Karamela na bale štraje Godišmi. Vodostaj Kupe je v Kupe. Navek me prebežiju nekakvi osečaji da vidim muže kaj su na kupajne dopelali svoje *lisce. To je tak muževno, u * te *... Brajko se ni mogel zdočkati da smoči čreva pak je moral stati 100 metri prije cila v postaje "Poni Express". Na putu od Opatije negdo je pogubil pene, bu videl da bu doma trebal cepati drva. Bu je mogel jedino na punice. Cepati. Nemali broj lubitelov kaplice i zalubenikov v šank je ostalo okamenjenoga lica da su videli masakr cen na šankiju. Druga neprilika kaj je je posekla v kolene je normativ; čaše male kak za vađenje krvi il analizu *. Kru` te *, kakovo je to nesporcko ponašajne!? Točka na "č" je temperatura; ove pive pri Kupe su još kak-tak ali ove pri igrališču su "sobna temperatura". Dobro kaj nisu "broj cipele"... Malo čelavo na parkerališču i v publike ali več smo se nafčili na to. Bar imaš de sesti. Ali! Ova plemenita sporcka događanja, z značajnum dozum alkoholizma, i Bregbooka v naravi, svojum nazočnošču, bitkom i potrošnjum uveličal je g. Zlatko Bogdan, z poznate familije Bogdan. Za mejne vupučene, najvekši boem zmed Kupe i Save i Zagreba i Siska. I širše, i dalše. Najvekši navijač NK Dinama ze Zagreba, skoro vođa navijačov, lubitel nogometajna, noge i lopte. Bil je dosta suzdražan v motrenju utakmic, komentari na suđenje, odnosi prema ekipami, publike... dok... Se nisu k njemu do* oni vragi, neobrcki zeti i sneje, i spuntali ga, napucili i sprovocerali, o plačajnu pijače da opče ne povedam, da se čovek jenostalno sasma okrenul i spluderal kak vulkanizeri Vezuv i Etna. Jena je sneja onda pobegla pišat pod živicu 4 i pol kilometre dalko a drugi je zet šmugnul na drugu stran v Kupu i odonud gledel kumplikaciju situvacije. A ti isti zeti i sneje su se tak ... da jem je plodivo na oči išlo van i vleklo se za njemi. Na Novem jem Brdu sigurno ne tak, a odovut, z ovoga raja, su (pre)rano otišli. Tam je totalna kontrola i Bik Brader, si su radari vužgani a S-500 lovi i najtrezneje. Iako se spominaju kojekakvi odojki, pečenci, rogonje (!?) i tomu spodobne navlakuše - ak bu kotlovina, to je plafon. Se nekakve bratoubilačke kamilica utakmice a suci relakserani kak Mujo da je radi proleva trošil normabele; Doktore i dalje serem ko grlica ali se zato ništa ne žifciram. Više ni brati nisu kaj su negda bili. Veli, ne bracki nek po pol. Počele su padati žele, dej piši ovak, dej piši onak, dej piši ovo, dej piši ono... Kak na Radijo Kutine prije rata, da su počeli igrati po želami četrtek na večer a stali pondelek v jutro. Dejte se prijavete na forum pak driščete kak i ja.
Najgore kaj se Števe moglo dogoditi je da mu Leptiri zlete na Banderasa. Nemaš koga deti, nemaš koga zeti. Veli, Draš, oblači se, na te je red. Veli Draš da bole da mu se Čača slači, on je ionak sporcki tip, nek on. On je više, ovak, stara raz* oj*ina i ispičutura. Ali ni Čače ni lako, nit zna obleči majcu nit svezati cipele, pak niš bez Draža. Veli Števa, jedva smo se skupili, sad da nas ovi Glumci razmonteraju... A Glumci ne dolaze, spala kniga na jeno slovo, da nemaju kakvu neplaneranu svadbu... Shotgun weding i tak to, da se ženiš a da opče neznaš, odnosno zajdni zezvedeš, v dvanajst i pet. Od popa. Prešlo skoro pol vure, smeje se 5:0 velike kak hiža, štala, parma, štagel, komara i kuvarna skup. Kad, eto ti glumcov, uletavaju kak specijalci `91. v Pakrac. Il na Plitvice. Števe opal bubrežni kamenčič ze srca na noge, skoro mu noge potrgal. Ende, frende. Ali, ak je Kravarska v K-4 sastavu nit Buna ni v B-1 sastavu, više nekakvi B-3. Da su to videle mlade snage leptirov, Števa i Joža, mam jem je vruča krvca vudrila v glavice i veliju oni, koga se mi isto bojimo. Pogotovo posle prvoga gola.
