco. I soze so se pojavile. A unda pak nas je, kak strela z vedroga neba, potrefila naša druga zlatna želencija štero nam je strelil naš konobar z Novigrada, šteri ima taljansko ime (Đovani) i crnogorsko prezime (Černogorec). Pak nam je bilo lejpo i toplo pri srco dok smo znova poslušali Lejpo našo. Verjem gda je to još nej vse kaj se želenciji dotikavle, jerbo so tu još naši rokometaši i vaterpolisti, a i sestre Zaninović i zato sam poslal emajla bandistima vu London nek i dale vežbajo Lejpo našo.

Minulo nedelo smo preslavili Den Pobjede i Domovinske zahvalnosti, očem reči, den gda so naši heroji i vitezovi, pred sedemnajst let vu Knino, zeli doli zastavo bivše države i zdigli našega hrvaškoga barjaka i tak pokazali vsima što je gazda vu Lepoj našoj i gda ona pripada nam Hrvatima. Tak so dali po prstima vsima šteri so šteli gospodariti z nami i z našom Zemljom. Vse je to lepo i dobro, ali neje dosti kaj se sam jempot na leto na to zmislimo, a isto tak i na one šteri so nam to privoščili z puškom vu roki, a stopram na one šteri so svoje živote položili na oltar Domovine gda bi mi ve mogli živeti vu svojoj, slobodnoj i jedinoj nam Hrvatskoj. Nej sam to, dok se spominam z našom decom, štera hodajo vu školo, oni ne znajo kaj slavimo petoga augustuša. Ljudi moji, pak to nej smeti dopustiti kaj se zabi i kaj naša deca neznajo kak smo došli do svoje Lejpe naše. Znate kak se veli, ljudi šteri ne znajo i ne poštuvlejo svojo povjest nejso si zaslužili državo i takša država nebre dugo trajati i zato vsi moramo, a posebno naši navučiteli i profesori, širiti istino o Domovinskomo rato i o samostalnoj nam Lepoj našoj. To zadačo nesmemo zabiti i tu nesmemo zahuzati.

Hajdig je praha, i to cele oblake,zdigel minister za peneze Slavek Liničov šteri je del na svetlo dneva listine onih dužnikov šteri so dužni državi čuda vejč nek je to normalno.Vsi se bunijo protiv toga, a nejbole oni šteri so na listama. Morem vam reči gda so nešterni gori i po tripot. A vsi znamo gda so se vse države na sveto, do ve, brigale, a i dale se brigajo kaj poberejo čim več poreza. Pak od toga i živijo. Dugo se pripovedalo gda bodo te dužnike dali vum, dugo je i Slavek gruntal je li bi to bilo spametno ili pak ne, a na vse zadje to je došlo vum. Kaj reči, za nešterne smo znali gda so gori, ali so gori i oni na štere smo ne računali, očem reči, šteri so delali z figom vu žepo, a mi smo jiv držali za poštejake. Navek so gospodarstveniki gruntali kak bi jim čim vejč penez ostalo od onoga kaj so zaslužili, a kaj bi i država bila zadovoljna. To nateguvanje z poreznikaj vam ide po onoj starinskoj kaj bode vuk (čitaj: porezniki) sit i birke (čitaj: penezi) na brojo. Što malo duže pamti bode se zmislil gda porezniki navek imajo problema z nami, isto tak znamo gda so negdašnje Vlade več hajdig toga šenkale onima šteri so nej plačali, tak gda bi, po pravici, trelo i te listine objaviti kaj bi se zazvedilo kuliko je komo Lejpa naša šenkala. Jedni so ve došli na listo srama, a drugi se, onak vu sebi, smejejo kak so se prevlekli gešenk i hajdig jim je penez ostalo. No, kuliko vidimo, još jempot se pokazalo gda ga niti med poreznim cvetjem nej pravice. Kak je rekel jeden gospon vu sredo na sejmo: meni so moje duge šenkali tak gda ve dale delam pošteno. Odnavek je tak bilo, što je bliže ogjo bole se greje, pak je niti denes, brzčas, nej drugač!

Pregledal sam vse te listine štere nam je Slavek del pred nas i morem vam reči gda ga me nega niti na jednoj listini. Več par dni si gruntam: pak kaj sam ja to za čoveka gda sam nej mogel dojti niti jedno listino, a denes naši ljudi tuliko vredijo kuliko so dužni. Znate kak je to, gda ste nekomo dužni unda se te i briga za vas, briga se za vaše zdraviče i vse bode napravil kaj bode vas zdravje služilo tak dugo dok mo duga ne vrnete. A kak je to lepo gda imate nekoga što furt misli na vas, a nej tak kak sam ja kaj se sam moram brigati za vse. I za peneze i za zdraviče. A ve je več prekesno kaj bi bajal japi i mami kaj so me tak navčili.


Zvir:
http://www.mnovine.biz/novo/index.php?option=com_content&view=article&id=14136:moramo-deci-rei-kaj-slavimo-petoga-augustua&catid=301:joek-radnik&Itemid=575
i(l) str. 56 sim:
http://issuu.com/mnovine/docs/mnovine883i?mode=embed&layout=grey
i(l) str. 56 sim:
http://www.mnovine.biz/images/pdf/883/mnovine883i.pdf


Java i Sumatra (Sv. Martin)
Sumartonski Lepi Dečki - Međimurski Mužikaši, 05:17

Sumartonski Lepi Dečki - Međimurski Mužikaši

[Ljudevit Kaj]

Varaždinske vesti, br. 3528

Piše: Barica Pahič

KAJ je naše pitanje i naš odgovor

Ove jeseni kajkavski rečnik bude zdrukan i predstavljen

Lipljinov rečnik je pobudil veliko zanimanje Varaždincov, al’ i stručne javnosti. Ljudi su ga čitali i vu njem iskali rieči svega detinstva i svoje mladosti, al’ su ga nie čitali same kak rečnik, neg i kak zabavno štivo radi šalnih rečenic štere je koristil da bi riečima dal kontekst, ili, obično rečeno, da bi pokazal njihovo pravo značenje. Zato je rečnik brzo rasprodani.


Več je v ove rubrike bilo puno rieči od rieči i rečnikov. Spominjali smo največ one z naše kajkavske kulturne preteklosti, ponajveč Habdelića, Belostenca i Jambrešića, one šteri su vezani za Varaždin, a njih je puno, skoro toliko kak i za cielu Hrvatsku v to vrieme. Kaj to nie znakovito? A spomenuli smo i našega suvremenika, nažalost od prie štiri lieta pokojnoga Tomicu Lipljina, rođenjem, življenjem i delovanjem stopostotnega Varaždinca i kajkavca. Vnogim Varaždincima, dok idu kre našega kazališča i denes vu vuhu zazvoni njegov neponovljivi glas s pozornice. A on je, polek toga kaj je javno bil na pozornice, letima, onak za svoj gušt, zbiral i zapisival rieči varaždinskega govora, varaždinske kajkavščine i pripremal rečnik, šteroga je vun dal 2002. leta.

