Prokleta pijača...
Ludi, nete veruvali! Petrac je Remetincu! Pak ni sudil, nema kaj drugo biti - negdo ga je prijavil za utakmicu Novo Brdo - Šilakovina. I ode... Da ni štel suditi kak treba sad budu nemu sudili. Manekeni su pobelili Kozju dragu z novem SMART-CNC-GPS krečopolagačem, darom gradonačelnika. Se je ravno i čoškasto kak picino oko. Brežani se još nisu kontaminerali na novu sudačku duo peglu; nikak jem ni jasno da ni faul da oni veliju da je faul nek da suci dosude, il ne dosude. V poznu popoldnevku, da su več se serije na tevelizije prešle, one de se nekavi bokci po velikemi hižami sprešetavaju, se na istu šprancu delane, ali po sprobanem receptu, v Kozju dragu su se zjatile se selske polovnače a onda je atmosfera spluderala kak bomba alkaiđanka. Saka sudačka odluka je pot stetoskom, saki se potes analizera z teleskopom, si su sateliti podežgani, Pemtagon je na noga, OZNA se pozna a KOS nadgleda. Nemre MIG zvučni zit prebiti a da one nebi znale. Kak se ono veli da tri babe moreju nenapravleno dete napraviti, otraniti, školu poslati, zeškolati, vojsku poslati, oženiti i pokopati. To ni serija. Zakaj su Jezuša posetili tri krali i dare mu donesli a ne tri kralice..? Mislete! Došlo je i fajn lokalne sneje v podrapane lača, te bi hude cucke konačno treba povezati da ne napadaju decu. D69, Kojzača - Novo Brdo, je kvalitetno našudrana, tak da ti se zasipavaju koleđice da ideš f Kozju dragu. Veliju da ju budu i asfalterali tak da se mali fergusoni nedu droncali po jama. Bome, došli su i Organi pregledati vozne karte, da nebi bilo da se negdo šverca. I pogledati lokalnu ponudu ženske čeljadi z osvrtom na šankerice. Na tribine se v nekteru dobu, ali prerano za utakmicu teru je trebal odigrati protiv sudbine, pojavil i Majkl Đeksn, z škrlakom, bez majce, mam vidiš da je švasal bez maske, a pil je samo kavu, prek pet pivi. Dale ne pameti.
V zajdne ot čera a 0-prve od denes Markovi Ševci visoko potšprajcani od svoje brojne krvoslednikov okuplene saki oko svoje pive trebali su rešiti pitajne zvano Švabi a z istum nakanum su se zjatili ponos i dika sela Opatija Gorna. Malo čudna utakmica kaj ni još polučila adaptaciju na nova sudačka pravila de se više gledi na verbalni delikt, po pitajnu gospođe majke, nek na faule. Fauli su va bank. Se je to gledela župnikova mati i zmigavala z glavum... Navijajne makuševečke krvoslednikov su ometali Đajič, Buco i druga ekipa z Mišjega sela kaj su navalili na neobrcke sneje na temu "Kak je to bilo `43 da su ustaši premetali celo kojzačko selo", jel su imali dojavu da je selo puno pušek, jedino cirkvu nisu dirali. Puške, ni metka, nisu našli a puške su bile, znate več, de. Posle se v razguziju, da ne velim diskusiju, vmešala visoka izaslanička nakupina z KaGe z svojum teorijum o križare i Lovre i ne tak baš dalke `47. Đajič je bil dodatno motiveran i osokolen, da ne velim drčen, da je videl da "pokojnega" ni na igrališču. Moj Žac Houdek je počel po selu krstiti decu kak da je Papa, tak da je uspel i zakesniti na najvažneju utakmicu kola. Negvoga muškoga roditela, priznatoga i poznatoga v selu pod špicnametom Lupino, su spakerali na turneju po Grčke. Mislili su nekam bliže poslati, Srbiju, da tanca z bivšemi košarkašicami od 2.20m, Makedoniju, da nateže mastiku, de ni izbeglic i p*ij ali bi se do Sv. Jane uspel sam vrnuti. Ovak su bar sigurni da ne delal šou z suci da budu imali domačinstvo. Ali... Kulko ja nega poznam...
Bojsi i Leptiri su trgali utakmicu do jenoga kritičnoga faula posle teroga su Bojsi leteli kak zalejani z ureum a Leptiriči kak pošpricani z radazinom. Bojsi se visokem izaslanstvu glavnoga štaba Leptiričef nisu činili prejako ozbilna pretna dočem su sve najjjjjjjjakše snage odlučili pričuvati za okršaje z Kristuši i Tigriči. Kaj se dotikavle Kristušof i oni su spomenuti na utakmice v kontekstu nijove jene od najvekše bivše zvezde; nemoj pimplati, ni ti ovo Strezujevo.