Poštar je zaglavil na Lomice v talačke krize. Teroristi bi ga oslobodili ali milicija neče niti čuti. Veliju, nek jem ostane, samo nek bu nutre, dok ne dojdeju specijalci, da to, obadvoje, rešiju. Alen je... Ni. A to je pak Damiru bil problem kulko i kvrga na žile, krema elite je tu. Vekši je problem ispal kaj Števe nisu dobro zarajtali očala pak su mu stalno curela. Dobro, bar je guma na gača zbavila. Kaj bi tek bilo da su mu stalno gače curele..? Joe of put ni imal problema z kaderom, tu imaš se fele igračov, navijačice v semi klasami. Malo je vekši problem igra z golmanom; ja sem si navek mislil, dobro ja sem star i bedast, da je cil te igre da se napravi višek igračov i onda lako zabije a ne posle dva dodire poslati loptu v živicu i za par sekundi dobiti gol prek celoga igrališča v prazen gol. Dobro, i to spada v "lako zabije". I od golmana delati najbolega strelca utakmice.
Franca ni, ali tu je Želko Isusovački, kaj okolo nosi pive fletneše nek AliBaba, Amazon, EBay i SitniExpress. Samo neznam de je zima jel imaju nekakov feler - prekratko trajaju. Veli, Badel pobeđiva sigurno, tu ni greške, da ja dojdem, gledim i navijam, smotali smo pobedu kak žižu. Of perilek Pevec navaliva na suce bez veze a ja navalivam na igrače. Ak su dobri dobiju z merlinom a ak nisu ne dobiju z merlinom. Nema za*cije, to su ozbilne stvari. Na druge je strane Damir, podržan od anonimne navijačov, zvlekel presek utakmice, napada i statistike z kratkoga rukava; boli ste iako ste zgubili se duele, ne čuvate igrače, stojite kak kolci v bažulu, letite kak muve bez glave... Koki!? Kakov ti je to dres!? Am ne igraš ti za Gorne Podotočje!? Kaj si ti daltonista? Elita Badelov se samoorganizerala i napadala kak vrag svoju mater ali prebiti Tonu i Fičeka ni pod razno. Gjalsky je bil malo dekoncentreran, kak da ni došel zdoma a ak je i došel zdoma bil je v (pre/dugo) pevnice, kaj je bilo dost da Balerine pak rešiju utakmicu v zajdne minute z auta na iznenađejne čak i sucov kaj su ostali na krive, trejte, noge. Veli Damir, Badel igra brzi moderni nogomet. Reko, je, kak Barcelona,
Tika Taka Tika Fak.
Pejak veli da su od pol četere (!?) vjutro tovarili ladnaču z pivami i jedva su stigli na utakmicu. Ajd da probamo i te mrzle... Do sad smo samo čuli bajke da negde iza sedem bregov, prek sedem jarkov, iza sedem sel, negde, postoje mrzle pive. Gruntovčani su bili dosta brojni, iako načeti z nožnem servisom, tak da su priliku dobili si z licencum. Nekteri su imali i nosače dresa, da se ne vmoriju preveč prije utakmice. Nosač pive jem ni trebal, priheftali su se na flašu po zakonu o spojenemi posudami i ne puščaju, kak pitbull. Posle su se prevrnuli med prazne čahure i posvetili glibokoumnemi spominki. Kak se negde slavi doček Pol nove godine tak se drugde slavi Pol stoleča na grbe. Boli v fliperu pred golom su se pokazali "trpači". Dupliči se, navodno, vračaju za šes` tjednov... "Trpači" su osim ladnače "strpali" još jenu gajbu na korneru a da su tu rešili otišli su po još jenu. Rasa se nesme zatreti... Veli, dej napiši da je žlabrava, da stalno pripoveda, da stalno nekaj komentera... Neču. Napisati.
Zutra se pak očekiva nestašica kobasov prije tre vur, plinska boca bu prazna, 669 put se bu išlo na Goricu "po žlicu masti", nigdo ne mogel najti kruv iako je dopelan, nož bu nestal iako je vjutro bil tu, frižideri budu greli pijaču mesto da ju ladiju... I se ono radi česa je žitje v Strezojevu interesantno.