Njegov rečnik je pobudil veliko zanimanje Varaždincov, al’ i stručne javnosti. Ljudi su ga čitali i vu njem iskali rieči svega detinstva i svoje mladosti, al’ su ga nie čitali same kak rečnik, neg i kak zabavno štivo radi šalnih rečenic štere je koristil da bi riečima dal kontekst, ili, obično rečeno, da bi pokazal njihovo pravo značenje. Zato je rečnik brzo rasprodani. A kaj nam je pokazal? Istina je da vu njem, poleg najstarejših kajkavskih reči, kak i štokavskih spreobrnjenih na kajkavski i kajkavskih nekaj poštokavljenih, ima puno stranih reči, pogotovo z njemačkoga jezika, ali i z denes modernoga engleskoga, pogotove one z informatičkega, modnoga ili političkoga područja. Ti su germanizmi i anglizmi spreobrnjeni na kajkavščinu i bili su, ili jesu, diel građanskega ili urbanega sporazumievanja. A i to nekaj znači, kaj ne? Znam da bute se sami domislili kaj. A v rečniku se najdu i reči z šatrovačkoga govora ili žargona.

Ono kaj jezikoslovci, ali i si drugi zainteresirani ljudi moreju videti, bogatstvo je kajkavskih rieči z šteri pravi kajkavci moreju te stranjske reči zameniti, pa i to z koliko domišljije jih narod stvara, pogotove one štere imaju preneseno značenje. A bude prihvatljivi i siem kajkavcem, a ne same Varaždincem. Gda su v ruke dobili prvi Ljiplinov rečnik, saki čas su autora upozoravali da mu vu njem fali ova ili ona rieč, a on je to zapisival kak i se druge rieči štere je pokle čul, a v rečniku jih nema. Tak se nakupčalo jako puno rieči v njegve ostavštine. Da to ne bi propalo i pozabilo se, izdavačka hiža “Stanek” odlučila je Lipljinov rečnik znova vun dati v jake proširenem izdanju. Na tem se užurbano dela i rečnik bi trebal biti zdrukan i predstavljen javnosti ove jeseni.

A mesto kakvih drugih šalnih dodatkov, nek budu rečenice z budučega rečnika:

Biti astronom, ne znači brojiti zvezde. Brojiti zvezde, znači biti biti lenčina.
Naši biležniki menjaju aute kak ja štomfe.
Da sem bil mali, mislil sem da je ambasador dobre vole, ambasador koj se je napil.
Iskati iskrenog političara je kak iskati žabje perje.
Pred svetim Petrom nema advokata.
Arogantno se ponaša samo mulec.
Penes nemam, a drugač sem dobro.


http://varazdinske-vijesti.hr/kaj-je-nase-pitanje-i-nas-odgovor/ove-jeseni-kajkavski-recnik-bude-zdrukan-i-predstavljen.html
i(l) str. 39. sim
http://varazdinske-vijesti.hr/pdf/3528.pdf

Zadruga - Od blata do neba - Špancirfest 2012, 04:05

http://www.youtube.com/watch?v=MNzfEilWG-s

Zadruga - Od Blata Do Neba (1993) spot ultra HQ, 03:15

Zadruga - Od Blata Do Neba (1993) spot ultra HQ

[kuntakinte]

Zadruga - Od Blata Do Neba (1993) spot ultra HQ, 03:15

Mam se vidi da je to jen od najskupleše spotov na forumu. 

[Ljudevit Kaj]

Međimurske novine,
e-vundato: 20.08.2012.
 
Premišlavanje Jožeka radnika
 
Za Prcinkulovo vsi poti vodijo vu Čakovec
 
Piše: Jožek radnik
 
Minulo je glavno čakosko proščeje Prcinkulovo, štero čakoski fratri i patri obslužavlejo več duže od 350 let, a čakoski turistički težaki nekaj duže od četrdeset let. Kak je da je, dok to denemo skupa unda dojdemo do toga gda se Prcinkulovo obslužavle več cirka štiristo let. I kaj vam nek rečem ve posle od kak so se proščejarska svetla vgasnula? Vsako leto so proščeja vse bolša i bolša, a to nam je potvrdil i čakoski gvardjan, pater Stanko, šteri je rekel gda ga ovo leto, na glavnoj predobednoj meši, bilo čuda vejč ljudi nek lani. Nekaj je za to „kriv“ fratarski biškup iz Perua, Gerard Žerdin, nekaj pater  Zvijezdan Linić, šteri je predvodil trodnevnico, a nejveč pak zaslugi ima Marijica čije se godovno i slavilo. Proščeje se je, vu cirkvi i okoli cirkve, slavilo po dnevo, a po noči so bili drmeši i terevenke, štere so prek meli turistički težaki. Vu te dneve bilo je po Čakovco vsega kaj ste si poželjeli, a i čuda vejč od toga.
 
Čuda je bilo bandistov, tamburašov, plesačov i pjevačov za teh pet dni vu Čakovco. Naši klošari pre gracki vuri so zbirali nejbolše pjevače, nejlepše pjevačice, nejfajneše oprave, nejdebleše moške, nejbolešlank puce i žene, nejbole hercig frizurice, kiklice, vroče hlačice, kape, škrlake, špilhoze… Zazvedil sam gda je nejlepšo frizuro mel Đo Maračić Maki, a odlično drugo mesto je osvojil Duško Lokin. Nek se zna!
 
Na samo proščeje, drugoga augustuša, predi glavne meše bila je pršecija po glavnoj čakoskoj vulici, od Orla do cirkve. To je nej nikaj novoga i tak je vsako leto, ali ovo leto so turistički težaki najavili gda bode vu peršeciji i Gospa od anđela. Brzčas so se nej z Marijicom nejbole dospomenuli jerbo je ona nej došla.
 
Vu soboto, den predi Dneva Pobjede vu Čakovec se doteplo hajdig oldtajmerov, kaj motorov, kaj autov. Bilo je tu čuda domačih, a još vejč stranjskih. Došli so ljudi, očem reči, dopelali so se iz vsih krajov Lejpe naše, a bilo je i sosedov. Došli so oni z Evrope, a i oni tretji. Spazil sam lejpoga plavoga auta z Beograda. Čovek je vupal tak dauko dojti jerbo je i on i auto z onoga cajta gda smo si još bili žnjimi z dobra. Rekel je gda navija za Dinamo i gda zato vozi plavoga auta i gda je štel videti Međimorje o šteromo je čul vse nejlepše. Kuliko sam mel za čuti bilo mo je jako lejpo prinas, kak i vsima šteri dojdejo.
 
