Idu naši z trsja
Došli su koperanti hrvacke vod k Mamiču da mu budu to regulerali oko igrališča da opadne kiša. Kaj!? Si ti točen!? Ote vi lepo f MP3! De se vi pojavite tu više trava ne raste. Nigdo nigdar ni čul za Ojtnicu dok ju vi niste regulerali i uređivali a sat Ojtnica da malo kiše opadne oče most odnesti. Da oni moraju... Potpiši da si napavil i, idemo, kiflaj! Da te više nis videl tu. Da bi oni onda nekaj popili... A? Kaj!? Moreš jedino popiti šore. I to najprvo odmene a posle od druge. Tak te dugo bumo bubali dok neš odil kak nastrelani cucek. Idemo, đada! Ak se mam nisi odnesel milcija te bu špahtlini strugala z ceste i z žlicami za čaj skuplala po Trsišču. Megla! Još se ovi nisu dobro odnesli kat evo ti nekakvoga z besnem autom, svezani kravatlin, naglancano čelo, naglancane cipele. Jedva zlezel van, kak princeza, da si cipele ne zapraši. Mamiču pol dvanajst pred očmi... Gembač se opasno greje a Maminjo još i bole. Koju * * sat ti očeš, vidiš da imam pune ruke posla. Da bi ga on osigural, po jene tarife da pada kiša po druge ak je suša, da je to super ponuda. Jesem ti ja spodoben k magnetu za budale? Da, ni. Zakaj se onda des celi dan takovi lepite zame? Gledi, sad bi ti dal da mi primleš gemišt dok te ne šupim ali vidim da si tak kilav da ti se bu razlejal a onda te bum pak moral šupiti kaj si mi razlejal gemišt i tak se dok mi ne prestaneš razlevati gemišt. A vidim da te trejti put šlofim više nem imal kaj šlofati. Mamič se okrene prema šanku i pokaže; jel vidiš onoga tam, čitavoga, blont, kaj je za glavu višeši od se druge, a ima ga. To ti je Joža. Joža, odi sim! Joža ti sam, bez dizalice, mejna kotače na zetoru. Jel znaš kaj je zetor? Si to da osiguraval? Da zna, da je... To ti je fajn veliki traktor. Joža te bu tak svezal v vuzel, kravatlin ti nemo pehali, da buš sam sebe z nosom v pišek pogodil. Jel ti to jasno..? Idemo! Đada!!!
Mrakula i Mora su se karali. Mrakula je rekel da je se mam ftopi f kiše a Mora je rekla da treba imati mačehinski pristup. Da je se naprije pusti da počneju igrati a da se onda zalejeju z kišum kak z kabla. Dej, Mora, ne drišči, budu odgodili kak na Novem Brdu, još jen datum imaju v žepu. Mam šakum v glavu i gotovo. Da su se dobro pokarali onda su se pak pomirili i iskali kompromis. Ta poznata ženska diplomacija da je se po muževem a žena presretna. Muš ni ni svesten kak se žaba več zdavna i skuvala i raskuvala. Ili ona, da slušaša ženu i za tri lete se prebudiš kak prvi sused od sve punice. A se je bilo po tvem i žena se stalno slagala z tobum... Pa, kak to more biti!? Veli Mora, dobro, nek bu po tvem. Najprije je bumo prali z kišum, onda je bumo pustili, pak je bumo pak malo oprali z kišum. Kaj!? Ja tak nis rekel! Mrakula, am ja vidim te tve gliboke aluzije, niš se neboj. Kakve aluzije!? Kaj driščeš? Niš takvoga nis niti mislil niti rekel! Si pak bila `pevnice da me ni bilo doma? Si zaprela pipu da pak ne scurela bačva? Am je po tvem, Mrakula, kaj se svadiš? Naj da se ja počnem svaditi. Moooraaa, bum na tebe baltu zatupel, šuma mi nigdar ne oprostila. A, onaj Mamič? Kaj žnem? Nega bum ja rešila... Ti ga buš rešila..? Babaaa, naj mi tlaka digati, još ni obed prešel a žgaravica me *, oču zdevjati. Glediju to Marija Goretti, Bogomila, Klaudije, Vilibald i Vilko i končaju se. Zajdna vremena, vele, nima kaj drugo biti. I kak je "rekel" Mrakula, tak je i bilo. Od Kušanca do posle Kravarske je prala kiša, "brisači-na-tri", a posle niš. Mamič je več mislil spikati igrališče z roglami ali "nepregledna roza rižina polja" dišeju pod vodum kak riba. Jel bi odgoditi (i rešiti kotlovinu kak i na Novem Brdu odojka), dej gledi prognozu, dej gledi v nebo, poslušaj društvene mreže... I veli Maminjom, posle kratke konzultacije z najpametnešem , i najbolem i najlepšem , f Trsišču, samem sobum; Igramo! Do mu * mater! Zovi muziku, nek se pakeraju, mi plačamo, očemo prvoklasnu robu. Da su počeli igrati prije nek dojdeju. Do 8 kaj smo prodali, prodali smo, zutra se dela. Otpiraj šank, dej gasa na kotlu, reži taj kruv, napni mreže. Beli, de je senf i drugo mlezivo? Pri mene doma frižideru. Onda kaj budu si k tebe domom nosili kobase da jem je posenfaš, poajvazeraš i pomajozeneraš, nabijem te smotanoga na svega ratnoga zločinca. Da si prije tu nek doma. I naj zabiti senf, i drugo mlezivo. Kum Medo je pomagal Mamiču "zastrečati" stole, stolce, klade, bandere i klupi da se voda nebi tak lako prebila do tere breške riti. Da ni bilo Maminja i kuma Mede krti nebi sami otišli z ovakve idile kakve ni niti na televizije. Joj, da vi znate kulko su ti krti benzina popili i karabita pojeli... Nebi bez kuma Mede bila ovak lepa riža, kinezi bi ju z očmi jeli. Nisu zabadof Maminjo i Medo hitili tri posipače za gnoj riže na 140 fati igrališča. Došli su i Polanci pogledati kak napreduje ta agrarijakop z rižum, i prijnemi se tu i tam najde malo viška vode pak bi si i oni porižali teri fat. Bili su na otprtem dok ni opala tera kaplica kiše a onda su se kak klopi zakelili za šank i ne gibleju. Da prijemi pada kiša zapadne do oblukov. Veliju, ovo je super, celi dan more padati kiša a nigdar ni poplava. Visinska razlika zmed brega i dola je 750 metri šumske mere. Na Polane visinska razlika zmed najvišešega brega i najnižešega dola je peden i pol. Supermen je po kazne disloceran z šanka na semafor jel da on ordinera fali i pijače i penes; kak da sam sebe plača kaj je popil, dvostruki užitek. Ali stezu i pogazu de taj svojum nogum pogazi i najhujše zveri zaobilaze. Sat se raz* i semafor i suncobran. 3-či faul ze semafora je "otišel", il bi na godišni, il mu je smena završila. Ni najelitnije postrojbe krovopokrivačev nisu uspele rešiti problem šiberdaha na kišobranu. Zvali su hitne intervencije ali su jem povedali da je cela Gorica pod vodum pak nemreju of tjeden dojti. Veli, a, jel bi mogli čera? Da nek je nazoveju prekčera pak budu videli predečera jel bi bilo kaj od čera ak se dokončaju prekčera, samo da kiša ne pada. Onda nemreju. Da, vredu, nek pošeleju z poštum. Ali veruje Maminjo svemu Supermenu, v roku odma za zapisničkem stolom se rascvela gajba kak najlepša roža. Očete gemište, bum donesel gemište, kaj očete, nudi Mami. Ni problem, Liga jen dan na leto to ti je kak svadba jemput v životu. Tri-četiri utakmice su odigrane po suvem a onda je pak bilo po Mrakulinem. Osnovni problem da je po Mrakulinem je da jeni imaju dobru volu i velike oči a drugi otijdeju, ili imaju malu rit. Tu se najde raskorak z teroga štrčiju neotprte pive tere ima viška i išče se grlo više. Ne za pesmu, nek za igru. Kolo. Nepčani drmeš. Lopte su malo, kakti, dotrajale pak je je stalno bilo treba, kak nimfomanke, pripumpavati. Nigdar dost. Nis bil, tak su mi povedali.
