Škibre stuhpa šoj šija
Došli novinari pitat za rezultate na kraju kola. Veli Delegat Poverenika Lige, dečki, update na rezultate vam je tjeden dan. Kak? Kaj? Kakof update!? Pak,.. kaj nisu se utakmice odigrane? Jesu ali nektere nisu baš 100 %, to je još kak ladetina, domači kruv z domačem kvasom, mošt i vugorki z vrjnem - još dela. Čeka se da odela. Pitajte Foto Užas, on vam to bu bole povedal i rastonačil. Jebomeje, Uputa o pravem leku i prekluzivni rok, najte emajla zapirati, most vam bu trebal. Ostali su mi v retrovizoru z debelemi upitniki ober glave.
To se, ludi moji, više nezna do koga i da *! Jel švecki akcioni, turski akcioni, japanski akcioni, američki akcioni ili nemački akcioni. Tu se više ni Tereza Orlowsky nebi snašla a ni nezina sestra po oružju Suckiwaya Dickowitz. Gorje je jedino v Trejte MNL, jel oni više ne * samo utakmice nek i cela domačinstva. Mesto da je prva dva kola v Ščitajevu a druga dva v Kolibriču oni su prva dva odigrali v Kolibriču a druga dva v Ščitarjevu. A ti se, Vlado, * kak buš to se našel. A, Ščitarjevo raskopano kak da po celem selu iščeju Andautoniju. vevo više ni legendarni Maminjo nemre pratiti tok događajev... I ženi, i baleraj, i Liga, i negdo na servisu zabil z getribe zvaditi veliki šarafcegar, pajser i križni kluč, i "ženidba-udaja". vocap, vajber, fejs, tviter, dinstašgrah,.. Ajt da je jena više - jena mejne, nek se i raspored pomrdal. Prva ni prva nek je bok-te-pitaj-tera. Tuta razbelil mator, getribu, augspuv i brenze da bi stigel na prvu tera ni bila prva nek druga. Veliju Švabi, Maminjo, dužen si gajbu jel širiš lažne vesti, obavesti i informacije. Ne moraš mam, moreš za deset minut. Maminjo navalil na telefon, šlajdra gore - šlajdra dole, bome piše. Veli, moram nabaviti sekretaricu da čita se te metamorfoze, ja to se više nemrem stiči. Mesto da imamo utakmicu mejne pak imamo jednak utakmic jel se odigrala jena z "Povratka v budučnost" tak da bu jena mejne na Strezujevu. Ak se komu pak ne zdigne * da ide * po rasporedu. Ja mislim da se Dubrancu ni ne igralo jel bu se odigrano prije, Bumo si donesli sendviče i pogledali Preglašejne pobednikov. Ak jem se ne splatilo otpirati šank samo radi toga, komplatna košta i strošek "zdoma". Most bu i Preglašejne kolo-dva prije...
Veli Draš, onda, s kem igramo? veliju z Opatijum orginal. Onda zakaj se zagrijavaju Futači a Tigričev ni ni kaj bi lopatu gnoja ze štale hitili? A, neznam, bilo je pred pol vure na fejsu, tviteru, dinstašgrahu, vibratoru i vocapu... Tijač me svem, bemwejom obrijal `Kušancu kak bula *, da bi stigel pokupiti mlade nade Roženice i okolice. I doleteti za dobe f Sivu čaplu. Vidi se da mali imaju volu ali i teške noge, dok si nabnrojil do 6 5 faulov. Doogaree more zabiti na penziju dok je takov propuv v ekipe. Špajo se bavi z nadzorom, Marko se bavi z skuplajnem ambalaže, 50 lipa po 50 lipa - kuna, Bole se bavil z još neviđenem poslom i brušenjem veštine; veli, mali od kotla i asistent blagajnice. Tak ti sekira v med nemre opasti ni v državne firme. Došel Anđo pitat za zdravje, čul, otišel. Jedino mali Crni nameče kak da je zabadof.
Eno ga, ide! Sat bu platil. Mamič! Zakaj si rekel da mi igramo prvu!? A,... piše v rasporedu... Onda zakaj mi tu čubimo a drugi igraju? A... Tak piše v rasporedu... Sat da si mam donesel gajbu da opereš greje. Tuta ide z posla, vubil se da stigne za dobe, Mac je baš najbole zaspal da smo ga zbudili da smo mu spred iže vudrili z cepanicum po bačve, Joža je tu poprečke z Čakanca čez kuruzu flapil da bu prije. Najprije ga je "čoban" par put stepel, dej mu pogleč lasi, a onda da je zašel z kuruze van zamalo su ga lofci strelili jel su mislili da su se svijne obordale na kuruzu. I Baja se žuril... Jes PM... I Baja se žuril da te vidi kak vodiš utakmicu... Baja, jesi premenil haubu? Jes... Onda, kakovu sat imaš? Črnu... Viš, drugi ludi mejnaju avute a Baja samo haube. Am ovi kaj se voze iza mene ionak niš nevide samo haubu, kakov je avuto... A kakovu si imal prije? Črlenu, črlenu, belu, plavu, žutu, žutu, žutu, zelenu, črnu, žutu, belu,.. črlenu, neznam dale. Špur me *. Trebal bi iza zašvasati nekakvo jako železdo, brek me *. Ili me od* na štagel ili na stup ili na čošek štale... Mamič, ajd po gajbu! Števiča Žaju je najbole * kak se fauli okrečeju. Da se okrečeju Futačom onda se okrečeju z popustom a da se nem okrečeju kak da su na akcije. Drugi Đajič je viđen v svem drugem selu kaj počima na "Marku" a završava na "ševec". Veli, ovi mi nekak bole pašeju; em smo generacija em smo široke svetonazorov, da opče ne spominam da se bavimo z istum felum pijače. I, da, i Bara se tam vudala. Jedino me malo * kaj si na glave nabijaju črna očala... Bi i ja ali nemrem najti broja. A i * vidim da se našvasam. Još je bum i zgubil a te sem dvajs` kune mogel bole potrošiti. Do je *!
