Nogomada & Odiseja Je to za* da ne glediš prognozu, iako oni pojma nemaju o vremenu ali jem se zna trefiti, kak dekle dete, a dojdeš na Nogomadu kak k punice. Posle ogna v prvem i drugem kolu, i po 2:2 v zajdne utakmica i na Ruševcu je bilo za očekivati isti rezultat, fajn pare, neurozu, razbeleni asfalt f kombinacije z breškem temperamentom, da ne velim karakterom ("Praud to bi Brežan"). Selu su dali napraviti još jenu kapelu, križno drevo il tak nekaj i dva su mesece selske babe molile za kišu i baš na taj dan su nijove molitve uslišane. Sako dobro za nekakvo zlo i sako zlo za nekakvo dobro. Povedal je Darek, buš videl, Vlado, za dve vure je ona tu, tak su na prognoze povedali. Je, i coprnice budu na metla norele ober igrališča... Neznam jel se samo mene činilo ili smo gledeli za klasu il dve slabeši nogomet nek na nefrkane trave Nou Campa. Ah, travarica... Ima svoju moč. Jel kriv razbeleni asfalt Čučinoga oka, kiša, tuča, veter, razmoćeni asfalt na Čučinem oku ili su si ostavili moč na travice doma neobrckoga i Nikšičke pive.
Tomekova Legija je došla z haškem pritvorenikom v navalnem redu na opče nezanimajne. Ilovača 1 je ostavila kuma Zeku doma v šume z matorkum na pleče ali je on poslal svega izaslanika v imenu, liku i delu Tajsona ali se nemu putem nekaj skros pomotalo v glave dok se vozil z Vincum v krvavem golfu III kaj mu z gorne strane aspuha na saku pomisel na stiskajne gasa ide črni dim kak z asfaltne baze, na srednem talu kapa vujle a z dolnega dela se omikava kolomaz. Tak je našemu Tajsonu došlo v glavu da bi on letos, malo, kakti, navijal za Cerovski, ono. Ga ja bum pital osmem mesecu na čijem bu šanku delal a i z tere strane, jel A, il Be. Veli, su me kupili. Najprije su kupovali igrače, onda su bile v mode šopingholističarov utakmice a sad je Liga spala nato da se kupuju zavijači. I to još Tajson. Još bu negdo kupil i Pilara... Kak to ide? Po kile il vuprek? Ovo se ide v MP3 moralne. Još je samo ostalo da Ilovača 1 prekupi Tajsona ot Ilovače 2 il se ovi z mesne zajednice nedu imali na koga drti za Veliku mešu kaj je otprl vodu v Domu. Il dal Raščanom mužar z spermišča... Nutre su bili ovak redom od vrat; kauč, pen z zabitum hrđavum sekirum i mužar a sad mužara ni. Raščani su ga odnesli vuz pomoč 5. kolone. Mužar, javi se. Veliju da je Ilovača 2 pustila Ilovače 1. Bum ja se zezvedel samo da nekoga zadebam v 2-3-4 oke, iako veliju, muči, dok se ovo durilo ne vugnulo, se snima kak diktafon.
Nabrušena Kupa 2 ni uspela spaliti ni počasni metek, ma, nit v kuruzu, protiv suverene Bojsov kaj su na golu imali vrsnoga golmana z Krpine hiže. I to glavu familije. Pota jenostalno ni imal svoj dan, na oduševlenje ostatka ekipe kaj je gusto * rižu. Ak je ta riža tak moderna bi i ja probal... Posle 2:0 manager Miro je povlekel elitne postrojbe, osim Schutz staffel, i hitil v ogen mlade svrži. A, ovoga Šekija bi trebalo zakonom zabraniti; taj nebi pukel po golu ni da mu platiš. Kak je to Deda Rus rekel još dok je Joža Šimič igral v Dinamu, odnega se odbija kak od štagla. Niti Staklar z kontra ekipe ni imal vole za ponoviti hat trick. Oni sejnaju Črnoga... I Odojka... I 5 gajbi pive...
Da utakmica počme z autogolom il dva mam znaš da bu prava utakmica. Reč je o of čas najgledanije utakmice kola na ru-bi-tu. Brankičevi Gospari su več tradicijonalno vodili glavnu reč (dečki, pitaju se ludi da idete na godišni, da jem se leže diše
). I jeni i drugi na poludomačem terenu, tu su negde po sem, kak dupliči. Idemo na boks; zna se trefiti da su borbe v pero lake kategorije puno bole nek one v superteške kategorije. To je pripovest o ove utakmice. I ove posle nje...