Nej znati je li je Marijica mela rada labodo i labodoritaše? Cirkvene knige o temo nikaj ne pišejo, ali je labodoritaški klub Međimorje organizeral turnira za Prcinkulovo. Igrali so naši međimorski tretjeligaši: Nedelišće, Prelog, martinski Polet i čakosko Međimorje. Pobedili so Međimorci. Kuliko sam mel za čuti šteli so pozvati i domačega čakoskoga tretjeligaša, ali so jiv nigdi nej mogli najti: niti upravo, niti trenera, a niti pak igrače. Najgerek sam kak bodo itak Čakovčari igrali vu tretjoj ligi štera zutra počne.
 
Za vreme proščeja so me zastajli Janezi (prepoznal sam jiv jerbo so govorili slovenski) pred čakoskim Kulturnim centrom i pitali so me po šteromo Nikoli Zrinskomo je čakoska knjižnica dobila ime. Zvlekel sam se i rekel sam jim: Kaj po šteromo, po onomo glavnomo! I odišel sam vu Centar za kulturu na nejbolša vina naših međimorskih vinarov! Ruon so mene našli, pak so mogli nekoga spametnešega pitati!
 
Još je proščeje niti nej minulo, a več so tati orabali škreblico, i to ono glavno, vu čakoskomo samostano. Nešči je vodil brigo o temo gda so vsi fratri pre večernji meši pak je prekapal po samostano i odnesel je peneze štere je našel. Nej znati je li so se tati okuražili pak so počeli po cirkvaj i farofaj krasti otkak so državni političari prestali hodati k meši ili pak so si to več od predi splanerali. Nej znati kam bode to itak došlo jerbo vse vejč i vejč ga toga.
 
Na sam Den pobjede zišli so se vu Hodošano haesesovci i obilježili obljetnico smrti svojega prvoga precednika Štefeka Radića, a  isto tak so preslavili i Den pobjede i domovinske zahvalnosti. Posle meše bilo je skupno druženje gde smo zazvedili kaj „seljaki“ planerajo. Vsi znamo kak so, nej slabo nego nikak, prešli na minulaj parlamentarnaj izboraj tak gda imajo sam jednoga sabornika. Morem vam reči gda so naši međimorski „seljaki“ nejfletneše genuli i počeli so se prepravlati za nove izbore šteri nas, i jiv, čakajo drugo leto vu majušo. Oni znajo kaj očejo: poticaje za seljake, posla za one na burzi, težakima plače, kukurikačima kaj prejdejo z reči na djela, a vsima nama kaj čim predi zidemo vum krize i recesije. Tak je bar rekel jiv međimorski precednik Zoran Vidović. A mi vsi bi šteli kaj dragi Božek da jegovim rečima hasna, tak kaj bode nam bole, a unda bodo i „seljaki“ dobili čuda vejč glasov.
 
Jedna nevola nigdar ne dohaja sama, to nam je odnegda poznato. Tak je polek ove naše i svecke krize, štera nas duši več štiri leti, k nam došla i suša. A dok je suša seljaki nemajo kaj žeti, a mi pak unda nebodemo meli kaj jesti. Čim je skorom cela Slavonija preglasila elementarno nepogodo zbogradi suše mam so se oglasili „kukurikači“ na vlasti. Oni to vse vidijo, oni to vse znajo, ali penez ga nega kaj bi se to nadoknadilo. I kaj so ve naši seljaki krivi kaj je letos tak velika suša? Nikaj! A vse to bodo morali platiti z svojega žepa. Vidite, a z druge strane se ovi vu državnaj službaj bunijo kaj jim bodo plače sto, dvjesto ilio tristo kuna meneše i kaj nebodo dobili božičnico. A kaj bi rekli gda bi i na jiv došla takša nevola kak je na naše seljake? I unda mi nek nešči reče gda so vsi jednaki. A što je seljakima kriv kaj i oni nemajo kolektivne ugovore z svojim ministarstvom?
.
 
http://www.mnovine.biz/novo/index.php?option=com_content&view=article&id=14190:za-prcinkulovo-vsi-poti-vodijo-vu-akovec-&catid=301:joek-radnik&Itemid=575
 
i(l) str. 48. sim
http://issuu.com/mnovine/docs/mnovine884i?mode=embed&layout=grey
i(l) str. 48. sim
http://www.mnovine.biz/images/pdf/884/mnovine884i.pdf
 
* * * * * * * * * * * * * * * * * *
 
KOM3DIJA - DE JE LJUBAV - MEF 2011 Grand Prix, 04:09
 
KOM3DIJA - DE JE LJUBAV - MEF 2011 Grand Prix

[Ljudevit Kaj]

 
Varaždinske vesti
 
Piše: Barica Pahič
 
KAJ je naše pitanje i naš odgovor 
 
Pegaz tutnji kroz izmaštane svjetove kajkavske popefke 
 
Bogactvo naše kajkavske rieči fascinieralo je i jenoga Krležu i se šterim je on uzor. Vu tem se narodno i pesničko govorenje sprepleču i nadopunjavljeju, a kajkavščina potvrđuje svoju žilavost jer nam čez pesničko govorenje snaži i okrepljuje dušu. Tak sam se nazaj našla na terenu naše duše i naše popefke i zmislila da je vrieme prectaviti još jeno ime z našega Varaždinskoga književnog društva.
Pa onda nek to bu Tomislav Ribić, šteri je dobre poznat varaždinske književne publike.
 
 
Maker mi je urednik z naslova ove rubrike zbrisal rieči poezija i duša, niesam na to pozabila. A na njih me zmislila jedna moja sugovornica vu jako ozbiljne rasprave o tem kak je i kak nam još bu s obzirom na se veče račune z šterimi nas saki dien obasipljeju z Elektre, Termoplina i Varkoma. A ni drugi naši opskrbljivači (ona je rekla izrabljivači, valjda ji se zareklo) neju ništ menj milosrdni. Od njejnog pitanja: Zakej nam je tak kak nam je i kaj nas bu još dočekale?, v glavi mi se, kak na ringišpilju, zavrtelo kaj pitanje i kaj odgovor.
 
Zamantalo me uzbuđenje, štero je nie pred mene dopeljalo sam zagorske breščece, hižice, gorice i kletičke, stezice i cveteke, več jezer put opevane na se moguče načine, neg i se raznoversne rieči z šterimi je to opisano i predstavljeno. A to bogactvo naše kajkavske rieči fascinieralo je i jenoga Krležu i se šterim je on uzor. Vu tem se narodno i pesničko govorenje sprepleču i nadopunjavljeju, a kajkavščina potvrđuje svoju žilavost jer nam čez pesničko govorenje snaži i okrepljuje dušu. Tak sam se nazaj našla na terenu naše duše i naše popefke i zmislila da je vrieme prectaviti još jeno ime z našega Varaždinskoga književnog društva.
 