Z obzirom na obzir, stanje duha z boce, ravnotežu čakre i poprčinu meseca moremo reči da je Ruševec bil v službenem R-2 sastavu. Nastavno na prvo, situaciju na polu, društveno-politiki moment, tenzije kretanja vanjsko-političke faktorov, indeksov najrizičnije dionic, lažne vesti o stajnu turske valute pristiglu ekipu Ojtne bi mogli bez grižne savesti i korozije duha nazvati O-1. Malo je nepoverlivo deluval golman kaj je tek debiteral v dresu Bebe ali tok utakmice nas je sasma razuveril da smo v pravu. Gledeč desni retrovizor. Došel je i šef, v.d., ekipe, v poluradnem poluodelu. I mam po i najmejne nepravilnosti bi vadil van igrače, da ni malo deficit z onemi kaj bi trebali zajti nutre. Utakmica se čas trga prek jenoga kolena čas prek drugoga, akcije fijučeju kak prazne pivske flaše na vetru, valovi napadov čas zapluskivaju jen gol čas drugi, čas jeni dižeju haubu i glediju šipku kulko ima vujla čas drugi. Navijači i nijove bole polovice istoga spola ne dišeju, osim prek boce z kisikom, ne puščaju ni glasa, samo zevaju kak ribiči na suvo. Navijačice glediju mobilno tele, jel je do lajkal i do ima novu kujnu i komu se svinul novet od pijače i do ima trn na stanovitem mestu, prate utakmicu ober očale bez diganja glave. Onda je socijalističke mreže potresla epohalna vest da su Bebe napiknule prve bode.
Veli Beli, šupil me je, Brajko! Do!? I ti mene * za to? Mene je na utakmice potrgal dve rebre a ti mene * kaj te malo šupil!? Kruz mam formera krizni štab za pregovore z suci da nebi bilo pak vritnakov i zletavanja na luftanje v minutne valute. Joe nastoji stati na loptu a lopta kak da si ju zvadil z prečistača `Markuševcu; pusti suce, suci su tu da sude. Onda je Janca razmonteral maloga Brajkoviča na putu za korner, veli, mali me je porinul. Mali ima dvajs`pet kil z krevetom, jedino ak ima jake kosti. Tata Želko se mam okrenul, hitil pol pive pod banderu i otišel v kadeta karavana po svoje stare rolcange 2", da mu malo kvalitetno potrga noge. Kruz mam pegla situvaciju, da nebi peglanje poprijelo epske razmere. Marko fula nefulljivo, Crni z driblingi po igrališču čas dela perecline čas osmice ali navek se vrača na početnu točku, Limuni su se zaprli kak da ide vuk. Z druge strane ideju kombinacije terem pred golom baš saki put fali točka na "č". Joe vane štrika z nogami, čas se z levum češe iza desnoga vuva, čas se z desnum oduba oko levoga vuva. Joža još ni rekel niti reči ali oni kaj ga poznaju več vidiju da mu se "lava" preleva kak kipuče mleko. Onda je Tuta prehitil v "sedmu", ovo ni igra z golmanom, ovo je napad golmana na golmana. Onda se javil Kruz, stani malo, kaj se ovo more, kaj se ovo sme, dej mu dve minute, stiraj ga van. Joža Sečen prepušča priliku da reši utakmicu. Gledi Mali i križa se; Mili Bogek, kam sem pošel, kam sem zašel...
Veli Damir, vi (Obadi), da ste v prvem sastavu, vam nigdo niš nemre i si vas se bojiju. Jel od strava, il od pritiska Obadov, il radi nepoznatoga terena Štršani nemreju zestaviti tri dodavanja. Pek na golu muči i guče kulko more. Okolo si kibici Štršanov samo natežeju pive, nigdo nebi pomogel ni kulko je od bureka sirom do bureka z mesom. Da su jem se krvi napili Obadi z prvoga ešalona onda su pustili ove druge da se malo omrse. I šarmeraju navijačice.
Manager je, kak i saki put, da je došel obišel su poznatu i nepoznatu žensku čeljad i to ogledal i sprepipal radi... več on zna. Buduči da je ovo glavni teren Opatije, osim one živice, kaj ni ni za pod "r", očekival se otpor do zajdnega metka i zajdne kapi pive. Ali, čak su i navijačice našnjofale kam ide taj brod pak su vreme utakmice skoristile da malo spredrmaju garderobu pred muzikum ili prešečeju cipele od točke "A" do točke "B". Utakmica je bila dosta ovak čuden antropološki događaj kaj mi je preširil vidike dalko iza (belo)horizonta. Da se čovek drži za jajca kak mu je najleže pomoči? Da ga kvalitetno rastegneš, ne. Valda mu se tak "zvončiči" vračaju v prvobitni položaj... Navijači Tigričev su nekak otrpeli i napade Legije ali ono kaj je je "patoseralo" su bili napadi "sneje i zetov". To je bilo ne "tepih bombardiranje" nek "tepih pod*". Onda se do* i Čamaza - gorje nek v Grčke, i ogen i poplava. Legija je prezenterala publike svoje uigrane geometrijske napade; "W", E", "R", "T", "Z", "P", "Đ", "A", "D", "F", "G", "H", "J", "K", "Y", "X", "B", "N", "M"...
Najte kaj zameriti. Do se još od istine pomogel?
Kurotresina Rade
I još za kraj ostaja jeno pitajne a to su dva pitajna...
Kninđe ili
glinđe? Ili i
kninđe i
glinđe..?