Štršani su žrtve rasporeda. A ak Bebe ovak nastave nemilosrdno gaziti čez Ligu bu mnoga majka sinku zabadof prala i peglala dres a on ne bodov domom nosil. Bebe su se of put malo pojačale, ak se to more zvati pojačajnem, za Boga miloga, z maaaalo starešemi Bebami, iak oni dobro gaze pol vure i bez zamene (kak negda Novo Brdo, Štefanki,.. ). Došel je i legendarni Ilija v funkcije managera. Ak se kaj ne skurva moglo bi još do kraja Lige biti "Beba-zvečka".
Da ni bilo ove druge Pilarov, pozitivno, Ludi Mata bi sam razmonteral Šinove na domačem terenu. Ovi imaju sreče kaj su mu ovi drugi smetali inače... Inače je za čuti 155 selektorov ali Pilari su jem ga tak mrsko zatirali da jem je zabeglo. A, mam po utakmice se nebo otprlo, kak je i Brajko nacopral. Nema kaj ne curi i ne tuče, samo tičjega mleka fali.
Po tak kur*evitomu vremenu Švabi su uspeli zeti meru Badel BAP Manekenom. Joža je došel snejum na utakmicu ali se ni štel mešati v igru nek se samo fural na romantiku; malo je falelo da si ne zatancaju na kiše, bez kišobrana. Tuča je druga pripovest. Tata Pevec se svem kompanjonom stisnul spod maloga rozoga kišobrančiča, malo vekšega nek kaj se meče v one bapske pijače od tere dobiš dristu, a Šebo se delal kak da kiša pada na televizije a ne pojnem čvrsto spojen na gajbu na tere je sedel na svem vip mestu v vip lože. Dok ga ni počelo tuči a onda se probal skriti iza bandere ali ni ovo paintball. Oni kaj su za dobe nasmukali kišu otišli su prije dok su se drugi skrivali pod suncobrani (o, kak to gordo zvuči) il z opčinari pod krovom pred dučanom i koristili prekide da se od* odovut.
Iduče autoseksualno iskustvo su preživlevali Ševci i Balerine čije je majstorije došel gledet čak i Joža. On i Mrki su se posle provere kvadrature uzemlenja i gromobrana zalepili z kišobrani za banderasa. Brojna kaznena ekspedicija z Markuševca je zaposela liniju od kote 606 do Lugarovoga zdenca bodreč svoje pulene v dresi kaj su dvaput ofarbani z bojum za tunele. Il su dvaput plačeni. Dresi su dresi al dvaput je dvaput. Dobra je farba, da se po kiše igrati, v tunelu. Posle pol vure za* po kiše jedva su se dokončali do bu pobedil.
"Nekad si bolje piva", citat z filma "Maršal". Negda je i ovo bil derbi, i sad je ali to više ni to. Nek bu Poštar krif; ak se des nose naranđa dresi onda to ni boja tikvice, vugorkov, bora, Pino Silvestre il zastave Saudijske Arabije. Il dres Olimpije z Ljubljane. Kak je Mišem pol ekipe suspenderano čudo je kaj su uspeli skupiti i dve (2) rezerve. Za razliku od Mišev Glumci su došli z dve ekipe, kak po mladu, i vuz nove drese još su samo faleli baloni i muzika za kompletni ugođaj. Utakmica je rešena, takoreči, na početku a se je drugo posle bilo nagajnajne po velikemi i malemi mlakami.
Zajdna utakmica je odigrana skoro v nočnemi uveti i taman prije nek kaj je završila lampe su se vužgale. Pak nerešena a zajdna. Bar ni bilo; fajeeer! Kiša je rastirala i muziku i bunđije i oladila ove kaj su ostali. Leptiri nisu zgubili, Obadi i dale imaju i igraju svoju igru, si sretni. I Maminjo. Veli da mu je rezerva na bačve tek da povleče ulje - onda se otpira druga bačva. A to je onda svetek; odojek, janko, muzika, ludi kak mejne svadbe i biškup vinski. Bakus je amater za ovoga... A bil je bog.
