Ne pada jabuka dalko ot Adama ni smokva ot Eve
Došel je i taj dan, da skužiš da je prešlo deset mesec od lajnske Lige, i da ti je osem baterije prazno a opče nisi pehal v aparaturu. Oče to, pogotovo da zajdeš v nekakva leta. Lažna plandemija je izazvala pravu krizu tera nam oče povedati da bu glada. Na Ruševcu glada ne. Mam vuz igrališče zobi kulko ti srce želi, malo je redeša ali samo kaj ni, za teri mesec. Veliju selski kibici, onda, kakve su to ekipe? Tu više neznaš do za koga igra! I je, bome je. Da su Gladovec i Cerovski rekli da jem je za of čas nogometajna dost i hitili zastavu v grmje drugi su je tak igrački kanibalizerali da to ni za veruvati. Masakr! Da se zbrojiš obadvoji i dale imaju ekipe v Lige ali to je malo višeša matematika. Bile su hičene i protukrizne bengalske bakle da nam se kakov vrak nebi pripetil.
Na otirajne "Lige se lig" i "Utakmice se utakmic" glavnokomandujuči oberštrumfbanfirer, kaj ima svoju duplericu v novina, je uspel zakesneti. Ali je, iako ni baš dobro pratil aktualnu prognozu, došel oblečen po zajdne mode, kak se ove dan baš nosiju po Beverly hillsu i `Merike opčenito. Saf trut kaj ga je uložil v ove deset mesec f ekipu obilato mu se vrnul, kak bumerang. Gole su zabili ponosni sini sve ponosne ocov, da nem teroga zabil. Tigriči su se zagrijavali od jutra tak da su dušu ostavili na terenu, prije utakmice. Jež je mam v jutro videl kam se to vodi pak ni štel tenesic niti mazati. A Mazo je valda na hodočašču, v Burkinu Faso. Mam posle izlevov lubavi i poštovanja Maminjo se otputil putem šanka de je rekel da mu prebereju najbole žuje, tu negde za gajbu, i gemišta, kaj ga oni pijeju, za litru i pol - dve. Onda se pri miru mogel nasloniti na banderu i hititi sidro v zalevu graševiskija.
Mam da je čovek osrednje sposobnosti i ograničenoga intelekta, mojega tipa, hitil pogled na igrališče videl je da tu nekaj ne štima. Pokosko je, skoro, Pokosko ali `Ojtna ni `Ojtna. Tu je Gladofca skoro i pol. Kak bu dale zgledal kiborg `Ojt-na-Gladovec bumo videli. Ali stvar dela. Veli Marijo; Konzum akcija, kaj je bilo na Ponte Rossu to smo zeli, i još nam je penes ostalo. Pokosko se zadobavilo golgetera A1 klase. De su ga do sat skrivali, v tere pevnice, nigdo ni štel povedati. Peka ni bilo na golu ali tu su stara-nova lica. Utakmica se vagala kak vos sena, čas sim, čas tam, ali je do štagla došla f komadu. Rekel je Marijo; Dečki, letos bi mogli biti i prvi. Na to se Miha nadovezal; Ne letos, drugo leto. Bebe su preslavile bot kak se i šika, odma se gajba kaparila za debeli lad iza kamp kučice.Ni Štršanom ni baš bilo krivo. Ni suvo.
Činilo se da Obadi nemaju baš kaj novo za povedati, malo je je blagostanje načelo, ali z male Mire tri vraga vire. I Robijaši su nekaj na Mercatu tržili i napunili rezerve. Utakmica puna trke i prevratov ali rezultacki neizvesna v MP3. Se dok Mateo ni pokazal jenomu Števe kaj znači poznavanje domačeg terena, de i pijan ob pol noči moreš napipati gol i raščenuti rašlje. Kaj se sela dotikavle proščejne je opravdalo svoju bit i postojanje.