Crvena pantera se pak vupisala med strelce. Do ga bu bavil ak ovak nastavi. Neznam jel zna da su pehari za najbolega strelca več graverani a najnemi ni negva slika. Drugi jem je golman, ne novi, nek drugi. Ide jen od stare golmanov a ovi ga fektaju da ide branit. Veli, a-a, došel sem samo gledet. Pak, stani na gol i gledi kulko te vola. Bole vidiš otut, nigdo ti ne smetal. To ti ludi inače plačaju a ti buš dobil zabadof. Zvona veli, presuvo. Zval je Poverenika Lige, celu komisiju, svedoke,.. par put se hitil na igrališče i... ni kapi vode. Veli, ovo nisu regularni uveti, uveti su katastrofalni, pogotovo za ovakov derbi, ovak važnu utakmicu, više od derbija i više od utakmice. To bi se trebalo odgoditi, bar za dve vure dok ne žmekne kiša, da se dostigneju MTU (minimalni tehnički uveti) za odigravajne. Poverenik z francuz klučem a komisija z rolcangami 2" su ga skinuli z * i naplatili mu 200 kune kazne da svedoki imaju zakaj piti. Iako ja mislim da je utakmica prodana za besplatno domačinstvo Robijašef na Čučinem oku. Ali, do mene *.
Švabi si ekspresno zabijaju autogol da se rešiju napetosti i neizvesnosti i da utakmica dobi ozbilneši karakter. Onda je Števa del zvan funkcije celu obranu, na čelu z Tutum, i neefektno poenteral. Da se igralo na Lučelnice Tesari bi več krof z doma obalili dole, vu trešče napravili i vužgali. Se to Maminjo ni videl jel su za rana počele smetnje i šum na kotlu, kaj got da naručiš dobiš "standard meni". Dečki, veli, ak je čovek naručil krmenatline kak ste mu mogli dati kobase? A, kaj on zna kaj oče... Još se nigdo ni bunil niti je kaj povrnul! Buš ti videl da si ludi malo popijeju, povadiju sekire z auta i da nekomu opadne sekira v kotel ili ti ga prevrne. Onda te ja bum pital koga budu cucki lizali. Ak je of štel par kobasof, to su ti još navek dva kobasi, zakaj si mu dal jenoga? Zato kaj je bil lepi! Zato kaj je bil lepi? I dva tajnere je dobil, prosim lepo! Dva tajnere? Je! I kaj bu žnemi, dej mi reci... More kobas prerezati po pol i deti ga na tajnere, saki v svega. I kaj bu žnemi? Kaj ja znam kaj bu žnemi, kaj mene pitaš, more delati kaj got oče. Glavno da je platil. More ga gledeti tak dugo dok ne prehodi... Na primer. Ja pijem tjeden dan i stalno sem isti, znam da vam to ni od paprike, luka i vegete... Z kakvem plinom kurite? I mi pijemo... Ni,.. od paprike. Obični, rozi, ova boja, plavi šlaf... Zakaj vam se denes ni otprl padobran, stvarno mi ni jasno... Najte si kaj napraviti. Mi? Nam? Am mi ne vozimo auto-bombe, ne mineramo štreku i ne farbamo tunele sedmem mesecu, kaj bi nam se moglo trefiti. Dej odi za svem poslom, kaj ti nemaš druge problemov? Tesari su pomalo povečavali svoju prednost a jedino je Tuta došel v šansu da realizera šansu da je veter okrenul preveč faulof. Crni