Pa onda nek to bu Tomislav Ribić, šteri je dobre poznat varaždinske književne publike. Član je Društva od osnivanja i njegov precednik vu dva mandata, stalni suradnik Varaždinskoga književnog zbornika (tu i tam i njegov suurednik) i sudionik na natječajima kajkavske poezije, gdi je več dobil mnogobrojne nagrade. Objavil je tri samostalne zbirke popevki i jenu v zajednici s L. Derkač i A. Jarkom. On spada v postmodernistički naraštaj suvremenih kajkavskih pesnikov. Več sam jemput napisala da je v njegve poezije “stalno prisutna jedna iracionalna crta”, da mističnimi, mitološkimi i nadrealističnimi slikami prikazuje nakaznu sliku rasapa i sveopče izobličenosti svieta i da “njegov Pegaz bezobzirno tutnji kroz te izmaštane svjetove, sposoban gricnuti što od baroknih prijetećih propovijedi, što od ciničnog tamburanja Petrice Kerempuha, što od suvremenih fantastičnih svemirskih putovanja.” Njegve su popefke prilično pesimistične i nie baš ohrabrujuče. A Ribić je poznati i kak pesnik ne baš preveč romantičnoga erosa.
 
A ovde bu predstavljeno i nekaj čist malo od onoga kaj je napisal (To malo je radi prostora šteri mi je na raspolaganju.) Bilo mi je med njegvimi popefkami teške pronajti onu koja bi nas razveselila, pa sam čitateljem odlučila ponuditi njegva Odputovanja, zmed ostaloga i zate kaj je popefka kratka. A i ljubavna je i glasi:
 
 
Odputovanja
 
Pošiljaš mi ajngela z e-mailom
naj me čuvle vu nemirnim nočima
ima tvoje oči
i diši po medu i cimetu
skrivlem ga vu ladicama senja
i odpiram pred zorju
naj mi šepeče bajke o dalekim svetima
kaj ih nigda nemo odkrili
o ljubavi vu kuli od žada
o sedam pečata kaj sam ih
ostavil na tvoji koži
i otoku vu vesmiru
gdi se bumo zišli
na jednom od svojih odputovanja
 
 
Zvir:
http://varazdinske-vijesti.hr/kaj-je-nase-pitanje-i-nas-odgovor/pegaz-tutnji-kroz-izmastane-svjetove-kajkavske-popefke.html
i(l) str. 20. sim
http://varazdinske-vijesti.hr/pdf/3529.pdf

* * * * * * * * * * * * * * * * * *

Ziga & Zlatko Vitez - Oci Sokolove, 04:03

Ziga & Zlatko Vitez - Oci Sokolove

[Ljudevit Kaj]

Zagorski list
e-vundano 29.08.2012.

Za dušu, za spomenek

KEHNUTI, BUBNUTI, VUDRITI….
 
I hu ove ljietne vruče dane, tak si ja ljistam po naša domačja riečja, tere se več tak guste ne rabiju. Ž njimi hruka i h srcu vudrim brigu na veselje i tak mi ljiepi cajteki cinfraju življenje. I nadam se da mi radi toga ne nešče za pleči jednu zasmoljil, ruknul ilji sunul

Piše:Nevenka Gregurić


 „Batina je zišla z raja“!
Tak se povieda, alji se denes se menje rabi. Če bi se rabilje, reklje bi se da nešče nekuga zlostavlja. Tu povedu su negda največ spomenulji starci gda su batinu koristilji kak „odgojnu metodu“. Pri tomu su još reklji i onu:
„Kud starec vudri, tud zdrave mese raste!“
Nie bilje rietke čujti, da su ljudi kaj bi opravdalji svoje buhtanje, reklji i onu:
„Ni pes pri hiže ne velja bez straha!“

A strah se h kosti mogel zabiti same z bekovaču, kljukovaču, batinu, alji i z šakami. Da mi nej nešče zameril i zel za zlo kaj tak poviedam, niesem baš za tucilje. Makar je moja mati znala reči da sem ja „igrala“ tak duge dok mi nie z bekovaču, tera je bila navieke negde za striehu pririhtana, odigrala „poljku“ po noga. Da su te povede, a vezane za tucilje, zišle baš z naše kraje, nekak si ove dane gruntam gda sem si diela pred se jeden kajkafski riečnik od gospona z varažljinskuga ilji vegačkoga kraja, Ljipljina, teri je skupil i dal na znanje rieči kajkafskuga govora. Tak je on skupil prec rieči tere imaju nekak iste delje, tere govori o tomu kak se nekuga „odgaja“ ilji „tira strah h kosti“.

Te rieči kak da imaju posel nekomu reči i pokazati kakve je delje dobre, a kakve je loše. Te rieči, z teremi se nekomu grozime da ga bume delji h strah, senek kak se bu te napravilje je razljičite. Gda nekomu veljiš da ga buš stukel, te je rečene da bu dobil batin na bilje teri način. A gda se velji da buš nekuga zbuhtal, unda te nejveč put znači da bu dobil“buh tabljete“ ilji šakami po pleča. Bum te heznul takaj znači da te bum vudril, alji z nečem.

Morti se radi toga velji i onomu dielu staruga kola teri se odciekel, hiezljin. Hizljini su se dopeljalji z trsja dima i bilji složeni za kurenje. Navieke su unda bilji pri ruke da si z hiezniljem mogel nekuga, heznuti. Če si nekuga štel hrknuti, bilje je te nejveč put z laktem h rebere ilji pod rebre. Još se k tome znalje reči bum te hrebnul. Nu, naprimer, jekanje nie moralje biti grde i boleče. Jekati su znale babe muže poskrivečki pod stoljem kaj jih bi opomenule da preveč put zdižeju kupicu h zrak i veljiju:“živelji!“ Klepnulje se diete po vuha, alji i muži babe onak z putič. Tak se reklje i gda si nekuga same malje vudril, da se nie trieba buniti jer si ga same malje očiehnul ilji osmieknul. 

Grde je bilje če se nekuga odrapilje za vuhe, odalamilje kud se stglje ilji pak lupilje. Nie dobre prešel ni onie teruga su  meknulji, ožgalji ilji pak tresnulji. Fljisnulje se pak po ljica ilji za vuhe, a k tomu se još reklje i da te je nešče pljusnul. Takaj se dobil i šlopec po ljica ilji se pak prišlopil z petokraku (ruka z pet prsti). Još se znalje reči da si ga respaljil po obrazu, vrezal kud si stgel, puknul onak ovrš, štosnul z šaku pod rebra i opičili mu jednu za hasen. Tuj se još reklje da te bum zviznul ilji žvajznul, kak se šika ilji jednu hvrezal kak spada.

I tak se te rieči pomalje vljiečeju na stran i na „vučenje pameti“, onie teri ne posluhneju z mirem. Nu i te rieči ne moraju navike značiti da buš dobil batin ilji bil bijen. Če ti niesi si h glave bilji doma, reklje se je da si „vudren z mokru krpu“. Za one pak teri su bilji fejst pometni i znalji naprimer dobre račinati, reklje se da je matematički navudren.