Strezujevo je pružilo značajni otpor Bušine šumske mašinerije, do momenta dok jena od nijove naaaaaajvekše zvezde sadašnice, tudej, ni dobila trzajnu ozledu glaviča. Obrana je obranila loptu a of se nekam k vragu išel trzat v curik i onda je, od se ravne površine na čoškaste stative, pogodil z piksum baš f čošek. Lepo se čulo, nema kaj, * Hollywood. I videlo. Lepo ga je pomeknul. I, onda, kajčeju, kudčeju, nedela je, dučani više ne delaju, hitna je pak na Gorice, a i oni nikoga nikam ne voziju, pogotovo ne nedelu, nemreju ga ostaviti da tu negde pod živicum parne,.. Na Pokosko, negdo se zmislil, na veterinarsku, tam ga budu ogledali. Kak su posle povedali; lokalna mu je šnajderica z singericum priheftala žlundricu, živinar omotal pet metri forbanta oko glave, bilo bi dost i dva ali nisu mogli škarji najti, vuva su mu zvadili van, da nekaj čuje i za ladetinu, a za trzajnu ozledu vrata je dobil gips, od pasa do vuv. Deli bi mu, inače, onaj serijski kraglin ali baš ga nisu imali na lageru a majstori su čera ostavili punu faktoricu gipsa zamešanoga. Jeno z drugem z trejtem, kaj češ, lančana reakcija... Da se vrnul gore na tribinu zgledal je kak beloglavi sup.
Dok je još Šika trenerala, nagajnala loptu bezveze oko gola iliti biflala kožicu, Mrki je još doma krmel. Da su razglasili po selu da je Šika sretno apsolverala problem zvan Strezujevo onda je i Lakomi Jura dobil slobono odoma. I fešta je mogla početi. Buša se mam otpravil po nekaj za pot zup hititi.
Dolna Opatija bez svoje najvekše zvezde sadašnice, najvekšega igračkoga kadra v zagrebačkomu nogolptačkomu bazenu, najvekšega golmana odkad OFK Kupa postoji ali z naaaaajvekšum zvezdum sela odkad je sveta i veka, se sekak borila z Novem Brdom. Miši pak potrgani znutra i zvana fale Svevišnega kaj su z mejne Bune uspeli dopelati kakvo-takvo pojačajne. Padaju saveti zvana i znutra, ekipa je na rubu pucanja ali su nekak uspeli dregnuti jenoga više.
V vatrenomu okršaju dve Ruševcov gorje je prešel, normalno, Dolni. Iako je zvezda puščena z lanca učinek je bil više nek začuđujuče minimalen. Ovo Kuzmičevo pleme, čast izuzetkom kaj uživaju Izbornikovo poverenje i nose ime Obadov, je nezaustavlivo. Kak da bi čovek, dobro, ne baš čovek, stal pret stampedo krav v američkem filmu z `63; od nega ostanu samo cipele pol metra zabite ` zemlu. Il kak da bi ` Bobovcu na izložbe kojn (z gmajna) počel pucati z bičem; stampedo zagaranteran. Šinovi su uspeli puknuti jen počasni, i juriš na pive. I sneje. Da nismo zabadof došli, ne...
Dok su jedne od najvekše zvezde, ak ne i najvekše, samo jenoga Vr`a, v odnosu na druge vr`e, brege i brda, potrošile dva tjedne na nabavu kvalitetne "da sem na tvem mestu to nigdar nebi del na glavu" kape ` `Talije, na Ponte Rosu, štumfe "sram bi me bilo to nositi i bole da mi noge otpadnu" z Niskozemske i, konačno nekaj normalno, v Bosne na Čevburek čaršije za zajdne gume za IMT 533 de luxe, druge su zvezde, z suprotnoga tabora, mislile o taktike kak o najvišem i najvekšem dostignuču f planeranju. Veliju, jel moreš snimati prvo poluvreme, jel se drugem obično raspadnemo kak * na kiše tak da napravimo posle analizu. Iskustvenum metodum je utvrđeno da su, obično, druga poluvremena bola od prve. Ali, ak ludi vole... Ono, posfestum posthumno analiza vam bu... bajna jel ste se of put raspali prije prvoga poluvremena. V drugem su se pak... kontra od raspali. Ali prešla je baba z kolači. Legija je imala problemov znutra, pa zvana, pa z suci, onda se napadačka grupa "Pavel" našla v neobranem grozdju jel je pošla "svetlemi stopami" Anđe kaj je prije igral za Kojzaču (pak 2 minute). Onda su se si med sobum posvadili, pa suci... A, vrvska posla...