je na morenu, bilo je reči da bu došel Bumpa, ali samo reči... Saki pad domačega igrača teri se ni mam stal publika je popratila z reči; kaj iščeš, kaj si zgubil, leče? Veli, a-a, kauciju za flaše. Nemreš, nemreš, nemreš... Kiša, riža, Lučelnica, nemreš... Ne jen labut, nek stampedo crne labudov, i još sedem mlade. A još ni gotovo. Veli Mamič, upraf me je straf kaj bu zutra `novina... Kaj, zakaj..? A, kaj Zlatko more napisati, da smo zgubili i da smo se napili. Ne Zlatko, lako mene za Zlatka, nek ovo drugo durilo kaj glumi kak da je z televizije. Kaj bu napisal, jel bum trebal na posel nositi škrniclin na glave i komad štrika oko vrata da me ovi moji ne *... Kak me žifcera of z televizije. Idemo ga potreti. Očemo mu * rastuči kak na ampusu? Idemo ga razmonterati beba-zvečka! A, neda mi se, vruče mi je... Kak ti je vruče? Kaj si betežen? Celi dan pada kiša, ne pametim da sem sunce videl a tebe je vruče? A, blato je... Pa, bumo se sezuli. A, kaj ak negdo opadne..? Paaa, bumo se i slekli. Si točen!? Budu ludi misili da ga idemo * a ne tuč! Dej zamisli zutra jutro da mi stara ide po kruv `dučan da ovo čuje... Je, bome... Ak znaju `dučanu onda več celo selo zna. Do sad su mislili da smo pijanci a sad budu mislili da smo pederi. I to je tebe okej? Gejicokej, kaj. Dojdi sim da te šupim.
To je ta Breška škola, Ojtnanski smer. Ideju Bebe i mam z vrat kulturno pitaju; oprostete, de su tu slačijone? Reko, ova zelena prostorija iza parkerane autov. Najte fulati ženski odelek. Leptiri napadaju kak navinuti a brojna "Velika Buna replika" je prijela gače, stisnula zube i ne pušča da jem zajde. Dobre deset minut su oni nje "odvajali od stroje", a ovi čak i pretili da lovina postan lovec, dok ni nekakva lopta završila iza saobračajca Bebe. Posle se kvalitetno zagajbalo, delale su se analize i preseki utakmice, kovali plani, vadila statistika i pripovedale nogometne lovačke pripovesti.
Malo je Kojzačanov ostalo doma da čuva žene i decu i kuri peč. Si drugi su se nacrtali v Mamičeve autonomije. Precednik je mejnal razne tehnike i objekte žonglerajna, od ambrele prek pive do čika. Od grčko-rimski prek Šamac-Sarajevo do Dan Borca. Navodno je Lukafčan na morenu, mogel bi de vrnuti v teškem disbalasu i neravnoteže kaj more rezulterati neželenmi posledicami. Za prolaz asteroida blizu Majčice Zemlice desetem mesecu. Z pogledom na, još jen, smak sveta. I rađajne nove zvezde na Mlečnem putu. Ali tu je Mata, nakuren, napalen i želen da ga nekomu vrgne. Dva Luke ga mečaju saki z jene strane v poze 96 i nikak se nisu mogli dokončati do bu gore dok ni došel jen od najmlajše, ali ne najmlajši, i najžifčaneše, Šebekof z Šebekove iže i rekel, kaaaajeee!? Poza 46 se igra. Ote domom, il na šank. Da nebu nekomu desanka presudila. Kaaajeee!?