Če se nešče štel pofaljiti da je je nekaj brze napravil, reklje se da došel kaj da ga vudrila striela. Ak se pak nešče radi nečega špotal tak kaj mu je bilje grde i teške i od grdobe je h glave počrljenel, reklje se da mu je krf vudrila h glavu. H ove vruče cajte bilje bi ljipe da vudri dešč kaj bi se malje zemljica natopila. A vudri i glas na sa zvona gda nešče za nekuga nekaj grduga ilji ljipuga poveda. Nekterem se kaj česa ljipe dogaja i gda god vudriju h smieh.

I hu ove ljietne vruče dane, tak si ja ljistam po naša domačja riečja, tere se več tak guste ne rabiju. Ž njimi hruka i h srcu vudrim brigu na veselje i tak mi ljiepi cajteki cinfraju življenje. I nadam se da mi radi toga ne nešče za pleči jednu zasmoljil, ruknul ilji sunul.


Zvir:
http://www.zagorje.com/kolumne/pregled/za-dusu-za-spomenek-kehnuti-bubnuti-vudriti

* * * * * * * * * * * * * * * * * * * * * * * *

Dok žena me špota i kune i sama se v blate zasune


arete - vinska kaplja, 02:29

arete - vinska kaplja

[Ljudevit Kaj]

Podravina ma mila (g)astronomska (3)

* * * * * * * * * * * * * * * *

Coolinarka, 16.04.2012.

A kaj da danas kuham? (53)

Podravino moja mila gastronomska (3)

Koprivničanci već letima moru uživati u specijalitetima od rečne ribe na fišijadi v centru grada, a iskreno mi je žal kaj v našim trgovinama nemamo mogućnosti nabaviti dobru dravsku ribu, iz Šoderice ili Jegeniša.

Piše Ivan Ferenčak – ivan944


O gastronomiji v Podravini se fakat more pisati danima, no ovaj put bi štel spomenuti neke papice koje sam rado jel a i danas su mi jako dobre. Recimo ak bilokakvu dravsku ribu zvaljate v onoj "tročanskoj" smesi od kuruznog i belog brašna i dobro začinite s z paprikom, solju i vegetom, o kojoj sam pisal prošli tjedan, morete ponuditi i najvećim gurmanima. (Torčec je selo kraj Drave z poznatim ribičima). Pa šaran na rašljama, fišpaprikaši, panirani smuđ ili frigani patuljani su delicije za prste oblizati. Uostalom Koprivničanci već letima moru uživati u specijalitetima od rečne ribe na fišijadi v centru grada, a iskreno mi je žal kaj v našim trgovinama nemamo mogućnosti nabaviti dobru dravsku ribu, iz Šoderice ili Jegeniša. Rado bi pojel tak nekaj friškoga. Tu i tam sin naše prijateljice vlovi puno sitne dravske ribe pa nas se navek seti. Z njom ima puno posla ali za gušt se treba malo i pomučiti. Zadnjih par let dosta često imam priliku jesti divljač iz naših šuma. Vele lovci da su se posebno namnožile divlje svinje pa ak imate poznatoga lovca morete se češće pogostiti s finim paprikašom. Ja imam šogora koji je fala bogu široke ruke pa nas se češće seti. No dok se spomene divljač meni mam padnu na pamet đurđevečki "Peski". Svojedobno sam tam često održaval seminare, a kak je tam i fazanerija, imali smo prilike omastiti brk s pernatom divljači. Juha od fazana je bila već gurmanski doživljaj za sebe, pogotovo ak bi kuhale ženice koje su bile tam kakti pomoćna radna snaga. Molili smo Boga da je kuhar na godišnjem pa da se one primiju kuhače. Juhe, kuhano meso i sosovi, pohanci i štrukli su bili v rangu restorana z pet zvezdici. Svojedobno sam napisal da sam z testom kao klinac bil na "vi" ali danas se tih domaćih papica rado zmislim pa i pojedem. Krpice zeljem, dobro zapaprene su odličan prilog dinstanoj govedini a topli štrukli z friškim zeljem su definitivno klopa za poželeti. Pred puno let, dok sam tek počel delati v Podravki, naručil bi kod mame te štrukle za gablec, a kak stanujem prek puta Podravke, skoknul bi doma i donesel protvan štrukli koji su planuli v sekundi. Mojem pajdašu Česki su pak bili jako dobri štrukli z hajdinskom kašom i koščićnim uljem, tzv kašnjaki, koji su se jeli na Badnjak i druge posne dane. To vam je nekaj strašno kalorično i nemre se baš preveć puno pojesti. Kad sam već pri koščićnom ulju setim se da su se domaći ščipanci/trganci delali za fruštuk ili večeru na tom ulju, al moram priznati da si to baš više ne poželim jesti. Preteško je. Malo bum ogovaral rođenu sestru. Došla je neki dan iz Zagreba i napravila je punu zdelu ščipanc z crnim uljem i sve to pojela. Nikak mi ni jasno da tak sitna žena more tolko pojesti takvog testa.  Ono kaj me pak sve više oduševljava su domaći peluni (v Goli) ili anguši (pri Husovoj mami!). Po restoranima bi to zvali lepinje, negde uštipci, no kak god da ih zovu i delaju, nisu ni blizu kvalitete onome kak ih delaju naše podravske ženice. Ste imali to već prilike negde probati?

Pondelek

Hladno predjelo: Bogata zdena šalata od svačega pomalo
Glavno jelo: Krpice zeljem; moraju biti malo jače zabiberene i z malo nekakvoga mesa
Desert: Morti imate kolača od jučer?

Tork

Juha/Glavno jelo: Čušpajz od krastavci; najte štedeti na vrhnju a nekaj mesnato dodajte ak baš nemrete bez toga.
Desert: Kaj vam more tu pasati osim soka?

Sreda

Juha/Glavno jelo: Za danas sam predvidel samo šalatu od povrtnice i dva jajca na oko ili kajganu po glavi ukućana.
Desert: Šnenokli ali dobro ohlađeni

Četrtek

Juha/Glavno jelo: Nekakvi  mesni ragu; ja bum imal kiselu juhu od pilećeg sitniša
Desert: Sladoled ili nekakvo voće

Petek

Morti se ne slaže z gornjim tekstom, jer sam rečnu ribu predlagal prošli tjedan al si napravite malo morskog ugođaja.
Predjelo: Rižoto od plodova mora
Glavno jelo: Lignje (kakve vam je najlakše pripreniti); kuhano povrće z maslinovim uljem
Desert: Danas smete/morate malo vina

Subota

Juha/Glavno jelo: Ako nejdete nikam napravite na brzinu špagete ala milanez ili nekaj slično
Desert: Tu sigurno paše jedno pivce

Nedela

Dobil sam nekaj divljači pa bum ovak napravil
Juha: Ragu juha od slabeših delova veprovine
Glavno jelo: Veprovina u pikantnom saftu i kuruzni žganci ili domaći rezenci
Desert: Pri nama bu kolač kojega bu odabrala moja gospođa, čaša vina


http://www.coolinarika.com/clanak/a-kaj-da-danas-kuham-53/   

* * * * * * * * * * * * * * * * * * * * * * * * * * * * * * * * * * * * * * * *

Pismo-hrana: «A kaj da danas kuham? »
http://www.coolinarika.com/klub/ivan944/clanci/

* * * * * * * * * * * * * * * * * * * * * * * * * * * * * * * * * * * * * * * *

Podravina ravna - ZFA dr. Ivana Ivančana, 02:24

Podravina ravna - ZFA dr. Ivana Ivančana

[Ljudevit Kaj]

Međimurske novine, br. 885, 24.08.2012.