Gruntovčani su utakmice prišli studijozno i total modernizerali momčad. Tu je novi golman, nova obrana, bil bi i novi napad da Boško ni išel po dres a otišel po kalač. Gusari su još navek na morju, puno je betežnikov, nekteri su se vmorili posle dva dane ribičije, milijon problemof ali... Glumci su čera čuli do denes, ni ni nem sejeno, ali... Imaju dugu klup i navek ima one kaj se omuzneju takvem rasporedu. Mam je bilo jasno da je utakmica počela kak bu tekla i kak bu završila. Gruntovčanom ni pomoglo ni carinjenje lopte ni opčekompletno upiranje na napadačkomu planu. Od se šok-terapije ostala je samo terapija v žute ambalaže. Nisu ibrufeni.
Bebe su se za dobe nacrtale na zbornem mestu orne da pozitivnop rešiju pitajne se pitajni v dolnem domu tablice. Nekteri su došli z novemi prikolicami, nekteri staremi, a veliju da je se nesme slikati z privremenemi prikolica iako se več licitera z cenum od 100 čupave hrvacke penes za sliku tera ovekovečuje spomenutu/e, bu to još i naraslo kak se mene čini, a nekteri su bili bes prikolic. Buduči da muzika ni bila "žile režem, krv lije, čaše terem, kloplem z glavum v zid, hičem vrata čez obluke, iža gori, muzika trešči, punica nori, deca se plačeju a žena luda, puši i maže nofte na noga" poznati par ni došel na svoje. Kak su klučni igrači zostali, most za važneše utakmice, Limunžutaoluja je skoro lafko smotala Bebe v žep. Mariju se strgal * pak je počel z loptum iskati kuruzu a adaptacija na nova pravila ni polučila z pozitivnem rezultatom.
Jemput dojde jangel čuvar da te spasi, nemre dojti saki dan, ima on i drugoga posla, a i ni saki den petek. Mamič je od sve Švabov napravil ubojitu postrojbu kaj reševa favorite kak negda. Samo je je negda rešavala po par komadi na leto a sad to rešava na dnevne baze. Mamič je najprije došel v črne majce, valda je doma pak povlekel ulje, onda da su ga pitali kaj je došel na sprevod se išel domom premanduriti. Drugi put je došel v jene verzije mornarske majce, kakvu nosi Horvatinčič, samo ni mogel najti kape kapetana duge plovidbe. Veli da zna da ju negde ima i da ju je videl negda ` pevnice ali baš sat nezna de. Jel pot brentum il pot lakomicum, il spot kakvoga drugoga škafa... Da je greštval bila je tam a odonda se puno pojelo i popilo, i pucalo z pištola z svinutum cevlum. Jako neurozna utakmica teru su Švabi sretno rešili v svoju korist, a došle su i stare zvezde. Grgu je s* ona kava kaj ju je jutro popil inače... Tata Želko je pet minut prije kraja iskal da se otfučka kraj a da se kraj i stvarno otfučkal klak mu je skočil na 280. Bez rate.
I, konačno ona kaj je najprije trebala biti druga, pa je bila trejte a na kraju ispala zajdna. Kojzača ponori! Sa sila kojzačke snej, polovnače, lubitelov (dobre) kaplice i se druge fel vekše i mejne selanov, bez, inače, standardne bosancof, se zjatila Kozju dragu i posela vip mesta kak škajnci na smogoru. Z beloglavem supom, kaj ni, za sat, z Kojzače, ali sveti na tribine kak pol litre rakije v dvaput farbanem tunelu. Kak se ot početka činilo, boli Štršani su poveli a onda kak da su jem se noge odsekle kak da su bili pod dojmom pune tribin kaj zavijaju proti nje i nikak nikam više. A Manekeni se dižeju i ravnaju. Pefci nore, Kojzača nori, Kozja draga gori, Jole se stisnul kak pri punice zapečku. A onda su se več počele ritopike igrati. Kojzačani cure kak posle saobračajke z totalnum štetum ali ta kojzačka sveta muška vodica... Čem je malo poškropiš žnum oni skačeju kak zajci, kak da niš ni bilo; deveto svecko čudo. A, onda se več v mrklem mraku odnekut čula fučkula, utakmica je gotova. Štršani neznaju kaj bi rekli, Manekeni neznaju jel bi se veselili kaj nisu zgubili i kaj imaju prvi bod il bi se plakali kaj nisu pobedili. Mamič toči do got dojde...
Najte kaj zameriti. Do se od istine pomogel.
I najte mi suce vleči za rukav i gutiti da ste nekakovu ruku videli na ru-bi-tu jel onda oni vlečeju mene a ja bum po Murphyjevomu zakonu, zakonu mejnega otpora i lančane reakcije moral natezati nekoga trejtega...
Si ju lejter.