Prco je nadišal kišu i ni se dal na* da dojde f Trsišče. veli, am bu, tak i tak, na televizije. Ali je došel onaj teroga of put nemo imenovali. Napunene baterije, akumulatori 5 zvezdic, friško ujle, nove gume, full (z kožicum i jajci, da se zdigne i kabrio), ni na prodaju. Mam na početku se videlo da to ni ona Legija od letos, nek ona od lani, i da to ni Ono (i DSZ) Novo Brdo. Neimenovani gori v želje, beži na trepavicami, skače na obrvami, prelazi po tri igrače v driblingu, prelazi sebe, dodava sebe, v minute slaže nebrojene dijagonale, vertikale, horizontale i druga gimnastička tela te, na kraju, efektno poentera v stilu Crnoga Labuda. Tu nas je več kvalitetno počela i podlevati * graševina, nektere zvana, druge znutra. Pak su vu te posmično-klizne situvacije nekterem počeli pucati halteri. Onda smo jen čas gledeli fašnik i Santa Barbaru de se ni znalo do koga napada i do koga brani. To se rešilo na iskustvo jel ak to ideš smirivat dobiš sunčana očala, boliju te beli bubregi, negdo ti zbuši se pet gum na avutu, spukne ti aspuh, zabije ga čez šajbu nutre i iti ti volan f šumu.
Da je več dobro biberilo došel je red na Štršane i Obade da se spikaju. Mokrina rižinoga pola bole je sela Obadom kaj su ostali bez još jenoga igrača kaj, osim kaj ide na moreno, ide i v Draškovičevu. Tam ga ionak več si znaju jel se bavi z ekstremnemi sporti, zalevajnem cvetja, okapajnem bažula, lovom na muve, pračenjem lastavic pogledom i stepajnem črešni z kratkem kolcom. Štršani su se pojačali ali jem je teren sel kak saobračajka trudnice, ili tikvajna na roge. Po publike, kvalitete i kvantitete iste, trebal je biti egal ali, broje se stepajna mrežice iza golmana v terem su bili nadmočni Majstori z doline Kravarščice.
Da si bil v Parizu a nisi videl Papu, da si bil v Černobilu a nisi niš zel za domom, da si bil na slapovima a nisi videl Krku, da si bil na Sutjeske a nisi videl bitku, da si došel `Trsišče a nisi zel senf, da si videl kusu a nisi videl meru, da si igral dva poluvremena a cela utakmica rezultacki stane v minutu. Otkat je Joža zabil gol nemre pobeči z ekipe Gruntovčanov a oni iščeju još i još. Dobro kaj je Šan-Ku pak v (uni)forme da su več Dubrovčani dislocerani fizički. Medo vodi bitke z Šakijem, * i Sutjesku i teretanu. Si plivaju kak najbole znaju i glediju da se ne ftopiju. Viče Tuta, najte se pokositi ovo leto, ostavete nekaj i za drugo. A ima i još utakmic.
To su bile borbe. Belinda si je zel dopust, pol je mrtve, pol je rajnene po "Bitke na Križajne" a po onem kaj je ostalo od Glumcov opče se nevidi da do fali. Na druge strane Limuni su svoje kratke rede gusto zbili, mali a nabiti. Na prve strane, dva "Š", znutra, kreeraju politiku Glumcov. Limuni su drugač posložili svoje strateško-taktičke trupe; dva "J", zvana, kreeraju politiku a Bartol i Domi to trebaju samo realizerati. Ono, niš. Posle muške borbe, mladič na mladiča, debeli na suvoga, blatni na čistoga, žuti na plavoga, sedi na sedoga v zajdne minute zajdne sekunde Limuni imaju više sreče, kaj oni rezloutno nečeju priznati nek se baviju glorifikacijum višega ranga. Na primedbu "u svezi glede suvoče i čistoče" Joža veli da se čuva za iduču utakmicu, za trejte poluvreme. Veli, da vidiš da sad počnem napadati na šank i hitati klizeče na kotel. Nogomet je sporedna stvar, ovo je bitno, treba je znati uživati. V sakem poluvremenu. Ne * me vešmašina radi blata i trave na dresu nek da se zamastim na nogometu. Jemput mi je našla v jenem žepu štopline od pive, v drugem kosti od reber a v torbe pajser, čekič, šarafcegar, kombinirke i glavu od odojka. Am znaš kakva je glava od odojka, nemreš ti z golemi rukami najnu, ona pruža otpor. Samo sila tu igra. Veli, na kakov ti to nogomet ideš? Nemrem ja to nje objasniti.
Najte kaj zameriti. Do se po istine pomogel.