Premišlavanje Jožeka radnika 

Pre nami so novi izbori

Pred nami so novi izbori, zbira se novi načelnik naše međimorske policije. No, ali to ne zbiramo mi, to zbirajo policaji med sobom. Kuliko vidimo, osem dečkov se kandideralo za to mesto. Med njimi so i oni šteri so to več bili i očejo znova toga posla delati, a jega i onih šterima bi to bilo prvipot. Ali jempot vsakomo mora biti prvipot, tak kak je bilo i sosedi Bariki, ali je ona mam postala mama.

Piše: Jožek radnik


Nebremo se požaliti gda naša Vlada ne misli na nas i dok so joj ministri na urlabo. Of tjeden so nam pak zdigli cene benzina. Jempot zdignejo zato kaj cene nafte ido gori, a drugipot zdignejo zato kaj ministro Liničo falijo penezi vu državnoj kasi. I tak bodo dugo zdiguvali cene dok god mi, šteri se vozimo, bodemo gombali, jamrali i magadili. Tak so negda i stari Rimljani delali, tak gda je to nej nikaj novoga. Nekaj si gruntam kak bodemo dugo mi, itak,  zmagadili?

Kuliko smo vidli i mi Međimorci smo zadovoljni z našaj športašaj šteri so bili na Olimpijadi vu Londono jerbo so dimo donesli šest želenciji, a to je nejveč do ve. Ak vu pamet zememo gda smo još parpot bili čistam polek želenciji i gda so nešterni (jedrenje, rokometašice, Fićo, ping pong) nej meli srečo bili bi čistam kredneše prešli.Kak smo mi mala država i kak je nas Hrvatov malo moremo reči gda je vse bilo na svoji mesti. Probajte si, napriliko, zamisliti gda ga nas kak Kinezov, pak mi bi na Olimpijadi osvojili vse medalje.

Pred nami so novi izbori, zbira se novi načelnik naše međimorske policije. No, ali to ne zbiramo mi, to zbirajo policaji med sobom. Kuliko vidimo, osem dečkov se kandideralo za to mesto. Med njimi so i oni šteri so to več bili i očejo znova toga posla delati, a jega i onih šterima bi to bilo prvipot. Ali jempot vsakomo mora biti prvipot, tak kak je bilo i sosedi Bariki, ali je ona mam postala mama. No, pustimo na stran sosedo i vrnimo se k dečkima. Vsi so oni fest dečki i verjem gda bi vsaki od jiv znal toga posla delati. Nej znati kak bode minister Ostojić med njimi zebral nejbolšega? Je li bode zbiral po lepoti, po stručnosti, po stažo, po zaslugaj ili nekak drugač, to bodemo vidli dok jegova odluka dojde na svetlo dneva. Jako je lepo znati i videti gda imamo tak čuda mladih, lepih i sposobnih dečkov med našaj policajaj tak gda nam ne morajo poslati nekoga z Hrvaške. Kak zgledi minister nebre nikak fulati na koga god bode z prstom pokazal, a on brzčas zna kak bode zbiral. Brzčas ne bode zbiral onak kak je rekla soseda Franca: Eci peci pec, ti si mali zec, a ja mala veverica, eci peci pec…

Nejsam uspel nigdi čuti, a niti pak prečitati je li je i naš župan, Ivek Perhočov, preglasil elementarno nepogodo vu našoj županiji zbogradi suše ili pak ne vupa jerbo mi imamo složene cevi za navodnjavanje, a nišči ne zna ili neče pipo otprti?

Naši strujači cvilijo gda ga ne dostik vode vu jezerima za strujo delati. I kaj jim ve nek čovek veli? Lani i predlani je vse lejpo genulo kaj bodemo delali strujo na sunce, a ovo leto je vse to nekak postalo. Kuliko vidimo letos ga preveč sunca, a premalo vode, tak gda verjem gda bodo znova genule te elektrane na sunce, pak bodemo meli i jane i druge. Za vsaki slučaj. Navek nas nevola mora na nekaj natirati. A tak smo lepo počeli, ali je to nekomo nej bilo praf.

Naš glavni vodovodač, gospon Jožek (moj imejak) Zorčec nam je lejpo rekel gda moremo piti vodo do mile volje jerbo je imamo dosti kaj nas, vse skupa, jako veseli. No, neje on z tem mislil gda bi i oni šteri pijejo gemište morali prejti na vodo, nej jerbo bi unda mortik mogla i sfaliti. Nekaj me drugo gvinta, kak ovi vu Križovco shajajo z svojim selskim vodovodom? Je li i oni imajo dosti vode ili pak so z sem prešli na našo međimorsko?

Vu ove vroče letne dneve malo, malo pak se negdi vužge grmje, šikarje ili pak šumica blizo naše morja. Dok dojde do takše nevole unda dojdejo vum vse one stvari štere nešči ne napravi kaj do ogja ne bi došlo. Tak smo čuli i to gda naše Hrvaške šume ne čistijo redovito vse ono čemo je ne mesto vu šumi, pak unda ogej to vse počisti. Ali vsi znamo gda je ogenj dober sluga, a jako hudi (bole nikši) gospodar pak unda zgori i vse ono kaj ne bi trebalo. Kak i navek, vu vsemo temo je čuda istine i morali bi naši šumari vejčpot čistiti, ali to brez ogja, pak bi unda naši ogjogasci meli čuda meje posla. Isto tak bi i mi ljudi morali bole paziti, a nej kaj se po nejvekšaj vručinaj zravnamo smetje kurit jerbo gda nam ogej pobegne unda je prekesno pamet deti vu pogon!

Dok so naši cariniki i policaji zaplenili drogo, očem reči, marihuano na pamet mi je palo gda sam negdi prečital kak je došlo do toga kaj so zabranili sejati konopljo. Najme kaj, to so još negda shodili oni šteri so sadili lana, pak so tak eliminerali konkurencijo. I negda je tak bilo, što je bil fletneši i jakši jegova je bila puca.

Zazvedil sam gda so se našli labodoritaši Čakovca. Bili so na pripremaj vu Potrnavi pak so se nasukali vu čono. Kak je vu pitanjo suša, očem reči, elementerna nepogoda, voditeli Tretje lige so jim dali priliko kaj dojdejo k sebi i kaj hapijo igrati. Toplo se nadjam gda ne bodo zakesnili i na zadji cug?


http://www.mnovine.biz/novo/index.php?option=com_content&view=article&id=14255:pre-nami-so-novi-izbori&catid=301:joek-radnik&Itemid=575

* * * * * * * * * * * * * * * * * *

Zemi mene, zemi mene ...