Mišem ovo baš ni bil nijov dan... Ispravak netočnoga navoda, ni počelo kak nijov dan ali je itekak završilo kak nijov dan. Pak Barbaričani nesmeju igrati zajne, pak Podvorničani nesmeju igrati zajne, pak Pustičani nesmeju igrati zajne,.. Šta je ovo, BTJ!? Gledim "ove" Leve Štefanke i pitam se, koji su ovo ludi, BTJ? V trde utakmice, kakve, inače, igraju i jeni i drugi, Bojsi su uspeli narivati loptu iza Marka i dale ni išlo ni jenem ni drugem. To su bila samo dva nevažna poluvremena dok se prava oluja spremala za trejte, četrto itd. poluvreme. Miro je diplomacki zagladil, pogletal, pomalal i ukrasil napetu situvaciju z dve pive v ruke, i jenum za pasom. Isti Gary Cooper, sve je ličilo na san. Nazdravlalo se novomu sponzoru, i budučemu golmanu. Bodi su zalejani, ak se posle ovoga ne primleju seme je za *.
Ona pravila kaj vrediju za se ne vrediju za Tesare ali oni su nafčeni na mačehinski odnos pak su se pojavili v standardnem sastavu. Više-mejne. Limunplavi su se malo očarapili o Cerovski i popravili si krvnu sliku. Luka je več standardno dobival kvalitetne batine dok je probal dojti do gola a ni brat mu ni bil bole sreče. Dobro kaj Bartol ima, ovak, malo konkretniji stav i kaj mu je ostalo dinamita v nogami tak da je kraj utakmice dočkan v pozitivnem ozračju. Kaj to znači? To znači kilometer i pol "kobase natikače" na tace samo za nje.
Manekeni su se mrsko osmeknuli vuz Gladovec a to je samo ono kaj smo videli, pitajne je jesmo se videli. I ni je došlo puno, taman. I selska delikvencija. Jen komplet pripite dresov ni dost za ovu nogoloptačku aglomeraciju teru je oko sebe okupil "Bijeli". Pol je je bilo "pripito" a pol je je bilo "pariško(plavo)" a pol je je bilo "bez" (ne "bež", beige, nek baš bez, dresa). Žorža su prekrižili, ali baš prekrižili, dres z križem, Sina je ostal v civilu ali... Šan-Ku se skoro vrnul kući. Ali... Posle dugo let izbivanja, iskanja samoga sebe, vu sebe, Huđber H1 i H2 su se vrnuli, saki ze sve strane crte. Dugo prek ove tastature ni prešla reč killer ali to je to. Od slova do slova.
Veli, mi smo spremni, i narivali Češke zbrojevke v štumfe. I ja sem bil, a sad imam v tem predelu bliznu od pedna. Merkato se splatil, i Sinovi su nekaj "pazarili". Ilovača ni došla čoporativno nek rastresito, malo po malo, kak plima. Tek da su se premandurili v radno videlo se kulko toga ima. I oni su bili na Ponte Rossu, ili još bole rečeno nekterem su ukinuli radne vize v Cerovskem. V teorije si su trebali igrati, čak i mali Amade teri nisu došli, da sistem za izbacivanje zakinute čahure ni zakazal. I, * ga, nekteri jesu, drugi nisu.
Veli, am je to Šilakovina, nit za Kuče nismo više dopelali. Leptiri su došli v solidnem sastavu, ionak je nemre igrati više od pet a kaj če ti 25 izmene da se igra samo pol vure. Na Šilakovine je samo velečasni ostal doma, se drugo kaj more loptu nositi je mobilizerano za akciju "Kravarska". V prvem talu Leptiri okrečeju vodu na svoj melen i činilo se da je obrana "kjuzo" za Balerine, prije bi izbeglica došel z Bangladeša do Nemačke nek lopta v gol. Ali to je bila "Plandemija". Najprije je je Tona namočil v melu, jajca i mrvice. Onda je Joža prešel prek celoga igrališča v poluvremenu da prenese taktičke zapovedi z strateške opservacije Glavnoga stožera kaj je hitil sidro na vuzlu se veze i informacije na "Čelavcu" blizu šanka. Taktičke zapovedi su člani operativne službe pretvorili v plane i akcije. V drugem talu v igru na gol ulazi Fiček kaj je hitil Leptire v kipuču mast tri lete staru. Tona 7 i pol sekundi do kraja zove taktički taj-maut i pita; De je f PM onaj Frajno Arapovič kaj za dve sekunde more zabiti tri koše!?
Najte kaj zameriti.
Do se još od istine pomogel.