Iako su mali po stažu i rastu vidi se da v Tigriče ima neki *, i da su potencijal za nekakve slobodne aktivnosti. Npr. gajbanje. Plasiknuli oni gajbu zmed dve utakmice kak niš. Kak bi to povedali "Smogovci", "oni su mali da bi bili veliki ali su veliki da bi bili mali". Most bi bilo bole da je Rupa došel navijat ali on se, navodno, bavi z drugemi aktivnosti. Dela na tem da napravi harem. Sat je v faze planeranja. Šilkovci niš nisu prepustili slučaju, da nebi bilo da su prebudili "ubojicu favoritov" v mirne dece. Brojna svita z fare sv. Petra i Pavla pohodila je of fale vreden i popularen događaj, kak lokalnoga tak i širšega i opčega značaja. A samo mu je 19 let. Lopta je baš ni išla ali da pol tuceta namečeš fletno zabiš na onu akumulaciju promašajev kaj su odseli v bližeše ili dalše okolice gola.
V Gruntovcu pak kadrovski problemi. Šef, v.d. šefa, je valda otišel žene za volu na morje a ekipa se raspasla i zapasla. Široka navijačka baza ni preveč stvarala problemov ekipe, sat, ili je razlog kaj je boli * ili je ekipa delala kak švicarska vurica. Leptiriči su imali leka za tu "vuricu" i zove se "AK 47" v vidu maloga Crnoga. Tuci, *, hitaj v blato, gazi, on i dale dela kak novi, i zabija. Galovič, popravi retrovizore, GSX-R-1300 je v brišučem letu.
Dej, BVJ, kaj se rušate kak stogi kuružinja ili cima od krumpera. Dej idemo igrat nogomet. Kaj je ovo? Kaj gotovo!? Kak gotovo!? Am, još nismo ni počeli igrati! Dej me naj *. Pak, kakova je ovo utakmica!? Mad Maxxx z Strezujeva je bil neumoliv i neutešiv, z depre ga ni mogla zdiči ni ženina ruka, ni topla reč prijatelov, ni pod* navijačov, ni mrzla piva... Pomoč je došla od Il Technica Tesarov, maloprijašnega mrskoga neprijatela, v vidu ruke pomirnice. Rekel sem svojem, dobri ste, držite se i prvi bute. Na ove reči Mad Maxxx se skočil kak da bi ga negdo polejal z mrzlum pivum. Jeste čuli kaj je čovek rekel, BTJ? Da bumo prvi, BTJ!. Prvi bumo, BTJ! Tesari su sejeno jena ozbilna ekipa kaj igra nogomet v dve lige i kaj zna zvleči najbole kaj se more z utakmice. Bar se zajne nemre povedati da jem iskustva fali. Utakmica zmed Tesarov i Robijašev rezulterala je z jednum iskustvenum lekcijum z životne škole. Komu se dopalo, komu ne. Rezultat utakmice do dana denešnega ni poznat, čemu kumuje i vizuelno-potvrdna spoznaja izražena v brojenju gajbi. Tesari su počeli rano prije utakmice, z zagrijavanjem, odnosno podgrijavanjem. Z nastavkom Macinoga imendana. Gajba je opalla kak da bi cigana f pekel hitil. Za poštejne dost. Posle kraja utakmice baš se mrsko zagajbalo na obadve strane. Gajbe su frcale kak iskre spod fljeksa. gajba gajbu stiže. Tesari slaviju kak da su pobedili Zvezdu na Marakane a Robijaši kak da su zgubili v finalu Vimbeledona. Imali smo i jeno klasično pod* u sveze glede ceplenja lopte z inekcijum v obliku pumpe. Na sveopče veselje i radost, drobne dece i stare ljudi. A kaj čoveku puno treba da je kvalitetno nažveglan..?
Rezultat, * ga, kak si `Gladofcu prodal tak si `Ruševcu kupil. Oče` ni bitno. Kauboji su si zeli "vino za van", gospocki, plemenito, pehar, flašu vode i onda pomalo, kak se šika, od čoveka do čoveka, z guštom, mešanje za dušu. Ak ima raja, tam je sigurno tak. Glumci su sejeno jena mlajša ekipa kaj voli zaružiti, biti v centru, z kvalitetne pol vijagre v žepu. `Kravarščice to zgleda poprilike tak da se stacioneraju iza gola, pri korneru, spred muzike, mam do Tigričev kaj su se utaborili oko svoje gajbe bez broja. Da se ovi Markuševčani v najbolemi letami postrojiju vuz crtu z čašami v ruka pri pogledu na nogometnu atmosferu kaj kipi kak sirova slivovina na Jurjevskomu kresu baš se oseti ona prava domača kučna intimna atmosfera tere fali. Na nektere mesta.
Veliju Kojzačani, ni nas bilo, ni bilo ovoga ni onoga... lako je bilo ovem zabijati. Jeee, dečki, utakmica je bila zakazana, termin sem poznat, niš ni bilo tajno, se drugo su pripovesti. Šansa za popravek drugo leto, do žif, do mrtef. Domi i Messi su izvodili svoje poznate bravuroze, tu i tam su se na slika i filmu pokazali Pavel, Stari, Tonček, Cekoviči, Petraviči, mali Kiki, g. Želko pl. Huzjak i još nekakve sporedne uloge.
Najte kaj zameriti. Do se još po istine pomogel.