Leiner & Hrnjak - Fticek veli (Zagreb, 06.12.2010.) , 03:07

Leiner & Hrnjak - Fticek veli (Zagreb, 06.12.2010.)

[Ljudevit Kaj]

Varaždinke vesti

Piše Barica Pahič

KAJ je naše pitanje i naš odgovor 

Zakon praznoga žepa jači je od zadanih rieči i obečanja 
 
Jedna je moja rođakinja za Špancirfest svoji čeri obečala zešiti i baroknu kiklju da se vu nje sprešeče čez grad, ali kak je nastala kriza i f šrajtoflinu suša, od kiklje niš, pa ju vezda teši: Bu drugoga leta. Pa kaj? Ionak te rietko kie poznati v one gužve  bu videl.


Kraj je kolovoza ili velikomešnjaka, bliži se kalendarska jesen, a zgledi da se nazaj povrnulo ljeto. Znovič su pritisnule vručine i suša. Žaliju se zemljoradniki, strahuje se za vodne akumulacije z šterih nam dohaja se skuplješa struja, a i rožice po balkoni treba  se več zalievati. Če još dugo ne dežđa, ne dobro, a naše Varaždince čujem da misle po prilike ovak: Je, treba dežđa, ali naj ipak takvo vrieme potrpi još same dok ne prejde Špancirfest, pa onda naj bu kak bu.

Jer, Špancirfest je prava viest. Na TV-u  ga naveščuju. A nie da se Špancirfestu veseliju same Varaždinci. Veseliju mu se i oni z bližih i daljih mest  pa se v zadnje vrieme i priek telefona pozdravljamo s: Vidimo se na Špancirfestu! Jedna je moja rođakinja svoji čeri obečala zešiti i baroknu kiklju da se vu nje sprešeče čez grad, ali kak je nastala kriza i f šrajtoflinu suša, od kiklje niš, pa ju vezda teši: Bu drugoga leta. Pa kaj? Ionak te rietko kie poznati v one gužve  bu videl. Si budu gledali žonglere, performanse, motali se buju okoli štandov z kojkavom robom i kupovali ono za kaj se bu našlo bar nekaj drobnega, mladi buju išli na koncerte, sponorevali ciele večeri i spelavali kojkakve mahalojke, starejši budu zavzeli se stolce v sredini grada gde se more sesti i spiti piva ili kaj  pojesti ak su došli z daljega, gužva bude seposod, na se imelo kam parkerati i tak…

Pucka cmolji i optužuje mater da ne drži rieč, ali si ni jena ni druga nemre niš pomoči jer je zakon praznoga žepa jači od sieh zadanih rieči i obečanja. Ali v se te gužve i gungule sigurno se, oni šteri ju poznaju, budu zestali z jenu Varaždinku, doktoricu (za študente, a nie za pacjente), štera bu sikak  z Zagreba došla v svoj rodni grad. To je dr. Miroslava Tušek, počasna članica Varaždinskoga književnog društva. Puno je pisala o našemu varaždinskomu pesniku i putopiscu Zvonku Milkoviću i Augustu Šenoi, ali je aktivna i kak književnica jer piše popevke (i na kajkavskemu) i pripovetke ( za jenu je dobila “Večernjakovu nagradu”), a  čujem da bu vjesen  vu Varaždinu predstavila i svoju novu knjigu proze (roman i pripovetke). Ak se ne bute v špancirske gungule mogli z njom pospominati, bude časa na predstavlanju.

A ve si prečtejte njejnu popefku na temu z varaždinske preteklosti, o poznatemu dogotku šteri je odredil sudbinu našega grada.


Varaždinski pekel

Dobro je poznato: Varaždin bi bil
glavni grad da neje
od velikog ognja poharan.
V osamnajstom stoletju da se to zgodilo,
kajenje je zabranjeno bilo.
Jeden deča z Nedelanca
v štagel se skirl
da bi si male zakadil.
Od iskre se seno vužgali i
zgorel je skorom celi grad.
Tri dneva i tri noči
je gorel Varaždin
i bil kak sam pekel vroči.
Onie deča je dobil
dvadesetčetri po goli riti,
ali kaj je to  naspram onakšni
nesreči vekoviti.


A  z toga se vidi da i oni šteri odidu z Varaždina, naviek ga v svoji misli, sercu i duši zaderžiju. A mi šteri v njemu živimo, znamo  i zakej. Oni pak šteri sako leto v njega dojdu bar na Špancirfest, to nam potvrđuju.

Zvir:
http://varazdinske-vijesti.hr/kaj-je-nase-pitanje-i-nas-odgovor/zakon-praznoga-zepa-jaci-je-od-zadanih-rieci-i-obecanja.html
i(l) str. 27. sim
http://varazdinske-vijesti.hr/pdf/3530.pdf 

AUGUST ŠENOA, Miroslava Tušek (priredila) , nepoznati rani radovi na češkome i njemačkom jeziku
http://www.ekupi.hr/AUGUST-SENOA-Miroslava-Tusek-(priredila)-nepoznati-rani-radovi-na-ceskome-i-njemackom-jeziku-197291.aspx

‘Vrak Mrak i Seljo Beljo’…iliti predstava s tri imena mesto jenoga prenašla je sve mesto v HNK Varaždin.

‘Vrak Mrak i Seljo Beljo’ v podnaslovu ima još dva imena – ‘Velki požar vu Varažlinu ‘ iliti ‘Zdiganje cirkve Svetega Florijana ‘, a tera su zapraf i najsažeteši moguči sadržaj ove predstave.
http://razvoj1.trnac.net/2012/03/20/velki-ogen-vu-varazlinu/

Zadruga - Ja živim vu malome selu - Špancirfest 2012 10/15, 04:28

Zadruga - Ja živim vu malome selu - Špancirfest 2012 10/15

[Ljudevit Kaj]

Zagorski list
e-vundano 31.08.2012.

Dnevnik tate Bena

Pandont

Pretpostavljam da vam naziv ove kolumne nije jasan. Bum vam pojasnil. Ko i saki put do sad. Sigurno ste se nekad znali podrignuti. Ili prdnuti. Verovali ili ne to zna i moja Gracia. Vučimo mi nju, ali zabadaf, da nije pristojno se podrignuti za stolom. To se maloj deci nemre zameriti. Podrigneju se tu i tam. Znaju i prdnuti. Ali naša Gracia je pristojno djete. Ak se več podrigne za stolom ljepo i kulturno veli „pandont“. To bi vam u prijevodu bilo pardon.
 
Piše:Tomislav Benčić


Evo nakon sunca došla je i kiša. Več se more lakše dihati. Morti bu i dobro došlo za poljoprivredu. Bar za ono kaj suža do sad nije hništila. Ja baš i nisam neki poljoprivrednik pa je normalno da mi neke stvari h poljoprivredi nisu jasne.

Tam neke pradavne kulture su svoje njive navodnjavali. Tak su još Sumerani koristili Eufrat i Tigris za navodnjavanje, isto ko i kasnije Egipčani rijeku Nil. Iz koje je iskočio krokodil i uzeo maloga Juju i poslije ga zamjenil za pečenog vola. Morti kad bi se kod nas koristilo navodnjavanje ne bi bilo tolko štete od suše.

Ali kak sam več malo prije napisal nisam poljoprivrednik i h poljoprivredu se ne razmem baš preveč. Ta suša bu veliju poskupela cijene hrane. Puno put sam mogel videti i pročitati kak mi jako puno hrane uvozimo. I pak mi nije jasno. Zakaj bu onda hrana, teru največim djelom uvozimo poskupela zbog suše pri nama?

Iako h zadnje vrijeme na posel največ idem z autom, tu i tam se ipak prepeljam s cugom. Nisam niti željezničar, pa ne razmem puno toga o željeznici. Recimo nije mi jasno, ak več postoji klima h vagonu zakaj se ne vužge? I dan danas mi nije jasno zakaj ja h utorak hvečer nemrem kupiti povratnu kartu s terom bi se h srijedu hjutro vrnul doma? Kak se h petak more kupiti povratna karta s terom se h subotu morem vrnuti, a h utorak ne?

Pretpostavljam da vam naziv ove kolumne nije jasan. Bum vam pojasnil. Ko i saki put do sad. Sigurno ste se nekad znali podrignuti. Ili prdnuti. Verovali ili ne to zna i moja Gracia. Vučimo mi nju, ali zabadaf, da nije pristojno se podrignuti za stolom. To se maloj deci nemre zameriti. Podrigneju se tu i tam. Znaju i prdnuti. Ali naša Gracia je pristojno djete. Ak se več podrigne za stolom ljepo i kulturno veli „pandont“. To bi vam u prijevodu bilo pardon.

Inače Gracia je prilično napredovala. Naročito dobro je razvila osječaj za glad. Teri je pri njoj selektivan. Osim obične klasične gladi, kad je jednostavno gladna, razvila je osječaj za glad na nekaj točno određeno. Pa tak se zna pojaviti glad na bombone, kekse ili neko voče.

Zajedno s osječajem gladi pojavil se i osječaj za žeju. Normalno, da je riječ o točno određenoj žeji na nekaj točno određeno. Recimo pojavi se žeja na vodu ili neki sok. I se te vrste gladi i žeje se pojavljuju u točno određeno vrijeme. Prije spavanja.


http://www.zagorje.com/kolumne/pregled/dnevnik-tate-bena-pandont

FELIX Srečka Puntariča, 19.08.2012.
Nike bez navodnjavajna ....
http://www.vecernji.hr/felix-1345327200

Z curik-kartum ili bežne
FARINGAŠI - VERNI SE NAZAJ.mp4, 02:57

FARINGAŠI - VERNI SE NAZAJ.mp4

[Ljudevit Kaj]

Zagorski list
e-vundano 04.09.2012.

Iz bakine pučke bilježnice

Saki je potek pri zviraju čist

Čovek ti je kak potek. Gda se rodi, gda krene vu život z svojega zviraja, kak dijiete je pošten, ne zna lagati, ljudem na štetu delati,grde govoriti, preklinjati i bit – nečovek.
A da čovek počnje pernjateti, onda se i zmeni i ne da same drugač zgledi, več i drugač govori.
Gda i vojsku čovek (muškarac) zbavi, ženidba jer pred njim. I ve njegva voda skreče z materinog i očevog korita vu vuode gde žejnske skore uvek kormaniju. Mladi čovek treba paziti da se odma ne ftopi ake najde prevrtljivu kormilarku. Če je baba za kormanom kak treba, njihova lađa pe po čiste vode kak sunjčece na nebu.

 Piše:Zoran Gregurek


Saki je potek pri zviraju čist, a gda voda prejde po koritu, barem se male zmaže, več na prvomu metru. A gda voda teče na kilometre, muora se zgaditi. Jer se vu nju sakojkoj hiti kaj nije za vu nje biti, vu vuodu i gnojnica prejde, a i sama voda se zadene vu granu, zemlju, potopi miša, čelu, muhu, pak i samoga čoveka če siromak nema sreče, govorila bi naša hraščinska baka Ivka, narodna „mudroslovka“.

A o čemu je baka zapravo htjela progovoriti?

„ Čovek ti je kak potek. Gda se rodi, gda krene vu život z svojega zviraja, kak dijiete je pošten, ne zna lagati, ljudem na štetu delati,grde govoriti, preklinjati i bit – nečovek. A več gda krene vu škuolu, najde se vu društvu i degda negda se muora snajti z lažmi, grdim govorom i bitku, same da se bi pred drugiem dokazal. Makar i on takof nije vu duše. A da čovek počnje pernjateti, onda se i zmeni i ne da same drugač zgledi, več i drugač govori. Gda zbavi zanat ili škuolu, ide vu soldačiju, bar je tak negdar bile, i onda se z njega više magarec nek čovek dijiela jer pune put ne sme misliti z svoju glavu i natira ga se vu posel šteri nije najbolši. Gda i vojsku čovek (muškarac) zbavi, ženidba jer pred njim. I ve njegva voda skreče z materinog i očevog korita vu vuode gde žejnske skore uvek kormaniju. Mladi čovek treba paziti da se odma ne ftopi ake najde prevrtljivu kormilarku. Če je baba za kormanom kak treba, njihova lađa pe po čiste vode kak sunjčece na nebu „, zborila bi baka u prenesenom značenju. Što još može zaprljati naše „vode“ ?

„ Znaš, negdar ti nešči same z zavisti more pljunuti vu čistu vodu, tek da te izazove. Ali ti se nesmeš na tuo obazirati, nek ga se mani i peljaj dalje. Mnuogi ti budu kalili vodu i delali velike vale, same ti muoraš gledeti napre i biti spameten i muder. On šteri ti želi zlo i šteremu je pokvarena duša, nemre te potopiti, same ti luknju vu lađe napraviti. A ti tuo,če si čovek na mestu,moreš zateknuti i z malim prstekom“, smijala bi se baka, uvije puna mudrosti koje je nesebično dijelila sa drugima.


Zvir:
http://www.zagorje.com/kolumne/pregled/iz-bakine-pucke-biljeznice-saki-je-potek-pri-zviraju-cist

* * * * * * * * * * * * * * * * * * * * * * * *

Mura Mura, 03:22
Nastup Ženskoga vokalnoga zbora Trešnevka teri je sastavni del glazbenoga ansambla Trešnevka na natecajnu zborov v Zagrebu 17.04.2010. ze skladbum «Mura Mura»

Mura Mura